អ្នកនាំពាក្យដដែលរូបនេះបានលើកឡើងថា ពិព័រណ៌ការងារ សន្តិសុខសង្គម និងបណ្តុះបណ្តាលវិជ្ជាជីវៈ កាលពីពេលកន្លងទៅ មានការចូលរួមពីរោងចក្រសហគ្រាសចំនួន ២៨ ដោយនាំយកឱកាសការងារចំនួន ១២ ៦៧២កន្លែង ជូនដល់ពលរដ្ឋកម្ពុជា ជាពិសេសគឺបងប្អូនអតីតពលករខ្មែរដែលត្រឡប់មកពីថៃ ដោយមានការសម្ភាស និងទទួលបានការងារធ្វើនៅហ្នឹងកន្លែងតែម្តង។

លោក បន្ថែមថា ក្រៅពីការផ្តល់នូវឱកាសការងារដ៏ច្រើនសម្បូរបែប តាមរយៈពិព័រណ៌នេះ ពលរដ្ឋខ្មែរបានយល់ដឹងបន្ថែមអំពីអត្ថប្រយោជន៍របបសន្តិសុខសង្គមនៅពេលចូលបម្រើការងារនៅក្នុងស្រុក ជាពិសេសគឺទទួលបានឱកាសចូលរៀនវគ្គបណ្តុះបណ្តាលបច្ចេកទេស និងវិជ្ជាជីវៈ ដោយឥតគិតថ្លៃផងដែរ។

សូមបញ្ជាក់ផងដែរថា គិតត្រឹមពេលនេះ ក្រសួងការងារ និងបណ្តុះបណ្តាលវិជ្ជាជីវៈបានរៀបចំវេទិកាការងារចំនួន ៥៧៩លើកមកហើយ នៅតាមភូមិស្រុក ដើម្បីផ្តល់ឱកាសការងារដល់ពលរដ្ឋខ្មែរ ជាពិសេសបងប្អូនអតីតពលករខ្មែរដែលត្រឡប់មកពីប្រទេសថៃ។ ក្នុងនោះ ពលរដ្ឋខ្មែរជាង ៤៥ម៉ឺននាក់ទទួលបានការងារធ្វើតាមរយៈយន្តការក្រសួង និងវិស័យឯកជន។

អ្នក​នាំ​ពាក្យ​រូប​នេះ​ក៏​សូម​អំពាវ​នាវ​ដល់​បង​ប្អូន​អតីតពលករខ្មែរដែលត្រឡប់មកពីប្រទេសថៃ ដែលមានបំណងស្វែងរកការងារធ្វើ សូមទាក់ទងមកលេខ ១២៩៧ ដើម្បីទទួលបានឱកាសការងារធ្វើ និងការបណ្តុះបណ្តាលជំនាញបច្ចេកទេស និងវិជ្ជាជីវៈ ដោយឥតគិតថ្លៃ ដែលមន្ត្រីក្រសួងការងារនៅរងចាំទទួលទូរសព្ទរបស់បងប្អូន ៧ថ្ងៃក្នុងមួយសប្តាហ៍៕

The post ពលរដ្ឋ និងអតីតពលករខ្មែរជិត ២ពាន់នាក់ចូលរួម និង​ទទួល​បាន​ការងារ​ធ្វើ​តាម​រយៈ​ពិព័រណ៌​ការងារ​នៅ​ខេត្ត​សៀមរាប appeared first on Kampuchea Thmey Daily.

លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានថ្លែងគ្រាចូលរួមជាអធិបតីថា ការរៀបចំពិព័រណ៍ការងារនេះ គឺជាព្រឹត្តិការណ៍មួយដ៏ពិសេស ក្នុងគោលបំណងផ្តល់ការងារតាមតម្រូវការជូនអតីតពលករ ក៏ដូចជាប្រជាពលរដ្ឋដែលរស់នៅតំបន់នេះ ហើយក៏បាននាំយកសហគ្រាស ក្រុមហ៊ុន រោងចក្រ មកដល់មូលដ្ឋានផ្ទាល់តែម្តង បើទោះបីជាសម្ភាសការងារជាប់ ឬមិនជាប់ ក៏បងប្អូនមិនចាំបាច់ចំណាយថ្លៃធ្វើដំណើរ ទៅរាជធានីភ្នំពេញ ឬក៏ទៅខេត្តផ្សេងៗនោះឡើយ។

លោករដ្ឋមន្ត្រីបានគូសបញ្ជាក់ថា មូលហេតុដែលអតីតពលករមួយចំនួនជ្រើសរើសធ្វើចម្ការ គឺដោយសារតម្លៃនៃសេរីភាព ប៉ុន្តែប្រសិនបើគ្រួសាររបស់បងប្អូនមាន៣នាក់ អាចមានម្នាក់មកធ្វើការវិញ នោះប្រាក់ចំណូលនឹងកើនឡើងច្រើនដែរ ដែលអាចឱ្យគ្រួសារបងប្អូនសម្រួលបន្ទុកបានច្រើនផងដែរ។

លោករដ្ឋមន្ត្រី ក៏បានលើកឡើងអំពីអត្ថប្រយោជន៍ដែលធ្វើការក្នុងស្រុក គឺទទួលបានប័ណ្ណ ប.ស.ស. អាចព្យាបាលជំងឺដោយឥតគិតថ្លៃ មានប្រាក់សោធនពេលធ្វើការដល់អាយុ៦០ឆ្នាំ រស់នៅជួបជុំក្រុមគ្រួសារ ប្រកបដោយសុភមង្គលទៀតផង និងបានរំលេចអំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥លាននាក់ របស់រាជរដ្ឋាភិបាលទៅដល់អតីតពលករ និងប្រជាពលរដ្ឋដែលនៅទីនោះ ដើម្បីទទួលការសិក្សារៀនសូត្រ មានជំនាញបន្ថែមសម្រាប់ជីវិត ព្រមទាំងទទួលបានប្រាក់ឧបត្ថម្ភប្រចាំខែទៀតផង។

សូមជម្រាបថា ពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈនេះរៀបចំឡើងដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ រដ្ឋបាលស្រុកពួក សហភាពសហព័ន្ធយុវជនកម្ពុជាខេត្តសៀមរាប វិស័យឯកជន សមាគមមិត្តយើង អ្នកផ្តល់ការអប់រំបណ្តុះបណ្តាល និងដៃគូពាក់ព័ន្ធផ្សេងទៀត ដែលមានអ្នកចូលរួមប្រមាណ ៧៣៧នាក់។ នាពេលកន្លងមក ទីភ្នាក់ងារជាតិមុខរបរ និងការងារ (NEA) ក៏បានរៀបចំពិព័រណ៍ការងារ នៅតាមបណ្ដាខេត្តចំនួន ២០លើករួចមកហើយ។ លើសពីនេះទៀត ក៏បានរៀបចំវេទិកាការងារនៅតាមបណ្ដាខេត្តចំនួន ៥៧៧លើករួចមកហើយដែរ៕

The post ឱកាសការងារជាង១ម៉ឺនកន្លែង ត្រូវបានបើកបង្ហាញក្នុងពិព័រណ៍ការងារនៅស្រុកពួក សម្រាប់អតីតពលករមកពីប្រទេសថៃ appeared first on Kampuchea Thmey Daily.

លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍នៅថ្ងៃទី៥ ខែធ្នូនេះថា នៅថ្ងៃសៅរ៍ ទី៦ ខែធ្នូ ឆ្នាំ២០២៥ ពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងត្រូវធ្វើឡើងនៅបរិវេណសាលាបឋមសិក្សា សម្តេច ហ៊ុន សែន រណសិរ្សត្រីភូមិ ស្រុកសូទ្រនិគម។ ចំណែកនៅថ្ងៃអាទិត្យ ទី៧ ខែធ្នូ ឆ្នាំ២០២៥ នឹងត្រូវធ្វើឡើងនៅបរិវេណវិទ្យាល័យចំណេះទូទៅ និងបច្ចេកទេស ពួក ស្រុកពួក។

លោកបន្តថា អតីតពលករដែលមានបំណងស្វែងរកការងារ នឹងទទួលបាន «ការដឹកជញ្ជូនចូលរួមកម្មវិធី អាវយឺតដ៏ស្រស់ស្អាត អាហារ ភេសជ្ជៈ កាហ្វេ និងទទួលបានការកាត់សក់ពីជាងជំនាញដោយឥតគិតថ្លៃ»។ បងប្អូនអតីតពលករដែលត្រឡប់មកពីថៃ យុវជន និងអ្នកស្វែងរកការងារ ដែលរស់នៅក្នុងខេត្តសៀមរាប អាចដាក់ពាក្យ និងសម្ភាសការងារភ្លាមៗផ្ទាល់នៅទីតាំងទាំង ២ខាងលើ ចាប់ពីម៉ោង ៨ព្រឹក ដល់ម៉ោង ៥ល្ងាច។

បើតាមអ្នកនាំពាក្យក្រសួងការងារ ដដែល ពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈ នៅខេត្តសៀមរាបនេះ នឹងនាំយកឱកាសការងាររាប់ម៉ឺនកន្លែង ជូនបងប្អូនអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ ដោយមានវិស័យកសិកម្ម សំណង់ សិប្បកម្ម សេវាកម្ម និងវិស័យឧស្សាហកម្ម។

សូមជម្រាបថា ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈ នៅតាមបណ្ដាខេត្តចំនួន ១៩លើកមកហើយ។ បន្ថែមលើនោះ ក្រសួងការងារ ក៏បានរៀបចំវេទិកាការងារនៅតាមបណ្ដាខេត្តចំនួន ៥៥៨លើករួចមកហើយដែរ៕

The post ពិព័រណ៍ការងារនៅខេត្តសៀមរាប នឹងប្រព្រឹត្តិទៅនៅថ្ងៃស្អែក ដោយមានឱកាសការងាររាប់ម៉ឺនកន្លែង និងច្រើនវិស័យ appeared first on Kampuchea Thmey Daily.

សម្រាប់ពិព័រណ៍ការងារនេះ នឹងត្រូវរៀបចំនាថ្ងៃសៅរ៍ ទី៦ ខែធ្នូ ឆ្នាំ២០២៥ នៅបរិវេណសាលាបឋមសិក្សា សម្តេច ហ៊ុន សែន រណសិរ្សត្រីភូមិ ស្រុកសូទ្រនិគម និងថ្ងៃអាទិត្យ ទី៧ ខែធ្នូ ឆ្នាំ២០២៥ នៅបរិវេណវិទ្យាល័យចំណេះទូទៅ និងបច្ចេកទេសពួក ស្រុកពួក។ ចំពោះអតីតពលករដែលមានបំណងស្វែងរកការងារ នឹងទទួលបានការដឹកជញ្ជូនចូលរួមកម្មវិធី អាវយឺតដ៏ស្រស់ស្អាត អាហារ ភេសជ្ជៈ កាហ្វេ និងទទួលបានការកាត់សក់ពីជាងជំនាញ ដោយឥតគិតថ្លៃ។

អតីតពលករត្រឡប់មកពីថៃ និងអ្នកស្វែងរកការងារ នៅខេត្តសៀមរាប អាចដាក់ពាក្យ និងសម្ភាសការងារភ្លាមៗផ្ទាល់នៅទីតាំងចំនួន ២ខាងលើនេះ ចាប់ពីម៉ោង ៨ព្រឹក ដល់ម៉ោង ៥ល្ងាច ដោយមានសហគ្រាស ក្រុមហ៊ុន រោងចក្រ ទៅជ្រើសរើសបុគ្គលិក និងកម្មករដោយផ្ទាល់។

គួរឱ្យដឹងថា ក្នុងខែវិច្ឆិកានេះ ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈចំនួន ២ខេត្តរួចមកហើយ គឺនៅខេត្តបាត់ដំបង ពីថ្ងៃទី១៥-១៦ ខែវិច្ឆិកា នៅស្រុកថ្មគោល និងស្រុកមោងឫស្សី។ រីឯនៅខេត្តបន្ទាយមានជ័យ ពីថ្ងៃទី២៣-២៣ ក្នុងស្រុកមង្គលបូរី និងស្រុកព្រះនេត្រព្រះ។ សរុបលទ្ធផលទាំង ២ខេត្តនេះ មានអ្នកចូលរួមជិត ៥ពាន់នាក់ ហើយមានអ្នកជាប់ការងារ (បឋម) ចំនួន ១ ៥៧៧នាក់៕

The post ក្រសួងការងារ នឹងរៀបចំពិព័រណ៍ការងារនៅខេត្តសៀមរាប នាថ្ងៃទី៦-៧ ខែធ្នូ ដោយនាំយកឱកាសការងាររាប់ម៉ឺនកន្លែង ជូនអតីតពលករ appeared first on Kampuchea Thmey Daily.

ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា រយៈពេល២ថ្ងៃនៃពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈ នៅខេត្តបន្ទាយមានជ័យ អ្នកចូលរួមអាចដាក់ពាក្យ និងសម្ភាសការងារភ្លាមៗដោយផ្ទាល់នៅទីតាំងចំនួន២គឺ៖ នៅថ្ងៃសៅរ៍ ទី២២ ខែវិច្ឆិកា ឆ្នាំ២០២៥ នៅផ្សារចំការតាដោក ស្រុកមង្គលបូរី និងនៅថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ នៅសាលាស្រុកព្រះនេត្រព្រះ ស្រុកព្រះនេត្រព្រះ ចាប់ពីម៉ោង៨ព្រឹក ដល់ម៉ោង៥ល្ងាច។

ប្រភពដដែលបានឱ្យដឹងទៀតថា ពលករដែលត្រឡប់មកពីថៃ យុវជន និងអ្នកស្វែងរកការងារធ្វើនៅខេត្តបន្ទាយមានជ័យ ដែលទៅចូលរួម ពិព័រណ៍ការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងទទួលបានការដឹកជញ្ជូនចូលរួមកម្មវិធីដោយឥតគិតថ្លៃ អាវយឺតដ៏ស្រស់ស្អាត អាហារ ភេសជ្ជៈ កាហ្វេ និងទទួលបានការកាត់សក់ពីជាងជំនាញដោយឥតគិតថ្លៃផងដែរ។ ព័ត៌មានបន្ថែម សូមទាក់ទងមកកាន់ប្រព័ន្ធទូរសព្ទ Hotline លេខ ១២៩៧៕

The post ចុងសប្តាហ៍នេះ ក្រសួងការងារនឹងបើកពិព័រណ៍ការងាររាប់ម៉ឺនកន្លែងសម្រាប់អតីតពលករមកពីថៃនៅខេត្តបន្ទាយមានជ័យ appeared first on Kampuchea Thmey Daily.

ក្នុងពិព័រណ៍ដ៏សំខាន់នេះ មានសហគ្រាស ក្រុមហ៊ុន រោងចក្រ និងតំបន់សេដ្ឋកិច្ចពិសេសចំនួន ១៧ បានចូលរួមសម្ភាស និងជ្រើសរើសបុគ្គលិកភ្លាមៗដោយផ្ទាល់ផងដែរ។ ជាមួយគ្នានេះ បងប្អូនអតីតពលករ និងអ្នកចូលរួមទាំងអស់ បានទទួលការដឹកជញ្ជូន អាហារ ភេសជ្ជៈ និងកាហ្វេ ព្រមទាំងទទួលបានការកាត់សក់ពីអ្នកជំនាញដោយឥតគិតថ្លៃថែមទៀតផង។

សូមបញ្ជាក់ថា ការរៀបចំពិព័រណ៍នេះ គឺជាលើកទី៥ហើយសម្រាប់បងប្អូនអតីតពលករ និងប្រជាពលរដ្ឋនៅក្នុងខេត្តបាត់ដំបង ខណៈដែលវាជាពិព័រណ៍លើកទី ៥៧៤ដែលក្រសួងការងារ និងបណ្តុះបណ្តាលវិជ្ជាជីវៈ បានរៀបចំនៅទូទាំងប្រទេស។

ថ្លែងក្នុងឱកាសនោះ លោករដ្ឋមន្ត្រី បានគូសបញ្ជាក់ពីភាពវិជ្ជមានសម្រាប់ការសម្រេចចិត្តធ្វើការងារក្នុងស្រុកដែលបងប្អូនអតីតពលករនឹងទទួលបានអត្ថប្រយោជន៍ទៅពិនិត្យ និងព្យាបាលជំងឺដោយឥតគិតថ្លៃតាមរយៈប័ណ្ណសមាជិក ប.ស.ស. ប្រាក់សោធនសម្រាប់អ្នកធ្វើការដល់អាយុ ៦០ឆ្នាំ និងការរស់នៅជួបជុំក្រុមគ្រួសារដោយភាពកក់ក្ដៅ និងស្និទ្ធស្នាល អាចចូលរួមពិធីបុណ្យទាន និងវប្បធម៌ប្រពៃណីបានគ្រប់ពេលវេលា រួមទាំងភាពងាយស្រួលក្នុងការទំនាក់ទំនង និងយោគយល់គ្នា ជាពិសេស នៅកន្លែងធ្វើការដែលប្រើប្រាស់ភាសាខ្មែរដូចគ្នា។

លោករដ្ឋមន្ត្រី បានអំពាវនាវឱ្យអតីតពលករខ្មែរ ដែលបានមកដល់ប្រទេសកម្ពុជាហើយ គួរពិចារណាធ្វើការនៅក្នុងស្រុកវិញ ដើម្បីទទួលបានប្រាក់ចំណូល និងអត្ថប្រយោជន៍ផ្សេងៗ និងពុំគួររង់ចាំរហូតដល់ស្ថានភាពព្រំដែនល្អប្រសើរឡើងនោះឡើយ។ លោករដ្ឋមន្ត្រី ក៏បានបន្តអំពាវនាវឱ្យអតីតពលករ និងអ្នកដែលកំពុងស្វែងរកការងារធ្វើ សូមទាក់ទងប្រព័ន្ធទូរសព្ទ Hotline លេខ១២៩៧ ប្រសិនបើមានចម្ងល់ផ្សេងៗ ទាក់ទងនឹងការចុះឈ្មោះស្វែងរកការងារធ្វើ ចុះឈ្មោះរៀនជំនាញបច្ចេកទេស និងវិជ្ជាជីវៈ ដោយឥតគិតថ្លៃ ហើយអាចទាក់ទងពីថ្ងៃចន្ទដល់ថ្ងៃសុក្រ និងថ្ងៃសៅរ៍-អាទិត្យ ផងដែរ៕

The post ពិព័រណ៍ការងារ សម្រាប់អតីតពលករមកពីប្រទេសថៃនៅស្រុកមោងឬស្សី នាំមកនូវឱកាសការងាររាប់ម៉ឺនកន្លែង appeared first on Kampuchea Thmey Daily.

ពិព័រណ៍ការងារ និងផលិតភាពជាតិ ឆ្នាំ២០២៥ ត្រូវបានសហការរៀបចំ ដោយទីភ្នាក់ងារជាតិមុខរបរ និងការងារនៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជារាជធានីភ្នំពេញ សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា និងទទួលបានការគាំទ្រដោយអង្គការអន្តរជាតិខាងការងារ (ILO) ទីភ្នាក់ងារសហប្រតិបត្តិការអន្តរជាតិកូរ៉េ (KOICA) មូលនិធិអភិវឌ្ឍន៍ជំនាញ សមាគមសហគ្រិនវ័យក្មេងកម្ពុជា និងវេសឡាញ អេឌ្យូខេសិន គ្រុប ព្រមទាំងដៃគូពាក់ព័ន្ធជាច្រើនទៀត។

អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ លោក ស៊ុន មេសា ឱ្យដឹងថា ក្រុមហ៊ុន រោងចក្រ និងសហគ្រាសធំៗចំនួន ១៥០  មកពីវិស័យសំខាន់ៗ វិស័យហិរញ្ញវត្ថុ  ធនាគារ មីក្រូហិរញ្ញវត្ថុ ធានារ៉ាប់រង  វិស័យព័ត៌មានវិទ្យា វិស័យសំណង់ ឧស្សាហកម្មយានយន្ត រោងចក្រសហគ្រាស ផ្នែកកម្មន្តសាល ផ្នែកកាត់ដេរ និងស្ថាប័នផ្សេងទៀតៗដែលត្រូវការបុគ្គលិក។

លោក អះអាងថា គោលបំណងសំខាន់ៗនៃព្រឹត្តិការណ៍ដ៏ធំនាពេលនេះ គឺដើម្បីបន្តរក្សាតុល្យភាពក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារ បង្កើតឱ្យមានកន្លែងជួបជុំគ្នាដ៏ធំ និងងាយស្រួលរវាងអ្នកស្វែងរកការងារ និយោជក អ្នកផ្តល់ការអប់រំបណ្ដុះបណ្ដាល និងដៃគូពាក់ព័ន្ធនានា ដើម្បីធ្វើការផ្លាស់ប្ដូរ និងចែករំលែកព័ត៌មានទីផ្សារការងារ ហើយក៏មានការរៀបចំផងដែលនូវសិក្ខាសាលាផលិតភាពដើម្បីលើកកម្ពស់ការយល់ដឹងស្តីពីការបង្កើនផលិតភាពការងារដោយមានការចែករំលែកចំណេះដឹង និងបទពិសោធន៍ពីវាគ្មិនជំនាញជាច្រើន។

អ្នកនាំពាក្យចាត់ទុកព្រឹត្តិការណ៍ដ៏ធំប្រចាំឆ្នាំនេះ ជាវេទិកាសម្រាប់អ្នកដែលកំពុងស្វែងរកការងារធ្វើ អាចរកបានការងារដែលស្របនឹងសមត្ថភាពជំនាញ និងក្ដីស្រឡាញ់របស់ខ្លួននៅមួយកន្លែងជាមួយនឹងជម្រើសការងារសម្បូរបែប ចំណែកក្រុមហ៊ុនដែលកំពុងខ្វះបុគ្គលិកអាចផ្សព្វផ្សាយតម្រូវការបុគ្គលិករបស់ក្រុមហ៊ុន អំពីសក្ដានុពលរបស់ខ្លួន ដើម្បីជ្រើសរើសបានជ្រើសរើសបានធនធានមនុស្សដែលសំខាន់ៗ មានសមត្ថភាពយកទៅបំពេញការងារនៅក្នុងក្រុមហ៊ុនរបស់ខ្លួនស្របតាមតម្រូវការជាក់ស្ដែង។

អ្នកនាំពាក្យបន្ថែមថា ពិព័រណ៍ការងារ និងផលិតភាពជាតិលើកទី១៥នេះ រៀបចំឡើង ដើម្បីបន្តផ្សព្វផ្សាយអំពីកំណើនផលិតភាពការងាររបស់កម្ពុជា និងបន្តបង្កើតឱ្យមានការយល់ដឹង និងបណ្ដុះផ្នត់គំនិតឱ្យយុវជនកម្ពុជាយល់ដឹងថា យុវជនគឺជាផ្នែកមួយដ៏សំខាន់ នៃកម្លាំងពលកម្មដែលបាននិងកំពុងជំរុញផលិតភាព និងកំណើនសេដ្ឋកិច្ចរបស់ជាតិ។

លោក សន ប៊ុនមាន ប្រធានលេខាធិការដ្ឋាន ស.ស.យ.ក រាជធានីភ្នំពេញ បានលើកឡើងនៅក្នុងសន្និសីទសារព័ត៌មានថា ស.ស.យ.ក រាជធានីភ្នំពេញ បានធ្វើជាដៃគូជាមួយនឹង NEA ចាប់តាំងពីពិព័រណ៌ការងារចាប់ផ្តើមជាលើកដំបូងមក ហើយតែងតែជួយផ្សព្វផ្សាយដើម្បីជំរុញឲ្យមានការចូលរួមកាន់តែច្រើនតាមរយៈបណ្តាញ ស.ស.យ.ក. នៅទូទាំងប្រទេសផងដែរ។

លោកចាត់ទុកពិព័រណ៍ការងារនេះ គឺជាឱកាសដ៏ល្អសម្រាប់យុវជនទៅស្វែងរកការងារ និងស្វែងយល់ពីតម្រូវការជំនាញក្នុងទីផ្សារការងារ ហើយលោកក៏បានអំពាវនាដល់យុវជនទាំងអស់ ឲ្យរៀបចំ CV ឲ្យបានច្រើនដើម្បីដាក់ពាក្យ និងសម្ភាសការងារភ្លាមៗនៅក្នុងពិព័រណ៍រយៈពេល ២ថ្ងៃ នេះផងដែរ។

លោក លី តិកហេង តំណាងសមាគម TAFTAC បានសង្កត់ធ្ងន់លើសារៈសំខាន់នៃផលិតភាពការងារនៅក្នុងទីផ្សារការងារនាពេលបច្ចុប្បន្នផងដែរ ដោយលោកបញ្ជាក់ថា ការរៀបចំពិព័រណ៍ការងារនិងផលិតភាពជាតិនេះ គឺមិនអាចមិនគិតពីប្រធានបទផលិតភាពការងារបានទេ ព្រោះក្រុមហ៊ុន រោងចក្រ សហគ្រាសដែលជ្រើសរើសបុគ្គលិកមកធ្វើការ គឺតែងតែយកចិត្តទុកដាក់លើផលិតភាពការងាររបស់បុគ្គលិកខ្លួន។

លោកបន្តថា ពិព័រណ៍ការងារ នឹងមានការរៀបចំជាសិក្ខាសាលាផលិតភាពដែលនឹងផ្តោតលើប្រធានបទ «វិថីឆ្ពោះទៅរកផលិតភាព៖ ផ្សារភ្ជាប់ជំនាញ បច្ចេកវិទ្យា និងឱកាសការងារ»ដែលនឹងមានការចូលរួមចែករំលែកចំណេះដឹង និងបទពិសោធន៍ជុំវិញប្រធានបទផលិតភាពពីសំណាក់វាគ្មិនជំនាញជាច្រើនរូបផងដែរ។

តំណាងក្រុមហ៊ុន ដែលនឹងចូលរួមក្នុងពិព័រណ៍ការងារ និងផលិតភាពជាតិ បានអំពាវនាវទៅកាន់យុវជន សិស្ស/និសិ្សត និងអ្នកស្វែងរកការរងារ  កុំភ្លេចចូលរួមឱ្យបានកុះករ និងត្រៀម CV ឱ្យបានច្រើន ដើម្បីចូលរួមដាក់ពាក្យ និងសម្ភាសការងារភ្លាមៗជាមួយតំណាងក្រុមហ៊ុនធំៗជាច្រើន និងអាចចូលរួមក្នុងសិក្ខាសាលាអំពីការលើកកម្ពស់ផលិតភាពដែលមានការចែករំលែកចំណេះដឹង និងបទពិសោធន៍ល្អៗពីសំណាក់វាគ្មិនជំនាញជាច្រើនផងដែរ។

គួរបញ្ជាក់ផងដែរថា ពិព័រណ៍ការងារ និងផលិតភាពជាតិ ឆ្នាំ២០២៥ ក៏នឹងត្រូវរៀបចំតាមប្រព័ន្ធអនឡាញផងដែរ ដែលអ្នកស្វែងរកការងារធ្វើនៅទូទាំងប្រទេស អាចដាក់ពាក្យស្វែងរកការងារធ្វើតាមប្រព័ន្ធអនឡាញបានតាមរយៈ គេហទំព័រពិព័រណ៌ការងារ https://careerfair.nea.gov.kh/ សម្រាប់ព័ត៌មានបន្ថែម សូមទាក់ទងតាមរយៈលេខទូរសព្ទ ០១៧ ៤៦៧ ៤២៣ ឬ លេខ Hotline របស់ក្រសួងការងារ ១២៩៧ ឬ ១២៨៦៕

The post ឱកាសការងារ៣ម៉ឺនកន្លែងកំពុងរងចាំអ្នកស្វែងរកការងារធ្វើ នៅពិពរណ៍ការងារ និងផលិតភាពជាតិ រៀបចំឡើងដើមខែក្រោយ appeared first on Kampuchea Thmey Daily.

កម្មវិធី​ពិព័រណ៍​ការងារ និង​ផលិតភាព​ជាតិ ឆ្នាំ ២០២៥ នឹង​ប្រារព្ធ​ឡើង​រយៈពេល ២ ថ្ងៃ ចាប់ពី​ថ្ងៃ​ទី ១-២ ខែ​វិច្ឆិកា ឆ្នាំ ២០២៥ នៅ​សាល​ពាណិជ្ជកម្ម និង​ពិព័រណ៍​កោះពេជ្រ រាជធានី​ភ្នំពេញ។ ពិព័រណ៍​ការងារ និង​ផលិតភាព​ជាតិ ឆ្នាំនេះ នឹង​ប្រារព្ធ​ឡើង​ក្រោម​ប្រធានបទ «វិថី​ឆ្ពោះ​ទៅ​រក​ផលិតភាព ៖ ផ្សារ​ភ្ជាប់​ជំនាញ បច្ចេកវិទ្យា និង​ឱកាស​ការងារ​»។

ពិព័រណ៍​ការងារ និង​ផលិតភាព​ជាតិ ឆ្នាំ ២០២៥ ត្រូវ​បាន​សហការ​រៀបចំ​ឡើង​ដោយ​ទីភ្នាក់ងារ​ជាតិ​មុខរបរ និង​ការងារ នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ សហភាព​សហព័ន្ធ​យុវជន​កម្ពុជា​រាជធានី​ភ្នំពេញ សមាគម​វាយនភណ្ឌ សម្លៀកបំពាក់ ស្បែកជើង និង​ផលិតផល​ធ្វើដំណើរ​នៅ​កម្ពុជា និង​ទទួល​បាន​ការ​គាំទ្រ​ដោយ​អង្គការ​អន្តរជាតិ​ខាង​ការងារ (ILO) ទីភ្នាក់ងារ​សហប្រតិបត្តិការ​អន្តរជាតិ​កូរ៉េ (KOICA) មូលនិធិ​អភិវឌ្ឍន៍​ជំនាញ សមាគម​សហគ្រិន​វ័យក្មេង​កម្ពុជា និង​វេស​ឡាញ អេ​ឌ្យូ​ខេ​សិន គ្រុប និង​ដៃគូ​ពាក់ព័ន្ធ​ជាច្រើន​ទៀត។

គោលបំណង​សំខាន់ៗ នៃ​ការ​រៀបចំ​ពិព័រណ៍​ការងារ​នា​ពេល​នេះ​រួមមាន ៖ បង្កើត​ជា​វេទិកា​ជំនួប​ដ៏​ធំ​រវាង​អ្នក​ស្វែងរក​ការងារ និយោជក និង​អ្នក​ផ្តល់​ការ​អប់រំ​បណ្ដុះបណ្ដាល ដើម្បី​ដាក់ពាក្យ​ស្វែងរក​ការងារ ជ្រើសរើស​បុគ្គលិក ផ្សព្វផ្សាយ​ព័ត៌មាន​ឱកាស​ការងារ វគ្គ​អប់រំ​បណ្ដុះបណ្ដាល និង​ប្រឹក្សា​យោបល់​អាជីព ការងារ និង​វិជ្ជាជីវៈ។ បង្កើន​ការ​យល់ដឹង បណ្ដុះ​ផ្នត់គំនិត និង​ផ្សព្វផ្សាយ​ពី​ការ​បង្កើន​ផលិតភាព​ការងារ ក្នុង​ន័យ​ជំរុញ​ឲ្យ​អ្នក​ចូលរួម​មើល​ឃើញ​ខ្លួនឯង​ជា​ផ្នែក​មួយ​ដ៏​សំខាន់ នៃ​កម្លាំង​ពលកម្ម​ដែល​កំពុង​ជំរុញ​ផលិតភាព និង​កំណើន​សេដ្ឋកិច្ច​របស់​កម្ពុជា តាមរយៈ​កិច្ចពិភាក្សា​ស្ដីពី​ការ​ចែករំលែក​បទ​ពិសោធ​ដោយ​វាគ្មិន​មាន​បទ​ពិសោធ​ក្នុង​វិស័យ​ការងារ និង​បច្ចេកវិទ្យា។ បង្កើត​ជា​វេទិកា​ត​ភ្ជាប់​បណ្ដាញ​ទំនាក់ទំនង​ក្នុង​ចំណោម ក្រសួង ស្ថាប័ន និង​ក្រុមហ៊ុន​ដែល​ចូលរួម ពិព័រណ៍​ការងារ និង​ផលិតភាព​ជាតិ។

ជាមួយ​គ្នា​នេះ ពិព័រណ៍​ការងារ​ថ្នាក់​ជាតិ ឆ្នាំនេះ ក៏​នឹង​រួមបញ្ចូល​នូវ​កិច្ចពិភាក្សា និង​ការ​ប្រកួតប្រជែង​និយាយ​ជា​សាធារណៈ ដែល​ត្រូវ​បាន​រៀបចំ​ឡើង​យ៉ាង​ពិសេស ដើម្បី​ឆ្លុះបញ្ចាំង​ពី​ប្រធានបទ «​វិថី​ឆ្ពោះ​ទៅ​រក​ផលិតភាព ៖ ផ្សារភ្ជាប់​ជំនាញ បច្ចេកវិទ្យា និង​ឱកាស​ការងារ​» បំផុស​គំនិត​ទាក់ទង​នឹង​ផលិតភាព​ការងារ តាមរយៈ​ការ​ចែករំលែក​ចំណេះដឹង បទ​ពិសោធ​ល្អៗ និង​គន្លឹះ​សំខាន់ៗ ពី​សំណាក់​វាគ្មិន​ជំនាញៗ មាន​បទ​ពិសោធ​យូរ​ឆ្នាំ​នៅ​ក្នុង​វិស័យ​ការងារ។

យុវជន សិស្ស​/​និស្សិត និង​អ្នក​ស្វែងរក​ការងារ កុំ​ភ្លេច​ត្រៀម CV ឲ្យ​បាន​ច្រើន ដើម្បី​ចូលរួម​ដាក់​ពាក្យ និង​សម្ភាស​ការងារ​ភ្លាមៗ ជាមួយ​តំណាង​ក្រុមហ៊ុន​ធំៗ ជាច្រើន និង​អាច​ចូលរួម​ក្នុង​សិក្ខា​សាលា​ផលិតភាព​ដែល​មាន​ការ​ចែករំលែក​ចំណេះដឹង និង​បទពិសោធ​ល្អៗ ពី​សំណាក់​វាគ្មិន​ជំនាញ​ជាច្រើន​ផង​ដែរ។ ព័ត៌មាន​បន្ថែម សូម​ទាក់ទង​មក Call Center ១២៩៧ ឬ ០១៧ ៤៦៧ ៤២៣ / ០១៧ ៨៧១ ៨០៧៕

The post ដើមខែក្រោយ ក្រុមហ៊ុនធំៗ ចំនួន ១៥០ នឹងផ្ដល់ឱកាសការងារជាង ៣ ម៉ឺនកន្លែង សម្រាប់យុវជន ក្នុងពិព័រណ៍ការងារនៅកោះពេជ្រ appeared first on Kampuchea Thmey Daily.