ក្នុងដំណើរទស្សនៈកិច្ចនៅថ្ងៃសុក្រនេះទៅ​កាន់​ជុំរុំយោធា លោកប្រធានាធិបតី Lai Ching-te បានប្រកាសពីការដំឡើងប្រាក់បៀវត្សរ៍ ហើយបានប្តេជ្ញាថានឹង «បន្តមើលថែមន្ត្រី និងទាហានដែលខិតខំធ្វើការពីគ្រប់ទិដ្ឋភាពទាំងអស់»។

លោកបានមានប្រសាសន៍ថា ចាប់ពីថ្ងៃទី១ ខែមេសា នាយទាហាន ដែល​មាន​ឋានៈ​ក្រោម​វរសេនីយត្រី បូករួមទាំងទាហានដែលបានចូលបម្រើការងារជាអង្គភាពប្រយុទ្ធភាគច្រើន នឹង​ឡើង​ប្រាក់​ខែចន្លោះ​ពី​ ១០ ០០០ដុល្លារតៃវ៉ាន់(៣០៣ ដុល្លាអាមេរិក) ទៅ ១៥ ០០០ដុល្លារតៃវ៉ាន់ (៤៥៤.៥០ ដុល្លារអាមេរិក)។

ចំពោះវរសេនីយ៍ទោ និងវរសេនីយឯកនឹងទទួល​ប្រាក់​ខែ​បន្ថែម​​ប្រហែល ៤ ០០០​ដុល្លារតៃវ៉ាន់ ខណៈដែលប្រាក់ឧបត្ថម្ភរបស់នាយឧត្តមសេនីយ៍នឹងកើនឡើង ៣ ០០០ដុល្លារតៃវ៉ាន់។ ប្រាក់ឧបត្ថម្ភរបស់អង្គភាពប្រយុទ្ធនឹងកើនឡើងផងដែរ ដោយអង្គភាពប្រយុទ្ធប្រភេទ១ ដែលឆ្លងកាត់ការបណ្តុះបណ្តាលយ៉ាងម៉ត់ចត់បំផុត និងមានភារកិច្ចច្រើនជាងគេ នឹងមានការកើនឡើងពី ៥ ០០០​ដុល្លារតៃវ៉ាន់ ទៅ ១២ ០០០​ដុល្លារតៃវ៉ាន់។ ចំណែកអង្គភាពប្រយុទ្ធប្រភេទ​២​នឹងកើនឡើងពី ៣ ០០០​ដុល្លារតៃវ៉ាន់ ទៅ ៧ 000​ដុល្លារតៃវ៉ាន់។

បើតាមសេចក្ដីថ្លែងការណ៍របស់ក្រសួងការពារជាតិ ការដំឡើងប្រាក់ខែ និងអត្ថប្រយោជន៍មិនត្រឹមតែជាវិធានការរយៈពេលខ្លីដើម្បីដោះស្រាយ «ការថយចុះកម្លាំងពលកម្ម» ប៉ុណ្ណោះទេ ប៉ុន្តែក៏ជា «ការវិនិយោគរយៈពេលវែងដើម្បីនាំមកនូវទេពកោសល្យដែលមានស្ថិរភាព និងបង្កើនប្រសិទ្ធភាព» រួមជាមួយគោលបំណងគឺដើម្បី «ស្ថិរភាពសមត្ថភាពការពារ និងលើកទឹកចិត្តសមាជិកយោធាស្ម័គ្រចិត្តឱ្យបន្តនៅរយៈពេលយូរ និងទាក់ទាញយុវជនឱ្យចូលរួមយោធា»។

ជាមួយគ្នានេះការដំឡើងប្រាក់បៀវត្សរ៍ក៏បានធ្វើឡើងតាមរបាយការណ៍ប្រព័ន្ធផ្សព្វផ្សាយថ្មីៗដែលថាចំនួនទាហានដែលបានដកខ្លួនចេញពីកិច្ចសន្យាមុនកាលកំណត់ បានកើនឡើងស្ទើរតែបួនដងក្នុងរយៈពេលប៉ុន្មានឆ្នាំថ្មីៗនេះ។ កាលពីឆ្នាំមុន បុគ្គលិកយោធាស្ម័គ្រចិត្តចំនួន ១ ៥៦៥នាក់បានចាកចេញមុនកាលកំណត់។ ក្រសួងការពារជាតិបានឱ្យដឹងថា ចំនួននៃការបម្រើយោធាស្ម័គ្រចិត្តមានចំនួន ១៥២ ៨៨៥នាក់ក្នុងខែមិថុនា ឆ្នាំ២០២៤ដែលជាចំនួនទាបបំផុតចាប់តាំងពីឆ្នាំ ២០១៨។

លោក Lai ក៏បានជំរុញឱ្យគណបក្សប្រឆាំងបង្ហាញ «ការគាំទ្រដ៏ធំបំផុត» ដល់យោធា ហើយគិតឡើងវិញពីផលប៉ះពាល់នៃការបង្កក និងកាត់បន្ថយថវិកាការពារជាតិ ដោយសារកិច្ចសហប្រតិបត្តិការទ្វេភាគីគឺចាំបាច់ដើម្បីគាំទ្រដល់កងកម្លាំងប្រដាប់អាវុធ។ រដ្ឋាភិបាលរបស់កោះតៃវ៉ាន់គ្រោងនឹងបង្កើនការចំណាយលើវិស័យការពារជាតិដល់កំណត់ត្រា ៦៤៧ ពាន់លានដុល្លារតៃវ៉ាន់(១៩.៦០ ពាន់លានដុល្លារអាមេរិក)ក្នុងឆ្នាំ២០២៥នេះឬប្រហែល ២,៥ ភាគរយនៃផលិតផលក្នុងស្រុកសរុប។

ទោះជាយ៉ាងណាក៏ដោយ សម្ភារៈចំនួនត្រូវបានកាត់បន្ថយ ឬបង្កកដោយសភាដែលគ្រប់គ្រងដោយគណបក្សប្រឆាំង រួមទាំងការបង្កក ៥០ភាគរយលើការចំណាយសម្រាប់កម្មវិធីនាវាមុជទឹក និងទីលានឧស្សាហកម្មយន្តហោះគ្មានមនុស្សបើក។

គួរបញ្ជាក់ថា ទីក្រុងប៉េកាំងបានទាមទារកោះតៃវ៉ាន់ធ្វើជាផ្នែកនៃទឹកដីរបស់ខ្លួននិងបានគំរាមប្រើកម្លាំងតាមរយៈការដាក់ពង្រាយយន្តហោះចម្បាំង និងនាវាចម្បាំងនៅជុំវិញកោះនេះ ហើយបានធ្វើសមយុទ្ធយោធា​​ធំៗជាច្រើនចាប់តាំងពីប្រធានាធិបតី Lai Ching-te ចូលកាន់តំណែងនៅទីក្រុងតៃប៉ិឆ្នាំមុន៕

អត្ថបទ៖ ប៊ុន សុភាព

The post តៃវ៉ាន់​ប្រកាស​ដំឡើង​ប្រាក់​ខែ​ឲ្យយោធា appeared first on Kampuchea Thmey Daily.

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍ប្រាប់កម្ពុជាថ្មីថា ជាគោលការណ៍ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់កំហិតឲ្យក្រសួងការងារ សម្របសម្រួល ការចរចាដំឡើងប្រាក់ឈ្នួលជូនកម្មករ-និយោជិតឆ្នាំ ២០២៤ ឲ្យបានមុនបុណ្យភ្ជុំបិណ្យខាងមុខ។

លោកថា ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំកិច្ចចចារផ្ទៃក្នុង ទ្វេភាគី និងត្រីភាគី ចំនួន ១៩លើកមកហើយ។ អ្វីដែលទទួលបាននោះ គឺភាគីទាំងអស់បានឯកភាពគ្នាជារួម គឺដំឡើងប្រាក់ឈ្នួលអប្បបរមាជូនកម្មករ-និយោជិត ឲ្យបានមុនភ្ជុំបិណ្ឌ ដោយកំណត់យកថ្ងៃ ២៨ ខែកញ្ញា ឆ្នាំ ២០២៣ ជាថ្ងៃសម្រេចចុងក្រោយ។

អ្នកនាំពាក្យក្រសួងការងារ បានបញ្ជាក់ថា «ក្រសួងការងារ នឹងប្រឹងប្រែងសម្របសម្រួលនូវអត្រាតម្លៃមួយ ដែលភាគីទាំង ៣ អាចទទួលយកបានដោយឈរលើគោលការណ៍ ៧ ចំណុចដូចមានចែងក្នុងច្បាប់ ស្តីពី ប្រាក់ឈ្នួលអប្បបរមា»។

ក្រុមប្រឹក្សាជាតិប្រាក់ឈ្នួលអប្បបរមា កាលពីថ្ងៃទី ១៨ ខែកញ្ញា ឆ្នាំ ២០២៣ បានបន្តបើកិច្ចប្រជុំពិភាក្សាកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៤។

ជាលទ្ធផល តំណាងភាគីកម្មករ-និយោជិត បានដាក់គោលជំហរចុងក្រោយរបស់ខ្លួន ចំនួនពីរផ្សេងគ្នាគឺតួលេខ ២០៤ដុល្លារអាមេរិក មានសំឡេងគាំទ្រ ១២លើ ១៧នាក់ និង ២១៣ដុល្លារអាមេរិក មានសំឡេងគាំទ្រ ៥លើ ១៧នាក់, តំណាងភាគីនិយោជក បានដាក់គោលជំហរចុងក្រោយរបស់ខ្លួនចំនួន ២០១,៥ដុល្លារអាមេរិក និងតំណាងភាគីរាជរដ្ឋាភិបាល ដោយឈរលើលក្ខណបច្ចេកទេស បានលើកឡើងនូវតួលេខចំនួន ២០២ដុល្លារអាម៉េរិក។

បើតាមអ្នកនាំពាក្យក្រសួងការងារ នាពេលបច្ចុប្បន្ននេះ កម្មករ-និយោជិត បានទទួលប្រាក់ឈ្នួលអប្បបរមា ២០០ដុល្លារ និងប្រាក់ប្រយោជន៍ផ្សេងទៀត ដូចជា៖ ប្រាក់រង្វាន់ធ្វើការទៀងទាត់ ១០ដុល្លារ, ប្រាក់សាហ៊ុយធ្វើដំណើរ និងស្នាក់នៅ ៧ដុល្លារ, ប្រាក់រង្វាន់អតីតភាពការងារពី ២ ទៅ ១១ដុល្លារ, ប្រាក់ថ្លៃបាយធ្វើការថែមម៉ោង ២,០០០រៀលក្នុ ង១ថ្ងៃ និងប្រាក់ឈ្នួលធ្វើការថែមម៉ោងជាមធ្យម ២៦ ដុល្លារ។ ជាសរុប កម្មករ-និយោជិត ទទួលបានប្រាក់ខែ និងប្រាក់ប្រយោជន៍ផ្សេងៗចន្លោះពី ២១៧ ទៅ ២៥៩ ដុល្លារ ក្នុង ១ខែ។

ក្រៅពីនេះ កម្មករ-និយោជិត ក៏ទទួលបានផលប្រយោជន៍ពីកម្មវិធី ប ស ស ផងដែរ ក្នុងករណីជាសមាជិក ប.ស.ស ដូចជា៖ ផ្នែកថែទាំសុខភាព និងគ្រោះថ្នាក់ការងារ (និយោជកបង់ជូន ១០០%) ផ្នែកសោធន (និយោជកបង់ជូន ៥០%) ប្រព័ន្ធគាំពារសង្គមចំពោះស្រ្តីមានផ្ទៃពោះ និងកូនអាយុក្រោម ២ឆ្នាំ៖ មុនពេលសម្រាលទទួលបានការបើកប្រាក់ ៤លើក ដែលមួយលើកៗ ទទួលបាន ៨០,០០០រៀល ក្រោយសម្រាលទទួលបើក ១០លើក ដែលមួយលើកៗទទួលបាន ៨០,០០០រៀល។ ដោយឡែកពេលសម្រាលកូនទទួលបាន ៨០០,០០០រៀល សម្រាប់កូនភ្លោះ២ទទួល ១,២០០,០០០រៀល និងកូនភ្លោះ ៣ឡើងទទួលបាន ១,៦០០,០០០រៀល៕

The post អ្នកនាំពាក្យ ៖ ក្រសួងការងារ នឹងខិតខំសម្របសម្រួលការចរចាដំឡើងប្រាក់ឈ្នួលកម្មករ ឲ្យគ្រប់ភាគីទទួលយកបានទាំងអស់គ្នា appeared first on Kampuchea Thmey Daily.

ខាងក្រោមនេះគឺជាតារាងប្រាក់បៀវត្សរ៍គ្រូបង្រៀន​តាម​ប្រទេស ដើម្បីជួយអ្នកក្នុង​ការសម្រេចចិត្តថាតើអ្នក​អាចធ្វើការជាគ្រូបង្រៀននៅកន្លែង​មួយ​ណា។

១ ប្រទេស លុចសំបួរ

យោងតាមរបាយការណ៍របស់ OECD លុចសំបួរ មានគ្រូបង្រៀនដែល​មានប្រាក់ខែ​ខ្ពស់បំផុត​នៅ​លើពិភពលោក។ ប្រភពមួយផ្សេងទៀតបង្ហាញថា អ្នកកាន់សញ្ញាបត្របរិញ្ញាបត្រ​មានសិទ្ធិទទួលបានប្រាក់ខែដំបូង ៧០ ៣២៣ ២០ ដុល្លារ​អាមេរិក ក្នុងមួយឆ្នាំ នៅពេល​ចាប់ផ្តើម​អាជីពបង្រៀនរបស់ពួកគេ។

ប្រាក់ខែត្រូវបានរំពឹងថានឹងកើនឡើងដល់ ២០ ៩៩២ ដុល្លារ និង ៣១ ៤៨៨ ដុល្លារ ប្រសិន​បើពួកគេមានបទពិសោធន៍បង្រៀន១០ និង ១៥ ឆ្នាំរៀងគ្នា។ លើសពីនេះ ប្រាក់បៀវត្សរ៍ត្រូវបានគេរំពឹងថានឹងឡើងដល់កំពូល ១២៤ ៩០២ ៤០ដុល្លារ បន្ទាប់ពីរយៈពេល៣០ឆ្នាំ ដែលមានន័យថា ៥៤ ៥៧៩ ២០ ដុល្លារអាមេរិក កើនឡើងពីប្រាក់ខែដំបូងរបស់ពួកគេ។ គ្រូ​បង្រៀនដែលមានសញ្ញាប័ត្រអនុបណ្ឌិត​ ត្រូវបានគេរំពឹងថានឹងទទួលបានប្រាក់ខែខ្ពស់ជាងអ្នកកាន់​សញ្ញាបត្រ។

តាម​រយៈ​ការ​មើល​និន្នាការ​ប្រាក់​បៀវត្សរ៍​បង្ហាញ​ថា ប្រទេសមួយនេះ​​ដំឡើង​ប្រាក់​ខែ ​គឺ​ផ្អែក​លើ​ការ​អប់រំ​និង​បទពិសោធន៍។

២ ប្រទេស​ស្វីស

ប្រទេសស្វីសជាប់ចំណាត់ថ្នាក់ក្នុង​ចំណោម​ប្រទេស​ដែល​មាន​ប្រាក់ខែ​គ្រូបង្រៀន​ខ្ពស់​បំផុត​ក្នុង​ពិភពលោក។ យោងតាមប្រភពព័ត៌មាន គ្រូបង្រៀននៅវិទ្យាល័យម្នាក់មាន​សិទ្ធិទទួល​បានសំណងចំនួន ៧៣ ៦៤៦ ៩៣ ដុល្លារអាមេរិក នៅពេល​ចាប់ផ្តើម​អាជីពរបស់ពួកគេ រួមទាំងប្រាក់រង្វាន់ ប្រាក់បន្ថែមម៉ោង និងគន្លឹះផ្សេងៗ។ ម្យ៉ាងវិញទៀត គ្រូបង្រៀនដែលមានបទពិសោធន៍ ១០ ទៅ ១៩ឆ្នាំ នៅក្នុងប្រទេសត្រូវបានគេរំពឹងថា​នឹងទទួលបានប្រាក់ខែ ៩៤ ៧២២ ២០ ដុល្លារអាមេរិក ដោយផ្អែកលើប្រាក់ខែទី១៣។ លើស​ពីនេះ គ្រូ​បង្រៀន​មាន​សិទ្ធិ​ទទួល​បាន​សំណង​ចំនួន ៩៥ ៥៩១ ២៧ ដុល្លារ​អាមេរិក ប្រសិន​បើពួកគេ​មាន​បទពិសោធន៍​លើស​ពី ២០ឆ្នាំឡើងទៅ។

ប្រទេសមួយនេះ បានប្រើប្រាស់កម្រិតបទពិសោធន៍ និង​គុណវុឌ្ឍិ​នៃការអប់រំដើម្បីកំណត់ប្រាក់ខែគ្រូបង្រៀន។ ពិសេស អ្នកកាន់បរិញ្ញាបត្រជាន់ខ្ពស់នឹងទទួលបានប្រាក់បៀវត្សរ៍ខ្ពស់ជាងអ្នកដែលមានបរិញ្ញាបត្រ។ ដូច្នេះអ្នក គួរមានបរិញ្ញាបត្រផ្នែកអប់រំ ដើម្បីមានលក្ខណៈគ្រប់គ្រាន់​ជាគ្រូបង្រៀននៅវិទ្យាល័យក្នុងប្រទេស។

៣ ប្រទេស អាល្លឺម៉ង់

ប្រទេសអាល្លឺម៉ង់ជាប់ចំណាត់ថ្នាក់លេខ ២ បន្ទាប់ពីលុចសំបួក្នុងបញ្ជី OECD នៃប្រទេសដែលមានប្រាក់ខែគ្រូបង្រៀនខ្ពស់បំផុត។ យោងតាមប្រភព ប្រាក់ខែ​គ្រូបង្រៀននៅប្រទេស​អាល្លឺម៉ង់​មាន​កម្រិត​ទាបបំផុត ១ ៣៦៤ ៤៨ ដុល្លារអាមេរិក​ សម្រាប់​គ្រូបង្រៀនដំបូង និង ៤ ៧២៣ ២០ ដុល្លារ​អាមេរិក សម្រាប់គ្រូបង្រៀន​ដែល​មាន​បទពិសោធន៍។ ម្យ៉ាង​ទៀត គ្រូ​ត្រូវ​បាន​ប្រាក់​បៀវត្សរ៍​អាស្រ័យ​លើ​កម្រិត​បទពិសោធន៍​របស់​ពួក​គេ។

ជាងនេះទៅទៀត គ្រូបង្រៀនចាប់ផ្តើមមានបទពិសោធន៍ត្រឹមតែ ២ ឆ្នាំ​ ទទួលបានរហូតដល់ ១ ៥៥៣ ៤១ ដុល្លារអាមេរិកក្នុងមួយខែ។ ម្យ៉ាងវិញទៀត គ្រូបង្រៀនដែលមានបទពិសោធន៍ពី ២ ទៅ ៥ ឆ្នាំគួរតែទទួលបានប្រហែល ២ ០៧៨២១ ដុល្លារអាមេរិក។

៤ ប្រទេស អា​ព្រិច​ខាងត្បូង

ប្រាក់ខែគ្រូបង្រៀននៅអាហ្វ្រិកខាងត្បូងអាចប្រែប្រួលយ៉ាងខ្លាំងអាស្រ័យលើកត្តាផ្សេងៗ ដូចជាលក្ខណៈសម្បត្តិ បទពិសោធន៍ និងប្រភេទនៃសាលា (វិស័យសាធារណៈ ឬឯកជន)។ ប្រាក់ខែគ្រូបង្រៀនជាមធ្យមនៅអាហ្វ្រិកខាងត្បូងគឺប្រហែល ៥៧ ៨៩០ដុល្លារក្នុងមួយឆ្នាំ។ វាត្រូវបានគេចាត់ទុកថា ជាប្រទេសដែលមានប្រាក់បៀវត្សរ៍គ្រូបង្រៀនជាមធ្យមខ្ពស់បំផុតនៅអាហ្វ្រិក។

៥ ប្រទេស ដាណឺម៉ាក

ប្រាក់ខែគ្រូបង្រៀននៅប្រទេសដាណឺម៉ាកជាទូទៅប្រែប្រួល វាអាស្រ័យលើកត្តាដូចជាបទពិសោធន៍ និងកម្រិតអប់រំ។
ប្រទេសដាណឺម៉ាកយកចិត្តទុកដាក់លើការអប់រំយ៉ាងខ្លាំង ខណៈដែលគ្រូបង្រៀន​ក៏​ទទួល​បាន​ប្រាក់​សំណង​ល្អ​ដែរ​ បើ​ធៀប​នឹង​វិជ្ជាជីវៈ​ដទៃ​ទៀត​ក្នុង​ប្រទេស។​ ប្រាក់ខែគ្រូបង្រៀនជាមធ្យមនៅប្រទេសដាណឺម៉ាកគឺ ៥៤ ១៣០ ដុល្លារ ក្នុងមួយឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖ប្រទេស ៥ ជាប់ឈ្មោះថា មានតម្លៃរស់នៅខ្ពស់បំផុតក្នុងឆ្នាំ ២០២៣

The post មានតែគ្រូបង្រៀនប៉ុន្មានប្រទេសនេះប៉ុណ្ណោះ ដែលទទួលបានប្រាក់ឈ្នួលច្រើនបំផុតលើលោក appeared first on Kampuchea Thmey Daily.

កិច្ចប្រជុំនេះ ធ្វើឡើងក្រោមអធិបតីភាពលោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងមានការចូលរួមពីភាគីតំណាងកម្មករ-និយោជិត និងភាគីតំណាងនិយោជក។

បន្ទាប់ពីកិច្ចប្រជុំអស់រយៈពេល ៤ម៉ោងមក លោក ហេង សួរ មានប្រសាសន៍ប្រាប់ក្រុមអ្នកសារព័ត៌មានថា ជាលទ្ធផលក្នុងកិច្ចប្រជុំនៅថ្ងៃនេះ ភាគីតំណាងនិយោជក បានដាក់នូវតួលេខថ្មីចំនួន ២០១.៥០ដុល្លារ ជាគោលជំហរចុងក្រោយរបស់ខ្លួន។ ចំណែកភាគីតំណាងកម្មករ-និយោជិត ក៏បានដាក់នូវតួលេខថ្មីចុងក្រោយរបស់ខ្លួនចំនួន ២តួលេខ គឺ ២០៤​ដុល្លារ និង ២១៣ដុល្លារ។

រីឯភាគីរាជរដ្ឋាភិបាល ដែលបានគណនាទៅតាមរូបមន្ត និងតួលេខផ្លូវការ គឺបានកំណត់នូវតួលេខកណ្ដាលមួយ នោះគឺ ២០២ដុល្លារ។ លោក ហេង សួរ បានបញ្ជាក់ថា «ហើយយោងទៅលើអ្វីដែលចែងនៅក្នុងយន្ដការ ក៏ដូចជាច្បាប់ ស្ដីពី ប្រាក់ឈ្នូលអប្បរមានេះ កិច្ចប្រជុំថ្ងៃនេះ លទ្ធផលនៅថ្ងៃនេះ ក្លាយជាគោលជំហរផ្លូវការចុងក្រោយ របស់ភាគីនីមួយៗ ហើយយោងតាមច្បាប់ដោយសារភាគីនីមួយៗ មានតួលេខផ្សេងគ្នា មានន័យថា យើងអត់បានឯកភាពជាឯកច្ឆ័ន ឬកុងសងស៊ីសទេ»។

ដូច្នេះ តាមច្បាប់ត្រូវបើកកិច្ចប្រជុំលើកទី ២ ដើម្បីពិនិត្យទៅលើគោលជំហរចុងក្រោយម្ដងទៀត ហើយប្រសិនបើកិច្ចប្រជុំលើកទី ២ ភាគីនីមួយៗនៅតែរក្សាគោលជំហររៀងៗខ្លួន ដែលមិនមានការឯកភាពជាឯកច្ឆ័ននោះ គឺនឹងមានការបោះឆ្នោត ជ្រើសរើសតួលេខមួយនៅក្នុងកិច្ចប្រជុំ នាថ្ងៃទី ២៨ ខែកញ្ញា ឆ្នាំ ២០២៣តែម្ដង៕

The post តំណាងនិយោជក ដាក់តួលេខថ្មី ២០១.៥០ដុល្លារ ខណៈតំណាងកម្មករ មានតួលេខថ្មីចំនួន ២ appeared first on Kampuchea Thmey Daily.

ខាងក្រោមនេះគឺជាអាជីព៣ប្រភេទ ដែលគេប៉ាន់ប្រមាណថា ទទួលបានប្រាក់ឈ្នូលខ្ពស់ជាងគេបំផុតលើពិភពលោក៖

១ គ្រូពេទ្យវះកាត់

គ្រូពេទ្យវះកាត់គឺជាវេជ្ជបណ្ឌិតដែលមានឯកទេសក្នុងការវះកាត់ដើម្បីព្យាបាលជំងឺ របួស និងជំងឺ។ ពួកគេគឺជាអ្នកជំនាញដែលមានជំនាញខ្ពស់ដែលត្រូវការការអប់រំ និងការ​បណ្តុះបណ្តាល​ជាច្រើនឆ្នាំ។ គ្រូពេទ្យវះកាត់អាចមានជំនាញក្នុងផ្នែកដូចជា ឆ្អឹងជំនី, ការ​វះកាត់​សរសៃ​ប្រសាទ, ការវះកាត់សរសៃឈាមបេះដូង និងការវះកាត់​កែសម្ផស្ស។ ដោយសារតែ​ភាព​ស្មុគស្មាញ និងហានិភ័យនៃការងារ ដូច្នេះ​គ្រូពេទ្យ​វះកាត់​គឺ​ស្ថិត​ក្នុង​ចំណោម​គ្រូពេទ្យ​ឯកទេស​ដែល​មាន​ប្រាក់ខែ​ខ្ពស់​បំផុត​ក្នុង​ពិភពលោក។ នេះ​បើ​តាម​ការិយាល័យ​ស្ថិតិ​ការងារ ប្រាក់ខែប្រចាំឆ្នាំជាមធ្យមសម្រាប់គ្រូពេទ្យវះកាត់នៅសហរដ្ឋអាមេរិកគឺប្រហែល ៤០៩ ៦៦៥ដុល្លារ។ ទោះជាយ៉ាងណាក៏ដោយ ចំនួននេះអាចប្រែប្រួលយ៉ាងខ្លាំង​អាស្រ័យលើកត្តាដូចជា​បទពិសោធន៍ ជំនាញ និងទីតាំង។ គ្រូពេទ្យវះកាត់ធ្វើការនៅក្នុងមន្ទីរពេទ្យឯកជន ឬល្បីឈ្មោះទំនងជាទទួលបានប្រាក់ខែខ្ពស់ជាង ជាង​នេះ។

២​ គ្រូពេទ្យឯកទេសខាងថ្នាំស្ពឹក

គ្រូពេទ្យឯកទេសខាងថ្នាំស្ពឹក គឺជាវេជ្ជបណ្ឌិតដែលមានឯកទេស​ក្នុងការផ្តល់ថ្នាំស្ពឹកដល់​អ្នកជំងឺមុន អំឡុងពេល និង​ក្រោយពេលវះកាត់។ ពួកគេទទួលខុសត្រូវក្នុងការធានាការ​លួងលោម និងសុវត្ថិភាពរបស់អ្នកជំងឺអំឡុងពេលវះកាត់។ គ្រូពេទ្យឯកទេសខាងថ្នាំស្ពឹក​ធ្វើការយ៉ាង​ជិតស្និទ្ធ​ជាមួយ​គ្រូពេទ្យវះកាត់ និងអ្នកជំនាញសុខភាពផ្សេងទៀត។ ដើម្បីតាមដាន​សញ្ញាសំខាន់​របស់អ្នកជំងឺ និងគ្រប់គ្រងការឈឺចាប់ នេះគឺដោយសារ​តែ​លក្ខណៈ​សំខាន់​នៃ​ការងារ និង​តម្រូវការ​សម្រាប់ការអប់រំ និងការ​បណ្តុះបណ្តាល​យ៉ាងទូលំទូលាយ។ ដូច្នេះ គ្រូពេទ្យឯកទេស​ខាងថ្នាំស្ពឹកគឺស្ថិតក្នុង​ចំណោម​អ្នកឯកទេសដែល​មាន​ប្រាក់​ខែ​ខ្ពស់​បំផុត​នៅ​ទូទាំង​ពិភពលោក។ នៅក្នុង​សហរដ្ឋ​អា​មេ​រិ​ច ប្រាក់ឈ្នួលប្រចាំឆ្នាំជា​មធ្យមសម្រាប់​អ្នកប្រើថ្នាំ​សន្លប់គឺប្រហែល ៣៦៩ ៣៤៦ដុល្លារ។ ទោះយ៉ាងណាក៏ដោយ ក៏ដូចគ្នាដែរសម្រាប់គ្រូពេទ្យវះកាត់។ ប្រាក់ខែរបស់គ្រូពេទ្យឯកទេស​ខាងថ្នាំស្ពឹកអាចប្រែប្រួលអាស្រ័យលើកត្តាដូចជាបទពិសោធន៍ ទីតាំង និងការងារ។

៣ នាយកប្រតិបត្តិ (CEO)

នាយកប្រតិបត្តិគឺជានាយកប្រតិបត្តិកំពូលរបស់អង្គការ។ ទទួលខុសត្រូវក្នុងការសម្រេចចិត្តជា​យុទ្ធសាស្ត្រ និងគ្រប់គ្រងប្រតិបត្តិការទូទៅរបស់ក្រុមហ៊ុន។ ពួកគេជាអ្នកដឹកនាំ កំណត់​គោលដៅ និងធានានូវភាពជោគជ័យ និងប្រាក់ចំណេញរបស់អង្គភាព។ ជាទូទៅ CEO គឺជាអ្នកជំនាញដែលមានប្រាក់ខែខ្ពស់បំផុតនៅក្នុងឧស្សាហកម្មណាមួយ។ ជាពិសេសនៅក្នុងអង្គភាពធំ ប្រាក់ខែរបស់ពួកគេជាធម្មតាមាន ប្រាក់ខែគោល ប្រាក់រង្វាន់ និងជម្រើសភាគហ៊ុន។

​បើ​តាម​ទិន្នន័យ​ពី​ការិយាល័យ​ស្ថិតិ​ការងារ​សហរដ្ឋ​អាមេរិក ប្រាក់ខែប្រចាំឆ្នាំជាមធ្យមសម្រាប់នាយកប្រតិបត្តិជាន់ខ្ពស់ ប្រាក់ខែជាមធ្យមរួមទាំង CEO គឺប្រហែល ១៨៩​ ៦០០ដុល្លារ។ ទោះជាយ៉ាងណាក៏ដោយ ប្រាក់ខែ CEO អាចប្រែប្រួលយ៉ាងខ្លាំង អាស្រ័យលើទំហំ និងឧស្សាហកម្មរបស់ក្រុមហ៊ុន ក៏ដូចជាប្រតិបត្តិការហិរញ្ញវត្ថុផងដែរ។ នាយកប្រតិបត្តិនៃក្រុមហ៊ុនពហុជាតិសាសន៍ និងក្រុមហ៊ុនបច្ចេកវិទ្យា។

យ៉ាងណាមិញមុខរបរផ្សេងទៀតដែលមានប្រាក់ចំណូលខ្ពស់ក៏​អាចរួមបញ្ចូលធនាគារ​វិនិយោគ មេធាវីដែលមានជំនាញខាងច្បាប់សាជីវកម្ម ឬកម្មសិទ្ធិបញ្ញា និងអត្តពលិកអាជីព និងច្រើនទៀត៕

ប្រែសម្រួល៖ សាង ស្រីល័ក្ខ

ចុចអាន៖ប្រទេស ៥ ទទួលបានប្រាក់ឈ្នួលខ្ពស់បំផុតនៅលើពិភពលោក

The post អាជីព ៣ ប្រភេទ ទទួលបានប្រាក់ឈ្នួលច្រើនជាងគេបំផុត ក្នុងសម័យនេះ appeared first on Kampuchea Thmey Daily.

កិច្ចប្រជុំនេះ បានធ្វើឡើងក្រោមអធិបតីភាពលោក​ ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងមានការចូលរួមពីភាគីតំណាងកម្មករ-និយោជិត និងតំណាងភាគីនយោជក ផងដែរ។

បន្ទាប់ពីជិតម៉ោង ៤រួចមក លោក ហេង សួរ រដ្ឋមន្ត្រីក្រសួងការងារ បានបញ្ជាក់ថា កិច្ចប្រជុំនាពេលនេះ គឺមានការប្រជុំដោយឡែកៗ ជាលក្ខណៈផ្ទៃក្នុងសម្រាប់ភាគីនីមួយៗ។ ជាលទ្ធផលភាគីតំណាងនយោជក និងភាគីតំណាងកម្មករ-និយោជិត នៅតែរក្សាគោលជំហររៀងៗខ្លួន ដោយតំណាងនយោជកនៅតែរក្សាតួលេខ ១ដុល្លារ រីឯតំណាងកម្មករនៅតែរក្សាតួលេខ ១៥ដុល្លារ ទៅលើប្រាក់ឈ្នួលកម្មករ ២០០ដុល្លារ ក្នុងឆ្នាំ ២០២៣នេះ។

លោករដ្ឋមន្ត្រី បានឲ្យដឹងបែបនេះថា «ជាលទ្ធផលយើងឃើញថា ភាគីនីមួយៗនៅតែរក្សាជំហររបស់ខ្លួនរៀងៗខ្លួន ភាគីនយោជកនៅរក្សាគោលជំហរបន្ថែម ១ដុល្លារ សម្រាប់ប្រាក់ឈ្នួលឆ្នាំ ២០២៤ (២០១ដុល្លារ) ភាគីតំណាងកម្មករ-និយោជិត ក៏នៅរក្សាគោលជំហរដដែល គឺសុំថែម ១៥ (២១៥ដុល្លារ)»។

លោក ហេង សួរ​ បានបញ្ជាក់ដែរថា កិច្ចប្រជុំនៅថ្ងៃនេះ គឺមានចំណុចមួយដែលភាគីទាំងអស់​ បានឯកភាពគ្នា គឺកិច្ចប្រជុំកំណត់ប្រាក់ឈ្នួលអប្បបរមាសម្រាប់កម្មករឆ្នាំ ២០២៤ នឹងលឿនជាងកាលកំណត់ ពោលគឺនឹងអាចបញ្ចប់នៅថ្ងៃទី ២៨ ខែកញ្ញា ឆ្នាំ ២០២៣ខាងមុខនេះ។

សូមជម្រាបថា ក្នុងកិច្ចប្រជុំលើកទី ៣ កាលពីថ្ងៃទី ៤ ខែកញ្ញា ឆ្នាំ ២០២៣កន្លងទៅនេះ តំណាងភាគីកម្មករ-និយោជិត បានលើកឡើងនូវតួលេខចំនួន ២១៥ដុល្លារ និងតំណាងភាគីនិយោជក បានលើកឡើងនូវតួលេខចំនួន ២០១ដុល្លារ៕

The post កិច្ចប្រជុំប្រាក់ឈ្នួលកម្មករលើកទី ៤ ៖ តំណាងនយោជករក្សាតួលេខ ១ដុល្លារ, តំណាងកម្មកររក្សាតួលេខ ១៥ដុល្លារ appeared first on Kampuchea Thmey Daily.

ទិន្នន័យនេះត្រូវបានចងក្រងឡើងដោយទិន្នន័យផ្លូវការរបស់រដ្ឋាភិបាល ការ​ស្ទង់មតិ​ប្រាក់ខែ និង​ប្រភពផ្សេង​ទៀតដូចជា ការប្រកាសការងារ ក៏ដូចជាអំពីប្រាក់ខែប្រចាំឆ្នាំ ២០២៣ ។

យោងតាមប្រភពដដែលបានបញ្ជាក់ថា ទាហានម្នាក់ដែលធ្វើការនៅប្រទេសឡាវ ជាមធ្យមនឹងទទួលបានប្រហែល ១៨០ ដុល្លារក្នុងមួយខែ ឬ ២,១៦០ ដុល្លារក្នុងមួយឆ្នាំ ហើយទាបបំផុតអាច ៨៣.២៥ ដុល្លារក្នុងមួយខែ ឬ ៩៩៩ ដុល្លារក្នុងមួយឆ្នាំ ខណៈខ្ពស់បំផុត ២៨៦ ដុល្លារក្នុងមួយខែ ឬ ៣,៤៤៣ ដុល្លារក្នុងមួយឆ្នាំ ។

កត្តាសំខាន់បំផុតក្នុងការកំណត់ប្រាក់ខែ​ គឺចំនួនឆ្នាំនៃបទពិសោធន៍ដែលទាហានម្នាក់ៗមាន ហើយបទពិសោធន៍ច្រើនឆ្នាំនឹងនាំឲ្យប្រាក់ឈ្នួលកាន់តែខ្ពស់ ។​ ឧទាហរណ៍ថា ទានហានដែលមានបទពិសោធន៍ត្រឹម ២ ឆ្នាំនឹងទទួលបានប្រាក់ខែ ២២,៣២១,៩០០ គីប (១,១២៨ ដុល្លារ) ។ ស្របពេលដែលលទាហានធ្វើការលើសពី ២០ ឆ្នាំ ប្រាក់ខែជាមធ្យមតាមការរំពឹងទុកនឹងកើនឡើងដល់ ៦៣៣៦០,៣០០ គីប (៣,២០៤ ដុល្លារ) ។

បន្ថែមពីលើប្រាក់ខែគោល ទាហានឡាវក៏អាចទទួលបានអត្ថប្រយោជន៍ និងប្រាក់ឧបត្ថម្ភផ្សេង​ទៀត រួមទាំងប្រាក់បំណាច់លំនៅឋាន ប្រាក់ឧបត្ថម្ភអាហារ និងប្រាក់បន្ថែម​សម្រាប់កាតព្វកិច្ចគ្រោះថ្នាក់ ឬការដាក់ពង្រាយទៅកាន់តំបន់ដាច់ស្រយាលផងដែរ ។ ទោះជាយ៉ាងណាក៏ដោយ អត្ថប្រយោជន៍ទាំងនេះអាចប្រែប្រួលទៅតាមគោលការណ៍ដែលបានចែង ។

ជាមួយគ្នានេះផងដែរ ថ្លៃចំណាយនៃការរស់នៅក្នុងប្រទេសឡាវមានកម្រិតទាប បើប្រៀបធៀបទៅនឹងប្រទេសដទៃទៀត។ ដូច្នេះហើយ សូម្បីតែប្រាក់បៀវត្សរ៍របស់ទាហានឡាវក៏ហាក់ដូចជាទាបដែរ បើធៀបនឹងស្តង់ដារអន្តរជាតិ ប៉ុន្តែវាក៏អាចផ្តល់នូវស្តង់ដារនៃការរស់នៅដ៏ល្អនៅក្នុងបរិបទក្នុងស្រុកផងដែរ ។

សរុបជារួមមក ទោះបីប្រាក់បៀវត្សរ៍របស់ទាហានឡាវមិនខ្ពស់នោះទេ បើធៀបនឹងប្រទេសដទៃ ប៉ុន្តែវាមានសារៈសំខាន់ណាស់ក្នុងការពិចារណាអំពីបរិបទក្នុងស្រុក និងអត្ថប្រយោជន៍មិនមែនហិរញ្ញវត្ថុដែលពួកគេទទួលបានពីការងារនៅក្នុងកងទ័ពប្រជាជនឡាវ៕

ប្រែសម្រួល៖ សាង ស្រីល័ក្ខ

ចុចអាន៖ឆេះផ្សារបណ្ដែតទឹកនៅ ថៃ ដែលជាកន្លែងទាក់ទាញភ្ញៀវទេសចររាប់ម៉ឺននាក់

The post តើមួយខែទាហាន ឡាវ ទទួលបានប្រាក់ឈ្នួលប៉ុន្មាន? appeared first on Kampuchea Thmey Daily.

ខាងក្រោមនេះគឺជាការងារចំនួន ៥ ដែលមនុស្សភាគច្រើនមិនចង់ធ្វើ តែត្រូវធ្វើ។

១ ធ្វើការ​នៅ​ក្នុង​ឧស្សាហកម្ម​នេសាទ

ការងារនៅលើទូកនេសាទអាចជាតម្រូវការរាងកាយខ្លាំង។ វាចំណាយពេលច្រើនម៉ោង និង​ពេលខ្លះ​លក្ខខណ្ឌគ្រោះថ្នាក់​ផ្សេងៗដែលយើងមើលមិនដឹងទាល់តែ​សោះ។

២​ កម្មករកសិកម្ម

ធ្វើការដូចជាធ្វើស្រែ ឬការងារកសិកម្មផ្សេងទៀត។ វាអាចពឹងផ្អែកលើកម្លាំងពលកម្ម ហើយ​ជារឿយៗ​ពាក់ព័ន្ធ​នឹង​លក្ខខណ្ឌ​អាកាសធាតុ​ខ្លាំង។ ដូច្នេះសម្រាប់អ្នកចាញ់អាកាសធាតុ អាចពិបាសម្របខ្លួនយ៉ាងខ្លាំងទៅនឹងបរិយាកាសដែលពួកគេទទួលបាន។

៣ បុគ្គលិក​អនាម័យ

ដូចនៅ​កន្លែង​ជាច្រើន ការងារ​ដែល​ទាក់ទងនឹងការប្រមូល​សំរាម និង​អនាម័យ​អាចត្រូវបានគេ​មើលឃើញថា​ជា​ការងារដែលមិនចង់បានដោយសារតែលក្ខណៈនៃការងារ។

៤ ការងារ​សំណង់

ការងារសំណង់អាចជាការយកពន្ធ​លើ​រូបវ័ន្ត​ ហើយអាចតម្រូវ​ឲ្យ​ធ្វើការក្នុង​បរិយាកាស​ដែលមាន​បញ្ហា​ដូចជា​សីតុណ្ហភាព​ខ្ពស់ និង​ការ​ដ្ឋានសំណង់ខ្ពស់ៗ។

៥ ជួយការងារផ្ទះ ឬការងារធ្វើដោយដៃ

មនុស្សមួយចំនួនអាចចៀសវាងការជួយការងារផ្ទះ ឬការងារដោយដៃ ដោយសារ​ហេតុផល​សង្គម និង​សេដ្ឋកិច្ច។

វាជាការសំខាន់ក្នុងការកត់សម្គាល់ថាការយល់ឃើញនៃការងារទាំងនេះអាចប្រែប្រួលពីមនុស្សម្នាក់​ទៅ​មនុស្សម្នាក់និងសហគមន៍។ ហើយមានមនុស្សដែលមាន​ឆន្ទៈក្នុងការធ្វើការងារ​ទាំងនេះ ទោះបី​ជាមាន​បញ្ហា​ប្រឈម​ក៏ដោយ។ លើស​ពី​នេះ ការខិតខំប្រឹងប្រែង​ដើម្បី​កែលំអ​លក្ខខណ្ឌ​ការងារ និង​ឱកាស​អាចមាន​ឥទ្ធិពល​លើ​ជម្រើស​អាជីពរបស់មនុស្ស៕

ប្រែសម្រួល៖ សាង ស្រីល័ក្ខ

ចុចអាន៖អាជីព ៥ ទទួលបានប្រាក់ខែខ្ពស់បំផុត

The post អាជីពចំនួន ៥ ដែលមនុស្សភាគច្រើនមិនចង់ធ្វើឡើយ appeared first on Kampuchea Thmey Daily.