តាមការផ្សាយរបស់ News 18 កាលពីថ្ងៃសុក្រទី២៦ខែធ្នូឆ្នាំ២០២៥, រូបសំណាកដែលសង់ឡើងក្នុងឆ្នាំ២០១៤មួយនេះ ត្រូវបានកងទ័ពថៃផ្តួលរំលំនៅក្នុងការឈ្លានពានយ៉ាងកម្រោលចូលទឹកដីកម្ពុជា។

ទង្វើទមិឡអត់សាសនារបស់ថៃ បានបញ្ឆេះកំហឹងជាសកលជាពិសេសក្នុងចំណោមអ្នកកាន់សាសនាហិណ្ឌូជាង១ពាន់លាននាក់ ដោយមើលឃើញថា នេះជាការប្រមាថដែលមិនអាចទទួលយកបានទាល់តែសោះនិងមិនត្រូវលើកលែងដាច់ខាត។

ពេលនេះ អ្នកកាន់សាសនាហិណ្ឌូបានចេញមកពេញបណ្តាញសង្គម នាំគ្នាអំពាវនាវឲ្យធ្វើពហិការធ្វើដំណើរទៅថៃ ព្រោះតែប្រទេសនេះមើលងាយនិងមិនឲ្យតម្លៃសាសនាហិណ្ឌូខ្លាំងណាស់។

ភ្ជាប់ជាមួយរូបភាពនៃការបំផ្លាញរូបសំណាកព្រះវិស្ណុ, អ្នកលេងបណ្តាញសង្គម X ឈ្មោះ Yang Saing Koma បានបង្ហោះថា៖ «មិត្តភក្តិឥណ្ឌាជាទីស្រឡាញ់! សូមមេត្តាពិចារណាឡើងវិញចំពោះការធ្វើដំណើរទៅកាន់ប្រទេសថៃ។ បេតិកភណ្ឌហិណ្ឌូនៅលើទឹកដីកម្ពុជាត្រូវបានបំផ្លាញ ខណៈកម្ពុជានៅតែបន្តផ្តល់កិត្តិយស និងគោរពបូជាដល់សាសនាហិណ្ឌូតាមរយៈប្រាសាទបុរាណនានារបស់ខ្លួន។ ហេតុអ្វីត្រូវគាំទ្រប្រទេសដែលមិនគោរពដល់ជំនឿសាសនារបស់អ្នក?»។

ចំណែកម្នាក់ទៀតឈ្មោះ Raghav / Tau ក៏សរសេរដែរថា៖ «ប្រទេសថៃ បានកម្ទេចរូបសំណាកព្រះវិស្ណុ ខ្ញុំចង់ចាប់ផ្តើមយុទ្ធនាការ ពហិការប្រទេសថៃនិង ពហិការទីក្រុងប៉ាតាយ៉ា។ សង្ឃឹមថាបងប្អូនសាសនិកហិណ្ឌូរបស់ខ្ញុំ នឹងគាំទ្របុព្វហេតុនេះ តាមរយៈការលុបចោលការកក់ទុកសណ្ឋាគារ/ជើងហោះហើរ និងធានាឲ្យបានថា ប្រទេសមួយនេះនឹងលុតជង្គង់ ហើយបង្ខំចិត្តមកអង្វរករនៅចំពោះមុខប្រទេសឥណ្ឌា។ តើអ្នកព្រមទទួលយកការ Challenge នេះទេ?»។

គណនី Maheshwer Peri ក៏បង្ហោះដែរថា៖ «ឥឡូវនេះ នៅពេលថៃវាយកម្ទេចរូបសំណាកព្រះនៃសាសនាហិណ្ឌូ ខ្ញុំសង្ឃឹមថាអ្នកគាំទ្រចលនាហិណ្ឌូ (Hindutva) នឹងធ្វើពហិការមិនទៅកម្សាន្តនៅប្រទេសថៃក្នុងនាមជាគោលដៅទេសចរណ៍ឡើយ!»៕

អត្ថបទ៖ សុខ សុវណ្ណ

The post អ្នកកាន់សាសនាហិណ្ឌូ ចាប់ផ្តើមប្រកូកប្រកាសប្រាប់គ្នា ឲ្យធ្វើពហិការប្រទេស ថៃ  appeared first on Kampuchea Thmey Daily.

លោក វ៉ី សំណាង លើកឡើងបែបនេះនាឱកាស អញ្ជើញដឹកនាំគណៈប្រតិភូខេត្ត មន្ត្រីជំនាញ និងអាជ្ញាធរមូលដ្ឋាន ចុះបំពេញទស្សនកិច្ចសិក្សាស្វែងយល់ដោយផ្ទាល់អំពីសង្វាក់ផលិតកម្មផលិតទឹកដោះគោស្រស់នៅកសិដ្ឋាន ដែលមានទីតាំងស្ថិតនៅតំបន់ភ្នំតាម៉ៅ ក្នុងស្រុកបាទី ខេត្តតាកែវ នៅព្រឹកថ្ងៃអាទិត្យ ទី២៨ ខែកញ្ញា ឆ្នាំ២០២៥។

ក្នុងឱកាសនោះ លោក វ៉ី សំណាង បានថ្លែងកោតសរសើរយ៉ាងខ្លាំងចំពោះកសិដ្ឋាន ដែលប្រើប្រាស់បច្ចេកទេសកសិកម្មទំនើបក្នុងការចិញ្ចឹមគោ និងផលិតទឹកដោះគោស្រស់។​ លោក បានគូសបញ្ជាក់ថា៖ «ក្នុងពេលបច្ចុប្បន្ននេះ បញ្ហាសង្គ្រាមឈ្លានពាន និងការបិទព្រំដែនដោយឯកតោភាគីពីយោធាថៃ គឺជា ឱកាសមាស សម្រាប់ពាណិជ្ជករក្នុងស្រុកបង្កើនការផលិតទំនិញសម្រាប់ផ្គត់ផ្គង់ទីផ្សារជាតិ»។ ទោះជាយ៉ាងណា លោក ក៏បានសង្កត់ធ្ងន់ដែរថា ការផលិតត្រូវតែមាន គុណភាពខ្ពស់ និងតម្លៃសមរម្យ។

The post អភិបាលខេត្តតាកែវ អំពាវនាវដល់ពលរដ្ឋខ្មែរបន្តពហិការមិនប្រើទំនិញថៃ ហើយមកគាំទ្រផលិតផលក្នុងស្រុកឱ្យបានច្រើន appeared first on Kampuchea Thmey Daily.

បណ្ឌិត ឈត ប៊ុនថង រម្លឹកប្រាប់កម្ពុជាថ្មី ថា ដើមឡើយ ប្រជាជនខ្មែរមិនមានបំណងពហិការទំនិញថៃឡើយ ប៉ុន្តែ ដោយសារមិនអាចទ្រាំនឹងភាពឈឺចាប់ ការប្រមាថ ការឈ្លានពានពីភាគីថៃលើកម្ពុជា ទើបប្រជាជននាំគ្នាពហិការមិនប្រើផលិតផលថៃបែបនេះ។ ត្រង់ចំណុចនេះ លោកបណ្ឌិត ក៏បានផ្តាំទៅពលរដ្ឋ ប្រសិនជាចង់ធ្វើពហិការមិនប្រើទំនិញថៃ កុំធ្វើជ្រុលហួសហេតុពេក ឬកុំដាក់សម្ពាធដល់អាជីវករដែលទំនិញថៃសល់នៅក្នុងស្តុបច្រើន បង្ខំយកទៅបោះចោល ឬក៏រើសអើងអ្នកប្រើប្រាស់មួយចំនួន ពោល បើទំនិញនៅក៏ប្រើ បើអស់កុំយកចូល។ លោកបន្តថា គួរមានការពិចារណា និងមើលថា ត្រឹមត្រូវទេ? ប៉ះពាល់ដល់ប្រទេសជាតិឬក៏អត់?  

កាលពីយប់ឈានចូលថ្ងៃទី១៨ ខែសីហា សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានអំពាវនាវដល់ពលរដ្ឋកុំចូលអន្ទាក់សត្រូវ បន្ទាប់ពីក្រុមហ៊ុនកូកាកូឡា លុបរូបវណ្ណដាចេញពី Cover Facebook’s page ហើយពលរដ្ឋមួយចំនួន បាននាំគ្នាផុសលើហ្វេសប៊ុកថា នឹងឈប់គាំទ្រក្រុមហ៊ុនកូកាបន្តទៀត ដោយពួកគេយល់ថា ក្រុមហ៊ុនកូកាបញ្ចប់កុងត្រាជាមួយតារាចម្រៀងវណ្ណដា ព្រោះលោកចេញបទចម្រៀង ១សីហា និងនិយាយពីការពិតនៃការឈ្លានពានរបស់ថៃលើកម្ពុជា ដែលនាំឱ្យប្រជាជនថៃ ពហិការមិនទិញកូកាកូឡាទៀត ។ ជុំវិញករណីនេះ សម្តេចតេជោ ហ៊ុន សែន ថា ឱ្យពលរដ្ឋពិចារណាឡើងវិញ ព្រោះក្រុមហ៊ុនកូកាជាប្រេនរបស់អាមេរិក និងមានរោងចក្រផលិតនៅប្រទេសកម្ពុជា ដែលផ្តល់ការងារច្រើនកន្លែងដល់ពលរដ្ឋខ្មែរ ហើយកម្ពុជាក៏ទទួលបានពន្ធពីក្រុមហ៊ុននេះដូចគ្នា ដែលជាការជួយដល់សេដ្ឋកិច្ចជាតិ។ យ៉ាងណា ជុំវិញបញ្ហាទាំងអស់នេះ ក្រុមហ៊ុនកូកានៅមិនទាន់ចេញសេចក្តីប្រកាសព័ត៌មានអ្វីឡើយ។

ពាក់ព័ន្ធនឹងការលើកឡើងរបស់សម្តេចតេជោ ហ៊ុន សែន ខាងលើ លោកបណ្ឌិត ឈត ប៊ុនថង និយាយថា៖ “ខ្ញុំសូមឱ្យប្រជាពលរដ្ឋយើងពិចារណា ជាពិសេស គឺសម្តីរបស់ថ្នាក់ដឹកនាំ លោកថា ត្រូវវធ្វើយ៉ាងណាកុំឱ្យចូលអន្ទាក់របស់ថៃ។ មានន័យថា យើងត្រូវធ្វើពហិការហ្នឹងបែបណា របៀបណាកុំឱ្យយើងដើរចូលអន្ទាក់របស់ថៃ”។

លោកបណ្ឌិត បានឱ្យពលរដ្ឋរួមគ្នាការពារក្រុមហ៊ុន និងសិប្បកម្មតូចតាច ឧស្សាហកម្ម អ្នកវិនិយោគបរទេស រួមទាំងថៃ ដែលកំពុងផលិត និងដំណើរការក្នុងប្រទេសកម្ពុជា ក៏មិនគួរប៉ះពាល់ដែរ ព្រោះលោកយល់ថា នាំឱ្យខូចកិត្តិយស និងសេចក្តីថ្លៃថ្នូររបស់កម្ពុជា។

“អញ្ចឹងហើយ សូមបងប្អូនយើងពិចារណា កុំបោកឆ្នាំងបាយចោល ទោះបីថាយើងចង់ធ្វើពហិការក៏ដោយ ប៉ុន្តែយើងមើល ស្តាប់មេ ស្តាប់កើយ ហើយយើងធ្វើដោយការពិចារណា កុំធ្វើដោយកំហឹង” នេះ ជាការបញ្ជាក់របស់ លោកបណ្ឌិត ឈត ប៊ុនថង៕

The post បណ្ឌិត ឈត ប៊ុនថង ផ្តាំពលរដ្ឋខ្មែរ ដែលពហិការមិនប្រើទំនិញបរទេស ត្រូវមានការពិចារណា កុំធ្វើដោយកំហឹង appeared first on Kampuchea Thmey Daily.

ការអំពាវនាវរបស់ក្រសួងមហាផ្ទៃ ធ្វើឡើងបន្ទាប់ពីពលរដ្ឋខ្មែរផ្ទុះការខឹងសម្បា ហើយប្រកាសពហិការលើផលិតផលកូកាកូឡា ព្រោះរឿងផ្តាច់កុងត្រាជាមួយតារារ៉េបវណ្ណដា។ រឿងពហិការនេះ ប្រធានព្រឹទ្ធសភា សម្ដេចតេជោ ហ៊ុន សែន បានបង្ហាញក្ដីបារម្ភ ហើយបានស្នើពលរដ្ឋខ្មែរត្រូវពិចារណាឱ្យបានល្អិតល្អន់ចំពោះបញ្ហានេះ ដើម្បីកុំឱ្យចាញ់កលសត្រូវ នាំឱ្យ​ប៉ះពាល់​ដល់ផលប្រយោជន៍កម្ពុជា។

ដើម្បីបញ្ចៀសអន្ទាក់នយោបាយសត្រូវ និងការទទួលខុសត្រូវចំពោះមុខច្បាប់ អ្នកនាំពាក្យរងក្រសួងមហាផ្ទៃ លោក ទូច សុខៈ ក៏បានលើកពន្យល់អំពីបទល្មើស«ញុះញង់ឱ្យមានការរើសអើង»ឱ្យពលរដ្ឋបានឈ្វេងយល់ផងដែរ។ មាត្រា៩៤ នៃក្រមព្រហ្មទណ្ឌ បានពន្យល់ពីនិយមន័យនៃការញុះញង់ ដែលសំដៅដល់ពាក្យសម្ដី សំណេរ ឬគំនូរ ពិសេសមធ្យោបាយគ្រប់ប្រភេទនៃប្រព័ន្ធទំនាក់ទំនងសង្គម និងបណ្ដាញផ្សព្វផ្សាយ ដែលបានប្រកាស និងផ្សព្វផ្សាយជាសាធារណៈដោយបុគ្គល ឬក្រុមណាមួយ។

អំពើញុះញង់ឱ្យមានការរើសអើង បើតាមការលើកឡើងដោយអ្នកនាំពាក្យរងក្រសួងមហាផ្ទៃ គឺអំពើទាំងឡាយដូចបានរៀបរាប់ខាងលើដែលនាំឱ្យមានការប្រព្រឹត្តនូវការរើសអើង ការគុំគួន ឬអំពើហិង្សាលើបុគ្គលណាម្នាក់ ឬ ក្រុមណាមួយដោយមូលហេតុបុគ្គលណាមួយនោះ គឺជាបទល្មើសព្រហ្មទណ្ឌ។ បទល្មើសព្រហ្មទណ្ឌនេះ យោងមាត្រា៤៩៦ នៃក្រមព្រហ្មទណ្ឌ គឺត្រូវប្រឈមមុខនឹងការផ្តន្ទាទោសដោយដាក់ពន្ធនាគារពី១ឆ្នាំ ទៅ៣ឆ្នាំ និងពិន័យជាប្រាក់ពី២លានរៀល ទៅ៤លានរៀល។

ក្នុងន័យនេះ លោក ទូច សុខៈ អ្នកនាំពាក្យរងក្រសួងមហាផ្ទៃ បានអំពាវនាវដល់ប្រជាពលរដ្ឋមានការប្រុងប្រយ័ត្នចំពោះអំពើញុះញង់នេះ ដែលអាចធ្លាក់ចូលអន្ទាក់នយោបាយរបស់សត្រូវ ហើយក៏ដើម្បីបញ្ចៀសការទទួលខុសត្រូវចំពោះមុខច្បាប់ផងដែរ។ ប្រុងប្រយ័ត្ន ក៏ព្រោះថា បន្ទាប់ពីការប្រឈមនឹងសង្គ្រាមឈ្លានពានពីប្រទេសជិតខាង គឺក្នុងកាលៈទេសៈចំពោះមុខនេះ កម្ពុជាក៏កំពុងប្រឈមនឹងសង្គ្រាមចិត្តសាស្ត្រ រាប់ទាំងឈានដល់សង្គ្រាមសេដ្ឋកិច្ចនិងពាណិជ្ជកម្ម ដែលសត្រូវកំពុងបង្កើតរឿង ដើម្បីឱ្យកម្ពុជាចូលទៅក្នុងអន្ទាក់របស់ពួកគេ។

អ្នកនាំពាក្យរង សង្កត់ធ្ងន់ថា ខ្មាំងក្បែរខាងកម្ពុជា កំពុងរុញចលនាឱ្យមានការរើសអើងជាតិសាសន៍ ឱ្យស្អប់សាសន៍នេះ ឬសាសន៍នោះ បុគ្គលនោះ ឬក្រុមនោះ ជាដើម ពិសេសគេរុញឱ្យមានចលនារើងអើងចំពោះផលិតផល មុខទំនិញរបស់ប្រទេសណាមួយនោះ។ សម្រាប់លោក ចំណុចទាំងអស់នេះហើយ ដែលជាអន្ទាក់នាំឱ្យបែកបាក់សាមគ្គីផ្ទៃក្នុងជាតិខ្មែរ ហើយនឹងនាំកម្ពុជាក្លាយជាសត្រូវជាមួយនឹងបណ្ដាប្រទេសជាមិត្ត ដែលកំពុងមានទំនាក់ទំនងល្អជាមួយគ្នា។

ជាថ្មីម្ដងទៀត អ្នកនាំពាក្យរងក្រសួងមហាផ្ទៃ ក៏បានអំពាវនាវយ៉ាងទទូចឱ្យប្រជាជាតិខ្មែរប្រមូលនូវស្មារតីត្របាញ់វេញជាធ្លុងមួយជួយបង្កើតជាចំណងសាមគ្គីជាតិដ៏រឹងមាំ ធ្វើយ៉ាងណាកុំឱ្យចាញ់កលខ្មាំង តាមខ្សែញាក់របស់ពួកគេដាច់ខាត៕

ដោយ៖ ធឿន វ៉ាន់សុង

The post ក្រសួងមហាផ្ទៃឱ្យពលរដ្ឋប្រយ័ត្នអន្ទាក់នយោបាយខ្មាំង តាមការញុះញង់ឱ្យឈប់ប្រើទំនិញបរទេស appeared first on Kampuchea Thmey Daily.

របៀបវារៈ​សម្រាប់​កិច្ចប្រជុំ​ដែល​គ្រោង​នឹង​ធ្វើ​ឡើង​នៅ​ថ្ងៃ​សុក្រ (​ថ្ងៃ​ទី ០៣ ខែ​កុម្ភៈ) ត្រូវ​បាន​បោះពុម្ព​ផ្សាយ​ដោយ​អនុប្រធាន​ប្រជាជន​អ៊ុយ​ក្រែ​ន Zhan Beleniuk ដែល​បាន​ឈ្នះ​មេដាយ​មាស​ចំបាប់​អូឡាំពិក នៅ​តូ​ក្យូ​អូឡាំពិក ២០២០ ក្នុង​ប្រភេទ​ទម្ងន់ ៨៧ គីឡូក្រាម​បុរស។

“​នៅ​ថ្ងៃ​ទី ០៣ ខែ​កុម្ភៈ មហាសន្និបាត​វិសាមញ្ញ​របស់ NOC នៃ​ប្រទេស​អ៊ុយ​ក្រែ​ន នឹង​ត្រូវ​បាន​ប្រារព្ធ​ឡើង​ទាក់ទង​នឹង​ការ​ធ្វើ​ពហិការ​មិន​ចូលរួម​ការ​ប្រកួត​កីឡា​អូឡាំពិក​នៅ​ទីក្រុង​ប៉ារីស ឆ្នាំ ២០២៤ ប្រសិន​បើ​អត្តពលិក​រុស្ស៊ី និង​បេឡារុស ត្រូវ​បាន​អនុញ្ញាត​ឲ្យ​វិលត្រឡប់​ទៅកាន់​សង្វៀន​កីឡា​អន្តរជាតិ​វិញ រហូតដល់​ចុង​បញ្ចប់ នៃ​ការ​ឈ្លានពាន​របស់​រុស្ស៊ី ប្រឆាំង​នឹង អ៊ុយក្រែន។

សារព័ត៌មាន Insidethegames បាន​សរសេរ​ថា ធាតុ​មួយ​ក្នុង​របៀបវារៈ​គឺ “ការ​ពិគ្រោះ​យោបល់​ជាមួយ​សហព័ន្ធ​ជាតិ និង​អ្នក​ពាក់ព័ន្ធ​កីឡា ស្ដីពី​ការ​ធ្វើ​ពហិការ​ជាយថាហេតុ នៃ​ព្រឹត្តិការណ៍​កីឡា​អូឡាំពិក​ឆ្នាំ ២០២៤ នៅ​ទីក្រុង​ប៉ារីស ប្រសិនបើ​អត្តពលិក​រុស្ស៊ី និង​បេឡារុស ត្រូវ​បាន​អនុញ្ញាត​ឲ្យ​ចូលរួម​ប្រកួត​អន្តរជាតិ មុន​ពេល​សង្គ្រាម​រុស្ស៊ី ប្រឆាំង​នឹង អ៊ុយ​ក្រែ​ន ត្រូវ​បាន​ដាក់​ឲ្យ​ដំណើរការ​បញ្ចប់”។

រដ្ឋមន្ត្រី​កីឡា​អ៊ុយ​ក្រែ​ន Vadym Guttsait បាន​ព្រមាន​កាលពី​ថ្ងៃ​ព្រហស្បតិ៍ (២៦ មករា​) ថា អ៊ុយ​ក្រែ​ន នឹង​ពិចារណា​ពហិការ​កីឡា ប្រសិនបើ​អត្តពលិក​មកពី​ប្រទេស​រុស្ស៊ី និង​បេឡារុស ត្រូវ​បាន​អនុញ្ញាត​ឲ្យ​ចូលរួម​ប្រកួត​នៅ​ក្នុង​សារ​មួយ​លើ​ទំព័រ​ហ្វេស​ប៊ុក​ផ្ទាល់ខ្លួន​របស់​លោក។

កាលពី​ដើម​សប្ដាហ៍​នេះ inside the games បាន​បញ្ចេញ​ទាំងស្រុង​ថា លោក Guttsait បាន​ប្រាប់​ប្រធាន​គណៈកម្មាធិការ​អូឡាំពិក​អន្តរជាតិ លោក Thomas Bach ក្នុង​អំឡុង​ពេល​ហៅ​សន្និសីទ​មួយ​ពាក់ព័ន្ធ​នឹង​គណៈកម្មាធិការ​ជាតិ​អូឡាំពិក​មួយ​ចំនួន​ថា អត្តពលិក​មកពី​ប្រទេស​រុស្ស៊ី កំពុង​បម្រើ​ក្នុង​កងកម្លាំង​ប្រដាប់​អាវុធ​របស់​ប្រទេស ហើយ​ពួកគេ​កំពុង “​សម្លាប់​ប្រជាជន​របស់​យើង​”។

ព័ត៌មាន នៃ​មហាសន្និបាត​វិសាមញ្ញ​របស់ NOCU កើតឡើង​ប៉ុន្មាន​ថ្ងៃ​បន្ទាប់ពី IOC បាន​អះអាង​ថា អ្នក​ចូលរួម​ភាគច្រើន​នៅ​ក្នុង​ការ​ហៅ​ទូរស័ព្ទ​ពិគ្រោះ​យោបល់​ចង់បាន​ផ្លូវ​សម្រាប់​អត្តពលិក​រុស្ស៊ី និង​បេឡារុស ដើម្បី​ឲ្យ​ពួកគេ​ត្រលប់​មកវិញ​ប្រកួតប្រជែង​នៅ​អូឡាំពិក នាទី​ក្រុង​ប៉ារីស ឆ្នាំ ២០២៤។

ក្រុម​ប្រឹក្សា​អូឡាំពិក​អាស៊ី បាន​ផ្តល់​ការ​សម្របសម្រួល​ដល់​អត្តពលិក​មកពី​ប្រទេស​រុស្ស៊ី និង​បេឡារុស ក្នុង​ព្រឹត្តិការណ៍​ជម្រុះ Paris 2024 របស់​ខ្លួន ហើយ​បាន​រំលឹក​ឡើងវិញ​នូវ​ការ​អញ្ជើញ​របស់​ខ្លួន​ជា​ការ​ឆ្លើយតប​ទៅ​នឹង​សេចក្ដីថ្លែងការណ៍​ចុងក្រោយ​របស់ IOC។

ប្រធានាធិបតី​អ៊ុយ​ក្រែ​ន លោក Volodymyr Zelenskyy ភ្លាមៗ ក៏បាន​បង្ហោះ​សារ​អញ្ជើញ​លោក Bach ឲ្យ​ទៅ​ទស្សនា​ទីក្រុង Bakhmut ដែល​ហែកហួរ​ដោយ​សង្គ្រាម ដើម្បី “​មើល​ឃើញ​ដោយ​ផ្ទាល់​ភ្នែក​ថា អព្យាក្រឹតភាព​មិន​មាន​ទេ”៕

ប្រភព ៖ insidethegames.biz

អត្ថបទ ៖ មន្នីរ័ត្ន

The post អ៊ុយក្រែន ចង់ធ្វើពហិការ អូឡាំពិកឆ្នាំ ២០២៤ ដែលគ្រោងអនុញ្ញាតឲ្យ រុស្ស៊ី ចូលរួមប្រកួតវិញ appeared first on Kampuchea Thmey Daily.