Connect with us

ជីវិតកម្សាន្ដ

ឧកញ៉ា ខេមរៈ សិរីមន្ត ទម្លាយថា ភាពល្បីល្បាញជាង ២០ឆ្នាំនេះ ដោយសារមានបុគ្គលដ៏ឆ្នើមម្នាក់នៅពីក្រោយ

បានផុស

នៅ

កំពូលតារាចម្រៀងងារជាឧកញ៉ា ខេមរ: សិរីមន្ត បានទម្លាយប្រាប់ពីភាពជោគជ័យលើវិថីសិល្បៈ របស់ខ្លួននាអំឡុងជាង ២០ឆ្នាំកន្លងមកនេះដោយសារមានការលើកទឹកចិត្ត និងជ្រោមជ្រែងយ៉ាងកក់ក្តៅពី សំណាក់បុគ្គលម្នាក់ដែលជាបងប្រុសបង្កើតរបស់ខ្លួនតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់លោក ខេមរៈ ភារុណ ដែលត្រូវបានអ្នកគាំទ្របានដឹង និងស្គាល់ហើយថា លោកគឺជាបងប្រុសបង្កើតរបស់កំពូលតារាចម្រៀងងារជា ឧកញ៉ា ខេមរ: សិរីមន្ត ។ លើសពីនេះលោក ខេមរៈ ភារុណ ក៏ជាអ្នកនិពន្ធបទចម្រៀងល្បីឈ្មោះមួយរូបប្រចាំប្រទេស ផងដែរ។ តួយ៉ាង សំណេរភ្ជាប់នឹងការចូលរួមអបអរសារទរបង ប្រុសដែលទើបទទួលបានបរិញ្ញាបត្រជាន់ខ្ពស់ កាលពីថ្មីៗនេះ លោកខេមរ: សិរីមន្ត បានពោលសរសើរយ៉ាងខ្លាំងចំពោះការលះបង់របស់បងប្រុសរបស់ខ្លួន។

តារាចម្រៀង ខេមរ: សិរីមន្ត បានរៀបរាប់ថា «ប្អូនមានមោទនភាពចំពោះបងខ្លាំងណាស់សូមអបអរសារទរបងប្រុស ខេមរៈ ភារុណ ក្នុងឱកាសដែលបងបានទទួលបរិញ្ញាបត្រជាន់ខ្ពស់(ថ្នាក់អនុបណ្ឌិត)ក្រោមអធិបតីភាពដ៏ខ្ពង់ខ្ពស់ សម្ដេចមហាធិបតី ហ៊ុនម៉ាណែត ប្អូនដឹងថាបងហត់ណាស់បងខំរៀនបណ្តើរហើយនៅខំឆ្លៀតពេលទំនេរនិពន្ធចម្រៀងឱ្យប្អូនបណ្តើរ»។

ជាមួយគ្នានេះដែរ លោកឧកញ៉ា ខេមរ: សិរីមន្ត បានបញ្ជាក់ទៀតថា «ប្អូនបានល្បីល្បាញ២០ឆ្នាំមកនេះ ពេលខ្លះបងទៅរៀននៅក្រៅប្រទេសហើយនៅឆ្លៀតនិពន្ធចម្រៀងផ្ញើ តាមតេឡេក្រាមមកឱ្យប្អូនទៀតព្រោះស្រឡាញ់ប្អូន អរគុណបងប្រុសដ៏ល្អរបស់ប្អូន»។

គូសបញ្ជាក់ដែរថា ការចូលប្រឡូកក្នុងវិស័យសិល្បៈផ្នែកចម្រៀងយូរឆ្នាំកន្លងមកនេះ កំពូលតារាចម្រៀងលោកឧកញ៉ា ខេមរ: សិរីមន្ត បានក្ដោបបានទីផ្សារគាំទ្រយ៉ាងច្រើនពីសំណាក់មហាជន និងពិសេសមិត្តៗយុវវ័យដែលជាឱកាសកើបលុយ ធ្វើឱ្យលោក ក្លាយជាឧកញ៉ាដូចពេលបច្ចុប្បន្ននេះ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម