៥ ឈុតរបស់ ​Jennie ធ្លាប់ធ្វើឱ្យកក្រើកឆាក Paris Fashion Week

កម្មវិធីហ្វេសស្សិនលំដាប់ពិភពលោក Paris Fashion Week កំពុងដំណើរការហើយនៅទីក្រុងប៉ារីស ប្រទេសបារាំង ដោយមានតារាជាច្រើនកំពុងបង្ហាញខ្លួននៅលើឆាកមួយនេះ ក្នុងនោះក៏មានវត្តមានសមាជិកក្រុម BLACKPINK ចូលរួមផងដែរ។

Jennie ជាសមាជិកម្នាក់ ដែលតំណាងឱ្យម៉ាកយីហោ Chanel និងធ្លាប់ធ្វើឱ្យម៉ាកយីហោនេះ បន្ថែមភាពល្បីល្បាញទ្វេដង ក្រោយពេលនាងបានដើរម៉ូដនៅលើឆាក Paris Fashion Week កាលពីពេលកន្លងទៅ ហើយខាងក្រោមជាសម្លៀកបំពាក់ ៥ឈុតដែល Jennie ធ្លាប់គ្រង និងទទួលបានការគាំទ្រពីអ្នកប្រើប្រាស់។

១. ខែតុលា ឆ្នាំ២០១៨

Jennie ត្រូវបានតែងតាំងជាឯកអគ្គរដ្ឋទូតសកលរបស់ម៉ាក Chanel ក្នុងឆ្នាំ២០១៧ និងបានបង្ហាញខ្លួនលើកដំបូងនៅ Paris Fashion Week ក្នុងឆ្នាំ២០១៨ ដែលកាលណោះនាងស្លៀកឈុតពណ៌ទឹកសមុទ្រស្រាល។

២. ខែមីនា ឆ្នាំ២០១៩

អំឡុងឆ្នាំ២០១៩ Jennie បាន​ចូលរួម​ក្នុង​កម្មវិធី Chanel Fall/Winter 2019 ដោយនាងស្លៀករ៉ូបខ្លីពណ៌ស។

៣. ខែតុលា ឆ្នាំ២០១៩

ចូលដល់ខែតុលា ចុងឆ្នាំ២០១៩ កម្មវិធី Spring/Summer 2020 សមាជិក​ Blackpink​ រូបនេះបានគ្រងឈុតអាវកាក់ពណ៌ស្វាយ ជាមួយនឹងខោខូវប៊យពណ៌ខៀវស្លេក ដែលធ្វើឱ្យឈុតនេះពេញនិយមខ្លាំង ក្នុងចំណោមយុវវ័យ។

៤. ខែតុលា ឆ្នាំ២០២១

ស្លៀកពាក់ឈុតពណ៌ក្រហមឆ្អិនឆ្អៅ បូករួមទាំងកាបូបស្ពាយទាន់សម័យ Jennie ​រឹតតែស៊ីវិល័យ និងសិចស៊ី ​កំលុងរដូវកាល​ Spring/Summer 2022 របស់ម៉ាកយីហោ Chanel នៅឯកម្មវិធី Paris Fashion Week។

៥. ខែមីនា ឆ្នាំ២០២២

សម្រាប់កម្មវិធី Chanel’s Fall/Winter 2022 តារាចម្រៀង Jennie បានស្លៀកឈុតពណ៌ខ្មៅដ៏ប្រណីត ធ្វើឱ្យសម្រស់របស់នាងឆើតឆាយមិនធម្មតា។

ចំពោះកម្មវិធី Paris Fashion Week ឆ្នាំនេះ យើងនឹងរង់ចាំមើលទាំងអស់គ្នាថាតើ Jennie នឹងមានអ្វីប្លែក?

ប្រែសម្រួល៖ សន្យា

ចុចអាន៖ ផលិតកម្ម YG ប្រកាសប្រើធម៌ក្ដៅចំពោះអ្នកចែកចាយរូបថត Jennie