ព័ត៌មានជាតិ

រដ្ឋបាលសាលាខេត្តកំពង់ចាម ប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ

បានផុស

៥ ថ្ងៃ មុន

នៅ

ថ្ងៃអាទិត្យ ៩ វិច្ឆិកា ២០២៥

ដោយ

រដ្ឋបាលសាលាខេត្តកំពង់ចាមនៅថ្ងៃទី ០៩ ខែវិច្ឆិកា ឆ្នាំ ២០២៥ បានប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ (១៩៥៣-២០២៥) ដែលមានការចូលរួមពីប្រជាពលរដ្ឋ មន្ត្រីរាជការ និងព្រះសង្ឃ យ៉ាងច្រេីនកុះកករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខ្លូត ផន ប្រធានក្រុមប្រឹក្សាខេត្តកំពង់ចាម និង លោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅថ្ងៃទី ០៩ ខែវិច្ឆិកា បានប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ។

ពិធីបុណ្យឯករាជ្យជាតិខួបលើកទី ៧២ ដែលប្រារព្ធធ្វើឡើងជារៀងរាល់ឆ្នាំ ជាថ្ងៃមួយដែលប្រជាពលរដ្ឋខ្មែរទូទៅចង់ចាំមិនភ្លេចទេនូវ ព្រះរាជបូជនីយកិច្ច និងស្នាព្រះហស្តរបស់ព្រះករុណាមហាវីរក្សត្រព្រះបាទ សម្ដេច នរោត្ដម សីហនុ ព្រះវរាជបីតា ឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ទាមទារឯករាជ្យពីអាណានិគមបារាំងក្នុងឆ្នាំ១៩៥៣។

លោក អ៊ុន ចាន់ដា អភិបាលខេត្តកំពង់ចាម មានប្រសាសន៍ថា យេីងរួមគ្នាថែរក្សាសុខសន្តិភាព និងចង់ចាំនូវគុណតម្លៃនៃថ្ងៃទី ០៩ វិច្ឆិកា ដែលព្រះបាទ នរោត្ដម សីហនុ ទ្រង់ខិតខំលះបង់អាយុជីវិត និងកម្លាំងកាយចិត្ត ដើម្បីទាមទារឯករាជ្យជូនកម្ពុជាវិញ និងបានដឹកនាំកម្ពុជាឆ្ពោះទៅរកការរីចម្រើនបន្តទៀត។

ប្រទេសមួយមានរីកចម្រើន មានសិទ្ធិសេរីភាព ដើរហើរដូច្នេះ គឺមានមោនទភាពណាស់ចំពោះពលរដ្ឋកម្ពុជាទូទាំងដែលមានសិទ្ធិសព្វបែបយ៉ាង ក្នុងវិស័យពុទ្ធិចក្រ និងអាណាចក្រ ហើយរួមគ្នាថែរក្សានូវអ្វីដែលមានស្រាប់កុំឱ្យបាត់បង់ ជាពិសេសរក្សានូវសមិទ្ធផលជាច្រើនដែលមាន និងកំពុងបន្តបង្កើតថ្មីៗបន្ថែមទៀត ក្រោមដំបូងសុខសន្តិភាព។

ក្នុងនាមជាពលរដ្ឋកម្ពុជា ត្រូវព្យាយាម និងពង្រឹងសមត្ថភាពខ្លួនឯង ដោយមិនត្រូវពឹងលើកម្លាំងចំណេះដឹងរបស់ប្រទេសណាមួយឡើយ៕