ការស្នើនេះ គឺបន្ទាប់ពីម្ចាស់ YouTube Channel “LB Gaming Sports” បានលួចយកវីដេអូខ្សែភាពយន្តរឿង “ប្រវត្តិស្នេហ៍នាងនាថ” ពី Angkor DC App ទៅចែករំលែកក្នុង Channel YouTube របស់ខ្លួនកាលពីថ្ងៃទី៩ ខែមករា ឆ្នាំ២០២៥ ដោយគ្មានការអនុញ្ញាតពីក្រុមហ៊ុន។

ជុំវិញរឿងរ៉ាវនេះ ក្រុមហ៊ុន Angkor DC និងផលិតកម្ម LD Entertainment ក៏បានកោះអញ្ជើញម្ចាស់លេខទូរសព្ទ ០៦៧ ៧៩ ៦០ ១០ (ម្ចាស់ Youtube Channel : LB Gaming Sports) បុគ្គលដែលបានលួចវីដេអូភាពយន្តខ្នាតធំរបស់ខ្លួនដោយគ្មានការអនុញ្ញាត ទៅជួបក្រុមហ៊ុនដើម្បីដោះស្រាយ។

ក្រុមហ៊ុនសង្កត់ធ្ងន់ទៀតថា បើសិនជាម្ចាស់ ម្ចាស់ Youtube Channel ខាងលើ មិនមកជួបដោះស្រាយដោយសន្តិវិធីទេ ក្រុមហ៊ុននឹងបន្តនិតិវិធីតាមផ្លូវច្បាប់។

ទន្ទឹមនឹងការប្រកាសនេះ លោក លៀក លីដា ក៏បានបង្ហាញការខឹងសម្បារ ដោយសរសេររៀបរាប់ថា “លេខទូរស័ព្ទមានលេខ account មានសូមចូលខ្លួនដោះស្រាយ, ហើយក៏សូមសួរទៅបងប៉ូលីសសមត្ថកិច្ចខាងផ្នែក copyright ប៉ូលិសសេដ្ឋកិច្ច បើសិនជាខ្ញុំមានភស្តុតាងមានលេខទូរស័ព្ទ មានលេខ account ប៉ុណ្ណឹងតើអាចប្ដឹងចាប់បានឬអត់?”

លោកបន្ថែមទៀតថា “សូមអ្នកសិល្បៈទាំងតស៊ូដើម្បីតំលៃពួកយើង កំចាត់ជនខិលខូចមិនចេះអៀនខ្មាស កុំឱ្យធ្វើស្រែលើខ្នងអ្នកសិល្បដូចជាពួកយើង” ៕

The post លោក លៀក លីដា ស្នើអ្នកសិល្បៈចូលរួមកំចាត់ជនខិលខូច កុំឱ្យបន្តធ្វើស្រែលើខ្នងអ្នកសិល្បៈ appeared first on Kampuchea Thmey Daily.

ក្រោយការចាក់បញ្ចាំងរឿង “ប្រវត្តិស្នេហ៍នាងនាថ” (វគ្គ១) និង “ជើងមេឃពណ៌ស្វាយ” (នាងនាថ វគ្គ២) គឺឃើញមានការគាំទ្រច្រើនពីសាធារណជន ពិសេសអ្នកគាំទ្រការផលិតរបស់ផលិតកម្ម LD កន្លងមក និងតែងទទឹងរង់ចាំនូវវគ្ក ៣ ដែលជាវគ្គចុងក្រោយនៃរឿងនេះផងដែរ។

ហេតុនេះហើយ ដើម្បីឆ្លើយតបទៅនឹងការទទឹងរង់ចាំរបស់ទស្សនិកជន លោក លៀក លីដា ម្ចាស់ផលិតកម្ម​ និងជាផលិតករ ដឹកនាំភាពយន្តរឿងនេះ ក៏មិនបង្អង់យូរសម្រាប់ការចាក់បញ្ចាំងនូវវគ្គ ៣ផងដែរ ដោយបានប្រកាសថា នាងនាថ វគ្ក៣ នឹងចាក់បញ្ចាំងចាប់ពីថ្ងៃទី១៩ ខែវិច្ឆិកា ខាងមុខនេះ នៅគ្រប់រោងភាពយន្ដទាំងអស់។

គួររំលឹកថា រឿងប្រវត្តិសេ្នហ៍នាងនាថ ជាខ្សែភាពយន្តខ្មែរ ផលិតឡើងជាប្រភេទរឿងស៊េរី មាន ៣ វគ្គធំៗ សម្រាប់វគ្គ យុវវ័យក្រោយសម័យអង្គរ នៅក្នុងវគ្គ១។ ឯតួអង្គសំខាន់ៗ ដែលបានចូលរួមសម្តែងនៅក្នុងរឿងនេះ រួមមាន តារា សម្តែងភូមា លោក Paing Takhon, លោក ទេព រិនដារ៉ូ , លោក ជា សុវណ្ណនរាហ , កញ្ញា មាលា កូនកាត់ខ្មែរ-បារាំង និង អ្នកនាង សារ៉ាយ សក្ខណា ជាដើម…។

ដោយឡែកសម្រាប់វគ្គ២ គឺមានភាពខុសប្លែកពីវគ្គ១ ខ្លាំង ដោយផលិតករបានបញ្ចូលនូវឈុត action (វាយគ្នា) ច្រើន ដើម្បីបង្ហាញថា ផលិតកម្ម LD មានសមត្ថភាពក្នុងការផលិតឈុតឆាកទាំងនេះ ដូចទៅនឹងកុនបរទេសដែរ បើទោះបីជានៅមានកម្រិតក៏ដោយ។ នេះបើតាមការលើកឡើងរបស់ លោក លៀក លីដា ផលិតករ និងជាម្ចាស់ផលិតកម្ម LD ភាពយន្ត។

តួយ៉ាង ក្នុងការផលិតវគ្គ២ អ្នកដឹកនាំរឿងនិងក្រុមការងារ ក៏ជួបការលំបាកច្រើនផងដែរ ដោយតម្រូវឱ្យតួហ្វឹកហាត់ ប៉ុន្មានខែឯណោះ មុននឹងសម្តែងឈុតធំ (ឈុតច្បាំង) ខណៈតួម្នាក់ៗនៅតែមានភ្លាត់ស្នៀត ពិសេសតួប្រុស ក៏ត្រូវរបួសជាច្រើនកន្លែងដូចជាប៉ោងក្បាល របួសកែងដៃ និងជើងទៀតផង។ ក្រៅពីនេះ សូម្បីតែការសង់បន្ទាយទ័ព ក៏ជាការលំបាកមួយទៀតផងដែរ សម្រាប់ក្រុមការងាររបស់លោក ក៏ព្រោះតែត្រូវចំណាយពេលដឹកជញ្ជូនឬស្សីពីកន្លែមួយ ទៅកន្លែងមួយ ដើម្បីសាងសង់ជាបន្ទាយ និងត្រូវជញ្ជូនរាប់សិបជើងឯណោះ។

យ៉ាងណាមិញ ពីវគ្គទៅមួយវគ្គ ផលិតការបានសម្រិតសម្រាំងក្នុងការផលិត ដើម្បីផ្តល់អារម្មណ៍ផ្សេងគ្នាដល់អ្នកទស្សនា ដោយនៅវគ្គ៣នេះ គឺខុសពី ២វគ្គមុន ដែលជាវគ្គមនោសញ្ចេតនារវាងខ្មោចនិងមនុស្ស។

គួរជម្រាបថា រឿង « ខ្មោចចិញ្ចឹមកូនមនុស្ស » គឺជាខ្សែភាពយន្ដខ្នាតធំនៃរឿង ប្រវត្ដិស្នេហ៍នាងនាថ វគ្គ៣ ដែលគ្រោងនឹងចាក់បញ្ចំង នៅថ្ងៃទី ០៧ វិច្ឆិកា ខាងមុខនេះ​ គ្រប់រោងភាពយន្ដ ខណៈវគ្គ១ និងវគ្គ២ ទទួលបានការគាំទ្រគួរកត់សម្គាល់៕

The post ចេញវគ្គ២ បានជិត១ខែ! ប្រវត្តិស្នេហ៍នាងនាថ វគ្គ៣ ប្រកាសថ្ងៃចាក់បញ្ចាំងជាផ្លូវការដែរ នៅខែក្រោយនះ appeared first on Kampuchea Thmey Daily.

លោក លៀក លីដា បានចេញមុខ​បកស្រាយ​តាមរយៈ​វីដេអូ​នៅ​ព្រឹកថ្ងៃ​ទី​២៥ ខែ​កញ្ញា នេះ​ថា ជាការកត់​សម្គាល់​លោក​​បាន​ឃើញលោក Allan បាន​រិះគន់រឿង​ “ប្រវត្តិស្នេហ៍​នាងនាថ” នេះតាំងពីវគ្គ១ មកម្លេះ ហើយរហូតមក​ដល់វគ្គ២ នេះ​គាត់​នៅតែ​រិះគន់លើរឿងនេះ​ដដែល​។

លោក លៀក លីដា បានសង្កត់ធ្ងន់ថា «ដោយ​សារ​សង្កេត​ពី​ទង្វើរ​នេះ​ទើប​លោក​យល់ថា គាត់មានចេនា និងតាំងចិត្តធ្វើតែម្តង»។

ផលិតករ លៀក លីដា បាននិយាយទៀតថា“មិនដឹងមាន​អ្នកប្រើ​ឲ្យធ្វើ ឬគាត់មានចេតនាអ្វីផ្សេងពីនេះទៀតទេ ខ្ញុំក៏មិនដឹងដែរ​តែខ្ញុំអាចទាយ​បានថា គាត់គឺមានចេតនា​ព្រោះអីរឿង​ជាច្រើនរបស់​ផលិតកម្ម​ផ្សេងៗនៅ​​ស្រុកខ្មែរ​គាត់អត់និយាយទេគឺ​គាត់និយាយរិះគន់តែរឿងរបស់ផលិតកម្មLDប៉ុណ្ណោះ ឬអាចនឹងមានអ្នកនៅពីក្រោយ“។

លោកបន្តថា ប្រហែលជា​គេ​មាន​ចេតនា​ណាមួយក្នុងការអូសទាញចំណាប់​អារម្មណ៍ពី​រឿងនេះ(នាងនាថ) ដើម្បីចង់​បានភាព​​ល្បីល្បាញ និងកេញចំណេញយកផលប្រយោជន៍​សម្រាប់ការ​ប្រម៉ូត​អ្វីមួយរបស់ខ្លួន។ លៀក លីដា និយាយទៀតថា ដោយសារ​យើង​សង្កេតឃើញ​តាំងពីវីដេអូវគ្គ១ គឺគាត់​បានរៀប​ចំជាខ្លឹមសារ ឬពាក្យសម្រាប់​យកមកនិយាយ​ពាក់ព័ន្ធរឿងខាង លើ…ប៉ុន្តែលោកមិនខឹង ឬប្រតិកម្មតបតវិញដែរ។

លោក លៀក លីដា បញ្ជាក់ថា លោកតែងតែទទួលយកសម្រាប់ការ Comment រិះគន់​ឲ្យ​តែ Comment នោះ​ជាការ​រិះគន់​ស្ថាបនា​ និងចេញ​ពីចិត្តស្មោះត្រង់​របស់គាត់ចំពោះ​វិស័យ​​ភាពយន្ត​នៅ​ក្នុងស្រុក​។ ដោយឡែក ពាក់ព័ន្ធ​រឿង​ការ​ផលិត​កុន​ផលិតករ​ល្បីឈ្មោះ​រូបនេះ​បាន​លើកឡើងដែរ​​ថា បើប្អូនចេះ​តែនិយាយ​បែបនេះវា​ធ្វើឲ្យប៉ះ​ពាល់ខ្លាំង​ដល់វិស័យ​មួយហ្នឹង ព្រោះបច្ចុប្បន្ន​យើងកំពុង​យកចិត្តទុក​ដាក់ក្នុង​ការលើកស្ទួយ និង​អភិវឌ្ឍន៍​វិយភាព​យន្តជាតិ។

គួរបញ្ជាក់ដែរថា មុននេះ​ផលិតករ និង​ជាអ្នកដឹកនាំ​សម្តែងលោក លៀក លីដា ក៏បានចេញមកឆ្លើយតប​ដោយបង្ហាញ​ការ​ខកចិត្ត​ចំពោះ​ការរិះគន់​ពី​សំណាក់ម្ចាស់​គណីហ្វេសប៊ុកឈ្មោះ Allan ដែល​និយាយថា រឿង “ប្រវត្តិស្នេហ៍នាងនាថ” វគ្គ២ សាច់រឿងចាញ់វគ្គ១។ ក្នុងនោះ​លោក លៀក លីដា បាននិយាយ​ខ្លីថា“បើប្អូន​មិននិយាយ​ខ្ញុំប្រហែលជា​មិនហ៊ាន​ស្មានថា​ប្អូនល្ងង់ដល់ម្លឹងទេ“៕

អត្ថបទ៖ ចាន់រ៉ា

The post ផលិតករបញ្ជាក់ថា អ្នករិះគន់រឿងនាងនាថ គឺមានចេតនារួចជាស្រេចដើម្បីផលប្រយោជន៍អ្វីម្យ៉ាង appeared first on Kampuchea Thmey Daily.

ការរិះគន់របស់អ្នកលេងហ្វេសប៊ុករូបនេះ ខណ:ដែលរឿង “ប្រវត្តិស្នេហ៍នាងនាថ” វគ្គ២ បាននឹងកំពុងតែចាក់បញ្ចាំងនៅតាមរោងកុនមួយចំនួន ក៏ស្រាប់តែលេចមុខបុគ្គលខាងលើបានចេញមុខរិះគន់ ដោយមិនសំចៃមាត់ថា ក្រោយលោកទស្សនារួចគឺឃើញថារឿង” នាងនាថ”វគ្គ២សាច់រឿងកាលពីចាញ់វគ្គ១ទៅទៀត។ប្រតិកម្មឆ្លើយតបភ្លាមៗនេះលោក លៀក លីដា បាននិយាយខ្លីថា”បើប្អូនមិននិយាយខ្ញុំប្រហែលជាមិនហ៊ានស្មានថាប្អូនល្ងង់ដល់ម្លឹងទេ”។

ការបញ្ចេញមតិរិះគន់ពីសំណាក់អ្នកទស្សនារូបនេះគឺបានក្លាយជាប្រធានបទនៃកាវែកញែករបស់អ្នកគាំទ្រ និងអ្នកលេងបណ្តាញសង្គមហ្វេសប៊ុកដោយអ្នកខ្លះគាំទ្រការលើកឡើងមួយចំណែកឯអ្នកខ្លះទៀតយល់ ថាការរិះគន់ខាងលើជាការទម្លាក់តម្លៃភាពយន្តឬកំ ពុងបំបាក់ទឹកចិត្តដល់ស្នាដៃអ្នកនិពន្ធជាដើម។

ផលិតករភាពយន្ត និង ជាអ្នកដឹកនាំសម្តែងរឿង លោក លៀក លីដា កន្លងមកបានចាត់ទុកថាវិស័យសិល្ប និងភាពយន្តគឺជាផ្លូវយ៉ាងសំខាន់ដើម្បីផ្សព្វផ្សាយប្រទេសយើងទៅកាន់ឆាកអន្តរជាតិ។ លោក លៀក លីដា ក៏បានទទូចឲ្យមានការចូលរួមគាំទ្រ និងលើកកម្ពស់វិស័យភាពយន្តជាតិកាន់តែផុសផុល។

គួររម្លឹកថាលោកលៀក លីដា ធ្លាប់បាននិយាយដែរថា រឿងប្រវត្តិស្នេហ៍នាងនាថគឺត្រូវបានចងក្រង និងប្រមូលនៅអ្វីដែលដូនតាយើងបានបន្សល់ទុកឲ្យ ហើយនៅក្នុងសាច់រឿងនេះទាំងមូលបានបង្កប់នូវសិល្ប:វ ប្បធម៌របស់ខ្មែរយើងជាពិសេសខ្លឹមសារនៃការអប់រំនិងតម្លៃនៃសន្តិភាព៕ អត្ថបទ៖ ចាន់រ៉ា

អត្ថបទពាក់ព័ន្ធ៖

– ផ្ទុះការវែកញែក! ក្រោយអ្នក Review ផលិតផលបច្ចេកវិទ្យាម្នាក់ វាយតម្លៃកុនខ្មែរ រឿង “នាងនាថ វគ្គ២”
– Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព

The post លោក លៀក លីដា បង្ហាញការខកចិត្តចំពោះការរិះគន់របស់ Allan appeared first on Kampuchea Thmey Daily.

បន្ទាប់ពីការវាយតម្លៃរបស់ Allan លើកុនមួយរឿងនេះជាបន្តបន្ទាប់ ទាំងវគ្គ១ និងវគ្គ២ បានធ្វើឱ្យអ្នកនៅក្នុងអាជីពផលិតភាពយន្ត និងអ្នកគាំទ្រកុនខ្មែរជាច្រើន សម្តែងការមិនពេញចិត្ត ដោយមតិខ្លះយល់ឃើញថា ការរិះគន់របស់លោកលើកុនមួយរឿងនេះ ពុំមែនជាការរិះគន់ក្នុងន័យស្ថាបនាឡើយ ព្រោះតែអ្វីដែលលោកលើកឡើង​ គឺផ្តោតតែលើចំណុចខ្វះខាត ដោយមិនបានលើកនិយាយពីការអភិវឌ្ឍន៍នៃកុនខ្មែរ។

ក្នុងនោះ ក៏មានមតិខ្លះយល់ឃើញថា ការរិះគន់ អាចចាត់ទុកជាការរួមចំណែកកែលម្អ ប៉ុន្តែការកែលម្អនេះ គួរតែធ្វើនៅពេលវេលាសមស្រប ឬពេលដែលអ្នកគាំទ្រទស្សនាហើយ។ ខណៈមតិខ្លះ យល់ស្របនឹងការលើកឡើងរបស់ អ្នក Review ផលិតផលបច្ចេកវិទ្យារូបនេះ។

យ៉ាងណាមិញ តាមរយៈគណនីហ្វេសប៊ុកផ្ទាល់ Allan បានបញ្ជាក់ថា ចំពោះលោកផ្ទាល់ បើនិយាយពីសាច់រឿងវគ្គ២នេះ គឺចាញ់រឿងវគ្គមួយ។ ដោយឡែកចំពោះមូលហេតុនៃការយល់ឃើញបែបនេះ លោកនឹងចេញជាវីដេអូក្នុងសប្តាហ៍ក្រោយ ដោយខ្លួននឹងផ្តោតលើ Storyline; Character development; Technical issue និង Character arc ( first act, second act, third act) ។

គួរជម្រាបថា “ជើងមេឃពណ៌ស្វាយ” ឬនាងនាថ វគ្គ២ មានភាពខុសប្លែកពីវគ្គ១ ខ្លាំង ដោយផលិតករបានបញ្ចូលនូវ ឈុតច្បាំងគ្នាច្រើន ដើម្បីបង្ហាញថាផលិតកម្ម ក៏មានសមត្ថភាពក្នុងការផលិតឈុតឆាកទាំងនេះ ដូចទៅនឹងកុនបរទេសដែរ ទោះបីជានៅមានកម្រិតក៏ដោយ។ នេះបើតាមការលើកឡើងរបស់ លោក លៀក លីដា ផលិតករ និងជាម្ចាស់ផលិតកម្ម LD ភាពយន្ត។ ជាក់ស្តែង សម្រាប់ឈុតច្បាំងគ្នា បើទោះបីជាតួអង្គសម្តែងម្នាក់ៗ​ បានហ្វឹកហាត់ប៉ុន្មានខែហើយក៏ដោយ ក៏នៅតែមានការភ្លាត់ស្នៀត ពិសេសតួប្រុស ក៏ត្រូវរបួសជាច្រើនកន្លែង ដូចជាប៉ោងក្បាល របួសកែងដៃ និងជើងទៀតផង៕

The post ផ្ទុះការវែកញែក! ក្រោយអ្នក Review ផលិតផលបច្ចេកវិទ្យាម្នាក់ វាយតម្លៃកុនខ្មែរ រឿង “នាងនាថ វគ្គ២” appeared first on Kampuchea Thmey Daily.