សុខភាព
អ្នកចូលចិត្តញ៉ាំផ្អែមៗរាល់ថ្ងៃ មកមើលវិធីកាត់បន្ថយរបបអាហារដែលមានជាតិស្ករច្រើន
គ្រប់គ្នាបានដឹងហើយថា ជាតិស្ករច្រើនក្នុងអាហារគឺមិនល្អចំពោះសុខភាពឡើយ។ ទោះបីជាមានផលប៉ះពាល់អាក្រក់ក៏ដោយ តែនៅមានមនុស្សមួយចំនួនមានទម្លាប់ចូលចិត្តជាតិផ្អែមដដែល។
នេះជាវិធី ៥ យ៉ាងដែលយើងអាចធ្វើការផ្លាស់ប្ដូរជាតិស្ករតិចជាងមុន ក្នុងរបបអាហារសព្វថ្ងៃនេះ៖
១ កាត់បន្ថយស្ករក្នុងកាហ្វេឬតែពេលព្រឹក
បើអ្នកជាមនុស្សម្នាក់ក្នុងចំណោមមនុស្សជាច្រើនដែលចូលចិត្តបន្ថែមជាតិស្ករ ចូលក្នុងតែឬកាហ្វេ សូមចាប់ផ្ដើមបន្ថែមតែពាក់កណ្ដាលនៃបរិមាណដែលអ្នកប្រើជាធម្មតា។ ធ្វើដូចនេះអ្នកនឹងទទួលបានការផ្លាស់ប្ដូររសជាតិបន្តិចម្តងៗ ដោយមិនដឹងខ្លួន។ ហើយវាជាមធ្យោបាយងាយស្រួលក្នុងការកាត់បន្ថយស្ករ ។
២ ដឹងពីអាហារទទួលទានសព្វថ្ងៃនេះ
យើងអាចភ្ញាក់ផ្អើលនៅពេលដឹងថា តើស្ករប៉ុន្មាននៅក្នុងទឹកដោះគោជូរ ឬនំបុ័ងស្រូវសាលី ឬអាហារផ្សេងទៀតដែលផ្ទុកជាតិស្ករ។ នេះជារឿងសំខាន់ណាស់ដែលយើងត្រូវដឹងអំពីវា មុនពេលសម្រេចចិត្តទិញទំនិញណាមួយ។
៣ ផ្លាស់ប្តូរចំណង់ចំណូលចិត្ត
បើអ្នកជាមនុស្សចូលចិត្តទទួលទានបង្អែម ដូចជានំផ្អែមៗ ការ៉េម យ៉ាអ៊ួរ ឬនំខេកជាដើម សូមព្យាយាមបង្កើតវិធីព្យាបាលដោយខ្លួនឯង ដោយការផ្លាស់ប្ដូរចំណង់ចំណូលចិត្ត។ វាត្រូវការពេលវេលាច្រើន ប៉ុន្តែការគ្រប់គ្រងលើបរិមាណស្ករចូលទៅក្នុងផលិតផល ពិតជាអាចជួយកំណត់កម្រិតជាតិស្ករក្នុងរាងកាយបានច្រើន។
៤ ទទួលទានផ្លែឈើក្នុងបរិមាណតិចតួច
ត្រូវហើយ ទោះបីជាផ្លែឈើខ្លះមានសុខភាពល្អក៏ដោយ តែក៏មានផ្លែឈើខ្លះទៀតផ្ទុកនូវជាតិស្ករច្រើនជាងផ្លែឈើដទៃទៀតដែរ ជាពិសេសផ្លែឈើដែលក្រៀមៗដូចជាដំណាប់ ។ សូមរើសយកអាហារសម្រន់ដោយផ្ដោតលើជម្រើសដែលមានជាតិស្ករតិច និងស្លាកសញ្ញាលើផលិតផលទើបអាចកាត់បន្ថយជាតិផ្អែមបាន។
៥ ត្រូវប្រាកដថាអ្នកបានញ៉ាំអាហារឆ្អែតពេញពោះ
ជាតិស្ករច្រើនតែជ្រៀតចូលក្នុងកំឡុងពេលអ្នកញ៉ាំអាហារសម្រន់ ឬញ៉ាំមិនសោះ ដូច្នេះត្រូវប្រាកដថាអ្នកបានញ៉ាំអាហារឆ្អែតពេញមួយថ្ងៃ។ ចៀសវាងនាំឃ្លានហើយញ៉ាំអាហារផ្អែមៗច្រើន សូមជ្រើសរើសអាហារណាដែលមានជាតិប្រូតេអ៊ីននិងជាតិសរសៃខ្ពស់ ដើម្បីឲ្យអ្នកមានអារម្មណ៍ថាឆ្អែតបានយូរ ហើយអាចរារាំងការឃ្លានជាតិស្ករនៅពេលរសៀលឬយប់៕
ប្រែសម្រួល៖ សាង ស្រីល័ក្ខ
ចុចអាន៖អ្នកជំនាញថា៖ ខឹងច្រើន ធ្វើឲ្យយើងធាត់
ចុចអាន៖៣វិធីងាយៗ បញ្ឈប់ការទទួលទានអាហារពេលយប់ ដែលនាំឲ្យខូចសុខភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង