ព្រះភិក្ខុវជិរប្បញ្ញោ គូ សុភាព សរសេរលើបណ្ដាញសង្គមហ្វេសប៊ុកផ្លូវការដូច្នេះ៖« អាត្មាសូមចម្រើនពរ សុំបិណ្ឌបាតសម្ដេចតេជោ សម្ដេចបវរធិបតី មេត្តាពិចារណារៀបចំតម្កល់ព្រះពុទ្ធរូប ១អង្គ នៅក្នុងព្រលានយន្ដហោះថ្មី ដើម្បីជាសិរីសួស្ដី និងសក្ដិសមជាប្រទេសដែលយកព្រះពុទ្ធសាសនាជាសាសនារបស់រដ្ឋ »។

តាមសេចក្ដីរាយការណ៍បានឱ្យដឹងថា អាកាសយានដ្ឋានអន្តរជាតិតេជោ នឹងដាក់នូវរូបចម្លាក់មួយចំនួនង្កប់ដោយ«រចនាបទខ្មែរ» ដូចជារូបចម្លាក់អប្សរា និងព្រហ្មមុខបួនជាដើម។

អាកាសយានដ្ឋានអន្តរជាតិតេជោ សាងសង់លើផ្ទៃដីសរុប២,៦០០ហិកតា ស្ថិតនៅភាគខាងត្បូងរាជធានី មានចម្ងាយ១៩គីឡូម៉ែត្រ។ អាកាសយានដ្ឋាននេះ  ត្រូវបានចាត់ថ្នាក់ ជាអាកាសយានដ្ឋាន 4F  ដែលមានសមត្ថភាពទទួលការហោះហើរពីឆ្ងាយឆ្លងទ្វីប អនុញ្ញាតប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបានដោយសុវត្ថិភាព។

គួរឱ្យដឹងដែរថា ជុំវិញការដាក់រូបសំណាកនៅអាកាសយានដ្ឋាននេះ នៅអាកាសយានដ្ឋានអន្តរជាតិសៀមរាប អង្គរ បានដាក់តម្កល់នូវរូបសំណាកព្រហ្មមុខ៤ ពណ៌មាសឆ្អិនឆ្អៅ កម្ពស់ ៧ម៉ែត្រ និងទម្ងន់ ៦តោន ដែលសាងសង់តាមរចនាបថខ្មែរបុរាណ។

គួរឱ្យបន្តិចថា សម្រាប់អាកាសយានដ្ឋានអន្តរជាតិតេជោ, លោក​ឧកញ៉ា ឆារស៍ វ៉ាន់ នាយកគ្រប់គ្រង​នៃក្រុមហ៊ុន ខេមបូឌា អ៊ែរផត អ៊ិនវេសមិន (CAIC) បានបង្ហើបពីផែនការ​ក្នុង​ការ​នាំ​​យក​គំរូ​ភូមិ​វប្បធម៌​នៅ​ខេត្ត​សៀមរាប មក​រៀបចំ​នៅ​ក្នុង​អាកាសយានដ្ឋានលំដាប់​អន្តរជាតិ​មួយនេះ។  តាមលោក​ឧកញ៉ា ឆារស៍ វ៉ាន់  ការនាំយក​​គំរូ​ភូមិ​វប្បធម៌នៅ​ខេត្ត​សៀមរាប​មក​រៀបចំ​​នៅ​ទីតាំង​អាកាសយានដ្ឋាន​អន្តរជាតិ​តេជោ គឺ​ក្នុង​គោលដៅ​ដើម្បី​ចូលរួម​ផ្សព្វផ្សាយ​ និង​លើក​តម្លៃ​នៃ​វប្បធម៌​ដែល​ជា​អត្តសញ្ញាណ​ជាតិ៕

ដោយ៖ ង៉ិល ណារ៉ាត់

The post ព្រះតេជគុណ គូ សុភាព បិណ្ឌបាតរៀបចំតម្កល់ព្រះពុទ្ធរូបនៅអាកាសយានដ្ឋានថ្មី ដើម្បីសិរីសួស្ដី និងឱ្យសមជាប្រទេសកាន់ព្រះពុទ្ធសាសនា appeared first on Kampuchea Thmey Daily.

ក្រោយទទួលបានពាក្យបណ្ដឹងពីព្រះចៅអធិការវត្ត លោកវារៈសេនីយ៍ឯក ជីម អេន អធិការនគរបាលស្រុកសៀមប៉ាង បានបញ្ជាក់ថាសមត្ថកិច្ចកំពុងបើកការស៊ើបអង្កេត ស្រាវជ្រាវ ។

លោកបន្តថា តាមព្រះចៅអធិការវត្ត បានថេរដីកាប្រាប់សមត្ថកិច្ចថា កាលពីថ្ងៃទី ២០ ខែវិច្ឆិកា ឆ្នាំ ២០២៤ ព្រះអង្គបាននិមន្តចូលថ្វាយបង្គំព្រះនៅក្នុងព្រះវិហារ  ព្រះពុទ្ធរូបទាំង៥ព្រះអង្គមិនទាន់បាត់ឡើយ  ប៉ុន្តែក្រោយពេលព្រះអង្គបាននិមន្តទៅរាជធានីភ្នំពេញ ហើយត្រឡប់មកដល់វត្តវិញនៅថ្ងៃទី២៧ ខែវិច្ឆិកាឆ្នាំ ២០២៤ ព្រះអង្គក៏បានចូលទៅព្រះវិហារថ្វាយបង្គំព្រះម្ដងទៀត ទើបដឹងថាបាត់ព្រះពុទ្ធរូបចំនួន ០៥អង្គ។ ព្រះចៅអធិការ បានមានថេរដីការប្រាប់សមត្ថកិច្ចថា ព្រះវិហារកន្លែងរក្សាព្រះពុទ្ធរូបដែលបាត់ទាំង០៥ព្រះអង្គ ពុំបានចាក់សោរនោះទេ។ មិនចាក់សោរ ដោយសារតែក្នុងវត្តមានព្រះសង្ឃគង់នៅចំនួន១៦អង្គនៅចាំវត្ត ។

លោកបន្តថា  កម្លាំងជំនាញ និងប៉ុស្តិ៍នគរបាលរដ្ឋបាលកំពុងស្រាវជ្រាវ ស៊ើបអង្កេត និងស្វែងរកអ្នកពាក់ព័ន្ធដើម្បីចាត់ការតាមនីតិវិធី ។

ប្រធានមន្ទីរវប្បធ៌មនិងវិចិត្តសិល្បៈខេត្ត លោកស្រី ញោច សារឿន  បានឱ្យដឹងថា លោកស្រីមិនបានដឹងថា ព្រះពុទ្ធរូបនេះដែលបាត់ទៅជាវត្ថុបុរាណ ឬផលិតឡើងពីវត្ថុធាតុអ្វីឱ្យពិតប្រាកដឡើយ។ លោកស្រីយល់ថា ព្រះពុទ្ធរូបនេះ អាចជារបស់មានតម្លៃទើបបានជាក្រុមចោរលួចយកទៅ។ លោកស្រីឱ្យដឹងទៀតថា ព្រះពុទ្ធរូបទាំង០៥ ព្រះអង្គនេះ ព្រះសង្ឃមិនទាន់បានឱ្យមន្ត្រីជំនាញចុះបញ្ជីការតាមនីតិវិធីឡើយ ហេតុដូច្នេះចំពោះការស្វែងរកព្រះពុទ្ធរូបទាំង០៥ព្រះអង្គយកមកវិញ អាចនឹងជួបបញ្ហាពិបាកក្នុងការស្រាវជ្រាវ។

គួរឱ្យដឹងថា ក្នុងខេត្តស្ទឹងត្រែងនារយៈពេលប៉ុន្មានឆ្នាំចុងក្រោយនេះ កើតមានករណីបាត់ព្រះពុទ្ធរូបនេះចំនួន៣លើកមកហើយ ក្នុងនោះលើកទី១កើតឡើងនៅក្នុងវត្តលើ  លើកទី២ កើតឡើងចំពោះវត្តហាងខូសួន  ក្នុងក្រុងស្ទឹងត្រែង ហើយលើកទី៣នេះនៅវត្តទួលរលួស (ហៅវត្តផាបាំង) នៅស្រុកសៀមប៉ាង។ ចំពោះការបាត់ព្រះពុទ្ធរូបចំនួន០៣លើកនេះ ប្រជាពុទ្ធរិស័ទ ក៏បានស្នើឱ្យសមត្ថកិច្ចបង្កើនការស្រាវជ្រាវផងដែរ៕

អត្ថបទ៖ ហុង វិនជូ

The post ព្រះពុទ្ធរូប០៥អង្គ ក្នុងវត្តទួលរលួស ស្រុកសៀមប៉ាង ខេត្តស្ទឹងត្រែង ត្រូវជនមិនស្គាល់មុខលួចបាត់ស្រមោល appeared first on Kampuchea Thmey Daily.

ជាមួយគ្នានោះ មុនតម្កល់ព្រះពុទ្ធរូបក្នុងគេហដ្ឋាន អ្នកគួរស្វែងយល់ក្បួនតម្រាមួយចំនួន ដើម្បីនាំភាពសុខសប្បាយដល់គ្រួសារទាំងមូល។

ការរៀបចំអាសនៈ

អាសនៈតម្កល់ព្រះពុទ្ធរូប គួរជាទីខ្ពស់ផុតពីដី ​ឬឥដ្ឋ ត្បិតការតម្កល់វត្ថុស័ក្តិសិទ្ធិនៅទីទាប ពុំនាំសិរីសួស្ដីឡើយ។ គេជឿថា ការតម្កល់​វត្ថុ​ស័ក្តិសិទ្ធិ​នៅទីខ្ពស់ ប្រៀបដូចជាការហៅ​លុយ​ចូល​ផ្ទះ​មិន​ដាច់​ ហើយជោគជ័យនឹងមិនរត់ទៅណាពីម្ចាស់ផ្ទះ។ ម្យ៉ាងវិញទៀត អាសនៈត្រូវតែស្អាតជានិច្ច ​ទើបនាំសិរីសួស្ដីដល់គេហដ្ឋាន។

ទិសដៅតម្កល់ព្រះពុទ្ធរូប

ទិស​ខាងជើង​នាំ​ឱ្យ​ជោគជ័យ​ក្នុង​ការងារ​រកស៊ី​។ ទិស​ខាង​កើត​ធ្វើ​ឲ្យ​ជីវិត​រីក​ចម្រើន​គ្រប់​ផ្នែក។ ​​ទិស​ខាង​ត្បូង ជីវិតនឹងមានស្ថេរភាព។ ទិសខាងលិចនាំឱ្យជួបប្រទះឧបសគ្គច្រើន។ ភាគឦសាន ជាទិសដៅនៃវឌ្ឍនភាព នឹងមានសំណាងផ្នែកទ្រព្យសម្បត្តិ។ ភាគអាគ្នេយ៍ ជាទិសដៅនាំសុភមង្គល។ ភាគនិរតី ជាទិសដៅដែលមិនគួរតម្កល់ព្រះពុទ្ធរូប ព្រោះអាចនាំ​ភាព​នឿយហត់ ​មាន​តែ​ឧបសគ្គមិនឈប់។ ភាគពាយ័ព្យ នាំសុខុមាលភាពដល់គ្រួសារ។

ត្រណម

ហាមដាច់ខាតដាក់តម្កល់ព្រះពុទ្ធរូបនៅជ្រុងផ្ទះ ទល់មុខទ្វារចូល ជាប់នឹងជញ្ជាំងបន្ទប់ទឹក នៅក្រោមជណ្តើរ និងនៅក្នុងបន្ទប់ដាក់អីវ៉ាន់។ កាលណាតម្កល់ព្រះពុទ្ធរូបនៅទីតាំងទាំងនេះ មិនខុសអីពីការប្រមាថដល់វត្ថុស័ក្តិសិទ្ធិឡើយ ហើយវាអាចនាំអពមង្គលដល់គេហដ្ឋាន៕

អត្ថបទ៖ សន្យា

ចុចអាន៖ ​ក្បួនតម្កល់វត្ថុស័ក្តិសិទ្ធិក្នុងគេហដ្ឋាន ពោរពេញដោយសិរីសួស្ដី

ចុចអាន៖ វត្ថុស័ក្ដិសិទ្ធិ ៣ យ៉ាង ជួយបញ្ចៀសអំពើអាក្រក់គ្រប់ច្រកល្ហក

The post មុនតម្កល់ព្រះពុទ្ធរូប ត្រូវដឹងក្បួន ៣យ៉ាង ទើបអាចនាំសុភមង្គលចូលផ្ទះ appeared first on Kampuchea Thmey Daily.