លោកឧកញ៉ា ស្រី ចាន់ថន បានប្រកាសនៅលើទំព័រហ្វេសប៊ុកនារសៀលថ្ងៃទី២ ខែកុម្ភៈ ឆ្នាំ២០២៣នេះថា បើកីឡាករខ្មែរវាយឈ្នះលើកីឡាករថៃ ប៊ូខៅ នឹងអោយវិឡាមួយ ឡានមួយ និងថវិការបន្ថែមប្រចាំរយៈពេល១០ឆ្នាំ។

លោកឧកញ៉ា ស្រី ចាន់ថន បានសរសេរថា «ជាសម្ដីចេញពីមាតុប៊ូខាវ មិនអីទេ ខ្មែរមិនចង់បានលោកប៊ូខាវទេ ក្នុងនាមខ្ញុំបាទជាអនុប្រធានកិត្តិយសរបស់សហព័ន្ធកីឡាប្រដាល់គុណខ្មែរ ខ្មែរក៏មានអ្នកខ្លាំងដែរ បើខ្មែរវ៉ៃប៊ូខៅឈ្នះ អោយវិឡាមួយ ឡានមួយ និងថវិការបន្ថែមប្រចាំរយៈពេល១០ឆ្នាំ នេះជាការលើកទឹកចិត្តដល់កីឡាកខ្មែរ តស៊ូដើម្បីមុនមាតុជាតិរបស់យើង I love Cambodia» ។

ការលើកឡើងបែបនេះ បន្ទាប់ពីមានវីដេអូមួយដែលកីឡាករថៃរូបនេះ ហាក់បង្ហាញពីការមើលស្រាលដល់កីឡាករខ្មែរ និងមានសំណេរបញ្ជាក់ថា «រឿងកម្ពុជាដាក់គុនខ្មែរ នៅស៊ីហ្គេមជាសិទ្ធិរបស់គេ យើងមិនអាចនិយាយបានទេ ហើយគុនខ្មែរ គឺត្រឹមតែលំដាប់អាស៊ាន យើងកុំទៅខ្វល់អី ។ យើងត្រូវនិយាយដល់ក្នុងព្រឹត្តិការណ៍អូឡាំពិក ព្រោះរបស់ថៃយើង Original “ លេខ ១ ” ទៅហើយ»៕