ជីវិតកម្សាន្ដ

តារាល្បី ៤ រូប ប្រជែងសម្រស់គ្នា ប្រើប្រេនសំលៀកបំពាក់តែមួយ ក្នុងកម្មវិធីពានរង្វាន់ Grammy

បានផុស

៣ years មុន

នៅ

ថ្ងៃចន្ទ ៤ មេសា ២០២២

ដោយ

Versace គឺជាក្រុមហ៊ុនម៉ូដប្រណិតអ៊ីតាលី ដែលបង្កើតឡើងដោយ Gianni Versace ក្នុងឆ្នាំ ១៩៧៨។ ក្រុមហ៊ុននេះផលិតសំលៀកបំពាក់ និងគ្រឿងសម្ភារៈ ដែលផលិតពីអ៊ីតាលី ។ យ៉ាងណាមិញ ក្នុងកម្មវិធីប្រគល់ពានរង្វាន់ Grammy ឆ្នាំ ២០២២ គេឃើញមានតារាចម្រៀង និងអ្នកនិពន្ធចម្រៀងស្រីជាច្រើន បានជ្រើសរើសយកប្រេន Versace តែមួយ មកស្លៀកប្រជែងសម្រស់គ្នា។

ចាំមើលអ្នកណាស្អាតជាង?

១ Dua Lipa

នាងបានចូលរួមកម្មវិធីប្រគល់ពានរង្វាន់ Grammy ដោយស្លៀកសំលៀកបំពាក់ ពី Versace Fall-Winter 1992 collection ដែលជារូបតំណាងពិតៗនៃឆ្នាំនោះ។ រូបរាងរបស់ Versace បែបបុរាណនេះ ជាសំលៀកបំពាក់គ្មានខ្សែជាមួយនឹងសោរមាស ដែលតំណាងឲ្យម៉ាកយីហោល្បីល្បាញខ្លាំង។

២ Doja Cat

តារាស្រីរូបនេះ ស្លៀករ៉ូប Atelier Versace ទៅកម្មវិធី Grammy Awards ដោយពាក់អាវសាទីនជាមួយ tulle និងតុបតែងជាមួយគ្រីស្តាល់ ឈុតនេះចំណាយពេល ៣០០ ម៉ោងដើម្បីដេរ និង១៧៥ ម៉ោង ដើម្បីប៉ាក់ដោយដៃ។

៣ Snoh Aalegra

នៅក្នុងកម្មវិធី Grammy Awards នាងបានជ្រើសយកសំលៀកបំពាក់ពណ៌ប្រាក់ Atelier Versace រលោង ដែលចំណាយពេល ៨០០ ម៉ោង ដើម្បីដេរ។ រ៉ូបនេះត្រូវបានដេររិបត្រគាកនៅខាងក្នុងរ៉ូប។ ចំណែកម៉ូតរហែកៗនៅសងខាងភ្លៅ គឺត្រូវបានតុបតែងដោយសំណាញ់ ច្រវាក់ និងគ្រីស្តាល់។

៤ Dua Lipa និង Megan Thee Stallion

អ្នកទាំងពីរនេះ បានស្លៀកឈុត Atelier Versace ក្នុងកម្មវិធី Grammy Awards ដោយស្លៀករ៉ូបដូចគ្នាបេះបិទពេលឡើងទៅដល់ឆាក។ សម្លៀកបំពាក់ទាំងពីរ ត្រូវបានតុបតែងដោយម្ជុល និងហត្ថលេខារបស់ Versace ហើយខ្សែសង្វាក់ Greca ៕

ប្រែសម្រួល៖ សាង ស្រីល័ក្ខ

ចុចអាន៖Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock