កម្ពុជា-អ៊ីរ៉ង់ ពង្រឹងទំនាក់ទំនងទ្វេភាគី និងបង្កើនកិច្ចសហប្រតិបត្តិការលើវិស័យរ៉ែ ថាមពល និងប្រេងកាត

លោក Ali Akbar Nazari ឯកអគ្គរដ្ឋទូត នៃសាធារណរដ្ឋអ៉ីស្លាមអ៉ីរ៉ង់ ប្រចាំកម្ពុជានៅថ្ងៃទី ១៦ ខែមករា ឆ្នាំ ២០​២៤ បានជួបពិភាក្សាការងារជាមួយលោក យស មុនីរ៉ាត់ រដ្ឋលេខាធិការក្រសួងរ៉ែ និងថាមពល អំពីការពង្រឹងទំនាក់ទំនងទ្វេភាគី និងលើកកម្ពស់កិច្ចសហប្រតិបត្តិការវិស័យរ៉ែ ថាមពល និងប្រេងកាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងរ៉ែ និងថាមពល បានដាក់ចេញជាគោលនយោបាយទូលាយ មួយដែលបន្តធានាការផ្គត់ផ្គង់ផលិតផលប្រេងកាត (ប្រេង និងឧស្ម័នឥន្ធនៈ) ឱ្យបានគ្រប់គ្រាន់ តាមរយៈ​ការផ្តល់​ការគាំទ្រ និងជំរុញការធ្វើអាជីវកម្មផ្នែក Downstream ដើម្បីបម្រើការរស់​នៅ​របស់ ប្រជាពលរដ្ឋ ការអភិវឌ្ឍរបស់ប្រទេស បង្កើនចំណូលរដ្ឋ និងការងារជូន​ប្រជាពលរដ្ឋ។

ក្នុងបរិបទអន្តរកាលថាមពល ក្រសួងរ៉ែ និងថាមពលនឹងធ្វើបច្ចុប្បន្នភាព ក្របខណ្ឌគោលនយោបាយ​ស្តីពីវិស័យប្រេងកាត និងរៀបចំលិខិតបទដ្ឋានគតិយុត្តជាច្រើនទៀត ជាពិសេសការដាក់​ឲ្យអនុវត្ត​បទប្បញ្ញត្តិ ការដាក់ឲ្យអនុវត្តបទប្បញ្ញត្តិបច្ចេកទេសសុវត្ថិភាព សម្រាប់រៀបចំប្រព័ន្ធ​ផ្គត់ផ្គង់​ និង​ចែកចាយឧស្ម័នឥន្ធនៈក្នុងអគារ។

យោងតាមក្រសួងរ៉ែ និងថាមពល នៅឆ្នាំ២០២៤ វិស័យប្រេងកាតបានផ្តល់សេវា​សា​ធារណៈ​ផ្សេងៗ និងរួមចំណែកប្រមូលចំណូលពីកាតព្វកិច្ចជូនរដ្ឋបានចំនួនប្រមាណ ១២.៣៥​ លានដុល្លារអាមេរិក៕