សេចក្តីប្រកាសបញ្ជាក់ថា ការលើកឡើងរបស់គណៈកម្មាធិការចំពោះកិច្ចព្រឹទ្ធសភាថៃ គឺជាការធ្វើឡើងដោយគ្មានមូលដ្ឋានត្រឹមត្រូវ ផ្ទុយនឹងច្បាប់អន្តរជាតិ និងមានចេតនានយោបាយ ដែលអាចបំផ្លាញសមិទ្ធផលនានា ដែលភាគីទាំងពីរបានសម្រេចតាមរយៈយន្តការគណៈកម្មការព្រំដែនរួម (JBC) ក្នុងអតីតកាល។

តាមការពន្យល់របស់អ្នកនាំពាក្យ MOU ឆ្នាំ២០០០ គឺជាកិច្ចព្រមព្រៀងទ្វេភាគីដែលមានសុពលភាពច្បាប់អន្តរជាតិ បានចុះហត្ថលេខារួច និងចុះបញ្ជីនៅលេខាធិការដ្ឋានអង្គការសហប្រជាជាតិ ហើយបង្កើតកាតព្វកិច្ចច្បាប់សម្រាប់ភាគីទាំងពីរ ក្នុងការដោះស្រាយបញ្ហាព្រំដែនដោយសន្តិវិធីតាមរយៈយន្តការ JBC។

សេចក្តីប្រកាសបន្ថែមថា តាមគោលការណ៍ច្បាប់អន្តរជាតិ ភាគីណាមួយមិនអាចយកច្បាប់ ឬនីតិវិធីផ្ទៃក្នុងរបស់ខ្លួន មកធ្វើជាមូលហេតុសម្រាប់លុបចោលកិច្ចព្រមព្រៀងអន្តរជាតិបានឡើយ ជាពិសេសកិច្ចព្រមព្រៀងពាក់ព័ន្ធនឹងបញ្ហាព្រំដែន ដូចដែលបានកំណត់ក្នុងអនុសញ្ញាទីក្រុងវីយែន ឆ្នាំ១៩៦៩ ស្តីពីច្បាប់សន្ធិសញ្ញា។

ក្នុងនោះដែរ អ្នកនាំពាក្យបានលើកឡើងពីសមិទ្ធផលសំខាន់ៗដែលសម្រេចបានតាមរយៈយន្តការ JBC រួមមាន ការស្វែងរកទីតាំងពិតប្រាកដនៃបង្គោលព្រំដែនសម័យបារាំងចំនួន៧៤ ការជួសជុល និងថែទាំបង្គោលព្រំដែន ការវាស់វែង និងបោះបង្គោលបណ្តោះអាសន្ន ព្រមទាំងការងារបច្ចេកទេសផ្សេងៗទៀត។

ជាមួយគ្នានេះ ភាគីកម្ពុជាបានបញ្ជាក់ថា តែងតែប្រកាន់ខ្ជាប់ការដោះស្រាយបញ្ហាព្រំដែនដោយសន្តិវិធី តាមរយៈយន្តការទ្វេភាគីដែលមានស្រាប់ និងត្រៀមខ្លួនបន្តការងារវាស់វែង និងខណ្ឌសីមាព្រំដែនជាមួយភាគីថៃ ដើម្បីឈានទៅរកការបញ្ចប់ជាស្ថាពរ និងរក្សាសន្តិភាពយូរអង្វែងតាមបណ្តោយព្រំដែន។

ជាសេចក្តីសន្និដ្ឋាន សេចក្តីប្រកាសបានបញ្ជាក់ថា ការលុប MOU ឆ្នាំ២០០០ មិនត្រឹមតែជាការរំលោភច្បាប់អន្តរជាតិប៉ុណ្ណោះទេ ប៉ុន្តែថែមទាំងអាចបង្កឱ្យមានឧបសគ្គដល់ដំណើរការដោះស្រាយបញ្ហាព្រំដែនដោយសន្តិវិធី និងប៉ះពាល់ដល់ការកសាងព្រំដែនដែលមានស្ថិរភាព សន្តិភាព និងអភិវឌ្ឍន៍រវាងប្រទេសទាំងពីរផងដែរ៕

The post កម្ពុជា ច្រានចោលសំណើលុប MOU ឆ្នាំ២០០០ ថាជាការផ្ទុយនឹងច្បាប់អន្តរជាតិ appeared first on Kampuchea Thmey Daily.

ជាការពិត តាមរយៈកិច្ចព្រមពៀងឈប់បាញ់នេះ មានការមន្ទិលសង្ស័យ ឬព្រួយបារម្ភអំពីការបាត់បង់បូរណភាពទឹកដី ដោយសារតែកងទ័ពថៃបានឈរជើងនៅទីតាំងមួយចំនួនដោយកម្លាំងយោធា។ ប៉ុន្តែ ក្តីបារម្ភនេះបានរំសាយ បន្ទាប់ពីបានឃើញសាររបស់លោកនាយករដ្ឋមន្ត្រី ក៏ដូចជា សេចក្តីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន ដែលយើងអាចយល់បានថា «ការរក្សាកងកម្លាំងឈរជើងនៅតាមទីតាំងជាក់ស្តែងនានានៅម៉ោងនៃការចាប់ផ្តើមអនុវត្តបទឈប់បាញ់ មិនមែនបញ្ជាក់ពីកម្មសិទ្ធិស្របច្បាប់នៅលើដីនោះទេ»។

ចំណុចនេះ ត្រូវបានលោកនាយករដ្ឋមន្ត្រីអះអាងថា «ភាគីទាំងពីរ ពោល គឺកម្ពុជា និងថៃ បានទទួលស្គាល់ជាផ្លូវការ និងជាលាយលក្ខណ៍អក្សរថា មិនមានការពាក់ព័ន្ធដល់ការកំណត់ខណ្ឌសីមាព្រំដែនរវាងប្រទេសទាំងពីរនោះឡើយ ដូចមានចែងក្នុងចំណុចទី៣នៃសេចក្តីប្រកាសរួមថ្ងៃទី២៧ ខែធ្នូ ឆ្នាំ២០២៥»។ ចំណុចនេះទៀតសោត ត្រូវបានរាជរដ្ឋាភិបាលកម្ពុជាទាមទារកំណត់ច្បាស់នៅក្នុង «សេចក្តីប្រកាសរួមនៃកិច្ចប្រជុំពិសេសនៃគណៈកម្មាធិការព្រំដែនទូទៅ (GBC) រវាងកម្ពុជា និងថៃ»។ នេះមានន័យថា បន្ទាត់ព្រំដែនត្រូវកំណត់យកតាមការវាស់វែងជាក់ស្តែងរបស់ក្រុមការងារនៃគណៈកម្មការចម្រុះខណ្ឌសីមា ព្រំដែនគោក (JBC) គឺមិនមែនកំណត់តាមយោធាឈរជើងនោះឡើយ។

ប្រការនេះបញ្ជាក់ច្បាស់ថា កម្ពុជានៅតែរក្សាបានពេញលេញនូវសិទ្ធិក្នុងការដោះស្រាយបញ្ហាព្រំដែននេះ ជាមួយនឹងភាគីថៃ អនុលោមតាមច្បាប់អន្តរជាតិ សន្ធិសញ្ញា អនុសញ្ញា និងយន្តការទ្វេភាគីទាំងឡាយ ដែលមានជាធរមាន។ លោកនាយករដ្ឋមន្ត្រី ហ៊ុន ម៉ាណែត ក៏បានគូសបញ្ជាក់ច្បាស់ៗថា កម្ពុជាមិនបានបោះបង់សិទ្ធិការពារអធិបតេយ្យភាព និងបូរណភាពទឹកដីរបស់ខ្លួនទេ ផ្ទុយទៅវិញ រាជរដ្ឋាភិបាលបាន និងកំពុងធ្វើការងារយ៉ាងសកម្មតាមផ្លូវការទូតនិងផ្លូវច្បាប់ ដើម្បីការពារបូរណភាពទឹកដី។   

ជាក់ស្តែង រដ្ឋលេខាធិការដ្ឋានកិច្ចការព្រំដែនតាមរយៈសេចក្តីប្រកាសព័ត៌មាននៅថ្ងៃទី២៩ ខែធ្នូ ឆ្នាំ២០២៥ ក៏បានបញ្ជាក់ច្បាស់ថា គណៈកម្មការចម្រុះខណ្ឌសីមាព្រំដែនគោក(JBC)កម្ពុជា ប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះបង្គោលព្រំដែន របស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នានាពេលកន្លងមក។

គណៈម្មការចម្រុះខណ្ឌសីមាព្រំដែនគោក (JBC) កម្ពុជា ក៏បានផ្ញើកំណត់ទូតទៅគណៈកម្មការJBCថៃ ដើម្បីស្នើរៀបចំកិច្ចប្រជុំពិសេសបន្ទាន់របស់គណៈកម្មការចម្រុះខណ្ឌសីមាព្រំដែនគោកកម្ពុជា-ថៃ នៅសប្តាហ៍ទី១ ខែមករា ឆ្នាំ២០២៦ នៅខេត្តសៀមរាប ដើម្បីពិភាក្សា និងបន្តការងារវាស់វែង និងខណ្ឌសីមាព្រំដែនរវាងប្រទេសទាំងពីរ ជាពិសេស នៅតំបន់ក្នុងភូមិសាស្ត្រភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ភូមិសាស្ត្រឃុំបឹងរាំងនិងឃុំកំរៀង ស្រុកកំរៀង ខេត្តបាត់ដំបង តំបន់បឹងត្រកួន តំបន់ច្រកទ្វារព្រំដែនអន្តរជាតិថ្មដា អូរភ្លុកដំរី និងតំបន់ព្រំដែនផ្សេងទៀត។

ប្រសិនបើយើងអានសេចក្តីប្រកាសរួមថ្ងៃទី២៧ ខែធ្នូ ឆ្នាំ ២០២៥ ឱ្យបានលម្អិត យើងពិតជាអាចយល់បានថា គ្រប់ចំណុចសុទ្ធតែមានសារៈសំខាន់ និងបញ្ជាក់ពីការការពារយ៉ាងប្តូរផ្តាច់របស់រាជរដ្ឋាភិបាលចំពោះអធិបតេយ្យភាពជាតិ និងបូរណភាពទឹកដី បើទោះបីជាការចរចានេះ ស្ថិតក្នុងស្ថានភាពនៃការច្បាំងគ្នាយ៉ាងតឹងតែងក៏ដោយ ជាពិសេស គ្រប់ចំណុចដែលជាជំហររបស់កម្ពុជា ត្រូវបានចែងក្នុងសេចក្តីប្រកាសរួមនេះ។

តាមរយៈការពន្យល់របស់លោកនាយករដ្ឋមន្ត្រី ហ៊ុន ម៉ាណែត និងចំណាត់ការភ្លាមៗរបស់រដ្ឋលេខាធិការដ្ឋានកិច្ចការព្រំដែន ក្នុងនាមខ្ញុំជាកូនខ្មែរមួយរូប ក៏ដូចជា ប្រជាពលរដ្ឋខ្មែរនៅទូទាំងប្រទេស ពិតជាមានភាពកក់ក្តៅ និងជឿជាក់លើរាជរដ្ឋាភិបាល ក្នុងការដោះស្រាយបញ្ហាព្រំដែន។ ពិតណាស់ ប្រទេសយើងតូច និងមានប្រជាជនតិច ហើយជាពិសេសថ្នាក់ដឹកនាំយើងស្រឡាញ់សន្តិភាព ដូច្នេះ ជម្រើសធ្វើសង្គ្រាមមិនស្ថិតនៅក្នុងរបៀបវារៈរបស់កម្ពុជានោះឡើយ។ ក្នុងន័យនេះ ជម្រើសសន្តិភាព និងការដោះស្រាយបញ្ហាព្រំដែន ដោយសន្តិវិធីតាមរយៈការចរចា ដោយផ្អែកលើសន្ធិសញ្ញា អនុសញ្ញា និងច្បាប់អន្តរជាតិ គឺជាជម្រើសល្អបំផុតហើយសម្រាប់កម្ពុជា៕

ដោយ៖ វង្ស មករា សាស្ត្រាចារ្យ និងជាអ្នកវិភាគសង្គមនយោបាយ

The post បទវិភាគ៖ «ជម្រើសសន្តិភាព និងការរក្សាបានពេញលេញនូវសិទ្ធិដោះស្រាយបញ្ហាព្រំដែនជាមួយថៃតាមផ្លូវច្បាប់ ជាជម្រើសល្អបំផុតសម្រាប់កម្ពុជា» appeared first on Kampuchea Thmey Daily.

ក្នុង​សេចក្ដី​ប្រកាស​ព័ត៌មាន​ថ្ងៃ​ទី​២៩ ខែ​ធ្នូ នេះ​រដ្ឋលេខាធិការកិច្ចការ​​ព្រំដែន​កម្ពុជា​បាន​បញ្ជាក់​ថា​កិច្ច​ពិភាក្សា​នេះ​នឹង​ផ្ដោត​លើ​ការ​បន្ត​ចុះ​អនុវត្ត​ការ​វាស់វែង​ និង​បោះ​បង្គោល​បណ្ដោះ​អាសន្ន​លើ​ដី​ជាក់​ស្ដែង​ចន្លោះ​បង្គោល​ព្រំដែន​លេខ ៤២-៤៧ នៅ​ភូមិ​ជោគជ័យ និង​ព្រៃ​ចាន់​ ឃុំអូរ​បីជាន់ ស្រុក​អូរជ្រៅ ខេត្ត​បន្ទាយ​មានជ័យ និង​ចន្លោះ​បង្គោល​លេង​ ៥២-៥៩ ក្នុង​ភូមិ​សាស្ត្រ​ឃុំ​បឹង​រាំង និង​ឃុំ​កំរៀង​ ស្រុក​កំរៀង ខេត្ត​បាត់​ដំបង។

ក្រៅ​ពី​នេះ​ក្រុម​ការងារ​ក៏​នឹង​ពិភាក្សា​អំពី​ការ​ចុះ​វាស់វែង និង​បោះ​បង្គោល​បណ្ដោះ​អាសន្ន​លើ​ដី​ជាក់​ស្ដែង​លើ​កំណាត់​ខ្សែ​ព្រំដែន​ចន្លោះ​បង្គោល​ព្រំដែន​លេខ ៣៣-៣៧ (តំបន់​បឹង​ត្រកួន) តំបន់​ច្រក​ទ្វា​អន្តរជាតិ​ថ្ម​ដា តំបន់​អូរ​ភ្លុក​ដំរី តំបន់​ព្រំដែន​ច១ និង​តំបន់​ព្រំដែន​ផ្សេង​ទៀត​។ ព្រម​ទាំង​បញ្ជូន​ក្រុម​វាស់​វែង​ចម្រុះ​ ដើម្បី​ចុះ​អនុវត្ត​ការងារ​វាស់​វែង​ និង​ខណ្ឌ​សីមា​លើ​ដី​ជាក់​ស្ដែង​ នៅ​កំណាត់​ខ្សែ​ព្រំដែន​ចន្លោះ​បង្គោល​ព្រំដែន​ដែល​បាន​ឯកភាព​គ្នា​ (ខ្សែ​ព្រំដែន​ដើរតាម​ផ្លូវ​ទឹក​ និង​ខ្សែ​ព្រំដែន​ជា​បន្ទាត់​ត្រង់) ដោយ​អនុវត្ត​តាម​ស្មារតី​នៃ​កំណត់​ហេតុ​កិច្ច​ប្រជុំ​លើក​ទី​៦ របស់​គណៈកម្មការ​ចម្រុះ​ខណ្ឌសីមា​ព្រំដែន​គោក​ (JBC) ចុះ​ថ្ងៃ​ទី​១៥ ខែ​មិថុនា ឆ្នាំ​២០២៥។

​រដ្ឋលេខាធិការដ្ឋាន​កិច្ចការ​ព្រំដែន​បាន​បញ្ជាក់​ថា​ កម្ពុជា​នៅ​តែ​ប្រកាន់​ជំហរ​ប្រើប្រាស់​ អនុសញ្ញា សន្ធិសញ្ញា បារាំង​-សៀម ផែនទី និង​កំណត់​ហេតុ​បោះ​បង្គោល​ព្រំដែន​ឥណ្ឌូចិន-សៀម ព្រមទាំង​កិច្ច​ព្រមព្រៀង​ និង​ឯក​សារ​ពាក់ព័ន្ធ​នានា​ដែល​ប្រទេស​ទាំង​ពីរ​ឯក​ភាព​កន្លង​មក​។

ក្នុង​សេចក្ដី​ប្រកាស​នោះ​បញ្ជាក់​ថា៖ «ក្នុង​ន័យ​នេះ​ គណៈកម្មការ​ចម្រុះ​ខណ្ឌ​សីមា​ព្រំដែន​គោក (JBC) កម្ពុជា នឹង​បន្ត​អនុវត្ត​ការ​ងារ​វាស់​វែង​ និង​ខណ្ឌសីមា​ព្រំដែន​ឱ្យ​បាន​ឆាប់​បំផុត​ជាមួយ​គណៈកម្មការ​ចម្រុះ​ខណ្ឌសីមា​ព្រំដែន​គោក (JBC) ថៃ​ ដើម្បី​សម្រេច​បាន​នូវ​សន្តិភាព​យូរ​អង្វែង​តាម​បណ្ដោយ​ព្រំដែន​ និង​មិន​ទទួល​ស្គាល់​នូវ​ការ​កែ​ប្រែ​ខ្សែ​ព្រំដែន​ណាមួយ​ដែល​កើត​ចេញពី​ការ​ប្រើប្រាស់​កម្លាំង​»។

កម្ពុជា-ថៃ​បាន​ឈាន​ដល់​កិច្ច​ព្រមព្រៀង​ឈប់​បាញ់​មួយ​នៅ​វេលា​ម៉ោង​១២​ថ្ងៃត្រង់​ ថ្ងៃ​ទី​២៧ ខែ​ធ្នួ កន្លង​ទៅ ដោយ​ក្នុង​កិច្ច​ព្រមព្រៀង​នោះ​បាន​ប្រគល់​តួនាទី​ដល់​ដល់​គណៈកម្មការ​ចម្រុះ​ព្រំដែន​បន្ត​ការ​អនុវត្ត​ការងារ​វាស់​វែង​ និង​ខណ្ឌ​សីមា​ព្រំដែន​ឱ្យ​បាន​ឆាប់​រហ័ស​បំផុត​ ស្រប​តាម​កិច្ច​ព្រមព្រៀង​ដែល​មាន​ស្រាវ​រវាង​ប្រទេស​ទាំង​ពីរ​។ គណៈ​កម្មការ​ចម្រុះ​នេះ​នឹង​ផ្ដល់​អាទិភាព​ខ្ពស់​បំផុត​ចំពោះ​ការងារ​វាស់វែង​ និង​ខណ្ឌ​សីមា​ព្រំដែន​នៅ​តំបន់​រង​ផល​ប៉ះពាល់​ ដែល​មាន​ជន​ស៊ីវិល​រស់​នៅ៕

អត្ថបទដោយ ហ៊ុន សិរីវឌ្ឍន៍

The post កម្ពុជា​ស្នើ​​ប្រជុំ​JBCជា​បន្ទាន់ ​ដោយ​​ប្រកាស​មិន​ទទួល​ស្គាល់​ខ្សែ​ព្រំដែន​​ដែល​កើត​ចេញពី​ការ​ប្រើប្រាស់​កម្លាំង appeared first on Kampuchea Thmey Daily.

ក្នុង​កិច្ច​ពិភាក្សា​ពិសេស​ស្ដីពី​ការ​បោះ​បង្គោល​ព្រំដែន​បណ្ដោះ​អាសន្ន​ដែល​ចេញ​ផ្សាយ​នៅ​ចុង​សប្ដាហ៍​នេះ​លោក ស៊្រឺ បូរ៉ា មិន​បាន​បញ្ជាក់​ពី​មូល​ហេតុ​អ្វី​ដែល​បង្គោល​ទាំង​ពីរ​នេះ​ត្រូវ​បាន​បោះ​ខុស​ទី​តាំង​ដើម​នោះ​ទេ​ក្នុង​ពេល​ដែល​រក​ឃើញ​ក្នុង​ឆ្នាំ២០០៨​នោះ។ លោក​បញ្ជាក់​ថា​បង្កោល​លេខ​៥៨ និង​៥៩ ដែល​កំពុង​មាន​បច្ចុប្បន្ន​គឺ​មិន​ស្ថិត​ក្នុង​ទី​តាំង​ដើម​ទេ​។

លោក​ថា៖ «ភាគី​ទាំង​ពីរ​បាន​ឯកភាព​ដាំ​ជា​បង្កោល​បេតុង​រាងធំ​ដែរ​ចំនួន​២​បង្គោល​លើ​ដី​ជាក់​ស្ដែង​ចំ​ទី​តាំង​ដើម​ពិត​ប្រាកដ​មិនមែន​នៅ​ទី​តាំង​ដែល​មាន​បង្គោល​រាល់​ថ្ងៃ​លេខ​៥៨ និង​៥៩​ទេ​បាទ។ ហើយ​នា​ថ្ងៃ​ខាង​មុខ​នេះ​គឺ​យើង​​ឯក​ភាព​គ្នា​រំកិល​ទី​តាំង​ដែល​​មាន​បង្គោល​បច្ចុប្បន្ន​ហ្នឹង​ប៉ុន្ដែ​មិន​ស្ថិត​ចំ​ទី​តាំង​ដើម​ដើម្បី​យក​មក​ដាក់​ចំទី​តាំង​ដែល​យើង​ឯកភាព​គ្នា​ឡើង​វិញ»។

លោក​បញ្ជាក់​ថា​ការ​ពិនិត​បង្គោល​ព្រំដែន​នេះ​គឺ​ធ្វើឡើង​ដោយ​យោង​តាម​ឯកសារ​បារាំង​-សៀម​ ឆ្នាំ​១៩០៤ ឆ្នាំ១៩០៧ ព្រម​ទាំង​កំណត់​ហេតុ​បោះ​បង្គោល​ព្រំដែន​ឆ្នាំ​១៩០៨-១៩០៩ និង​ឆ្នាំ​១៩១៩-១៩២០ ដែល​ជា​ឯក​សារ​អន្តរជាតិ​ទទួល​ស្គាល់​ជា​ផ្លូវការ​។

កម្ពុជា​និង​ថៃ បាន​សម្រេច​ក្នុង​ការ​បោះ​បង្គោល​ព្រំដែន​បណ្ដោះ​អាសន្ន​លេខ​ ៥២ ដល់​៥៩ លើ​ផ្ទៃ​ដី​ប្រវែង​ជាង​៨​គីឡូ​ម៉ែត្រ នៅ​ខេត្ត​បាត់ដំបង កម្ពុជា ជាប់​ខេត្ត​ចន្ទបុរី​ ប្រទេស​ថៃ​ កាល​ពី​ថ្ងៃទី​៨ ខែ​វិច្ឆិកា​កន្លង​ទៅ​។ គិត​រហូត​ដល់​ថ្ងៃទី​២៦ ខែ​វិច្ឆិកា ក្រុមការងារ​បាន​បោះ​បង្គោល​បណ្ដោះ​អាសន្ន​បាន​១៦៦​បង្គោល​រួច​ហើយ៕ ​​​

អត្ថបទ​ដោយ ហ៊ុន សិរីវឌ្ឍន៍ ​

The post ​កម្ពុជា​និង​ថៃ​ឯកភាព​គ្នា​រំកិល​ព្រំដែន​លេខ​៥៨​និង​៥៩​ទៅ​ទី​តាំង​ដើម​ពិត​ប្រាកដ​​វិញ​ appeared first on Kampuchea Thmey Daily.

សេចក្ដីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន បញ្ជាក់ពីវឌ្ឍនភាពការងារដូច្នេះ៖« ចាប់ពីថ្ងៃទី១៩ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីទាំងពីរបានចុះអនុវត្ត ការងារលើដីជាក់ស្តែងនៅកំណាត់ខ្សែព្រំដែនចន្លោះបង្គោលព្រំដែនលេខ ៤២-៤៣ ដែលមានប្រវែងប្រមាណ ៧គ.ម. នៅក្នុងភូមិសាស្ត្រភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយបានបញ្ចប់ ទាំងស្រុងការងារថតរូបពីលើអាកាសដោយប្រើដ្រូនដើម្បីបង្កើតផែនទីរូបថត(Photomap)។ ក្រុមវាស់វែងចម្រុះ នៃ ភាគីទាំងពីរនឹងបន្តការងារវាស់វែងនិងបោះបង្គោលបណ្តោះអាសន្ននៅលើដីជាក់ស្តែង។ »។

«ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា។»។ រដ្ឋលេខាធិការដ្ឋានកិច្ចការព្រំដែន  សង្កត់ធ្ងន់ដូច្នេះទៅកាន់ពលរដ្ឋខ្មែរ តាមរយៈសេចក្ដីប្រកាសព័ត៌មានចេញនៅថ្ងៃទី២៦ ខែវិច្ឆិកាដដែល។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ។

សម្ដេច ហ៊ុន ម៉ាណែត បញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីប្រទេសដទៃ ប៉ុន្តែកម្ពុជាក៏មិនអនុញ្ញាតឱ្យមានការរំលោភបំពានលើដែនអធិបតេយ្យ និងបូរណភាពទឹកដីរបស់កម្ពុជាដែរ។

សម្ដេចនាយករដ្ឋមន្ត្រី ក៏បានពន្យល់ពីសារៈសំខាន់នៃការវាស់វែង និងបោះបង្គោលព្រំដែនបណ្តោះអាសន្ននេះថា គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនដែលមានបញ្ហាអាចបានទទួលសេចក្តីសុខ និងបន្តជីវភាពរស់នៅជាប្រក្រតីឡើងវិញ ព្រមទាំងធានាបាននូវការការពារជាដាច់ខាតនូវអធិបតេយ្យភាពនិងបូរណភាពទឹកដីរបស់កម្ពុជា។

ក្រោយពីការវាស់វែងបានបញ្ចប់ សម្ដេច ហ៊ុន ម៉ាណែត ក៏បានឱ្យដឹងដែរថា  ក្រុមការងារចម្រុះនៃកម្ពុជា- ថៃ នឹងពិនិត្យមើលលើការកាន់កាប់ជាក់ស្តែងរបស់ប្រជាពលរដ្ឋទាំងសងខាង ប្រៀបធៀបជាមួយនឹងបង្គោលព្រំដែនបណ្តោះអាសន្ន ដើម្បីពិភាក្សាគ្នារកដំណោះស្រាយមួយដែលភាគីទាំងពីរអាចទទួលយកបាន ស្របតាមគោលការណ៍គោរពអធិបតេយ្យភាពនិងបូរណភាពទឹកដីទៅវិញទៅមក។

សម្ដេច ហ៊ុន ម៉ាណែត ក៏បានស្នើសុំជនរួមជាតិទាំងអស់មេត្តាជឿទុកចិត្តលើរាជរដ្ឋាភិបាលកម្ពុជា និងគណៈកម្មការចម្រុះខណ្ឌសីមាព្រំដែនគោក (JBC) កម្ពុជា ពីព្រោះថា ជានិច្ចកាលរដ្ឋាភិបាល និង JBC) កម្ពុជា  តែងប្រកាន់ខ្ជាប់នូវមនសិការវិជ្ជាជីវៈនិងការទទួលខុសត្រូវខ្ពស់បំផុត ដោយតម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ព្រំដែនមិនកែប្រែ និងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុកដោយគណៈកម្មការព្រំដែនរវាងឥណ្ឌូចិន-សៀម៕

ដោយ៖ ង៉ិល ណារ៉ាត់

The post កម្ពុជា-ថៃ បញ្ចប់ការងារថតរូបលើអាកាសដើម្បីបង្កើតផែនទីរូបថតនៅភូមិព្រៃចាន់ ប្រវែង៧គ.ម. និងគ្រោងបន្តការងារបោះបង្គោលបណ្ដោះអាសន្ន appeared first on Kampuchea Thmey Daily.

សេចក្ដីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន បញ្ជាក់ពីវឌ្ឍនភាពការងារដូច្នេះ៖« ចាប់ពីថ្ងៃទី៨ ដល់ថ្ងៃទី២៦ ខែវិច្ឆិកា ឆ្នាំ២០២៥ ក្រុមវាស់វែងចម្រុះនៃភាគីទាំងពីរបានចុះអនុវត្ត ការងារលើដីជាក់ស្តែងនៅកំណាត់ខ្សែព្រំដែនចន្លោះបង្គោលព្រំដែនលេខ ៥២-៥៩ ដែលមានប្រវែងប្រមាណ ៨.៣គ.ម. នៅក្នុងឃុំកំរៀង ស្រុកកំរៀង ខេត្តបាត់ដំបង ដោយបានបញ្ចប់ការងារវាស់វែងនិងបោះបង្គោល បណ្តោះអាសន្ននៅលើដីជាក់ស្តែងសរុបចំនួន ១៦៦បង្គោលបណ្តោះអាសន្ន។ ក្រុមវាស់វែងចម្រុះនៃភាគី ទាំងពីរនឹងបន្តការងារថតរូបពីលើអាកាសដោយប្រើដ្រូនដើម្បីបង្កើតផែនទីរូបថត (Photomap)។»។

«ការងារចុះវាស់វែង និងបោះបង្គោលបណ្ដោះអាសន្នលើដីជាក់ស្ដែងរបស់ក្រុមការងារចម្រុះ គឺជាការបន្តអនុវត្តការងារជាជំហានៗ ដើម្បីឈានទៅដល់ការខណ្ឌសីមា លើដីជាក់ស្ដែង ដែលកិច្ចការងារនេះ គឺធ្វើឡើងយ៉ាងហ្មត់ចត់ និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០ និងស្របតាមខ្លឹមសារនៃអនុស្សរណៈនៃការយោគយល់គ្នា( MOU) ឆ្នាំ២០០០, បែបបទការងារ (TOR)ឆ្នាំ២០០៣ និងស្មារតីនៃកំណត់ហេតុកិច្ចប្រជុំ GBC នាពេលកន្លងមក ព្រមទាំងអនុវត្តតាមបែបបទណែនាំបច្ចេកទេស(Technical Instruction) ដែលកម្ពុជា-ថៃបានឯកភាពគ្នា។»។ រដ្ឋលេខាធិការដ្ឋានកិច្ចការព្រំដែន  សង្កត់ធ្ងន់ដូច្នេះទៅកាន់ពលរដ្ឋខ្មែរ តាមរយៈសេចក្ដីប្រកាសព័ត៌មានចេញនៅថ្ងៃទី២៦ ខែវិច្ឆិកាដដែល។

សម្ដេច ហ៊ុន ម៉ាណែត កាលពីថ្ងៃទី២៥ ខែវិច្ឆិកា  ក៏បានពន្យល់ពលរដ្ឋថា គោលដៅនៃការវាស់វែងនិងបោះបង្គោលព្រំដែនបណ្តោះអាសន្ននេះ មិនមែនដើម្បីគណនាអំពីការចំណេញឬខាតដីនោះទេ គោលដៅចំបងគឺដើម្បីកំណត់នូវការខ័ណ្ឌសីមានៅលើដីជាក់ស្តែងដែលបញ្ជាក់អំពីខ្សែព្រំដែនមួយដែលត្រឹមត្រូវនិងច្បាស់លាស់រវាងប្រទេសកម្ពុជានិងថៃ ផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង និងច្បាប់អន្តរជាតិ។

សម្ដេច ហ៊ុន ម៉ាណែត បញ្ជាក់ថា កម្ពុជាប្រកាន់ខ្ជាប់នូវគោលការណ៍មិនរំលោភបំពានលើដែនអធិបតេយ្យនិងបូរណភាពទឹកដីប្រទេសដទៃ ប៉ុន្តែកម្ពុជាក៏មិនអនុញ្ញាតឱ្យមានការរំលោភបំពានលើដែនអធិបតេយ្យ និងបូរណភាពទឹកដីរបស់កម្ពុជាដែរ។

សម្ដេចនាយករដ្ឋមន្ត្រី ក៏បានពន្យល់ពីសារៈសំខាន់នៃការវាស់វែង និងបោះបង្គោលព្រំដែនបណ្តោះអាសន្ននេះថា គឺជាវិធីសាស្ត្រក្នុងការដោះស្រាយបញ្ហារយៈពេលវែងដោយសន្តិវិធី ដើម្បីឈានទៅបញ្ចប់ជម្លោះ និងបង្កលក្ខណៈអោយប្រជាពលរដ្ឋដែលរស់ក្នុងតំបន់ព្រំដែនដែលមានបញ្ហាអាចបានទទួលសេចក្តីសុខ និងបន្តជីវភាពរស់នៅជាប្រក្រតីឡើងវិញ ព្រមទាំងធានាបាននូវការការពារជាដាច់ខាតនូវអធិបតេយ្យភាពនិងបូរណភាពទឹកដីរបស់កម្ពុជា។

ក្រោយពីការវាស់វែងបានបញ្ចប់ សម្ដេច ហ៊ុន ម៉ាណែត ក៏បានឱ្យដឹងដែរថា  ក្រុមការងារចម្រុះនៃកម្ពុជា- ថៃ នឹងពិនិត្យមើលលើការកាន់កាប់ជាក់ស្តែងរបស់ប្រជាពលរដ្ឋទាំងសងខាង ប្រៀបធៀបជាមួយនឹងបង្គោលព្រំដែនបណ្តោះអាសន្ន ដើម្បីពិភាក្សាគ្នារកដំណោះស្រាយមួយដែលភាគីទាំងពីរអាចទទួលយកបាន ស្របតាមគោលការណ៍គោរពអធិបតេយ្យភាពនិងបូរណភាពទឹកដីទៅវិញទៅមក។

សម្ដេច ហ៊ុន ម៉ាណែត ក៏បានស្នើសុំជនរួមជាតិទាំងអស់មេត្តាជឿទុកចិត្តលើរាជរដ្ឋាភិបាលកម្ពុជា និងគណៈកម្មការចម្រុះខណ្ឌសីមាព្រំដែនគោក (JBC) កម្ពុជា ពីព្រោះថា ជានិច្ចកាលរដ្ឋាភិបាល និង JBC) កម្ពុជា  តែងប្រកាន់ខ្ជាប់នូវមនសិការវិជ្ជាជីវៈនិងការទទួលខុសត្រូវខ្ពស់បំផុត ដោយតម្កល់ឧត្តមប្រយោជន៍ជាតិជាធំ ជាពិសេសការការពារបូរណភាពទឹកដីនិងអធិបតេយ្យជាតិ ដោយប្រកាន់ខ្ជាប់នូវការគោរពច្បាប់អន្តរជាតិ គោរពគោលការណ៍ព្រំដែនមិនកែប្រែ និងខ្សែព្រំដែនអន្តរជាតិ កម្ពុជា-ថៃ ដែលបន្សល់ទុកដោយគណៈកម្មការព្រំដែនរវាងឥណ្ឌូចិន-សៀម៕

ដោយ៖ ង៉ិល ណារ៉ាត់

The post កម្ពុជា-ថៃ បានបោះបង្គោលបណ្ដោះអាសន្នចំនួន១៦៦ នៅចន្លោះបង្គោលព្រំដែន៥២-៥៩ និងគ្រោងបន្តការថតរូបលើអាកាសដើម្បីបង្កើតផែនទីរូបថត appeared first on Kampuchea Thmey Daily.

តាមប្រភពដដែល  បង្គោលបណ្ដោះអាសន្នដែលបានបោះគឺនៅកំណាត់ខ្សែព្រំដែនចន្លោះបង្គោលលេខ ៥២ និងលេខ៥៩ ក្នុងភូមិសាស្រ្ត ស្រុកកំរៀងខេត្តបាត់ដំបងរបស់កម្ពុជា ជាប់នឹងខេត្តចន្ទបុរីរបស់ថៃ។ តាមការឱ្យដឹង កម្ពុជា-ថៃ នឹងបន្តការងារបោះបង្គោល បណ្តោះអាសន្ន នេះ ឱ្យចប់តាមផែនការនាពេលដ៏ខ្លីខាងមុខ។

គួរកត់សម្គាល់ថា ការងារបោះបង្គោលព្រំដែនដែនបណ្ដោះអាសន្ននៅតាមបន្ទាត់ព្រំដែនកម្ពុជា-ថៃ បានធ្វើឡើងរយៈពេលជាង២សប្ដាហ៍ ក្រោយពីកិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ រៀបចំឡើងនៅខេត្តចន្ទបុរី ប្រទេសថៃ កាលពីថ្ងៃទី២១-២២ ខែតុលា ឆ្នាំ២០២៥ បានបញ្ចប់ទៅ។

គួររម្លឹកដែរថា នៅក្នុងកិច្ចប្រជុំនោះ ភាគីទាំងពីរ បានឯកភាពប្រគល់ភារកិច្ចជូនអនុគណៈកម្មការបច្ចេកទេសចម្រុះព្រំដែន (JTSC) កម្ពុជា-ថៃ សាងសង់ឡើងវិញនូវបង្គោលព្រំដែនចំនួន ១៥ តាមគំរូដើមបង្គោលជំនាន់បារាំងនៅទីតាំងដែលបានឯកភាពគ្នាលើទីតាំងដើម និងសាងសង់ឡើងវិញនូវបង្គោលព្រំដែនលិចទឹកចំនួន ៣ នៅទីតាំងដែលភាគីទាំងពីរ នឹងឯកភាពគ្នា។

គណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ  ក៏បានឯកភាពពន្លឿនការកែសម្រួលបែបបទបច្ចេកទេស (TOR) ឆ្នាំ២០០៣ ទាក់ទងនឹងការផលិតផែនទីអ័រតូហ្វូតូ (ចំណុចទី ៤ ជំហានទី ២ នៃ TOR ឆ្នាំ ២០០៣) ដោយប្រើប្រាស់បច្ចេកវិទ្យាថ្មី ដូចជា LIDAR (Light Detection and Ranging) ដើម្បីពន្លឿនការងារវាស់វែង និងខណ្ឌសីមាព្រំដែន៕

The post ជាង១សប្ដាហ៍ កម្ពុជា-ថៃបោះបង្គោលព្រំដែនបណ្តោះអាសន្នបាន៩៤បង្គោលនៅចន្លោះបង្គោលលេខ៥២ និង៥៩ appeared first on Kampuchea Thmey Daily.

ក្នុងសេចក្តីប្រកាសព័ត៌មាន ចេញនៅថ្ងៃទី២៥ ខែកញ្ញា នេះ រដ្ឋលេខាធិការដ្ឋានកិច្ចការព្រំដែន បានតវ៉ា និងសម្តែងការព្រួយបារម្ភជាខ្លាំងចំពោះ សេចក្តីរាយការណ៍ថ្មីៗនេះ ដែលគេហទំព័រផ្លូវការនានារបស់ប្រទេសថៃ ជាពិសេសគេហទំព័ររបស់ ការិយាល័យអ្នកនាំពាក្យកងទ័ពជើងទឹកថៃ និងទីបញ្ជាការដ្ឋានការពារព្រំដែនច័ន្ទបុរី-ត្រាត ព្រមទាំង កាសែត The Nation Thailand ដែលហាក់ដូចបង្ហាញថា ប្រជាពលរដ្ឋខ្មែរកំពុងតែ «ឈ្លានពាន» ទឹកដីថៃ នៅទីតាំងចំនួន ១៧ ស្ថិតនៅតាមបណ្តោយព្រំដែន ពីខេត្តពោធិ៍សាត់ដល់ខេត្តកោះកុង រួមទាំងតំបន់ ស្រុកវាលវែង ខេត្តពោធិ៍សាត់ នៃប្រទេសកម្ពុជា ដែលស្ថិតនៅទល់មុខនឹងស្រុកមឿង ខេត្តត្រាត នៃប្រទេសថៃ។

រដ្ឋលេខាធិការដ្ឋានកិច្ចការព្រំដែន ចាត់ទុកការលើកឡើងរបស់អ្នកនាំពាក្យកងទ័ពជើងទឹកថៃ និងទីបញ្ជាការដ្ឋានការពារព្រំដែនច័ន្ទបុរី-ត្រាត គឺជាការគំរាមអនុវត្តដោយបង្ខំនូវការខណ្ឌសីមាលើដីជាក់ស្តែងដោយឯកតោភាគី ដែល រំលោភលើខ្លឹមសារនៃអនុស្សរណៈនៃការយោគយល់គ្នាឆ្នាំ ២០០០ (MOU ២០០០) ជាពិសេស រំលោភលើសមត្ថកិច្ចរបស់គណៈកម្មការចម្រុះខណ្ឌសីមាព្រំដែនគោក (JBC) នៃប្រទេសទាំងពីរ ហើយអាចបំផ្លាញលទ្ធផលនិងកិច្ចខិតខំប្រឹងប្រែងនាពេលកន្លងមក និងការចរចានាពេលបច្ចុប្បន្ន និងទៅអនាគតរបស់ JBC នៃភាគីទាំងពីរ។

រដ្ឋលេខាធិការដ្ឋានកិច្ចការព្រំដែន វាយតម្លៃថា សកម្មភាពឯកតោភាគីរបស់ភាគីថៃ គឺជាការបង្កហេតុ ដែលអាចនាំឱ្យមានភាពតានតឹងកើនឡើងនៅតាម ព្រំដែន និងជាការបំពានលើកិច្ចព្រមព្រៀងបទឈប់បាញ់ ថ្ងៃទី២៨ ខែកក្កដា ឆ្នាំ ២០២៥, លទ្ធផល នៃកិច្ចប្រជុំវិសាមញ្ញរបស់គណៈកម្មាធិការព្រំដែនទូទៅ (GBC) ថ្ងៃទី៧ ខែសីហា ឆ្នាំ២០២៥ និង លទ្ធផលនៃកិច្ចប្រជុំវិសាមញ្ញគណៈកម្មាធិការព្រំដែនថ្នាក់យោធភូមិភាគ (RBC) ជាពិសេសបំពាន លើកំណត់ហេតុកិច្ចប្រជុំពិសេសលើកទី១ របស់គណៈកម្មាធិការព្រំដែនទូទៅ (GBC) ថ្ងៃទី១០ ខែកញ្ញា ឆ្នាំ២០២៥ ដែលភាគីទាំងពីរបានឯកភាពគ្នាក្នុងការទប់ស្កាត់រាល់សកម្មភាពដែលធ្វើឱ្យខូច ដល់ការជឿទុកចិត្តគ្នាទៅវិញទៅមក បង្កឱ្យមានការយល់ច្រឡំ បង្កើនភាពតានតឹងនៅតាមព្រំដែន ឬ ពង្រីកវិសាលភាព និងទំហំនៃជម្លោះ។

រដ្ឋលេខាធិការដ្ឋានកិច្ចការព្រំដែន គូសបញ្ជាក់ប្រាប់ភាគីថៃម្ដងទៀតថា៖«ការងារវាស់វែង និងខណ្ឌសីមាព្រំដែន គឺស្ថិតនៅក្រោមសមត្ថកិច្ចផ្តាច់មុខរបស់ JBC JBC នៃប្រទេសទាំងពីរ ដោយគ្មានយន្តការ ឬស្ថាប័នផ្សេងណាមួយមានសមត្ថកិច្ចលើកិច្ចការនេះឡើយ។ ក្នុងន័យនេះ រដ្ឋលេខាធិការដ្ឋានកិច្ចការព្រំដែន សូមអំពាវនាវឱ្យភាគីថៃលើកយកបញ្ហាខាងលើនេះមក ដោះស្រាយតាមរយៈគណៈកម្មការចម្រុះខណ្ឌសីមាព្រំដែនគោក (JBC) ដែលគ្រោងរៀបចំកិច្ចប្រជុំ នាពេលដ៏ឆាប់ខាងមុខ។»។

រដ្ឋលេខាធិការដ្ឋានកិច្ចការព្រំដែន ក៏បានបញ្ជាក់ឡើងវិញនូវការប្តេជ្ញាចិត្តដ៏មុតមាំ និង ឥតងាករេ ក្នុងការដោះស្រាយការងារវាស់វែង និងខណ្ឌសីមាព្រំដែន ដោយសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទាំងឡាយដែលបានឯកភាពដោយភាគីទាំងពីរ។

កម្ពុជា​និង​ថៃ​មានគម្រោង​ដើម្បីប្រជុំគណៈកម្មការចម្រុះព្រំដែន (JBC) កម្ពុជា-ថៃ លើកទី៧ នៅក្នុងខែកញ្ញា ឆ្នាំ២០២៥នេះ ទោះជាយ៉ាងណាកិច្ចប្រជុំនេះត្រួវបានពន្យារទៅខែតុលាវិញ៕

អត្ថបទដោយ ង៉ិល ណារ៉ាត់

The post រដ្ឋលេខាធិការដ្ឋានកិច្ចព្រំដែន ហៅថៃឱ្យយកបញ្ហាព្រំដែនមកដាក់ក្នុងកិច្ចប្រជុំជាជាងដើរនិយាយផ្ដេសផ្ដាសបង្កជម្លោះ appeared first on Kampuchea Thmey Daily.