ក្រោយចូលនិវត្ត អតីតអ្នកប្រដាល់ហ្វីលីពីន Manny Pacquiao បង្ហោះរូបប្រាប់ពីប្រវត្តិស្នេហា និង ជីវិតឯកជនលោក

បើទោះបីជាចូលនិវត្ត ពីសង្វៀនកណ្ដាប់ដៃជាផ្លូវការ កាលពីចុងខែកញ្ញាក្ដី ប៉ុន្តែ “The Packman” Manny Pacquiao អតីតអ្នកប្រដាល់កំពូលហ្វីលីពីន នៅតែទទួលបានការចាប់អារម្មណ៍ដដែល​ ពីជីវិតឯកជន​របស់​លោក។

អ្នកលេងក្បាច់គុនអាយុ ៤២ ឆ្នាំរូបនេះ​ បាន​សម្រេចចិត្ត​បញ្ចប់​អាជីព​ប្រដាល់​របស់ខ្លួន​​​ បន្ទាប់ពី​បាន​ប្រកាស​ថា​ នឹងឈរឈ្មោះ​ជាប្រធានាធិបតី នៅស្រុកកំណើតរបស់គាត់ នៅ​ក្នុង​ការ​បោះឆ្នោត​ឆ្នាំ ២០២២ ក្រោមគណបក្ស PDP-Laban (Laban Group) ។

បើទោះបីជាជីវិតប្រចាំថ្ងៃ បាន​ផ្លាស់ប្តូរ​ទាំងស្រុងក៏ពិតមែន​ ប៉ុន្តែជំនួសមកវិញ គាត់ត្រូវតែរៀបចំផែនការដំណើរយុទ្ធនាការ​នៅគ្រប់សហគមន៍ជំនួសវិញ។ ដែលមាននារីម្នាក់ដូចជា Jinky ប្រពន្ធរបស់គាត់ តែងនៅក្បែរនិងតាមជួយស្វាមីគ្រប់ទីកន្លែង។

ចំពោះ​រឿង​ស្នេហា​របស់​គូស្នេហ៍​ ដែល​រួមរស់​ជាមួយគ្នា​ជាង​ ២០ ​ឆ្នាំ​​ និងមាន​កូន ​៥​ នាក់​ជា​សាក្សី​ នៃ​ស្នេហា​ពួកគេ ។ លោក Pacquiao បានបង្ហោះរូបភាពកាលរៀបការដំបូង ដោយភ្ជាប់ជាមួយការរ៉ាយរ៉ាប់ថា កាលណោះ​គូស្នេហ៍​មួយ​គូ​នេះ​បាន​ជួប​គ្នា​ក្នុង​ហាង​មួយ ។ ស្ត្រី​នោះ​ជា​អ្នក​លក់​ផលិតផល​ថែរក្សា​សម្រស់ ​មុន​ពេល Pacquiao ជួប​នាង​នៅ​ហាង។ បុរស​អ្នក​ប្រដាល់​រូប​នេះ ​ចាប់​ផ្ដើម​ចែចង់​នាង​មុន​ពេល​នាង​ប្រើ​ពេល​ត្រឹម​តែ​ ៧​ ខែ​ប៉ុណ្ណោះ​ ដើម្បី​យក​ឈ្នះ​ចិត្ត​នាង និង​រៀបការ​នៅថ្ងៃទី ១០ ខែ​ឧសភា ឆ្នាំ ២០០០។

ខាងក្រោម ​ជា​កម្រង​រូបភាព​ផ្អែមល្ហែម​របស់​អតីត​អ្នក​ប្រដាល់​កំពូល​ហ្វីលីពីន Manny Pacquiao ៖

ប្រែសម្រួល៖ សាង ស្រីល័ក្ខ

ចុចអាន៖Pacquiao ឈរឈ្មោះប្រជែង តំណែងប្រធានាធិបតី ហ្វីលីពីន ជាផ្លូវការ