អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និងអាយុវែង

សាង ស្រីល័ក្ខ — Thu, 22 Dec 2022 01:50:00 +0000

ជាទៅ មិនថាខ្មែរកាត់ចិន ឬជនជាតិចិននោះទេ ឲ្យតែដល់បុណ្យជាតិធំៗ គេតែងនិយមធ្វើអាហារប្រពៃណី ដើម្បីជាការរំលឹកដល់បុព្វបុរស និងតាមជំនឿដែលគេជឿថា នាំសំណាងល្អ អាយុយឺនយូរ និងសុភមង្គលមកឲ្យដល់គ្រួសាររបស់ពួកគេ។

ជាក់ស្ដែងអាហារខាងក្រោមនេះ គឺជាអាហារដែលប្រជាជនចិននិយមមទទួលទានជាទម្លាប់ ដើម្បីនាំសុភមង្គលនិងអាយុវែង មានដល់ខ្លួននិងគ្រួសារទាំងមូល។

១ នំអ៊ី (Tangyuan)

Tangyuan គឺជាកូននំដែលគេលុញឲ្យទៅ ជារូបរាងតូចៗ វាធ្វើពីម្សៅអង្ករដំណើប មានស្នូលដូចជាគ្រាប់ផ្កាឈូករ័ត្ន គ្រាប់ល្ង សណ្ដែកបណ្ដុះ សាច់ Walnut ផ្លែឈើស្ងួត ស្ករ និងប្រេងដែលអាចបរិភោគបាន។ ប៉ុន្តែក៏មាននំអ៊ីមួយចំនួនធំ គឺមិនមានស្នូលដូចគ្នាដែរ អាស្រ័យលើចំណងចំណូលចិត្តរបស់ជនជាតិចិននីមួយៗ។ នំអ៊ីសំដៅ ដល់ភាពស្អិតរមួតនៃគ្រួសារ បើហូបកាលណា នាំតែរឿងល្អៗ និងអាយុវែងដូចនំដែលហូបដែរ។

២ គាវចំហុយទឹកស៊ីអ៉ីវ (Jiaozi)

Jiaozi ជាធម្មតាមានសាច់ក្រក ឬបន្លែដែលរុំចូលទៅ ក្នុងដុំម្សៅរមូរស្តើងៗ បន្ទាប់មកយើងអាចចុចគែមបិទ កុំឲ្យស្នូលចេញមកក្រៅ ក្នុងករណីស្ងោរឬចៀន។ អាហារមួយមុខនេះ ជនជាតិចិនជឿថា នាំសំណាងនិងសុភមង្គលចូលមកក្នុងគ្រួសារពេញមួយឆ្នាំ។

៣ បង្អែម Babao

បង្អែម Babao ត្រូវបានគេហៅថា បង្អែមមានធាតុផ្សំប្រាំបីមុខចូលគ្នា។ វាមានអង្ករដំណើប សណ្តែកក្រហម សណ្ដែកលឿង សណ្ដែកចិន សណ្ដែកបៃតង គ្រាប់ឈូកស្ងួត អង្ករសំរូបចិន និងគ្រឿងផ្សំមួយចំនួនទៀត ដូចជា ដំណាប់ល្មើ កៅ ឡាក់សាច់ Walnut អាល់ម៉ុន សណ្តែកដី ជាមួយស្ករដើម្បីធ្វើ បបរមានរសជាតិឆ្ងាញ់។ យោងតាមជំនឿចិនពីដើម ការហូបបង្អែមនេះក្នុងពិធីបុណ្យុសែននំអ៉ី ជួយឲ្យអាយុវែង និងសុខភាពរឹងមាំពេញមួយឆ្នាំ។

៤ ឆៃថាវចិន (Chinese radish)

មិនថាខ្មែរកាត់ចិន ឬជនជាតិនោះទេ គេតែងជឿថា radish ឬឆៃថាវចិន គឺអព្យាក្រឹតនៅក្នុងតួអក្សរ ខណៈវាមានរសជាតិផ្អែមបន្តិចនិងអាចជំរុញឲ្យមានចំណង់អាហារ និងការរំលាយអាហារបានល្អប្រសើរជាងមុន។ ជាពិសេស បំបាត់ជាតិពុលបន្ថយកម្ដៅ និងគ្រប់គ្រងចលនាឲ្យមានលំនឹងជាងមុន ។ មានពាក្យបុរាណចិនមួយឃ្លាពោលថា “ការទទួលទាន radish ក្នុងរដូវរងា និងខ្ញីក្នុងរដូវក្ដៅ អាចធានាបាននូវសុខភាពពេញមួយឆ្នាំ”។

៥ នំប៉ាវតូចស្រដៀងគាវដែរ (Wonton)

Wonton គឺជាប្រភេទនំប៉ាវមួយប្រភេទ ដែលត្រូវបានរកឃើញជាទូទៅ នៅក្នុងម្ហូបចិនមួយចំនួន។ គ្រឿងផ្សំមានសាច់ជ្រូកជាមួយអំបិល ខ្ទឹម ឬខ្ទឹមបារាំងបៃតងហាន់ល្អិតៗច្របល់បញ្ចូលគ្នាបានជាល្បាយ។ នំប៉ាវតូចៗស្រដៀងគាវចំហុយឬចៀន ហើយហូបក្នុងពិធីបុណ្យប្រពៃណីធំៗ មិនដែលអាក់ខានឡើយ។ ដោយគេជឿថា វានឹងនាំរឿងល្អៗ ភាពរុងរឿង និងសុភមង្គលពេញលេញក្នុងគ្រួសារ។

៦ សាច់ចៀម (Mutton)

តាមជំនឿចិនតែងជឿជាក់ថា សាច់ចៀមមានរសជាតិផ្អែម និងមានលក្ខណៈកក់ក្ដៅ ដែលអាចចូលទៅចិញ្ចឹមក្រលៀន និងឈាមឲ្យមានសុខភាពល្អ កាលបើបានបរិភោគរួចហើយ។ កាឡូរីនៅក្នុងសាច់ចៀមគឺខ្ពស់ជាងសាច់គោ ជាតិដែកនៃសាច់ចៀមគឺច្រើនជាងសាច់ជ្រូកប្រាំមួយដង។

បន្ថែមពីនេះ អាហារខាងលើ សុទ្ធតែជាម្ហូបប្រពៃណីជនជាតិចិន មិនដែលចោលឬអាក់ខាន និងតែងប្រារព្ធធ្វើជារៀងរាល់ឆ្នាំ ឲ្យតែមានពិធីបុណ្យជាតិធំៗ នៅក្នុងប្រទេស៕

គ្រូ ណុប

ចុចអាន៖អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង

ចុចអាន៖មកដឹងពីម្ហូបប្រពៃណីចិនល្បីៗ សូម្បីបរទេសក៏ស្ងើចសរសើរថាឆ្ងាញ់និងប្លែកពីប្រទេសផ្សេង

The post អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និងអាយុវែង appeared first on Kampuchea Thmey Daily.

អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង

សាង ស្រីល័ក្ខ — Thu, 22 Dec 2022 01:00:00 +0000

ពិធីបុណ្យសែននំអ៊ី ឬភាសាចិនហៅ ថា Dongzhi គឺជាប្រពៃណីរបស់ជាតិចិននិងតែងប្រារព្ធធ្វើឡើងជារៀងរាល់ឆ្នាំ នៅ ថ្ងៃបុណ្យរដូវរងា ចន្លោះថ្ងៃទី ២១ ,២២ ឬ ២៣ ខែធ្នូ។

Dongzhi គឺជាពាក្យចិន ដែលអាចមានន័យថា “រដូវរងាខ្លាំង” ឬ “ការមកដល់នៃរដូវរងា” និងជាពិធីបុណ្យដ៏សំខាន់បំផុតមួយរបស់ជនជាតិចិន ដែលប្រារព្ធឡើងដោយជនជាតិចិន តៃវ៉ាន់ ជប៉ុន កូរ៉េ និងវៀតណាម។

សម្រាប់ប្រជាជនចិនទូទាំងពិភពលោក មិនថាខ្មែរកាត់ចិនឡើយ ពិធីនេះគឺជាឱកាសនៃការជួបជុំគ្រួសារយ៉ាងរីករាយ ដើម្បីទទួលទាន ម្ហូបអាហារ ជុំគ្នាមួយឆ្នាំម្ដង ហេតុនេះ សមាជិកគ្រួសារទាំងអស់ ត្រូវតែមកជួបជុំគ្នា ទទួលទាននំអ៊ីជុំគ្រួសារមិនអាច អាក់អានបានទេ។

ចំពោះអត្ថន័យសំខាន់នៃពិធីសែននំអ៊ី គឺថ្ងៃតំណាងឲ្យការជួបជុំក្នុងក្រុមគ្រួសារ តំណាងឲ្យការចេះស្រលាញ់គ្នា ស្រុះស្រួលគ្នា នៃសមាជិកក្នុងគ្រួសារ ជួបជុំគ្នាទទួលទាននំអ៊ី ដើម្បីនាំមកនូវលាភសំណាងល្អ ក៏ដូចជាការដាស់តឿនដល់កូនចៅទាំងអស់ថា ឆ្នាំថ្មីកើនអាយុ ១ ឆ្នាំទៀតហើយផងដែរ។

ដោយសារតែរូបរាងនំនេះ មានជារាងដុំមូលតូចៗ ផ្សំពីអង្ករយកមកកិនជាម្សៅលញ់ជានំដុំតូចៗចម្រុះពណ៌ ទទួលទានជាមួយទឹកស្ករលាយខ្ញី នំនេះត្រូវបានគេតំណាងថាជាការជួបជុំបងប្អូន ផ្ដុំជាធ្លុងមួយ ដោយនំនេះក្រៅ ពីនៅទទួលទានគ្នានៅក្នុងពិធីសែននំអ៊ី គេក៏ទទួលទានវានៅក្នុងពិធីមង្គលការ និងពិធីជួបជុំសំខាន់ៗជាច្រើននៅក្នុងគ្រួសារជនជាតិចិនផងដែរ៕

គ្រូ ណុប

ចុចអាន៖អត្ថន័យ នៃដង្វាយសែនសំពះព្រះខែ និងអកអំបុក នាំសុខសប្បាយដល់គ្រួសារ

ចុចអាន៖ប្រវត្តិដ៏យូរលង់ នៃពិធីបុណ្យកឋិនទាន តាមបែបព្រះពុទ្ធសាសនា

The post អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង appeared first on Kampuchea Thmey Daily.

បុណ្យសែននំអ៊ី Archives - Kampuchea Thmey Daily

អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និងអាយុវែង

អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង