ប្រដាល់ Archives - Kampuchea Thmey Daily

ជើងខ្លាំងហ្វីលីពីន Pacquiao ទម្លាយពីជំនួបជាមួយ Mayweather ម្តងទៀត

Kosal Apple — Wed, 03 Jan 2024 15:37:05 +0000

កីឡាករប្រដាល់ជើងខ្លាំងហ្វីលីពីន Manny Pacquiao បានបង្ហើបដំណឹងដ៏ភ្ញាក់ផ្អើលមួយ គឺលោកនឹងឈានជើងចូលសង្វៀនជាមួយ Floyd Mayweather ម្ដងទៀតនៅក្នុងឆ្នាំថ្មីនេះ។

យោងតាមការចុះផ្សាយពីសារព័ត៌មាន vnexpress បានឱ្យដឹងថា Manny Pacquiao បានបង្ហើបដូច្នេះ នៅក្នុងអំឡុងពេលព្រឹត្តិការណ៍ឆ្នាំថ្មីរបស់សហព័ន្ធប្រយុទ្ធ RIZIN នៅទីក្រុង Saitama ប្រទេសជប៉ុន។ លោកថា លោកបានត្រៀមខ្លួនរួចជាស្រេចសម្រាប់ព្រឹត្តិការណ៍ប្រកួតដ៏ធំនៅឆ្នាំ ២០២៤ ។

ត្បិតតែពុំបាននិយាយអ្វីឱ្យលម្អិតជាងនេះ ប៉ុន្តែគេបានឮយ៉ាងច្បាស់នូវសំដីរបស់ Manny Pacquiao និយាយឈ្មោះរបស់កីឡាករអាមេរិក Floyd Mayweather ត្រង់ឃ្លាមួយថា «ឆ្នាំក្រោយ ខ្ញុំសង្ឃឹមថា នឹងបានជួបអ្នកនៅទីនេះ នៅប្រទេសជប៉ុនជាមួយនឹងការប្រកួតដ៏ធំមួយជាមួយ»។

ឃ្លាខាងលើរបស់អ្នកប្រដាល់ហ្វីលីពីន Manny Pacquiao បានងាកទៅមើលមុខប្រធាន Rizin Nobuyuki Sakakibara ដើម្បីសួរថា បើគាត់បង្ហើបឈ្មោះដៃគូតើមាបញ្ហាអ្វីអត់? ពេលនោះលោក Rizin Nobuyuki Sakakibara បានងក់ក្បាលហើយតបថា មិនអីទេគឺ Floyd Mayweather។ ភ្លាមនោះ Manny Pacquiao ក៏បាននិយាយទៅកាន់ទស្សនិកជនបន្តថា «បាទ! គឺជាមួយ Floyd Mayweather ខ្ញុំពិតជារំភើបចំពោះរឿងនេះ»។

នេះជាដំណឹងដ៏រីករាយមួយសម្រាប់អ្នកគាំទ្រ ព្រោះគិតមកទល់ពេលនេះមានរយៈពេលជិត៩ឆ្នាំហើយចាប់តាំងពីការជួបគ្នាលើកដំបូងរបស់ Pacquiao និង Mayweather ក្នុងព្រឹត្តិការណ៍”The Fight of the Century” នៅ Las Vegas ដែលកីឡាករអាមេរិកទទួលបានជ័យជម្នះ។

កីឡាករប្រដាល់ជើងខ្លាំងហ្វីលីពីន Manny Pacquiao បានចូលនិវត្តន៍ក្នុងឆ្នាំ២០២១ ជាមួយកំណត់ត្រាប្រកួតឈ្នះ ៦២ដង ស្មើ២ដង និងចាញ់៨ដង ។ ចាប់តាំងពីចូលនិវត្តន៍មក លោកបានប្រកួតជាលក្ខណ:មិត្តភាពប៉ុណ្ណោះ៕

ប្រែសម្រួល÷ កុសល

The post ជើងខ្លាំងហ្វីលីពីន Pacquiao ទម្លាយពីជំនួបជាមួយ Mayweather ម្តងទៀត appeared first on Kampuchea Thmey Daily.

ថៃ រៀបចំការប្រកួតប្រដាល់ជាប្រវត្តិសាស្រ្ត រវាង Buakaw និង Pacquiao

Sok Sovann — Sat, 15 Jul 2023 02:00:00 +0000

នាយកប្រតិបត្តិ Fresh Air Festival គ្រោងនឹងរៀបចំព្រឹត្តិការណ៍កីឡាដ៏សំខាន់មួយទៀត នៅក្នុងប្រទេសថៃ ពោលគឺការប្រកួតប្រដាល់រវាងកីឡាករថៃ Buakaw Banchamek និងស្តេចប្រដាល់ហ្វីលីពីន Manny Pacquiao។

សម្រាប់សន្និសីទសារព័ត៌មានដើម្បីប្រកាសអំពីព្រឹត្តិការណ៍នេះ និងការចុះហត្ថលេខាលើកិច្ចសន្យាផ្លូវការ គឺគ្រោងធ្វើនៅថ្ងៃទី២១ខែកក្កដា។

យោងតាមការបង្ហោះ Facebook ដោយអ្នកសរសេរព័ត៌មានកីឡាដ៏ល្បីឈ្មោះមួយរូបរបស់ថៃ បានឲ្យដឹងថា លោក Vinij Lertratanachai នាយកប្រតិបត្តិក្រុមហ៊ុន Fresh Air កំពុងរៀបចំព្រឹត្តិការណ៍កីឡាអន្តរជាតិដ៏អស្ចារ្យដែលមានឈ្មោះថា “The Match 3”។ Buakaw នឹងឡើងសង្វៀនប្រដាល់ ប្រកួតជាមួយ Manny Pacquiao ដែលជាអតីតម្ចាស់ខ្សែក្រវាត់ប្រដាល់ពិភពលោក ក្នុងប្រភេទទម្ងន់ជាច្រើន។

ការប្រកួតនឹងធ្វើឡើងនៅខែមករាឆ្នាំ២០២៤ ក្នុងប្រទេសថៃ ចំណែកសន្និសីទសារព័ត៌មាន និងការចុះកិច្ចសន្យាជាផ្លូវការ នឹងធ្វើឡើងនៅសប្តាហ៍ក្រោយក្នុងអគារពាណិជ្ជកម្ម Icon Siam វេលាម៉ោង៤រសៀល។

Pacquiao ក៏នឹងមានវត្តមានក្នុងសន្និសីទកាសែតដែរ ហើយទីកន្លែងប្រកួតនឹងត្រូវបង្ហាញនៅថ្ងៃនោះតែម្តង៕

ប្រែសម្រួល៖ Vann Vann

ប្រភព៖ Nation

ចុចអាន៖ ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន

The post ថៃ រៀបចំការប្រកួតប្រដាល់ជាប្រវត្តិសាស្រ្ត រវាង Buakaw និង Pacquiao appeared first on Kampuchea Thmey Daily.

ប្រធានសហព័ន្ធប្រដាល់ឡាវថា «មួយថៃ គឺជាសិល្បៈក្បាច់គុនក្លែងក្លាយ ដែលប្រជាជនថៃ ព្យាយាមជំរុញពិភពលោកឲ្យយល់ខុស»

អ៊ិន ពិសី — Fri, 17 Feb 2023 10:01:05 +0000

ប្រធានបទក្តៅៗចុងក្រោយនៅលើយូធូប ពេលដែលប្រធានសហព័ន្ធប្រដាល់ឡាវ ត្អូញត្អែរអំពី សហព័ន្ធគុនមួយអន្តរជាតិ (IFMA) ថាគ្រាន់តែជាអ្នករៀបចំការប្រកួត ហើយគ្មានសិទ្ធិហាមឃាត់ប្រទេសណាដែលទទួលយកការប្រកួត “គុនខ្មែរ” នៅស៊ីហ្គេម ឆ្នាំ ២០២៣ នោះទេ មិនតែប៉ុណ្ណោះលោកថែមទាំងថា “Muay Thai” គឺជាសិល្បៈក្បាច់គុនក្លែងក្លាយ ដែលប្រជាជនថៃព្យាយាមជំរុញពិភពលោកឲ្យយល់ខុស។

កាលពីថ្ងៃទី ១៦ ខែកុម្ភៈ ឆ្នាំ ២០២៣ ពីករណីរបស់ កម្ពុជា ម្ចាស់ផ្ទះស៊ីហ្គេម ឆ្នាំ ២០២៣ បានអះអាងថា មួយថៃ គឺជាសិល្បៈដែលទទួលឥទ្ធិពលពីសិល្បៈក្បាច់គុនបុរាណរបស់ពួកគេ គឺគុនល្បុក្កតោ ដែលនាំឲ្យរឿងរ៉ាវរីករាលដាលជាបញ្ហាជាតិនិយម។

ដោយសារបញ្ហារឿង «មួយថៃ VS គុនខ្មែរ» ដែលបាននិងកំពុងបន្តជាច្រើនសប្ដាហ៍ ថ្មីៗនេះ លោក Saisamorn Chaisorn ប្រធានសហព័ន្ធប្រដាល់ឡាវ បានចេញមកបកស្រាយជុំវិញបញ្ហានេះតាមរយៈយូធូប I Box ដោយមានចំណុចសំខាន់ៗដូចខាងក្រោម ៖

«សម្រាប់សមាគមអន្តរជាតិមួយថៃអន្តរជាតិ (IFMA) គ្រាន់តែជាអ្នករៀបចំការប្រកួតប៉ុណ្ណោះ។ មិនមែនជាអ្នកវិនិយោគ មិនមានសិទ្ធិហាមឃាត់ប្រជាជាតិណាដែលប្រកួតគុនខ្មែរទេ ព្រោះគេប្រកួតគុនខ្មែរ មិនមែនមួយថៃ” “ប្រជាជាតិដែលចូលរួមប្រកួតប្រជែង ព្រោះយើងសង្កត់ធ្ងន់លើការរួបរួមរបស់ប្រទេសទាំង ១១ មិនដូចប្រទេសថៃ ដែលផ្តោតតែលើមុខជំនួញ និងការវិនិយោគ ដូច្នេះថៃជាបញ្ហា នៃបញ្ហានេះ»។

«ទាក់ទងនឹងកម្មសិទ្ធិបញ្ញា ល្បុក្កតោ ឬគុនខ្មែរ គឺជាភាគីមួយដែលត្រូវបានទទួលស្គាល់ដោយអង្គការយូណេស្កូ (UNESCO = United Nations Educational, Scientific and Cultural Organization) ប៉ុន្តែភាគីថៃបានដាក់ពាក្យដូចគ្នា ប៉ុន្តែត្រូវបានច្រានចោល មិនបានបញ្ជាក់ អ្នកណាថាពិតប្រាកដ អ្នកណាក្លែងក្លាយ។ ដូចដែលបានផ្សព្វផ្សាយថា មួយថៃ នឹងចូលអូឡាំពិក នៅឆ្នាំ ២០២៨ ប៉ុន្តែបញ្ជីកីឡាដែលរួមបញ្ចូលក្នុងការប្រកួតនេះមិនមានឈ្មោះ មួយថៃ ទេគឺមានតែ kickboxing ប៉ុណ្ណោះ។ តើវាអាចទៅរួចដោយរបៀបណា? ទំហំ នៃប្រទេសឡាវខ្លួនឯងមានបទប្បញ្ញត្តិរបស់ឡាវដែលត្រូវបានអនុម័តដោយរដ្ឋាភិបាល។ អ្វីទៅជាឆ្កួត?»

«កីឡានេះមានស្នៀតទាត់ កណ្តាប់ដៃ កែងផងដែរ ប៉ុន្តែថៃអះអាងថានឹងប្រើវាមុន។ តើខ្ញុំអាចប្រើវាដោយរបៀបណា? ភាសាថៃសរសេរដោយខ្លួនឯង។ ជាច្រើនដងដែលថៃនិយាយមិនត្រូវ គេមិនត្រូវ ប៉ុន្តែយើងមិនចង់មានបញ្ហាទេ។ ព្រោះខ្ញុំដឹងថាថៃធ្វើដើម្បីរកប្រាក់ចំណេញ»។

សម្រាប់ការប្រកួតកីឡាស៊ីហ្គេម លើកទី ៣២ នៅរាជធានីភ្នំពេញ កម្ពុជា នឹងចាប់ផ្ដើមប្រកួតលើកីឡា ៣៦ ប្រភេទ ស្មើមេដាយមាស សរុប ៥៨១ គ្រឿង ដែលចាត់ទុកថាមានវិញ្ញាសាច្រើនជាងគេក្នុងប្រវត្តិសាស្ត្រអាស៊ាន គ្រោងនឹងធ្វើឡើងនៅចន្លោះថ្ងៃទី ៥-១៧ ខែឧសភា៕

ប្រភព ៖ sanook.com

អត្ថបទ ៖ មន្នីរ័ត្ន

The post ប្រធានសហព័ន្ធប្រដាល់ឡាវថា «មួយថៃ គឺជាសិល្បៈក្បាច់គុនក្លែងក្លាយ ដែលប្រជាជនថៃ ព្យាយាមជំរុញពិភពលោកឲ្យយល់ខុស» appeared first on Kampuchea Thmey Daily.

ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន

Sok Sovann — Fri, 03 Feb 2023 01:12:29 +0000

រឿងរ៉ាវដែលកំពុងផ្ទុះខ្លាំងក្នុងបណ្តាញសង្គមនៅប្រទេសកម្ពុជា គឺជារឿងរបស់កីឡាករប្រដាល់ថៃ Buakaw និងឧកញ៉ា ស្រី ចាន់ថន។

លោកឧកញ៉ា ស្រី ចាន់ថន

លោកឧកញ៉ា ស្រី ចាន់ថន បានប្រកាសនៅលើទំព័រហ្វេសប៊ុកនារសៀលថ្ងៃទី០២ខែកុម្ភៈ ឆ្នាំ២០២៣ថា បើកីឡាករខ្មែររូបណាវាយឈ្នះ Buakaw លោកនឹងឲ្យវិឡាមួយ ឡានមួយគ្រឿង និងថវិកាបន្ថែមប្រចាំរយៈពេល១០ឆ្នាំ។

លោកឧកញ៉ាបានប្រកាសបែបនេះ ក្រោយមានវីដេអូមួយដែល Buakaw ហាក់បង្ហាញពីការមើលស្រាលដល់កីឡាករខ្មែរ និងមានសំណេរបញ្ជាក់ថា “រឿងកម្ពុជាដាក់គុនខ្មែរ នៅស៊ីហ្គេមជាសិទ្ធិរបស់គេ យើងមិនអាចនិយាយបានទេ ហើយគុនខ្មែរ គឺត្រឹមតែលំដាប់អាស៊ាន យើងកុំទៅខ្វល់អី។ យើងត្រូវនិយាយដល់ក្នុងព្រឹត្តិការណ៍អូឡាំពិក ព្រោះរបស់ថៃយើង Original “ លេខ១ ទៅហើយ”។

ក្នុងអាជីពជាអ្នកប្រដាល់ Buakaw ប្រកួតបាន២៧៧ដង ឈ្នះ២៤០ដង (ផ្តួលដៃគូឲ្យសន្លប់៧៣ដង) ចាញ់២៤ដងនិងស្មើ១៣ដង។

ទោះបីជាយ៉ាងណាក៏ដោយ ក្នុងចំណោមការចាញ់ទាំង២៤ដងនោះ Buakaw ធ្លាប់សន្លប់តែម្តងគត់ ក្រៅពីនោះសុទ្ធសឹងតែជាការចាញ់ដោយពិន្ទុ។

Buakaw

តើកីឡាកររូបណាដែលមានសមត្ថភាពខ្ពស់អាចផ្តួល Buakaw ឲ្យសន្លប់បាន?

កីឡាករតែមួយរូបគត់ដែលផ្តួល Buakaw ឲ្យសន្លប់បានគឺ Yoshihiro Sato សញ្ជាតិជប៉ុន។

Yoshihiro Sato

Sato បានវាយ Buakaw ឲ្យសន្លប់នៅទឹកទី៣ ក្នុងវគ្គ៨នាក់ចុងក្រោយដណ្តើមខ្សែក្រវាត់ K-1 MAX នៅប្រទេសជប៉ុន ក្នុងឆ្នាំ២០០៨។ ប៉ុន្តែ១៤ឆ្នាំក្រោយមក Buakaw អាចសងសឹក Sato បានវិញក្នុងព្រឹត្តិការណ៍ Rajadamnern World Series នៅប្រទេសថៃ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Fight Sports

ចុចអាន៖ ឧកញ៉ា ស្រី ចាន់ថន ប្រកាសផ្ដល់ផ្ទះវីឡាតម្លៃ២៧ម៉ឺនដុល្លារ រថយន្ដមួយគ្រឿង និងប្រាក់ប្រចាំរយៈពេល១០ឆ្នាំ បើកីឡាករខ្មែរវាយឈ្នះប៊ូខាវ

The post ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន appeared first on Kampuchea Thmey Daily.

អ្នកប្រដាល់ថៃ បង្ហោះវីដេអូលូកលាន់កេរខ្មាសនារី នៅទីសាធារណៈ ត្រូវគេរិះគន់

Sok Sovann — Tue, 03 Jan 2023 07:43:53 +0000

កីឡាករប្រដាល់ថៃ ដ៏ល្បីឈ្មោះម្នាក់ បានចេញមុខសុំទោសកាលពីថ្ងៃចន្ទទី០២ខែមករាម្សិលមិញនេះ បន្ទាប់ពីគាត់បានបង្ហោះវីដេអូ លូកលាន់នារីម្នាក់នៅទីសាធារណៈ។

បន្ទាប់ពីបានចេញការបកស្រាយជាច្រើនទាក់ទងនឹងអាកប្បកិរិយាមិនសមរម្យរបស់គាត់ចំពោះស្ត្រី, កីឡាករ Thaworn Sudchanham ឬគេហៅថា Wanchalong PK Saenchai បានសន្យាថា គាត់នឹងមិនថតវីដេអូកំប្លែងៗ ដែលពាក់ព័ន្ធនឹងការរំលោភបំពានផ្លូវភេទទៀតទេ។

ក្នុងខេបសិននៃវីដេអូដែលគាត់បង្ហោះសុំទោស គាត់បានសរសេរថា “នេះគឺជាលទ្ធផលនៃទង្វើមិនល្អរបស់ខ្ញុំ។ ខ្ញុំមិនបានគិតថា វាក្លាយជារឿងធំនោះទេ។ ចាប់ពីពេលនេះទៅ នឹងលែងមានរឿងបែបនេះទៀតហើយ។ ខ្ញុំសុំទោសអ្នកគ្រប់គ្នាដែលខកចិត្តចំពោះខ្ញុំ។ ឥឡូវ ប្រពន្ធរបស់ខ្ញុំបានដាក់បម្រាមគោចរ។ ខ្ញុំត្រូវនៅផ្ទះ ហើយត្រូវតែធ្វើកិច្ចការផ្ទះទាំងអស់ និងហាមមិនឲ្យថតវីដេអូជាមួយអ្នកដទៃ”។

ក្នុងវីដេអូ TikTok ដែលរងការរិះគន់នោះ, Wanchalong បានថតរូបខ្លួនឯងសើច ពេលគាត់ច្របាច់គូទនារីម្នាក់ ខណៈនាងនិយាយជាមួយអ្នកផ្សេង។ បន្ទាប់ពីនារីរូបនោះងាកមករកគាត់, Wanchalong បានបន្តស្ទាបសុដន់របស់នាងទៀត។

វីដេអូឃ្លីបនេះ បានបង្កការរិះគន់ពីអ្នកទស្សនា ដែលចោទគាត់ពីបទបៀតបៀនផ្លូវភេទ៕

សូមទស្សនាវីដេអូ៖

Wanchalong PK Saenchai Gym recently posted a video of himself sexually harassing and groping women at a social gathering. pic.twitter.com/PVm8ZBySbB
— Emma Thomas (@UndertheRopes) December 29, 2022

ប្រែសម្រួល៖ Vann Vann

ប្រភព៖ Coconut, Thaiger

ចុចអាន៖ ប្រេស៊ីល កម្ពស់ ជិត ២ ម៉ែត្រ សន្លប់ ក្រោម កណ្តាប់ ដៃ ធន់ រិទ្ធី យប់ មិញ (វីដេអូ)

The post អ្នកប្រដាល់ថៃ បង្ហោះវីដេអូលូកលាន់កេរខ្មាសនារី នៅទីសាធារណៈ ត្រូវគេរិះគន់ appeared first on Kampuchea Thmey Daily.

កូនប្រុសច្បង Pacquiao ឡើងប្រកួតលើកដំបូងនៅ អាមេរិក ស្ដារមុខមាត់ឪពុក

សាង ស្រីល័ក្ខ — Thu, 17 Mar 2022 09:46:16 +0000

ក្រោយអតីតជើងខ្លាំង របស់ហ្វីលីពីន Manny Pacquiao បានលាឈប់ពីសង្វៀនប្រដាល់ និងប្រកាសឈរឈ្មោះជាប្រធានាធិបតីនៅស្រុកកំណើត។ បន្ទាប់មកមិនយូរប៉ុន្មាន កូនប្រុសច្បងរបសលោក Emmanuel Pacquiao Jr. សម្រេចចិត្តដើរតាមគន្លងឪពុក ឡើងប្រដាល់លើកដំបូងនៅអាមរិក។

Pacquiao Jr. ចង់បន្តកេរដំណែលគ្រួសារ ដោយទទួលការបណ្ដុះបណ្ដាលនៅសហរដ្ឋអាមេរិក កាលពីចុងសប្ដាហ៍មុន។ កីឡាករវ័យ ២១ ឆ្នាំរូបនេះ បង្ហាញខ្លួនជាលើកដំបូងក្នុងការប្រកួតប្រដាល់ ក្នុងនាមជាទម្ងន់មធ្យម នៅឯ House of Boxing ក្នុងទីក្រុង San Diego រដ្ឋកាលីហ្វ័រញ៉ា។ លទ្ធផលនៃការប្រកួតបានបង្ហាញថា Emmanuel Pacquiao Junior ជាអ្នកដែលយកឈ្នះ Andres Rosales ។

ព្រឹត្តិការណ៍នេះ បានធ្វើឲ្យអតីតម្ចាស់ជើងឯកពិភពលោក ៨ ជំនាន់ដែលជាឪពុក និងតែម្នាក់គត់ក្នុងពិភពលោក បានបង្ហោះរូបភាពកូនប្រុស និងសារថា “សូមអបអរសាទរកូនប្រុសក្នុងការប្រកួត ហើយជាអ្នកឈ្នះការប្រកួតកីឡាស្ម័គ្រចិត្តនៅសហរដ្ឋអាមេរិក។ ខ្ញុំពិតជាមានមោទនភាព ចំពោះគាត់ជាខ្លាំង។”

គួរបញ្ជាក់ថា Emmanuel Pacquiao, Jr. គឺជាកូនប្រុសតែម្នាក់ក្នុងចំណោមកូន៥នាក់ ដែលចាប់អារម្មណ៍នឹងនឹងវិស័យប្រដាល់។ សូម្បីតែ Pacquiao នៅដើមដំបូង ក៏គាត់មិនលើកទឹកចិត្តកូនប្រុសឲ្យដើរក្នុងអាជីពនេះដែរ ព្រោះគាត់ដឹងថាកូននឹងរងរបួសច្រើនដង។ ប៉ុន្តែនៅទីបំផុត គាត់បានអនុញ្ញាតឲ្យកូនធ្វើតាមក្ដីសុបិនរបស់គេតែម្ដង៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ក្រោយចូលនិវត្ត អតីតអ្នកប្រដាល់ហ្វីលីពីន Manny Pacquiao បង្ហោះរូបប្រាប់ពីប្រវត្តិស្នេហា និង ជីវិតឯកជនលោក

The post កូនប្រុសច្បង Pacquiao ឡើងប្រកួតលើកដំបូងនៅ អាមេរិក ស្ដារមុខមាត់ឪពុក appeared first on Kampuchea Thmey Daily.

ការទន្ទឹងចាំមកដល់! ចាន់ រតនា ប៉ះ Eko Roni សងសឹកឲ្យមិត្តរួមជាតិដូចគ្នា

Sorn Phanith — Mon, 07 Mar 2022 08:13:28 +0000

បន្ទាប់ពីអ្នកលេងគុនចម្រុះឥណ្ឌូណេស៊ី Eko Roni Saputra ប្រកាសចង់ជួបអ្នកលេងគុនចម្រុះកម្ពុជា ចាន់ រតនា នៅលើឆាកសង្វៀនពិភពលោក ONE Championship តាំងពីជាងមួយឆ្នាំមុន ពេលនេះការពិតបានកើតឡើងហើយ។

អ្នកលេងគុនចម្រុះកម្ពុជា ចាន់ រតនា និង Eko Roni Saputra នឹងជួបគ្នាក្នុងព្រឹត្តិការណ៍ផ្សាយផ្ទាល់ ONE: LIGHT OUT នាថ្ងៃសុក្រ ទី១១ ខែមីនានេះនៅប្រទេសសិង្ហបុរី។ ជំនួបនេះពិតជាសំខាន់ណាស់សម្រាប់អ្នកទាំងពីរ។

ក្នុងចំណោមជ័យជម្នះ ៦ លើកនៅសង្វៀន ONE ចាន់ រតនា បានឈ្នះកីឡាករឥណ្ឌូណេស៊ី២នាក់ គឺឆ្នាំ២០១៨ បានផ្តួលជើងខ្លាំងឥណ្ឌូណេស៊ី Abro Fernandes ក្នុងទឹកទី២ និងឆ្នាំ២០១៩បានបន្តផ្តួលជើងខ្លាំងឥណ្ឌូណេស៊ី Rudy Agustian នៅក្នុងទឹកទី២ទៀត។ មូលហេតុនេះហើយបានជា Saputra បានប្រកាសចង់ជួប ចាន់ រតនា ដើម្បីបំបែកកំណត់ត្រាគឺទី១សងសឹកឲ្យមិត្តរួមជាតិ និងទី២ធ្វើឲ្យប្រាកដច្បាស់ថា រូបគេជាកីឡាករឥណ្ឌូណេស៊ីទី១ដែលទទួលបានជ័យជម្នះលើ ចាន់ រតនា ដែលរហូតដល់ពេលនេះមិនទាន់មានកីឡាករឥណ្ឌូណេស៊ីណាម្នាក់ឈ្នះជើងខ្លាំងកម្ពុជាឡើយ។

ក្រោយពេលប្រកាសចង់ជួប ចាន់ រតនា ប៉ុន្តែមិនបានជួបតាមបំណងប្រាថ្នា កីឡាករឥណ្ឌូណេស៊ី Eko Roni Saputra បានទៅប្រកួតជាមួយកីឡាករចិន Pengshuai Liu និងបានយកឈ្នះក្នុងទឹកទី១ដោយកណ្តាប់ដៃ។ តាមរយៈជ័យជម្នះនេះធ្វើឲ្យរូបគេឡើងប្រកួតឈ្នះ៥ លើកជាប់គ្នាក្នុងចំណោមប្រវត្តិប្រកួត៦ដងនៅសង្វៀន ONE។ ក្នុងចំណោមជ័យជម្នះទាំង៥ដងនេះ រូបគេក៏ធ្លាប់ផ្តួលកីឡាករកម្ពុជា ខុន ស៊ីចាន់ នៅក្នុងទឹកទី១កាលពីខែកុម្ភៈ ឆ្នាំ២០២០។

ចំណែកអ្នកលេងគុនចម្រុះលេខ១កម្ពុជា ចាន់ រតនា មិនបានឡើងប្រកួតទេគិតចាប់តាំងពីចាញ់កីឡាករចិន Wei Xie កាលពីខែធ្នូ ឆ្នាំ២០២០ពោលគឺរយៈពេលជាងមួយឆ្នាំហើយ។ រូបគេបានទៅលេងប្រពន្ធកូននៅប្រទេសបារាំង និងទើបតែវិលត្រឡប់មកកម្ពុជាវិញកាលពីពេលថ្មីៗនេះ។

សម្រាប់ការជួប Eko Roni Saputra នេះគឺ ចាន់ រតនា ត្រូវមានកាតព្វកិច្ចពីរសំខាន់គឺទី១ធ្វើយ៉ាងណារក្សាកំណត់ត្រាជ័យជម្នះរបស់ខ្លួនឲ្យបានជោគជ័យលើកីឡាករឥណ្ឌូណេស៊ី និងទី២ក៏ជាផ្នែកមួយក្នុងការសងសឹកឲ្យ ខុន ស៊ីចាន់ ដែលធ្លាប់ចាញ់ Eko Roni៕

The post ការទន្ទឹងចាំមកដល់! ចាន់ រតនា ប៉ះ Eko Roni សងសឹកឲ្យមិត្តរួមជាតិដូចគ្នា appeared first on Kampuchea Thmey Daily.

Superbon ឡើងសងសឹក និងការពារខ្សែក្រវាត់ទល់នឹងសត្រូវចាស់ Grigorian នៅសង្វៀន ONE X

Sonya — Tue, 15 Feb 2022 14:46:50 +0000

ជើងឯកឃីកបុកសីងពិភពលោក ONE Featherweight កីឡាករថៃ Superbon Singha Mawynn ត្រូវឡើងការពារខ្សែក្រវាត់របស់ខ្លួនលើកដំបូង និងសង្ឃឹមថាអាចស្ដារកិត្តិយសទល់នឹងសត្រូវចាស់ទៀតផង។

តារាឆ្នើមថៃត្រូវឡើងការពារខ្សែក្រវាត់ទល់នឹងជើងខ្លាំង Marat Grigorian ក្នុងព្រឹត្តិការណ៍ខួប១០ឆ្នាំផ្សាយផ្ទាល់ ONE X នាថ្ងៃសៅរ៍ ទី២៦ ខែមីនា ឆ្នាំ២០២៦។

តាមពិតជើងខ្លាំងទាំងពីរធ្លាប់ប្រកួតគ្នាម្តងហើយកាលពីខែកុម្ភៈ ឆ្នាំ២០១៨ ដែលពេលនោះកីឡាករអាមេនី-បែលហ្ស៊ិកប្រើពេលត្រឹមតែ២៩វិនាទីប៉ុណ្ណោះដើម្បីកីឡាករថៃរូបនេះឲ្យសន្លប់ក្នុងការប្រកួតខ្សែក្រវាត់ Kunlun Fight World MAX វគ្គផ្តាច់ព្រ័ត្រឆ្នាំ២០១៧។

ចាប់តាំងពីជួបគ្នានៅប្រទេសចិននោះមក ជើងខ្លាំងទាំងពីរមានវិថីប្រដាល់ជោគជ័យដូចគ្នាពោលគឺមិនទាន់ស្គាល់ចាញ់ដូចគ្នារាល់ការប្រកួត។ Superbon បានប្រកួតឈ្នះ១១លើកជាប់គ្នាក្នុងនោះរាប់ទាំងការឈ្នះមិត្តរួមជាតិ Sitthichai “Killer Kid” Sitsongpeenong កាលពីឆ្នាំ២០២០ និងការប្រើរន្ទះជើងទាត់ផ្កាប់ចានឲ្យជើងខ្លាំង Giorgio “The Doctor” Petrosyan សន្លប់កាលពីខែតុលា ឆ្នាំ២០២១។

ការផ្តួល Petrosyan ដ៏អស្ចារ្យនោះផ្តល់ជើងខ្លាំងថៃក្លាយជាជើងឯកឃីកបុកសីងពិភពលោក ONE Featherweight និងបានបានក្លាយជាការផ្តួលដៃគូដ៏អស្ចារ្យបំផុតប្រចាំឆ្នាំ២០២១។

ស្របពេលជាមួយគ្នា Grigorian បានប្រកូតឈ្នះ៧លើកជាប់គ្នាក្នុងនោះជ័យជម្នះសំខាន់គឺលើកីឡាករថៃ Sitthichai, ការបង្ហាញខ្លួនប្រកួតដំបូងនៅ ONE ផ្តួល Ivan Kondratev និងការផ្តួលខ្លាចាស់ Andy “Souwer Power” Souwer ក្នុងវគ្គ១ភាគ៤ផ្តាច់ព្រ័ត្រកម្មវិធីខ្សែក្រវាត់ ONE Featherweight ឆ្នាំ២០២១។

ទោះបីជាយ៉ាងណា តារាឆ្នើមអាមេនី-បែលហ្ស៊ិកបានបង្ខំចិត្តដល់ខ្លួនពីការប្រកួតកម្មវិធីខ្សែក្រវាត់ ONE Featherweight វគ្គពាក់កណ្តាលផ្តាច់ព្រ័ត្រ ដោយបញ្ហាកូវីដ-១៩។

ដូច្នេះជំនួបពិតជាសំខាន់ខ្លាំងណាស់សម្រាប់អ្នកទាំងពីរ។ Superbon មានកាតព្វកិច្ចសំខាន់២យ៉ាងគឺទី១ប្តេជ្ញាសងសឹកដំបៅចាស់ដែលរូបគេចាញ់យ៉ាងអាម៉ាស់ និងទី២ ឡើងការពារខ្សែក្រវាត់របស់ខ្លួនឲ្យបានជោគជ័យ។ ចំណែក Grigorian វិញក៏មានកាតព្វកិច្ចសំខាន់២ដូចគ្នាគឺទី១ រក្សាជ័យជម្នះរបស់ខ្លួនកាលពី៤ឆ្នាំមុន និងទី២ ក្តាប់ឱកាសឲ្យបានដើម្បីក្លាយជាជើងឯកពិភពលោក។

នៅព្រឹត្តិការណ៍ជាមួយគ្នានេះ Sitthichai ត្រូវប្រកួតជាមួយ Chingiz “Chinga” Allazov វគ្គផ្តាច់ព្រ័ត្រដណ្តើមជើងឯក ONE Featherweight Kickboxing World Grand Prix វគ្គផ្តាច់ព្រ័ត្រ ព្រមទាំងគូប្រកួតដណ្ដើមខ្សែក្រវាត់ពិភពលោកជាច្រើនគូទៀត៕

The post Superbon ឡើងសងសឹក និងការពារខ្សែក្រវាត់ទល់នឹងសត្រូវចាស់ Grigorian នៅសង្វៀន ONE X appeared first on Kampuchea Thmey Daily.

ប្រដាល់ Archives - Kampuchea Thmey Daily

ជើងខ្លាំងហ្វីលីពីន Pacquiao ទម្លាយពីជំនួបជាមួយ Mayweather ម្តងទៀត

ថៃ រៀបចំការប្រកួតប្រដាល់ជាប្រវត្តិសាស្រ្ត​ រវាង Buakaw និង Pacquiao

ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន

អ្នកប្រដាល់ថៃ បង្ហោះវីដេអូលូកលាន់កេរខ្មាសនារី នៅទីសាធារណៈ ត្រូវគេរិះគន់

កូនប្រុសច្បង Pacquiao ឡើងប្រកួតលើកដំបូងនៅ អាមេរិក ស្ដារមុខមាត់ឪពុក

ការទន្ទឹងចាំមកដល់! ចាន់ រតនា ប៉ះ Eko Roni សងសឹកឲ្យមិត្តរួមជាតិដូចគ្នា

Superbon ឡើងសងសឹក និងការពារខ្សែក្រវាត់ទល់នឹងសត្រូវចាស់ Grigorian នៅសង្វៀន ONE X

ថៃ រៀបចំការប្រកួតប្រដាល់ជាប្រវត្តិសាស្រ្ត រវាង Buakaw និង Pacquiao