វៀតណាម៖ តម្លៃផ្លែបឺរឡើងខ្ពស់បំផុតក្នុងរយៈពេល ៥ ឆ្នាំ

Huon Dina — Wed, 30 Apr 2025 07:19:04 +0000

តម្លៃផ្លែបឺរចេញពីចម្ការនៅវៀតណាម បានកើនឡើងទ្វេដងនាពេលនេះធៀបនឹងឆ្នាំមុន ដល់ ៤០ ០០០ ដុង (១,៥៤ ដុល្លារ)/គីឡូក្រាម ដែលជាតម្លៃខ្ពស់បំផុតក្នុងរយៈពេល ៥ ឆ្នាំ ចំពេលមានកង្វះខាតនៃការផ្គត់ផ្គង់។ នេះបើតាមការចុះផ្សាយរបស់កាសែត VnExpress កាលពីថ្ងៃអង្គារ។

អាជីវករលក់រាយនៅក្នុងទីក្រុងហូជីមិញ បានដំឡើងតម្លៃផ្លែបឺរ ដោយធ្វើឱ្យវាថ្លៃជាងផ្លែឈើផ្សេងៗដូចជា ស្វាយ ក្រូច និងក្រូចថ្លុងជាដើម។

ចំណែកឯម្ចាស់ហាងលក់ផ្លែឈើម្នាក់ទៀតនៅទីក្រុងហូជីមិញ លោក Hoang Anh បាននិយាយថា៖ «ការផ្គត់ផ្គង់(ផ្លែបឺរ)បានធ្លាក់ចុះ ៥០ ភាគរយ ធៀបនឹងឆ្នាំមុន ដោយសារទិន្នផលទាប»។

ពាណិជ្ជករផ្លែបឺរវៀតណាម លោក Dang Minh Tien បាននិយាយថា អាកាសធាតុមិនអំណោយផល បានបណ្តាលឱ្យមានការខ្វះខាតការផ្គត់ផ្គង់។ លោកបានបន្ថែមថា កសិករជាច្រើនក៏បានកាប់ដើមបឺររបស់ខ្លួន ដើម្បីដាំផ្លែឈើផ្សេងទៀត បន្ទាប់ពីរកប្រាក់ចំណេញបានតិចតួច ឬខាតបង់អស់រយៈពេលជាច្រើនឆ្នាំមក។

បើតាមការបញ្ជាក់របស់អាជ្ញាធរកសិកម្មខេត្ត Lam Dong តំបន់ដាំបឺរបានធ្លាក់ចុះ ខណៈកសិករប្តូរទៅដាំទុរេន និងកាហ្វេ។ ខេត្តនេះមានផ្ទៃដីដាំបឺរប្រហែល ៨ ០០០ ហិចតា និងប្រមូលផលបាន ៨០ ០០០ តោន/ឆ្នាំ៕

The post វៀតណាម៖ តម្លៃផ្លែបឺរឡើងខ្ពស់បំផុតក្នុងរយៈពេល ៥ ឆ្នាំ appeared first on Kampuchea Thmey Daily.

អ្នកមិនសូវចូលចិត្តក្លិនបឺរ បើដឹងពីប្រយោជន៍ ផ្លែឈើពណ៌បៃតងចាស់នេះចំពោះរាងកាយ នឹងលែងខកខាន

សាង ស្រីល័ក្ខ — Thu, 22 Jul 2021 01:54:58 +0000

ផ្លែបឺរឬ Avocado ត្រូវបានគេស្គាល់ថា ជាផ្លែឈើមួយប្រភេទ ដែលមានគុណប្រយោជន៍ខ្លាំងដល់រាងកាយ។ កាលពីមុនអាចថាពិបាករកនិងថ្លៃ ចូលមកដល់សព្វថ្ងៃនេះ បឺរកាន់តែងាយស្រួលរក និងធូរថ្លៃជាងមុន។ ចំណែករសជាតិវិញ សម្រាប់អ្នកមិនចូលចិត្តគឺពិបាកហូបបន្តិច តែបើព្យាយាមនិងស្វែងយល់ អ្នកនឹងបានដឹងពីគុណប្រយោជន៏ដ៏មហាសាលរបស់ផ្លែឈើពណ៌បៃតងចាស់នេះ នោះនឹងលែងខកខានទទួលទានបឺរមិនខាន។

Lisa Drayer ជាអ្នកជំនាញអាហាររូបត្ថម្ភនៅទូរទស្សន៍ CNN បានកំណត់អត្តសញ្ញាណដ៏អស្ចារ្យមួយចំនួននៃផ្លែបឺរ ដែលអ្នករាល់គ្នាមិនធ្លាប់ដឹង៖

១ ប៉ូតាស្យូមខ្ពស់

យោងតាមក្រសួងកសិកម្មអាមេរិក ផ្លែបឺរ ១០០ ក្រាម មានផ្ទុកប៉ូតាស្យូម ៤៨៥ មីលីក្រាម បើប្រៀបធៀបនឹងបរិមាណចេកដូចគ្នា។ ប៉ូតាស្យូមត្រឹមតែ ៣៥៨ មីលីក្រាមរំញោចប្រព័ន្ធសរសៃប្រសាទ និងជួយដឹកជញ្ជូនសារធាតុចិញ្ចឹមនៅក្នុងខ្លួនឲ្យមានប្រយោជន៍។ វាក៏ជួយកាត់បន្ថយសំពាធឈាមផងដែរ។ ប៉ូតាស្យូមក៏ជួយឲ្យរាងកាយដកជាតិសូដ្យូមលើស ដែលមានក្នុងខ្លួនតាមរយៈទឹកនោម។

២ សំបូរទៅដោយខ្លាញ់ monounsaturated ដែលល្អសម្រាប់រាងកាយ

ខ្លាញ់ Monounsaturated ជួយកាត់បន្ថយបរិមាណខ្លាញ់មិនល្អនៅក្នុងខ្លួន។ វាក៏ជួយបង្កើតជាតិខ្លាញ់ដែលជាប់នឹងជញ្ជាំងសរសៃឈាម និងកាត់បន្ថយហានិភ័យនៃការស្ទះសរសៃឈាម។

៣ មាតិកាជាតិសរសៃខ្ពស់

ផ្លែបឺរ ១០០ ក្រាមមានជាតិសរសៃប្រហែល ៧ ក្រាម។ ផ្លែបឺរគឺជាជម្រើសដ៏ល្អសម្រាប់មនុស្សជាច្រើន។ ជាពិសេសមនុស្សដែលកំពុងឡើងទម្ងន់ លើសពីនេះជាតិសរសៃជួយធ្វើឲ្យប្រព័ន្ធ excretory កាន់តែមានប្រសិទ្ធភាព ឬកាត់បន្ថយហានិភ័យនៃការទល់លាមក។

៤ ផ្ទុកនៅសារធាតុ folate ខ្ពស់

ផ្លែឈើដែលមានជាតិខ្លាញ់ ច្រើនតែសំបូរទៅដោយជាតិ folate ដែលមានជាតិ folate ប្រហែល ៨១ មីក្រូក្រាម មានសារសំខាន់សម្រាប់ការលូតលាស់ខួរក្បាល និងចិញ្ចឹមស្បូន។ អ្នកម្ដាយមានផ្ទៃពោះគួរទទួលទានប្រូតេអ៊ីនប្រមាណ ៤០០ មីក្រូក្រាមក្នុងមួយថ្ងៃ ដើម្បីឲ្យកូនមានសុខភាពល្អ ជាពិសេសមានការលូតលាស់ខួរក្បាលល្អ និងជួយធ្វើឲ្យឆ្អឹងខ្នងមានសុខភាពល្អ៕

ប្រែសម្រួល៖ សាង ស្រីល័ក្ខ

ចុចអាន៖ផ្លែឈើនិងបន្លែពណ៌ក្រហមស្រស់ ហូបជាទៀងទាត់ ដូចនៅឆ្ងាយពីគ្រូពេទ្យ

ចុចអាន៖ផ្លែត្របែកផ្ទុកទៅដោយសារជាតិចិញ្ចឹមជាច្រើន រួមទាំងជំនួយដល់ស្បែកពីខាងក្នុង

The post អ្នកមិនសូវចូលចិត្តក្លិនបឺរ បើដឹងពីប្រយោជន៍ ផ្លែឈើពណ៌បៃតងចាស់នេះចំពោះរាងកាយ នឹងលែងខកខាន appeared first on Kampuchea Thmey Daily.

ផ្លែបឺរ Archives - Kampuchea Thmey Daily

វៀតណាម៖ តម្លៃផ្លែបឺរឡើងខ្ពស់បំផុតក្នុងរយៈពេល ៥​ ឆ្នាំ

អ្នកមិនសូវចូលចិត្តក្លិនបឺរ បើដឹងពីប្រយោជន៍ ផ្លែឈើពណ៌បៃតងចាស់នេះចំពោះរាងកាយ នឹងលែងខកខាន

វៀតណាម៖ តម្លៃផ្លែបឺរឡើងខ្ពស់បំផុតក្នុងរយៈពេល ៥ ឆ្នាំ