កម្មវិធីនេះបានប្រព្រឹត្តទៅនៅស្ថានីយរថយន្តក្រុងសួនច្បារឬស្សីកែវ ក្រោមការដឹកនាំដោយលោក ជិន ប៊ុនធឿន អភិបាលខណ្ឌឬស្សីកែវ រួមជាមួយគណៈអភិបាលខណ្ឌ លោកអធិការនគរបាលខណ្ឌ និងមន្ត្រីរាជការពាក់ព័ន្ធ ដែលបានចូលរួមយ៉ាងសកម្មក្នុងការសម្របសម្រួល និងថែរក្សាសុវត្ថិភាពសាធារណៈជូនប្រជាពលរដ្ឋ។

ក្នុងឱកាសនោះ លោកអភិបាលខណ្ឌ បានចុះសំណេះសំណាលសួរសុខទុក្ខបងប្អូនប្រជាពលរដ្ឋដោយផ្ទាល់ បង្ហាញពីការយកចិត្តទុកដាក់ និងការថែទាំរបស់អាជ្ញាធរមូលដ្ឋានចំពោះជីវភាពរស់នៅរបស់ប្រជាពលរដ្ឋ។ ជាមួយគ្នានេះ រដ្ឋបាលខណ្ឌក៏បានរៀបចំកម្លាំងសមត្ថកិច្ច និងមន្ត្រីពាក់ព័ន្ធ ដើម្បីសម្របសម្រួលចរាចរណ៍ ធានាសុវត្ថិភាព និងសណ្តាប់ធ្នាប់សាធារណៈ នៅតាមបរិវេណស្ថានីយផងដែរ។

ដើម្បីបន្ថែមភាពងាយស្រួល និងកាត់បន្ថយការលំបាករបស់ប្រជាពលរដ្ឋ រដ្ឋបាលខណ្ឌបានអនុវត្តវិធានការបាញ់ទឹកនៅទីលានស្ថានីយ ដើម្បីកាត់បន្ថយកំដៅ បង្កើនបរិយាកាសត្រជាក់សម្រាប់អ្នកដំណើរ និងសាច់ញាតិដែលកំពុងរង់ចាំទទួល។

សូមបញ្ជាក់ថា សេវារថយន្តក្រុងសាធារណៈឥតគិតថ្លៃនេះ គឺជាគោលនយោបាយមួយសំខាន់របស់រាជរដ្ឋាភិបាល ក្នុងការគាំទ្រដល់ការធ្វើដំណើររបស់ប្រជាពលរដ្ឋក្នុងឱកាសបុណ្យធំៗ ជាពិសេសបុណ្យចូលឆ្នាំថ្មី ដោយមានគោលបំណងកាត់បន្ថយចំណាយ លើកកម្ពស់សុវត្ថិភាពចរាចរណ៍ និងកាត់បន្ថយគ្រោះថ្នាក់នៅតាមដងផ្លូវ៕

អត្ថបទ៖ សំណាង

The post រដ្ឋបាលខណ្ឌឬស្សីកែវ សម្របសម្រួលទទួលពលរដ្ឋវិលត្រឡប់ចូលរាជធានីក្រោយបុណ្យចូលឆ្នាំ តាមរយៈរថយន្តក្រុងសាធារណៈ appeared first on Kampuchea Thmey Daily.

លោក កែវ ចាន់ណារិទ្ធ អភិបាលរដ្ឋករស្វយ័តដឹកជញ្ជូនសាធារណៈរថយន្តក្រុង City Bus បានឲ្យដឹងថា ក្រុមមន្ត្រីរបស់លោកបានត្រៀមជាស្រេចទាំងទីតាំង ទាំងរថយន្ត និងអ្នកបើកបរ សម្រាប់ទទួលដឹកជញ្ជូនពលរដ្ឋ ដោយក្នុងនោះដែរ រថយន្តក្រុងទាំង ៦០០ គ្រឿង បានចូលដល់តាមចំណតទាំង ០៦ ទីតាំង អស់រួចរាល់ហើយ។

លោកបន្ថែមថា ពលរដ្ឋអាចអញ្ជើញទៅទទួលយកសេវាដឹកជញ្ជូនដោយមិនមានការទិញលក់សំបុត្រអ្វីនោះឡើយ ពោលគ្រាន់តែចូលទៅតាមរោងដែលមានការរៀបចំ ហើយឈរតម្រង់ជួរនៅក្នុងគោលដៅខេត្តដែលចង់ធ្វើដំណើរទៅ នោះក្រុមការងារនឹងសម្រួលការធ្វើដំណើរជូនដោយងាយស្រួលបំផុតហើយ។

ប្រជាពលរដ្ឋ សម្តែងក្តីសាទរ និងរីករាយ ចំពោះការគិតគូររបស់រាជរដ្ឋាភិបាល និងចាត់ទុកថា ការគិតគូរនេះគឺជាអំណោយ និងទឹកចិត្តដ៏ប្រពៃថ្លៃថ្លាបំផុតដែលរដ្ឋាភិបាល តាំងពីអាណត្តិ សម្តេចតេជោ បន្តមកដល់ សម្តេចធិបតី គឺតែងតែនៅជិតជាមួយសុខទុក្ខរបស់ពលរដ្ឋនៅទូទាំងប្រទេស។

គួរជម្រាបថា រដ្ឋបាលរាជធានីភ្នំពេញ បានរៀបចំរថយន្តក្រុងសាធារណៈចំនួន ៦០០ គ្រឿង បម្រើដល់ការដឹកជញ្ជូនឥតគិតថ្លៃនៅទូទាំងប្រទេស ក្នុងរយៈពេល ០៦ ថ្ងៃ គិតចាប់ពីថ្ងៃទី ១២ ដល់ថ្ងៃទី ១៧ ខែមេសា ឆ្នាំ ២០២៦។

រថយន្តទាំង ៦០០ គ្រឿង បែងចែកចេញជា ០២ ផ្នែក ដោយ ១០០ គ្រឿង ប្រើប្រាស់សម្រាប់ដឹកជញ្ជូនប្រជាពលរដ្ឋជាប្រក្រតីភាពក្នុងរាជធានីភ្នំពេញ និងសេវារថយន្តក្រុងសាធារណៈទៅកាន់អាកាសយានដ្ឋានអន្តរជាតិតេជោ។ នៅសល់ ៥០០ គ្រឿងទៀត គឺ ប្រើប្រាស់សម្រាប់ការដឹកជញ្ជូនប្រជាពលរដ្ឋទៅតាមបណ្តាខេត្តទូទាំងប្រទេស ពោលទាំងទៅ និងធ្វើដំណើរត្រឡប់មកវិញ៕
អត្ថបទ ៖ សុភា

The post រថយន្តក្រុងសាធារណៈ ៦០០ គ្រឿង ត្រៀមរួចរាល់ សម្រាប់ដឹកជញ្ជូនពលរដ្ឋឥតគិតថ្លៃ ក្នុងឱកាសបុណ្យចូលឆ្នាំថ្មី appeared first on Kampuchea Thmey Daily.

លោក កែវ ចាន់ណារិទ្ធិ អភិបាល​រដ្ឋាករ​ស្វយ័ត​ដឹកជញ្ជូន​សាធារណៈ បាន​ប្រាប់​ឱ្យ​ដឹង​ថា ក្រុម​មន្ត្រី​របស់​លោក​បាន​ត្រៀម​ជាស្រេច​ទាំង​ទីតាំង រថយន្ត និង​អ្នកបើកបរ សម្រាប់​ទទួល​ដឹកជញ្ជូន​ពលរដ្ឋ​ដោយ​ឥតគិតថ្លៃ នៅ​ថ្ងៃ​ទី ១២ ខែ​មេសា ស្អែក​នេះ ដោយ​ក្នុង​នោះ​ដែរ រថយន្ត​ក្រុង​ទាំង ៥៩៧ គ្រឿង បាន​ចូល​ដល់​តាម​ចំណត​ចំនួន ០៦ ទីតាំង អស់​រួចរាល់​ហើយ។

លោក​អភិបាល​បន្ថែម​ថា ប្រជាពលរដ្ឋ​អាច​មក​ទទួល​យក​សេវា​ដឹកជញ្ជូន​ដោយ​មិន​មាន​ការ​ទិញ​លក់​សំបុត្រ​អ្វី​នោះ​ឡើយ។ ពោល គ្រាន់តែ​ពលរដ្ឋ​ចូល​ទៅ​តាម​រោង​ដែល​មាន​ការ​រៀបចំ ហើយ​ឈរ​តម្រង់​ជួរ​ក្នុង​គោលដៅ​ខេត្ត​ដែល​ចង់​ធ្វើដំណើរ​ទៅ នោះ​ក្រុមការងារ​ នឹង​សម្រួល​ការ​ធ្វើដំណើរ​ជូន​បាន​ដោយ​ងាយស្រួល​បំផុត​ហើយ។

លោក កែវ ចាន់ណារិទ្ធិ អភិបាល​រដ្ឋាករ​ស្វយ័ត​ដឹកជញ្ជូន​សាធារណៈ បាន​សង្កត់ធ្ងន់ និង​ណែនាំ​ដល់​ក្រុម​អ្នកបើកបរ​រថយន្ត​ ថា ធ្វើ​យ៉ាងណា​បើកបរ​មាន​ការ​ទទួល​ខុសត្រូវ បើកបរ​មាន​ការ​ប្រុង​ប្រយ័ត្ន បើកបរ​តាម​ល្បឿន​ដែល​កំណត់ ជាពិសេស​សុខ​សុវត្ថិភាព​របស់​ប្រជាពលរដ្ឋ។

ក្រុម​អ្នកបើកបរ​រថយន្តក្រុង ក៏បាន​បង្ហាញ​អារម្មណ៍​រីករាយ ដែល​បាន​ដើរ​តួនាទី​ជា​អ្នកបើកបរ​ជូន​ប្រជាពលរដ្ឋ​ទៅ​ស្រុកកំណើត។ ពួកគាត់ ប្ដេជ្ញា​ខ្ពស់ នឹង​បើកបរ​ដោយ​ការ​ទទួលខុសត្រូវ និង​គោរព​ច្បាប់ ដើម្បី​ធានា​សន្តិសុខ​សុវត្ថិភាព​ជូន​អ្នកដំណើរ។

អ្នកបើកបរ​រថយន្ត​ក្រុង​ បាន​បន្ត​លើក​ឡើង​ថា ទោះបី​មិន​បាន​ឈប់​សម្រាក​ក្នុង​ឱកាស​ចូលឆ្នាំ​ជួបជុំ​គ្រួសារ តែ​មាន​អារម្មណ៍​ថា​សប្បាយចិត្ត​ដែល​បាន​បម្រើ​ប្រជាពលរដ្ឋ។

សូម​បញ្ជាក់​ថា គោលដៅ​ចំណត​ទាំង ០៦ នៅ​រាជធានី​ភ្នំពេញ រួមមាន ៖ ស្ថានីយ​រថយន្ត​ក្រុង​វាល​ស្បូវ​ ផ្លូវជាតិ​លេខ ០១ , ស្ថានីយ​រថយន្ត​ក្រុង​ចាក់អង្រែលើ , ស្ថានីយ​រថយន្តក្រុង​ផ្លូវ ២០០៤ , ស្ថានីយ​រថយន្តក្រុង​សួនច្បារ​ឫស្សីកែវ , ស្ថានីយ​រថយន្ត​ក្រុង​រង្វង់​មូល​កួច​កាណុង និង ដី​ឡូត៍​តំបន់ OCIC ជ្រោយចង្វារ (រង្វង់​មូល​នាង​ទេព​មច្ឆា)៕

អត្ថបទ ៖ សុភា

The post ថ្នាក់ដឹកនាំ និងតៃកុងរថយន្តក្រុងសាធារណៈ ត្រៀមរួចរាល់សម្រាប់ដឹកជញ្ជូន ពលរដ្ឋទៅស្រុកកំណើត នាឱកាសចូលឆ្នាំថ្មី ចាប់ពីថ្ងៃស្អែក appeared first on Kampuchea Thmey Daily.

ថ្លែងក្នុងពិធីសម្ពោធដាក់ឱ្យប្រើប្រាស់ស្ពានអាកាសមរតកតេជោ ព្រឹកថ្ងៃទី៧ ខែមេសា សម្ដេចធិបតី ហ៊ុន ម៉ាណែត ថា ទំហំលុយជាង ១លាន៤សែនដុល្លារនេះបានជួយសម្រួលដល់ជីវភាពពលរដ្ឋជាច្រើន និងជំរុញឱ្យផ្ដល់សេវានេះបន្តទៀត។

សម្ដេចថា៖ «ថ្ងៃមុនខ្ញុំចុះទៅមើលនៅទីលានប្រជាធិបតេយ្យដែលរៀបចំពិធីហ្នឹង ខ្ញុំសួរមួយគ្រួសារទៅបន្ទាយមានជ័យ ខ្ញុំសួរគាត់ថាទៅ(បើឡានតាក់ស៊ី)គេយកប៉ុន្មាន? គាត់ថា​ម្នាក់ទៅ១០ម៉ឺនមកវិញ១០ម៉ឺន ហើយគ្រួសារគាត់មាន៥នាក់ អ៉ីចឹងប្រពន្ធ កូន និងយាយទៀត! អ៉ីចឹងក្នុង១ជើងគាត់សន្សំបាន៤០ម៉ឺន បើទៅមកគាត់សន្សំបាន២០០ដុល្លារ។ ២០០ដុល្លារហ្នឹងគាត់ទុកចាយធ្វើបុណ្យនៅផ្ទះ ឬក៏ធ្វើអីផ្សេងបាន»។

ជារៀងរាល់ឆ្នាំក្នុងរដូវចូលឆ្នាំខ្មែរ និងភ្ជុំបិណ្ឌសាលារាជធានីភ្នំពេញតែងតែបញ្ចេញរថយន្តក្រុងសាធារណៈដឹកពលរដ្ឋចេញពីរាជធានីភ្នំពេញ ទៅតាមបណ្ដាខេត្តនានា ខណៈក្នុងពេលចូលឆ្នាំខ្មែរខាងមុខ សាលារាជធាន៏ក៏ត្រៀមរថយន្តក្រុងចំនួន ៥៩៧គ្រឿង ដើម្បីដឹកប្រជាពលរដ្ឋធ្វើដំណើរដោយឥតគិតថ្លៃ ទៅលេងស្រុកកំណើតផងដែរ៕

អត្ថបទដោយ ហ៊ុន សិរីវឌ្ឍន៍

The post រដ្ឋជួយសន្សំពលរដ្ឋជាង១លាន៤សែនដុល្លារលើថ្លៃធ្វើដំណើររាល់បុណ្យចូលឆ្នាំ និងភ្ជុំបិណ្ឌ appeared first on Kampuchea Thmey Daily.

លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានប្រាប់ឱ្យដឹងនៅព្រឹកថ្ងៃទី ១៨ ខែមេសានេះថា ចំនួនអ្នក​ជិះរថយន្តក្រុង មានប្រមាណជាង ៨ ម៉ឺននាក់នៅក្នុងឱកាសបុណ្យចូលឆ្នាំថ្មីនេះ គឺមានការកើនឡើងជាង ២ម៉ឺននាក់ ស្មើ៣៥% បើប្រៀបធៀបទៅនឹងការដឹកជញ្ជូន កាលពីបុណ្យចូលឆ្នាំថ្មីប្រពៃណីជាតិឆ្នាំ២០២៣។

ខេត្តដែលមានពលរដ្ឋជិះរថយន្តក្រុងទៅច្រើន មានចំនួន២ខេត្ត រួមមានខេត្តសៀមរាប និងខេត្តបាត់ដំបង ក្នុងនោះ ខេត្តសៀមរាប មានចំនួនប្រមាណ២ម៉ឺន៥ពាន់នាក់ និងខេត្តបាត់ដំបង មានចំនួនជាង១ម៉ឺននាក់។

អ្នកនាំពាក្យរូបនេះបានបន្តទៀតថា ក្នុងអំឡុងពេលដឹកជញ្ជូនអ្នកដំណើរនៅក្នុងអំឡុងពេលពិធីបុណ្យចូលឆ្នាំថ្មីនេះ គឺមិនមានបញ្ហាអ្វីកើតឡើងគួរឲ្យកត់សម្គាល់នោះទេ ពោលគឺការដឹកជញ្ជូនបានដំណើរការដោយ រលូនប្រកបដោយសុខសុវត្ថិភាពល្អប្រសើរ។

ជាមួយគ្នានេះ ពលរដ្ឋគ្រប់មជ្ឈដ្ឋានក៏បានសាទរ និងថ្លែងអំណរគុណសម្តេចធិបតី ហ៊ុន ម៉ាណែត នាយករដ្ឋមន្ត្រី ក៏ដូចជារដ្ឋបាលរាជធានីភ្នំពេញ ចំពោះការបន្តផ្តល់រថយន្តក្រុងឥតគិតថ្លៃ ទៅស្រុកកំណើតតាមបណ្តាខេត្តនានា នៅក្នុង​ឱកាស​ពិធីបុណ្យចូលឆ្នាំថ្មីនេះ។

គួរបញ្ជាក់ថា ដើម្បីជួយសម្រួលបន្ទុកចំណាយរបស់ប្រជាពលរដ្ឋដែលត្រូវធ្វើដំណើរទៅស្រុកកំណើតជួបជុំក្រុមគ្រួសារនៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ សម្រាប់ឆ្នាំនេះ រដ្ឋបាលរាជធានីភ្នំពេញ បានបញ្ចេញរថយន្តក្រុងចំនួន៤៥៥គ្រឿង សម្រាប់ដឹកពលរដ្ឋដោយឥតគិតថ្លៃ រយៈពេល ០៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា។

ក្នុងចំណោមរថយន្តក្រុងចំនួនជាង ៤០០គ្រឿងនេះ បានប្រើសម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ ចំនួន ៦០គ្រឿង និងសម្រាប់សេវាដឹកជញ្ជូនប្រជាពលរដ្ឋ ធ្វើដំណើរពីរាជធានីភ្នំពេញទៅស្រុកកំណើតតាមបណ្តាខេត្ត និងពីបណ្តាខេត្តត្រលប់មករាជធានីភ្នំពេញវិញចំនួន ៣៩៥គ្រឿង៕

អត្ថបទ៖ ស្រីរ័ត្ន

The post ពលរដ្ឋជាង ៨ ម៉ឺននាក់ ជិះរថយន្តក្រុងឥតគិតថ្លៃនាឱកាសបុណ្យចូលឆ្នាំ appeared first on Kampuchea Thmey Daily.

នេះបើតាមការប្រកាសរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ «ចាក់អង្រែក្រោម​-ព្រែកប្រា» ប្រវែង ៨៤៥,៧០ម៉ែត្រ និងផ្លូវតភ្ជាប់ប្រវែងសរុប ៨០៤,៣០ម៉ែត្រ នាព្រឹកថ្ងៃទី ១៩ ខែកុម្ភៈ ឆ្នាំ ២០២៤នេះ។  

សម្ដេចធិបតី ហ៊ុន ម៉ាណែត បានណែនាំឲ្យអាជ្ញាធររាជធានីភ្នំពេញ ត្រៀមរថយន្ដក្រុងសាធារណៈ ដឹកជញ្ជូនប្រជាពលរដ្ឋពីរាជធានីភ្នំពេញដោយឥតគិតថ្លៃ ទៅកាន់បណ្ដាខេត្តនានា ដែលជាស្រុកកំណើតរបស់ពួកគាត់ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ក្នុងខែមេសាខាងមុខនេះ។ ក្រៅពីនេះ ក៏ត្រូវរៀបចំជាទឹកសុទ្ធ ជូនពួកគាត់ផងដែរ។

សម្ដេចធិបតី ហ៊ុន ម៉ាណែត បានថ្លែងថា «ហើយតិចទៀត ជិតដល់ចូលឆ្នាំខ្មែរហើយ ចឹងត្រៀមមធ្យោបាយដឹកជញ្ជូន ដឹកបងប្អូនយើងពីភ្នំពេញទៅស្រុកដូចរាល់ឆ្នាំ ហើយកុំភ្លេចទឹកសុទ្ធថែមឲ្យគាត់ផង»។​

នៅក្នុងរយៈពេលប៉ុន្មានឆ្នាំចុងក្រោយនេះ ប្រមុខរាជរដ្ឋាភិបាល តែងតែប្រកាសឲ្យអាជ្ញាធររាជធានីភ្នំពេញ រៀបចំរថយន្តក្រុងសាធារណៈ ដើម្បីដឹកជញ្ជូនប្រជាពលរដ្ឋទៅស្រុកកំណើតដោយឥតគិតថ្លៃ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ដែលជាការសម្រួលដល់ការចំណាយក្នុងការធ្វើដំណើររបស់ប្រជាពលរដ្ឋ ក៏ដូចជាទប់ស្កាត់ការដំឡើងថ្លៃឈ្នូលរថយន្តឯកជន ផងដែរ៕

The post សម្ដេច ហ៊ុន ម៉ាណែត ណែនាំឲ្យត្រៀមរថយន្តក្រុងដឹកពលរដ្ឋទៅស្រុកកំណើត ក្នុងឱកាសបុណ្យចូលឆ្នាំថ្មី appeared first on Kampuchea Thmey Daily.

នៅ​ថ្ងៃទី​១ នៃ​ការបញ្ចេញ​រថយន្តក្រុង​សាធារណៈ ដើម្បី​ដឹក​ប្រជាពលរដ្ឋ​ចេញពី​ចំណត​គោលដៅ​វត្តភ្នំ​តាមតម្រាយ​ផ្លូវ​ឆ្ពោះទៅកាន់​ចំណត សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ ដែលមាន​ទីតាំង​នៅក្នុង​មូលដ្ឋាន​សង្កាត់​វាល​ស្បូវ ខណ្ឌ​ច្បារអំពៅ រាជធានី​ភ្នំពេញ​នា​ព្រឹក​ថ្ងៃទី ១៦ ខែ​កុ​ម្ភៈ ឆ្នាំ២០២៤។

លោក កែវ ចាន់ណា​រិ​ទ្ធ អភិបាល​រដ្ឋាករ​ស្វយ័ត​ដឹកជញ្ជូន​សាធារណៈ​រថយន្តក្រុង​រាជធានី​ភ្នំពេញ​បាន បញ្ជាក់​ថា ​ដោយ​អនុវត្តន៍​តាម​អនុសាសន៍​ដ៏​ខ្ពង់ខ្ពស់​របស់​សម្តេច​ម​ហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​មាន​ការ​ដឹក​ផ្ទាល់​លោក​ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​អោយ​រថយន្តក្រុង​សាធារណៈ​រាជធានី​ភ្នំពេញ​រៀបចំ​នៅ​តម្រាយ​ខ្សែ​រត់​ដើម្បី​សម្រួល​ដល់​និស្សិត​ដែល​កំពុង​សិក្សា​នៅ​សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ​ក៏ដូចជា​បងប្អូន​ប្រជាពលរដ្ឋ​ដែល​កំពុង​រស់នៅក្នុង​តំបន់​ទីតាំង​បូរី ប៉េង ហួត បឹង​ស្នោ​អាច​ទទួល​បាន​នៅ​សេវា​រថយន្តក្រុង​សាធារណៈ​រាជធានី​ភ្នំពេញ​នេះ​ធ្វើដំណើរ​បាន ហើយ​ក្នុង​នោះ​ដែល​អាជ្ញាធរ​បាន​ប្រើប្រាស់​តម្រាយ​ផ្លូវ​ចំនួន​២​ខ្សែ​សំខាន់ៗ ដោយ​ខ្សែ​ទី​១​ត​ភ្ជាប់​ពី​តំបន់​ផ្លូវជាតិ​លេខ​១​ចូល​តំបន់​បូរី​ប៉េង​ហួត ឆ្លងកាត់​ចូលទៅ​សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ រួច​ត្រឡប់​ទៅវិញ ប្រើប្រាស់​ផ្លូវ​តំណរ​ភ្ជាប់​នៅក្នុង​តំបន់​អភិវឌ្ឍន៍​កោះនរា​និង​កោះ​ពេជ្រ ឆ្ពោះទៅកាន់​ផ្លូវ​ព្រះមុនីវង្ស​រហូត​ឈានទៅ​ចំណត​ចុងក្រោយ​ម្តុំ​សកល​វិទ្យាល័យ​ជាតិ​គ្រប់គ្រង​សាខា​វត្តភ្នំ ចំណែក​ខ្សែ​ទី​២ ត​ភ្ជាប់​ពី​ចំណត​រថយន្តក្រុង គួច​កាណុង តាម​បណ្តោយ​ផ្លូវ​ព្រះ​មុនី​រ៉េត​រហូតដល់​តំបន់​អភិវឌ្ឍន៍​កោះ​ពេជ្រ​និង​កោះនរា ឆ្លង​ចូល​តាមផ្លូវ​ក្នុង​បូរី​ប៉េង ហួត បឹង​ស្នោ​ឈាន​ទៅ​កាន់​សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ​វិញ ហើយ​សម្រាប់​ការប្រើប្រាស់​រថយន្តក្រុង​មាន​ពីរ​វេន ដោយ​វេន​ទី​១​ចាប់ផ្តើម​ម៉ោង​៥​កន្លះ​ព្រឹក​ក្នុង​រយៈ​១៥​នាទី​ ចេញ​រថយន្ត​១​គ្រឿង និង​វេន​ទី​២​ពី​ថ្ងៃ​រសៀល​រហូតដល់​៨​កន្លះ​យប់​។

លោក​បាន​បញ្ជាក់​បន្ថែម​តម្រាយ​ផ្លូវ​២​ខ្សែ​ខាងលើ​នេះ ​គឺ​អាច​សម្រួល​ច្រើន​ដល់​បងប្អូន​ប្រជាពលរដ្ឋ​ធ្វើដំណើរ​ជាពិសេស​សិស្ស​និស្សិត​ដែល​សិក្សា​នៅក្នុង​សកល​វិទ្យាល័យ​ជាតិ​គ្រប់គ្រង​អាច​ប្រើ​រថយន្តក្រុង​សាធារណៈ​។

ជាមួយ​នោះដែរ លោក​សាស្ត្រាចារ្យ ហោ ប៉េង សាកល​វិទ្យាធិការ​នៃ​សាកលវិទ្យាល័យ​ជាតិ​គ្រប់គ្រង​បាន​សម្ដែង​នៅ​ក្តី​រីករាយ​សប្បាយចិត្ត​និង​សូម​ថ្លែងអំណរគុណ​យ៉ាង​ជ្រាលជ្រៅ​ដល់​សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដែល​បានប្រកាស​បើក​នៅ​តម្រាយ​ផ្លូវ​រថយន្តក្រុង​សម្រាប់​ជា​ផលប្រយោជន៍​ដល់​ប្រជាជន​នៅក្នុង​រាជធានី​ភ្នំពេញ​ជា​ក៏ដូចជា​សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ​ដែលមាន​សាស្ត្រ​ចា​រ្យ សិស្ស​និស្សិត មក​រៀនមាន​សេវា​ពេញលេញ​និង​អរគុណ​ដល់​សម្តេច​ធិបតី​ដែល​បាន​យក​ទុកដាក់​ដល់​យុវជន និស្សិត សាស្ត្រ​ចា​រ្យ​លោកគ្រូ អ្នកគ្រូ​បុគ្គលិក ក៏​ដូច​ប្រជាពលរដ្ឋ​អាចធ្វើ​ដំណើរ​តាមតម្រាយ​ផ្លូវ​ទាំងនេះ​បាន​។

និស្សិត​ដែល​សិក្សា​នៅ​សកល​វិទ្យាល័យ​ជាតិ​គ្រប់គ្រង​បាន​សម្ដែង​ក្តី​រីករាយ​ជាខ្លាំង​ហើ​យ​បាន​លើកថា ​កន្លងមក​ពេល​ធ្វើ​ដំណើរ​ទៅ​សាលា​ម្តងៗ​ពួកគេ​មានការ​លំបាក​ខ្លាច​តែ​ជួប​គ្រោះថ្នាក់​ជាយថាហេតុ​ហើយ​ចំណាយ​ថវិកា​និង​ពេលវេលា​ច្រើ​ន ពេលនេះ​ក្រោយ​សម្តេច​មហា​ធិបតី​ផ្តល់នៅ​សេវា​រថយន្តក្រុង​សាធារណៈ​ធ្វើ​ដំណើរ​មកដល់​សកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ ពិត​ជួយ​សម្រួល​ច្រើន​ណាស់​ដល់​ពួកគាត់ ដោយសារ​ជិះ​រថយន្តក្រុង​មិន​អស់​ប្រាក់ ហើយ​មាន​សុវត្ថិភាព​និង​អាច​មាន​ពេល​អាន​សៀវភៅ​រំលឹក​មេរៀន​នៅក្នុង​រថយន្ត​ពេល​កំពុង​ធ្វើដំណើរ​តាម​ផ្លូវ​បាន ពួកគេ​ពិតជា​មានចិត្ត​សោ​មន​រីករាយ​យ៉ាង​ខ្លាំង​និង​សូម​គោរព​ថ្លែងអំណរគុណ​យ៉ាង​ជ្រាលជ្រៅ​ដល់​សម្តេច​មហា​វរ​ធិបតី និង​អាជ្ញាធរ​ពាក់ព័ន្ធ​ទាំងអស់​៕

ដោយ ៖ ស្រីរ័ត្ន

The post ចាប់​ផ្តើម​ដំណើរការ​ខ្សែ​រថយន្តក្រុង​សាធារណៈ​ពី​គោលដៅ​វត្តភ្នំ​ឆ្ពោះ​មក​សាកល​វិទ្យាល័យ​ជាតិ​គ្រប់គ្រង​សាខា​វាល​ស្បូវ appeared first on Kampuchea Thmey Daily.

លោក ម៉េ​ត មាស​ភក្តី អ្នកនាំពាក្យ​រដ្ឋបាល​រាជធានី​ភ្នំពេញ​បាន​បញ្ជាក់​ឲ្យ​ដឹង​នៅ​រាត្រី​ថ្ងៃ​ទី​១៦​ខែតុលា​ឆ្នាំ ២០២៣​នេះ​ថា អនុវត្តតាម​អនុសាសន៍​ដល់​ខ្ពង់ខ្ពស់​របស់​អនុវត្តតាម​អនុ​សាស​ន៍​ដ៏​ខ្ពង់ខ្ពស់​របស់​សម្តេច​ម​ហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា រដ្ឋបាល​រាជធានី​ភ្នំពេញ ដឹកនាំ​ដោយ​លោក​ឃួ​ង ស្រេង អភិបាល​រាជធានី​ភ្នំពេញ​បាន​បញ្ចេញ​រថយន្តក្រុង​ដឹក​អ្នកដំណើរ​ចំនួន ៤៥៥​គ្រឿង សម្រាប់​បម្រើ​សេវា​ដឹកជញ្ជូន កម្មករ កម្មការិនី និង​ប្រជាពលរដ្ឋ ទៅលេង​ស្រុកកំណើត ចំនួន​០៥​ថ្ងៃ ដោយ​មិន​បង់ប្រាក់ ចាប់ផ្តើម​អនុវត្ត​ពីថ្ងៃ​ទី​១២ ដល់​ថ្ងៃទី​១៦ ខែតុលា ឆ្នាំ​២០២៣​។

ក្នុង​រយៈពេល​នេះ មាន​បងប្អូន​ជា​ពលរដ្ឋ កម្មករ កម្មការិនី​រោងចក្រ​ប្រមាណ​ជា​ជិត​៦​ម៉ឺន​នាក់ បាន​មក​ទទួល​សេវា​ការ​ដឹកជញ្ជូន​សាធារណៈ​(​រថយន្តក្រុង​) ដោយ​យើង​បាន​ប្រើប្រាស់​រថយន្តក្រុង​ជាង​១៥០០​ជើង​។

លោក ម៉េ​ត មាស​ភក្តី បាន​បញ្ជាក់​ថា បងប្អូន​ដែល បាន​ប្រើប្រាស់​រថយន្តក្រុង​ដើម្បី​ទៅ​ស្រុកកំណើត ច្រើន​ជាង​គេ គឺ​បងប្អូន​ប្រជាពលរដ្ឋ កម្មករ​កម្មការិនី​កម្មការិនី នៅ​សៀមរាប ខេត្ត​បាត់​ដំបង​និង​ខេត្តបន្ទាយមានជ័យ ដែលមាន​ចំនួន​ដល់​ម៉ឺន​នាក់​។ ការដឹកជញ្ជូន​បងប្អូន​ប្រជាពលរដ្ឋ​ទៅ​ស្រុកកំណើត​នាឱកាស​បុណ្យ​ភ្ជុំបិណ្ឌ នេះ​មាន​ផលប្រយោជន៍​ច្រើន​សម្រាប់​ពួកគាត់ ដែល​ក្នុង​នោះ​ពួកគាត់​មិនបាន​ចំណាយ​លុយ​កាក់​លើ​សេវា​នេះ និង​រក្សា​បាន​នៅ​សុខ​សុវត្ថិភាព​ថែមទៀត​។

ពាក់ព័ន្ធ​នឹង​ការ​ដឹកជញ្ជូន​ដោយ​រថយន្តក្រុង​មិន​យក​ប្រាក់​នេះ​ដែរ បាន​ធ្វើ​ឱ្យ​បងប្អូន​ប្រជាពលរដ្ឋ​កម្មករ កម្មការិនី ដែល​ទទួល​បាន​នូវ​ការ​ដឹកជញ្ជូន​ដោយ​មិន​យក​ប្រាក់​នេះ បាន​សម្ដែង​នូវ​ការ​រីករាយ ក្នុង​ចិត្ត​និង​បាន​ថ្លែង​នូវ​ការ​អរគុណ​យ៉ាង​នេះ​បំផុត​ចំពោះ​រាជរដ្ឋាភិបាល​កម្ពុជា​ក្រោម​ការដឹកនាំ​របស់​សម្ដេច​មហា​បវរ​ធិបតី ហ៊ុន ម៉ា​ណែ​ត ដែល​តែងតែ​យកចិត្តទុកដាក់​ពី​សុខទុក្ខ​ប្រជាពលរដ្ឋ​កម្ពុជា​។

ជាក់ស្ដែង នៅ​ក្នុង​ឱកាស​បុណ្យ​ភ្ជុំបិណ្ឌ​នេះ​រាជរដ្ឋាភិបាល​កម្ពុជា បាន​យកចិត្តទុកដាក់ ដោយ​ប្រើប្រាស់​រថយន្ត​ដឹកជញ្ជូន​សាធារណៈ​(​រថយន្តក្រុង​) ដឹកបញ្ជូន​ពួកគាត់​ទៅ​ស្រុកកំណើត​ដោយ​មិន​យកប្រាក់។

ទង្វើ​នេះ ត្រូវបាន​ប្រជាពលរដ្ឋ​សាទរ​យ៉ាង​ខ្លាំង​រហូត​នាំគ្នា​មក​ទទួល​សេវា​នេះ​រហូតដល់​ជិត​៦​ម៉ឺន​នាក់ ដែល​ស្មើ​និង​ជាង​១៥០០​ជើង​រថយន្ត​។

គួរ​បញ្ជាក់ថា រដ្ឋបាល​រាជធានី​ភ្នំពេញ​បាន​រៀប​ចំ​រថយន្តក្រុង​ចំនួន ៤៥៥​គ្រឿង សម្រាប់​បម្រើ​សេវា​ដឹកជញ្ជូន​សាធារណៈ រយៈពេល ០៥​ថ្ងៃ ចាប់ពី​ថ្ងៃទី​១២ ដល់​ថ្ងៃទី​១៦ ខែតុលា ឆ្នាំ​២០២៣ ដោយ​មិន​បង់ប្រាក់ ដើម្បី​ជួយ​សម្រួល​ដល់​ការ​ចំណាយ​ជូន​បងប្អូន​កម្មករ​-​និយោជិត និង​ប្រជាពលរដ្ឋ​ក្នុង ការធ្វើដំណើរ​ទៅលេង​ស្រុកកំណើត ជួបជុំ​បងប្អូន​ក្រុម​គ្រួសារ ក្នុង​ពិធីបុណ្យ​ភ្ជុំបិណ្ឌ ប្រពៃណី​ជាតិខ្មែរ ៕

ដោយ ៖ ស្រីរ័ត្ន

The post ​ពលរដ្ឋ​កម្មករ​ជិត​៦​ម៉ឺន​នាក់ ទទួល​សេវា​ការ​ដឹកជញ្ជូន​សាធារណៈ​ទៅ​ស្រុកកំណើត ដោយ​មិន​យកប្រាក់ ក្នុងឱកាស​បុណ្យ​ភ្ជុំបិណ្ឌ​នេះ appeared first on Kampuchea Thmey Daily.