ផ្សារធំថ្មី Archives - Kampuchea Thmey Daily

គណៈគ្រប់គ្រងចំណតបេនឡានផ្សារធំថ្មី តែងតែយកចិត្តទុកដាក់អប់រំណែនាំក្រុមអ្នករត់តាក់ស៊ី ឲ្យចតមានសណ្ដាប់ធ្នាប់

អ៊ិន ពិសី — Wed, 10 Jul 2024 05:06:50 +0000

គណៈគ្រប់គ្រងចំណតបេនឡានផ្សារធំថ្មី តែងតែយកចិត្តទុកដាក់ចុះអប់រំណែនាំដល់អ្នករត់តាក់ស៊ីទម្លាក់អីវ៉ាន់គ្មានសណ្ដាប់ធ្នាប់ នៅចំណុចផ្លូវ ២១៧ ក្បែរនឹងចំណតរថយន្តក្រុងផ្សារសូរិយា ដែលបង្កឲ្យមានការកកស្ទះចរាចរណ៍ពិបាកដល់ប្រជាពលរដ្ឋធ្វើដំណើរ។

បើតាមប្រជាពលរដ្ឋធ្វើដំណើរឆ្លងកាត់ លើកឡើងថា ហេតុអ្វីបានជាក្រុមអ្នករត់តាក់ស៊ីមកចតរថយន្តគ្មានសណ្ដាប់ធ្នាប់ដូច្នេះទៅវិញ ដោយដេញចាប់ម៉ូយយ៉ាងអនាធិបតេយ្យពេញផ្លូវ មិនខ្វល់ពីគ្រោះថ្នាក់ដល់អ្នកធ្វើដំណើរតាមផ្លូវ។

ពាក់ព័ន្ធបញ្ហាចំណតខាងលើនេះដែរ ប្រធានគ្រប់គ្រងចំណតបេនឡានផ្សារធំថ្មី ប្រាប់ឲ្យ កម្ពុជាថ្មី ដឹងថា ចំពោះបញ្ហានេះ គណៈគ្រប់គ្រងបានយកចិត្តទុកដាក់ឲ្យកម្លាំងចុះទៅអប់រំណែនាំជាប្រចាំ និងដាក់កម្លាំងប្រចាំការក្នុងការជួយបញ្ចៀសដល់អ្នករត់តាក់ស៊ីដែលឈប់រថយន្តទម្លាក់អីវ៉ាន់រយៈពេលយូរ គឺខាងកម្លាំងរបស់គណៈគ្រប់គ្រងមិនអនុញ្ញាតនោះទេ ដោយសារកុំឲ្យកកស្ទះចរាចរណ៍ដល់ប្រជាពលរដ្ឋពេលធ្វើដំណើរឆ្លងកាត់។

ប្រធានគ្រប់គ្រងចំណតបេនឡានផ្សារធំថ្មី បញ្ជាក់ថា សម្រាប់រថយន្តទម្លាក់ទំនិញមកពីតាមបណ្ដាខេត្តរយៈពេលខ្លី ខាងកម្លាំងលោក តែងតែបញ្ចៀសទៅកន្លែងដែលមិនមានការកកស្ទះដល់អ្នកធ្វើដំណើរតាមផ្លូវឲ្យចត ដើម្បីទម្លាក់អីវ៉ាន់។

ជាមួយនេះ ប្រធានគ្រប់គ្រងបេនឡានផ្សារធំថ្មី ក៏បានសំណូមពរប្រជាពលរដ្ឋ សូមមេត្តាយោគយល់ចំពោះអ្នករត់តាក់ស៊ីរកស៊ីចិញ្ចឹមក្រពះ ព្រោះថា ដោយមានការយោគយល់ដល់អ្នករត់តាក់ស៊ី ទើបលោកតែងតែចុះណែនាំជាប្រចាំថ្ងៃតែម្ដង ដើម្បីកុំឲ្យមានភាពអសណ្ដាប់ធ្នាប់ ប៉ះពាល់ការធ្វើដំណើររបស់ប្រជាពលរដ្ឋឆ្លងកាត់ រួមនឹងអ្នកប្រកបអាជីវកម្មនៅក្បែរនោះផងដែរ៕

អត្ថបទ ៖ រដ្ឋា , ម៉េង

The post គណៈគ្រប់គ្រងចំណតបេនឡានផ្សារធំថ្មី តែងតែយកចិត្តទុកដាក់អប់រំណែនាំក្រុមអ្នករត់តាក់ស៊ី ឲ្យចតមានសណ្ដាប់ធ្នាប់ appeared first on Kampuchea Thmey Daily.

គណៈកម្មការផ្សារធំថ្មី ចែកបណ្ណសមធម៌ ដល់អាជីវករលក់តាមកញ្ច្រែងល្អី ជាង ១៥០ នាក់

KC Virak — Sat, 27 May 2023 10:30:00 +0000

លោក ឃួង ស្រេង អភិបាល នៃគណៈអភិបាលរាជធានីភ្នំពេញ តែងបានណែនាំ គណៈកម្មការផ្សាររដ្ឋទាំង២៥ នៅរាជធានីភ្នំពេញ ពិនិត្យ និងអនុវត្តការងារអោយបានល្អប្រសើរជុំវិញ ការមិនយកលុយពីបងប្អូនអាជីវករលក់តាមកញ្ច្រែងល្អី និងការផ្តល់បណ្ណមូលនិធិសមធម៌សុខាភិបាលជូនពួកគាត់ ទៅតាមអនុសាសន៍របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ជាក់ស្តែងមកដល់ពេលនេះ គណៈកម្មការផ្សាររដ្ឋទាំង២៥ នៅរាជធានីភ្នំពេញ អនុវត្តការងារខាងលើបានល្អ ទាំងការមិនយកលុយពីបងប្អូនអាជីវករលក់តាមកញ្ច្រែងល្អី និងការផ្តល់បណ្ណមូលនិធិសមធម៌សុខាភិបាល។

លោក ស្រី ប៉ុន ដានី អភិបាលរដ្ឋាករស្វយ័តផ្សារធំថ្មី មានប្រសាសន៍ឱ្យដឹងនៅរសៀល ថ្ងៃទី២៧ ខែឧសភានេះថា អនុវត្តតាមការណែនាំរបស់អភិបាល នៃគណៈអភិបាលរាជធានីភ្នំពេញ គណៈកម្មការផ្សារធំថ្មី បានស្នេីសុំបណ្ណសមធម៌សុខាភិបាល ដើម្បីចែកជូនបងប្អូនអាជីវករលក់តាមកញ្ច្រែងល្អី សរុប ២២៦ នាក់ ដោយក្នុងនោះលេីកទីមួយ ស្នើសុំចំនួន ៩៩ នាក់ លេីកទីពីរចំនួន ៦០ នាក់ និងលេីកទីបីចំនួន ៦៧ នាក់ ដោយបានទទួល និងប្រគល់ជូនពួកគាត់ចំនួន ១៥៧ នាក់។

រដ្ឋបាលរាជធានីភ្នំពេញ បានធ្វើពិធីប្រគល់បណ្ណមូលនិធិសមធម៌សុខាភិបាលជូនគណៈកម្មការផ្សាររដ្ឋទាំង២៥ នៅរាជធានីភ្នំពេញ កាលពីថ្ងៃទី២៤ ឧសភាកន្លងមកនេះ ដើម្បីឱ្យគណៈកម្មការផ្សាររដ្ឋទាំង២៥ បន្តចែកជូនអាជីវករលក់តាមកញ្ច្រែងល្អី ឱ្យបានគ្រប់ចំនួន។

គួរបញ្ជាក់ថា បណ្ណមូលនិធិសមធម៌សុខាភិបាល ចែកជូនក្រុមអាជីវករមានជីវភាពខ្វះខាត ក្នុងគោលដៅសម្រាប់ការប្រើប្រាស់លើការទៅពិនិត្យព្យាបាលជំងឺ និងថែទាំសុខភាព នៅ តាមមន្ទីរពេទ្យបង្អែក ឬមន្ទីរពេទ្យរដ្ឋទាំងអស់ ដោយពុំគិតប្រាក់។ ក្រុមអាជីវករ បានបង្ហាញអារម្មណ៍ និងទឹកចិត្តយល់ឃើញថា នេះគឺជាការគិតគូរយកចិត្តទុកដាក់ក្នុងការផ្តល់ ជូនពួកគាត់ទាំងអស់គ្នានូវបណ្ណមូលនិធិសមធម៌សុខាភិបាល ដោយបានចូលរួមសម្រួលកាត់បន្ថយការចំណាយប្រាក់កាសក្នុងការពិនិត្យ ថែទាំ និងព្យាបាលជំងឺ៕

អត្ថបទ៖ ស្រីរ័ត្ន

The post គណៈកម្មការផ្សារធំថ្មី ចែកបណ្ណសមធម៌ ដល់អាជីវករលក់តាមកញ្ច្រែងល្អី ជាង ១៥០ នាក់ appeared first on Kampuchea Thmey Daily.

រដ្ឋាករស្វយ័តផ្សារធំថ្មី សហការជាមួយក្រុមសង្គ្រោះ៧១១ បាញ់ថ្នាំសម្លាប់មេរោគក្នុងផ្សារ ដើម្បីទប់ស្កាត់ជំងឺកូវីដ

Sokhom Khon — Sun, 03 Oct 2021 01:19:13 +0000

អនុវត្តតាមការណែនាំរបស់លោក ឃួង ស្រេង អភិបាលនៃគណេៈអភិបាលរាជធានីភ្នំពេញ និងដោយមានការយកចិត្តទុកដាក់ពីសំណាក់លោកស្រី ប៉ុន ដានី អភិបាលរដ្ឋាករស្វយ័តផ្សារធំថ្មី កាលពីល្ងាចថ្ងៃទី០២ ខែតុលា ឆ្នាំ២០២១នេះ រដ្ឋាករស្វយ័តផ្សារធំថ្មីសហការជាមួយក្រុមសង្គ្រោះបន្ទាន់៧១១ បានធ្វើសកម្មភាពបាញ់ថ្នាំងសម្លាប់មេរោគ ដើម្បីទប់ស្កាត់ការរីករាលដាលជំងឺកូវីដ-១៩ ខណៈដែលជំងឺនេះបាននឹងកំពុងរីករាលដាលនូវឡើយ។

លោកស្រី ប៉ុន ដានី បានបញ្ជាក់អោយដឹងថា នាថ្ងៃសៅរ៍ ១១រោច ខែ ភទ្របទឆ្នាំ ឆ្លូវ ត្រី ស័ក ព.ស ២៥៦៥ ត្រូវនឹងថ្ងៃទី០២ ខែតុលា ឆ្នាំ២០២១ វេលាម៉ោង១៦និង០០នាទីល្ងាច រដ្ឋាករស្វយ័តផ្សារធំថ្មីបានសហការជាមួយក្រុមសង្គ្រោះបន្ទាន់៧១១ ចំនួន៨នាក់ មានម៉ាស៊ីនបាញ់ថ្នាំចំនួន៤គ្រឿង បានចុះបាញ់ថ្នាំសម្លាប់មេរោគនៅផ្សារធំថ្មី ហើយសកម្មភាពនេះ បានបញ្ចប់នៅវេលាម៉ោង៥និង០០នាទី ។

ការបាញ់ថ្នាំសម្លាប់មេរោគនេះ ជាការយកចិត្តទុកដាក់មួយរបស់រដ្ឋាករស្វយ័តផ្សារធំថ្មី ក្រៅពីវិធានជាច្រើនទៀតដែលបាននឹងកំពុងអនុវត្តដើម្បីទប់ស្កាត់ការរីករាលដាលជំងឺកូវីដ-១៩ ៕

អត្ថបទ៖ ស្រីរ័ត្ន

The post រដ្ឋាករស្វយ័តផ្សារធំថ្មី សហការជាមួយក្រុមសង្គ្រោះ៧១១ បាញ់ថ្នាំសម្លាប់មេរោគក្នុងផ្សារ ដើម្បីទប់ស្កាត់ជំងឺកូវីដ appeared first on Kampuchea Thmey Daily.

ចុះយកសំណាក អាជីវករផ្សារធំថ្មីលើកទី៤ ចំនួន៤១៤នាក់ អវិជ្ជមានទាំងអស់

Sorn Phanith — Tue, 14 Sep 2021 09:59:04 +0000

នេះជាលើកទី៤ហើយ ដែលក្រុមគ្រូពេទ្យបានចុះមកយកសំណាកលើអាជីវករផ្សារធំថ្មី បន្ទាប់ពីសង្ស័យការរីករាលដាលនៃជំងឺកូវីដ១៩ ឬជំងឺបំប្លែងថ្មីDalta។

ជាក់ស្តែងនៅថ្ងៃទី១៤ ខែកញ្ញា ឆ្នាំ២០២១នេះ ក្រុមគ្រូពេទ្យ បានចុះមកសហការជាមួយអាជ្ញាធរមូលដ្ឋាន ដែលដឹកនាំផ្ទាល់ដោយលោក សុខ ពេញវុធ អភិបាលនៃគណៈអភិបាលខណ្ឌរួមជាមួយលោកស្រី ប៉ុន ដានី អភិបាលរដ្ឋាករស្វយ័តផ្សារធំថ្មី បានរៀបចំនៅទីតាំងដដែល(ខាងលិចផ្សារ)ដោយចងខ្សែបិទផ្លូវ សម្រួលដល់ក្រុមគ្រូពេទ្យ ក្នុងការចុះយកសំណាកលើអាជីវករ ដែលមានហានិភ័យបន្ថែមទៀត ដើម្បីរុករកការឆ្លងការរីករាលដាលនៃជំងឺកូវីដ១៩ ឬជំងឺបំប្លែងថ្មី(Delta)។

គួររំលឹកថា ការយកសំណាកលើកទី១នៅ ល្ងាចថ្ងៃទី២៦ ខែសីហា ឆ្នាំ២០២១ ចំនួន៣៥៦នាក់ ឃើញវិជ្ជមានម្នាក់ លើកទី២ ចុះយកសំណាក់នៅព្រឹកថ្ងៃទី០៣ ខែកញ្ញា ឆ្នាំ២០២១នេះ

ចំនួន៤៤១នាក់ ក្នុងនោះប្រុស ចំនួន១៣៧នាក់ និងស្រី៣០៤(លទ្ធផលគឺអវិជ្ជមានទាំងអស់គ្នា)លើកទី៣ នៅថ្ងៃទី១១ ខែកញ្ញា ឆ្នាំ២០២១ លើអាជីវករចំនួន៣៦៣នាក់ ជាលទ្ធផលអវិជ្ជមានទាំងអស់និ ងលើកទី៤នៅរសៀលថ្ងៃទី១៤ ខែកញ្ញានេះ មានចំនួន៤១៤នាក់ស្រី២៨២នាក់(អវិជ្ជមានទាំងអស់)។

អាជ្ញាធរបញ្ជាក់ថា ក្នុងការពិនិត្យសំណាកនេះដែរ បានរកឃើញ(វិជ្ជមានម្នាក់ភេទប្រុសមិនមែនជាជាអាជីវករផ្សារធំថ្មីទេ គាត់មកពីសង្កាត់ផ្សារថ្មី៣ ពេលដែលដឹងថា ខ្លួនគាត់មិនស្រួលក៏ចូលមកតេស្តសំណាកក៏ចេញលទ្ធផលវិជ្ជមានតែម្តង)៕

អត្ថបទ៖ រស្មី

The post ចុះយកសំណាក អាជីវករផ្សារធំថ្មីលើកទី៤ ចំនួន៤១៤នាក់ អវិជ្ជមានទាំងអស់ appeared first on Kampuchea Thmey Daily.

ក្រុមគ្រូពេទ្យកំពុងចុះយកសំណាកអាជីវករផ្សារធំថ្មី បន្ទាប់ពីអ្នកជំងឺកូវីដបម្លែងថ្មី៥នាក់ ធ្លាប់ចេញចូល

Sokhom Khon — Thu, 26 Aug 2021 10:17:09 +0000

អាជ្ញាធរខណ្ឌដូនពេញដែលដឹកនាំដោយលោកសុខពេញវុធអភិបាលនៃគណៈអភិបាលខណ្ឌដូនពេញកាលពីល្ងាចថ្ងៃទី 26 ខែសីហាឆ្នាំ 2021 នេះបានដឹកនាំកម្លាំងចុះបិទផ្លូវលេខ 67 ជាប់និងបរិវេណខាងលិចផ្សារធំថ្មីសហការជាមួយក្រុមគ្រូពេទ្យដើម្បីចុះយកសំណាកលើអាជីវករបន្ទាប់ពីមានអ្នកជំងឺបម្លែងថ្មីបានចូលនៅក្នុងបរិវេណកន្លែងលក់បន្លៃត្រីសាច់។

លោកសុខពេញវុធអភិបាលខណ្ឌដូនពេញបានមានប្រសាសន៍ឲ្យដឹងថាល្ងាចលោកបានសហការជាមួយក្រសួងសុខាភិបាល(គ្រូពេទ្យ)បានចុះមកសំណាកលើអាជីវករមួុយផ្នែកខាងលិចរួមជាមួយសន្តិសុខផ្សារបន្ទាប់ពីមានអ្នកជំងឺបម្លែងថ្មីចំនួន៥នាក់បានចូលបរិវេណផ្សារបន្លែត្រីសាច់និងកន្លែងលក់គ្រឿងសមុទ្រ។

ជាមួយគ្នានោះដែរលោកស្រី ប៉ុន ដានីប្រធានរដ្ឋាករស្វាយ័ត្នផ្សារធំថ្មីបានមានប្រសាសន៍ឲ្យដឹងថាចំនួនអាជីវករដែលលក់ដូរគ្រឿងហូបចុកមានម្ហូបអាហារបន្លែត្រីសាច់(គ្រឿងសមុទ្រ)មានចំនួនជាង៣០០នាក់គឺតម្រូវឲ្យពួកគាត់យកសំណាកទាំងអស់គ្នាតែបើបងប្អូនណាមិនទាន់បានយកសំណាកនៅល្ងាចនេះនិងតម្រូវឲ្យគាត់ទៅយកសំណាកដោយខ្លួនឯងនៅសាលាបាក់ទូកនៅថ្ងៃស្អែកទៀត។

ស្រីប៉ុនដានីប្រធានរដ្ឋាករស្វយ័តផ្សារធំថ្មីបានបញ្ជាក់ទៀតថាមូលហេតុដែលក្រុមគ្រូពេទ្យចុះយកសំណាក់នៅល្ងាចដោយសារតែមានអ្នកជំងឺបំលែងថ្មីចំនួន៥នាក់ដែលមានផ្ទះនៅជិតផ្សារថ្មីបានចូលមករកទិញបន្លែត្រីសាច់នៅបរិវេណនេះ។

សុខពេញវុធអភិបាលខណ្ឌដូនពេញបានបញ្ជាក់ទៀតថាការចុះយកសំណាក់នៅប៉ែកខាងលិចនៃបរិវេណផ្សារធំថ្មីនេះគឺមិនប៉ះពាល់បិទផ្សារទាំងមូលនោះទេគឺគ្រាន់តែបិទមួយផ្នែកដើម្បីសហការជាមួយក្រសួងសុខាភិបាលចុះយកសំណាក់ដើម្បីគ្រូពេទ្យតេះរហ័សជំងឺឆ្លងដ៏កាចសហាវនេះដើម្បីគ្រប់គ្រងនឹងបង្កាឲ្យទាន់ពេលកុំឲ្យរីករាលដាលកាន់តែច្រើនៗឡើងថែមទៀត៕

អត្ថបទ ៖ រស្មី

The post ក្រុមគ្រូពេទ្យកំពុងចុះយកសំណាកអាជីវករផ្សារធំថ្មី បន្ទាប់ពីអ្នកជំងឺកូវីដបម្លែងថ្មី៥នាក់ ធ្លាប់ចេញចូល appeared first on Kampuchea Thmey Daily.

អ្នកលក់ខោអាវក្នុងផ្សារធំថ្មី វិជ្ជមានកូវីដ អាជ្ញាធរសម្រេចបិទតូប ២ ជាប់គ្នា

Sokhom Khon — Wed, 07 Jul 2021 07:56:41 +0000

តូបលក់ខោរអាវចំនួន២ជាប់គ្នានៅក្នុងផ្សារធំថ្មីត្រូវបិទទ្វារបណ្តោះអាសន្នបន្ទាប់រកឃើញថា អ្នកលក់ខោអាវនៅតូបនោះមានវិជ្ជមានកូវីដ១៩។

អនុគណៈកម្មការស្រាវជ្រាវជំងឺកូវីដ១៩កាលពីថ្ងៃ០៦ ខែកក្កដា ឆ្នាំ២០២១ បានអំពាវនាវដល់ប្រជាពលរដ្ឋដែលបានទៅ ឬមានទំនាក់ទំនងជាមួយអ្នកលក់ខោអាវនៅតូបលេខ I1-238 – I1-239 ក្នុងផ្សារធំថ្មីខាងជ្រុងជាប់បន្ទប់ទឹក ចាប់ពីថ្ងៃទី២៤ ដល់ថ្ងៃទី ៣០ ខែមិថុនា ឆ្នាំ២០២១ មូលហេតុអ្នកជំងឺ កូវីដ១៩ គឺជាអ្នកលក់ខោអាវនៅតូបខាងលើនេះ។

ដើម្បីសុវត្ថិភាព សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលបានប៉ះពាល់ ឬបានទៅទីកន្លែងនេះ និងសូមពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ដើម្បីសុវត្ថិភាព៕

អត្ថបទ ៖ រស្មី

The post អ្នកលក់ខោអាវក្នុងផ្សារធំថ្មី វិជ្ជមានកូវីដ អាជ្ញាធរសម្រេចបិទតូប ២ ជាប់គ្នា appeared first on Kampuchea Thmey Daily.

ត្រឹមថ្ងៃបើកដំបូង ផ្សារធំថ្មី មានមនុស្សជិត១ពាន់នាក់ទៅ តែគណៈកម្មការផ្សារយកចិត្តទុកដាក់ជាងមុនទ្វេដង

Sorn Phanith — Tue, 15 Jun 2021 09:11:58 +0000

ផ្សារធំថ្មី ជាផ្សារធំមួយក្នុងចំណោមផ្សាររដ្ឋទាំង២៥ នៅក្នុងរាជធានីភ្នំពេញ នៅព្រឹកថ្ងៃទី១៥មិថុនា ដែលជាថ្ងៃដំបូងនៃការបើកឲ្យដំណើរការផ្សារជាធម្មតាឡើងវិញនេះ ផ្សារធំថ្មី បានទទួលប្រជាពលរដ្ឋដែលចេញ ចូលទិញឥវ៉ាន់ប្រមាណជិត១ពាន់នាក់។ ជាមួយគ្នានោះ គណៈកម្មការផ្សារបានយកចិត្តទុកដាក់ ក្នុងការទប់ស្កាត់ការរីករាលដាលជំងឺកូវីដ-១៩ ខ្លាំងជាងមុនទៀតទ្វេដង។

លោកស្រី ប៉ុន ដានី ប្រធានគណៈកម្មការគ្រប់គ្រងផ្សារធំថ្មី បានមានប្រសាសន៍លើកឡើងថា លោក ឃួង ស្រេង អភិបាលរាជធានីភ្នំពេញ បានយកចិត្តទុកដាក់ណាស់ ដើម្បីបង្ការនិងទប់ស្កាត់ជំងឺកូវីដ-១៩ ដោយកន្លងមកនេះផ្សារទាំង២៥នៅក្នុងរាជធានី ត្រូវបានលោក ឃួង ស្រេង ចែកម៉ាស អាល់កុល ម៉ាស៊ីនវាស់កម្ដៅជាច្រើនលើករួចមកហើយ ដើម្បីធ្វើយ៉ាងណាទប់ស្កាត់ជំងឺកូវីដ-១៩នេះឲ្យបានជោគជ័យ។ លោកស្រីបន្តថា ក្នុងផ្សារធំថ្មី អាជីវករ បានពាក់ម៉ាសគ្រប់គ្នា វាស់កម្ដៅពេលចេញចូល ដាក់QR Codeនិងបានណែនាំបងប្អូនជាប់ជាប្រចាំ ទាំងអ្នកលក់និងអ្នកចេញចូលផ្សារ លាងដៃជាមួយសាប៊ូនិងជែល ដែលក្រុមការងារបានរៀបចំរួចជាស្រេច។

លោកស្រីបញ្ជាក់ថា ការបើកផ្សារឡើងវិញលើកនេះ គណៈកម្មការផ្សារបានយកចិត្តទុកដាក់ខ្លាំងជាងមុនទ្វេ ដើម្បីទប់ស្កាត់ការរីករាលដាលជំងឺកូវីដ-១៩។ លើសពីនេះលោកស្រី ប៉ុន ដានី បានបញ្ជាក់ឲ្យដឹងបន្តនៅរសៀលថ្ងៃទី១៥ ខែមិថុនា ឆ្នាំ២០២១នេះថា រដ្ឋបាលរាជធានីភ្នំពេញ អនុញ្ញាតឲ្យបើកដំណើរការផ្សាររដ្ឋទាំងអស់ក្នុងរាជធានីភ្នំពេញឡើងវិញ។ សម្រាប់ផ្សារធំថ្មីរបស់លោកស្រីបានបើកទ្វារ៤ ច្រកបន្ថែមសរុបទាំងអស់ ១២ច្រក មានម៉ាស៊ីន វាស់កម្ដៅ ២០គ្រឿង បានប្រើប្រាស់អាល់កុលអស់ ២០ លីត្រ/ថ្ងៃ។ បានអនុវត្តន៍វិធានសុខាភិបាល បីកុំ បីការពារ ពីរចូលរួម។ ផ្សារំថ្មីមានតូប ៣,២៨០ តូប និង១៩៨គ្រែចល័ត ចំនួនតូបនិង គ្រែចល័ត មកលក់ដូរ មានចំនួន ៥២៥ ស្មើនឹង១៥%។ គិតចាប់ពីម៉ោង ៥:៣០នាទីមកដល់ម៉ោង ១១:០០នាទីភ្ញៀវចូលផ្សារមានចំនួន ៨៦៤នាក់។ បានប្រើប្រាស់កម្លាំងមាន គណៈអភិបាល សមាជិក សន្តិសុខ កម្មករអនាម័យ កម្មករ កម្លាំង ប៉ូលិសសហការសរុបមានចំនួន ៨៨នាក់៕

អត្ថបទ៖ ស្រីរ័ត្ន

សូមចុចអាន៖ សពព្រឹទ្ធាចារ្យ ឯម ធាយ ត្រូវបានបូជាភ្លាមៗនៅរសៀលនេះ ក្រោយតេស្តវិជ្ជមានកូវីដ-១៩ ចំនួន ២ដង

The post ត្រឹមថ្ងៃបើកដំបូង ផ្សារធំថ្មី មានមនុស្សជិត១ពាន់នាក់ទៅ តែគណៈកម្មការផ្សារយកចិត្តទុកដាក់ជាងមុនទ្វេដង appeared first on Kampuchea Thmey Daily.

ផ្សារធំថ្មីអាចនឹងបិទបណ្តោះអាសន្ន ប្រសិនបើមានអាជីវករណាម្នាក់មិនចេះការពារខ្លួន ធ្វើឲ្យឆ្លងជំងឺកូវីដ

Sorn Phanith — Sun, 07 Mar 2021 10:02:19 +0000

ប្រធានគណៈកម្មការគ្រប់គ្រងផ្សារធំថ្មី លោកស្រី ប៉ុន ដានី បានថ្លែងអំពាវនាវជាថ្មីទៀតឲ្យបងប្អូនអាជីវករលក់ដូរក្នុងផ្សារទាំងអស់ ត្រូវយកចិត្តទុកដាក់ឲ្យ បានខ្ពស់តាមការណែនាំរបស់ក្រសួងសុខាភិបាល ដើម្បីទប់ស្កាត់ការឆ្លងរាលដាលជំងឺកូវីដ-១៩ ក្នុងព្រឹត្តិការសហគមន៍២០កុម្ភៈនេះ។

ផ្ទុយទៅវិញ បើបងប្អូនមានការធ្វេសប្រហែស ហើយមាននរណាម្នាក់ឆ្លងនោះ ទីផ្សារទាំងមូលនឹងត្រូវបិទជាបណ្តោះអាសន្ន នោះយើងខាតបង់ទាំងអស់គ្នា។ ការអំពាវនាវបែបនេះរបស់លោកស្រីប្រធានគណៈកម្មការផ្សារ និងក្រុមការងារផ្សារបានធ្វើឡើងនាថ្ងៃទី០៧ មិនាឆ្នាំ២០២១នេះ ខណៈដែរលោកស្រីនិងក្រុមការងាររបស់គណៈកម្មការគ្រប់គ្រងផ្សារធំថ្មី ដើរចែកម៉ាសរាប់ពាន់បន្ទះដល់បងប្អូនអាជីវករ ក៏ដូចអតិថិជន ចេញ ចូលទិញឥវ៉ាន់ ក្នុងទីផ្សារនេះ។ លោកស្រីប៉ុន ដានី បានមានប្រសាសន៍លើកឡើងថា លោក ឃួង ស្រេង អភិបាលរាជធានីភ្នំពេញ បានយកចិត្តទុកដាក់ណាស់ ដើម្បីបង្ការនិងទប់ស្កាត់ជំងឺកូវីដ-១៩ ដោយកន្លងមកនេះ ផ្សារទាំង២៥នៅក្នុងរាជធានី ត្រូវបានលោក ឃួង ស្រេងចែកម៉ាស អាល់កុល ម៉ាស៊ីនវាស់កម្ដៅបាញ់កម្ដៅជាច្រើនលើកមកហើយ ដើម្បីធ្វើយ៉ាងណាទប់ស្កាត់ជំងឺកូវីដ-១៩នេះឲ្យបាន។ លោកស្រីបន្តថា ក្នុងផ្សារត្រូវពាក់ម៉ាសឲ្យបានគ្រប់ៗគ្នារួមទាំងការវាស់កម្ដៅពេលចេញចូល ផ្សារដែលមាន៩កន្លែង,ការដាក់QR Codeរួមទាំងការណែនាំបងប្អូនជាប់ជាប្រចាំ ទាំងអ្នកលក់និងអ្នកចេញចូលផ្សារ និងមានកន្លែងលាងដៃ មានសាប៊ូនិងជែល ផងដែរ។

លោកស្រីប៉ុន ដានី លើកឡើងថា តាមការពិនិត្យជាក់ស្តែងឃើញថា បងប្អូនអាជីវករក្នុងផ្សារធំថ្មីមានការយល់ដឹងនិងភ្ញាក់រលឹក ចេះការពារខ្លួនដោយខ្លួនឯងភាគច្រើនហើយ នឹងចេះការពារខ្លួនពីការចម្លងជំងឺកូវីដ-១៩បានល្អ។ ទោះបីពេលនេះអតិថិជនចូលផ្សារមានការថយចុះមែនដោយសារខ្លាចឆ្លងជំងឺកូវីដ-១៩ ក៏ការប្រុងប្រយ័ត្នការអនុវត្តវិធានការ ៣កុំនិង៣ការពារត្រូវបានប្រកាន់ខ្ជាប់ជានិច្ច៕