សម្ដេចតេជោ ហ៊ុន សែន បានថ្លែងបែបនេះថា «រឿងទីពីរ រឿងគ្រូកាត់សក់សិស្ស អស់ឆ្ងល់ អត់យល់…តែខ្ញុំនិយាយនេះណា មិនមែនសំដៅគ្រូទូទាំងប្រទេសទេ ប៉ុន្តែសំដៅទៅលើលោកគ្រូ ដែលបានធ្វើសកម្មភាពនេះ នៅវិទ្យាល័យ (វិទ្យាល័យ សម្តេចតេជោ ហ៊ុន សែន សំពៅលូន) ហើយវិទ្យាល័យហ្នឹង ជាវិទ្យាល័យ ដែលខ្ញុំទៅធ្វើឲ្យទៀត ទៅកើតរឿងក្នុងវិទ្យាល័យៗ វិទ្យាល័យសម្តេចតេជោ ហ៊ុន សែន ណាទៀត»។

សម្ដេចតេជោ ហ៊ុន សែន បានស្នើបែបនេះទៀតថា «លោកគ្រូអើយ លោកគ្រូ បើសិនជាយើងចង់តម្រូវ មិនចាំបាច់ទៅយកកន្ត្រៃត្រង់ឌឺ ទៅឈូសគ្នាដដែលៗចឹងទេ…កូនសិស្សរបស់យើង ដូចកូនរបស់យើងអញ្ចឹង ហៅទៅ សក់ហ្នឹងវាមិនទាន់ត្រូវខ្នាតទេ អញ្ចឹងរៀបចំកាត់សក់ឲ្យសិស្សទៅ បើគង់តែមានត្រង់ឌឺដែរនោះ»។

សូមបញ្ជាក់ថា កាលពីថ្ងៃទី ២៣ ខែមករា ឆ្នាំ ២០២៣កន្លងទៅនេះ នៅក្នុងទំព័រហ្វេសប៊ុករបស់សាលាវិទ្យាល័យសម្តេចតេជោ ហ៊ុនសែន សំពៅលូន បានបង្ហោះពីសកម្មភាពចុះអនុវត្តវិន័យ ដោយបានសរសេរថា ចុះអនុវត្តវិន័យនិងក្រុមប្រឹក្សាយុវជន ដោយមានអមរូបថតជាច្រើនសន្លឹក រួមមានរូបគ្រូកាន់កន្ត្រៃ និងរូបសិស្ស មានសក់ខូចកែលែងកើតបន្ទាប់ពីគ្រូកាត់សក់រួច។

បន្ទាប់ពីមានការបង្ហោះនូវការអនុវត្តវិន័យ ចំពោះសិស្សប្រុសៗ នៅវិទ្យាល័យសម្តេចតេជោ ហ៊ុន សែនសំពៅលូន រួចមក អ្នកលេងបណ្តាញហ្វេប៊ុក បានស្នើឲ្យក្រសួងអប់រំយុវជន និងកីឡា ជួយពិនិត្យមើលករណីនេះផងដែរ៕  

The post នាយករដ្ឋមន្ត្រី ស្នើលោកគ្រូនៅវិទ្យាល័យសំពៅលូន ឈប់យកត្រង់ឌឺឈូសសក់សិស្សទៀត appeared first on Kampuchea Thmey Daily.

ខ្លឹមសារលិខិតស្នើសុំ ដែលកម្ពុជាថ្មីទទួលបានបញ្ហាញថា ទី១. ស្នើសុំដកលោកនាយក ជី វី ចេញពីសាលាបឋមសិក្សា ច្រេស និងទី២. ស្នើសុំដកលេខាសាលា គឺអ្នកគ្រូ អ៊ីង ថាវី ចេញពីសាលាបឋមសិក្សាច្រេសផងដែរ។ ក្នុងលិខិតដាក់ជូនប្រធានមន្ទីរមន្ទីរអប់រំនោះ បានបញ្ជាក់ថា៖

១. តាំងពីឡើងជានាយកសាលា មិនមានការអភិវឌ្ឍន៍ហេដ្ឋារចនាសម្ព័ន្ធក្នុសាលា។

២. ធ្វើការអាងតែអំណាចអួតអាង។

៣. ថវិកាចាយគ្មានតម្លាភាព។

៤. លោកនាយកសាលាគ្មានចក្ខុវិស័យ។

៥. លោកនាយកគ្មានគុណសម្បត្តិ។

 ៦. សម្ភារៈបង្រៀនស្ទើរតែគ្មានគ្រប់ថ្នាក់(បាត់បង់លុយBP)។

៧. ចំណែកសម្ភារៈសាលាធ្វើដូចជារបស់ឯកជន។

៨. ខ្វះការលើកទឹកចិត្តជាមួយគ្រូបង្រៀន។

៩. សម្លៀកបំពាក់មិនសមរម្យ សមជាតារាចម្រៀងច្រើនជាង។

១០. គ្មានក្រមសីលធម៌វិជ្ជាជីវ:ជាគ្រូបង្រៀន។

១១. ខ្វះការទំនាក់ទំនងជាមួយអង្គភាពផ្សេងៗ។ 

១២. លោកនាយកផ្លែផ្កាពាក្យសម្ដីដាក់គ្រូៗដ៏ទៃថា ទន្សាយដេក ដាស់ទន្សាយឲ្យដើរ។

១៣. លោកនាយកប្រព្រឹត្តអំពើអបាយមុខ។

១៤. ទង្វើ និងសកម្មភាពរបស់លោកនាយកសាលា និងលេខាមិនសមរម្យ ធ្វើឲ្យបុគ្គលិកមិនចង់ចូលទីចាត់ការ។

១៥. លោកនាយក និងលេខា បង្ករឿងអាស្រូវនៅក្នុងសាលារៀន។

១៦. ពេលប្រជុំបច្ចេកទេស អាហារសម្រន់វេចខ្ចប់ចែកដូចអ្នកសុំទាន។

១៧. លោកនាយកមិនគោរពពេលវេលា។

១៨. លេខាចុះអធិការកិច្ចមានសិទ្ធិស្ដីបន្ទោសគ្រូៗ។

១៩. ពេលប្រជុំប្រចាំខែលេខានិយាយច្រើនជាងនាយក។

២០. លេខាយកឈ្មោះអង្គភាព ទៅប្រើដើម្បីប្រមូលលុយគ្រូកិច្ចសន្យា ហើយប្រាប់ថា នឹងបានចូលក្របខ័ណ្ឌពេញសិទ្ធ។

២១. លេខានិយាយប្រើពាក្យស្លោកថា ចង្កិះមួយបាច់ កុំចង់កាច់ចង្កឹះមួយ។

 ២២. លេខាមកពុំទាន់ម៉ោងធ្វើការ លោកនាយកនិយាយថា កុំមើលបំណាំគាត់ព្រោះលេខា គ្មានសិស្សគ្រប់គ្រង។

២៣. លេខាស្លៀកពាក់មិនសមរម្យ។

២៤. មានរឿងក្នុងអង្គភាពមិនសម្របសម្រួល តែបែរជាហៅលោកនាយក ក្នុងកម្រងមកស្ដាប់ការស្ដីបន្ទោសទៅវិញ។

ចំណុចទាំងអស់លើនេះហើយ ទើបលោកគ្រូ-អ្នកគ្រូ បានដាក់ស្នើសុំលោកប្រធានមន្ទីរអប់រំ ជួយរកដំណោះស្រាយ។

លោក ឡោ វីរិទ្ធិ ប្រធានមន្ទីរអប់រំ យុវជន និងកីឡាខេត្តតាកែវ នៅរសៀលថ្ងៃទី ២៤ ខែសីហា ឆ្នាំ ២០២២នេះ បានឲ្យដឹងថា ក្រុមការងាររបស់លោក នឹងចុះទៅសិក្សារកដំណោះស្រាយទាក់ទងនឹងករណីខាងលើនេះ។ ដោយឡែកអ្នកស្រីឈ្មោះ អ៊ី ថាវី ដែលជាលេខាសាលា លោកប្រធានមន្ទីរអប់រំបានចេញលិខិតស្តីបន្ទោសរួចហើយ កាលពីថ្ងៃទី ៥ ខែសីហា ឆ្នាំ ២០២២ ដែលមានប្រសិទ្ធិភាពរយៈពេល ២ឆ្នាំ ពាក់ព័ន្ធនឹងការងារមិនប្រក្រតីមួយចំនួន ក្នុងតួនាទីរបស់ខ្លួន៕

អត្ថបទ៖ វីរៈ

The post លោកគ្រូ-អ្នកគ្រូ នៃសាលាបឋមសិក្សាច្រេស ស្រុកទ្រាំង ខេត្តតាកែវ ស្នើសុំដកនាយកសាលា និងលេខាសាលា appeared first on Kampuchea Thmey Daily.

លោក ស៊ឹម ប្រិយ ប្រធានមន្ទីរអប់រំយុវជន និងកីឡាខេត្តកំពង់ឆ្នាំង បានមានប្រសាសន៍នៅរសៀលថ្ងៃទី ១ ខែកម្ភៈនេះថា ជាធម្មតាខេត្តកំពង់ឆ្នាំង មិនមានបញ្ហាសិស្ស និងគ្រូអវត្តមាន ក្នុងពិធីបុណ្យចូលឆ្នាំចិនទេ គឺពួកគាត់មកបង្រៀន និងរៀនជាធម្មតា។

លោកប្រធានមន្ទីរ បានបន្តថា «យើងមិនមានវិធានការអ្វីទេ ក្នុងពិធីបុណ្យចូលឆ្នាំចិននេះ បើសិនជាគ្រូ ឬសិស្សសុំច្បាប់ វាជាសិទ្ធិរបស់គាត់។ ប៉ុន្តែជាទូទៅភាគច្រើន នៅខេត្តមិនមានការសុំច្បាប់ឈប់សម្រាកទេ។ អីចឹងដូចជាមិនមានបញ្ហាអ្វីទេ តែមានតិចតួចប៉ុណ្ណោះ ជួនកាលវាចៃដន្យដែលត្រូវឈប់ចំថ្ងៃហ្នឹង»។

យោងតាមរបាយការណ៍ របស់មន្ទីរអប់រំ យុវជននិងកីឡាខេត្តកំពង់ឆ្នាំង បានឲ្យដឹងថា នៅក្នុងខេត្តកំពង់ឆ្នាំង មានគ្រឹះ ស្ថានមធ្យមសិក្សាចំនួន ៧៩កន្លែង។ ក្នុងនោះ មានវិទ្យាល័យចំនួន ១៦កន្លែងនិងអនុវិទ្យាល័យចំនួន ៦៣កន្លែង៕

អត្ថបទ៖ សំអឿន

The post ខេត្តកំពង់ឆ្នាំង មានសិស្ស និងគ្រូ តិចតួចទេដែលអវត្តមាន ក្នុងឱកាសបុណ្យចូលឆ្នាំចិន appeared first on Kampuchea Thmey Daily.

លោក នួន ផារ័ត្ន បានសម្ដែងនូវការអរគុណបែបនេះ ក្នុងឱកាសដែលលោកតំណាងឲ្យលោក ឃួង ស្រេង អភិបាលរាជធានីភ្នំពេញ អញ្ជើញជាអធិបតី ក្នុងពិធីបើកបវេសនកាលឆ្នាំសិក្សាថ្មី ២០២១-២០២២ នៅវិទ្យាល័យជាស៊ីមសន្ធរម៉ុក ក្នុងសង្កាត់ទឹកល្អក់ទី ១ ខណ្ឌទួលគោក នាព្រឹកថ្ងៃទី ១០ មករាឆ្នាំ ២០២១ខាងមុខនេះ។

លោក នួន ផារ័ត្ន មានប្រសាសន៍ថា ក្នុងនាមរដ្ឋបាលរាជធានីភ្នំពេញ លោកពិតជាអរគុណចំពោះលោកគ្រូ-អ្នកគ្រូ ដែលមិនរត់ចោលគ្នា ក្នុងគ្រាដ៏លំបាកនៃជំងឺកូវីដ-១៩ ហើយលោកក៏អរគុណយ៉ាងជ្រាលជ្រៅផងដែរ ចំពោះរាជរដ្ឋាភិបាល ដែលបានប្រយុទ្ធប្រឆាំងនឹងជំងឺកូវី-១៩ យ៉ាងល្អ ជាពិសេស គឺរាជរដ្ឋាភិបាល បានខិតខំស្វះស្វែងរកវ៉ាក់សាំង មកចាក់ជូនប្រជាពរដ្ឋបានគ្រប់គ្នា ពោលគឺក្នុងចំនួនប្រជាពលរដ្ឋ ១៦លាននាក់ ការចាក់វ៉ាសាំងបានប្រមាណ៨៩,២៦% ហើយគ្រោងនឹងចាក់វ៉ាក់សាំងដុសទី ៤ នៅពេលខាងមុខនេះ បន្ថែមទៀត។

ប៉ុន្តែទោះបីជាយ៉ាងណាក្តី លោកក៏នៅតែធ្វើការណែនាំឲ្យលោកគ្រូ-អ្នកគ្រូ និងសិស្សានុ-សិស្សទាំងអស់ សូមកុំភ្លេចបន្តចូលរួមបង្ការទប់ស្កាត់ជំងឺកូវីដ-១៩ ដោយសារតែពេលនេះកូវីដ-១៩ ប្រភេទអូមីក្រុង បានចូលក្នុងសហគមន៍ហើយ ដែលយើងត្រូវតែបន្តការប្រុងប្រយ័ត្ន ថែមទៀត។

លោកបន្តថា សម្រាប់ឆ្នាំ ២០២២នេះ កម្ពុជាមានព្រឹត្តិការណ៍សំខាន់ៗមួយចំនួន ដោយយើងនឹងត្រូវធ្វើជាប្រធានអាស៊ាន ហើយរាជធានីភ្នំពេញ ក៏ត្រូវធ្វើជាប្រធានទីក្រុងអាស៊ានផងដែរ។ បន្ថែមពីនេះ ឆ្នាំ២០២២ យើងក៏មានការបោះឆ្នោតក្រុមប្រឹក្សា-ឃុំសង្កាត់ ដែលលោកគ្រូ-អ្នកគ្រូ ត្រូវតែចូលរួមក្នុងការបោះឆ្នោតនេះ។

ប្រធានមន្ទីរអប់រំយុវជន និងកីឡារាជធានីភ្នំពេញ លោក ហែម ស៊ីណារ៉េត បានមានប្រសាសន៍ថា នៅរាជធានីភ្នំពេញ មានគ្រឹះស្ថានសិក្សាចំណេះទូទៅសាធារណៈសរុប ចំនួន ២៤៩ រួមមាន៖ វិទ្យាល័យចំនួន ៤១សាលា អនុវិទ្យាល័យចំនួន ២៧សាលា សាលាបឋមសិក្សាចំនួន ១៦៣សាលា សាលាមត្តេយ្យសិក្សា ចំនួន ១៨សាលា មានសិស្សានុសិស្សសរុប ចំនួន ៤០០ ៧៤៣នាក់ បុគ្គលិគអប់រំគ្រប់ក្របខណ្ឌសរុប ចំនួន ១០ ៦៨៦ នាក់។

លោកបន្តថា រដ្ឋបាលរាជធានីភ្នំពេញ ដោយការយកចិត្តទុកដាក់ពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ បានដោះស្រាយបញ្ហាខ្វះខាត និងការលំបាកនៅតាមគ្រឹះស្ថានសិក្សា មានទាំងការឧបត្ថមជាថវិកា សម្ភារៈ ជួសជុលហេដ្ឋារចនាសម្ព័ន្ធ ការសាងសង់អាគារសិក្សា ទីចាត់ការ និងជួសជុល ហេដ្ឋារចនាសម្ព័ន្ធ តាមគ្រឹះស្ថានសិក្សាមួយចំនួន ដែលមានតម្រូវការជាចាំបាច់ ការឧបត្ថម្ភថ្នាំបាញ់សម្លាប់មេរោគកូវីដ-១៩ សាប៊ូ ទឹកថ្នាំសម្លាប់មេរោគ និងសម្ភាៈសម្រាប់កំចាត់មេរោគកូវីដ-១៩ ជាច្រើនទៀត។

លោកបន្តថា សម្រាប់ការដាក់ឲ្យដំណើរការ គ្រឹះស្ថានសិក្សានាឆ្នាំសិក្សាថ្មី ដែលត្រូវចាប់ដំណើរការពីថ្ងៃទី ១០ ខែមករា ឆ្នាំ ២០២២នេះ និងដើម្បីចូលរួមអនុវត្តវិធានការ ការពារជំងឺកូវីដ-១៩ ឲ្យបានល្អប្រសើរ គ្រប់គ្រឹះស្ថានសិក្សាទាំងអស់ បានត្រៀមចូលរួម អនុវត្តនូវវិធានការពារ របស់ក្រសួងសុខាភិបាល ដោយតម្រូវឲ្យលោកគ្រូ-អ្នកគ្រូ សិស្សា-នុសិស្ស និងអ្នកពាក់ព័ន្ធ ក្នុងសាលាបន្តអនុវត្តកាតព្វកិច្ចពាក់ម៉ាស់គ្រប់ៗគ្នា។ គ្រប់សាលាត្រូវបង្កើនកន្លែង លាងដៃ ឲ្យបានច្រើន មានសាប៊ូ ជែល អាល់កុល និងម៉ាស៊ីនវាស់កម្ដៅ និងវិធានការផ្សេងទៀត ដែលបាននិងកំពុងដាក់ឲ្យអនុវត្តក្នុង គ្រឹះស្ថានសិក្សា។

ក្នុងឱកាសនោះដែរ លោក នួន ផារ័ត្ន តំណាងឲ្យលោកឃួង ស្រេង អភិបាលរាជធានីភ្នំពេញ ក៏បាននាំយកនូវអំណោយ របស់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនទៅដល់សិស្សានុ-សិស្ស និងលោកគ្រូ-អ្នកគ្រូផងដែរ ដែលមានទាំងប៊ិច សៀវភៅ និងថវិកាមួយចំនួន៕

អត្ថបទ៖ ស្រីរ័ត្ន

The post អភិបាលរងរាជធានីភ្នំពេញ អំពាវនាវឲ្យលោកគ្រូ-អ្នកគ្រូ និងសិស្សានុ-សិស្ស បន្តចូលរួមទប់ស្កាត់ការរាតត្បាតកូវីដ-១៩ appeared first on Kampuchea Thmey Daily.