វប្បធម៌ ជំនឿ

អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង

បានផុស

១ year មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

ពិធីបុណ្យសែននំអ៊ី ឬភាសាចិនហៅ ថា Dongzhi គឺជាប្រពៃណីរបស់ជាតិចិននិងតែងប្រារព្ធធ្វើឡើងជារៀងរាល់ឆ្នាំ នៅ ថ្ងៃបុណ្យរដូវរងា ចន្លោះថ្ងៃទី ២១ ,២២ ឬ ២៣ ខែធ្នូ។

Dongzhi គឺជាពាក្យចិន ដែលអាចមានន័យថា “រដូវរងាខ្លាំង” ឬ “ការមកដល់នៃរដូវរងា” និងជាពិធីបុណ្យដ៏សំខាន់បំផុតមួយរបស់ជនជាតិចិន ដែលប្រារព្ធឡើងដោយជនជាតិចិន តៃវ៉ាន់ ជប៉ុន កូរ៉េ និងវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ប្រជាជនចិនទូទាំងពិភពលោក មិនថាខ្មែរកាត់ចិនឡើយ ពិធីនេះគឺជាឱកាសនៃការជួបជុំគ្រួសារយ៉ាងរីករាយ ដើម្បីទទួលទាន ម្ហូបអាហារ ជុំគ្នាមួយឆ្នាំម្ដង ហេតុនេះ សមាជិកគ្រួសារទាំងអស់ ត្រូវតែមកជួបជុំគ្នា ទទួលទាននំអ៊ីជុំគ្រួសារមិនអាច អាក់អានបានទេ។

ចំពោះអត្ថន័យសំខាន់នៃពិធីសែននំអ៊ី គឺថ្ងៃតំណាងឲ្យការជួបជុំក្នុងក្រុមគ្រួសារ តំណាងឲ្យការចេះស្រលាញ់គ្នា ស្រុះស្រួលគ្នា នៃសមាជិកក្នុងគ្រួសារ ជួបជុំគ្នាទទួលទាននំអ៊ី ដើម្បីនាំមកនូវលាភសំណាងល្អ ក៏ដូចជាការដាស់តឿនដល់កូនចៅទាំងអស់ថា ឆ្នាំថ្មីកើនអាយុ ១ ឆ្នាំទៀតហើយផងដែរ។

ដោយសារតែរូបរាងនំនេះ មានជារាងដុំមូលតូចៗ ផ្សំពីអង្ករយកមកកិនជាម្សៅលញ់ជានំដុំតូចៗចម្រុះពណ៌ ទទួលទានជាមួយទឹកស្ករលាយខ្ញី នំនេះត្រូវបានគេតំណាងថាជាការជួបជុំបងប្អូន ផ្ដុំជាធ្លុងមួយ ដោយនំនេះក្រៅ ពីនៅទទួលទានគ្នានៅក្នុងពិធីសែននំអ៊ី គេក៏ទទួលទានវានៅក្នុងពិធីមង្គលការ និងពិធីជួបជុំសំខាន់ៗជាច្រើននៅក្នុងគ្រួសារជនជាតិចិនផងដែរ៕

គ្រូ ណុប

ចុចអាន៖អត្ថន័យ នៃដង្វាយសែនសំពះព្រះខែ និងអកអំបុក នាំសុខសប្បាយដល់គ្រួសារ

ចុចអាន៖ប្រវត្តិដ៏យូរលង់ នៃពិធីបុណ្យកឋិនទាន តាមបែបព្រះពុទ្ធសាសនា