ការប្រកាសរបស់ម្ចាស់ផលិតកម្ម LD ខាងលើនេះ ស្របពេលដែលភាពយន្តប្រវត្តិសាស្ត្ររឿង “សោកនាដកម្មភ្នំខ្មោច” កំពុងតែដំណើរការថត ក្នុងគោលបំណងដើម្បីបង្ហាញពិភពលោកឱ្យបានដឹងនូវទង្វើដ៏អាក្រក់របស់ទាហ៊ានថៃ មកលើជនភៀសសឹកកម្ពុជាយ៉ាងព្រៃផ្សៃបំផុត។

នៅព្រឹកថ្ងៃទី២៣ ខែមករា ឆ្នាំ២០២៦នេះ លោក លៀក លីដា បានប្រកាសឱ្យដឹងនូវជំហររបស់ខ្លួនថា ទោះជាពិបាកយ៉ាងណាក៏លោកត្រូវតែថតរឿងប្រវត្តិសាស្រ្តមួយនេះឱ្យចប់។ ជាមួយគ្នានោះ លោកក៏បានអំពាវនាវដល់ម្ចាស់ Brand ធំៗឱ្យចូលរួមក្នុងរឿងមួយនេះផង ព្រោះនេះជាយុទ្ធនាការបណ្ដុះគំនិតមនសិការស្នេហាជាតិឲ្យក្លាយទៅជាកាតព្វកិច្ចរៀងៗខ្លួន។

ជារឿយៗ លោក លៀក លីដា តែងតែស្នើដល់បណ្តាម្ចាស់ក្រុមហ៊ុនដែលជាកូនខ្មែរមានផលិតផលខ្មែរ (brands) បង្កើតឡើងដោយកូនខ្មែរគួរតែចូលរួមជាមួយ LD ក្នុងយុទ្ធនាការផលិតរឿង “សោកនាដកម្មភ្នំខ្មោច” ឱ្យបានផុសផុល ក្នុងន័យដើម្បីជាការគាំទ្រ និងលើកទឹកចិត្ត ចំពោះការផលិតរឿងជាប្រវត្តិសាស្ត្រមួយនេះ៕ ដោយ : ចាន់រ៉ា

The post ថៅកែ LD ប្រកាសជំហរយ៉ាងម៉ឺងម៉ាត់ ទោះជួបការលំបាកយ៉ាងណា ក៏ត្រូវថតរឿង “សោកនាដកម្មភ្នំខ្មោច” ឱ្យចប់ appeared first on Kampuchea Thmey Daily.

ទោះបីយ៉ាងណាលោក លៀក លីដា ថៅកែផលិតកម្ម LD ថ្មីៗនេះបានចេញមុខស្នើដល់បណ្តាម្ចាស់ក្រុមហ៊ុ នដែលជាកូនខ្មែរមានផលិតផលខ្មែរ brandsបង្កើតឡើងដោយកូនខ្មែរគួតែចូលរួមជាមួយLDក្នុងយុទ្ធនា ការផលិតរឿង “សោកនាដកម្មភ្នំខ្មោច” ដែលគ្រោងនឹងចាប់ផ្តើមថតនាពេលឆាប់ៗខាងមុខ។

បន្ទាប់ពីរកាប្រកាសរបស់ផលិតករភាពយន្តគឺលោក លៀក លីដា ខាងលើនៅរសៀលថ្ងៃទី០៣ខែតុលាឆ្នាំប២០២៥នេះលោកក៏បានបញ្ជាក់ពីដំណឹងដ៏រីករាយថាឥឡូវនេះមានតារាល្បីៗស្ម័គ្រចិត្តចូលរួមថតរឿង “សោកនាដកម្មភ្នំខ្មោច”ដោយមិនគិតកម្រៃ។ នេះគឺបង្ហាញឲ្យឃើញឆន្ទ:ដែលខ្មែរស្រលាញ់ខ្មែរចេះសាមគ្គីគ្នា។

លោក លៀក លីដា បានសរសេរបង្ហោះថា “អ្នកមានលុយមិនប្រាកដថាមានចិត្ត អរគុណតារាល្បីៗដែលចង់ចូលរួមថតរឿង «សោកនាដកម្មភ្នំខ្មោច» ដោយមិនគិតលុយ ពិតជាអរគុណណាស់តែយ៉ាងណាក៏ LD មិនឱ្យអត់ដែរ“។ លោក លៀក លីដា ម្ចាស់ផលិតកម្មធ្លាប់បង្ហើបថា នេះភាពយន្តខ្នាតធំចំណាយថវិកាច្រើនសម្រាប់ជាតិ និងអន្តរជាតិទស្សនា។

គួររម្លឹកថា មុននេះលោក លៀក លីដា បញ្ជាក់ឱ្យដឹងដែរថា ផលិតការមិនត្រូវការការឧបត្ថម្ភទេ តែអ្វីដែលសំខាន់មិនអាចខ្វះបានគឺការគាំទ្រពីសំណាក់មហាជនគ្រប់មជ្ឈដ្ឋាន។ លោក លៀក លូដា បានលើកឡើងថាការផលិតរឿង”សោកនាដកម្ម ភ្នំខ្មោច”គឺ ដើម្បីចូលលើកស្ទួយនិងបន្តបណ្តុះមនសិការសេ្នហាជាតិ និងប្រាប់រឿងពិតទៅកាន់ពិភពលោក។ដូច្នេះលោកសូមការផ្តល់ឱកាសឱ្យលោកបានជួប និងធ្វើបទបង្ហាញ ព្រោះ LD មិនត្រូវការការឧបត្ថម្ភទេតែពួកយើងពិតជាត្រូវការការគាំទ្រពីបងប្អូនដែលមានលទ្ធភាពមុន៕ ចាន់រ៉ា

The post ខ្មែរជួយខ្មែរ! តារាល្បីៗស្ម័គ្រចិត្តចូលរួមថតរឿង “សោកនាដកម្មភ្នំខ្មោច” ដោយមិនគិតកម្រៃ appeared first on Kampuchea Thmey Daily.

ទន្ទឹមនឹងទទួលបានការចាប់អារម្មណ៍គួរកត់សម្គាល់នេះ ផលិតកម្ម LD បានបញ្ជាក់ថា ភាពយន្តនេះ ដកស្រង់ចេញពីទំនៀមទម្លាប់ប្រពៃណីពិតបងប្អូនជនជាតិភាគតិចកាចក់ ដែលរស់នៅលើទឹកដីខេត្តរតនគិរី និងផលិតឡើងដើម្បីគាំទ្រដល់សហគមន៍បងប្អូនជនជាតិដើមភាគតិច ដែលរស់លើទឹកដីកម្ពុជា។ ខណៈសាច់រឿងមួយនេះ គឺថតនៅទីតាំងពិតទាំងស្រុង និងមានការចូលរួមសម្តែងពីអ្នកភូមិកាចក់ផ្ទាល់តែម្តង។

ភាពយន្តនេះ មិនត្រឹមតែឆ្លុះបញ្ចាំងពីទិដ្ឋភាពរស់នៅប្រចាំថ្ងៃរបស់អ្នកភូមិកាចក់ប៉ុណ្ណោះទេ ថែមទាំងជួយផ្សព្វផ្សាយវប្បធម៌ប្រពៃណីជនជាតិដើមភាគតិចកាចក់ ក៏ដូចជាបង្ហាញនូវគុណតម្លៃនៃសាមគ្គីភាព ព្រមនិងលើកស្ទួយវស័យទេសចរណ៍ផងដែរ។

The post LD ប្រាប់ចំណុចដែលអ្នកទស្សនាគួរដឹងពីភាពយន្តថ្មីរបស់ខ្លួន រឿង« អ្នកបោះតង់ចំណូលថ្មី » appeared first on Kampuchea Thmey Daily.

តាមរយៈសារខ្លី លោក លៀក លីដា ផលិតករមួយរូបដែលជោគជ័យក្នុងការដឹកនាំរឿងជាច្រើន បានរៀបរាប់ថា “ឆាប់ៗនេះ ៧ថ្ងៃ នៃអាពាហ៍ពិពាហ៍ម៉ានីកាំង​ ក្រោយព្រឹត្តិការណ៍ភ្លេីងឆេះក្លិបក្រោមដី“។

ត្រឹមតែប៉ុន្មានឃ្លានេះ សាធារណជនបានទាយថា អាចជាភាពយន្តថ្មីដែលដកស្រង់ពីហេតុការណ៍ពិតមួយ កាលអំឡុងពេលនៃវិបត្តិជំងឺកូវីដ១៩ ពោលគឺមានទំនាក់ទំនងនឹងហេតុការណ៍ភ្លើងឆេះក្លិបកម្សាន្តក្រោមដីមួយកន្លែង នៅខេត្តមួយរបស់កម្ពុជា បើទោះបីជាផលិតកររូបនេះ ពុំបានបញ្ជាក់លម្អិតលើសារនេះក៏ដោយ។

គួរកត់សម្គាល់ថា ឈានចូលឆ្នាំ២០២៥ នេះ ផលិតកម្ម LD ហាក់បញ្ចេញស្នាដៃរឿងបន្តបន្ទាប់ និងកំពុងទទួលបានការចាប់អារម្មណ៍ផងដែរ។ ពិសេសរឿង «លោតា ២១» ដែលសម្តែងដោយតារាភាពយន្តប្រចាំប្រទេស លោក ទេព រិនដារ៉ូ ជាតួអង្គធំក្នុងសាច់រឿង រួមជាមួយនឹងយាយ យ៉យ ខណៈរឿងនេះ ទើបតែចាក់បញ្ចាំងបានជាង ១សប្តាហ៍ ហើយទទួលបានប្រជាប្រិយខ្លាំង។

យ៉ាងណា ក្រោយបញ្ចេញស្នាដៃរឿងកំប្លុកកំប្លែងមួយរឿងនេះមិនបានប៉ុន្មាន ស្រាប់តែផលិតកររូបនេះ បង្ហើបតម្រុយរឿងថ្មី ដែលផលិតកម្មខ្លួនទំនងជាកំពុងផលិតផងដែរ៕

The post ផ្ទុះការគាំទ្ររឿង “លោកតា ២១” មិនបានប៉ុន្មាន! ម្ចាស់ផលិតកម្ម LD ឱ្យតម្រុយរឿងថ្មីមួយទៀត appeared first on Kampuchea Thmey Daily.

បន្ទាប់ពីបញ្ចប់ កម្មវិធីសម្ពោធភាពយន្តថ្មី រឿង “ជួបស៊យ វគ្គ៣” ដែលនឹងចាក់បញ្ចាំងតាមរោងភាពយន្តចាប់ពីថ្ងៃទី៣ ខែវិច្ឆិកា នេះទៅ លោក លៀក លីណា អ្នកចាត់ការទូទៅ ផលិតកម្ម អិលឌី បានផ្ដល់កិច្ចសម្ភាសផ្ដាច់មុខឱ្យ “កម្ពុជាថ្មី” ដឹងថា បានជា ផលិតកម្ម អិលឌី នៅឈរជើងបាន ហើយផលិត និងមានភាពយន្តបញ្ចាំងរោងជាបន្តបន្ទាប់ បើទោះបីជួបវិបត្តិកូវីដ-១៩ រោងកុនបានបិទរយៈពេល ២ឆ្នាំកន្លងមកនោះ ដោយសារ ផលិតកម្ម នៅមានដើមទុន សល់ពីការចំណេញពីការផលិតភាពយន្តកន្លង។

លោក លៀក លីណា បញ្ជាក់ថាបន្តថា៖ “ចំណែកការផលិតភាពយន្តបញ្ចាំងលើទីផ្សាររោងភាពយន្ត គឺផលិតកម្ម បានពង្រឹងគុណភាព ទាំងអត្ថបទនិពន្ធ បច្ចេកទេសថត ដំឡើងគុណភាពកាមេរ៉ាថតជាដើម។ ផលិតកម្ម ពង្រឹងលើគុណភាពឧបករណ៍សម្ភារៈថត ហើយអ្វីដែលសំខាន់នោះ គឺអត្ថបទនិពន្ធ ដែលយើងធ្វើឱ្យសាច់រឿងល្អមើលបាន ហើយទស្សនិកជនគាំទ្រកាន់ច្រើន និងផ្សព្វផ្សាយប្រាប់គ្នាបន្ត”។

អ្នកចាត់ការទូទៅ ផលិតកម្ម អិលឌី រូបនេះ បានឱ្យដឹងបន្ថែមថា កត្តាដែលនាំឱ្យផលិតកម្ម អិលឌី ជោគជ័យបន្ត ដោយសារផលិតកម្ម បានសិក្សាសំខាន់បំផុតទៅលើទីផ្សារអ្នកទស្សនាភាពយន្តនៅកម្ពុជា។

លោក លៀក លីណា បានឱ្យដឹងបន្ថែមថា៖ “យើងសិក្សាថា តើទីផ្សារភាពយន្តខ្មែរ អ្វីដែលមហាជនអាចទទួលយកបាន និងអ្វីដែលពួកគាត់ទទួលយកមិនបាន នេះជាអ្វីដែលសំខាន់បំផុត។ ពេលខ្លះ បើយើងផលិតភាពយន្តបានល្អហើយ ប៉ុន្តែអត់មានអ្នកទៅមើល គេពិបាកទទួលយក ហ្នឹងក៏ពិបាកដែរ។ អ៊ីចឹង យើងត្រូវការពង្រឹងទាំងអត្ថបទភាពយន្ត សិក្សាទីផ្សារ គួបផ្សំសម្ភារៈផលិតដែលយើងមាន ហ្នឹងហើយដែលសំខាន់ អាចឱ្យផលិតកម្ម អិលឌី ឈរជើងដល់សព្វថ្ងៃ”។

លោក លៀក លីណា បានឱ្យដឹងថា ទោះយ៉ាងណា ភាពយន្តរបស់ អិលឌី ទាំងអស់ មិនសុទ្ធតែទទួលបានជោគជ័យទេ អាចនិយាយថា ក្នុងចំណោម ៥​ ឬ ១០ រឿង មាន ១ រឿង ដែល ផលិតកម្ម ផលិតទៅខាត។ ទន្ទឹមពេល ផលិតកម្ម អិលឌី កំពុងដំណើរការល្អក្ដី ប៉ុន្តែ អ្នកចាត់ការទូទៅ ផលិតកម្ម រូបនេះ បានអះអាងថា ផលិតកម្ម នៅតែត្រូវការពង្រឹង វិវត្តខ្លួនបន្ថែមទៀត ព្រមទាំងសហការជាមួយដៃគូក្នុងស្រុក និងក្រៅស្រុក ដើម្បីបន្តទទួលការគាំទ្រពីទីផ្សារនៅកម្ពុជា និងឈាននាំទៅទីផ្សារក្រៅប្រទេសនៅក្នុងតំបន់។

គួរបញ្ជាក់ថា បន្ទាប់ពី ស្ថានភាពការឆ្លងរាលដាលនៃជំងឺកូវីដ-១៩ បានធូរស្រាល ឈានដល់ការបើក​សង្គម ក៏ដូចជារោងភាពយន្តឡើងវិញ ផលិតកម្ម អ៊ិលឌី បានបញ្ចេញភាពយន្តបញ្ចាំងតាមបណ្ដារោងភាពយន្ត ដូចជារឿង លោកប្ដី វគ្គ២, សួស្ដីអ្នកជិតខាង, លោកប៉ាមហាកូរ, ស្នេហា Private, បង្គោលគ្រាក់ វគ្គ២ ជាដើម ដែលនៅតែទទួលការគាំទ្រភាគច្រើនពីអ្នកនិយមទស្សនាភាពយន្តនៅរោងកុន។ ផលិតកម្ម ក៏មានគម្រោងផលិតភាពយន្តចំនួន ១០ រឿងជាបន្តជាឆ្នាំ២០២៣ ខាងមុខ៕

អត្ថបទ៖ ច័ន្ទ វីរៈ

The post ទន្លាយអាថ៌កំបាំង ផលិតកម្ម LD នៅតែដំណើរការល្អ ខណៈផលិតកម្មដទៃមិនសូវមានភាពយន្តបញ្ចាំងរោង appeared first on Kampuchea Thmey Daily.