បើតាមវេជ្ជបណ្ឌិត Tran Long Quan មក​ពី​មន្ទីរពេទ្យ Da Nang បានឲ្យដឹងថា ​ក្មេង​ប្រុសរងរបួស​ភាគច្រើន​គឺ​នៅ​លើ​ស្បែក និង​មាត់​របស់​គាត់ប៉ុណ្ណោះ មិនមានការខូចខាតដល់បំពង់អាហារ និងក្រពះនោះទេ ។

​គ្រួសារ​របស់​ក្មេង​ប្រុស​រូប​នេះ​បាន​និយាយដែល​ថា គាត់ផឹក​ទឹក​លាង​​បង្គន់ ព្រោះ​ស្មាន​ថា​ជា​ភេសជ្ជៈ​មួយ​ប្រភេទ ។

ជាការពិតណាស់ទឹកសម្អាតបង្គន់មានជាតិអាស៊ីដ ឬអាល់កាឡាំង ដូច្នេះពួកវាមានសារធាតុកាត់ខ្លាំង ធ្វើឲ្យរលាកស្បែក ឬស្លាប់ បើផឹកចូលពោះ ។

ទន្ទឹមនេះ មន្ទីរពេទ្យ Da Nang បានក្រើនរំលឹកមហាជនទូទៅដែលថា ផលិតផលគីមីដូចជាទឹកសម្អាតត្រូវរក្សាទុកដោយប្រុងប្រយ័ត្ន ជាពិសេសឲ្យផុតពីដៃក្មេង ៕

ប្រែសម្រួល៖ វារី

ប្រភព៖ tuoitrenews

ចុចអាន៖ ទារិកាអាយុ ១០ ខែ ទាញកំ​សៀវ​ទឹកក្ដៅខ្ចាយស្រោចលើខ្លួន រលាកស្លាប់

ចុចអាន៖ រលាកភ្លើង-ទឹកក្តៅ និង​បំពង់ស៊ីម៉ាំង លាប​ថ្នាំ​ដុស​ធ្មេញ ឬ​សាប៊ូ គ្រោះថ្នាក់​ទៅ​វិញ​ទេ

The post ក្មេងប្រុសវៀតណាមអាយុ ២ ឆ្នាំ ច្រឡំផឹកទឹកលាងបង្គន់ បណ្ដាលឲ្យរលាកកម្រិតធ្ងន់ appeared first on Kampuchea Thmey Daily.

ជា​ទូទៅ​គេ​បែង​ចែក​ការ​រលាកជា ៣ កម្រិតធំៗ ដែលទី១ ជា​ការ​រលាក​ស្រាល​កម្រិត​សើ​ស្បែក ទី២ ការ​រលាក​ក្រោម​ស្រទាប់​ស្បែក និងទី៣​ជា​កម្រិត​ធ្ងន់ គឺការ​រលាក​ចូល​ដល់​ស្រទាប់​ស្បែក-សាច់ដុំ ហើយ​ការ​ព្យាបាល​ក៏​ទៅ​តាម​កម្រិតនោះ​ដែរ។ នេះ​​បើ​​តាម​ការ​​បញ្ជាក់​របស់​លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

ចំពោះ​ទម្លាប់​ដែល​យក​ថ្នាំ​ដុសធ្មេញ ឬ​សាប៊ូ​មក​លាប​លើ​កន្លែង​រលាក​ភ្លាមៗ​នោះ​មិន​ត្រឹមត្រូវ​ទេ ព្រោះ​ប្រឈម​នឹង​ការ​ឆ្លង​មេរោគ មុខ​របួស​ឡើង​ពង​បែក ឬ​ហើម​សាច់។ ជំនួស​ឲ្យ​ការ​ធ្វើ​បែបនេះ​លោក​វេជ្ជបណ្ឌិតណែនាំ​ឲ្យ​យើង​ត្រាំ​ទឹកត្រជាក់​ភ្លាមៗ​ពេល​រលាក ប្រើ​ស្ព្រៃយ៍​សម្រាប់​បាញ់​ការ​រលាក​ ប្រទាលកន្ទុយក្រពើពីលើរលាក ឬដាក់ទឹកឃ្មុំ នោះ​ទើប​ធ្វើ​ឲ្យ​ត្រជាក់​មុខ​របួស មិន​បង្ក​រោគ មិន​បន្សល់​ស្លាក​ស្នាម​បើ​យើង​រលាក​កម្រិត​ស្រាល ហើយ​ប្រសិន​បើ​កន្លែង​រលាក​ឡើង​ពង​ទឹក​ សូមកំុជោះ ទុក​ឲ្យវា​បែក ឬក្រៀមស្វិត​ដោយ​ខ្លួន។

ក្នុង​ករណីរលាក​ធ្ងន់ធ្ងរ​ស្រទាប់​ស្បែក​ខាង​ក្នុង និង​សាច់ដុំ ក្រោយ​សង្រ្គោះ​បឋម​ដោយ​ការ​ត្រាំ​ទឹក​ត្រជាក់ ឬ​បាញ់ស្ព្រៃយ៍​រួច យើង​ត្រូវ​ប្រញាប់​ទៅ​ជួប​គ្រូពេទ្យ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សភាពស្បែកទាំង៨ នេះ បញ្ជាក់ថាសុខភាពកំពុងមាន​បញ្ហា​

ចុចអាន៖ តើ​អាច​ពុល​ចំណីអាហារ​ឬទេ​ ក្រោយ​កាត់​ថង់​ប្រមាត់​ចេញ​?

The post រលាកភ្លើង-ទឹកក្តៅ និង​បំពង់ស៊ីម៉ាំង លាប​ថ្នាំ​ដុស​ធ្មេញ ឬ​សាប៊ូ គ្រោះថ្នាក់​ទៅ​វិញ​ទេ appeared first on Kampuchea Thmey Daily.

តាមសេចក្តីរាយការណ៍ពីសមត្ថកិច្ចមូលដ្ឋានបានឱ្យដឹងថា ទារិការង គ្រោះមានឈ្មោះ ហូ លៀងគី អាយុ ១០ ខែ មានឪពុកឈ្មោះ ហូ ប៊ុនធឿន អាយុ ៤២ ឆ្នាំនិងម្ដាយឈ្មោះ មន ស្រីណែត អាយុ ២៩ឆ្នាំ ក្រុមគ្រួសារនេះមានទីលំនៅភូមិត្រពាំងក្របៅ ឃុំខ្លុងពពក ស្រុកទឹកផុស។

សមត្ថកិច្ចបានបញ្ជាក់ថាមុនពេលកើតហេតុម្ដាយបានយកឆ្នាំងដាំទឹក លុះពេលទឹកពុះហើយ ក៏បានយកមកចាក់ចូលក្នុងកំសៀវទឹកទុក។ ខណៈនោះទារិការងគ្រោះបានទាញ កំសៀវទឹកក្តៅ ក៏មកស្រោចលើខ្លួនបណ្ដាលឲ្យរលាកនិងរងរបួសជាទម្ងន់ ក្រោយមកក៏បានស្លាប់។

ករណីនេះសមត្ថកិច្ចបានពិនិត្យធ្វើកោសល្យវិច្ច័យតាមបច្ចេកទេសរួចបញ្ជាក់ឲ្យដឹងថាទារិការងគ្រោះពិតជារលាកទឹកក្តៅស្លាប់មែនហើយក៏បានប្រគល់សពជូនក្រុមគ្រួសារធ្វើបុណ្យតាមប្រពៃណី។

ហេតុការណ៍ខាងលើនេះក៏ជាខាងជាសារមួយជូនប្រជាពលរដ្ឋដែលមានកូនចៅតូចៗ គួរតែប្រុងប្រយ័ត្នដើម្បីកុំឲ្យមានការស្ដាយក្រោយពេលកើតឡើងនូវហេតុការណ៍ដ៏គួរឲ្យរន្ធត់ដូចករណីនេះ៕ អត្ថបទ៖ ឈៀងថារិទ្ធ

The post ទារិកាអាយុ ១០ ខែ ទាញកំ​សៀវ​ទឹកក្ដៅខ្ចាយស្រោចលើខ្លួន រលាកស្លាប់ appeared first on Kampuchea Thmey Daily.