The post សេចក្ដីជូនដំណឹងដល់អតិថិជន និងម្ចាស់បំណុលរបស់គ្រឹះស្ថានផ្ដល់សេវាទូទាត់សងប្រាក់ ឃូប៊ីល ភីអិលស៊ី appeared first on Kampuchea Thmey Daily.

The post សេចក្ដីជូនដំណឹង ស្ដីអំពីការជម្រះបញ្ជីរបស់គ្រឹះស្ថានផ្ដល់សេវាទូទាត់សងប្រាក់ ឃូប៊ីល ភីអិលស៊ី appeared first on Kampuchea Thmey Daily.

The post សេចក្ដីជូនដំណឹង ស្ដីអំពីការជម្រះបញ្ជីរបស់ក្រុមហ៊ុន អ៊ិកស៊ីឌី ប៉ោយប៉ែត ខូ អិលធីឌី appeared first on Kampuchea Thmey Daily.

The post សេចក្ដីជូនដំណឹងដល់អតិថិជន និងម្ចាស់បំណុលរបស់ក្រុមហ៊ុន អ៊ិកស៊ីឌី ប៉ោយប៉ែត ខូ អិលធីឌី appeared first on Kampuchea Thmey Daily.

​ការប្រកាស​ផ្ដល់សំណងដល់អតិថិជនធនាគារព្រីនស៍​ គឺ​បានធ្វើឡើងបន្ទាប់ពីធនាគារជាតិនៃកម្ពុជា (NBC) បាន​ចាត់តាំងក្រុមហ៊ុនក្រុម​ម៉ូរី​សុនកាក់​ ​អិមខេអេ​ ​ចុះជម្រះបញ្ជីធនាគារព្រីនស៍ ក្រោយ​ពីសមត្ថកិច្ចកម្ពុជាចាប់​ខ្លួន​លោក​ Chen Zhi ស្ថាបនិក ​និង​ជាប្រធានក្រុមហ៊ុន​ Prince Group​ ពាក់​ព័ន្ធ​នឹង​ Online Scam ​កាលពីថ្ងៃទី ០៧ ខែមករា ឆ្នាំ ២០២៦។ ​

​លោកស្រី ​ជា ​សិរី ​ទេសាភិបាល​ធនាគារ​ជាតិ​នៃ​កម្ពុជា កាលពីថ្ងៃពុធ ​បាន​អំពាវ​នាវ​ឱ្យ​អតិថិជន​របស់​ធនាគារ ​PRINCE ​និង​ធនាគារ​ Panda ​យោគយល់ ​និង​ទុក​ពេល​ឱ្យ​ក្រុមហ៊ុន​ជម្រះបញ្ជី​ធ្វើការ​ពន្លឿន​នីតិវិធី ​​ដោះ​ស្រាយ​ឱ្យ​បាន​ប្រាក់​បញ្ញើ​របស់​អតិថិជន​វិញ​ឆាប់​រហ័ស​។​

​លោកស្រី ​ជា ​សិរី ​បញ្ជាក់ថា៖ «ការជម្រះបញ្ជី ​ដំបូងឡើយជាទូទៅជាក្រុមហ៊ុនសវនកម្ម គាត់នឹង​ចុះទៅឃុំគ្រងប្រតិបត្តិការរបស់គ្រឹះស្ថាននោះ ការឃុំគ្រងបានន័យថា គាត់នឹងផ្អាក​អាជីវកម្ម​របស់​គ្រឹះស្ថាន ដើម្បីគាត់វាយតម្លៃថា មានទ្រព្យសម្បត្តិអ្វីខ្លះដែលគាត់អាច​យកមកបំប្លែង​បាន​ជាសាច់​លុយ​ ដើម្បីបើកជូន​ទៅដល់អ្នកដែលធនាគារនោះជំពាក់»។​

​​​លោកស្រី ​ជា ​សិរី ​បន្ថែមថា ​ការវាយតម្លៃ ​និងបំប្លែងទ្រព្យសម្បត្តិទាំងអស់​នោះ​គឺទាមទារពេលវេលា ប្រសិនបើវាយតម្លៃ​លឿនពេក គឺធ្វើឱ្យតម្លៃទ្រព្យសម្បត្តិទាំងអស់នោះធ្លាក់ទាប ហើយបើទ្រព្យ​សម្បត្តិ​ធ្លាក់ទាប គាត់នឹងអាចខ្វះលទ្ធភាពក្នុងការសងប្រាក់ទៅ​អ្នកដែលធនាគារជំពាក់​ឱ្យបាន​ពេញ​លេញ៕

ខ្លឹមសារទាំងស្រុងរបស់ក្រុមហ៊ុនម៉ូរី​សុនកាក់​ ​អិមខេអេ ខាងក្រោម៖

The post ​អតិថិជន​របស់ធនាគារ​ព្រីនស៍​ នឹង​ទទួល​បានប្រាក់​សំណង​សប្ដាហ៍​ក្រោយ​ appeared first on Kampuchea Thmey Daily.

ក្រោយការឃាត់ខ្លួនរយៈពេលជាង១០ថ្ងៃ ទីបំផុតកូនបំណុលត្រូវបានដោះលែងឱ្យមានសេរីភាពជួបជុំកូនវិញហើយ នាល្ងាចថ្ងៃទី២៤ ខែកក្កដា ឆ្នាំ២០២៥នេះ ក្រោយមានការស៊ើបអង្កេតពីក្រសួងយុត្តិធម៌ និងលោក ធាម ច័ន្ទពិសិដ្ឋ ប្រធានសាលាដំបូងខេត្តតាកែវ បើកការស៊ើបសួររួចមក។

សូមរំឮកថា កូនបំណុល ឈ្មោះ ធីដា រស់នៅភូមិត្រពាំងរុន ឃុំឧត្ដមសូរិយាស្រុកត្រាំកក់ ខេត្តតាកែវ បានទៅខ្ចីចងការប្រាក់ពីឈ្មោះ អេង សុខា ចំនួន២លានរៀល ដែលមានទីលំនៅ ភូមិជ្រេ ឃុំលាយបូរ ស្រុកត្រាំកក់ ខេត្តតាកែវ ដោយដើមប្រាក់ដំបូងចំនួន២លានរៀល ហើយត្រូវបង់ចុងក្នុងមួយថ្ងៃ ១៦មុឺនរៀល ដោយមិនឱ្យម្ដាយ រឺគ្រួសារបានដឹងឡើយ ហើយអាជ្ញាធរភូមិឃុំក៏មិនបានដឹងឮដែរ និងការដាក់បញ្ចាំប្លង់ក៏គ្មាន គឺលក្ខណៈចងការឯកជនស្ងាត់ៗតែម្ដង។ ស្រាប់តែកន្លងទៅថ្មីៗនេះ ខាងអធិការនគរបាលស្រុកត្រាំកក់ បានដាក់លិខិតកោះហៅទាំង២នាក់ប្ដីប្រពន្ធ ប្រពន្ធឈ្មោះ ធីដា អាយុ៣៥ឆ្នាំ រស់នៅភូមិត្រពាំងរុន ឃុំឧត្តមសូរិយា ស្រុកត្រាំកក់ ខេត្តតាកែវ និងប្ដីឈ្មោះ ផាន់ សុផាត អាយុ៣៦ឆ្នាំ រស់នៅភូមិឃុំជាមួយប្រពន្ធដែលជាកូនបំណុល ឱ្យចូលទៅបំភ្លឺនៅអធិការស្រុកត្រាំកក់ ដោយមានពាក្យបណ្ដឹង ពីឈ្មោះ អេង សុខា រស់នៅភូមិជ្រេ ឃុំលាយបូរ ស្រុកត្រាំកក់។

ក្រោយពេលដែលពួកគាត់ចូលទៅបំភ្លឺនៅចំពោះមុខសមត្ថកិច្ចនៃអធិការស្រុករួចរាល់ហើយ  គាត់បានប្រាប់ម្ដាយឱ្យដឹងថា ខាងម្ចាស់បំណុល គេឱ្យពួកគាត់ផ្ដិតមេដៃ ទទួលស្គាល់ថា នៅជំពាក់ប្រាក់សរុប ៤៩លានរៀល។ ហេតុតែកូនបំណុល ខ្លាចគេប្ដឹងចាប់ដាក់គុក ក៏ព្រមផ្ដិតមេដៃទទួលស្គាល់ថា នៅជំពាក់ប្រាក់៤៩លានរៀលនេះតែម្ដង។ បានរយៈពេល១០ថ្ងៃ ពួកគាត់បានទទួលលិខិតកោះហៅ ពីស្នងរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តតាកែវ ឱ្យចូលទៅបំភ្លឺ ដោយមានលិខិតកោះហៅ ចំនួន២នាក់ប្ដីប្រពន្ធ នៅថ្ងៃទី១១ ខែកក្កដា ឆ្នាំ២០២៥ ដើម្បីសាកសួរតាមពាក្យបណ្តឹង។

ក្រោយពេលសមត្ថកិច្ចបានសាកសួរពីរនាក់ ប្ដីប្រពន្ធរួចហើយ សមត្ថកិច្ចក៏បានកសាងសំណុំរឿងបញ្ជូនទៅសាលាដំបូងខេត្តតាកែវ ហេីយក្រោយសាលាដំបូងបានសាកសួរចប់ ខាងសាលាដំបូងបានសម្រេចឃុំខ្លួន បណ្ដោះអាសន្ន រងចាំការសើបអង្កេត នៅពេលក្រោយ។ ដោយឡែកខាងសមត្ថកិច្ចវិញបញ្ជាក់ថា ជុំវិញរឿងរ៉ាវខាងលើនេះដែរ ខាងសមត្ថកិច្ចជំនាញធ្វើទៅតាមនីតិវិធីច្បាប់ រឿងឆបោកប្រាក់ និងយោងទៅតាមភស្ដុតាងមួយចំនួនប៉ុណ្ណោះ៕

អត្ថបទ៖ វីរៈ

The post កូនបំណុល២នាក់ប្ដីប្រពន្ធដែលត្រូវម្ចាស់បំណុលប្ដឹងដាក់គុកមានសេរីភាពជួបជុំកូនវិញហើយ appeared first on Kampuchea Thmey Daily.

តាមប្រភពពីម្ដាយរបស់កូនបំណុលបានរៀបប្រាប់ កម្ពុជាថ្មី នៅព្រឹក ថ្ងៃទី២០ ខែកក្កដា ឆ្នាំ២០២៥ ថា ដើមហេតុដំបូងកូនគាត់ឈ្មោះ ធីដា រស់នៅភូមិត្រពាំងរុន ឃុំឧត្ដមសូរិយាស្រុកត្រាំកក់ ខេត្តតាកែវ បានទៅខ្ចីចងការប្រាក់ ពីឈ្មោះ អេង សុខា ចំនួន២លានរៀល ដែលមានទីលំនៅ ភូមិជ្រេ ឃុំលាយបូរ ស្រុកត្រាំកក់ ខេត្តតាកែវ ។

ដោយដើមប្រាក់ដំបូងចំនួន២លានរៀល ហើយត្រូវបង់ចុងក្នុងមួយថ្ងៃ ១៦មុឺនរៀល ហើយកូនគាត់តែងតែបង់ចុង ដោយមិនឱ្យម្ដាយ រឺគ្រួសារបានដឹងឡើយ ហើយអាជ្ញាធរភូមិឃុំក៏មិនបានដឹងឮដែរ និងការដាក់បញ្ចាំប្លង់ក៏គ្មាន គឺលក្ខណៈ ចងការឯកជនស្ងាត់ៗតែម្ដង។ ស្រាប់តែកន្លងទៅថ្មីៗនេះ នគរបាលនៃអធិការនគរបាលស្រុកត្រាំកក់ បានដាក់លិខិតកោះហៅកូនគាត់ទាំងប្ដីប្រពន្ធ ប្រពន្ធឈ្មោះ ធីដា អាយុ៣៥ ឆ្នាំ រស់នៅភូមិត្រពាំងរុន ឃុំឧត្តមសូរិយា ស្រុកត្រាំកក់ ខេត្តតាកែវ និងប្ដីឈ្មោះ ផាន់ សុផាត អាយុ៣៦ឆ្នាំ រស់នៅភូមិឃុំជាមួយប្រពន្ធដែលជាកូនបំណុល ឱ្យចូលទៅបំភ្លឺនៅអធិការស្រុកត្រាំកក់ ក្រោយមានពាក្យបណ្ដឹង ពីឈ្មោះ អេង សុខា រស់នៅភូមិជ្រេ ឃុំលាយបូរ ស្រុកត្រាំកក់។

ក្រោយពេលដែលកូនគាត់បានចូលទៅបំភ្លឺនៅចំពោះមុខសមត្ថកិច្ចនៃអធិការស្រុករួចរាល់ហើយ កូនគាត់បានប្រាប់ម្ដាយឱ្យដឹងថា ខាងម្ចាស់បំណុល គេឱ្យកូនគាត់ផ្ដិតមេដៃទទួលស្គាល់ថា នៅជំពាក់ប្រាក់សរុប ៤៩លានរៀល ហើយបានបោះពាក្យថា បើមិនផ្តិតមេដៃទទួលស្គាល់នៅជំពាក់ប្រាក់៤៩លានរៀលនេះ គេនឹងប្ដឹងចាប់ដាក់គុកហើយ។ ហេតុតែកូនបំណុលខ្លាចគេប្ដឹងចាប់ដាក់គុក ក៏ព្រមផ្ដិតមេដៃទទួលស្គាល់ថានៅជំពាក់ប្រាក់៤៩លានរៀលនេះតែម្ដង ហើយកូនគាត់បានប្រាប់ថា ក៏បានសងគេអស់ចំនួន១លានរៀលទៀត។

បានរយៈពេល១០ថ្ងៃ កូនគាត់បានទទួលលិខិតកោះហៅ ពីស្នងរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តតាកែវ ឱ្យចូលទៅបំភ្លឺ ដោយមានលិខិតកោះហៅ ចំនួន២នាក់ប្ដីប្រពន្ធ នៅថ្ងៃទី១១ ខែកក្កដា ឆ្នាំ២០២៥ ដើម្បីសាកសួរតាមពាក្យបណ្តឹង។ ក្រោយពេលខាងសមត្ថកិច្ចបានសាកសួរកូនគាត់ទាំង២នាក់ប្ដីប្រពន្ធរួចហើយ អ្នកមុីងដែលត្រូវជាម្ដាយ របស់កូនបំណុល បានប្រាប់ឱ្យដឹងទៀតថា កូនគាត់ត្រូវសមត្ថកិច្ចកសាងសំណុំរឿងឡើងទៅសាលាដំបូងខេត្តតាកែវ ហេីយក្រោយសាលាដំបូងបានសាកសួរនាំចប់ ខាងសាលាដំបូងបានសម្រេចឃុំខ្លួនកូនគាត់ បណ្ដោះអាសន្ន រងចាំការសើបអង្កេត នៅពេលក្រោយ មកដល់ពេលនេះឃុំខ្លួនកូនគាត់រយ:ពេល១០ថ្ងៃហើយ។

ជុំវិញរឿងរ៉ាវខាងលើនេះដែរ ខាងសមត្ថកិច្ចជំនាញព្រហ្មទណ្ឌបានឱ្យដឹងថា សមត្ថកិច្ចធ្វើទៅតាម នីតិវិធីច្បាប់ រឿងឆបោកប្រាក់ និងយោងទៅតាមភស្ដុតាងមួយចំនួនប៉ុណ្ណោះ ។ ដោយឡែក លោក ឯក ឆេងហួត ព្រះរាជអាជ្ញា អមសាលាដំបូងខេត្តតាកែវ បានឱ្យដឹងនៅព្រឹកថ្ងៃទី២០ ខែកក្កដា ឆ្នាំ២០២៥នេះដែរថា រឿងនេះមិនមែនដូចការរៀបរាប់ របស់អ្នកមុីងទាំងស្រុងទេ សូមសួរនាំគាត់ឡើងវិញ។

ទោះបីយ៉ាងណាក៏ដោយ ម្ដាយ របស់កូនបំណុល បានសំណូមពរទៅដល់ លោក វុី សំណាង អភិបាលខេត្តតាកែវ លោក ធាម ចន្ទពិសិដ្ឋ ប្រធានសាលាបូងខេត្តតាកែវ ឯកឧត្តមឧបនាយករដ្ឋមន្រ្តី កើត រិទ្ធ រដ្ឋមន្ត្រីក្រសួងយុត្តិធម៌ ជាពិសេស សម្ដេចមហាបវរ ធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា សូមជួយរកយុត្តិធម៌ជូនកូនគាត់ផង ព្រោះរឿងនេះ ហេតុអ្វីអយុត្តិធម៌ម្លេះ គ្រាន់តែរឿងជំពាក់លុយ ហើយប្រពន្ធអ្នកខ្ចី បែរជាចាប់ដល់ប្ដីដាក់គុកបន្ថែមទៀត បន្សល់ទុកកូន៣នាក់ឱ្យនៅកំព្រាឯកា៕

អត្ថបទ៖ វីរៈ

The post រឿងចងការប្រាក់ ម្ចាស់បំណុលប្តឹងកូនបំណុលដាក់គុកបន្សល់កូនតូចៗបីនាក់រស់នៅជាមួយជីដូន appeared first on Kampuchea Thmey Daily.

ដើមហេតុដំបូង ឈ្មោះ ហាក់ ង៉ិន រស់នៅក្បែរគ្នា និងរាប់អានគ្នា ខ្ចីប្លង់ដីផ្ទះរបស់ឈ្មោះ ផុន ខេមរា និងអ៊ុយ សុជាតិ យកទៅបញ្ចាំសិន ដើម្បីដោះស្រាយជីវភាពបន្ទាន់។ ដោយសារតែសេចក្តីទុកចិត្ត២នាក់ប្ដីប្រពន្ធក៏ព្រមប្រគល់ប្លង់ដីផ្ទះខ្លួន ទៅ ស្ត្រីឈ្មោះ ហាក់ ង៉ិន ដោយមិនបានធ្វើកិច្ចសន្យាអ្វីឡើយ ដោយមើលឃើញថា ហាក់ ង៉ិន ជាមន្ត្រីតុលាការ។ ក្រោយពីបានឯកភាពគ្នា ស្ត្រីឈ្មោះ ហាក់  ង៉ិន ក៏ពឹងឲ្យប្អូនប្រុសខ្លួនរស់នៅខេត្តសៀមរាប ឈ្មោះ មិច គំនិត បម្រើការងារជាប៉ូលិស ឲ្យជួយរកកន្លែងបញ្ចាំប្លង់ដី។ លុះក្រោយមកឈ្មោះ មិច គំនិត ជាប្អូនប្រុសរបស់ហាក់ ង៉ិន ក៏បានរកឃើញកន្លែងបញ្ចាំទ្រព្យសម្បត្តិមួយកន្លែងនៅរាជធានីភ្នំពេញ និងឈានដល់ដំណាក់កាលនាំគ្នាទៅជួបភាគីម្ចាស់កន្លែងបញ្ចាំតែម្តង។

ក្រោយជួប ម្ចាស់កន្លែងបញ្ចាំ ប្រគល់ថវិកាសុទ្ធចំនួន២៨ម៉ឺនដុល្លា ទៅស្ត្រីឈ្មោះ អ៊ុយ សុជាតិ ជាម្ចាស់ប្លង់ដីផ្ទះ ក្រោមការរៀបចំរបស់ឈ្មោះ មិច គំនិត និងបក្សពួក២នាក់ផ្សេងទៀត នៅរាជធានីភ្នំពេញ។ បន្ទាប់មក ម្ចាស់កន្លែងបញ្ចាំ ក៏ដកថវិកាមកវិញជាង៥ម៉ឺនដុល្លារ ដើម្បីលុយបង់ការទុកមុន ចំណែកថវិកាដែលនៅសេសសល់បានរៀបចំជាគណនីធនាគារ ឲ្យទៅស្ត្រីឈ្មោះ អ៊ុយ សុជាតិ ដើម្បីគ្រប់គ្រងថវិការចំនួន២២.៦៨០០ដុល្លា។ បន្ទាប់មក ឈ្មោះ មិច គំនិត បានដកកម្រៃជើងសារអស់៤ពាន់ដុល្លា និងបានដកឲ្យអ្នកផ្សេងអស់២ពាន់ដុល្លារទៀត។

បន្ទាប់មក ស្ត្រីឈ្មោះ ហាក់ ង៉ិន ក៏យកទូរស័ព្ទពីម្ចាស់ប្លង់ដីផ្ទះឈ្មោះ អ៊ុយ សុជាតិ ដើម្បីផ្ទេរប្រាក់ពីគណនីធនាគារ ទៅគណនីរបស់ខ្លួនចំនួន១៦ម៉ឺនដុល្លារ និងទុកឱ្យស្ត្រីឈ្មោះ អ៊ុយ សុជាតិ ចំនួន៦ម៉ឺនដុល្លារប៉ុណ្ណោះ តាម សំណូមពរស្ត្រីអ៊ុយ សុជាតិ ដោយ ហាក់ ង៉ិន លើកឡើងថា ជាសារគុណដែល អ៊ុយ សុជាតិ បានឲ្យខ្លួនខ្ចីប្លង់ដីផ្ទះទៅបញ្ចាំ និងសន្យាថា រាល់ប្រាក់បញ្ចាំ២៨ម៉ឺុនដុល្លារនោះ ខ្លួនជាអ្នករាប់រងបង់ការ និងសងទាំងដើមឲ្យម្ចាស់កន្លែងបញ្ចាំ ហើយមិនឲ្យស្ត្រីឈ្មោះ អ៊ុយ សុជាតិ ជាម្ចាស់ប្លង់ដីពិបាកឡើយ បន្ទាប់ ឈ្មោះ មិច គំនិត ក៏ជួយរៀបចំជាមូលប្បទានបត្រ (សែក) ឲ្យទៅស្ត្រីឈ្មោះ អ៊ុយ សុជាតិ ថែមទៀតផង។

ដោយសារតែការជឿជាក់ជាមួយស្ត្រីឈ្មោះ ហាក់ ង៉ិន, អ្នកស្រី អ៊ុយ សុជាតិ  និងស្វាមី ផុន ខេមរា  មិនបានខ្វល់ខ្វាយរឿងពាក់ព័ន្ធបំណុលជាមួយភាគីទទួលបញ្ចាំឡើយ។ លុះបានស្ងាត់ស្ងៀមមួយរយៈក៏ស្រាប់តែស្ត្រីឈ្មោះ ហាក់ ង៉ិន បានបាញ់ដីការពីតុលាការរបស់សាលាដំបូងភ្នំពេញឲ្យអ្នកស្រី អ៊ុយ សុជាតិ  និងស្វាមី ផុន ខេមរា។ ការណ៍នេះបង្កការភ្ញាក់ផ្អើល បណ្ដាលឱ្យអ្នកស្រី អ៊ុយ សុជាតិ  និងស្វាមី ផុន ខេមរា រត់គេចខ្លួន។ ជាមួយគ្នា អ្នកស្រី ហាក់ ង៉ិន ក៏បានសន្យាស្វែងរកមេធាវីជូនអ្នកស្រី អ៊ុយ សុជាតិ  និងស្វាមី ផុន ខេមរា ប៉ុន្តែតែជាលទ្ធផលគឺគ្មានដំណឹងអ្វីទៀតឡើយ។

ស្ត្រីជាម្ចាស់ប្លង់ដីឈ្មោះ អ៊ុយ សុជាតិ បច្ចុប្បន្នកំពុងរស់នៅទីតាំងសុវត្ថិភាព ប្រាប់«កម្ពុជាថ្មី» តាមប្រព័ន្ធតេលេក្រាមថា ៖«ក្រោយពីស្ត្រីឈ្មោះ ហាក់ ង៉ិន  ដែលក្រុមគ្រួសាររបស់ខ្លួនទុកចិត្ត និងស្រឡាញ់ដូចជាប្អូនស្រីរបស់ខ្លួនបានពឹងយកប្លង់ដីផ្ទះទៅបញ្ចាំនោះ ខ្លួនក៏បានប្រាប់ទៅភាគីឈ្មោះ ហាក់ ង៉ិន ដែលហៅតាមទម្លាប់ “ប្អូនស្រី” ថា បើបានដាក់បញ្ចាំហើយខ្លួនសុំខ្ចីចំនួន៦ម៉ឺនដុល្លាផង ក្នុងចំណោមលុយដាក់បញ្ចាំមានសរុបចំនួន២៨ម៉ឺនដុល្លារ ដើម្បីប្រើការ។ ក្រៅពីនេះស្ត្រីឈ្មោះ ហាក់  ង៉ិន  បានប្រគល់ប្រាក់បន្ថែមចំនួន៥ម៉ឺនដុល្លារ ទៅស្ត្រីរងគ្រោះឈ្មោះអ៊ុយ សុជាតិ ដោយប្រាប់ថាលុយ៥ម៉ឺនដុល្លានេះ ជាសារគុណ ដែលក្រុមគ្រួសារអ្នកស្រី អ៊ុយ សុជាតិ  ឲ្យខ្ចីប្លង់ដី និងផ្ទះទៅបញ្ចាំ ក្នុងនោះស្ត្រីឈ្មោះ ហាក់ ង៉ិន ក៏បានប្រាប់ទៅ២នាក់ប្តីប្រពន្ធ ដែលជាម្ចាស់ប្លងដីនិងផ្ទះថា មិនចាំបាច់ព្រួយបារម្ភនោះទេ ដោយខ្លួននិងសងទាំងដើម និងការដល់ភាគីម្ចាស់បំណុលទាំងអស់។

ឆ្លើយតប និងការអះអាងរបស់ស្រី្តឈ្មោះ ង៉ិន, លោក ផុន ខេមរា ជាស្វាមីរបស់ជនរងគ្រោះជាមួយស្រីឈ្មោះ អ៊ុយ សុជាតិ បានប្រាប់ទៅស្ត្រីឈ្មោះ ង៉ិន ថា «ចឹងរឿងនេះ បងសុំតែរួចខ្លួនប៉ុណ្ណោះ លើប្អូនស្រីហើយ កុំឲ្យបងមានការពាក់ព័ន្ធ»។

កាលពីចុងខែមិថុនា ឆ្នាំ២០២៥ ថ្មីៗនេះថា ស្ត្រីឈ្មោះ ហាក់  ង៉ិន បានប្រាប់ដល់ប្អូនស្រីរបស់អ្នកស្រី អ៊ុយ សុជាតិ ថា ឲ្យអ្នកស្រី អ៊ុយ សុជាតិ និងស្វាមីគេចខ្លួនសិនទៅ ២សប្ដាហ៍ទៀត ខ្លួននឹងយកលុយទាំង១៦ម៉ឺនដុល្លារសងទៅវិញ ប៉ុន្តែប៉ុន្មានថ្ងៃក្រោយមក ស្ត្រីឈ្មោះ ហាក់ ង៉ិន ប្រាប់វិញថា ខ្លួនគ្មានលុយឡើយ ព្រោះផ្ទះរបស់ខ្លួន ស្ថិតក្នុងដីការការពាររបស់តុលាការហើយ។

«កម្ពុជាថ្មី» ព្យាយាមសុំការឆ្លើយតបពីអ្នកស្រី ហាក់ ង៉ិន ដែលត្រូវបានក្រុមគ្រួសារលោក ផុន ខេមរា និងអ្នកស្រី អ៊ុយ  សុជាតិ ចោទប្រកាន់ ប៉ុន្តែមិនអាចសុំការឆ្លើយតបបានឡើយ។

នៅរសៀលថ្ងៃទី៣ ខែកក្កដា ឆ្នាំ ប្រភពជិតស្និតដែលបានស្គាល់ ​នឹងប្រពន្ធរបស់ឈ្មោះ មិច គំនិត ជាមន្ត្រីប៉ូលិស និងជាប្អូនប្រុសរបស់ស្ត្រីឈ្មោះ  ហាក់ ង៉ិន ប្រាប់«កម្ពុជាថ្មី»ថា ប្រពន្ធរបស់ មិច គំនិត រៀបរាប់ថា ស្វាមីខ្លួន ត្រូវសមត្ថកិច្ចចាប់ខ្លួនដាក់ជាប់ពន្ធធនាគារនៅខេត្តសៀមរាប ប៉ុន្តែមិនបានប្រាប់លម្អិតថា ប្តីរបស់ខ្លួនឈ្មោះ មិច គំនិត ជាប់ពន្ធនាគារពាក់ព័ន្ធនឹងករណីអ្វីនោះទេ៕

អត្ថបទ៖ សៅ សារិទ្ធ

The post ប្តីប្រពន្ធមួយគូរ រៀបរាប់ថា ខ្លួនរងគ្រោះ ព្រោះទ្រព្យខ្លួនឯង ដោយសារទុកចិត្តអ្នករាប់អានគ្នា appeared first on Kampuchea Thmey Daily.