ព័ត៌មានអន្ដរជាតិ
វៀតណាម ជោគជ័យវះកាត់ប្តូរក្រលៀន ទោះអ្នកជំងឺ និងអ្នកបរិច្ចាគ មានប្រភេទឈាមខុសគ្នា
មន្ទីរពេទ្យ Cho Ray (ជោរៃ) នៅទីក្រុងហូជីមិញ បានធ្វើការវះកាត់ប្តូរក្រលៀនដោយជោគជ័យ ទាំងមិនចាំបាច់មានប្រភេទឈាមដូចគ្នា ដែលនេះជាករណីទីមួយហើយនៅក្នុងប្រទេសវៀតណាម។
លោកស្រី Tran Thi Hanh អាយុ៥១ឆ្នាំមកពីខេត្ត Ben Tre បានស្ម័គ្រចិត្តបរិច្ចាគក្រលៀនមួយដល់ប្តីរបស់គាត់ឈ្មោះ Vi Van Biet អាយុ៥៤ឆ្នាំ ដែលមានជំងឺដំណាក់កាលចុងក្រោយ និងបានធ្វើការលាងឈាមអស់រយៈពេលជាងមួយឆ្នាំមកហើយ។
ប្រភេទឈាមរបស់ប្រពន្ធគឺ A ចំណែកឈាមរបស់ប្តីគឺប្រភេទ B។
ការវះកាត់ត្រូវបានធ្វើឡើងកាលពីថ្ងៃទី ២៩ ខែធ្នូ ហើយពេលនេះ អ្នកទាំងពីរកំពុងស្ថិតក្នុងស្ថានភាពធម្មតា។
ក្រុមវេជ្ជបណ្ឌិតបាននិយាយថា ដើម្បីរៀបចំសម្រាប់ការប្តូរក្រលៀន អ្នកជំងឺបានទទួលការព្យាបាលដើម្បីបន្ថយកម្រិតអង់ទីគ័រនៅក្នុងឈាមរបស់គាត់ និងកាត់បន្ថយហានិភ័យនៃការប្រឆាំងអង់ទីគ័រ ក្រលៀនអ្នកបរិច្ចាគ។
លោកសាស្ត្រាចារ្យ Thai Minh Sam ប្រធានផ្នែកជំងឺក្រលៀនរបស់មន្ទីរពេទ្យបាននិយាយថា មានអ្នកជំងឺប្រហែល៣០០នាក់ បានចុះឈ្មោះដើម្បីប្តូរក្រលៀននៅមន្ទីរពេទ្យជារៀងរាល់ឆ្នាំ ប៉ុន្តែក្នុងចំណោមនោះមានតែមួយភាគបីប៉ុណ្ណោះ ដែលទទួលការវះកាត់ដោយសារហេតុផលផ្សេងៗ ដូចជាម្ចាស់ជំនួយមានប្រភេទឈាមខុសគ្នាជាដើម។
លោក Sam និយាយថា ការប្តូរក្រលៀនលើអ្នកដែលមានប្រភេទឈាមខុសគ្នា ត្រូវបានធ្វើឡើងនៅក្នុងប្រទេសជាច្រើន ហើយមន្ទីរពេទ្យបានបញ្ជូនវេជ្ជបណ្ឌិត និងគ្រូពេទ្យវះកាត់ទៅកាន់បណ្តាមន្ទីរពេទ្យឈានមុខនៅបរទេស ដើម្បីសិក្សាពីដំណើរការនេះក្នុងប៉ុន្មានឆ្នាំថ្មីៗ៕
ប្រែសម្រួល៖ Vann Vann
ប្រភព៖ Vietnam Plus
ចុចអាន៖ វៀតណាម ចាប់ខ្លួនមេជួញដូរក្រលៀនខុសច្បាប់ ត្រៀមផ្តន្ទាទោសជាប់គុកមួយជីវិត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?