ម៉ាឡេស៊ី Archives - Kampuchea Thmey Daily

ហេតុអ្វី ន័រវេសលុបកិច្ចសន្យាលក់មីស៊ីលឲ្យម៉ាឡេស៊ីក្នុងតម្លៃរាប់លានដុល្លារ ? តើមីស៊ីលនោះមានអានុភាពកម្រិតណា?

Minea Neu — Mon, 01 Jun 2026 08:12:54 +0000

ប្រទេសន័រវេសដែលមានកិត្តិស័ព្ទល្បីល្បាញខាងប្រគល់ពានរង្វាន់ណូបែលសន្តិភាព (Peace Prize) ដល់បុគ្គលឆ្នើមប្រចាំឆ្នាំនៅជុំវិញពីភពលោក ប៉ុន្តែប្រទេសនេះក៏មានឧត្តមភាពក្នុងការផលិតអាវុធ មីស៊ីល ទៅឲ្យប្រទេសផ្សេងៗដែរ។

រឿងរ៉ាវផ្ទុះកក្រើកល្បីល្បាញចុងក្រោយ ដោយសារតែជម្លោះជាមួយម៉ាឡេស៊ី នៅពេលដែលរដ្ឋមន្ត្រីការពារជាតិម៉ាឡេស៊ី Mohamed Khaled Nordin បានទម្លាយឲ្យដឹងអំពីភាគីដៃគូប្រទេសន័រវេស ដែលលុបចោលអាជ្ញាប័ណ្ណនាំចេញមីស៊ីលនៃក្រុមហ៊ុនការពារជាតិ Kongsberg Defence & Aerospace (KDA) ផ្គត់ផ្គង់មីស៊ីលវាយប្រហាររបស់កងទ័ពជើងទឹកទៅកាន់ប្រទេសម៉ាឡេស៊ី នៅអំឡុងកិច្ចប្រជុំសន្តិសុខនៅប្រទេសសិង្ហបុរីពីថ្ងៃទី២៩ដល់៣១ខែឧសភា។

យ៉ាងណាក៏ដោយ ការលុបចោលកុងត្រារបស់ភាគីន័រវេស កើតឡើងដោយសារតែពាក់ព័ន្ធនឹងគោលនយោបាយសន្តិសុខដ៏តឹងរ៉ឹងរបស់ន័រវេសផ្សាភ្ជាប់ជាមួយបច្ចេកវិទ្យាយោធាដ៏រសើប បង្កឱ្យមានការប៉ះទង្គិចគ្នាខាងការទូតយ៉ាងធ្ងន់ធ្ងរ ព្រោះម៉ាឡេស៊ីទាមទារសំណងជាង ២៥១លានដុល្លារសម្រាប់កិច្ចសន្យាដែលត្រូវបានលុបចោល ពីការលើការប្រគល់ប្រាក់១៤៧លានដុល្លាររបស់ម៉ាឡេស៊ីទៅឲ្យន័រវេស។

មីស៊ីលរបស់ប្រទេសន័រវេស។ រូបភាព៖ Reuters

យោងតាមភ្នាក់ងារសារព័ត៌មាន AFP ផ្សាយចុងខែឧសភា ឆ្នាំ២០២៦ ក្នុងនោះមាន មីស៊ីលវាយប្រហាររបស់កងទ័ពជើងទឹក (NSM) គឺជាមីស៊ីលប្រឆាំងនាវានិងមីស៊ីលវាយប្រហារលើដីជំនាន់ទី៥ ដ៏ទំនើបផងដែរ។ វាមានល្បឿនលឿនក្រោមសំឡេង រចនាបែបលាក់បាំង មានចម្ងាយរបស់វាលើសពី ៣០០គីឡូម៉ែត្រ។ មីស៊ីលប្រភេទនេះ ត្រូវបានរចនាឡើងជាពិសេសសម្រាប់ការរួមបញ្ចូលទៅក្នុងកងនាវាចរទំនើបៗ ដើម្បីគេចពីប្រព័ន្ធការពារដែនអាកាសទំនើប។

+ ហេតុអ្វីបានជាប្រទេសន័រវេសលុបចោលកិច្ចសន្យា ជាមួយម៉ាឡេស៊ី?

មានហេតុផលបីសំខាន់ៗ ដែលធ្វើឱ្យន័រវេសលុបកិច្ចសន្យារាប់លានដុល្លារ ដែលធ្វើឲ្យម៉ាឡេស៊ីខឹងយ៉ាងខ្លាំង និងបានចោទប្រកាន់ភាគីន័រវេសដែលធ្វើឲ្យចំណងមិត្តភាពនៃប្រទេសទាំងពីរបែកបាក់ និង មិនអាចប៉ះប៉ូវឲ្យបានដូចដើមវិញនោះទេ។

ហេតុផលទី១. បរិបទសន្តិសុខថ្មី៖ ក្រសួងការបរទេសន័រវេសបានបញ្ជាក់ថា ការគ្រប់គ្រងការនាំចេញលើបច្ចេកវិទ្យាការពារជាតិក្នុងស្រុកត្រូវរឹតបន្តឹងយ៉ាងខ្លាំង

ហេតុផលទី២. ការរឹតបន្តឹងរបស់អង្គការណាតូ និងសម្ព័ន្ធមិត្ត៖ ក្រោមច្បាប់របស់ប្រទេសន័រវេសដែលបានកែសម្រួល ការនាំចេញអាវុធរសើបបច្ចុប្បន្នត្រូវបានកំណត់ទាំងស្រុង សម្រាប់តែសមាជិកអង្គការណាតូ និងសម្ព័ន្ធមិត្តជិតស្និទ្ធបំផុតរបស់ប្រទេសនេះប៉ុណ្ណោះ។

ហេតុផលទី៣. ការរឹតបន្តឹងលើសមាសធាតុ៖ របាយការណ៍ឧស្សាហកម្មក៏ចង្អុលបង្ហាញពីផលវិបាកដែលអាចកើតមានទាក់ទងនឹងសមាសធាតុរបស់សហរដ្ឋអាមេរិកក្នុងមីស៊ីល (ដូចជាឧបករណ៍បង្វិល) ប្រឈមនឹងការរឹតបន្តឹងលើការនាំចេញរបស់ភាគីទីបីយ៉ាងតឹងរ៉ឹង។ ក្រុមហ៊ុនផលិតអាវុធ Kongsberg Defence & Aerospace គឺជាបុត្រសម្ព័ន្ធដ៏សំខាន់មួយរបស់ក្រុមហ៊ុន Kongsberg Group មានឫសគល់ជាមួយឃ្លាំងអាវុធកងទ័ពជើងទឹករាជវង្សន័រវេស ត្រូវបានបង្កើតឡើងក្នុងឆ្នាំ ១៨១៤។

សព្វថ្ងៃនេះ វាគឺជាក្រុមហ៊ុនម៉ៅការការពារជាតិលំដាប់កំពូលរបស់ប្រទេសន័រវេស ទទួលស្គាល់ជាសកលលើប្រព័ន្ធមីស៊ីលដីទៅអាកាសកម្រិតខ្ពស់ជាតិ(NSM, NASAMS) និងស្ថានីយ៍អាវុធពីចម្ងាយប្រើប្រាស់ដោយយោធាទូទាំងពិភពលោក។ អ្វីដែលក្រុមហ៊ុន KDA ផលិតសព្វថ្ងៃ គឺផ្តោតលើ ប្រព័ន្ធមីស៊ីល ប្រព័ន្ធការពារដែនអាកាស និងស្ថានីយ៍អាវុធពីចម្ងាយ ដោយរួមបញ្ចូលបំរែបំរួលបាញ់បង្ហោះ ការណែនាំ និងប៉មបាញ់ជាក់លាក់រាប់សិប៕

សម្រួល៖ ណឺ មិនា

The post ហេតុអ្វី ន័រវេសលុបកិច្ចសន្យាលក់មីស៊ីលឲ្យម៉ាឡេស៊ីក្នុងតម្លៃរាប់លានដុល្លារ ? តើមីស៊ីលនោះមានអានុភាពកម្រិតណា? appeared first on Kampuchea Thmey Daily.

ន័រវេសសុំទោស ប៉ុន្តែ ម៉ាឡេស៊ី ខ្វះទំនុកចិត្តស្តារទំនាក់ទំនងឡើងវិញ និងទាមទារលុយមកវិញ

Rann Reuy — Sun, 31 May 2026 09:16:15 +0000

ទំនាក់ទំនងម៉ាឡេស៊ី និងប្រទេសន័រវេស បានជួបភាពល្អក់កករយ៉ាងខ្លាំង បន្ទាប់ពីរដ្ឋមន្ត្រីការពារជាតិម៉ាឡេស៊ី បានបរិហាររិះគន់ខ្លាំងៗចំពោះប្រទេសន័រវេសដែលលុបចោលជាឯកតោភាគី នូវកិច្ចសន្យាទិញមីស៊ីនិងប្រព័ន្ធបាញ់មីស៊ីល ដែលបានចុះហត្ថេលខាកាលពីឆ្នាំ២០១៨ ព្រមទាំងបានទាមទារឲ្យរដ្ឋាភិបាលអន្តរាគមន៍សងលុយវិញ។

លោក Tore O. Sandvik រដ្ឋមន្ត្រីការពារជាតិន័រវេស លោក Mohamed Khaled Nordin រដ្ឋមន្ត្រីក្រសួងការពារជាតិម៉ាឡេស៊ី។ NST

យោងការផ្សាយរបស់សារព័ត៌មាន The Star ដែលមានមានមូលដ្ឋាននៅម៉ាឡេស៊ី រដ្ឋមន្ត្រីការពារជាតិម៉ាឡេស៊ី Mohamed Khaled Nordin បានប្រាប់អ្នកយកព័ត៌មានថា ការសុំទោសរបស់ប្រទេសន័រវេសចំពោះការសម្រេចចិត្តឯកតោភាគីរបស់ខ្លួនក្នុងការលុបចោលអាជ្ញាប័ណ្ណនាំចេញសម្រាប់ប្រព័ន្ធមីស៊ីលវាយប្រហារកងទ័ពជើងទឹក (NSM) បានលើកឡើងនូវសំណួរជាច្រើនទៀតសម្រាប់ប្រទេសម៉ាឡេស៊ី។

ក្រោយជំនួបទ្វេភាគគី ជាមួយសមភាគី លោក Tore O. Sandvik រដ្ឋមន្ត្រីការពារជាតិន័រវេស លោក Mohamed Khaled Nordin រដ្ឋមន្ត្រីក្រសួងការពារជាតិម៉ាឡេស៊ី បាននិយាយថា សមភាគីន័រវេសរបស់លោក «បានសុំទោស» និងពន្យល់ពីការលុបចោលនេះ ប៉ុន្តែប្រទេសម៉ាឡេស៊ីនៅតែមានការសង្ស័យ។

លោក បានប្រាប់អ្នកយកព័ត៌មាននៅខាងក្រៅកិច្ចប្រជុំ Shangri-La Dialogue នៅប្រទេសសិង្ហបុរីកាលពីថ្ងៃអាទិត្យ (ថ្ងៃទី ៣១ ខែឧសភា) ថា៖ «យើងនៅតែឆ្ងល់ថាតើហេតុផលដែលបានផ្តល់ឱ្យគឺផ្អែកលើការពិត ឬគ្រាន់តែជាលេសដើម្បីបង្ហាញអំពីភាពត្រឹមត្រូវនៃការលុបចោលនេះ»។

យោងការចេញផ្សាយរបស់សារព័ត៌មានម៉ាឡេស៊ីនេះ ដោយបង្ហាញពីការព្រួយបារម្ភរបស់ប្រទេសម៉ាឡេស៊ីក្នុងអំឡុងពេលកិច្ចប្រជុំទ្វេភាគី លោក Mohamed Khaled បាននិយាយថា ការផ្លាស់ប្តូរភ្លាមៗនេះបានបំផ្លាញទំនាក់ទំនងយូរអង្វែង និងមិនស៊ីគ្នាជាមួយនឹងការប្រព្រឹត្តដែលរំពឹងទុករបស់ប្រទេសជាមិត្ត។

លោកបានចង្អុលបង្ហាញថា កិច្ចសន្យាសម្រាប់ប្រព័ន្ធមីស៊ីលត្រូវបានចុះហត្ថលេខានៅឆ្នាំ ២០១៨ សម្រាប់ការដឹកជញ្ជូនដែលបានកំណត់ពេលនៅឆ្នាំ ២០២៦ ប៉ុន្តែប្រទេសម៉ាឡេស៊ីទើបតែត្រូវបានជូនដំណឹងអំពីការលុបចោលនៅក្នុងខែកុម្ភៈឆ្នាំនេះ បន្ទាប់ពីរយៈពេលដ៏យូរនៃភាពមិនប្រាកដប្រជា។

លោក អះអាងថា៖ «អ្វីដែលគួរឲ្យខកចិត្តជាពិសេសនោះគឺថា មិនមានការខិតខំប្រឹងប្រែងណាមួយពីសំណាក់រដ្ឋាភិបាលន័រវេស ដើម្បីជួយប្រទេសម៉ាឡេស៊ីក្នុងការទាមទារយកប្រាក់ដែលបានបង់រួចហើយទៅឲ្យក្រុមហ៊ុនន័រវេសដែលពាក់ព័ន្ធនោះទេ» ដោយកត់សម្គាល់ថាស្ថានភាពនេះកើតឡើងទាំងស្រុងពីការផ្លាស់ប្តូរគោលនយោបាយរបស់ទីក្រុងអូស្លូ។

យោងការផ្សាយរបស់សារព័ត៌មាន The Straits Times របស់សិង្ហបុរី ប្រទេសម៉ាឡេស៊ី បានបង់ប្រាក់ទៅឲ្យភាគីន័រវេសអស់ចំនួន ១៤៧ លានដុល្លារ ដែលជិត៩៥ភាគរយនៃតម្លៃនៅក្នុងកិច្ចសន្យា មុនការលុបចោលរបស់ន័រវេស។

លោក Mohamed Khaled បានសង្កត់ធ្ងន់ថា ប្រទេសន័រវេសអាចបង្ហាញពីការប្តេជ្ញាចិត្តរបស់ខ្លួនចំពោះទំនាក់ទំនងទ្វេភាគី ដោយចាត់វិធានការជាក់ស្តែង ដើម្បីធានាថា ប្រទេសម៉ាឡេស៊ីទទួលបានប្រាក់សងវិញពេញលេញ ឬមួយផ្នែក ឬដោយទទួលខុសត្រូវចំពោះការទាមទារយកប្រាក់ដោយផ្ទាល់ពីក្រុមហ៊ុនផលិតនោះមកវិញ៕

ប្រែសម្រួល រើយ

The post ន័រវេសសុំទោស ប៉ុន្តែ ម៉ាឡេស៊ី ខ្វះទំនុកចិត្តស្តារទំនាក់ទំនងឡើងវិញ និងទាមទារលុយមកវិញ appeared first on Kampuchea Thmey Daily.

រដ្ឋមន្ត្រីះការពារជាតិម៉ាឡេស៊ី បរិហារជាសាធារណៈ ន័រវេសដែលលុបចោលកិច្ចសន្យាលក់មីស៊ីលជាឯកតោភាគី

Rann Reuy — Sun, 31 May 2026 07:40:28 +0000

រដ្ឋមន្ត្រីក្រសួងការពារជាតិម៉ាឡេស៊ី លោក Khaled Nordin បានស្តីបន្ទោសជាសាធារណៈចំពោះប្រទេសន័រវេសចំពោះការលុបចោលកិច្ចសន្យាផ្គត់ផ្គង់ប្រព័ន្ធមីស៊ីលសម្រាប់បំពាក់ដល់កងទ័ពជើងទឹករបស់ខ្លួន ដោយនិយាយថា ទង្វើបែបនេះប្រែក្លាយទៅជាការបាត់បង់ទំនុកចិត្តលើកិច្ចព្រមព្រៀងអន្តរជាតិ និងភាពជាដៃគូយុទ្ធសាស្ត្រ។

រដ្ឋមន្ត្រីក្រសួងការពារជាតិម៉ាឡេស៊ី លោក Khaled Nordin។ ST

ថ្លែងនៅក្នុងសម័យប្រជុំពេញអង្គស្តីពីការគ្រប់គ្រងភាពតានតឹងក្នុងតំបន់ក្នុងចំណោមការប្រកួតប្រជែងសកលនៅក្នុងកិច្ចសន្ទនា Shangri-La (SLD) លើកទី ២៣ នៅប្រទេសសិង្ហបុរី ដែលគ្រោងបញ្ចប់នៅថ្ងៃទី៣១ ខែឧសភានេះ លោក Khaled បាននិយាយថា ទំនុកចិត្តលែងមានជាសកលទៀតហើយ ហើយផ្ទុយទៅវិញបានក្លាយជាលក្ខខណ្ឌ ជ្រើសរើស និងកាន់តែអន្តរកម្ម។

លោក Khaled ត្រូវបានស្រង់សម្តីដោយ The Straits Times ដូចនិយាយថា ៖« ប្រសិនបើសូម្បីតែប្រទេសមួយដែលល្បីល្បាញដោយសារការផ្តល់រង្វាន់ណូបែលសន្តិភាព អាចបោះបង់ចោលការប្តេជ្ញាចិត្តដោយគ្មានផលវិបាក នាពេលនោះ ខ្ញុំខ្លាចថា ទំនាក់ទំនងអន្តរជាតិលែងត្រូវបានគ្រប់គ្រងដោយគោលការណ៍ទៀតហើយ» ដោយសំដៅទៅលើប្រទេសន័រវេស។

រដ្ឋាភិបាលន័រវេសពីមុនត្រូវបានគេរាយការណ៍ថា បានលុបចោលអាជ្ញាប័ណ្ណនាំចេញប្រព័ន្ធមីស៊ីលវាយប្រហារកងទ័ពជើងទឹកទៅកាន់ប្រទេសម៉ាឡេស៊ី និងប្រព័ន្ធបាញ់មីស៊ីលដែលពាក់ព័ន្ធរបស់ខ្លួនដោយផ្អែកលើមូលដ្ឋានការពារសន្តិសុខរបស់ខ្លួន។

ដោយដកស្រង់សម្តីរបស់ Kongsberg Defence & Aerospace US ទីភ្នាក់ងារសារព័ត៌មានម៉ាឡេស៊ី Bernama បានរាយការណ៍ថា កិច្ចព្រមព្រៀងផ្គត់ផ្គង់ត្រូវបានចុះហត្ថលេខារវាងក្រុមហ៊ុន និងកងទ័ពជើងទឹកម៉ាឡេស៊ីក្នុងខែមេសា ឆ្នាំ ២០១៨ ដើម្បីបំពាក់នាវាប្រយុទ្ធឆ្នេរសមុទ្រថ្មីចំនួនប្រាំមួយគ្រឿង។

ប្រទេសម៉ាឡេស៊ីត្រូវបានគេរាយការណ៍ថា បានបង់ប្រាក់ចំនួន ១៤៧ លានដុល្លារអាមេរិក ឬប្រហែល ៩៥ ភាគរយនៃតម្លៃកិច្ចសន្យាទិញមីស៊ីលនោះ មុនពេលនៃការលុបចោលដែលធ្វើឡើងដោយភាគីន័រវេស។ ឥឡូវនេះប្រទេសម៉ាឡេស៊ីកំពុងស្វែងរកការចំណាយសរុបប្រហែល ២៥១ លានដុល្លារអាមេរិកទាំងដោយផ្ទាល់ និងដោយប្រយោល។

លោកបានលើកឡើងនៅក្នុងសុន្ទរកថារបស់លោកនៅថ្ងៃទី ៣១ ខែឧសភាថា «នៅពេលដែលប្រទេសកំពុងអភិវឌ្ឍន៍រំលោភលើកិច្ចព្រមព្រៀង ពួកគេប្រឈមមុខនឹងការថ្កោលទោស និងសម្ពាធ»។

លោកបានបន្ថែមថា ៖«ប៉ុន្តែនៅពេលដែលប្រទេសមហាអំណាច ឬសម្ព័ន្ធមិត្តរបស់ពួកគេធ្វើដូចគ្នា ការឆ្លើយតបអន្តរជាតិនឹងក្លាយទៅជាស្ងាត់ស្ងៀម” ដោយសំដៅទៅលើអ្វីដែលលោកចាត់ទុកថាជាភាពស្ងៀមស្ងាត់លើការសម្រេចចិត្តឯកតោភាគីរបស់ប្រទេសន័រវេស។

តាមការចេញផ្សាយរបស់ Straits Times ដោយថ្លែងទៅកាន់អ្នកយកព័ត៌មាននៅថ្ងៃទី ៣១ ខែឧសភា បន្ទាប់ពីកិច្ចប្រជុំទ្វេភាគីជាមួយសមភាគីន័រវេសរបស់លោកគឺលោក Tore O. Sandvik លោក Khaled បាននិយាយថា ប្រទេសម៉ាឡេស៊ីបានសម្តែងការខកចិត្ត និងការសោកស្តាយចំពោះបញ្ហានេះ៕

ប្រែសម្រួល រើយ

The post រដ្ឋមន្ត្រីះការពារជាតិម៉ាឡេស៊ី បរិហារជាសាធារណៈ ន័រវេសដែលលុបចោលកិច្ចសន្យាលក់មីស៊ីលជាឯកតោភាគី appeared first on Kampuchea Thmey Daily.

អ្នកនយោបាយម៉ាឡេស៊ីអន់ចិត្តនឹងសិង្ហបុរីដែលមិនចរចារជាមួយអ៊ីរ៉ង់រឿងបើកច្រក Hormuz

Minea Neu — Fri, 10 Apr 2026 14:09:00 +0000

អ្នកនយោបាយជាន់ខ្ពស់ម៉ាឡេស៊ីម្នាក់សម្តែងការសោកស្តាយ និងរិះគន់ចំពោះការបដិសេធរបស់សិង្ហបុរីក្នុងការចរចាជាមួយអ៊ីរ៉ង់ ដើម្បីឱ្យកប៉ាល់ឆ្លងកាត់តាមច្រកសមុទ្រហ័រមូស (Hormuz) ដោយសុវត្ថិភាព។ នេះបើយោងតាមសារព័ត៌មាន TOC ផ្សាយថ្ងៃទី៩ ខែមេសា ឆ្នាំ២០២៦ ។

លោកស្រី Nurul Izzah Anwar អនុប្រធានគណបក្សយុត្តិធម៌ប្រជាជន (PKR) ម៉ាឡេស៊ីនិយាយថា៖ « ជំហររបស់សង្ហិបុរីឆ្លុះបញ្ចាំងពីយុទ្ធសាស្ត្រតូចចង្អៀតដែលផ្តល់អាទិភាពដល់ការសម្របសម្រួលជាងការទទួលខុសត្រូវក្នុងតំបន់និងច្បាប់អន្តរជាតិ»។

លោកស្រី Nurul Izzah Anwar និង លោក Vivian Balakrishnan ។ រូបភាព៖ Reuters

ការលើកឡើងរបស់លោកស្រីធ្វើឡើង បន្ទាប់ពីសេចក្តីថ្លែងការណ៍របស់រដ្ឋមន្ត្រីការបរទេសសិង្ហបុរី លោក Vivian Balakrishnan និយាយថា ប្រទេសខ្លួននឹងមិនចូលរួមក្នុងការចរចាជាមួយអ៊ីរ៉ង់លើបញ្ហានេះ(ឆ្លងកាត់ច្រក Hormuz) ជាគោលការណ៍នោះទេ។

លោកស្រី Nurul Izzah អះអាងថា វិធីសាស្រ្តរបស់ប្រទេសម៉ាឡេស៊ី គឺសង្កត់ធ្ងន់ដើម្បីបន្តផ្នែកការទូត ជាពិសេសនៅក្នុងបញ្ហាដែលប៉ះពាល់ដល់ស្ថិរភាពក្នុងតំបន់និងសន្តិសុខថាមពលពិភពលោក។

លោកស្រីលើកឡើងក្នុងសេចក្តីថ្លែងការណ៍មួយថា៖ « ការគ្រប់គ្រងរបស់អ៊ីរ៉ង់លើច្រកសមុទ្រគឺជាការប៉ុនប៉ងស្វែងរកសន្តិភាពយូរអង្វែង។ ប្រទេសម៉ាឡេស៊ីប្រកាន់ខ្ជាប់ជានិច្ចនូវគោលការណ៍ផ្នែកការទូត ដែលត្រូវតែអនុវត្ត មិនមែនបោះបង់ចោលនោះទេ»។

លោកស្រីបន្ថែមថា ការចូលរួមរបស់នាយករដ្ឋមន្ត្រីម៉ាឡេស៊ី លោក Anwar Ibrahim មានឫសគល់ក្នុងការការពារស្ថិរភាពក្នុងតំបន់ សន្តិសុខថាមពល និងផលប្រយោជន៍ទូលំទូលាយរបស់អាស៊ីអាគ្នេយ៍។ លោកស្រីបន្តថា៖ « ការផ្តល់យោបល់ផ្ទុយពីនេះ សូម្បីតែប្រយោលក៏ដោយគឺជាការបដិសេធក្នុងការរក្សាសន្តិភាពនៅក្នុងតំបន់របស់យើងដែរ »។ អ្នកនយោបាយវ័យក្មេងរូបនេះសម្តែងការព្រួយបារម្ភពីផលវិបាកជាមូលដ្ឋាននៅក្នុងជំហររបស់សិង្ហបុរី។

លោកស្រីថា៖ «វាពិបាកនឹងមិនអើពើពីចំណុចដែលលើកឡើងពីជំហររបស់ លោក Balakrishnan ។ ជំហររបស់គាត់ហាក់ដូចជាមិនសូវអព្យាក្រឹតទេ ប៉ុន្តែហាក់ដូចជាឆ្លុះបញ្ចាំងពីចំណង់ចំណូលចិត្តជាយុទ្ធសាស្ត្ររបស់មហាអំណាចខាងក្រៅទៅវិញ ហើយផលប្រយោជន៍របស់ពួកគេតែងតែមិនស្របនឹងផលប្រយោជន៍ក្នុងតំបន់របស់យើងទេ»៕

បញ្ហាច្រកបើកច្រកហ័រមូសនេះ ជំហររបស់សិង្ហបុរី ដែលធ្លាប់ថ្លែងដោយ រដ្ឋមន្ត្រីការបរទេស លោក Vivian Balakrishnan គឺចង់ឲ្យរក្សានៅស្ថានភាពដើម ដោយឲ្យកប៉ាល់ប្រេងឆ្លងកាត់ដោយសុវត្ថិភាព និង មិនគិតថ្លៃ ដោយអនុលោកតាមច្បាប់សមុទ្រអន្តរជាតិ ប៉ុន្តែភាគីអ៊ីរ៉ង់បានចាប់យកច្រកនេះជាចំណាប់ខ្មាំងសម្រាប់តថ្លៃជាមួយសហរដ្ឋអាមេរិក៕

ប្រែសម្រួល៖ ណឺ មិនា

The post អ្នកនយោបាយម៉ាឡេស៊ីអន់ចិត្តនឹងសិង្ហបុរីដែលមិនចរចារជាមួយអ៊ីរ៉ង់រឿងបើកច្រក Hormuz appeared first on Kampuchea Thmey Daily.

ម៉ាឡេស៊ី បិទកម្មវិធី AI «Grok» របស់ Elon Musk ដោយសារតែបង្កប់រឿងអាសអាភាស

Rann Reuy — Sun, 11 Jan 2026 08:52:17 +0000

កម្មវិធីជជែកតាមអ៊ីនធឺណិតដោយប្រើប្រាស់បញ្ញាសិប្បនិម្មិត (AI) របស់ Grok ដែលវិនិយោគដោយមហាសេដ្ឋី Elon Musk ត្រូវបានបញ្ឈប់ (Block) ជាបណ្ដោះអាសន្ននៅក្នុងប្រទេសម៉ាឡេស៊ីចាប់ពីថ្ងៃទី ១១ខែមករានេះ ដោយលើកឡើងពីកង្វល់ដែលមានមាតិកាអាសអាភាស។

ការចេញផ្សាយរបស់សារព័ត៌មាន The Star ដែលមានមូលដ្ឋាននៅម៉ាឡេស៊ី ដោយដកស្រង់ប្រភពពី គណៈកម្មការទំនាក់ទំនង និងពហុផ្សព្វផ្សាយម៉ាឡេស៊ី (MCMC) បាននិយាយថា នេះគឺដោយសារតែការប្រើប្រាស់ខុសម្តងហើយម្តងទៀតនៃកម្មវិធីជជែកតាមអ៊ីនធឺណិត តាមទម្រង់បញ្ញាសប្បនិមិត្ត (AI) ដើម្បីបង្កើតរូបភាពអាសអាភាសច្រើនទម្រង់ ច្រើនបែប ប្រមាថមើលងាយ និងរូបភាពរៀបចំឡើងទាក់ទាញទៅរកផ្លូវភេទដោយមិនដឹងខ្លួន ទោះបីជាមានការចូលរួមពីនិយតកម្មពីមុន និងការជូនដំណឹងជាផ្លូវការដែលបានចេញទៅកាន់បណ្តាញសង្គម X និង xAI ក៏ដោយ។

រូបភាពរួមមានខ្លឹមសារមាតិកា ពាក់ព័ន្ធនឹងស្ត្រី និងអនីតិជន។ នេះបើយោងតាមការចេញផ្សាយ។

MCMC បាននិយាយនៅក្នុងសេចក្តីថ្លែងការណ៍មួយដែលចេញនៅថ្ងៃទី ១១ខែមករាថា៖«MCMC បានចេញការជូនដំណឹងទៅកាន់ X និង xAI នៅថ្ងៃទី៣និងទី៨ខែមករា ដោយទាមទារ ក្នុងចំណោមរបស់ផ្សេងទៀត ការអនុវត្តវិធានការការពារបច្ចេកទេស និងសម្របសម្រួលប្រកបដោយប្រសិទ្ធភាព ដើម្បីទប់ស្កាត់ខ្លឹមសារដែលបង្កើតដោយ AI ដែលអាចផ្ទុយនឹងច្បាប់ម៉ាឡេស៊ី រួមទាំងមាត្រា ២៣៣ នៃច្បាប់ទំនាក់ទំនង និងប្រព័ន្ធផ្សព្វផ្សាយពហុមុខងារ»។

«ទោះជាយ៉ាងណាក៏ដោយ ការឆ្លើយតបដែលបានដាក់ជូននៅថ្ងៃទី ៧និងទី ៩ខែមករា ដោយ X ពឹងផ្អែកជាចម្បងលើយន្តការរាយការណ៍ដែលផ្តួចផ្តើមដោយអ្នកប្រើប្រាស់ ហើយបានបរាជ័យក្នុងការដោះស្រាយហានិភ័យដែលមានស្រាប់ដែលបង្កឡើងដោយការរចនា និងប្រតិបត្តិការនៃឧបករណ៍ AI»។

សេចក្តីថ្លែងការណ៍នោះបានបន្ថែមថា៖«MCMC ចាត់ទុកថារឿងនេះមិនគ្រប់គ្រាន់ដើម្បីការពារគ្រោះថ្នាក់ ឬធានាការអនុលោមតាមច្បាប់ទេ»។

សេចក្តីថ្លែងការណ៍បន្តថា៖«ការរឹតបន្តឹងនេះត្រូវបានដាក់ជាវិធានការបង្ការ និងសមាមាត្រ ខណៈពេលដែលដំណើរការច្បាប់ និងបទប្បញ្ញត្តិកំពុងដំណើរការ» ដោយបន្ថែមថា ការចូលប្រើ Grok នឹងនៅតែត្រូវបានរឹតបន្តឹងរហូតដល់ការការពារប្រកបដោយប្រសិទ្ធភាពត្រូវបានអនុវត្ត ជាពិសេសដើម្បីការពារខ្លឹមសារដែលពាក់ព័ន្ធនឹងស្ត្រី និងកុមារ។

MCMC ក៏បាននិយាយផងដែរថា ខ្លួននៅតែបើកចំហចំពោះការចូលរួមជាមួយ X និង xAI ដោយស្ថិតនៅក្រោមការអនុលោមតាមច្បាប់ម៉ាឡេស៊ីដែលអាចបង្ហាញបាន។

វាបាននិយាយថា «សមាជិកសាធារណៈជនត្រូវបានលើកទឹកចិត្តយ៉ាងខ្លាំងឱ្យរាយការណ៍អំពីខ្លឹមសារអនឡាញដែលបង្កគ្រោះថ្នាក់ទៅកាន់ MCMC ជាបន្ទាន់ ហើយប្រសិនបើសមស្រប សូមដាក់របាយការណ៍ប៉ូលីសជាមួយប៉ូលីស»៕

The post ម៉ាឡេស៊ី បិទកម្មវិធី AI «Grok» របស់ Elon Musk ដោយសារតែបង្កប់រឿងអាសអាភាស appeared first on Kampuchea Thmey Daily.

ប្រទេសម៉ាឡេស៊ីមានអ្នកស្លាប់ដោយសារជំងឺបេះដូងច្រើនជាងគេ

Minea Neu — Mon, 22 Dec 2025 06:55:48 +0000

ជម្ងឺបេះដូងឬហៅម្យ៉ាងទៀតថាជំងឺសរសៃឈាមបេះដូង គឺជាជំងឺមួយដែលកើតឡើងច្រើនជាងគេក្នុងប្រទេសម៉ាឡេស៊ី ។ នេះបើយោងតាមរបាយការណ៍មួយដែលចេញផ្សាយដោយនាយកដ្ឋានស្ថិតិម៉ាឡេស៊ី (DOSM) ។

Heart Disease. pdincontrol

ស្ថិតិពីវិទ្យាស្ថានជាតិសុខភាពបេះដូង បានបង្ហាញថា ជំងឺនេះកំពុងជះឥទ្ធិពលកាន់តែខ្លាំងឡើងចំពោះប្រជាជនម៉ាឡេស៊ី ជាពិសេសក្មេងៗដោយសារការកើនឡើងនៃអត្រាផ្ទុកជាតិខ្លាញ់ក្នុងសារពាង្គកាយ ការចំណាយពេលអង្គុយច្រើនម៉ោងជាប់ៗគ្នា។

ជំងឺបេះដូង គឺជាពាក្យដ៏ទូលំទូលាយមួយដែលរួមបញ្ចូលកត្តាជាច្រើន ដូចជាទម្លាប់នៃការញ៉ាំអាហារដែលមិនល្អ អង្គុយច្រើនម៉ោងនៅក្នុងបន្ទប់បិទជិត និងចរិតលក្ខណៈដែលឆ្លងពីឪពុកម្តាយទៅកូន [ហ្សែន]។

ការសិក្សាដោយវិទ្យាស្ថានជាតិសុខភាពបេះដូង បានឱ្យដឹងថា ជម្ងឺបេះដូងពាក់ព័ន្ធនឹងការខូចខាតបេះដូងដែលបណ្តាលមកពីសរសៃឈាមបេះដូងរួមតូចផងដែរ។ នៅពេលដែលសរសៃឈាមរួមតូចដោយសារតែការប្រមូលផ្តុំបន្តិចម្តងៗ នៃជាតិខ្លាញ់ក្នុងសារពាង្គកាយ ឈាម និងអុកស៊ីសែនក៏តិចទៅៗទម្រាំដល់សាច់ដុំនៃបេះដូង។

កត្តាដែលបង្កឱ្យមានជម្ងឺនេះ រួមមាន ការជក់បារី ការកើនឡើងនៃសម្ពាធឈាម កូលេស្តេរ៉ុលខ្ពស់ ជំងឺទឹកនោមផ្អែម រាងកាយមិនសូវបញ្ចេញសកម្មភាព និងលើសទម្ងន់ ឬធាត់ ជាដើម។

លើសពីនេះទៅទៀត គ្រួសារដែលធ្លាប់កើតជំងឺនេះក៏រួមចំណែក ដែលអាចមានលទ្ធភាពខ្ពស់ក្នុងការចម្លងទៅកូនៗរបស់ពួកគេផងដែរ។

ស្ថិតិបង្ហាញថា មនុស្សប្រុសងាយកើតជំងឹនេះជាងស្រ្តី។

ដើម្បីបង្កាកុំឱ្យកើតជំងឺនេះ គេគប្បីទៅពិនិត្យសុខភាពទៀតទាត់ កាត់បន្ថយការប្រើប្រាស់អំបិល ស្ករ និងពពួកខ្លាញ់ឆ្អែត ជៀសវាងអាហារកែច្នៃ ហាត់ប្រាណទៀងទាត់ ជាពិសេសការឈប់ជក់បារីអាចកាត់បន្ថយហានិភ័យនៃជំងឺបេះដូងបានយ៉ាងមានប្រសិទ្ធភាព៕

អត្ថបទ៖ ណឺ មិនា

The post ប្រទេសម៉ាឡេស៊ីមានអ្នកស្លាប់ដោយសារជំងឺបេះដូងច្រើនជាងគេ appeared first on Kampuchea Thmey Daily.

ក្រុមហ៊ុន AirAsia ដាក់ចេញផែនការឲ្យនារីបម្រើលើយន្តហោះ ពាក់ហ៊ីចាប ពីឆ្នាំ២០២៦

Rann Reuy — Sat, 06 Dec 2025 07:57:14 +0000

AirAsia ដែលជាក្រុមហ៊ុនអាកាសចរណ៍តម្លៃទាប (Budget carrier) របស់ម៉ាឡេស៊ី នឹងចាប់ផ្តើមអនុវត្តផែនការឯកសណ្ឋានថ្មីសម្រាប់នារីបម្រើលើយន្តហោះ (Flight Attendants) ឲ្យពាក់ហ៊ីចាប (Hijab) ដែលជាក្រណាត់ទទូរក្បាលតំណាងឲ្យអ្នកគោរពតាមសាសនាអ៊ីស្លាម។

ឯកសណ្ឋានគំរូសម្រាប់នារីបម្រើលើយន្តហោះពាក់ ហ៊ីចាបលើក្បាល។ The Star

«អ្នកដំណើរប្រហែលជាសម្គាល់ឃើញនូវអ្វីដែលប្លែកជាមួយនឹងឯកសណ្ឋាន នោះគឺ អ្នកបម្រើការលើយន្តហោះស្រីមួយចំនួនរបស់ក្រុមហ៊ុនអាកាសចរណ៍អាចនឹងពាក់ហ៊ីចាប»។ នេះបើយោងតាមសេចក្តីរាយការណ៍របស់សារព័ត៌មានម៉ាឡេស៊ី The Star នៅថ្ងៃទី៦ខែធ្នូនេះ។

វាគឺជាការធ្វើបច្ចុប្បន្នភាពចំពោះគោលការណ៍ឯកសណ្ឋានសម្រាប់ក្រុមនារីបម្រើលើយន្តហោះរបស់ក្រុមហ៊ុនអាកាសចរណ៍ ដែលផ្តល់ឱ្យបុគ្គលិកនៃក្រុមអ្នកបម្រើជាស្រ្តីម៉ូស្លីមមានសេរីភាពក្នុងការពាក់កន្សែងនៅលើក្បាល។ វាក៏ដាក់ក្រុមហ៊ុន AirAsia ក្នុងចំណោមក្រុមហ៊ុនអាកាសចរណ៍ដំបូងគេក្នុងអាស៊ាន ដើម្បីទទួលយកការអនុវត្តនេះ ដែលជំរុញឱ្យមានការដាក់បញ្ចូល។

តាមសេចក្តីរាយការណ័ ក្រុមហ៊ុននេះគ្រោងនឹងចាប់ផ្តើមនៅត្រីមាសទីមួយនៃឆ្នាំ២០២៦ ជាពិសេសក្នុងអំឡុងខែរ៉ាម៉ាដាន។ គំនិតផ្តួចផ្តើមនេះឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុនអាកាសចរណ៍ក្នុងការធានាថាសមាជិកក្រុមអ្នកបម្រើការនៅលើយន្តហោះគ្រប់រូបមានអារម្មណ៍សុខស្រួល និងទំនុកចិត្តក្នុងការអនុវត្តភារកិច្ចរបស់ពួកគេ។

សមាជិកអ្នកបម្រើលើយន្តហោះដែលជ្រើសរើសហ៊ីចាបនឹងស្លៀកឈុតដែលកាត់តាមខ្លួនដែលមានដៃអាវវែង និងខោ ដើម្បីរក្សានូវទម្រង់វិជ្ជាជីវៈរបស់ ក្រុមហ៊ុន AirAsia។ ការផ្លាស់ប្តូរនេះក៏បើកទ្វារសម្រាប់ក្រុមចម្រុះនៃអ្នកមានទេពកោសល្យដើម្បីចូលរួមក្រុមផងដែរ។

បច្ចុប្បន្ននេះ ជិត ៤០ភាគរយនៃបុគ្គលិកស្រីឥស្លាមរបស់ AirAsia – ទាំង AirAsia Malaysia និង AirAsia X បានបង្ហាញចំណាប់អារម្មណ៍ក្នុងការពាក់ហ៊ីចាប់។

លោក Tony Fernandes នាយកប្រតិបត្តិរបស់ក្រុមហ៊ុនអាកាសចរណ៍បាននិយាយនៅក្នុងសន្និសីទសារព័ត៌មាននៅទីក្រុង Kuala Lumpur កាលពីថ្ងៃទី ៥ខែធ្នូថា «ចំណុចខ្លាំងមួយក្នុងចំណោមចំណុចខ្លាំងបំផុតរបស់ AirAsia គឺតែងតែមានបុគ្គលិកចម្រុះគ្នា និងការមិនចេះលាក់បាំងរបស់យើង» ។

លោកបានបន្ថែមថា៖«នៅពេលដែលក្រុមការងាររបស់យើងលើកឡើងពីចំណុចនេះ វាមានសារៈសំខាន់ណាស់សម្រាប់យើងក្នុងការស្តាប់។ ការគោរពទស្សនៈ និងជំនឿផ្សេងៗគ្នាបាននាំឲ្យយើងរីកចម្រើន ហើយនេះជារបៀបដែលយើងរីកចម្រើន៖ ដោយការវិវត្តរួមគ្នា ដឹកនាំដោយសំឡេងរបស់ប្រជាជនយើង»៕

រ៉ាន់ រើយ

The post ក្រុមហ៊ុន AirAsia ដាក់ចេញផែនការឲ្យនារីបម្រើលើយន្តហោះ ពាក់ហ៊ីចាប ពីឆ្នាំ២០២៦ appeared first on Kampuchea Thmey Daily.

រដ្ឋាភិបាលម៉ាឡេស៊ីត្រៀមកម្រិតខ្ពស់ ទប់ទល់ព្យុះ Senyar ដែលបង្កទឹកជំនន់បន្ថែម

Rann Reuy — Fri, 28 Nov 2025 07:23:50 +0000

រដ្ឋាភិបាលម៉ាឡេស៊ី បានបង្គាប់ឲ្យត្រៀមលក្ខណៈពេញលេញចំពោះមជ្ឈមណ្ឌលត្រួតពិនិត្យប្រតិបត្តិការរបស់រដ្ឋនៅក្នុងរដ្ឋចំនួន១៤ និងមជ្ឈមណ្ឌលត្រួតពិនិត្យប្រតិបត្តិការស្រុកចំនួន១៩៨ បន្ទាប់ពីការវិវត្តន៍នៃព្យុះត្រូពិច Senyar ដែលបានធ្វើឱ្យមានការបាក់ដីនៅលើឆ្នេរសមុទ្រម៉ាឡេស៊ីនៅពាក់កណ្តាលអធ្រាត្រយប់មិញ ដែលនឹងមានឥទ្ធិពលបង្កើនទឹកជំនន់។

រូបភាពបង្ហាញពីឥទ្ធិពលព្យុះ Senyar ដែលនឹងប៉ះពាល់ម៉ាឡេស៊ី។ New Straits times

ឧបនាយករដ្ឋមន្រ្តី Ahmad Zahid Hamidi បាននិយាយថា ទោះបីជាព្យុះនេះត្រូវបានបន្ថយឥទ្ធិពលទៅជាប្រព័ន្ធសម្ពាធទាបក៏ដោយ ប៉ុន្តែកម្លាំងកួចនៃខ្យល់នៅតែមានសក្តានុពលក្នុងការនាំមកនូវភ្លៀងធ្លាក់ជាបន្តបន្ទាប់នៅក្នុងតំបន់ជាច្រើនក្នុងឧបទ្វីបម៉ាឡេស៊ីក្នុងរយៈពេល២៤ម៉ោងបន្ទាប់។

តាមការចេញផ្សាយរបស់ទីភ្នាក់ងារព័ត៌មានម៉ាឡេស៊ី BERNAMA លោក Ahmad Zahid បាននិយាយថា ក្នុងនាមជាប្រធានគណៈកម្មាធិការគ្រប់គ្រងគ្រោះមហន្តរាយថ្នាក់កណ្តាល លោកបានទទួលរបាយការណ៍សង្ខេបពីឧតុនិយមម៉ាឡេស៊ី (MetMalaysia) ទីភ្នាក់ងារគ្រប់គ្រងគ្រោះមហន្តរាយជាតិ (Nadma) និងកងកម្លាំងការពារជនស៊ីវិលម៉ាឡេស៊ី (APM) ស្តីពីផលប៉ះពាល់នៃអាកាសធាតុលើប្រជាជន និងហេដ្ឋារចនាសម្ព័ន្ធសំខាន់ៗ។

យោងតាមលោក មជ្ឈមណ្ឌលគ្រប់គ្រងប្រតិបត្តិការគ្រោះមហន្តរាយនៅថ្នាក់រដ្ឋ និងស្រុកក៏ត្រូវបានបើកផងដែរ ដើម្បីធានាថាការសម្របសម្រួលប្រតិបត្តិការ ការជម្លៀសជនរងគ្រោះ និងការផ្សព្វផ្សាយព័ត៌មានអាចត្រូវបានអនុវត្តដោយគ្មានការពន្យារពេល។

លោកបាននិយាយនៅក្នុងសេចក្តីថ្លែងការណ៍មួយនៅថ្ងៃនេះថា «វិធានការនេះអនុញ្ញាតឱ្យរាល់ការវិវត្តន៍ និងតម្រូវការនៅលើមូលដ្ឋានត្រូវបានដោះស្រាយក្នុងពេលជាក់ស្តែងដោយទីភ្នាក់ងារគ្រប់គ្រងគ្រោះមហន្តរាយ»។

លោកបាននិយាយថា កងកម្លាំងការពារជនស៊ីវិលម៉ាឡេស៊ី (APM) បានចល័តបុគ្គលិកជាង ២០០០ នាក់ដើម្បីល្បាត និងតាមដានតំបន់ដែលមានហានិភ័យខ្ពស់ពាក់ព័ន្ធនឹងទឹកជំនន់ ខ្យល់ព្យុះ និងរលកខ្លាំងនៅលើឆ្នេរសមុទ្រ។

គ្រឿងសម្ភារត្រៀមសំខាន់ៗរួមមាន ទូកសង្គ្រោះ រថយន្តសង្គ្រោះ រថយន្តប្រភេទប៉ុង៤ ម៉ាស៊ីនភ្លើង ម៉ាស៊ីនបូមទឹកចល័ត និងយន្តហោះគ្មានមនុស្សបើក (ដ្រូន) ត្រូវបានគេដាក់ពង្រាយ ដើម្បីធានាថា ប្រតិបត្តិការជួយសង្គ្រោះ ការជម្លៀស និងជំនួយសង្គ្រោះបន្ទាន់អាចត្រូវបានអនុវត្តភ្លាមៗ៕

លោក Ahmad Zahid ក៏បានក្រើនរំលឹកអ្នកស្រុកនៅតំបន់រងផលប៉ះពាល់ និងតំបន់ដែលមានហានិភ័យ ត្រូវតែអនុវត្តតាមការប្រកាសផ្លូវការពី បណ្តាញផ្លូវការរបស់រដ្ឋ និងបុគ្គលិកភ្នាក់ងាររបស់រដ្ឋាភិបាលនៅមូលដ្ឋាន និងអាជ្ញាធរ និងគោរពតាមបញ្ជាជម្លៀសប្រសិនបើមានការណែនាំ។

លោក ក្រើនរំឭកថា៖«សាធារណជនត្រូវបានណែនាំឱ្យចៀសវាងទៅលេងតាមតំបន់សមុទ្រ និងឆ្នេរ ដោយសារខ្យល់បក់ខ្លាំង និងរលកខ្ពស់ ខណៈត្រូវធានាថា សម្ភារៈសង្គ្រោះបន្ទាន់ត្រូវត្រៀមជាប់ជានិច្ច ហើយឯកសារសំខាន់ៗត្រូវរក្សាទុកនៅកន្លែងសុវត្ថិភាព»។

លោកបានមានប្រសាសន៍ថា «ខ្ញុំក៏សង្កត់ធ្ងន់ថាសាធារណជនមិនគួរផ្សព្វផ្សាយព័ត៌មានដែលមិនបានផ្ទៀងផ្ទាត់ដែលអាចបង្កឲ្យមានការភាន់ច្រឡំ ឬភ័យស្លន់ស្លោឡើយ»៕

រ៉ាន់ រើយ

ឧបនាយករដ្ឋមន្រ្តី Ahmad Zahid Hamidi។ FB

The post រដ្ឋាភិបាលម៉ាឡេស៊ីត្រៀមកម្រិតខ្ពស់ ទប់ទល់ព្យុះ Senyar ដែលបង្កទឹកជំនន់បន្ថែម appeared first on Kampuchea Thmey Daily.

ម៉ាឡេស៊ី​ Archives - Kampuchea Thmey Daily

អ្នកនយោបាយ​ម៉ាឡេស៊ីអន់​ចិត្ត​នឹង​​សិង្ហបុរី​ដែល​មិន​​ចរចារ​​ជាមួយអ៊ីរ៉ង់រឿង​បើក​ច្រក​ Hormuz ​

ម៉ាឡេស៊ី បិទកម្មវិធី ​AI «Grok» របស់ Elon Musk ដោយសារតែបង្កប់​រឿង​អាសអាភាស

ប្រទេស​ម៉ាឡេស៊ីមាន​អ្នក​ស្លាប់ដោយសារ​ជំងឺ​​បេះ​ដូង​ច្រើន​ជាង​គេ