ម៉ូដ Archives - Kampuchea Thmey Daily

មិនធ្លាប់មានក្នុងវិស័យម៉ូដ ប្រើស្ព្រៃយ៍បាញ់លើរាងកាយ បង្កើតជារ៉ូបយ៉ាងស្រស់ស្អាត (មានវីដេអូ)

Sonya — Wed, 05 Oct 2022 14:17:16 +0000

វាជាប្រវត្តិសាស្រ្តថ្មីសន្លាងនៅក្នុងវិស័យម៉ូដ ក្រោយពេលម៉ាកយីហោល្បីប្រចាំប៉ារីស បានច្នៃសម្លៀកបំពាក់ដោយការបាញ់ស្ព្រៃយ៍ ស្របពេលដែលបាញ់ទៅលើខ្លួនហើយ វាបានក្លាយជារ៉ូបយ៉ាងស្រស់ស្អាត។

នៅកម្មវិធី Paris Fashion Week Spring/Summer 2023 កាលពីល្ងាចថ្ងៃទី៣០ ខែកញ្ញា ម៉ោងនៅទីក្រុងប៉ារីស តារាម៉ូដែល Bella Hadid បានដើរម៉ូដឱ្យម៉ាកយីហោ Coperni ជាមួយនឹងខ្លួនននលគោក មានតែខោទ្រនាប់ប៉ុណ្ណោះ ប៉ុន្តែមិនប៉ុន្មាននាទី បន្ទាប់ពីរាងកាយរបស់នាងត្រូវបានបាញ់ដោយស្ព្រៃយ៍ម្យ៉ាង ស្រាប់តែលេចចេញជារ៉ូបបិទស្មាពណ៌សតែម្ដង។

ព្រឹត្តិការណ៍នេះ កំពុងល្បីល្បាញពេញពិភពអនឡាញ ដែលវាត្រូវបានគេចាត់ទុកជាការអភិវឌ្ឍថ្មីបំផុតនៃឧស្សាហកម្មម៉ូដ។

ចង់ជ្រាបកាន់តែច្បាស់ សូមទស្សនាវីដេអូខាងក្រោម!

ប្រែសម្រួល៖ សន្យា

ចុចអាន៖ ៥ ឈុតរបស់ Jennie ធ្លាប់ធ្វើឱ្យកក្រើកឆាក Paris Fashion Week

ចុចអាន៖ Kim Kardashian រងការពិន័យប្រាក់ ១.២៦ លានដុល្លារ ក្រោយផ្សព្វផ្សាយលុយអេឡិចត្រូនិក

The post មិនធ្លាប់មានក្នុងវិស័យម៉ូដ ប្រើស្ព្រៃយ៍បាញ់លើរាងកាយ បង្កើតជារ៉ូបយ៉ាងស្រស់ស្អាត (មានវីដេអូ) appeared first on Kampuchea Thmey Daily.

ប្រមូលផ្ដុំឈុតអាក្រក់បំផុត ប្រចាំកម្មវិធីពានរង្វាន់ Grammy ឆ្នាំនេះ

Sonya — Mon, 04 Apr 2022 14:29:37 +0000

កម្មវិធីពានរង្វាន់ Grammy Awards ប្រចាំឆ្នាំ លើកទី ៦៤ បានធ្វើប្រារព្ធឡើងហើយ កាលពីយប់ថ្ងៃអាទិត្យ ទី០៣ ខែមេសា ឆ្នាំ២០២២ នៅទីក្រុង Las Vegas ដោយមានការចូលរួមពីសំណាក់តារាល្បីៗមកពីគ្រប់ទិសទី។

មុនពេលពិធីប្រគល់រង្វាន់មកដល់ តារាចម្រៀងប្រុសស្រី បានបង្ហាញខ្លួនលើកម្រាលព្រំក្រហមម្នាក់ម្ដង បញ្ចេញភាពលេចធ្លោរៀងៗខ្លួន ជាពិសេសម៉ូដសម្លៀកបំពាក់សុទ្ធតែប្លែកៗ មានទាំងស្រស់ស្អាត ទាក់ភ្នែក និងម៉ូដដែលពិបាកភ្នែកមើលជាទីបំផុត។

ក្នុងនោះគេសង្កេតឃើញតារាមួយចំនួនបានពាំនាំសម្លៀកបំពាក់ដែលអាក្រក់បំផុតលើកម្រាលព្រំក្រហមរបស់ពានរង្វាន់ Grammy Awards ឆ្នាំនេះ ខណៈតារាខ្លះស្លៀកមិនសមនឹងរូបរាងរបស់ខ្លួន ហើយមានម៉ូដខ្លះទៅជាសមនឹងដើរផ្សារឯណោះវិញ។

តារាទូរទស្សន៍ Reality TV Kourtney Kardashian និងស្វាមីរបស់នាងលោក Travis Barker បានដើរលើកំរាលព្រំក្រហមក្នុងសម្លៀកបំពាក់ដ៏កម្រ ប៉ុន្តែជាមួយនឹងអាវពណ៌ផ្កាឈូករបស់ Barker ទស្សនិកជនបែរជាយល់ថា លោកលេចតែឯង តែភរិយាអាប់រស្មីឱ្យឈឹង។

ឈុតដាយណូស័រ របស់តារាចម្រៀង Tayla Parx ក៏ធ្វើឱ្យមហាជនរិះគន់ដៃដែរ ព្រោះឈុតនេះគេប្រៀបធៀបនាងថា កំពុងស្លៀកខោអាវចុះហែលទឹក ម៉េចមិនដឹង។

ចំណែករ៉ូបបោះពុម្ពរូបស្បែកសត្វ Roberto Cavalli របស់ Megan Thee Stallion ធ្វើឱ្យនាងមើលទៅមានអំណាចនៅលើកំរាលព្រំក្រហម ប៉ុន្តែគេថា នាងស្លៀកទៅព្រៃសមជាង។

តារាចម្រៀង Billie Eilish បានជ្រើសរើសស្លៀកឈុតខ្មៅងងឹតបំផុត ហើយនាងត្រូវមហាជនរិះគន់ថា ស្លៀកមិនសមជាមួយរូបរាងអីបន្តិច។

នរណាៗក៏និយាយដែរថា សម្លៀកបំពាក់របស់ Dillon Francis ស្លៀកចូលកម្មវិធីប្រៀបដូចគាត់ទើបវង្វេងចេញពីផ្សារ។

រ៉ូបពណ៌ស្វាយរបស់ Yola វិញ ពិតជាពិបាកមើលណាស់ គ្មានភាពច្នៃសមនឹងកម្មវិធីលំដាប់អន្តរជាតិទាល់តែសោះ។

តារាចម្រៀង Avril Lavigne គ្រងឈុតពណ៌ខ្មៅ ដែលត្រូវហ្វេននិយាយចំៗមិនទុកមាត់ថា នាងស្លៀករ៉ូបហួសសម័យ។

Alisha Gaddis ស្លៀករ៉ូបចាស់ដែល Celine Dion ធ្លាប់ស្លៀកក្នុងកម្មវិធី Met Gala ឆ្នាំ២០១៩។

គ្រប់គ្នាឃើញអាវ និងសំពត់របស់ Kari Jobe សុទ្ធតែថានាងស្លៀកវាំងនន។

ចុះប្រិយមិត្តវិញ មានអីខមមិនអ្វីឬអត់?

ប្រែសម្រួល៖ សន្យា

ចុចអាន៖ តារាល្បី ៤ រូប ប្រជែងសម្រស់គ្នា ប្រើប្រេនសំលៀកបំពាក់តែមួយ ក្នុងកម្មវិធីពានរង្វាន់ Grammy

The post ប្រមូលផ្ដុំឈុតអាក្រក់បំផុត ប្រចាំកម្មវិធីពានរង្វាន់ Grammy ឆ្នាំនេះ appeared first on Kampuchea Thmey Daily.

តិចនិកជ្រើសរើសកាបូបយួរដៃសក្តិសមនឹងរូបរាង

Sonya — Wed, 09 Dec 2020 08:50:21 +0000

ដើម្បីបានរូបរាងដ៏សមសួន ស្រីៗត្រូវគិតចាប់ពីចង្កេះតូចរហូតដល់ស្មា និងត្រគាក ធ្វើយ៉ាងណាឲ្យសមាមាត្រគ្នា។ សូម្បីតែកាបូបដៃក៏អាចធ្វើឱ្យយើងក្លាយជាមនុស្សទាន់សម័យម្នាក់ ប្រសិនបើយើងចេះជ្រើសរើសវាប្រើត្រឹមត្រូវ។

ដូច្នេះ មុននឹងដឹងរបៀបជ្រើសរើសកាបូបឲ្យសក្ដិសមនឹងរូបរាង ដំបូងត្រូវស្វែងយល់ពីប្រភេទរាងកាយរបស់យើងជាមុនសិន!

-ប្រសិនបើមានស្មាធំជាងត្រគាក នោះយើងមានរាងត្រីកោណ។

-ប្រសិនបើចង្កេះនិងស្មាតូចជាងត្រគាក នោះយើងមានរាងផ្លែសារី។

-ប្រសិនបើស្មាចង្កេះនិងត្រគាកមានទំហំប៉ុនគ្នា នោះជាប្រភេទរាងចតុកោណ។

-ប្រសិនបើចង្កេះធំជាងស្មានិងត្រគាក នោះយើងមានរាងផ្លែប៉ោម។

-ប្រសិនបើស្មានិងត្រគាកមានភាពសមាមាត្រគ្នាជាមួយនឹងចង្កេះតូច នោះយើងជាប្រភេទរាងស្វែល។

អ្នកជំនាញខាងម៉ូដនិយាយថា នៅពេលដែលយើងចេះជ្រើសរើសយកកាបូបដៃដែលសក្តិសមនឹងរូបរាងរបស់ខ្លួនឯង នោះយើងក៏អាចក្លាយជាមនុស្សស៊ីវិល័យដូចគ្នា។

១.រាងត្រីកោណ

ចំណុចដែលត្រូវពិចារណាគឺប្រវែងនិងទទឹងរបស់ខ្សែកាបូប។ កុំជ្រើសរើសកាបូបតូចពេកឬខ្សែធំពេក។ យើងអាចសាកល្បងកាបូបខ្សែដែលមានក្រវាត់ឬកាបូបយួរដៃដែលវែងត្រឹមចង្កេះ ទើបជាការប្រសើរ។

២.រាងចតុកោណ

រក្សាប្រវែងខ្សែក្រវាត់កាបូប ដើម្បីកុំឲ្យធ្លាក់មកដល់ត្រគាក និងគួរតែជាកាបូបដែលអាចបិទបាំងចង្កេះបាន។ គួរជ្រើសរើសយកកាបូបស្បែកទន់ ជាការល្អបំផុត។

៣.រាងផ្លែសារី

ត្រូវយកចិត្តទុកដាក់ពីប្រវែងខ្សែរបស់កាបូប ដែលវាមិនគួរស្ថិតនៅក្រោមចង្កេះនោះទេ។ យើងអាចជ្រើសរើសកាបូបរាងតូចល្មម ប្រសិនបើយើងចូលចិត្តកាបូបខ្សែក្រវាត់ក៏ល្អម្យ៉ាង ឬក៏អាចប្រើកាបូបមួយត្រឹមទ្រូងរបស់យើងបានដែរ។

៤.រាងផ្លែប៉ោម

រាងផ្លែប៉ោម ជារាងដែលមានសាច់ណែន។ ដូច្នេះកុំជ្រើសម៉ូឌែលតូច ហើយមានខ្សែខ្លី និងគ្មានរចនាអ្វីសោះឡើយ។ គួរជ្រើសយកកាបូបធំជំនួសដូចជា កាបូបដៃធ្វើពីស្បែក ទើបសមនឹងយើង។

៥.រាងស្វែល

មិនមានឧបសគ្គ ក្នុងការជ្រើសកាបូបឲ្យសមនឹងរាងកាយយើងទេ។ ជាការល្អ គួរតែជ្រើសរើសយកកាបូបដែលមិនមានភាពរញ៉េរញ៉ៃច្រើន ទើបសមនឹងរូបរាងប្រភេទនេះ៕

ប្រែសម្រួល៖ Blue Sky

ចុចអាន៖ ដឹងចរិតស្នេហារបស់ស្រីៗ តាមរយៈទំហំនិងសម្រស់ជើង

ចុចអាន៖ ពណ៌ទាំង៥ដែលពេញភ្នែកបុរសៗ ហើយនារីៗគួរជ្រើសយកមកតុបតែងពេលមានស្នេហា

The post តិចនិកជ្រើសរើសកាបូបយួរដៃសក្តិសមនឹងរូបរាង appeared first on Kampuchea Thmey Daily.

ម៉ូដ Archives - Kampuchea Thmey Daily

មិនធ្លាប់មានក្នុងវិស័យម៉ូដ ប្រើស្ព្រៃយ៍បាញ់លើរាងកាយ បង្កើតជារ៉ូបយ៉ាងស្រស់ស្អាត (មានវីដេអូ)

ប្រមូលផ្ដុំឈុតអាក្រក់បំផុត ប្រចាំកម្មវិធីពានរង្វាន់ Grammy ឆ្នាំនេះ

តិចនិក​ជ្រើសរើស​កាបូបយួរដៃ​សក្តិ​សម​នឹង​រូបរាង

តិចនិកជ្រើសរើសកាបូបយួរដៃសក្តិសមនឹងរូបរាង