ក្រុមនិស្សិតយល់ឃើញយ៉ាងច្បាស់ថា កម្មវិធីសង្ក្រាន្តដែលរៀបចំឡើងក្នុងពេលខាងមុខ ដោយអមជាមួយការតាំងបង្ហាញ និងតាំងលក់ពីទំនិញ និងផលិតខ្មែរក្នុងស្រុក គឺជាការបង្ហាញឲ្យអន្តរជាតិបានឃើញ បានស្គាល់កាន់តែច្បាស់ពីកម្ពុជា ហើយវាក៏ជាផ្នែក នៃការជម្រុញសេដ្ឋកិច្ចប្រជាជន និងសេដ្ឋកិច្ចក្នុងស្រុកផងដែរ នៅពេលដែលកំណើនទេសចរណ៍មានការកើនឡើង។

រមណីយដ្ឋានប្រវត្តិសាស្ត្រវត្តភ្នំ ជាទីតាំងធំមួយ ក្នុងចំណោមទីតាំងមួយចំនួន ដែលត្រូវបានកំណត់យកជាទីកន្លែងរៀបចំព្រឹត្តិការណ៍នគរសង្ក្រាន្តធំៗ ក្នុងឱកាសបុណ្យចូលឆ្នាំថ្មី ឆ្នាំ២០២៦។

បច្ចុប្បន្នគេសង្កេតឃើញក្រុមការងាររបស់រដ្ឋបាលរាជធានីភ្នំពេញ កំពុងមមាញឹកក្នុងការតុបតែងលម្អតម្លើងរោង និងរូបចំលាក់ធំៗមួយចំនួនជាបណ្តើរៗ អមជាមួយការរៀបចំសម្អាតបរិស្ថានអនាម័យសួនច្បារក្នុងបរិវេណទីធ្លារតំបន់រដ្ឋមនីយដ្ឋានវត្តភ្នំ ដើម្បីធានាសោភ័ណ្ឌភាព និងរបៀបរៀបរយ ខណៈព្រឹត្តិការណ៍សង្ក្រាន្ត ក៏កាន់តែគៀកគិតចូលមកដល់ ពោលនៅពាក់កណ្តាលខែមេសា ខាងមុខ។ ទន្ទឹមជាមួយការរៀបចំនៅតាំងទីតាំងសង្ក្រាន្តតូចធំ ការបញ្ជាទិញសម្ភារ និងគ្រឿងតុបតែងបែបខ្មែរ ក៏កំពុងមមាកញឹកក្នុងការលក់ដូរផងដែរ។

គួរបញ្ជាក់ថា ៖ ព្រឹត្តិការណ៍សង្ក្រាន្តឆ្នាំថ្មី គ្រោងនឹងធ្វើឡើងរយៈពេល ០៦ថ្ងៃ គិតចាប់ពីថ្ងៃទី១៤ ដល់ថ្ងៃទី១៩ ខែមេសា ឆ្នាំ២០២៦ នៅតាមទីតាំងធំៗមួយចំនួន រួមមាន ៖ តំបន់រដ្ឋមនីយដ្ឋានប្រវត្តិសាស្ត្រវត្តភ្នំ , ផ្លូវថ្មើរជើងចតុមុខ (Walk street) , សួនវត្តបទុមវតី , ផ្សារទួលទំពូង និងបណ្ដាទីតាំងមួយចំនួនដទៃ ផ្សេងទៀតផងដែរ៕ អត្ថបទ៖ សុភា

The post រមណីយដ្ឋានប្រវត្តិសាស្ត្រវត្តភ្នំ កំពុងមមាញឹកក្នុងការរៀប ចំតុបតែង សម្រាប់សង្គ្រាន្តនាពេលខាងមុខ appeared first on Kampuchea Thmey Daily.

កន្លង​មក​នៅ​ខាង​ក្រោម​ទ្វារ​ទឹក​នេះ ​ប្រជាពលរដ្ឋ​តែងតែ​នាំ​គ្នា​ជិះ​ទូក​មក​ធ្វើការនេសាទត្រី យ៉ាងគគ្រឹកគគ្រេងក្នុងដងស្ទឹងសង្កែ ដោយសារ​តែ​ត្រី​ឡើង​ពី​ដង​ទន្លេសាប​ចូលមកតាមស្ទឹងសង្កែហើយចាល់ត្រង់ទ្វារទឹក ដែលជាទំនប់ស្ទាក់ទឹកសាលាតាអន នេះតែម្ដង ទើបធ្វើឲ្យប្រជាពលរដ្ឋនាំគ្នាធ្វើការនេសាទត្រីយ៉ាងសប្បាយខ្ញៀវខ្ញា។

នៅ​ក្នុងរយៈពេលប៉ុន្មានឆ្នាំចុងក្រោយនេះ ទីតាំងដែលប្រជាពលរដ្ឋនាំគ្នានេសាទត្រី នៅលើផ្ទៃទឹក ក៏បានប្រែក្លាយទៅជាទីកំសាន្តរបស់មនុស្សគ្រប់រូបពិសេសក្រុមយុវវ័យតែម្ដង ដែលតែងតែមកលំហែកាយនិងទទួលទានចំណីអាហារ ដែល​ប្រជាពលរដ្ឋកែច្នៃទីតាំងក្បែរៗទំនប់ឲ្យទៅជាទីកន្លែងដែលពួកគាត់លក់ដូរចំណីអាហារជាច្រើនប្រភេទដើម្បីឲ្យក្រុមយុវវ័យមកអង្គុយញ៉ាំនាពេលសាយ័នដើម្បីគយគន់ទឹកស្ទឹងសង្កែ។

អ៊ំ​ស្រី​ចាន់ណា ដែលជាអ្នកលក់ពងទាកូននៅក្បែរទំនប់សាលាតាអននោះដែរបានរៀបរាប់ថា នៅប៉ុន្មានឆ្នាំ​នេះ​ គឺដំបូងឡើយមានតែអ្នកលក់ត្រីស្រស់ ត្រីឆ្អើរ ត្រីងៀត ក្បែរៗទំនប់សម្រាប់​ឱ្យប្រជាពលរដ្ឋដែលធ្វើដំណើរឆ្លងកាត់បានទិញយកទៅពិសា។ ប៉ុន្តែ​ក្រោយ​មក​ទៀតតំបន់នេះបានក្លាយទៅជាផ្សាររាត្រីទៅហើយ ព្រោះចាប់ពីពេលល្ងាចទៅដល់យប់គឺមានអ្នកលក់ចំណីអាហារព្រោងព្រាត ដោយមិនខ្វះអ្វីញ៉ាំនោះឡើយ ដូច្នេះហើយទើបធ្វើ​ឱ្យពេលល្ងាចមានមនុស្សម្នាទៅលេងកម្សាន្ត នៅទីនោះមិនចេះដាច់ដោយខ្លះអង្គុយញ៉ាំចំណីអាហារនិងគយគន់ទេសភាពទឹកស្ទឹងសង្កែនាពេលរាត្រី។ ដែលខ្លះទៀតក៏នាំកូនចៅទៅញ៉ាំចំណីផ្សេងៗដែលប្រជាពលរដ្ឋនាំគ្នាធ្វើយកទៅលក់នៅទីនោះ ដូច្នេះហើយបានជារៀងរាល់ល្ងាចក៏ចាប់ផ្ដើមមានមនុស្សមកពីទីជិត ទីឆ្ងាយ ទៅលេងនៅទីនោះជាហូរហែ។

ដោយ​ឡែក​សម្រាប់​រូប​គាត់​ដែល​លក់​ដូរ​បន្តិច​បន្តួច​ក៏​អាច​រក​ចំណូល​បាន​ខ្លះ​សម្រាប់​ជីវភាព​ប្រចាំថ្ងៃនៅក្នុងតំបន់នេះដែរ៕

អត្ថបទ ៖ សោ និយមរ័ត្ន

The post ទំនប់​ស្ទាក់​ទឹក​សាលា​តាអន ក្លាយ​ជា​ទី​កំសាន្ត​របស់​យុវវ័យ​នា​ពេល​សាយ័ន appeared first on Kampuchea Thmey Daily.

រដ្ឋបាលខេត្តព្រះសីហនុ បានឱ្យដឹងថា នៅព្រឹកថ្ងៃទី២២ ខែមិថុនា ឆ្នាំ២០២៥ ស្ថានភាពទឹកភ្លៀងនៅតែបន្តធ្លាក់ ហើយមានកម្រិតទឹកខ្ពស់បានធ្វើឱ្យមានទឹកជំនន់នៅតំបន់ក្បាលឆាយ និងបានហូរច្រោះដាច់ផ្លូវចូលរមណីយដ្ឋានក្បាលឆាយប្រវែង ២០ម៉ែត្រ ត្រង់ចំណុច PK4,70 ស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ។

ក្នុងន័យនេះដើម្បីបញ្ចៀសនូវផលប៉ះពាល់ផ្សេងៗ ក៏ដូចជាការពារសុវត្ថិភាពជូនបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ រដ្ឋបាលខេត្តព្រះសីហនុ សូមធ្វើការផ្អាកជាបណ្តោះអាសន្ន នូវការចូលកម្សាន្ត នៅក្នុងរមណីដ្ឋានក្បាលឆាយ និងការធ្វើចរាចរណ៍នៅលើកំណាត់ផ្លូវចូលរមណីយដ្ឋានក្បាលឆាយត្រង់ចំណុច PK4.70 រហូតដល់មានការជូនដំណឹងជាថ្មីអំពីការបើកចរាចរណ៍ឡើងវិញ៕

The post រដ្ឋបាលខេត្តព្រះសីហនុ ផ្អាកការចូលកម្សាន្ត ក្នុងរមណីយដ្ឋានក្បាលឆាយ ជាបណ្តោះអាសន្ន ព្រោះមានការដាច់ផ្លូវ appeared first on Kampuchea Thmey Daily.

សម្ដេច ម៉ែន សំអន បង្ហាញការគាំទ្រដូច្នេះ ក្នុងពេលអញ្ជើញទស្សនាផ្ទះកំណើតរបស់ សម្ដេចតេជោ ហ៊ុន សែន ស្ថិតក្នុងភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម កាលពីរសៀលថ្ងៃទី១១ ខែឧសភា  ដោយមាន លោក ហួត ហាក់ រដ្ឋមន្ត្រីក្រសួងទេសចរណ៍ និងអភិបាលខេត្តកំពង់ចាម លោក អ៊ុន ចាន់ដា និងក្រុមការងារជាច្រើនរូបអមដំណើរ។

តាមរយៈអតីតសមាជិកព្រឹទ្ធសភានីតិកាលទី៤ លោក ច្រឹង គឹមស្រ៊ាន បច្ចុប្បន្នជាទីប្រឹក្សាសម្តេចតេជោ ហ៊ុន សែន បានបញ្ជាក់ឱ្យដឹងថា កាលពីអំឡុង ខែមករា ឆ្នាំ១៩៨៨ ដោយឃើញថាផ្ទះនេះចាស់ មានសភាពទ្រុឌទ្រោមខ្លាំង ទើបសុំការឯកភាពពីឯកឧត្ដម ហ៊ុន នាង ត្រូវជាឳពុករបស់សម្ដេចតេជោ ហ៊ុន សែន ដើម្បីរុះរើផ្ទះចាស់នោះចេញ ជំនួសដោយផ្ទះថ្មី ដែលសង់អំពីឈើប្រក់ក្បឿង ទំហំ ៦ម×១៤ម ដែលមានអ្នកស្រី សុន ជូ និងស្វាមី ជាអ្នកមើលថែទាំរហូតដល់សព្វថ្ងៃនេះ។

បើតាមតាមការបង្ហើបឲ្យដឹងពី លោក ហួត ហាក់ រដ្ឋមន្ត្រីក្រសួងទេសចរណ៍ នាឱកាសនោះ លោកមានគម្រោងកែច្នៃ និងរៀបចំផ្ទះនោះ ទៅជារមណីយដ្ឋានប្រវត្តិសាស្ត្រតេជោសែន ដើម្បីទុកជាកេរ្តិ៍ដំណែលប្រវត្តិសាស្ត្ររបស់សម្តេចតេជោ ហ៊ុន សែន និងជាកំណប់ទ្រព្យរបស់អ្នកស្ទឹងត្រង់, ទុកជាការសិក្សាស្រាវជ្រាវរបស់យុវជនជំនាន់ក្រោយៗទៀត ក៏ដូចជា ការបង្កើនចំណូលសេដ្ឋកិច្ចគ្រួសារ ដែលពឹងផ្អែកទៅលើវិស័យទេសចរណ៍ និងលើកស្ទួយមុខមាត់ខេត្តកំពង់ចាមឲ្យកាន់តែមានភាពរីកចម្រើនប្រកបដោយ សក្តានុពល និងភាពទាកទាញ។

ជាការឆ្លើយតប សម្តេចកិត្តិសង្គហបណ្ឌិត ក៏បាន សម្តែងនូវការកោតសសើរ ពេញចិត្ត និងគាំទ្រទាំងស្រុងចំពោះគំនិតផ្តួចផ្តើមក្នុងប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន និងបានជម្រុញឲ្យ លោក ហួត ហាក់ និង លោក អ៊ុន ចាន់ដា រួមសហការគ្នាសិក្សាអំពីនីតិវិធីក្នុងរៀបចំ។

ទំព័រហ្វេសប៊ុកសម្ដេច ម៉ែន សំអន ចាត់ទុកថា នេះជាដំណើរជាប្រវត្តិសាស្ត្រលើកដំបូង របស់សម្តេចកិត្តិសង្គហបណ្ឌិត ម៉ែន សំអន ដែលអញ្ជើញទស្សនាដោយផ្ទាល់ នៅផ្ទះកំណើតសម្តេចតេជោ ហ៊ុន សែន ដោយបានទទួល បដិសណ្ឋារកិច្ចយ៉ាងកក់ក្តៅពី លោក អ៊ុន ចាន់ដា អភិបាលខេត្តកំពង់ចាម អាជ្ញាធរមូលដ្ឋាន និងប្រជាពលរដ្ឋដែលរស់នៅម្តុំនោះ និងបានធ្វើការសំណេះសំណាល រួចហូបផ្លែឈើប្រចាំគ្រួសារ ជុំគ្នាស្ថិតក្នុងបរិយាកាសសប្បាយរីករាយ និងស្និទ្ធស្នាលក្រៃលែង៕

The post សម្តេច ម៉ែន សំអន គាំទ្រគំនិតប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន appeared first on Kampuchea Thmey Daily.

នាយិកា​រូប​នេះ បាន​គូស​បញ្ជាក់​ទៀត​ថា ការអភិវឌ្ឍន៍​រមណីយដ្ឋាន​ទឹកជ្រោះ​ប៊ូ​ស្រា គឺជា​ការ​វិនិយោគ​ក្រោម​ក្រុមហ៊ុន​ដែល​មាន​លោកស្រី​ជា​ម្ចាស់​ចាប់​តាំងពី​ឆ្នាំ ២០១៣ មក​ម្ល៉េះ​។ ក្រុមហ៊ុន​ក៏បាន​ចុះកិច្ចសន្យា​ជាមួយ​អនុគណៈកម្មការ​វិនិយោគ​ខេត្ត​មណ្ឌលគិរី នៅ​ថ្ងៃទី ០៩ ខែកុម្ភៈ ឆ្នាំ ២០១៥ លើ​ផ្ទៃដី​ដែល​កំពុង​គ្រប់គ្រង​មាន​ទំហំ ១១៩ ហិតា ក្នុង​គោលបំណង​រៀបចំ​ស្តារ​រមណីយដ្ឋាន​ឡើងវិញ​តាមបែប​អេកូ​ទេសចរណ៍ និង​ធម្មជាតិ​។ បច្ចុប្បន្ន​ការគ្រប់គ្រង​នៃ​តំបន់​រមណីយដ្ឋាន​នេះ គឺ​បាន​ស្តារឡើងវិញ​នូវ​ផល​អវិជ្ជមាន​កន្លងមក គឺ​ស្ថាបនា​ថ្មី​យ៉ាងច្រើន និង​បានផ្តល់​ការងារ​ដល់​អ្នក​ក្នុង​តំបន់ ចំណាកស្រុក និង​បងប្អូន​ជនជាតិភាគតិច សរុប​បុគ្គលិក​ចំនួន ៣០ នាក់ ផ្តល់​កន្លែង​ធ្វើ​អាជីវកម្ម​ដល់​អាជីវករ​ក្នុង​តំបន់​ចំនួន ៥៥ គ្រួសារ ផ្តល់​កន្លែង​លក់ដូរ​ជូន​ជនជាតិភាគតិច​ដោយ​មិន​គិតថ្លៃ​ចំនួន ៥០ គ្រួសារ​។

ទន្ទឹម​នេះ​ក្រុមហ៊ុន​មាន​គម្រោង​សាងសង់​បន្ថែម​រួមមាន សេវាកម្ម​ជិះ​ម៉ូតូ​កង់​បួន​ទេសចរណ៍ ( ATV ) ទៅ​ទស្សនា​ទឹកធ្លាក់​ជាន់​ទី ៣, សាងសង់​រានហាល​កញ្ចក់​ទស្សនា​ទឹកជ្រោះ​, សាងសង់ សួន​សង្គ្រោះ​សត្វព្រៃ ដែល​នឹង​នាំមក​នូវ​បទពិសោធន៍​ថ្មី ដើម្បី​ឈ្វេងយល់​អំពី​សត្វព្រៃ ដែល​នឹង​រួចរាល់​ក្នុង​ពាក់កណ្តាល​ឆ្នាំ ២០២៥ ស្រប​ពេល​ដែល​ក្រសួង​អភិវឌ្ឍន៍​ជនបទ ក៏​នឹង​ចូលរួមចំណែក​ក្នុងការ​ស្ថាបនា​ឡើងវិញ​នូវ​ផ្លូវ​ចូលក្នុង​រមណីយដ្ឋាន​ផងដែរ​។

សូមបញ្ជាក់​ថា សម្តេច ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នឹង​ផ្តល់​ជាធ​ម្យោ​បាយ​ដឹកជញ្ជូន និង​ម្ហូបអាហារ​ជូន​ប្រជាពលរដ្ឋ​ទៅកាន់​ខេត្ត​ចំនួន​នៅ​ភាគ​ឦសាន​មានដូចជា ខេត្តក្រចេះ ស្ទឹងត្រែង រតនៈគីរី និង​មណ្ឌល​គី​រី ដោយ​មិន​គិត​ថ្លៃ សម្រាប់​ថ្ងៃ​ចុង​សប្តាហ៍ ចាប់ពី​ខែ កញ្ញា ដល់​ខែ ធ្នូ ឆ្នាំ​២០២៤ ដើម្បីឱ្យ​ប្រជាពលរដ្ឋ សិស្ស​និស្សិត មើលឃើញ​ពី​ការអភិវឌ្ឍ​យ៉ាងច្រើន​នៃ​ខេត្ត​ទាំង​៤​នេះ​។ គម្រោង​ទស្សនកិច្ច​នៅក្នុង​ខេត្ត​ទាំង​បួន​ជាប់​ព្រំដែន​ជាមួយ​វៀតណាម និង​ឡាវ មាន​គោលដៅ​បង្ហាញ​ឱ្យ​ប្រជាពលរដ្ឋ​មើលឃើញ​ពី​កិច្ច​សហប្រតិបត្តិ​អភិវឌ្ឍន៍​តំបន់ត្រីកោណ (CLV)។

សូម​ជម្រាប​ថា ការ​ចូលរួមចំណែក​ពី​សំណាក់​ក្រុមហ៊ុន​អភិវឌ្ឍន៍​រមណីយដ្ឋាន​ទឹកជ្រោះ​ប៊ូ​ស្រា បើក​ឱ្យ​ប្រជាពលរដ្ឋ​ចូល​ទស្សនា​រមណីយដ្ឋាន​ទឹកជ្រោះ​ប៊ូ​ស្រា ដោយ​មិន​គិតថ្លៃ សម្រាប់​ថៃ្ង​សៅរ៍ និង​ថ្ងៃអាទិត្យ​មាន​រយៈពេល​៤​ខែ ដោយ​គិត​ចាប់ពី ខែ កញ្ញា​ទៅដល់​ខែ ធ្នូ ឆ្នាំ​២០២៤ ដើម្បី​ចូលរួម​គាំទ្រ​គំនិត​ផ្ដួចផ្ដើម​របស់​សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​៕

The post ក្រុមហ៊ុន​អភិវឌ្ឍន៍​រមណីយដ្ឋាន​ទឹកជ្រោះ​ប៊ូ​ស្រា​នឹង​ទទួល​ប្រជាពលរដ្ឋ​ចូល​កំសាន្ត​ដោយ​មិន​គិតថ្លៃ​សំបុត្រ​រៀងរាល់​ចុង​សប្តាហ៍ ចាប់ពី​ខែ កញ្ញា ដល់​ខែ ធ្នូ appeared first on Kampuchea Thmey Daily.

ក្នុងការរៀបចំនេះ បានធ្វើការចាក់ដីបន្ថែម នៅមាត់បឹងឈាងខាងជើង ឲ្យបានធំទូលាយជាងមុន ដោយសម្រួលក្នុងការហាត់ប្រាណទៅមកដល់ប្រជាពលរដ្ឋ មិនចាំបាច់ហាត់ប្រាណនៅលើផ្លូវចាក់បេតុងនោះឡើយ ខ្លាចមានបញ្ហាគ្រោះថ្នាក់ចរាចរណ៍ គឺហាត់ប្រាណនៅក្បែរសួរច្បារចៀសវាងមានហានិភ័យដល់អ្នកហាត់ប្រាណ។

ការរៀបចំកែលម្អដាក់សួនច្បារនៅជុំវិញមាត់បឹងកន្សែងនេះ ឱ្យមានសោភណភាពស្អាតល្អជាងមុន មួយផ្នែកទៀត នៅទល់មុខសណ្ឋាគារទេរូ និងរៀបចំដាក់ដំរីមួយគូ ដើម្បីឲ្យភ្ញៀវទេសចរជាតិ និងអន្តរជាតិ ចូលមកទស្សនាកម្សាន្ត ដែលបងប្អូនចង់មកថតទុកជាអនុស្សាវរីយ៍ ជាមួយនិងក្រុមគ្រួសារ ឬសាច់ញាតិ។

លោក ញ៉ែម សំអឿន បានបញ្ជាក់ថា លោកនឹងរៀបចំដាក់បង្គន់អនាម័យចំនួន ៦បន្ទប់ ក្នុងនោះមានប្រុស ៣បន្ទប់ និងស្រី ៣បន្ទប់ ធ្វើនៅជ្រុងខាងក្រោយនៃមន្ទីរសុខាភិបាល ដោយសម្រួលដល់ភ្ញៀវទេសចរជាតិ-អន្តរជាតិ ចូលមកដើរលេងកម្សាន្ត រកកន្លែងបង្គន់អនាម័យគ្មាននោះ ទើបលោកបានរៀបចំបង្គន់អនាម័យ ដើម្បីសម្រួលឲ្យបងប្អូនដែលមកទស្សនាដើរលេងកម្សាន្ត នៅក្នុងខេត្តរតនគិរី។

លោកបានបញ្ជាក់បន្ថែមទៀតថា ក្នុងការរៀបចំនៅជុំវិញរមណីយដ្ឋានបឹងកន្សែងនេះ មិនមែនជាថវិការបស់រដ្ឋនោះទេ គឺថវិការបស់លោកផ្ទាល់ និងថវិកាអភិបាលរងខេត្តមួយចំនួន រួមទាំងមន្ទីរជុំវិញខេត្ត ព្រមទាំងសប្បុរសជន ដែលបានជួយឧបត្ថម្ភបន្តិចបន្តួចផងដែរ។ ធ្វើយ៉ាងណាឲ្យរមណីយដ្ឋានបឹងកន្សែងនេះ កាន់តែមានសម្រស់ស្រស់ស្អាតជាងមុន ហើយមានសួនច្បារនៅជុំវិញមាត់បឹង ដែលបងប្អូនចង់មកហាត់ប្រាណ នៅទីនេះងាយស្រួលមិនមានគ្រោះថ្នាក់។

គួរបញ្ជាក់ថា ចាប់តាំងពីលោកឡើងកាន់ជាអភិបាលខេត្តរតនគិរី សង្កេតឃើញថា មានការរីកចម្រើនជាបន្តបន្ទាប់ ដូចជា ហេដ្ឋារចនាសម្ព័ន្ធ ផ្លូវថ្នល់ ផ្លូវចាក់បេតុងនៅក្នុងក្រុងបានលុង សម្រួលដល់ប្រជាពលរដ្ឋ ធ្វើដំណើរចេញចូល។ មិនតែប៉ុណ្ណោះ វិមានឯករាជ្យបច្ចុប្បន្នកំពុងតែសាងសង់បានចំនួន៧០% ហើយ ដែលមានទីតាំងនៅដីព្រលានយន្តហោះចាស់។ នៅក្បែរវិមានឯករាជ្យនោះទៀតសោត អាជ្ញាធរខេត្តនឹងរៀបចំគម្រោងសាងសង់សាលាខេត្ត និងមន្ទីរសុខាភិបាលទៅដាក់នៅដីព្រលានយន្តហោះនាពេលឆាប់ៗខាងមុខផងដែរ៕

ដោយ៖ វុទ្ធឦសាន

The post អភិបាលខេត្តរតនគិរី រៀបចំកែលម្អជុំវិញមាត់បឹងកន្សែងឲ្យមានសោភណភាពស្អាត ដើម្បីទាក់ទាញភ្ញៀវទេសចរ appeared first on Kampuchea Thmey Daily.

លោក ឃុន បូរិន តំណាងអ្នកវិនិយោគរមណីយដ្ឋានទឹកឆា បានបញ្ជាក់ថា ក្នុងនាមជាអ្នកគ្រប់គ្រងតំបន់នេះ លោកបានធ្វើការផ្សព្វផ្សាយ និងស្នើឱ្យម្ចាស់អាហារដ្ឋានទាំងអស់ចូលរួមរក្សាតម្លៃ និងថែរក្សាសម្អាតបរិស្ថានជុំវិញឱ្យស្អាត។ លោកបញ្ជាក់ទៀតថា ពិធីបុណ្យចូលឆ្នាំប្រពៃណីជាតិខ្មែរខាងមុខនេះ សម្រាប់រមណីយដ្ឋានទឹកឆា បានបង្កើតសង្ក្រាន្តទឹកឆា ដោយយកថ្ងៃទី១៣ ខែមេសា ជាថ្ងៃប្រារព្ធពិធីលេងល្បែងប្រជាប្រិយខ្មែរ និងរាំលេងកម្សាន្ត។

សម្រាប់សង្ក្រានឆ្នាំថ្មី ឆ្នាំរោង ថ្ងៃទី១៣ ខែមេសា ឆ្នាំ២០២៤ ខាងមុខនេះ រមណីយដ្ឋានក្បាលទឹក ឬហៅរមណីយដ្ឋានទឹកឆា ក្នុងស្រុកព្រៃឈរ នឹងរៀបចំបង្កើតកម្មវិធីសប្បាយៗ ជាច្រើនដូចជា លេងល្បែងប្រជាប្រិយខ្មែរ រាំលេងកម្សាន្ត និងមានតុបតែងច្នៃជាក្លោងទ្វារច្រកចូលតុបតែងប្លែកបែបស្រុកស្រែ អមដោយឧបករណ៍នេសាទបុរាណ និងថែមរៀបចំផ្ទាល់ថតរូបប្លែកៗគួរឱ្យទាក់ទាញផងដែរ៕

អត្ថបទ និង រូបភាព ៖ ឡេក ចាន់ពេជ្រ

The post នៅថ្ងៃទី១៣ មេសា រមណីយដ្ឋានទឹកឆា នឹង ធ្វើសង្ក្រាន្តដ៏ធំសម្រាប់ឆ្នាំនេះ appeared first on Kampuchea Thmey Daily.

ខេត្តនេះ ក៏មានរមណីយដ្ឋានធម្មជាតិ វប្បធម៌ ប្រវត្តិសាស្រ្ត ចំនួន ១១កន្លែងផងដែរ។

រមណីយដ្ឋានធម្មជាតិ វប្បធម៌ ប្រវត្តិសាស្រ្ត ចំនួន ១១កន្លែងនេះ មានដូចជា៖

រមណីយដ្ឋាន ចេតីយ ឃុន ឆាង ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា

រមណីយដ្ឋាន ឆ្នេរប៉ាក់ខ្លង ស្ថិតនៅភូមិ១ ឃុំប៉ាក់ខ្លង ស្រុកមណ្ឌលសីមា

បូជនីយដ្ឋាន ព្រះអង្គគោកធ្លក ស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា

រមណីយដ្ឋានទេសចរណ៍ ព្រៃកោងកាងពាមក្រសោប ស្ថិតនៅភូមិពាមក្រសោប១ ឃុំពាមក្រសោប ស្រុកមណ្ឌលសីមា

រមណីយដ្ឋានអេកូទេសចរណ៍ តាតៃក្រោម ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង

រមណីយដ្ឋានទេសចរណ៍ធម្មជាតិតំបន់អារ៉ែង ស្ថិតនៅភូមិជំនាប់ ឃុំជំនាប់ ស្រុកថ្មបាំង

រមណីយដ្ឋាន ទេសចរណ៍ជីផាត ស្ថិតភូមិជីផាត ឃុំជីផាត ស្រុកថ្មបាំង

រមណីយដ្ឋានកោះឆ្នេរ កោះស្តេច ស្ថិតភូមិកោះស្តេច ឃុំកោះស្តេច ស្រុកគិរីសាគរ

ឆ្នេរកោះកុងក្រៅ និងតំបន់ជុំវិញស្រុកោះកុង

រមណីយដ្ឋានទេសចរណ៍ ស្តឹងពពក ស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល

រមណីយដ្ឋាន ឆ្នេរនេសាទ ស្ថិតនៅភូមិនេសាទ ឃុំព្រោយស្វាយ ស្រុកស្រែអំបិល៕

The post មកស្គាល់រមណីយដ្ឋានធម្មជាតិ វប្បធម៌ប្រវត្តិសាស្រ្ត ១១កន្លែង​នៅខេត្តកោះកុង appeared first on Kampuchea Thmey Daily.