​ពិធីនេះ ក៏មានការយាង និងអញ្ជើញចូលរួមពីថ្នាក់ដឹកនាំស្ថាប័នកំពូលៗរបស់កម្ពុជា មានសមាជិក​ព្រឹទ្ធសភា រដ្ឋសភា រាជរដ្ឋាភិបាល ភ្ញៀវជាតិ អន្តរជាតិ មន្ត្រីទូតនានា មន្រ្តីរាជការ កងកម្លាំងប្រដាប់​អាវុធ យុវជន យុវតី សិស្សានុសិស្ស និងមហាជនយ៉ាងច្រើនកុះករ។​

​ទិវាបុណ្យឯករាជ្យជាតិ ៩ វិច្ឆិកា បានរំលឹកឱ្យឃើញពីព្រះរាជបេសកកម្មដើម្បីជាតិមាតុភូមិ និង​ប្រជារាស្ត្រខ្មែរ របស់ ព្រះករុណា ព្រះបាទ សម្តេច នរោត្តម សីហនុ ព្រះបិតាឯករាជ្យជាតិ ព្រះ​បរមរតនកោដ្ឋ ដែលព្រះអង្គបានលះបង់ព្រះកាយ​ពល និងព្រះបញ្ញាញាណយ៉ាងក្លៀវក្លាបំផុត ធ្វើ​ការ​តស៊ូ ក្នុងក្របខ័ណ្ឌនៃព្រះរាជបូជនីយកិច្ច ដើម្បីទាមទារឯករាជ្យដ៏ពិតប្រាកដសម្រាប់កម្ពុជា៕

The post ​ថ្នាក់​ដឹក​នាំ​ក្រសួង​ការ​ងារ​ ចូលរួម​អបអរ​ខួប ៧២ ឆ្នាំ ​កម្ពុជា ​ទទួល​បាន​ឯករាជ្យ​ពី​បារាំង​ appeared first on Kampuchea Thmey Daily.

​ទិវាប្រកបដោយអត្ថន័យ នេះគឺជាការរំលឹកខួបអនុស្សាវរីយ៍លើកទី៧២ នៃទិវាបុណ្យឯករាជ្យជាតិ ដែលជាព្រឹត្តិការណ៍ប្រវត្តិសាស្ត្រមួយដ៏សំខាន់នៅថ្ងៃនេះ បានឆ្លុះបញ្ចាំងឲ្យកាន់តែច្បាស់អំពីការរំដោះប្រទេសឲ្យរួចផុតពីរបបអាណានិគមនិយមបារាំង។

ក្នុងអង្គពិធីទាំងមូល សម្ដែងនូវកត្តញ្ញុតាធម៌ និងដឹងគុណយ៉ាងជ្រាលជ្រៅបំផុតថ្វាយព្រះករុណា ព្រះបាទ នរោត្ដម សីហនុ អតីតព្រះមហាវីរក្សត្រ ព្រះវររាជបិតាឯករាជជាតិ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ដែលព្រះអង្គបានបូជាព្រះកាយពល និងព្រះបញ្ញាញាណជម្នះគ្រប់ឧបសគ្គ ដើម្បីនាំមកនូវសន្តិភាព ការផ្សះផ្សរជាតិ ភាពចម្រុងចម្រើន និងកិត្តិយសដល់មាតុភូមិ និងប្រជារាស្រ្តខ្មែរ៕

អត្ថបទ៖ ​ភក្ដី

The post ​រដ្ឋបាល​ខេត្តស្វាយរៀង​ប្រារព្ធខួប ​៧២ ​ឆ្នាំ ​កម្ពុជា​ទទួលបាន​ឯករាជ្យពីបារាំង​ appeared first on Kampuchea Thmey Daily.

ថ្ងៃ ០៩ វិច្ឆិកា ១៩៥៣-២០២៥ គឺជាទិវាប្រវត្តិសាស្ត្រ ដើម្បីរំលឹកឡើងវិញនូវគំរូវីរភាពដ៏អង់អាចក្លាហាន ស្មារតីពលីកម្មរបស់យុទ្ធជន យុទ្ធនារី និងប្រជាជនជំនាន់មុនក្នុងបុព្វហេតុតស៊ូប្រឆាំងសត្រូវឈ្លានពាន ដណ្តើមឯករាជ្យជូនជាតិមាតុភូមិ និងស្នាដៃរួមចំណែកកសាង អភិវឌ្ឍប្រទេសជាតិនៅគ្រប់ដំណាក់កាលនៃប្រវត្តិសាស្ត្រ។

ខួបលើកទី៧២ ទិវាបុណ្យឯករាជ្យជាតិនេះ មានការរៀបចំដាក់កម្រងផ្កា គោរពបូជា ឧទ្ទិសកុសលជូនដល់ដួងវិញ្ញាណក្ខន្ធវីរៈយុទ្ធជន យុទ្ធនារី និងវីរៈនៃកងយោធពលខេមរៈភូមិន្ទ និងប្រជាជនគ្រប់ស្រទាប់វណ្ណៈ ដែលបានពលីលះបង់ជីវិត ក្នុងបុព្វហេតុនៃការតស៊ូទាមទារឯករាជ្យពីអាណានិគមបារាំង ព្រមទាំងការតស៊ូ ដើម្បីរំដោះប្រទេសជាតិនាថ្ងៃ៧ មករា ១៩៧៩ និងទប់ស្កាត់របបប្រល័យពូជសាសន៍ប៉ុលពត មិនឲ្យវិលត្រឡប់មកវិញ ព្រមទាំងវីរៈកងទ័ពដែល​ពលីជីវិត ការពារទឹកដីពីការឈ្លានពានរបស់កងទ័ពថៃ។

ដូចគ្នានៃបណ្តាឆ្នាំមុនៗដែរ ពិធីរំលឹកខួបអនុស្សាវរីយ៍ទិវាឯករាជ្យជាតិ០៩វិច្ឆិកា ជាការរំលឹកនូវស្នាព្រះហស្ថនៃព្រះរាជបេសកកម្មរបស់សម្តេច ព្រះនរោត្តម សីហនុ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល ព្រះបញ្ញា​ញា​ណ​តស៊ូ ក្នុងក្របខណ្ឌទាមទាឯករាជ្យឲ្យកម្ពុជា បានរួចចាកផុតពីនឹមត្រួតត្រារបស់អាណានិគមនិយមបារាំង និងបានប្រកាសឯករាជ្យជាតិនៅថ្ងៃទី ០៩ ខែវិច្ឆិកា ឆ្នាំ១៩៥៣។

ផ្តើមចេញពីគំរូព្រះវីរៈភាពនេះ រាជរដ្ឋាភិបាលកម្ពុជាចាប់ពីអាណត្តិទី១ រហូតដល់ អាណត្តិទី៧ ដឹកនាំដោយសម្តេច​តេជោ ហ៊ុន សែន ប្រធានព្រឹទ្ឋសភា និងជាអតីតនាយករដ្ឋមន្ត្រីកម្ពុជា ក្រោមគោលនយោបាយ ឈ្នះ ឈ្នះ របស់សម្តេច និង ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នីតិកាលទី៧នៃរដ្ឋសភា បានធ្វើឲ្យប្រទេសជាតិទាំង​មូលមានសុខសន្តិភាពមានការអភិវឌ្ឍន៍រីកចម្រើនឥតឈប់ឈរ និងបានលើកកម្ពស់ជីវភាពរស់នៅរបស់ប្រជាពលរដ្ឋ ពីមួយថ្ងៃទៅមួយថ្ងៃកាន់តែប្រសើរឡើង ក្នុងទិសដៅថែរក្សា ការពាររដ្ឋធម្មនុញ្ញ និងការអភិវឌ្ឍន៍ប្រទេសជាតិឲ្យមានការរីក​ចម្រើនលើគ្រប់វិស័យ៕

អត្ថបទ៖ គឿន វេត

The post ខេត្តសៀមរាបប្រារព្ធខួប ៧២ ឆ្នាំ កម្ពុជា ទទួលបានឯករាជ្យពីបារាំង appeared first on Kampuchea Thmey Daily.

លោក​ ខ្លូត​ ផន​ ប្រធានក្រុម​ប្រឹក្សា​ខេត្ត​កំពង់ចាម​ និង​ លោក​ អ៊ុន​ ចាន់ដា​ អភិបាល នៃគណៈអភិបាលខេត្តកំពង់ចាម​ នៅថ្ងៃទី ០៩ ខែវិច្ឆិកា បានប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ។

ពិធីបុណ្យឯករាជ្យជាតិ​ខួបលើកទី ៧២​ ដែលប្រារព្ធធ្វើឡើង​ជារៀងរាល់ឆ្នាំ ជាថ្ងៃមួយដែលប្រជាពលរដ្ឋខ្មែរទូទៅចង់ចាំមិនភ្លេចទេនូវ​ ព្រះរាជបូជនីយកិច្ច និងស្នាព្រះហស្តរបស់ព្រះករុណាមហាវីរក្សត្រព្រះបាទ សម្ដេច នរោត្ដម សីហនុ ព្រះវរាជបីតា ឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ​ ទាមទារ​ឯករាជ្យ​ពីអាណានិគមបារាំងក្នុងឆ្នាំ១៩៥៣​។

លោក​ អ៊ុន​ ចាន់ដា​ អភិបាលខេត្តកំពង់ចាម​ មានប្រសាសន៍ថា​ យេីងរួមគ្នាថែរក្សាសុខសន្តិភាព​ និងចង់ចាំនូវគុណតម្លៃនៃថ្ងៃទី ០៩ វិច្ឆិកា​ ដែលព្រះបាទ នរោត្ដម សីហនុ ទ្រង់ខិតខំលះបង់អាយុជីវិត​ និងកម្លាំង​កាយចិត្ត ដើម្បីទាមទារឯករាជ្យជូនកម្ពុជាវិញ​ និងបានដឹកនាំកម្ពុជាឆ្ពោះទៅរកការរីចម្រើនបន្តទៀត។

ប្រទេសមួយមានរីកចម្រើន​ មានសិទ្ធិសេរីភាព​ ដើរហើរដូច្នេះ​ គឺមានមោនទភាពណាស់ចំពោះពលរដ្ឋកម្ពុជាទូទាំងដែលមានសិទ្ធិសព្វបែបយ៉ាង​ ក្នុងវិស័យពុទ្ធិចក្រ​ និងអាណាចក្រ​ ហើយរួមគ្នាថែរក្សានូវអ្វីដែលមានស្រាប់កុំឱ្យបាត់បង់​ ជាពិសេសរក្សានូវសមិទ្ធផលជាច្រើនដែលមាន​ និងកំពុងបន្តបង្កើតថ្មីៗបន្ថែមទៀត​ ក្រោមដំបូងសុខសន្តិភាព​។

ក្នុងនាមជាពលរដ្ឋកម្ពុជា​ ត្រូវព្យាយាម​ និងពង្រឹងសមត្ថភាពខ្លួនឯង​ ដោយមិនត្រូវពឹងលើកម្លាំងចំណេះដឹងរបស់ប្រទេសណាមួយឡើយ៕

អត្ថបទ​៖​ ឡេក​ ចាន់ពេជ្រ

The post រដ្ឋបាល​សាលាខេត្តកំពង់ចាម​ ប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ appeared first on Kampuchea Thmey Daily.

​ព្រះករុណា ព្រះបាទ នរោត្ដម សីហមុនី ទ្រង់យាងអុជទៀនជ័យនៅវិមានឯករាជ្យ ក្នុង​រាជធានីភ្នំពេញ ជាមួយនឹងការដង្ហែអមដោយថ្នាក់ដឹកនាំជាន់ខ្ពស់នៃស្ថាប័នជាតិជាអាទិ៍ ព្រឹទ្ធសភា រដ្ឋសភា រាជរដ្ឋាភិបាល ឧត្តមប្រឹក្សាផ្ទាល់ព្រះ​មហាក្សត្រ មន្ត្រីរាជការគ្រប់ជាន់ថ្នាក់ ប្រជាពលរដ្ឋ ព្រម​ទាំងសិស្សានុសិស្សជាច្រើន។​

​ទិវាបុណ្យឯករាជ្យជាតិ៩ វិច្ឆិកា ​គឺជាខួប​អនុស្សាវរីយ៍លើកទី ៧២ ​ឆ្នាំ ​(១៩៥៣-២០២៥) ​ដែល​ប្រជា​ជាតិកម្ពុជា​ទាំងមូល​បាន​រំដោះខ្លួនចេញពីនឹមអាណានិគមបារាំង​ក្រោម​ព្រះរាជបូជនីយកិច្ច​របស់​ព្រះបាទ នរោត្តម សីហនុ៕

The post ​កម្ពុជា​ប្រារព្ធខួបលើកទី​ ៧២ ​នៃ​ទិវាបុណ្យ​ឯករាជ្យជាតិ ​៩ វិច្ឆិកា​ ក្រោមរាជាធិបតីភាពព្រះមហាក្សត្រ និងថ្នាក់ដឹកនាំជាន់ខ្ពស់ជាច្រើនរូប appeared first on Kampuchea Thmey Daily.

អង្គពិធីបានប្រព្រឹត្តទៅក្រោមអធិបតីភាពឯកឧត្តមជឹង ផល្លា ប្រធានក្រុមប្រឹក្សាខេត្ត ឯកឧត្តម ម៉ៅ ធនិន អភិបាល នៃគណៈអភិបាលខេត្ត និងមានការចូលរួម ពី​សំណាក់​អស់​លោក​លោក​ស្រី​ជា​អភិបាលរងខេត្ត ក្រុមប្រឹក្សាខេត្ត ថ្នាក់ដឹកនាំមន្ទីរអង្គភាព មន្ត្រីរាជការ កងកម្លាំងប្រដាប់អាវុធ និងព្រះសង្ឃផងដែរ។

បន្ទាប់ពី លោកឧត្តមសេនីយ៍ត្រី ហុក ចិន្តា មេបញ្ជាការតំបន់សឹករងកំពត បានមាន​ចំណាប់​អារម្មណ៍​លើកឡើងអំពីប្រវត្តិ នៃការចាប់បដិសន្ធិឡើង របស់​កង​យោធពល​ខេមរភូមិន្ទ​ដែល​បាន​បំពេញ​បេសកកម្ម ជាប្រវត្តិសាស្រ្តរបស់ខ្លួនប្រកបដោយស្មារតីពលីកម្មដ៏ខ្ពង់ខ្ពស់រយៈពេល៦៨ឆ្នាំ កន្លង​មកនេះ ដើម្បីបុព្វហេតុជាតិមាតុភូមិនិងប្រជាពលរដ្ឋជាទីស្នេហានៃយើងរួចមក។ថ្លែង​សន្ទរកថា​នា​ឱកាសនោះឯកឧត្តមម៉ៅ ធនិន អភិបាលនៃគណៈអភិបាលខេត្ត បានបញ្ជាក់ថា ទិវា​ខួប​អនុស្សាវរីយ៍ ៩ វិច្ឆិកា គឺជាការរំលឹកថ្ងៃប្រវត្តិសាស្ត្រ នូវ​ស្នាព្រហស្ថ​ដ៏​ឧត្តុង្គឧត្តម​ប្រកបដោយ​អត្ថន័យ​យ៉ាងជ្រាលជ្រៅ របស់ព្រះករុណាសម្ដេចព្រះបាទ នរោត្តមសីហនុ (ព្រះបរមរដ្ឋនកោដ្ឋ ) ក្នុង​ព្រះរាជបូជនីយកិច្ចទាមទារឯករាជ្យជាតិ និងក៏ជាថ្ងៃប្រវត្តិនៃការចាប់បដិសន្ធិឡើងវីញ របស់​ប្រជា​ជាតិមួយ ក្រោមអាណានិគមនិយមបារាំងសេស ដែលជាស្នាដៃ នៃវីរភាពដ៏អង់អាចក្លាហានរបស់ កងយុទ្ធពលខេមរភូមិន្ទគ្រប់ដំណាក់កាលនៃប្រវត្តិសាស្ត្ររបស់ប្រទេសជាតិយើងផងដែរ។

ឯកឧត្តម អភិបាលខេត្ត បានបន្តថា បើទោះបីព្រះមហាវីរក្សត្រ ព្រះបាទសម្តេច ព្រះនរោត្តម សីហនុ (ព្រះបរមរតនកោដ្ឋ)ដែលជាតួអង្គដ៏សំខាន់ក្នុងការតស៊ូទាមទារឯករាជ្យពីប្រទេសបារាំង បាន​យាង​ចូល​ទិវង្គត​អស់រយៈពេលច្រើនឆ្នាំមកហើយក្តី តែស្នាព្រះហស្ថ ក្នុង​ការ​នាំ​មក​នូវ​សិទ្ធិសេរីភាព​ពី​ប្រទេស​បារាំង បានធ្វើឱ្យប្រជារាស្រ្តរបស់ព្រះអង្គនៅ​តែ​ចង​ចាំ​ក្នុងក្រអៅបេះដូងមិនអាច​បំភ្លេច​បាន​ឡើយ​នូវ​ព្រះរាជបូជនីយកិច្ចដ៏ឧត្តុង្គឧត្តមរបស់ព្រះអង្គ។

ជាមួយគ្នានេះដែរក្រោមការដឹកនាំដ៏ឈ្លាសវៃរបស់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយបានដាក់ចេញនូវគោលនយោបាយ ឈ្នះ ឈ្នះ បានធ្វើឱ្យប្រទេសជាតិយើងទាំងមូលមានសុខសន្តិភាព និងមានការអភិវឌ្ឍរីកចម្រើនលើគ្រប់វិស័យ ព្រមទាំងបានលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។​ប៉ុន្តែ បើទោះ​បី​ឆ្នាំ​នេះ​ស្ថិតក្នុងពេលដែលពិភពលោក ក៏ដូចជាប្រទេសកម្ពុជា មានការផ្ទុះឆ្លងជំងឺកូវីដ-១៩ យ៉ាង​ណា​ក្ដី ក៏ការប្រារព្ធពិធីអបអរសាទរខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ រាជរដ្ឋាភិបាលកម្ពុជា រួមជាមួយក្រសួងពាក់ព័ន្ធ មន្រ្តីរាជការ កងកម្លាំងប្រដាប់អាវុធគ្រប់ប្រភេទ ព្រះសង្ឃ ប្រជាពលរដ្ឋ សិស្សានុសិស្ស នៅតែ​ប្រារព្ធទិវានេះដូចឆ្នាំមុនៗផងដែរ តែការប្រារព្ធធ្វើនេះគឺធ្វើតាមគន្លងថ្មី ដោយ​ប្រកាន់​ភ្ជាប់​ជា​និច្ចនូវ​វិធាន​សុវត្តិភាព ៣កុំ ៣ការពារ ជាប់ជានិច្ច៕

អត្ថបទ៖ សេង ណារិទ្ធ

The post ​ខេត្តកំពត ប្រារព្ធពិធីមីទ្ទិញអបអរសាទរខួបលើកទី ៦៨ ទិវាបុណ្យឯករាជ្យជាតិ ៩ វិច្ឆិកា ​ appeared first on Kampuchea Thmey Daily.

ថ្ងៃទី ៩ វិច្ឆិកា ឆ្នាំ២០២១ គឺជាថ្ងៃរំលឹកប្រារព្ធខួបអនុស្សាវរីយ៍លើកទី ៦៨ នៃទិវាបុណ្យឯករាជ្យជាតិ ៩ វិច្ឆិកា ឆ្នាំ ១៩៥៣ ដែលកម្ពុជាទទួលបានឯករាជ្យ ពីអាណានិគមនិយមបារាំង ក៏ដូចជារំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់អតីតព្រះមហាក្សត្រ ព្រះករុណា ព្រះបាទ សម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូ ក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដ នៅកម្ពុជា។

យ៉ាងណាមិញ ថ្ងៃនេះមិនត្រឹមតែប្រជាជនកម្ពុជានោះទេ ដែលប្រារព្ធទិវាបុណ្យឯករាជ្យជាតិ ៩ វិច្ឆិកា សូម្បីក្រុមហ៊ុន Google ក៏បានចូលរួមប្រារព្ធជាមួយប្រទេសកម្ពុជាដូចគ្នាដែរ ខណៈឆ្នាំនេះក្រុមហ៊ុនបានប្ដូររូបភាពលើ Homepage របស់ខ្លួននូវទង់ជាតិកម្ពុជារយៈពេលមួយថ្ងៃ៕

អត្ថបទ៖ សន្យា

ចុចអាន៖ សម្ដេចតេជោ ហ៊ុន សែន អបអរសាទរ ខួបអនុស្សាវរីយ៍លើកទី ៦៨ នៃទិវាបុណ្យឯករាជ្យជាតិ ៩ វិច្ឆិកា

The post Google ចូលរួមប្រារព្ធទិវាបុណ្យឯករាជ្យជាតិ ៩ វិច្ឆិកា ជាមួយកម្ពុជា appeared first on Kampuchea Thmey Daily.

យោងតាមទំព័រហ្វេសប៊ុក របស់សម្ដេចតេជោ ហ៊ុន សែន បានសរសេរថា ថ្ងៃនេះ គឺជាថ្ងៃដែលប្រទេសកម្ពុជា ត្រូវប្រារព្ធខួបអនុស្សាវរីយ៍លើកទី ៦៨ នៃទិវាបុណ្យឯករាជ្យជាតិ ៩ វិច្ឆិកា(៩ វិច្ឆិកា ១៩៥៣-៩ វិច្ឆិកា ២០២១)ដែលកម្ពុជាទទួលបានឯករាជ្យ ពីអាណានិគមនិយមបារាំង ស្របជាមួយនឹងខួប ៦៨ឆ្នាំ នៃការបង្កើតកងយោធពលខេមរភូមិន្ទ ផងដែរ។

សម្ដេចតេជោនាយករដ្ឋមន្ត្រី បានសរសេរបន្តថា ទិវាបុណ្យឯករាជ្យជាតិ ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់ព្រះករុណា ព្រះបាទ សម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូ ក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដ នៅកម្ពុជា៕  

The post សម្ដេចតេជោ ហ៊ុន សែន អបអរសាទរ ខួបអនុស្សាវរីយ៍លើកទី ៦៨ នៃទិវាបុណ្យឯករាជ្យជាតិ ៩ វិច្ឆិកា appeared first on Kampuchea Thmey Daily.