តាមរយៈចម្រៀងរួមគ្នាជាលើកដំបូង “Khmer Vibe” តារាចម្រៀងទាំងពីរដួង បានពាំនាំនូវចង្វាក់ថ្មីមួយបែប ដោយកំណត់យកអត្តសញ្ញាណខ្មែរជាគោលនៃបទចម្រៀង ពោលគឺចម្រៀងរ៉េប Hip Hop ផ្សំឡើងដោយការលាយបញ្ចូលគ្នានូវឧបករណ៍ភ្លេងសម័យ និងបុរាណខ្មែរ ឱ្យចេញជាចម្រៀងមួយបទ យ៉ាងពីរោះរណ្តំ។

ទៀតសោត ស្នាដៃចម្រៀងមួយបទនេះ មិនត្រឹមតែត្រូវបានផលិតយ៉ាងពិសេសក្នុងគោលគំនិតរក្សា Vibe បែបខ្មែរប៉ុណ្ណោះទេ តែក៏ជាចម្រៀងតន្ត្រីសម័យរ៉េប Hip Hop មួយបទ ដែលពុំមានពាក្យពេចន៍អសុរោះនោះឡើយ។

ដោយឡែក បើក្រឡេកមើលលើសកម្មភាពនៃវីដេអូចម្រៀងបទថ្មីនេះវិញ គឺកាន់តែគួរឱ្យចាប់អារម្មណ៍ ពិសេសស្ទាយ៍នៃបង្ហាញខ្លួនរបស់តារាចម្រៀងទាំងពីរដួង រួមជាមួយនឹងការរាំ Freestyle របស់តារាៗដទៃផ្សេងទៀត។

ជាមួយនឹងការរួមបញ្ជូលគ្នានូវចំណុចពិសេសទាំងអស់ខាងលើ អាចសន្និដ្ឋានបានថា ស្នាដៃចម្រៀងរួមគ្នាលើកដំបូងរវាងកំពូលតារាចម្រៀង ខេមរៈ សិរីមន្ត និងស្តេចភ្លេង Tempo Tris លើកដំបូងនេះ​ ប្រាកដជាមិនចាញ់ស្នាដៃមុនៗរបស់លោកឡើយ។

គួរឱ្យដឹងដែរថាស្នាដៃនិពន្ធទំនុកភ្លេង និងចម្រៀងរបស់ Tempo Tris មានបទល្បីៗជាច្រើនរបស់កំពូលតារាចម្រៀង កញ្ញា តន់ ចន្ទសីម៉ា ទទួលបានការចាប់អារម្មណ៍ទាំងក្នុងស្រុកនិងក្រៅស្រុកដូចជាបទ ឡានសារ៉ែន Are you ok? Lambo Toy សុទ្ធតែជាស្នាដៃរបស់លោកជាអ្នក Compose ទាំងអស់៕ អត្ថបទ៖ សុធាវី

The post កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ appeared first on Kampuchea Thmey Daily.

សំណេររបស់រដ្ឋមន្រ្តី ដោយភ្ជាប់ការស៊ែរពីហ្វេសប៊ុករបស់ តារាចម្រៀងលោក ខេមរៈ សិរីមន្ត ដែលបានបង្ហោះសារ បែបអន់ចិត្តថា៖«មិនថាចម្រៀង មិនថាជួយប្រជាជន និងរឿងផ្សេងៗទៀត សម័យបំបាត់ទឹកចិត្តអ្នកជួយ លើកទឹកចិត្តអ្នកជេរ ខ្ញុំមិនយល់ទាល់តែសោះ»។

លោក ខេមរៈ សិរីមន្ត ដាច់ចិត្តបង្ហោះសារនេះ បន្ទាប់ពីរូបលោក និងអ្នក​សិល្បៈ​បាន​ចូល​រួម​ក្នុង​គំនិត​ផ្ដួចផ្ដើម​ទិញ​ស្រូវ​ពី​កសិករ​ដែល​ជួប​ការ​លំបាកកង្វះទីផ្សារ និងលក់ស្រូវបាន​តម្លៃ​ទាប។ ផ្ទុះទៅវិញសកម្មមនុស្សធម៌នេះ មិនត្រឹមតែទទួលបានការកោតសើរនោះទេ បែរជាអ្នកលេងបណ្តាញសង្គមមួយចំនួនបានរិះគន់រូបលោក និងអ្នកសិល្បៈទៅវិញ។

ក្នុងនោះអ្នកលេងបណ្តាញសង្គមខ្លះបានរិះគន់ថា៖«ក្រុមតារា ចេញសម្តែងតាមវាលស្រែ។ ក្រុមតារាឧកញ៉ាពូកែយកមុខ»។ ទោះជាយ៉ាងណាក្តី ក៏មានអ្នកលេងបណ្តាញសង្គមខ្លះចូលទៅ Comments លើកទឹកចិត្តលោក ខេមរៈ សិរីមន្ត ឱ្យបន្តសកម្មភាពមនុស្សធម៌ កុំខ្វល់ពីអ្នករិះគន់អគតិមួយចំនួន។

ចំណែកក្រសួងកសិកម្មវិញ កន្លងទៅទោះបីជាមន្រ្តីថ្នាក់ជាតិ និងក្រោមជាតិ ខិតខំប្រឹងប្រែងក្នុងការជួយអន្តរាគមន៍ដល់កសិករពាក់ព័ន្ធការដាំដុះ ស្រោចស្រពដំណាំ ស្វែងរកទីផ្សារក៏ដោយ តែងតែទទួលការរិះគន់។
ទោះជាយ៉ាងលោក ឌិត ទីណា ធ្លាប់បានបញ្ជាក់ពីការប្តេជ្ញាចិត្តក្នុងការបម្រើប្រជាជនកម្ពុជា ដោយសង្កត់ធ្ងន់ថា លោកនឹងបន្តផ្តោតលើតម្រូវការរបស់កសិករ និងការអភិវឌ្ឍន៍កសិកម្ម ដើម្បីលើកកម្ពស់ជីវភាពកសិករ បើទោះបីជាមានការរិះគន់អវិជ្ជមានពីអ្នករិះគន់មួយចំនួនក៏ដោយ៕

The post រដ្ឋមន្រ្តីកសិកម្ម៖ បន្តធ្វើដើម្បីប្រជាជនយើង កុំខ្វល់ពីអ្នករិះគន់អគតិទាំងនោះ appeared first on Kampuchea Thmey Daily.

ឧកញ៉ា ខេមរៈ សិរីមន្ត និងលោកជំទាវ ប្រកាសបរិច្ចាគថវិកា ២០០លានរៀលដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បីចូលរួមជាមួយរាជរដ្ឋាភិបាល ដើម្បីកសាងហេដ្ឋារចនាសម្ព័ន្ធនានា នៅតាមបណ្តោយព្រំដែន។

សូមទាក់ទង ឯកឧត្តម សេង ទៀង នាយករងខុទ្ទកាល័យ សម្តេចធិបតីនាយករដ្ឋមន្ត្រី តាមរយៈ Telegram & CoolApp: 012 961 971. ទីតាំង៖ នៅទីស្តីការគណៈរដ្ឋមន្ត្រី «អគារជាប់ផ្លូវកម្ពុជាក្រោម បន្ទប់លេខ ២០៦ ជាន់ទី២» សម្រាប់បរិច្ចាគសាច់ប្រាក់។

បរិច្ចាគតាមរយៈគណនីធនាគារដូចខាងក្រោម ឈ្មោះគណនី៖ «Foundation for Border Infrastructure Development» លេខគណនីធនាគារទាំង៦ រួមមាន៖

១៖ ធនាគារកាណាឌីយ៉ា Canadia Bank: 1341325012 (KHR) , 1341325011 (USD)

២៖ ធនាគារអេហ្វធីប៊ី FTB Bank: 100020166686 (KHR) , 300020166537 (USD)

៣៖ ធនាគារអេប៊ីអេ ABA Bank: 7179 8 7179 (KHR) , 7179 9 7179 (USD)

៤៖ ធនាគារអេស៊ីលីដា ACLEDA Bank: 0001-05-559998-99 (KHR) , 0001-05-559998-88 (USD)

៥៖ ធនាគារខេប៊ីប្រាសាក់ KB PRASAC Bank: 033 190 910 002 (KHR) , 033 190 910 001 (USD)

៦៖ ធនាគាររីង WING Bank: 220820231 (KHR) , 220820232 (USD)

The post ឧកញ៉ា ខេមរៈ សិរីមន្ត និងលោកជំទាវ ប្រកាសបរិច្ចាគថវិកា២០០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on Kampuchea Thmey Daily.

តារា​ចម្រៀង ខេមរៈ សិរីមន្ត បាន​ឲ្យ​ដឹង​ទៀត​ថា លោក​នឹង​មាន​វត្តមាន​ជួប​អាណិកជន​ខ្មែរ​នៅ​លើ ទឹកដី​អាមេរិក នា​ថ្ងៃ​ទី ២៨ ខែ​កញ្ញា ឆ្នាំ ២០២៤ ខាង​មុខ​នេះ។ ទោះបី​យ៉ាងណា គេ​មិន​ទាន់​ដឹង​ទេ​ថា ដំណើរ​ឆ្លង​ប្រទេស​របស់​លោក ខេមរៈ សិរីមន្ត នា​ពេល​ខាង​មុខ​មាន​រយៈពេល​ប៉ុន្មាន​សប្ដាហ៍។

លោក ខេមរៈ សិរីមន្ត បាន​និយាយ​ថា «ជម្រាបសួរ​ពុក​ម៉ែ​បងប្អូន​ទាំងអស់​គ្នា​នៅ​«សហរដ្ឋអាមេរិក​» ខ្ញុំបាទ ខេមរៈ សិរីមន្ត គឺ​មាន​សេចក្ដីសោមនស្ស​រីករាយ​ខ្លាំង​ណាស់​ដែល​បាន​ទទួល​ការ​អញ្ជើញ យ៉ាង​ពិសេស​តំណាង​សិល្បៈ​ចម្រៀង​នៅ​កម្ពុជា​មក​សម្ដែង​នៅ​ក្នុង​កម្មវិធី​តន្ត្រី​វប្បធម៌ Cambodia day នៅ​ទីតាំង​ញូ​ញៀន​ស្វ៊ែ ទីក្រុង​សាន់​ហ្វ្រា​ន់​ស៊ី​ស្កូ សហរដ្ឋអាមេរិក»។

កំពូល​តារា​ចម្រៀង​របស់​កម្ពុជា​រូប​នេះ បាន​បន្ថែម​ថា «សូម​បងប្អូន​ចូល​ទៅ​ក្នុង​វេប​សាយ ខេ​ម​បូ​ឌា​ដេ ទាំងអស់​គ្នា និង​ជួប​គ្នា​នៅ​ទីនោះ​ទាំងអស់​គ្នា នៅ​ថ្ងៃ​ទី ២៨ ខែ​កញ្ញា ខាងមុខនេះ សូម​អរគុណ»។

គួរ​បញ្ជាក់​ថា ចូល​ប្រឡូក​ក្នុង​វិស័យ​សិល្បៈ​ផ្នែក​ចម្រៀង​យូរ​ឆ្នាំ​កន្លង​មក​នេះ កំពូល​តារា​ចម្រៀង​លោក ខេមរៈ សិរីមន្ត ក្តោប​បាន​ទីផ្សារ​គាំទ្រ​យ៉ាង​ច្រើន​ពី​សំណាក់​មហាជន និង​មិត្តៗ យុវវ័យ ដែល​ជា​ឱកាស​កើប​លុយ​ក្លាយ​ជា​ឧកញ៉ា​ដូច​ពេល​បច្ចុប្បន្ន៕

អត្ថបទ ៖ ចាន់រ៉ា

The post ឧកញ៉ា ខេមរៈ សិរីមន្ត តំណាងសិល្បៈចម្រៀងកម្ពុជាចេញទៅសម្ដែងកម្មវិធីតន្ត្រីវប្បធម៌នៅអាមេរិក appeared first on Kampuchea Thmey Daily.

កំពូលតារាចម្រៀងល្បីៗទាំងនោះរួមមាន លោកឧកញ៉ា ខេមរៈ សិរីមន្ត , កញ្ញា តន់ ចន្ទសីម៉ា , លោក ខាន់ ជេមស៍ , លោក ជុំ លីណូ និងតារាចម្រៀងលោក Vikit ជាដើម…។

កំពូលតារាចម្រៀងប្រចាំនៅក្នុងផលិតកម្ម Galaxy ទាំងអស់ បានបង្ហាញទស្សនៈស្រដៀងគ្នាថា ពួកគេមានការពេញចិត្តជាខ្លាំង ចំពោះចំណាត់ការរបស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់  និងសូមអំពាវនាវដល់យុវវ័យទាំងអស់ ជៀសឲ្យឆ្ងាយពីគ្រឿងញៀន , គ្រឿងញៀនបំផ្លាញខ្លួនអ្នក បំផ្លាញគ្រួសារអ្នក និងសង្គមជាតិ និងសូមឲ្យបងប្អូនទាំងអស់គ្នាចូលរួមទប់ស្កាត់ ដើម្បីប្រទេសជាតិគ្មានគ្រឿងញៀន និងយុវជនជំនាន់ក្រោយក្លាយជាទំពាំងស្នងឫស្សី អភិវឌ្ឍប្រទេសជាតិឲ្យរីកចម្រើន។

 
ជាមួយគ្នានេះនោះផងដែរ ក៏មានអ្នកសិល្បៈជាច្រើនដួងទៀត បានបង្ហាញសារគាំទ្រ ចំពោះបទបញ្ជាដ៏ម៉ឺងម៉ាត់របស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់នេះ ។ បន្ទាប់ពីឃើញវិដេអូរបស់កំពូលតារាចម្រៀងល្បីៗនៅក្នុងផលិតកម្ម Galaxy Navatra ចេញមុខប្រកាសគាំទ្របែបនេះជាបន្តបន្ទាប់ បានធ្វើឱ្យមហាជនជាច្រើនស្ងើចសរសើរ និងពេញចិត្តនូវគំនិតរបស់សិល្បករទាំងអស់គ្នា ហើយពូកគេថែមទាំងបានស្នើសុំឱ្យបងប្អូនប្រជាជនទូទាំងប្រទេស ចូលរួមទប់ស្កាត់ គ្រឿងញៀនទាំងអស់គ្នា ដូចដឹងស្រាប់ហើយថា គ្រឿងញៀនគឺប៉ះពាល់ខ្លាំងដល់សង្គមជាតិទាំងមូល៕

The post កំពូលតារាចម្រៀងប្រចាំផលិតកម្ម Galaxy ចូលរួមគាំទ្រយ៉ាងពេញទំហឹងនូវបទបញ្ជាដ៏ម៉ឺងម៉ាត់របស់រាជរដ្ឋាភិបាលក្នុងការប្រយុទ្ធប្រឆាំងគ្រឿងញៀន appeared first on Kampuchea Thmey Daily.

កំពូលតារាចម្រៀង ខេមរៈ សិរីមន្ត បានយល់ឃើញថា គ្រឿងញៀនបំផ្លាញអ្នកប្រើប្រាស់ផ្ទាល់ គ្រឿងញៀនបំផ្លាញគ្រួសារ គ្រឿងញៀនបំផ្លាញសង្គមជាតិ។ ដោយហេតុថាគ្រឿងញៀនជាសារធាតុមួយដ៏អាក្រក់បែបនេះ កំពូលតារាចម្រៀង ខេមរៈ សិរីមន្ត ក៏បានអំពាវនាវឱ្យយុវជនត្រូវជៀសឱ្យឆ្ងាយពីគ្រឿងញៀន។

គួរឱ្យដឹងថា កាលពីថ្ងៃទី២០ ខែកុម្ភៈ ឆ្នាំ២០២៤  សម្ដេច ហ៊ុន​ ម៉ាណែត ប្រមុខរាជរដ្ឋាភិបាលកម្ពុជា បានដាក់ចេញវិធានការបង្ក្រាបគ្រឿងញៀនដ៏ម៉ឺងម៉ាត់ ដោយតម្រូវឱ្យគ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវបង្កើនការត្រួតពិនិត្យជាប្រចាំចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យា ដែលស្ថិតក្រោមឱវាទ លើការប្រើប្រាស់គ្រឿងញៀនខុសច្បាប​់ ឬមានការពាក់ព័ន្ធនឹងគ្រឿងញៀនខុសច្បាប់។ ក្នុងករណីរកឃើញថាមន្ត្រីទាំងនោះមានជាប់ពាក់ព័ន្ធនឹងគ្រឿងញៀន  ត្រូវចាត់វិធានការបញ្ចប់មុខតំណែងនិង បណ្តេញចេញពីក្របខ័ណ្ឌដោយគ្មានការលើកលែង ចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យាណាដែលត្រូវបានរកឃើញថា មានការប្រើប្រាស់គ្រឿងញៀនខុសច្បាប់ ឬមាន ការពាក់ព័ន្ធនឹងគ្រឿងញៀនខុសច្បាប់។ បន្ថែមពីនេះ សម្ដេចធិបតី បានបញ្ជាក់ថា ការអនុវត្តទណ្ឌកម្មខាងវិន័យបែបនេះ ពុំរារាំងដល់ការអនុវត្តទណ្ឌកម្មព្រហ្មទណ្ឌដោយអនុលោមតាមច្បាប់និងបទប្បញ្ញត្តិ ជាធរមានឡើយ។

សម្រាប់កំពូលតារាចម្រៀង ខេមរៈ សិរីមន្ត គឺមានអារម្មណ៍រំភើបរីករាយ ក្រោយសម្ដេចធិបតី ហ៊ុ​ន ម៉ាណែត បានប្រកាសដាក់ចេញវិធានការបង្ក្រាបគ្រឿងញៀនដ៏ម៉ឺងម៉ាត់បែបនេះ៕

The post កំពូលតារាចម្រៀង ឧកញ៉ា ខេមរ សិរីមន្ត ប្រកាសគាំទ្រយ៉ាងពេញទំហឹងចំពោះវិធានការដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀននៅកម្ពុជា appeared first on Kampuchea Thmey Daily.

ប្រាកដណាស់លោក ខេមរៈ ភារុណ ដែលត្រូវបានអ្នកគាំទ្របានដឹង និងស្គាល់ហើយថា លោកគឺជាបងប្រុសបង្កើតរបស់កំពូលតារាចម្រៀងងារជា ឧកញ៉ា ខេមរ: សិរីមន្ត ។ លើសពីនេះលោក ខេមរៈ ភារុណ ក៏ជាអ្នកនិពន្ធបទចម្រៀងល្បីឈ្មោះមួយរូបប្រចាំប្រទេស ផងដែរ។ តួយ៉ាង សំណេរភ្ជាប់នឹងការចូលរួមអបអរសារទរបង ប្រុសដែលទើបទទួលបានបរិញ្ញាបត្រជាន់ខ្ពស់ កាលពីថ្មីៗនេះ លោកខេមរ: សិរីមន្ត បានពោលសរសើរយ៉ាងខ្លាំងចំពោះការលះបង់របស់បងប្រុសរបស់ខ្លួន។

តារាចម្រៀង ខេមរ: សិរីមន្ត បានរៀបរាប់ថា «ប្អូនមានមោទនភាពចំពោះបងខ្លាំងណាស់សូមអបអរសារទរបងប្រុស ខេមរៈ ភារុណ ក្នុងឱកាសដែលបងបានទទួលបរិញ្ញាបត្រជាន់ខ្ពស់(ថ្នាក់អនុបណ្ឌិត)ក្រោមអធិបតីភាពដ៏ខ្ពង់ខ្ពស់ សម្ដេចមហាធិបតី ហ៊ុនម៉ាណែត ប្អូនដឹងថាបងហត់ណាស់បងខំរៀនបណ្តើរហើយនៅខំឆ្លៀតពេលទំនេរនិពន្ធចម្រៀងឱ្យប្អូនបណ្តើរ»។

ជាមួយគ្នានេះដែរ លោកឧកញ៉ា ខេមរ: សិរីមន្ត បានបញ្ជាក់ទៀតថា «ប្អូនបានល្បីល្បាញ២០ឆ្នាំមកនេះ ពេលខ្លះបងទៅរៀននៅក្រៅប្រទេសហើយនៅឆ្លៀតនិពន្ធចម្រៀងផ្ញើ តាមតេឡេក្រាមមកឱ្យប្អូនទៀតព្រោះស្រឡាញ់ប្អូន អរគុណបងប្រុសដ៏ល្អរបស់ប្អូន»។

គូសបញ្ជាក់ដែរថា ការចូលប្រឡូកក្នុងវិស័យសិល្បៈផ្នែកចម្រៀងយូរឆ្នាំកន្លងមកនេះ កំពូលតារាចម្រៀងលោកឧកញ៉ា ខេមរ: សិរីមន្ត បានក្ដោបបានទីផ្សារគាំទ្រយ៉ាងច្រើនពីសំណាក់មហាជន និងពិសេសមិត្តៗយុវវ័យដែលជាឱកាសកើបលុយ ធ្វើឱ្យលោក ក្លាយជាឧកញ៉ាដូចពេលបច្ចុប្បន្ននេះ៕

អត្ថបទ ៖ ចាន់រ៉ា

The post ឧកញ៉ា ខេមរៈ សិរីមន្ត ទម្លាយថា ភាពល្បីល្បាញជាង ២០ឆ្នាំនេះ ដោយសារមានបុគ្គលដ៏ឆ្នើមម្នាក់នៅពីក្រោយ appeared first on Kampuchea Thmey Daily.

ជាក់ស្ដែង​កាលពី​ម្សិលមិញ កំពូល​តារា​ចម្រៀង​ឧកញ៉ា ព្រាប សុវត្ថិ បាន​បង្ហោះ​សារ​លើ​ទំព័រ​ហ្វេសប៊ុក​ផ្លូវការ​ថា អ្នក​ឧកញ៉ា ឡេង ណាវ៉ាត្រា និងក្រុមគ្រួសាររបស់លោក មានការខិតខំប្រឹងប្រែងណាស់ ទម្រាំទទួលបានជោគជ័យមកដល់ពេលនេះ។ ឧកញ៉ា ព្រាប សុវត្ថិ បានសរសេរបែបនេះថា «តាម​អ្វី​ដែល​ខ្ញុំ​នៅ​ក្បែរ​មើល​ឃើញ​គាត់​ជាក់ស្ដែង គឺ​ប្អូន​ប្រុសអ្នក​ឧកញ៉ា ឡេង ណាវ៉ាត្រា ទាំង​ក្រុម​គ្រួសារ មាន​ការ​ខិតខំ​ប្រឹងប្រែង​ណាស់ ទម្រាំ​មាន​ថ្ងៃនេះ»។

ស្រប​គ្នា​នោះ​ដែរ នៅ​ថ្ងៃ​ដដែល​ដូច​នឹង​ឧកញ៉ា ព្រាប សុវត្ថិ ដែរ គឺ កំពូល​តារា​ចម្រៀង​ប្រុស​ឧកញ៉ា ខេមរៈ សិរីមន្ត ក៏បាន​បង្ហាញ​ពី​អារម្មណ៍​ផ្ទាល់​ខ្លួន​ទៅ​កាន់​អ្នក​ឧកញ៉ា ឡេង ណាវ៉ាត្រា ដែរ​ថា ​អ្នក​ឧកញ៉ា គឺជាមនុស្សមាន​សន្ដាន​ចិត្ត​ល្អ​ ហើយអ្នកដែលបានធ្វើការជាមួយ តែងតែគោរពស្រលាញ់អ្នកឧកញ៉ា ជាខ្លាំង។ ឧកញ៉ា ខេមរៈ សិរីមន្ត បានសរសេរថា «ខ្ញុំ​បាទ​ពិត​ជា​ចង់​ឃើញ​ខ្មែរ​យើង ​ចេះ​ស្រលាញ់​គ្នា​ឲ្យ​បាន​ច្រើន កុំBullyគ្នា​ឯង​អី ឃើញ​គេ​ធ្វើ​បាន​ល្អ ក៏​លើក​ទឹកចិត្ត ហើយ​ខំUpdate ខ្លួនឯង​ឲ្យ​ល្អ កុំ​យក​ការ​ស្មាន​របស់​យើង​ទៅ​បំផ្លាញ​អ្នកដទៃ​ណា​ម្នាក់​អី»។

កំពូល​តារា​ចម្រៀង​ប្រុស ឧកញ៉ា ខេមរៈ សិរីមន្ត បាន​ឲ្យ​ដឹង​បន្ថែម​ថា «ជាក់ស្ដែង​ខ្ញុំ​ស្គាល់​អ្នក​ឧកញ៉ា ឡេង ណាវ៉ាត្រា ច្បាស់ គាត់​ជា​មនុស្ស​មាន​សន្ដាន​ចិត្ត​ល្អ​ណាស់ អ្នក​ដែល​បាន​រួម​ការងារ​ជាមួយ​គាត់​តែងតែ​ស្រលាញ់​គាត់ មួយ​រយៈ​នេះ ឃើញ​មាន​អ្នក bullyគាត់ ខ្ញុំ​ពិត​អាណិត​គាត់​ណាស់ សូម​ជូនពរ​មនុស្ស​ល្អ​ដូច​អ្នក​ឧកញ៉ា មាន​សុខភាព​ល្អ និង​ជោគ​ជ័យ​គ្រប់​ភារកិច្ច នឹង​បន្ត​រួម​ចំណែក​កិច្ចការ​មនុស្សធម៌ ​ជួយ​ដល់​ប្រជាជន​យើង​ត​រៀង​ទៅ សូម​ជូនពរ​បង​ប្អូន​ប្រជាជន​ខ្មែរ​យើង​មាន​សុខភាព​បរិបូណ៌ និង​សម្រេច​កិច្ច​ការងារ​ជោគជ័យ​ទាំងអស់​គ្នា»។

មិន​បង្អង់​យូរ អ្នក​និពន្ធ​ល្បី​ឈ្មោះ​ប្រចាំ​ផលិតកម្ម Galaxy Navatra ឧកញ៉ា យឹម តាស្រង់ នៅថ្ងៃទី ២៣ ខែមករានេះ ក៏បាន​បង្ហោះ​សារ​បង្ហាញ​ពី​អារម្មណ៍​ខ្លួន​ចំពោះ​អ្នក​ឧកញ៉ា ឡេង ណាវ៉ាត្រា និងឆ្លើយតបទៅបុគ្គលដែលសរសេរព័ត៌មានមិនត្រឹមត្រូវពីអ្នកឧកញ៉ាដែរនោះថា មិនគួរណាអ្នកសារព័ត៌មានមួយរូប នៃសារព័ត៌មានបរទេសផ្សាយជាភាសាខ្មែរមួយ ផ្សាយដោយគ្មានការពិតពីអ្នក​ឧកញ៉ា ឡេង ណាវ៉ាត្រា បែបនេះសោះ។

ឧកញ៉ា យឹម តាស្រង់ បានសរសេរបែបនេះថា «ខ្ញុំ​មើល​ទៅ​លោក​ពូ​ចេះ​ស្រឡាញ់​គ្រួសារ ស្រឡាញ់​កូន​ប្រពន្ធ​ដែរ តែ​មិន​គួរ​ណា​ពូ​ដាច់​ចិត្ត ផ្សាយ​ព័ត៌មាន​ចោទ​ប្រកាន់​ខុស​ការពិត​ទាំងស្រុង បំផ្លាញ​អង្គភាព​គេ​ដែល​ចញ្ចឹម​ជីវភាព​គ្រួសារ​រាប់​ម៉ឺន​នាក់ ដែល​រស់​ជ្រក​ក្រោម ការ​គិតគូរ​ចំណូល​ប្រចាំ​ខែ គ្នា​មាន​ម្ដាយ មាន​ឪពុក ចាស់ជរា អ្នក​ខ្លះ​មាន​ប្រពន្ធ​ពោះ​ធំ អ្នក​ខ្លះ​មាន​គ្រួសារ​ពិការភាព អ្នក​ខ្លះ​ម្ដាយ​ឈឺ ដែល​អង្គភាព​ក្រុមហ៊ុន បាន​បី​បាច់​ថែរក្សា​គាត់»។

អ្នក​និពន្ធ​រូប​នេះ​បន្ថែម​ថា «តែ​លោក​ពូ បែរជា​យក​ចុង​ប៊ិច​ដែល​មាន​ចំណេះដឹង​រហូត​ដល់​បណ្ឌិត​មក​បំផ្លាញ​បងប្អូន​បុគ្គលិក​កម្មករ​ដ៏​កម្សត់ ដែល​គ្រួសារ​រាប់​ម៉ឺន​នាក់​ជ្រក​កោន ការ​សរសេរ​បែប​បំភ្លៃ​ការពិត​ទាំងស្រុង ដោយ​គ្រាន់តែ​ចង់​ចំណេញ​នយោបាយ​របស់​មេ​បក្ស​លោកពូ ពូ​ឈាម​ជា​ខ្មែរ រៀន​ចេះ​ដឹង​រហូត​ដល់​បណ្ឌិត លោក​ពូ​ព្រៃផ្សៃ​ណាស់ លោក​ពូ​ប្រើ​អំណាច​សារព័ត៌មាន​បរទេស មក​បំផ្លាញ សម្លាប់​ជីវភាព របស់​បងប្អូន​បុគ្គលិក​កម្មករ យើង​ទាំងអស់​គ្នា នឹង​ចងចាំ​នូវ​អំពើ​របស់​លោកពូ»។

ឧកញ៉ា យឹម តាស្រង់ បាន​បន្ថែម​ទៀត​ថា «ពួក​ខ្ញុំ ទោះ​មិន​បាន​រៀន​សូត្រ​ខ្ពង់ខ្ពស់ ប្រឹង​ធ្វើ​តែ​អំពើ​ល្អ ប្រឹង​ជួយ​គ្នា​ប្រឹង​រស់ ហើយ​ចែករំលែក​គ្នា​គ្រប់​កាលៈទេសៈ មិន​គួរ​ណា​មាន​មនុស្ស​ឈាម​ជ័រ​ខ្មែរ បែរ​ធ្វើ​រឿង​ដ៏​ស្មោកគ្រោក​នេះ។ លោក​នឹង​ទទួល​កម្មពៀរ​វេរា​មិនខាន លោក​ពូ​មិនមែន​ជា អង្គភាព​ក្រុមហ៊ុន​ពួក​យើង និង​បុគ្គលិក​កម្មករ លោក​ពូ​មិន​យល់​ការ​លំបាក​នោះ​ទេ លោកពូ​នៅ​សោយសុខ បរទេស ហើយ​ប្រើ​ចំណេះដឹង​មក​សម្លាប់​ខ្មែរ​គ្នា​ឯង ដោយ​អំណាច​សារព័ត៌មាន ដោយ​បាន​ចំណូល​រស់​ហ៊ឺហា​តែ​គ្រួសារ​លោក​បី​បួន​នាក់​នោះ​ទៅ។ បុគ្គលិក​កម្មករ ក្រុមហ៊ុន​អង្គភាព​យើង​គ្រប់គ្នា សន្យា​ថា នឹង​ចងចាំ​គ្រួសារ​លោក​ពូ​ទុក​មិន​ឲ្យ​ភ្លេច»៕

អត្ថបទ ៖ ពិសី

The post ឧកញ៉ាបីរូប និយាយពីចំណុចពិសេសរបស់អ្នកឧកញ៉ា ឡេង ណាវ៉ាត្រា ទម្រាំទទួលជោគជ័យ appeared first on Kampuchea Thmey Daily.