ថ្លែង​ក្នុង​ជំនួប​ជាមួយ​មន្ត្រី​ចំណុះ​ខេត្ត​កំពង់ចាម​ព្រឹក​ថ្ងៃ​ទី​២៥ ខែ​មេសា ឆ្នាំ​២០២៦​នេះ សម្ដេច​តេជោ បាន​ក្រើន​រំឭក​ដល់​មន្ត្រី​រាជការ​ទាំងអស់ ជាពិសេស​ក្រុម​ប្រឹក្សា​ឃុំ សង្កាត់ ឱ្យ​បន្ត​យក​ចិត្ត​ទុក​ដាក់​បំពេញ​តួនាទី​ភារកិច្ច​បម្រើ​ជាតិ និង​ប្រជាជន​ឱ្យ​បាន​ល្អ​ប្រសើរ​ ជាពិសេស​បន្ត​យក​ចិត្ត​ទុក​ដាក់​ផ្តល់​នូវ​សេវា​ចាំបាច់​នានា​ជូន​ប្រជាពលរដ្ឋ​ឱ្យ​បាន​លឿន រហ័ស ចៀសវាង​បង្ក​នូវ​បញ្ហា​នានា​ដែល​នាំឱ្យ​មាន​ការ​ថ្នាំងថ្នាក់​ដល់​ទឹកចិត្ត​របស់​ប្រជាពលរដ្ឋ ឬ​មាន​ភាព​អសកម្ម កៀប​សង្កត់​ប្រជាពលរដ្ឋ​នោះ។

សម្ដេច​បញ្ជាក់​ថា «មន្ត្រី មិនមែន​ជា​ចៅហ្វាយ​របស់​ប្រជាជន​នោះ​ទេ គឺជា​អ្នក​បម្រើ​ដ៏​ស្មោះត្រង់​របស់​ប្រជាជន»។

បន្ថែម​លើ​នេះ​សម្ដេច​ក៏​ឱ្យ​មន្ត្រី​ទាំង​អស់​ចៀស​វាង​ឱ្យ​បាន​នូវ​ពាក្យ​មួយ​ដែល​ថា​ ប្ដីស័ក្តិ៣ ប្រពន្ធស័ក្តិ៤ កូនស័ក្តិ៥ ​ដែល​ជា​ការ​យក​បុណ្យ​ស័ក្កិ​តួនាទី​ប្ដី/ឪពុក​ទៅ​កាង​កៀប​សង្កត់​ប្រជាពលរដ្ឋ ធ្វើ​ឱ្យ​មាន​បញ្ហា​ក្នុង​សង្គម​។

ជា​ការ​កត់​សម្គាល់​នេះ​ជា​វេទិកា​លើក១ ក្នុង​ឆ្នាំ​២០២៦​នេះ​ដែល​សម្ដេច​តេជោ​បាន​ជួប​មន្ត្រី​ថ្នាក់​ក្រោម​ជាតិ​ដោយ​ផ្ទាល់​។ អ្នក​នាំពាក្យ​ប្រធាន​ព្រឹទ្ធសភា លោក ជា​ ធីរិទ្ធ បាន​ឱ្យ​ដឹង​ថាវី​ដែល​ជា​គោលដៅ​នៃ​ការ​ចុះ​ជួប​សំណេះសំណាល​នេះ​ គឺ​ជា​ការ​អនុវត្ត ក៏​ដូចជា​ពង្រឹង​គណនេយ្យ​ភាព​រវាង​ព្រឹទ្ធសភា ជាមួយ​អង្គ​បោះឆ្នោត ដើម្បី​ឱ្យ​មាន​តម្លាភាព ក៏​ដូចជា​ជំរុញ​ឱ្យ​ការងារ​មូលដ្ឋាន​កាន់​តែ​មាន​ប្រសិទ្ធភាព បន្ថែម​លើ​នេះ​ជំនួប​នេះ​ក៏​ភ្ជាប់​ទំនាក់ទំនង​ឱ្យ​កាន់​តែ​ជិតស្និទ្ធ​ជាមួយអាជ្ញាធរមូលដ្ឋាន និងធ្វើការក្រើនរំឭក និងជំរុញដល់មន្ត្រីនៅមូលដ្ឋាន ឱ្យបង្កើនការយកចិត្តទុកដាក់លើភារកិច្ចជាដែនសមត្ថកិច្ចរបស់ខ្លួន ទន្ទឹមនឹងការផ្តល់សេវាសាធារណៈជូនប្រជាពលរដ្ឋ ឱ្យបានល្អប្រសើរ និងការដោះស្រាយបញ្ហានានា ដែលជាក្តីកង្វល់របស់ប្រជាពលរដ្ឋនៅមូលដ្ឋានឱ្យមានប្រសិទ្ធភាព និងទាន់ពេលវេលា៕

អត្ថបទដោយ​ ហ៊ុន សិរីវឌ្ឍន៍

The post ប្រមុខ​រដ្ឋ​ស្ដីទី​ណែនាំ​មន្ត្រី​ឱ្យ​ចៀសវាង​ឱ្យ​បាននូវពាក្យ​ថា​​ «ប្ដីស័ក្កិ៣ ប្រពន្ធស័ក្តិ៤ កូនស័ក្តិ៥» appeared first on Kampuchea Thmey Daily.

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ  នាព្រឹកថ្ងៃទី២៥ ខែមីនា ឆ្នាំ២០២៦  បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើក «សន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់ក្រសួងមុខងារសាធារណៈ» នៅ ដឺ ព្រេមៀ សេនធ័រ សែនសុខ រាជធានីភ្នំពេញ។ សន្និបាតនេះមានការអញ្ជើញចូលរួមពី ថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ តំណាងក្រសួង-ស្ថាប័ន រដ្ឋបាលរាជធានី ខេត្ត ក្រុង ស្រុក ខណ្ឌ និងមន្ទីរមុខងារសាធារណៈ រាជធានី-ខេត្ត ព្រមទាំងអ្នកសារព័ត៌មាន សរុបប្រមាណ ៦៥០នាក់។

ក្នុងឆ្នាំ២០២៥ ក្រសួងមុខងារសាធារណៈ ក្រោមការដឹកនាំរបស់ ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួង មុខងារសាធារណៈ បានដឹកនាំប្រកបដោយ ឆន្ទៈ និងការប្តេជ្ញាចិត្តយ៉ាងមុតមាំ ឈ្លាសវៃ ហ្មត់ចត់ មានចក្ខុវិស័យ និងទស្សនៈវិស័យច្បាស់លាស់ ក្នុងការគ្រប់គ្រង និងអភិវឌ្ឍវិស័យមុខងារសាធារណៈ ជាពិសេសការអនុវត្តវិធានការគន្លឹះ របស់រាជរដ្ឋាភិបាល ក្នុងការកែទម្រង់រដ្ឋបាលសាធារណៈ ដោយសម្រេចបាននូវសមិទ្ធផលសំខាន់ៗ ជាច្រើនគួរជាទីមោទនៈរួមមាន៖ ការជ្រើសរើសមន្ត្រីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព, ការរៀបចំ និងកែលម្អរចនាសម្ព័ន្ធក្រសួង ស្ថាប័ន តាមរយៈការអនុវត្តការវិភាគមុខងារ និងការធ្វើបច្ចុប្បន្នភាពមន្ត្រីរាជការស៊ីវិល ថ្នាក់ជាតិ និងថ្នាក់ក្រោមជាតិ សម្រាប់វិស័យអប់រំ និងវិស័យសុខាភិបាល, ការពង្រឹងការគ្រប់គ្រង, ការវិវឌ្ឍអាជីពរបស់មន្ត្រីរាជការនិងការអភិវឌ្ឍធនធានមនុស្ស និងស្ថាប័ន, ការកែលម្អការផ្តល់សេវាសាធារណៈ, ការកែទម្រង់ប្រព័ន្ធបៀវត្ស និង ការលើកកម្ពស់កិច្ចសហប្រតិបត្តិការជាមួយបណ្តាប្រទេសក្នុងតំបន់ និងក្រៅតំបន់ រួមទាំងជាមួយដៃគូអភិវឌ្ឍន៍នានាជាដើម។

សូមជម្រាបថា បន្ទាប់ពីពិធីបើកត្រូវបានបញ្ចប់ អង្គសន្និបាតក៏នឹងមានការធ្វើបទបង្ហាញរបស់វាគ្មិនជាថ្នាក់ដឹកនាំជាន់ខ្ពស់នៃក្រសួងមុខងារសាធារណៈ និងវេទិកាសំណួរ ចម្លើយ លើប្រធានបទដែលបានបង្ហាញ និងការងារពាក់ព័ន្ធ។ សន្និបាតនឹងប្រពឹត្តទៅរយៈពេល ២ថ្ងៃ ចាប់ពីថ្ងៃទី២៥ ដល់ថ្ងៃទី២៦ ខែមីនា ឆ្នាំ២០២៦៕

The post ក្រសួងមុខងារសាធារណៈ នឹងបន្តកែលម្អ និងពង្រឹងវិស័យមុខងារសាធារណៈកម្ពុជា ​ ឱ្យទាន់ការវិវឌ្ឍនៃសង្គមសេដ្ឋកិច្ច និងនយោបាយ appeared first on Kampuchea Thmey Daily.

នៅក្នុងពិធីបើកកិច្ចប្រជុំត្រៀម និងកិច្ចប្រជុំមន្ត្រីជាន់ខ្ពស់ កិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈ នាព្រឹកថ្ងៃទី១៩ ខែឧសភា នេះ ឯកឧត្ដម ហ៊ុន ម៉ានី សង្កត់ធ្ងន់ដូច្នេះ៖« ក្នុងដំណាក់កាលជាបន្ត បន្ទាប់ ប្រព័ន្ធរដ្ឋបាលសាធារណៈកម្ពុជា បានចូលរួមជាផ្នែកមួយដ៏សំខាន់ ក្នុងការ ស្វែងរកដំណោះស្រាយនយោបាយរបស់កម្ពុជា តាមរយៈការធ្វើសមាហរណកម្ម កម្លាំងនយោបាយក្នុងអំឡុងឆ្នាំ១៩៩៣ និងជាផ្នែកមួយនៃការស្វែងរកសុខសន្តិភាព ការបង្រួបបង្រួមជាតិ តាមរយៈនយោបាយឈ្នះ-ឈ្នះ។»។

ឯកឧត្ដមឧបនាយករដ្ឋមន្ត្រី បន្ថែមថា ទោះជាការងារកែទម្រង់រដ្ឋបាលសាធារណៈ គឺជាកិច្ចការដែលបានធ្វើជាបន្តបន្ទាប់ ចាប់តាំងពីទសវត្សរ៍ឆ្នាំ១៩៩០ រាជរដ្ឋាភិបាលអាណត្តិទី៧ នៃរដ្ឋសភា ក្រោមការ ដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា បានកំណត់គោលដៅអាទិភាពក្នុងការងារកែទម្រង់រដ្ឋបាល សាធារណៈ ជាលក្ខណៈប្រព័ន្ធអភិបាលកិច្ចឯកភាព (Whole of Government Approach)។

ដើម្បីអនុវត្តកិច្ចការងារនេះ រាជរដ្ឋាភិបាលនីតិកាលទី៧ បានបង្កើត គណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ ដឹកនាំផ្ទាល់ដោយ សម្តេចធិបតីនាយករដ្ឋមន្ត្រី ដែលមានក្រសួងមុខងារ សាធារណៈជាលេខាធិការដ្ឋាន ទទួលភារកិច្ចអនុវត្តវិធានការគន្លឹះចំនួន ០៣ រួមមាន(១)ការកែលម្អប្រព័ន្ធជ្រើសរើសមន្ត្រីចូលបម្រើការងារ ប្រកបដោយគុណាធិបតេយ្យ តម្លាភាព យុត្តិធម៌ បរិយាប័ន្ន និងប្រសិទ្ធភាព (២) ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់គុណភាព ការងារប្រកបដោយវិន័យ សីលធម៌វិជ្ជាជីវៈ ប្រសិទ្ធភាព និងស័ក្តិសិទ្ធិភាព និង (៣)ការរៀបចំដាក់ឱ្យអនុវត្តប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាល សាធារណៈប្រកបដោយសង្គតិភាព សមធម៌ ប្រសិទ្ធភាព និងចីរភាព។ នេះជាការអះអាងបន្ថែមរបស់ឯកឧត្ដមរដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការ នៃគណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ។

ឯកឧត្ដម ហ៊ុុន ម៉ានី មើលឃើញថា កិច្ចខិតខំប្រឹងប្រែងរបស់កម្ពុជាទាំងអស់នេះ បាននិងកំពុងរួមចំណែកយ៉ាងសំខាន់ ជាមូលដ្ឋានដល់ការកែទម្រង់ និងទំនើបកម្មរដ្ឋបាលសាធារណៈកម្ពុជា ឆ្ពោះទៅការ កសាងប្រព័ន្ធរដ្ឋបាលសាធារណៈមួយមានសមត្ថភាពខ្ពស់ ខ្លាំង វៃឆ្លាត និងស្អាតស្អំ ដើម្បីសម្រេចចក្ខុវិស័យកម្ពុជាឆ្នាំ២០៥០ និងចូលរួមចំណែកក្នុងការសម្រេចបាន ចក្ខុវិស័យរបស់សហគមន៍អាស៊ាន។

ទន្ទឹមនឹងសមិទ្ធផលដែលកម្ពុជាសម្រេចបាន ឯកឧត្ដម ហ៊ុន ម៉ានី យល់ឃើញថា នៅមានកិច្ចការជាច្រើនដែលតម្រូវឱ្យមានការសិក្សាវាយតម្លៃ ស្វែងយល់ពីគ្នាទៅវិញទៅមក និងពិគ្រោះយោបល់ត្រង់ទៅត្រង់មក ដែលនេះគឺជាហេតុផលមួយដ៏សំខាន់សម្រាប់ការជួបជុំរបស់យើង ក្នុងនាមជាប្រតិបត្តិករជាក់ស្តែងក្នុងវិស័យមុខងារសាធារណៈ ដើម្បីរួមគ្នាកសាង អនាគតមួយដែលត្រៀមរួចជាស្រេច សម្រាប់គ្រប់តួអង្គទាំងអស់គ្នា និងអ្នកជំនាន់ក្រោយ។

«ក្នុងនាមជាមន្ត្រីរាជការស៊ីវិល ដែលជាឆ្អឹងខ្នងរបស់វិស័យមុខងារសាធារណៈ យើង ពិតជាមានទំនួលខុសត្រូវ និងគណនេយ្យភាពខ្ពស់សម្រាប់ជាតិ និងប្រជាជន។ នៅខណៈដែលពិភពលោកកំពុងឆ្លងកាត់ស្ថានភាពមិនប្រាកដប្រជា ខ្ញុំជឿជាក់យ៉ាង មុតមាំថា សាមគ្គីភាពរបស់យើង នឹងផ្តល់ជាបរិយាកាសអំណោយផល ក្នុងការ ជំរុញនវានុវត្តន៍ ដើម្បីឆ្ពោះទៅសម្រេចបាននូវចក្ខុវិស័យអាស៊ានយើង ផ្អែកលើកិច្ច ខិតខំប្រឹងប្រែងរួម កិច្ចសហប្រតិបត្តិការរួម និងស្មារតីរួម។» នេះជាការបន្ថែមរបស់ឯកឧត្ដម ហ៊ុន ម៉ានី។

គួរជ្រាបថា កិច្ចប្រជុំត្រៀម និងកិច្ចប្រជុំមន្ត្រីជាន់ខ្ពស់កិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណ ដែលកម្ពុជា ធ្វើជាម្ចាស់ផ្ទះគឺមានការអញ្ជើញចូលរួមពីប្រតិភូមន្ត្រីជាន់ខ្ពស់មុខងារសារធារណៈនៃបណ្តាប្រទេសសមាជិកអាស៊ាន រួមទាំងប្រទេសទីម័រឡេស្តេ អគ្គលេខាធិការដ្ឋានអាស៊ាន និងថ្នាក់ដឹកនាំក្រសួង ស្ថាប័នរបស់កម្ពុជា។

កម្ពុជា កាលពីឆ្នាំ២០០៥ ធ្លាប់បានធ្វើជាប្រធានប្តូរវេន និងជាម្ចាស់ផ្ទះ រៀបចំកិច្ចប្រជុំ ACCSM លើកទី១៣ សម្រាប់ឆ្នាំ២០០៥-២០០៦ ដែលជាលើកទី១ របស់ខ្លួន បន្ទាប់ពីចូលជាសមាជិកពេញសិទ្ធិនៃ ACCSM ក្នុងឆ្នាំ២០០១។ រយៈពេល ម្ភៃឆ្នាំក្រោយមក ក្រសួងមុខងារសាធារណៈកម្ពុជា បានទទួលធ្វើជាប្រធានប្តូរវេនសម្រាប់ឆ្នាំ២០២៤-២០២៦ និងជាម្ចាស់ផ្ទះរៀបចំកិច្ចប្រជុំ ACCSM ជាលើកទី២៣ និង ACCSM+3 លើកទី៨៕

The post ឯកឧត្ដម ហ៊ុន ម៉ានី៖ រដ្ឋបាលសាធារណៈ បានជួយដោះស្រាយវិបត្តនយោបាយ និងនាំឱ្យកម្ពុជាមានសន្តិភាព appeared first on Kampuchea Thmey Daily.

ឯកឧត្ដម ហ៊ុន​ ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ  និងជាអនុប្រធានប្រចាំការនៃគណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ របស់រាជរដ្ឋាភិបាល នីតិកាលទី៧ នៃរដ្ឋសភា (គ.វ.រ.) លើកឡើងដូច្នេះ គឺដើម្បីបង្ការទុកមុន កុំឱ្យអ្នកនយោបាយ ឬអ្នកវិភាគមួយចំនួន លើកឡើងថា «មូលហេតុដែលរដ្ឋាភិបាលនីតិកាលទី៧ ចាប់ផ្ដើមវិភាគមុខងារសាធារណៈ គឺដោយសារតែរដ្ឋាភិបាលនីតិកាលមុន ធ្វើខុស» ឬយកបញ្ហាការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួង-ស្ថាប័ន ដើម្បីកេងចំណេញផ្នែកនយោបាយ។

នៅក្នុងសន្និសីទសារព័ត៌មាន នាព្រឹកថ្ងៃទី២៦ ខែវិច្ឆិកា ឯកឧត្ដម ហ៊ុន ម៉ានី លើកឡើងបង្ការទុកមុនដូច្នេះ៖«ខ្ញុំសូមបញ្ជាក់ ដើម្បីកុំឱ្យមានការបកស្រាយណាមួយថា ការវិភាគមុខងារនៅក្នុងដើមឆ្នាំអាណត្តិទី៧នេះ គឺដោយសារពីមុនៗមកធ្វើខុស។ បើយើងបានសិក្សាជាបន្តបន្ទាប់ គឺការកែទម្រង់រដ្ឋបាលសាធារណៈ មិនថាកម្ពុជា មិនថាប្រទេសណាទេ គឺត្រូវធ្វើការវាយតម្លៃជាប្រចាំ ហើយនឹងវិ​វត្តន៍ទៅតាមកាលៈទេសៈ និងបរិបទ និងកត្តាតម្រូវ។ ​ ជាពិសេសក្នុងគោលដៅ ជាមូលដ្ឋានក្នុងការផ្ដល់សេវាសាធារណៈឱ្យមានប្រសិទ្ធភាព ស័ក្ដិសិទ្ធិភាព ហើយទទួលបាននូវ ជំនឿទុកចិត្តពីប្រជាពលរដ្ឋរបស់យើងបន្ថែមទៀត»។

គួរឱ្យដឹងថា ភាពចាំបាច់នៃការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួង-ស្ថាប័ន គឺជាការខិតខំប្រឹងប្រែងដោះស្រាយបញ្ហានូវភាពមិនច្បាស់លាស់ ឬការត្រួតជាន់គ្នានៃមុខងារ និងការទទួលខុសត្រូវរបស់ក្រសួង ស្ថាប័ន និងអង្គភាពក្រោមឱវាទក្រសួងស្ថាប័ន, ភាពខ្វះចន្លោះនៃការធ្វើអាទិភាវូបនីយកម្ម ឈរលើមូលដ្ឋាននៃធនធានមនុស្ស របស់ក្រសួងស្ថាប័ន,  ភាពស្មុគស្មាញ និងបញ្ហាលំបាកនៅក្នុងអន្តរទំនាក់ទំនងរវាងក្រសួង ស្ថាប័ន, បញ្ហាអសង្គតិភាព ឬភាពមិនរលូន និងប្រទាក់ក្រឡា នែការកំណត់សមត្ថកិច្ចរបស់ក្រសួង ស្ថាប័ន, បណ្តឹងតវ៉ា និងភាពមិនពេញចិត្តពីភាគីពាក់ព័ន្ធ និងអ្នកប្រើប្រាស់សេវា ចំពោះកម្រិតគុណភាពនៃសេវា ដែលផ្តល់ដោយក្រសួង ស្ថាប័ន, និងផលប៉ះពាល់នៃការប្រើប្រាស់បច្ចេកវិទ្យាថ្មីក្នុងការអនុវត្តការងារ និងសកម្មភាពទាំងឡាយរបស់ក្រសួង ស្ថាប័នជាដើម។

រាប់ពីខែមិថុនា មកដល់ចុងខែវិច្ឆិកា  ឆ្នាំ២០២៤ នេះ ក្រសួងមុខងារសាធារណៈ បានរៀបចំការវិភាគមុខងារសាធារណៈទៅលើក្រសួង-ស្ថាប័នចំនួន៩ដូចជា ក្រសួងមហាផ្ទៃ, ក្រសួងសង្គមកិច្ច អតីតយុទ្ធជន និងយុវនីតិសម្បទា​, ក្រសួងអប់រំ យុវជន និងកីឡា ,​ក្រសួងយុត្តិធម៌, ក្រសួងសេដ្ឋកិច្ច​ និងហិរញ្ញវត្ថុ, ក្រសួងសុខាភិ​បាល, ទីស្ដីការគណរដ្ឋមន្ត្រី, ក្រសួងរៀបចំ ដែនដី នគរូបនីយកម្ម និងសំណង់ និងក្រសួងការងារ និងបណ្ដុះបណ្ដាលវិជ្ជាជីវៈ។

នៅក្នុងសន្និសីទសារព័ត៌មាន នាព្រឹកថ្ងៃអង្គារ នេះ ឯកឧត្ដម ហ៊ុន ម៉ានី បានអះអាងថា ក្រោយពីបានប្រមូលព័ត៌មានតាមរយៈការវិភាគមុខងារលើក្រសួងស្ថាប័នរួចរាល់ គណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ របស់រាជរដ្ឋាភិបាល នីតិកាលទី៧ នឹងរៀបចំរបាយការណ៍ ជូនសម្ដេចធិបតី ហ៊ុន​ ម៉ាណែត នាយករដ្ឋមន្ត្រីកម្ពុជា និងរងចាំការតម្រង់ទិសពីសំណាក់សម្ដេចធិបតីប្រមុខរាជរដ្ឋាភិបាល៕

ដោយ៖ ង៉ិល ណារ៉ាត់

The post ឯកឧត្ដម ហ៊ុន ម៉ានី៖ ការវិភាគបញ្ហាជាន់មុខងារតាមក្រសួងនាពេលនេះ មិនមែនព្រោះតែរដ្ឋាភិបាលអាណត្តិមុនៗដឹកនាំខុសឡើយ appeared first on Kampuchea Thmey Daily.

ឯកឧត្ត​មឧបនាយករដ្ឋមន្ត្រី បានបញ្ជាក់ថា ការកែទម្រង់រដ្ឋបាលសាធារណៈ មិនមែនជាចំណុចអវិជ្ជមាន ឬជាបញ្ហាប្រឈមនោះទេ តែការកែទម្រង់រដ្ឋបាលសាធារណៈ ជាឱកាសចូលរួមយ៉ាងស្វាហាប់ ក្នុងភាពទទួលខុសត្រូវ ដើម្បីចូលរួមការកសាង និងប្រែក្លាយរដ្ឋបាលសាធារណៈ ឱ្យមានសមត្ថភាពខ្ពស់ ខ្លាំង វៃឆ្លាត និងស្អាតស្អំ។

ក្នុងនាមជាសេនាធិការ របស់រាជរដ្ឋាភិបាល ឯកឧត្តមឧបនាយករដ្ឋមន្ត្រី បានលើកឡើងចំណុចពិសេសរបស់ក្រសួងមុខងារសាធារណៈចំនួន ៣ចំណុច រួមមាន៖ ទី១.សុខដុមនីយកម្ម នៃថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ ទី២.ទឹកចិត្ត ឆន្ទះនៃការលះបង់របស់ថ្នាក់ដឹកនាំ និងមន្ត្រីគ្រប់ជាន់ថ្នាក់នៃក្រសួងមុខងារសាធារណៈ ទី៣.ការសម្លឹងមើលថា ការកែទម្រង់រដ្ឋបាលសាធារណៈ គឺជាឱកាសជាជាងបញ្ហា ឬការប្រឈម។

លើកពីចំណុចខាងលើ ឯកឧត្តមឧបនាយករដ្ឋមន្ត្រី បានបន្ថែមថា ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ មិនបានបែងចែកជំនាន់ ឬអ្នកចូលមុនចូលក្រោយនោះទេ ពោលគឺរួមចិត្ត រួមស្មារតីតែមួយនៅក្នុងក្រសួងមុខងារសាធារណៈ ឆ្ពោះទៅមុខ ហើយអនុវត្តបេសកកម្មក្នុងស្មារតីតែមួយ បំពេញការងាររួមគ្នា ប្រកបដោយជវភាពនៃតួអង្គតែមួយ និងមានការគោរពគ្នាទៅវិញទៅមក។

ទន្ទឹមនេះ ឯកឧត្តមបានបន្តថា ទឹកចិត្ត ឆន្ទៈនៃការលះបង់របស់ថ្នាក់ដឹកនាំ និងមន្ត្រីគ្រប់ជាន់ថ្នាក់នៃក្រសួងមុខងារសាធារណៈ បានបំពេញកិច្ចការងារស្នូល និងវិធានការគន្លឹះរបស់រាជរដ្ឋាភិបាលដែលបានដាក់ចេញ ដោយពុំមានរើសមន្ត្រីថ្មីនោះទេ គឺប្រើប្រាស់ធនធានដែលមានស្រាប់ ដោយបានរែកពន់នូវការងារជាច្រើនដែលក្រសួងមុខងារសាធារណៈ កំពុងធ្វើ ប្រកបដោយភាពទទួលខុសត្រូវ ឆន្ទៈ មនសិការ និងវិជ្ជាជីវៈក្នុងការបំពេញការងារ។

សូមបញ្ជាក់ថា វគ្គបណ្តុះបណ្តាលខាងលើ រៀបចំឡើងក្នុងគោលបំណងចែករំលែកបទពិសោធល្អៗ ប្រកបដោយឧត្តមានុវត្តន៍ និងនវានុវត្តន៍ និងការគ្រប់គ្រងបទពិសោធដែលអង្គភាពនីមួយៗ បានអនុវត្តន៍នាពេលកន្លងមក ព្រមទាំងសិក្សាពីគោលការណ៍គ្រឹះនៃមុខងារសាធារណៈ និងគុណសម្បត្តិនៃកិរិយាបថរបស់មន្ត្រីរាជការ។ ព្រមទាំងសិក្សាអំពីលំហូរនៃការអនុវត្តការងារ ការរៀបចំលិខិតរដ្ឋបាល ក៏ដូចជាបំណែងចែកភារកិច្ច និងរចនាសម្ព័ន្ធរបស់អង្គភាពនៃក្រសួងមុខងារសាធារណៈ និងសិក្សាស្វែងយល់ពីច្បាប់សហលក្ខន្តិកៈមន្ត្រីរាជការស៊ីវិលនៃព្រះរាជាណាចក្រកម្ពុជា និងលិខិតបទដ្ឋានគតិយុត្តិសំខាន់ៗពាក់ព័ន្ធនឹងការគ្រប់គ្រងមន្ត្រីរាជការនៃការវិវត្តន៍អាជីព និងកិច្ចការងារផ្សេងៗរបស់មន្ត្រីរាជការស៊ីវិល៕

The post ឯកឧត្ត​ម ហ៊ុន ម៉ានី៖ ការកែទម្រង់រដ្ឋបាលសាធារណៈ ជាស្ពានក្នុងការលើកកម្ពស់សមត្ថភាពឱ្យកាន់តែខ្លាំង appeared first on Kampuchea Thmey Daily.

ការ​លើក​ឡើង​នេះ ក្នុង​ឱកាស ឯកឧត្ដម ហ៊ុន ម៉ានី បាន​អញ្ជើញ​ផ្ដល់​បទ​ឧទ្ទេសនាម​លើ​ប្រធានបទ «ភាព​ជា​អ្នក​ដឹកនាំ នវានុវត្តន៍ និង​គុណា​ធិបតេយ្យ ក្នុង​រដ្ឋបាល​សាធារណៈ» វគ្គ​អប់រំ​នយោបាយ​របស់​គណបក្ស​ប្រជាជន​កម្ពុជា កម្រិត ២ ជំនាន់​ទី ១១ នៅ​វិមាន ៧ មករា កាលពី​ព្រឹក​ថ្ងៃ​ទី ០៤ ខែ​កក្កដា ឆ្នាំ ២០២៤ នេះ។

នា​ឱកាស​នោះ​ដែរ សង្កត់​ធ្ងន់​ទៅ​លើ​ការងារ​កែទម្រង់​រដ្ឋបាល​សាធារណៈ ឯកឧត្ដម ហ៊ុន ម៉ានី លើក​ឡើង​ថា «ការ​រៀបចំ​ប្រព័ន្ធ​កែទម្រង់​នៅ​ពេលនេះ មិនមែន​សំដៅ​ទៅ​លើ​ការ​ធ្វើ​ការងារ​ឲ្យ​បាន​កាន់តែ​ល្អ​ប្រសើរ​មួយ​កម្រិត​នោះ​ទេ ប៉ុន្តែ​សំដៅ​ទៅ​លើ​ការ​ផ្តល់​សេវា​ជូន​ទៅ​ដល់​ប្រជាពលរដ្ឋ​ឲ្យ​បាន​កាន់​តែ​ប្រសើរ មាន​ទំនុក​ចិត្ត​ខ្ពស់ ហើយ​អាច​ទទួល​យក​បាន»។

ឯកឧត្ដម ហ៊ុន ម៉ានី លើក​ឡើង​បន្ត​ថា «អ្វី​ដែល​យើង​ធ្វើ​នៅ​ពេលនេះ គឺ​បន្សល់​នូវ​កេរដំណែល​សម្រាប់​អ្នក​ជំនាន់​ក្រោយ ហើយ​កេរដំណែល​នោះ គឺ​មាន​ប្រព័ន្ធ​រដ្ឋបាល​សាធារណៈ​មួយ​ដែល​មាន​សមត្ថភាព​ខ្លាំង វៃ​ឆ្លាត ស្អាតស្អំ»។

ទន្ទឹម​នេះ ឯកឧត្ដម ហ៊ុន ម៉ានី ក៏បាន​បង្ហាញ​ពី​ភាព​ជា​គំរូ និង​គោលការណ៍​ការ​ដឹកនាំ​របស់​គណបក្ស​ប្រជាជន​កម្ពុជា ជាពិសេស​ការ​គួរ​ស្វែងយល់ និង​សិក្សា​បន្ថែម​ពី​ការ​ដឹកនាំ​របស់ សម្ដេច​តេ​ជោ ហ៊ុន សែន និង​ថ្នាក់ដឹកនាំ​ដទៃ​ទៀត​របស់​គណបក្ស​ប្រជាជន​កម្ពុជា ដោយ​ឈរ​លើ​គោលជំហរ​រឹងមាំ ប្រកប​ដោយ​សាមគ្គី ឯកភាព​ផ្ទៃក្នុង។

ជាមួយ​នេះ ឯកឧត្ដម​ឧបនាយករដ្ឋមន្ត្រី បាន​ជំរុញ​ចិត្ត​ដល់​សិក្ខាកាម​ទាំងអស់ ត្រូវ​ប្រកាន់ខ្ជាប់ ធ្វើ​យ៉ាងណា​រក្សា​នូវ​សាមគ្គី​ឯកភាព​ផ្ទៃក្នុង ព្រមទាំង​ចូលរួម​បំពេញ​តួនាទី ភារកិច្ច ក្នុង​គោលដៅ​បម្រើ​សេវា​សាធារណៈ​ជូន​ប្រជាពលរដ្ឋ​ឲ្យ​កាន់តែ​ល្អ​ប្រសើរ។

គួរ​ជម្រាប​ថា វគ្គ​អប់រំ​នយោបាយ​របស់​គណបក្ស​ប្រជាជន​កម្ពុជា កម្រិត ២ ជំនាន់​ទី ១១ ដែល​បាន​ប្រព្រឹត្ត​ទៅ ព្រឹកមិញ​នេះ មាន​សិក្ខាកាម​ដែល​ជា​មន្ត្រី​គណបក្ស​មកពី​បណ្ដា​គណបក្ស​ក្រសួង​-​ស្ថាប័ន រាជធានី​-​ខេត្ត និង​អង្គការ​យុវជន​គណបក្ស អញ្ជើញ​ចូលរួម​សរុប​ចំនួន ១៣៥ រូប។

ចំពោះ​បទ​ឧទ្ទេសនាម​របស់ ឯកឧត្ដម ហ៊ុន ម៉ានី នា​ព្រឹកមិញ​នេះ ត្រូវ​បាន​បែងចែក​ជា ០២ ផ្នែក រួមមាន ៖ ទី១.សាវតារ និង​ដំណើរ​ប្រព្រឹត្ត​ទៅ​របស់​ក្រសួង​មុខងារ​សាធារណៈ រួម​ទាំង​កិច្ច​ការងារ​កែទម្រង់​រដ្ឋបាល​សាធារណៈ ក្នុង​អាណត្តិ​ទី ៧ នៃ​រដ្ឋសភា និង ទី២.ឯកឧត្ដម​ឧបនាយករដ្ឋមន្ត្រី បាន​ចែក​រំលែក​គោលការណ៍​បក្ស និង​ខ្លឹមសារ​នានា ពាក់ព័ន្ធ​ទៅ​នឹង​ការ​ពង្រឹង​ការងារ​ក្នុង​ក្របខណ្ឌ​គណបក្ស​ប្រជាជន​កម្ពុជា៕

The post ឯកឧត្ដម ហ៊ុន ម៉ានី ៖ ការរៀបចំប្រព័ន្ធកែទម្រង់រដ្ឋបាលសាធារណៈ ពេលនេះ សំដៅលើការផ្តល់សេវាជូនពលរដ្ឋកាន់តែប្រសើរ appeared first on Kampuchea Thmey Daily.

ការ​លើក​ឡើង​នេះ ក្នុង​ឱកាស ឯកឧត្ដម ហ៊ុន ម៉ានី ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​មុខងារ​សាធារណៈ នៃ​ព្រះរាជាណាចក្រ​កម្ពុជា និង​ឯកឧត្ដម KIM Seung Ho រដ្ឋមន្ត្រី​ក្រសួង​គ្រប់គ្រង​បុគ្គលិក នៃ​សាធារណរដ្ឋ​កូរ៉េ បាន​ពិភាក្សា​លើ​ការ​ពង្រឹង​កិច្ច​សហ​ប្រតិបត្តិការ​រឹតតែ​ស្អិត​រមួត​ទៅ​ថ្ងៃ​អនាគត និង​ចែករំលែក​នូវ​បទ​ពិសោធ​ការងារ​ល្អៗ រវាង​គ្នា និង​គ្នា ក្នុង​ការ​គ្រប់គ្រង ដឹកនាំ និង​អភិវឌ្ឍន៍​វិស័យ​មុខងារ​សាធារណៈ ក្នុង​ជំនួប​ទ្វេភាគី កាលពី​ព្រឹក​ថ្ងៃ​ទី ២៧ ខែ​មិថុនា ឆ្នាំ ២០២៤ ម្សិលមិញ នៅ​ទីក្រុង​សេ​អ៊ូល សាធារណរដ្ឋ​កូរ៉េ។

នា​ឱកាស​ជំនួប​ទ្វេភាគី​នោះ ឯកឧត្ដម ហ៊ុន ម៉ានី បាន​លើក​យក​នូវ​យុទ្ធសាស្ត្រ​បញ្ចកោណ ដំណាក់​កាល​ទី ១ របស់​រាជរដ្ឋាភិបាល នីតិកាល​ទី ៧ នៃ​រដ្ឋសភា ដែល​កំណត់​នូវ​វិធានការ​គន្លឹះ​ក្នុង​ការ​កែទម្រង់​រដ្ឋបាល​សាធារណៈ​ចំនួន ៣ គឺ ៖ (១).​ការ​កែលម្អ​ប្រព័ន្ធ​ជ្រើសរើស​មន្ត្រីរាជការ​ស៊ីវិល (២).​ការ​លើក​កម្ពស់​សមត្ថភាព និង​សមិទ្ធកម្ម​ស្ថាប័ន និង (៣).​ការ​រៀបចំ​ប្រព័ន្ធ​លើក​ទឹកចិត្ត​គាំទ្រ​សមិទ្ធកម្ម ដែល​មាន​ក្រសួង​មុខងារ​សាធារណៈ​កម្ពុជា ដើរ​តួនាទី​ដឹកនាំ និង​សម្របសម្រួល។

ជាមួយ​នេះ ឯកឧត្ដម​ឧបនាយករដ្ឋមន្ត្រី បាន​ស្នើ​ឲ្យ​មន្ត្រី​បច្ចេកទេស​រវាង​ក្រសួង​ទាំងពីរ បន្ត​ធ្វើការ​ទាក់ទង និង​សម្រប​សម្រួល ដើម្បី​អនុវត្ត​គម្រោង​តាម​កិច្ចព្រមព្រៀង ជាពិសេស​ការ​ពង្រឹង​សមត្ថភាព​របស់​មន្ត្រី នៃ​ក្រសួង​មុខងារ​សាធារណៈ និង​សាលា​ភូមិន្ទ​រដ្ឋបាល តាមរយៈ​ការ​ផ្តល់​វគ្គ​បណ្ដុះបណ្ដាល​រយៈពេល​ខ្លី​ដោយ​ផ្ទាល់​នៅ​សាធារណរដ្ឋ​កូរ៉េ និង​តាម​ប្រព័ន្ធ Online ព្រមទាំង​សិក្សា ពិនិត្យ​លទ្ធភាព​ធ្វើ​កម្មវិធី​ផ្លាស់ប្ដូរ (Exchange Program) ដោយ​ធ្វើការ​បញ្ជូន​មន្ត្រី​បច្ចេកទេស​ជំនាញ​រៀងៗ ខ្លួន មក​ព្រះរាជាណាចក្រ​កម្ពុជា និង​សាធារណរដ្ឋ​កូរ៉េ ដើម្បី​សិក្សា និង​ដកស្រង់​បទ​ពិសោធ​ទៅវិញទៅមក​នៅ​ក្នុង​វិស័យ​មុខងារ​សាធារណៈ។

បន្ថែម​លើ​ការ​ពិភាក្សា​ប្រកប​ដោយ​ភាព​ស្និទ្ធស្នាល ឯកឧត្ដម ហ៊ុន ម៉ានី បាន​អញ្ជើញ ឯកឧត្ដម KIM Seung Ho ចូលរួម​ក្នុង​កិច្ចប្រជុំ​លើ​ក្របខណ្ឌ​កិច្ច​សហ​ប្រតិបត្តិការ​អាស៊ាន​បូក​បី​លើ​វិស័យ​មុខងារ​សាធារណៈ (ACCSM+3) សម្រាប់​ឆ្នាំ ២០២៥-២០២៦ នា​ពេល​ខាងមុខ ដែល​ក្រសួង​មុខងារ​សាធារណៈ នៃ​ព្រះរាជាណាចក្រ​កម្ពុជា នឹង​ទទួល​ធ្វើជា​ម្ចាស់ផ្ទះ។ ជា​ការ​ឆ្លើយតប រដ្ឋមន្ត្រី​ក្រសួង​គ្រប់គ្រង​បុគ្គលិក នៃ​សាធារណរដ្ឋ​កូរ៉េ បាន​ទទួល​យក​សំណើ ព្រមទាំង​បង្ហាញ​ភាព​សុទិដ្ឋិនិយម​ថា នឹង​ចូលរួម​ក្នុង​កិច្ចប្រជុំ​ខាងលើ​តប​តាម​ការ​អញ្ជើញ៕

The post ឯកឧត្ដម ហ៊ុន ម៉ានី លើកឡើងវិធានការគន្លឹះចំនួន ៣ ដើម្បីកែទម្រង់រដ្ឋបាលសាធារណៈ appeared first on Kampuchea Thmey Daily.

ជំនួប​នេះ ថ្នាក់ដឹកនាំ​ស្ថាប័ន​ទាំងពីរ បាន​ចែករំលែក​បទ​ពិសោធ​ក្នុង​កិច្ចការ​កែទម្រង់​រដ្ឋបាល​សាធារណៈ ដោយ​ខាង​ភាគី​អាស៊ែបៃហ្សង់ ចែករំលែក​ពី​សាវតារ បេសកកម្ម និង​ភាព​ជោគជ័យ​របស់ ASAN Service (Azerbaijan Service and Assessment Network) ជូន​ដល់​អង្គ​ជំនួប។

ជាមួយ​គ្នា​នេះ ឯកឧត្ដម​ឧបនាយករដ្ឋមន្ត្រី ក៏បាន​គូស​បញ្ជាក់​ពី​កិច្ចការ​កែទម្រង់​រដ្ឋបាល​សាធារណៈ ក្នុង​រាជរដ្ឋាភិបាល​អាណត្តិ​ទី ៧ ក្រោម​ការ​ដឹកនាំ​របស់ សម្តេច​ធិបតី និង​ការវិវត្តន៍ នៃ​វិស័យ​មុខងារ​សាធារណៈ​របស់​កម្ពុជា ព្រមទាំង​លើក​ទឹកចិត្ត​ឲ្យ​មាន​ការ​បន្ត​ទំនាក់ទំនង និង​កិច្ចសហការ​ណាមួយ​រវាង​ស្ថាប័ន​ទាំងពីរ​ឆ្ពោះ​ទៅ​មុខ។

បន្ថែម​លើ​នេះ ក្នុង​វេទិកា​សាធារណៈ និង​ពិធី​ប្រគល់​ពានរង្វាន់​របស់​អង្គការ​សហប្រជាជាតិ​នៅ​សាធារណរដ្ឋ​កូរ៉េ ប្រតិភូ​របស់​ព្រះរាជាណាចក្រ​កម្ពុជា បាន​អញ្ជើញ​ចូលរួម​ទស្សនា​ការ​តាំង​ពិព័រណ៍ រួម​ទាំង​ទទួល​បាន​នូវ​បដិសណ្ឋារកិច្ច​ពី​បណ្ដា​ប្រទេស​នានា ក្នុង​គោលដៅ​រឹតចំណង​មិត្តភាព និង​កិច្ច​សហ​ប្រតិបត្តិការ​រវាង​ប្រទេស​នីមួយៗ ឲ្យ​កាន់តែ​ស្អិត​រមួត។

សូម​ជម្រាប​ថា នា​ថ្ងៃ​បន្ទាប់ ឯកឧត្ដម ហ៊ុន ម៉ានី នឹង​អញ្ជើញ​ជា​វាគ្មិន​មួយ​រូប ក្នុង​ចំណោម​វាគ្មិន​ដែល​ជា​រដ្ឋមន្ត្រី ១០ រូប​ផ្សេងទៀត ក្នុង​វេទិកា​តុ​មូល​កម្រិត​រដ្ឋមន្ត្រី (Ministerial Roundtable) ការ​ទទួល​ជួប​ទ្វេភាគី​ជាមួយ​ភាគី នៃ​សាធារណរដ្ឋ​កូរ៉េ និង​កម្មវិធី​ផ្លូវការ​ផ្សេងៗ ទៀត៕

The post ឯកឧត្ដម ហ៊ុន ម៉ានី ទទួលជួបប្រធានទីភ្នាក់ងារជាតិសម្រាប់កិច្ចការសេវាសាធារណៈ និងនវានុវត្តន៍សង្គម របស់ អាស៊ែបៃហ្សង់ appeared first on Kampuchea Thmey Daily.