Kim Kardashian រងការពិន័យប្រាក់ ១.២៦ លានដុល្លារ ក្រោយផ្សព្វផ្សាយលុយអេឡិចត្រូនិក

Kim Kardashian ត្រូវបានគណៈកម្មការមូលបត្រ (SEC) ចោទប្រកាន់ពីបទបំពានលើច្បាប់ស្តីពីមូលបត្រ និងរងការពិន័យជាប្រាក់ ១.២៦ លានដុល្លារ បន្ទាប់ពីនាងបង្ហោះសារលើ Instagram អំពីលុយអេឡិចត្រូនិក EthereumMax កាលពីឆ្នាំ ២០២១។

ជាមួយនឹងការប្រកាសចោទប្រកាន់នេះខាង SEC បាននិយាយថា Kim Kardashian បានយល់ព្រមក្នុងការដោះស្រាយការចោទប្រកាន់ក៏ដូចជាបង់ប្រាក់ចំនួន ១.២៦ លានដុល្លារនៅក្នុងការផាកពិន័យ ជាពិសេសគឺការធ្វើឲ្យខូចគុណភាពទីផ្សារមូលបត្រ ។

តារាទូរទស្សន៍រូបនេះក៏ត្រូវលះបង់ចោលប្រាក់ចំនួន ២៥០,០០០ ដុល្លារផងដែរ ដែលនាងទទួលបានពីការបង្ហោះលើ Instagram អំពីលុយអេឡិចត្រូនិក EMAX Tokens ដែលជាទីផ្សារមូលបត្រគ្រីបតូរបស់ EthereumMax។

យ៉ាងណាមិញ ក្រោយពីបង់ប្រាក់ការពិន័យរួចហើយ នាង Kim Kardashian បានសហការជាមួយគណៈកម្មការមូលបត្រ (SEC) ដើម្បីស៊ើបអង្កេតចំពោះបទល្មើសដែលបានបោកប្រាស់មកលើរូបនាងផងដែរ ៕

ប្រែសម្រួល៖នាងតូច

ចុចអាន៖ភរិយា Justin Bieber ចែករំលែកបទពិសោធន៍រឿងលើគ្រែជាមួយស្វាមី

ចុចអាន៖Hailey បកស្រាយរឿងគេចោទថា ដណ្ដើម Justin Bieber ចេញពី Selena Gomez