វប្បធម៌ ជំនឿ

អត្ថន័យ នៃដង្វាយសែនសំពះព្រះខែ និងអកអំបុក នាំសុខសប្បាយដល់គ្រួសារ

បានផុស

២ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

ពិធីបុណ្យសែនសំពះព្រះខែ និង អកអំបុក តាមទំនៀមទម្លាប់ខ្មែរ រមែងយកថ្ងៃពេញបូរមី ថ្ងៃទី ១៥ កើត ខែកត្តិក ជារៀងរាល់ឆ្នាំ ដើម្បីប្រារព្ធពិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកឆ្នាំនេះដែរ ពិធីបុណ្យអុំទូកគឺចំថ្ងៃទី ១៨ ហើយថ្ងៃ ២០ នៃថ្ងៃចុងក្រោយ ដែលបងប្អូនប្រជាពលរដ្ឋខ្មែរយើង និយមសែនដង្វាយ គោរពដល់ព្រះចន្ទទៅតាមលទ្ធភាពរៀងៗខ្លួន។

ចំពោះដង្វាយសែនក្នុងពិធីបុណ្យអកអំបុក និងសំពះព្រះខែ រួមមាន ៖ អំបុក ចេក ដូង ដំឡូង ត្រាវ អំពៅ និងផ្លែឈើផ្សេងៗ ជាផលានុផលដែលគេបានដាំដុះលើផែនដី និងទៀន ធូប ភ្ញីផ្កាជាដើម។

កាលបើរៀបដង្វាយរួចហើយ លុះព្រះច័ន្ទរះពេញវង់ បញ្ចេញកាំរស្មីភ្លឺស្រឡះហើយ ចាស់ៗក្នុងផ្ទះ នឹងកោះហៅកូនចៅទាំងអស់គ្នា ក្នុងគ្រួសារចូលមកអុជទៀន ធូប ជាប្រទីបជ្វាលាថ្វាយព្រះច័ន្ទ មានបួងសួងសូមឲ្យបានសេចក្តីសុខចម្រើនគ្រប់ប្រការ ដំណាំដាំដុះ ស្រែចម្ការក្នុងឆ្នាំថ្មីឲ្យបានកើតកាលវាលគុម្ព។ ក្រោយពីពិធីថ្វាយព្រះច័ន្ទ ចប់សព្វគ្រប់ហើយ ចាស់ៗក៏ក្រោកឡើង ឈរចាប់យកអំបុក ចេក ដូង ដំឡូងត្រាវ ។ល។ មួយមុខបន្តិចៗដាក់ក្នុងទូកដៃ រួចហៅក្មេងមកបង្អកចូលក្នុងមាត់ ព្រមទាំងយកដៃម្ខាងគក់ខ្នងបន្តិចៗ ហើយសួរថា ចង់បានអ្វី? កាលណាក្មេងឆ្លើយរួច ចាស់ៗត្រូវពន្យល់ឬប្រាប់ថា បើចង់បានដូច្នោះ ចូរខិតខំប្រឹងប្រែង នឹងបានសម្រេចដូចបំណងប្រាថ្នាពុំខានឡើយ។

ដោយយោងទៅតាមអត្ថន័យខាងលើបានចែង ទើបបងប្អូនប្រជាជនកម្ពុជា តែងរៀបដង្វាយសែនសំពះព្រះខែ និងអកអំបុករៀងរាល់ឆ្នាំ ដើម្បីមកនូវភាពសុខសប្បាយ ដល់គ្រួសារនីមួយៗផងដែរ ៕

គ្រូ ណុប

ចុចអាន៖ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក មានអត្ថន័យយ៉ាងណាចំពោះ កម្ពុជា

ចុចអាន៖ប្រវត្តិចាក់ស្រេះ នៃពិធីលយប្រទីប របស់ដូនតាខ្មែរ

Related Topics:ពិធីបុណ្យអុំទូក