​កម្ពុ​ជាមាន​គោលបំណង​បង្កើន​ចំណែក​ថាមពល​កកើតឡើង​វិញ​របស់ខ្លួន​ឱ្យបាន​យ៉ាងហោចណាស់ ៧០ ភាគរយ ត្រឹម​ឆ្នាំ ២០៣០ ដោយ​រួមចំណែក​ដល់​គោលដៅ​បរិស្ថាន និង​កំណើន សេដ្ឋកិច្ច ដោយ​ផ្តោតលើ​ប្រសិទ្ធភាព​ថាមពល​។​

ក្រសួង​រ៉ែ និង​ថាមពល​បាន​ព្យាករ​ថា តម្រូវការ​ប្រើប្រាស់​ប្រេងឥន្ធនៈ​នៅ​កម្ពុជា​នឹង​កើន​ឡើងដល់ ៤,៨​លាន​តោន​ត្រឹម​ឆ្នាំ​២០៣០ កើនឡើង​ពី​២,៨​លាន​តោន​កាលពី​ឆ្នាំ​២០២០។

កាលពីឆ្នាំ២០២៤ ប្រទេសកម្ពុជា​បាន​ចំណាយ​ប្រា​ក់ជាង ២,៦៩ ពាន់​លាន​ដុល្លារ​លើ​ការ​នាំចូល​ប្រេងឥន្ធនៈ និង​ប្រេងម៉ាស៊ូត ​កើនឡើង១២ ភាគរយ ​បើ​ធៀប​នឹងរយៈពេលដូចគ្នាក្នុង​​ឆ្នាំ​២០២៣ ដែលមានទឹកប្រាក់២,៤ ពាន់លានដុល្លារ៕

The post ក្រុមហ៊ុនរុករកប្រេងលំដាប់ពិភពលោករបស់អាមេរិក ប្តេជ្ញាធ្វើការជាមួយ​កម្ពុជា​ appeared first on Kampuchea Thmey Daily.

ក្រសួងរ៉ែ និងថាមពល បានដាក់ចេញជាគោលនយោបាយទូលាយ មួយដែលបន្តធានាការផ្គត់ផ្គង់ផលិតផលប្រេងកាត (ប្រេង និងឧស្ម័នឥន្ធនៈ) ឱ្យបានគ្រប់គ្រាន់ តាមរយៈ​ការផ្តល់​ការគាំទ្រ និងជំរុញការធ្វើអាជីវកម្មផ្នែក Downstream ដើម្បីបម្រើការរស់​នៅ​របស់ ប្រជាពលរដ្ឋ ការអភិវឌ្ឍរបស់ប្រទេស បង្កើនចំណូលរដ្ឋ និងការងារជូន​ប្រជាពលរដ្ឋ។

ក្នុងបរិបទអន្តរកាលថាមពល ក្រសួងរ៉ែ និងថាមពលនឹងធ្វើបច្ចុប្បន្នភាព ក្របខណ្ឌគោលនយោបាយ​ស្តីពីវិស័យប្រេងកាត និងរៀបចំលិខិតបទដ្ឋានគតិយុត្តជាច្រើនទៀត ជាពិសេសការដាក់​ឲ្យអនុវត្ត​បទប្បញ្ញត្តិ ការដាក់ឲ្យអនុវត្តបទប្បញ្ញត្តិបច្ចេកទេសសុវត្ថិភាព សម្រាប់រៀបចំប្រព័ន្ធ​ផ្គត់ផ្គង់​ និង​ចែកចាយឧស្ម័នឥន្ធនៈក្នុងអគារ។

យោងតាមក្រសួងរ៉ែ និងថាមពល នៅឆ្នាំ២០២៤ វិស័យប្រេងកាតបានផ្តល់សេវា​សា​ធារណៈ​ផ្សេងៗ និងរួមចំណែកប្រមូលចំណូលពីកាតព្វកិច្ចជូនរដ្ឋបានចំនួនប្រមាណ ១២.៣៥​ លានដុល្លារអាមេរិក៕

The post កម្ពុជា-អ៊ីរ៉ង់ ពង្រឹងទំនាក់ទំនងទ្វេភាគី និងបង្កើនកិច្ចសហប្រតិបត្តិការលើវិស័យរ៉ែ ថាមពល និងប្រេងកាត appeared first on Kampuchea Thmey Daily.

នៅប៉ុន្មានថ្ងៃចុងក្រោយឯកអគ្គរដ្ឋទូតសាធារណរដ្ឋអ៊ីស្លាមអ៊ីរ៉ង់មាននិវាសដ្ឋាន​នៅទីក្រុងហាណូយលោក Ali Akbar Nazari បានជួបសំដែងការគួរសមជាបន្តបន្ទាប់ជាមួយមន្ត្រីជាន់ខ្ពស់កម្ពុជារួមទាំងប្រធានរដ្ឋសភាផងដែរ។

អគ្គលេខាធិការរាជបណ្ឌិត្យសភា លោកបណ្ឌិត យង់ ពៅ មានប្រសាសន៍ថា ការបង្កើនទំនាក់ទំនងជាមួយអ៊ីរ៉ង់អាចធ្វើឱ្យកម្ពុជាពង្រីកទីផ្សារនៅបរទេសរបស់ខ្លួនបានបន្ថែមទៀត។

លោកថា៖ «រាល់ទំនាក់ទំនងជាមួយបណ្ដាប្រទេសលើពិភពលោកទាំងអស់កុំថាឡើងអ៊ីរ៉ង់គឺសុទ្ធតែបានផ្ដល់ប្រយោជន៍ទាំងកិច្ចការទូតទាំងពាណិជ្ជកម្មទាំងកិច្ចសហប្រតិបត្តិការអន្តរជាតិផ្សេងទៀតដែលជ្រោមជ្រែងគ្នា»។

អ្នកវិភាគភូមិសាស្រ្តនយោបាយ និងសន្ដិសុខ លោក ថុង ម៉េងដាវិត យល់ថាកម្ពុជានិងអ៊ីរ៉ង់មានសក្តានុពលសម្រាប់ទំនាក់ទំនងដែលមានផលប្រយោជន៍ទៅវិញទៅមក ទោះបីជាពួកគេមិនទាន់ជាដៃគូសំខាន់ក៏ដោយ។

លោកថា៖ «កិច្ចខិតខំប្រឹងប្រែងការទូតរបស់អ៊ីរ៉ង់ដើម្បីពង្រឹងទំនាក់ទំនងជាមួយអាស៊ីអាគ្នេយ៍ បានបង្ហាញឱ្យឃើញជាក់ស្តែងហើយថា កម្ពុជាដែលមានជំហរអព្យាក្រឹតក្នុងភូមិសាស្ត្រនយោបាយពិភពលោក អាចជាដៃគូដ៏ល្អរបស់អ៊ីរ៉ង់»។

លោកមើលឃើញថាកម្ពុជាអាចធ្វើពិពិធកម្មភាពជាដៃគូពាណិជ្ជកម្មរបស់ខ្លួន និងពង្រីកការនាំចេញ និងនាំចូលជាមួយប្រទេសអ៊ីរ៉ង់ ជាពិសេសក្នុងវិស័យដូចជាប្រេង ឧស្ម័ន និងឱសថ។

លោក ថុង ម៉េងដាវិត ថា៖ «មូលដ្ឋានឧស្សាហកម្មដ៏រឹងមាំរបស់អ៊ីរ៉ង់ក្នុងការផលិតថាមពល អាចជួយបំពេញតម្រូវការថាមពលរបស់ប្រទេសកម្ពុជា ជាពិសេសជាមួយនឹងតម្រូវការអគ្គិសនី និងប្រេងឥន្ធនៈដែលកំពុងកើនឡើង»។

លោកបណ្ឌិត យង់ ពៅ ក៏យល់ស្រដៀងគ្នានេះផងដែរថា៖ «យើងដឹងហើយថាអ៊ីរ៉ង់ជាប្រទេសផលិតប្រេងធំមួយរបស់ពិភពលោកជា​ប្រភពថាមពល រីឯកម្ពុជាជាប្រទេសកសិកម្មសំបូរបែបហើយរាជរដ្ឋាភិបាលកំពុងពង្រឹងទីផ្សារកសិកម្ម សហគមន៍កសិកម្មដើម្បីធានានូវផលិតផល ធានានូវស្ថេរភាពផលិតផលកសិកម្មហ្នឹងឯង។ អ៊ីចឹងវាជាលំហពាណិជ្ជកម្មថ្មីសម្រាប់ការដោះដូររវាងកម្ពុជា និងអ៊ីរ៉ង់»។

កម្ពុជា-អ៊ីរ៉ង បានចុះហត្ថលេខាលើអនុស្សារណៈយោគយល់គ្នាលើកិច្ចសហប្រតិបត្តិការរុករកប្រេងកាតកាលពីឆ្នាំ២០១៦ និងបានពិភាក្សាគ្នាក្នុងការបន្តឡើងវិញម្ដងហើយនៅឆ្នាំ២០២២។ មន្ត្រីជាន់ខ្ពស់ក្រសួងរ៉ែ និងថាមពលបង្ហើបឱ្យកម្ពុជាថ្មីដឹងថាបច្ចុប្បន្នអនុស្សារណៈថ្មីនៅមិនទាន់មាននៅឡើយទេ ដោយនឹងអាចពិភាក្សាបន្ថែមពេលដែលលោក Nazari ជួបជាមួយរដ្ឋមន្ត្រីក្រសួង។

ក្នុងជំនួបជាមួយប្រធានសភាកម្ពុជាលោកឯកអគ្គរដ្ឋទូត Nazari បានបញ្ជាក់ថាបេសកកកម្មរបស់លោកនៅពេលនេះគឺផ្ដោតលើការងារជាមួយក្រសួងស្ថាប័នរបស់កម្ពុជាលើ វិស័យពាណិជ្ជកម្ម សេដ្ឋកិច្ច ឧស្ម័នប្រេងកាត និងវិស័យសុខាភិបាល។ លោកក៏បានជជែកពីការផ្លាស់ប្ដូរបច្ចេកវិទ្យាវេជ្ជសាស្ត្រ និងបទពិសោធន៍នៃបច្ចេកវិទ្យាវះកាត់ដោយរ៉ូប៉ូតជាមួយរដ្ឋមន្ត្រីសុខាភិបាល និងជជែកពីបង្កើតកិច្ចសហប្រតិបត្តិការផ្នែករ៉ាដាអាកាសធាតុ និងផ្កាយរណបជាមួយរដ្ឋមន្ត្រីធនធានទឹកផងដែរ។

សម្រាប់អ្នកវិភាគយល់ថាកម្ពុជាគួរផ្តោតលើកិច្ចសហប្រតិបត្តិការណាដែលផ្តល់ប្រយោជន៍គ្នាទៅវិញទៅមក ជាពិសេសកិច្ចសហប្រតិបត្តិការសេដ្ឋកិច្ចនិងការវិនិយោគដូចជាថាមពល សន្តិសុខស្បៀងនិងកសិកម្ម ធុរកិច្ចនិងការវិនិយោគ បច្ចេកវិទ្យានិងនវាវនុវត្តន៍ និងសុខាភិបាល ជាដើម។

ទោះជាយ៉ាងណាសម្រាប់លោក ថុង ម៉េងដាវិត យល់ថាទំនាក់ទំនងនេះក៏ត្រូវទទួលស្គាល់ពីហានិភ័យដែលអាចកើតមានទាក់ទងនឹងជំហរអន្តរជាតិរបស់អ៊ីរ៉ង់ផងដែរ។

លោកថា៖ «កម្ពុជាគួរតែបង្កើនទំនាក់ទំនងរបស់ខ្លួនជាមួយប្រទេសអ៊ីរ៉ង់ ដោយជ្រើសរើសយកយុទ្ធសាស្ត្រ ដោយទទួលស្គាល់ពីហានិភ័យដែលអាចកើតមានទាក់ទងនឹងជំហរអន្តរជាតិរបស់អ៊ីរ៉ង់ ជាពិសេស​ទាក់ទងនឹងការដាក់ទណ្ឌកម្ម និងអស្ថិរភាពក្នុងតំបន់»។  

ទំនាក់ទំនងការទូតរវាងកម្ពុជានិងអ៊ីរ៉ង់បង្កើតឡើងកាលពីឆ្នាំ១៩៩២ រហូតមកដល់ពេលនេះមានរយៈពេល៣៣ឆ្នាំហើយ៕

អត្ថបទដោយ ហ៊ុន សិរីវឌ្ឍន៍

The post អ្នកវិភាគមើលឃើញពីសក្ដានុពលនៃការបង្កើនទំនាក់ទំនងជាមួយអ៊ីរ៉ង់ appeared first on Kampuchea Thmey Daily.

ក្នុងសេចក្ដីប្រកាសព័ត៌មានចុះថ្ងៃទី១៤ ខែមករា ក្រសួងការបរទេសកម្ពុជាឱ្យដឹងថាក្នុងជំនួបរវាងលោកឧបនាយករដ្ឋមន្ត្រី ប្រាក់ សុខុន និងលោក អាលី អាកបា ណាហ្សារី  (Ali Akbar Nazari) នៅទីស្ដីការក្រសួងភាគីទាំងពីរបានពិភាក្សាគ្នាពីកិច្ចខិតខំប្រឹងប្រែងដើម្បីបង្កើនទំនាក់ទំនងសេដ្ឋកិច្ចតាមរយៈកិច្ចសហប្រតិបត្តិការលើវិស័យពាណិជ្ជកម្ម វិនិយោគ សុខាភិបាល និងថាមពល។ ដោយក្នុងនោះ​បានស្វាគមន៍ចំពោះវឌ្ឍនភាពលើកការបិទបញ្ចប់កិច្ចព្រមព្រៀងស្ដីពីការជំរុញ និងការពារវិនិយោគទុនរវាងកម្ពុជា និងអ៊ីរ៉ង់ ការបង្កើតគណៈកម្មការសេដ្ឋកិច្ចចម្រុះ និងអនុស្សារណៈនៃការយោគយល់គ្នាស្ដីពីកិច្ចសហប្រតិបត្តិការប្រេងកាតផងដែរ។

កម្ពុជា-អ៊ីរ៉ង បានចុះហត្ថលេខាលើអនុស្សារណៈយោគយល់គ្នាលើកិច្ចសហប្រតិបត្តិការរុករកប្រេងកាតកាលពីឆ្នាំ២០១៦ និងបានពិភាក្សាគ្នាក្នុងការបន្តឡើងវិញម្ដងហើយនៅឆ្នាំ២០២២។ មន្ត្រីជាន់ខ្ពស់ក្រសួងរ៉ែ និងថាមពលបង្ហើបឱ្យកម្ពុជាថ្មីដឹងថាបច្ចុប្បន្នអនុស្សារណៈថ្មីនៅមិនទាន់មាននៅឡើយទេ ដោយនឹងអាចពិភាក្សាបន្ថែមពេលដែលលោក Nazari ជួបជាមួយរដ្ឋមន្ត្រីក្រសួង ។

នៅប៉ុន្មានថ្ងៃនេះឯកអគ្គរដ្ឋទូតអេរ៉ងលោក អាលី អាកបា ណាហ្សារី (Ali Akbar Nazari) ចូលជួបមន្ត្រីជាន់ខ្ពស់នៅកម្ពុជាជាបន្តបន្ទាប់។ កាលពីថ្ងៃទី១៤ ខែមករា ឆ្នាំ២០២៥ លោកក៏បានជួបពិភាក្សាការងារជាមួយប្រធានរដ្ឋសភាកម្ពុជាលោកស្រី ឃួន សុដារី ផងដែរ ក្នុងជំនួបនោះលោកបានបញ្ជាក់ថាបេសកកកម្មរបស់លោកនៅពេលនេះគឺផ្ដោតលើការងារជាមួយក្រសួងស្ថាប័នរបស់កម្ពុជាលើ វិស័យពាណិជ្ជកម្ម សេដ្ឋកិច្ច ឧស្ម័នប្រេងកាត និងវិស័យសុខាភិបាល។

កម្ពុជាមានប្លុកប្រេងកាត ចំនួន២៥ក្នុងនោះ ដែនសមុទ្រ៦ប្លុក ដែនគោក១៩ប្លុក និង៤តំបន់នៅដែនសមុទ្រត្រួតគ្នារវាងកម្ពុជា-ថៃ៕

អត្ថបទដោយ ហ៊ុន សិរីវឌ្ឍន៍

The post កម្ពុជា-អ៊ីរ៉ង់ ស្វាគមន៍ចំពោះវឌ្ឍនភាពនៃកិច្ចសហប្រតិបត្តិការប្រេងកាត appeared first on Kampuchea Thmey Daily.

លោក កែវ រតនៈ បាន​មាន​ប្រសាសន៍​ថា អនុវត្ត​តាម​គោលនយោបាយ​របស់​រាជរដ្ឋាភិបាល ក្រសួង​បាន​ដាក់​ចេញ​ជា​គោលនយោបាយទូលាយមួយ​ដែល​បន្តធានា​ដល់​ការផ្គត់ផ្គង់ផលិតផលប្រេងកាត (ប្រេងនិងឧស្ម័នឥន្ធនៈ) ឱ្យ​បានគ្រប់គ្រាន់ តាមរយៈការផ្តល់ការគាំទ្រ និងជំរុញការធ្វើអាជីវកម្មផ្នែក Downstream ដើម្បីបម្រើការរស់នៅរបស់ ប្រជាពលរដ្ឋ ការ​អភិវឌ្ឍ​របស់​ប្រទេស​ បង្កើនចំណូលរដ្ឋ និងការងារ​ជូន​ប្រជាពលរដ្ឋ។

កម្ពុជា​កំពុង​ទទួល​បាន​ផល​ប្រយោជន៍​ជា​បន្តបន្ទាប់ តាមរយៈ​ការ​ផ្គត់ផ្គង់​ប្រេងនិង​ឧស្ម័នឥន្ធនៈ ដោយ​ពុំ​មាន​ការ​ខ្វះខាត ជាមួយ​នឹង​ស្ថិរភាព​ថ្លៃសមរម្យ។ ក្នុង​នោះនៅ​ក្នុង​បរិបទអន្តរកាលថាមពល ក្រសួងនឹងធ្វើបច្ចុប្បន្នភាព ក្របខណ្ឌ​គោលនយោបាយ​ស្តីពីវិស័យប្រេងកាត និង រៀបចំលិខិតបទដ្ឋានគតិយុត្តជាច្រើនទៀត ជាពិសេសការ​ដាក់ឲ្យអនុវត្តបទប្បញ្ញត្តិបច្ចេកទេសសុវត្ថិភាព សម្រាប់​រៀបចំប្រព័ន្ធផ្គត់ផ្គង់ និងចែកចាយឧស្ម័នឥន្ធនៈក្នុងអគារ។

ពាក់ព័ន្ធ​និង​វិស័យ​ប្រេង​កាត​នេះ​ដែរ លោក កែវ រតនៈ បាន​ឱ្យ​ដឹង​ថា នាពេលដ៏ខ្លីខាងមុខនេះ ក្រសួង មានផែនការ ស្នើសុំរាជរដ្ឋាភិបាលគាំទ្រ​គម្រោងវិនិយោគរោងចក្រចម្រាញ់ប្រេងកាតក្នុងប្រទេសជំហានទី១ ជា​មួយនឹង ការកំណត់រូបរាង និងវិសាលភាពនៃការធ្វើសន្និធិប្រេងបម្រុងជាយុទ្ធសាស្ត្រ «Strategic Petroleum Reserve» ទោះបីជា​ប្រទេស​កម្ពុជា​មានទីផ្សារប្រេងនៅតូចក៏ដោយ។ ក្រសួងកំពុងរៀប​ចំការគាំទ្រ​នានា​សម្រាប់សម្រួល​ដល់ការដឹកជញ្ជូន និងផ្គត់ផ្គង់ឧស្ម័ន LNG ដល់រោងចក្រផលិតអគ្គិសនីដើរដោយឧស្ម័ន LNG អានុភាព ៩០០ មេហ្គាវ៉ាត់ លើកទី១ របស់​កម្ពុជានៅខេត្តកោះកុង។

លោក កែវ រតនៈ បាន​អះអាង​ដែរ​ថា បច្ចុប្បន្នមានស្ថានីយសរុបចំនួន ៦ ១៨៦ ស្ថានីយ និងផ្តល់ការងារជាង ២ ម៉ឺនកន្លែង ដល់​ប្រជាពលរដ្ឋ។ លើសពីនេះ ក្រុមការងារអធិការកិច្ចក៏កំពុងបន្តចុះណែនាំ និង ផ្សព្វផ្សាយលើ​ទិដ្ឋភាពសុវត្ថិភាពទូទាំង​ប្រទេសជាប្រចាំ​ផងដែរ​៕

The post ឆ្នាំ២០២៤ វិស័យប្រេងកាត ប្រមូលចំណូលជូនរដ្ឋបានប្រមាណ ១២,៣៥ លានដុល្លារអាមេរិក appeared first on Kampuchea Thmey Daily.

តែទោះបីជាយ៉ាងណា លោក ម៉េង សក្តិធារ៉ា មិនទាន់អាចបញ្ជាក់ពីពេលវេលាជាក់លាក់ឡើយនៃការចាប់ផ្តើមដំណើរការបូមប្រេងបន្តនេះ ដោយលោកគ្រាន់តែបញ្ជាក់ថា បច្ចុប្បន្នកំពុងស្ថិតក្នុងដំណាក់កាលចរចារវាងរាជរដ្ឋាភិបាល និងក្រុមហ៊ុន។ បើតាមលោករដ្ឋលេខាធិការ ប្រសិនបើក្រុមហ៊ុនថ្មីរបស់កាណាដានេះ សម្រេចមកវិនិយោគលើការបូមប្រេងបន្តនៅប្លុកA នឹងចំណេញទុនវិនិយោគប្រមាណ ២០០លានដុល្លារ ហើយឧបករណ៍ប្រើប្រាស់ក៏មានស្រាប់ ដែលជាទ្រព្យបង្កករបស់ក្រុមហ៊ុន Kris Energy។

ជាបទពិសោធរបស់កម្ពុជាបន្ទាប់ពីជួបបញ្ហាកន្លងទៅនេះ លោក ម៉េង សក្តិធារ៉ា បញ្ជាក់ដែរថា រាជរដ្ឋាភិបាល ក៏មានបំណងនៃការបង្កើតក្រុមហ៊ុនជាតិលើការគ្រប់គ្រងការបូមប្រេងនេះដែរ ដោយកម្ពុជា មិនចង់ពឹងផ្អែកលើការវិនិយោគរបស់ក្រុមហ៊ុនឯកជនទាំងស្រុងឡើយ ហើយក៏ដើម្បីជាការពង្រឹងសមត្ថភាពរបស់កម្ពុជាលើការគ្រប់គ្រងវិស័យប្រេងផងដែរ។

គួរជម្រាបថា បើតាមលោក ជៀប សួរ អគ្គនាយកនៃអគ្គនាយកដ្ឋានប្រេងកាត គឺក្រៅពីប្លុក A ក៏មានប្លុក D មួយទៀត ត្រូវបានរាជរដ្ឋាភិបាលចុះកិច្ចព្រមព្រៀង ដើម្បីសិក្សាស្រាវជ្រាវស្វែងរុករកប្រេងនៅដែនសមុទ្រកម្ពុជា។ ដោយឡែក ប្លុកផ្សេងទៀត គឺមិនទាន់មានការសិក្សាស្រាវជ្រាវនៅឡើយទេ ខណៈក្រសួងកំពុងខិតខំទាក់ទាញក្រុមហ៊ុនមកវិនិយោគក្នុងការសិក្សាស្រាវជ្រាវនៅក្នុងប្លុកទាំងនេះជាបន្តបន្ទាប់៕

ដោយ៖ ធឿន វ៉ាន់សុង

The post មន្ត្រីក្រសួងរ៉ែ អះអាងថា កម្ពុជាកំពុងចរចាជា មួយក្រុមហ៊ុនកាណាដា ដើម្បីបូមប្រេងនៅប្លុក A ឡើងវិញ appeared first on Kampuchea Thmey Daily.

លោក​ជៀប សួរ​បាន​ឲ្យ​ដឹង​ថា បើ​សិន​ក្រុមហ៊ុន​គ្រីសអេណីជី (KrisEnergy) អះអាង​ពី​ការ​ក្ស័យធន​មិន​អាច​ដំណើរ​អាជីវកម្ម​ទៅ​មុខ​ទៀត​បាន រដ្ឋាភិបាល​នឹង​ស្វះស្វែង​រក​ក្រុមហ៊ុន​ថ្មី ដើម្បី​បន្ត​អភិវឌ្ឍ​អាជីវកម្ម​ធនធាន​ប្រេង​របស់​ប្រទេស​​កម្ពុជា។

លោក​ថា ក្នុង​ដំណាក់​កាល​នេះ រដ្ឋាភិបាល​​រង់ចាំ​សេចក្តី​ជូនដំណឹងពីក្រុមហ៊ុន​ជា​ផ្លូវការ​សិន ទើប​មាន​ចំណាត់​ការ​បន្ត​ទៀត។

“មក​ដល់​ពេលនេះ ក្រុមហ៊ុន​មិន​ទាន់ជូនដំណឹង​មក​រដ្ឋាភិបាល​នៅ​ឡើយ។ ការ​ដកខ្លួន​នេះ​អាច​ប៉ះពាល់​ដល់​អាជីវកម្មអភិវឌ្ឍ​ប្រេង​កាត​របស់​កម្ពុជា​ឬ​យ៉ាងណា ទាល់​រង់ចាំ​ការ​ជូន​ដំណឹងពី​ក្រុមហ៊ុន​សិន។ រដ្ឋាភិបាល​កំពុង​ពិនិត្យ​មើល​លក្ខខណ្ឌ​ក្នុង​កិច្ច​ព្រមព្រៀង និង​តាមដាន​លើ​ការងារ​ហ្នឹង ត្រូវ​មាននីតិវិធី​ និង​ការ​សម្រេច​ពី​​តុលាការ”។

លោក​បញ្ជាក់​យ៉ាងដូច្នេះ​​ថា តាម​កិច្ច​ព្រមព្រៀង បើ​សិន​ក្រុមហ៊ុន​មិន​អាច​បំពេញ​តាម​កាតព្វកិច្ច​ រាល់​កិច្ច​ព្រមព្រៀង​នឹង​​ត្រូវ​បាន​បញ្ចប់ ហើយ​រដ្ឋាភិបាល​អាច​ស្វែង​រក​អ្ន​កវិនិយោគទុនថ្មី​ ដើម្បី​បន្ត​ដំណើរការ​អភិវឌ្ឍ​​បន្ត​ទៀត។

កាលពីចុង​ឆ្នាំ២០២០ កម្ពុជា​បាន​ប្រកាស​ទទួល​ដំណក់​​ប្រេងលើកដំបូង។ យ៉ាងណា​ក្រុមហ៊ុនប្រេងរបស់សិង្ហបុរី​ ដែលទទួលបានសិទ្ធិបូមប្រេងនៅក្នុងប្លុក A តំបន់អប្សរាក្នុង​ដែន​សមុទ្រ​ប្រទេសកម្ពុជា បានប្រកាសក្ស័យធន ដោយក្រុមហ៊ុន​អះអាង​ថាគ្មានលទ្ធភាពសងបំណុលរួច ទើបប្រកាសក្ស័យធនបែបនេះ។

ក្នុងសន្និសីទសារព័ត៌មាន ស្តីពីការប្រគល់-ទទួល កែវផ្ទុកដំណក់ប្រេងដំបូងរបស់កម្ពុជាតម្កល់នៅក្នុងសារមន្ទីរ វិមាននយោបាយឈ្នះ-ឈ្នះ នៅ​ព្រឹកមិញនេះ​សម្ដេច​ពិជ័យ​សេនា ទៀ បាញ់ រដ្ឋមន្រ្តី​ក្រសួង​ការពារជាតិ​មានប្រសាសន៍ថា កិច្ចការទាំងអស់ វា​មិនមានភាពរលូនដូចធ្វើដំណើរតាមថ្នល់កៅស៊ូ​នោះ​ទេ វាអាចមានរលាក់​នេះ រលាក់​នោះ ប៉ុន្តែ​ក៏​នឹង​​វិធានការ​ជា​ដំណោះស្រាយ​​ទៅមុខទៀតជាក់ជាមិនខាន។

ក្រោយ​កម្ពុជា​បាន​ទទួល​ដំណក់ប្រេង​ដំបូង​កាល​ពី​អំឡុង​ធ្នូ ឆ្នាំ២០២០ ផលិតកម្មបូម​ប្រេងពីអណ្តូងទាំង៥ នៅតំបន់អប្សារាក្នុង​ដែន​សមុទ្រ​ប្រទេស​កម្ពុជា​ គឺទាបជាងការរំពឹងទុក ដែល​ប៉ះពាល់ដល់ហិរញ្ញវត្ថុរបស់ក្រុមហ៊ុន។ ជាមធ្យម ក្រុមហ៊ុនបូមប្រេងបានជាង ២ ពាន់​ប៉ារ៉ែលក្នុងមួយថ្ងៃ ទាបជាងផែនការប្រមាណ ៧ ៥០០ ប៉ារែលក្នុងមួយថ្ងៃ៕

អត្ថបទ៖ ប៊ុណ្ណារ៉ា

The post កម្ពុជា​នឹង​បន្ត​រក​ដៃគូ​ថ្មី ករណី​ក្រុមហ៊ុន​គ្រីសអេណេជី​អស់​លទ្ធភាព ហើយ​ជូន​ដំណឹង​​ជា​ផ្លូវការ​មក​រដ្ឋាភិបាល appeared first on Kampuchea Thmey Daily.

តែយ៉ាងណា​​ផល​ចំណូល​ពី​ប្រេង​នេះ​បាន​មិន​ដល់ ៣០ លាន​ដុល្លារ​ផង​ក្នុង​មួយ​ឆ្នាំ ដែល​ចំណូល​នេះ​មាន​កម្រិត​តិចតួច​ណាស់ បើ​ធៀប​ចំណូល​សរុប​របស់​ជាតិ។

សម្តេច​តេជោ ហ៊ុន សែន​បាន​ប្រកាស​ថា ចំណូល​ពី​ធនធាន​ប្រេង​មាន​កម្រិត​តិចតួច​ណាស់​ បើ​ធៀប​ផល​ចំណូល​សរុប​របស់​ជាតិ​។

ឆ្នាំ ២០២០ រដ្ឋាភិបាល​ទទួល​បាន​ចំណូល ៥៥០០ លាន​ដុល្លារ ហើយ​បើ​ធៀប​ចំណូល​ជាង ៣០ លាន​ដុល្លារ​ទទួល​បាន​ពី​ធនធាន​ប្រេង មិន​អាច​ជះ​ឥទ្ធិពល​ធំធុំ​ដល់​ការ​រុញ​កំណើន​សេដ្ឋកិច្ច​ជាតិ។

តាម​ការ​ប៉ាន់​ប្រមាណ កម្ពុជា​អាច​ផលិត​ប្រេង​បាន​ចន្លោះ​ពី ៧ ០០០ ទៅ ៧ ៥០០ បារ៉ែល​ក្នុង​មួយ​ថ្ងៃ​។ បើ​តាម​ទីផ្សារ​តម្លៃ​ប្រេង​បច្ចុប្បន្ន​ប្រហែល ៥៥ ដុល្លារ​ក្នុង​មួយ​បារ៉ែល ចំណូល​បាន​មិន​ដល់​៣០ លាន​ដុល្លារ​ផង​ក្នុង​មួយ​ឆ្នាំ។

ចំណូល​ប្រេង​ ៣០​លាន​ ដុល្លារ​នេះ មិនទាន់​ស្មើ​ចំណូល​សារពើពន្ធ​ភ្ញៀវទេសចរ​ជាង ០៦ លាន​នាក់ ដែល​មកលេង​កម្ពុជា​នោះឡើយ​។​

កាល​ពី​ឆ្នាំ ២០១៩ កម្ពុជា​ទទួល​ភ្ញៀវ​ទេសចរ​ប្រមាណ ៦ លាន​នាក់។ ក្នុង​នោះ​​គ្រាន់​តែ​ចំណូល​ពីការ​យក​ថ្លៃ​ទិដ្ឋាការមាន​​រហូត​ដល់ជាង ១៨០ លាន​ដុល្លារ។

ប្រទេស​ផលិត​ប្រេង​ធំ​ជា​ច្រើន​មិន​អាច​ពឹង​ផ្អែក​លើ​ប្រេង​មួយ​មុខ​ទេ ដើម្បី​រុញ​ច្រាន​កំណើន​សេដ្ឋកិច្ច​ជាតិ ក៏​មាន​ការ​ចូលរួម​ចំណែក​លើ​ការ​អភិវឌ្ឍ​ផ្នែក​ឧស្សាហកម្ម កសិកម្ម និង​សេវាកម្ម​​ជា​ដើម៕

អត្ថបទ៖ ប៊ុណ្ណារ៉ា

The post ​កម្ពុជា​​ទទួល​បាន​ចំណូល​ប៉ុន្មាន​​ពីធនាគារ​ប្រេង? appeared first on Kampuchea Thmey Daily.