The post ឯកឧត្តម ឃួង ស្រេង ផ្ញើសារលិខិតចូលរួមរំលែកទុក្ខចំពោះមរណភាព ឯកឧត្តម ជាវ តាយ appeared first on Kampuchea Thmey Daily.

លោកអភិបាលខេត្តបានលើកឡើងថា កាលពីថ្ងៃទី៣១ មីន ឆ្នាំ២០២២ ក្នុងឱកាសដឹកនាំកិច្ចប្រជុំគណៈកម្មការ និងអនុគណៈកម្មការ រៀបចំអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំខាល ចត្វាស័ក ពស២៥៦៥ នៅអគាររដ្ឋបាលខេត្ត លោកអភិបាលខេត្តបានណែនាំឱ្យយកចិត្តទុកដាក់ប្រុងប្រយ័ត្នអំពីអគ្គិភ័យ គ្រឿងផ្ទុះ ហាមមិនឱ្យ​លេងល្បែង ដែលនាំឱ្យខាតបង់ទ្រព្យសម្បត្តិ និងផ្ទុយពីប្រពៃណីជាតិខ្មែរ។ ចំណែកកងកម្លាំងប្រដាប់អាវុធទាំង ៣ និងរដ្ឋបាលក្រុង ស្រុក ត្រូវបង្កើតកិច្ចការពារ ធានាសន្តិសុខជូនប្រជាពលរដ្ឋមៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឱ្យបានល្អប្រសើរ។

លោក ជាវ តាយ បានមានប្រសាសន៍ថា តាមសេចក្តីសម្រេច និងសេចក្តីណែនាំ ស្តីពីការបង្កើតគណៈកម្មការ និងអនុគណៈកម្មការទាំង៦ សម្រាប់រៀបចំចាត់ចែងពិធីបុណ្យចូលឆ្នាំថ្មី ប្រពៃណីជាតិខ្មែរ ឱ្យកាន់តែមានភាពអធិកអធម នៅគ្រប់ស្រុកក្រុង ជូនដល់ប្រជាពលរដ្ឋកម្សាន្ត។ ខេត្តបានសម្រេចបង្កើតគណៈកម្មការ ដែលមានសមាសភាព ចំនួន ៦១ រូប ដែលមានលោកជាប្រធាន និងលោក ចេង ឡៃ អភិបាលរងខេត្ត ជាអនុប្រធានអចិន្ត្រៃយ៍ និងមានអនុគណៈកម្មការ៦ គឺ១. អនុគណៈកម្មការខ្លឹមសារ និងពិធីការ ២. អនុគណៈកម្មការ សន្តិសុខ​សណ្តាប់ធ្នាប់សាធារណៈ ៣. អនុគណៈកម្មការពិព័រណ៍ ៤. អនុគណៈកម្មការសិល្បៈ និងល្បែងប្រជាប្រិយ ៥. អនុគណៈកម្មការរៀបចំសោភ័ណភាព និងអនាម័យ និង ៦. អនុគណៈកម្មការចំណូល ចំណាយ។

លោកអភិបាលខេត្តបានលើកឡើងថា សមាសភាពរបស់ លោក លោកស្រី ក្នុងជួរគណៈកម្មការ និងទាំងអនុគណៈកម្មការ មានតួនាទីភារកិច្ច រៀបចំប្រារព្វពិធីបុណ្យ ជម្រុញការផ្សព្វផ្សាយ ឱ្យបានទូលំទូលាយដល់សាធារណជន បង្កើនល្បែងប្រជាប្រិយ សម្តែងសិល្បៈ បង្កបរិយាកាសរីករាយស្របតាមទំនៀមទំលាប់ប្រពៃណីខ្មែរ រក្សាការពារសន្តិសុខ សណ្តាប់ធ្នាប់ ធ្វើការកៀងគររកចំណូល និងរៀបចំសោភ័ណភាព អនាម័យក្នុងទីប្រជុំជនក្រុង​។

ជាមួយគ្នានោះ មន្ទីរវប្បធម៌ និងវិចិត្រសិល្បៈខេត្ត ត្រូវរៀបចំសម្តែងសិល្បៈ លេងល្បែងប្រជាប្រិយ, មន្ទីរទេសចរណ៍ខេត្ត ត្រូវរៀបចំរមណីដ្ឋានធម្មជាតិ និងប្រវត្តិសាស្ត្រ សម្រាប់ភ្ញៀវជាតិ អន្តរជាតិ ទៅលេងកំសាន្ត, មន្ទីរធម្មការ​ និងសាសនា ត្រូវសហការជាមួយព្រះមន្ត្រីសង្ឃ និងចៅអធិការវត្ត រៀបចំពិធីបុណ្យឱ្យបានសមស្រប តាមទំនៀបទំលាប់សាសនា, មន្ទីរព័ត៌មានត្រូវចាត់តាំងមន្ត្រីចុះយកព័ត៌មានគ្រប់សកម្មភាព ធ្វើការផ្សព្វផ្សាយឱ្យបានទូលំទូលាយ។

ទោះជាយ៉ាងនេះក៏ដោយ លោកអភិបាលខេត្តក៏បានអំពាវនាវ ដល់ប្រជាពលរដ្ឋសូមចូលរួមអនុវត្តវិធានការ សុវត្ថិភាព “៣ការពារ និង៣កុំ” ដើម្បីបង្ការការឆ្លងរីករាលដាលជំងឺកូវីដ-១៩ ឱ្យបានព្រមៗគ្នា៕

អត្ថបទ៖ សំអឿន

The post ខេត្តពោធិ៍សាត់ត្រៀមរៀបចំបុណ្យចូលឆ្នាំថ្មីដោយភាពអធិកអធម ក្រោយអាក់ខាន ២ ឆ្នាំ appeared first on Kampuchea Thmey Daily.

លោកអភិបាលខេត្តបានស្នើបែបនេះ ក្នុងកិច្ចប្រជុំគណៈអភិបាលខេត្ត ប្រចាំខែកុម្ភៈ និងលើកទិសដៅអនុវត្តបន្តនៅខែមីនា ឆ្នាំ២០២២ នៅថ្ងៃទី០៤ ខែមីនា ឆ្នាំ២០២២។

លោកអភិបាលខេត្តបានបានបន្តថា ពាក់ព័ន្ធនឹងការធ្វើសំណង់អនាធិបតេយ្យ ឬសំណង់ដែលធ្វើនៅលើដីចំណីផ្លូវរបស់រដ្ឋ សូមឱ្យក្រុង ស្រុក មន្ទីរជំនាញទាំងអស់ ត្រូវយកចិត្តទុកដាក់ និងធ្វើរបាយការណ៍មកខេត្ត ក្នុងករណីទប់ស្កាត់មិនបាន ហើយយើងនឹងកោះអញ្ជើញបុគ្គលនោះមកសម្របសម្រួលដោះស្រាយដោយផ្ទាល់ ទាំងការចាក់ដីបិទផ្លូវទឹក និងការសាងសង់សំណង់អនាធិបតេយ្យ ដែលគ្មានច្បាប់អនុញ្ញាត ទាំងអស់នេះ គឺជាចំណុចប្រឈម ដែលទាមទារឱ្យមានការទប់ស្កាត់ជាបន្ទាន់។

លោកអភិបាលខេត្តបានបន្ថែមថា ពាក់ព័ន្ធនឹងសំណង់អនាធិបតេយ្យជុំវិញស្នងការដ្ឋាននគរបាលខេត្ត អាជ្ញាធរក្រុង ត្រូវចុះធ្វើបច្ចុប្បន្នភាព និងយករបាយការណ៍ ដើម្បីធ្វើការដោះស្រាយគោលនយោបាយដីជូនពួកគាត់។ ចំពោះដីសាធារណៈរបស់រដ្ឋ ដែលត្រូវដោះស្រាយនោះ ថ្នាក់ដឹកនាំមន្ទីរជំនាញ រួមទាំងអាជ្ញាធរដែនដី ត្រូវធ្វើអនុបយោគទៅប្រមុខរាជរដ្ឋាភិបាល ដើម្បីឱ្យពួកគាត់មានសិទ្ធិកាន់កាប់ដីស្របច្បាប់។

លោកអភិបាលខេត្តបានណែនាំឱ្យក្រុង ស្រុក មន្ទីរអង្គភាព ចូលរួមរៀបចំសោភណ្ឌភាព នៅតាមបណ្តាទីតាំងអង្គភាពរបស់ខ្លួន និងធ្វើការផ្សព្វផ្សាយឱ្យប្រជាពលរដ្ឋចូលរួមធ្វើអនាម័យ បរិស្ថាន និងរាល់នូវការរៀបចំអ្វីដែលមិនសមរម្យនៅមុខផ្ទះ ដើម្បីឱ្យភ្ញៀវទេសចរមានការគាំទ្រ ចូលមកខេត្តកាន់តែច្រើនឡើង។

លោកអភិបាលខេត្តបានបញ្ជាក់ថា សម្រាប់ក្រុមហ៊ុនដីឡូតិ៍ ស្រុកភ្នំក្រវាញ ដែលមានស្នាក់ការលក់នៅផ្សារភួពុយ ហើយគ្មានលិខិតអនុញ្ញាតនោះ រដ្ឋបាលខេត្តត្រូវធ្វើលិខិតទៅក្រុមហ៊ុន ដើម្បីផ្អាកការលក់បន្ត រងចាំការស្នើសុំសិទ្ធិស្របច្បាប់ ជុំវិញទីតាំងដីដែលជាកម្មសិទ្ធស្របច្បាប់របស់ក្រុមហ៊ុន៕

អត្ថបទ៖ សំអឿន

The post អភិបាលខេត្តពោធិ៍សាត់ ឱ្យអាជ្ញាធរទប់ស្កាត់សំណង់អនាធិបតេយ្យ លើដីចំណីផ្លូវរដ្ឋឱ្យបាន appeared first on Kampuchea Thmey Daily.

លោក ជាវ តាយ មានប្រសាសន៍ថា «រៀងរាល់កិច្ចប្រជុំប្រចាំខែ របស់គណៈអភិបាលខេត្ត អភិ​បាលក្រុងស្រុកទាំងអស់ ត្រូវតែចូលរួមដោយផ្ទាល់ជាដាច់ខាត លើកលែងតែករណីចាំបាច់មិនអាចខានបាន ទើបអាចចាត់តំណាង ព្រោះថាអភិបាលក្រុងស្រុក គឺជាអ្នកទទួលខុសត្រូវរួម និងចាត់​ចែងបញ្ជាគ្រប់សភាពការ ចំពោះរដ្ឋបាលដឹកនាំរបស់ខ្លួន។ នេះមិនមែនមានន័យថា អភិបាលរងក្រុងស្រុកគ្រប់រូប ធ្វើការមិនបាននោះទេ ប៉ុន្តែពួកគេមិនមានសិទ្ធិគ្រប់គ្រាន់ ក្នុងដឹកនាំបញ្ជាការងាររួម»។

លោកអភិបាលខេត្ត បានបន្ថែមថា ការងារដឹកនាំ គឺមានតែ ៣ចំណុចធំៗនោះទេ ទី១-របបប្រជុំ ទី២-របបរាយការណ៍ និងទី៣-របបសុំយោបល់។ នៅក្នុងកិច្ចប្រជុំនោះ លោក អភិបាលខេត្ត បានធ្វើការក្រើនរំលឹកដល់អភិបាលក្រុង-ស្រុកទាំងអស់ ត្រូវបម្រើសេវាសាធារណៈជូនប្រជាពលរដ្ឋឲ្យបានល្អប្រសើរ តាមការណែនាំរបស់ក្រសួងមហាផ្ទៃ ក៏ដូចប្រមុខរាជរដ្ឋាភិបាលកម្ពុជា ។

ពាក់ព័ន្ធបទល្មើសគ្រឿងញៀន ល្បែងស៊ីសងគ្រប់ប្រភេទ ករណីចោរកម្ម ការកាប់បំផ្លាញព្រៃឈើ ការកាប់ទន្ទ្រានដីព្រៃ របស់រដ្ឋយកធ្វើជាកម្មសិទ្ធិ ការដឹកជញ្ជូនឈើប្រណិតគ្រប់រូបភាព បទល្មើសជលផល និងបទល្មើសផ្សេងៗទៀត លោកអភិបាលខេត្តសូមឲ្យគណៈបញ្ជាការឯកភាពក្រុង-ស្រុក  យកចិត្តទុកដាក់បង្ក្រាបឱ្យខាងតែបាន ដើម្បីឲ្យភូមិ ឃុំ សង្កាត់ មានសុវត្ថិភាព។ ចំណែកឯរដ្ឋបាលក្រុង និងមន្ទីរបរិស្ថានខេត្ត ត្រូវជំរុញលើការប្រមូលសំរាម នៅតាមទីសាធារណៈឲ្យបានស្អាតល្អ ដើម្បីសោភណ្ឌភាពបរិស្ថាន និងសុខភាពប្រជាពលរដ្ឋ៕

អត្ថបទ៖ សំអឿន

The post អភិបាលខេត្តពោធិ៍សាត់ ហាមអភិបាលក្រុង-ស្រុក អវត្តមានក្នុងកិច្ចប្រជុំប្រចាំខែ ជាដាច់ខាត appeared first on Kampuchea Thmey Daily.

លោកអភិបាលខេត្ត បានលើកឡើងបែបនេះ នៅក្នុងកិច្ចប្រជុំគណៈបញ្ជាការឯកភាព រដ្ឋបាលខេត្ត ប្រចាំខែវិច្ឆិកា ឆ្នាំ២០ ២១ កាលពីថ្ងៃម្សិលមិញ ដោយមានការអញ្ជើញចូលរួម ពីលោកអភិបាលរងខេត្ត ប្រធានសាលាដំបូង និងអយ្យការអមសាលាដំបូងខេត្ត នាយក-នាយករងរដ្ឋបាលសាលាខេត្ត ថ្នាក់ដឹកនាំមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធទាំង ៣ប្រភេទ អភិបាលក្រុង-ស្រុក និងមន្ត្រី ចំណុះឲ្យរដ្ឋបាលខេត្តមួយចំនួនទៀត។

នៅក្នុងកិច្ចប្រជុំនោះ លោកអភិបាលខេត្តបានដាក់ចេញ នូវផែនការសកម្មភាពសំខាន់ៗចំនួន ៨ចំណុចធំៗ សម្រាប់គណៈបញ្ជាការឯកភាពរដ្ឋបាលស្រុក-ក្រុង យកទៅបន្តអនុវត្តរួមមាន៖ ទី១-សូមឲ្យរដ្ឋបាលស្រុក-ក្រុង ពិនិត្យការរំលោភបំពានដីសាធារណៈរបស់រដ្ឋ កុំឲ្យមានការកាប់បំផ្លាញបន្តទៅទៀត និងត្រូវទប់ស្កាត់ឲ្យខាងតែបាន។

ទី២-ពាក់ព័ន្ធនូវរាល់សេចក្តីសម្រេចសមាសភាព ត្រូវធ្វើការកែតម្រូវឡើងវិញ។

ទី៣-ចំពោះបញ្ហាដោះស្រាយប្រឈម នៅក្នុងមូលដ្ឋាន បើដោះស្រាយមិនបានទេនោះ សូមរដ្ឋបាលស្រុក-ក្រុង បញ្ជូនសំណុំរឿងបន្តមករដ្ឋបាលខេត្ត ដើម្បីធ្វើការដោះស្រាយជូនប្រជាពលរដ្ឋ ឲ្យបានទាន់ពេលវេលា។

ទី៤-បញ្ហាគ្រឿងញៀន សូមឲ្យសមត្ថកិច្ច និងអាជ្ញាធរដែនដី មេត្តាយកចិត្តទុកដាក់ និងចាត់វិធានការទប់ស្កាត់ កុំឲ្យមាននៅក្នុងមូលដ្ឋាន និងមិនត្រូវឲ្យកងកម្លាំង ប្រើប្រាស់ ឬចូលដៃចូលជើងជាមួយបទល្មើសគ្រឿងញៀននោះឡើយ។

ទី៥-ករណីសំរាមនៅក្នុងទីប្រជុំជនក្រុង-ស្រុក គឺជាជំងឺសង្គម ដែលតម្រូវឲ្យយើងទាំងអស់គ្នាត្រូវតែរួមគ្នា ធ្វើការងារនេះឲ្យបានជាដាច់ខាត កុំឲ្យមានគំនរសំរាម នៅតាមដងផ្លូវ​ ឬទីសាធារណៈបន្តទៀត។

ទី៦-ចំពោះការដាំដើមត្នោត និងដើមឈើផ្សេងៗ ដ៏ទៃទៀត នៅក្នុងតំបន់៣ នៃដែនព្រៃលិចបឹងទន្លេសាប ត្រូវបង្កើតក្រុមការងារដាំដុះ និងស្តារឡើងវិញ សម្រាប់ជាប្រយោជន៍ដល់កូនចៅជំនាន់ក្រោយ និងជាជម្រកត្រីពងដ៏មានសារៈសំខាន់។

​ទី៧​-រាល់សេចក្តីសម្រេច សេចក្តីណៃនាំ និងសេចក្តីជូនដំណឹងទាំងអស់ ត្រូវយកទៅអនុវត្ត សំដៅធ្វើយ៉ាងណាមានប្រសិទ្ធិភាព ទៅតាមការណែនាំ។

ទី៨-ពាក់ព័ន្ធទៅនឹងចរាចរណ៍ ត្រូវបានប្រមុខរាជរដ្ឋាភិបាលកម្ពុជា ​បានដាក់ចេញវិធានការ និងគោលការណ៍ជាច្រើន ដើម្បីកាត់បន្ថយអត្រាការស្លាប់ ពិការ និងខូចខាតទ្រព្យសម្បត្តិ របស់ប្រជាពលរដ្ឋ ដូច្នេះត្រូវតែពង្រឹង និងអនុវត្តវិធានការនេះ ឲ្យបានជាក់លាក់​។

ទន្ទឹមនឹងនេះលោក អភិបាលខេត្តបានណែនាំ ឲ្យមន្ត្រីប៉ូលីសចរាចរណ៍ ត្រូវមានទីកន្លែងត្រួតពិនិត្យច្បាប់ចរាចរណ៍ ឲ្យបានច្បាស់លាស់ ត្រឹមត្រូវ និងត្រូវបន្តអនុវត្តចំពោះបទល្មើសជាក់ស្តែង តែបើគ្មានបទល្មើសទេនោះ សូមកុំហៅ ឬឃាត់ទុក ដែលនាំឲ្យប៉ះពាល់ដល់អារម្មណ៍ អ្នកធ្វើដំណើរ៕

អត្ថបទ៖ សំអឿន

The post អភិបាលខេត្តពោធិ៍សាត់ ហាមដាច់ខាតមន្ត្រីយកលុយប្រចាំខែ ពីបទល្មើសគ្រប់ប្រភេទ appeared first on Kampuchea Thmey Daily.

ការដាក់ចេញផែនការទាំង ៨ ចំណុចនេះបានធ្វើឡើងនៅ ក្នុងកិច្ចប្រជុំគណៈអភិបាលខេត្ត ប្រចាំខែវិច្ឆិកា និងលើកទិសដៅ អនុវត្តបន្ត នៅ ខែធ្នូ ឆ្នាំ២០២១ កាលពីថ្ងៃម្សិលមិញ។

លោក ជាវ តាយ បានមានប្រសាសន៍ថា ផែនការ៨ចំណុចនោះរួមមាន៖

ទី១. រដ្ឋបាលក្រុង ស្រុក មន្ទីរ អង្គភាព ត្រូវធ្វើរបាយការណ៍ឱ្យបានចប់ មុនថ្ងៃទី ២៥ ដើម្បីផ្ញើជូនរដ្ឋបាលខេត្តធ្វើការបូកសរុប និងទុកពេល ៥ ថ្ងៃ ក្នុងការកែសម្រួល មុននឹងដាក់ក្នុងកិច្ចប្រជុំតាមខែនីមួយៗ។

ទី២. សូមឱ្យអភិបាលក្រុង ស្រុកទាំងអស់ ​ត្រួតពិនិត្យអំពីបញ្ហាប្រឈមនៅ ក្នុងរដ្ឋបាលក្រុង ស្រុកនីមួយៗ ធ្វើការដោះស្រាយនៅ ថ្នាក់មូលដ្ឋាន បើដោះស្រាយមិនបាន ត្រូវបញ្ជូនសំណុំរឿងមកខេត្ត រួមគ្នាដោះស្រាយ មិនត្រូវទុកយូរនោះឡើយ។

ទី៣. ចំពោះករណីចាប់ចង និងឃាត់ខ្លួន ក៏ត្រូវមានការត្រួតពិនិត្យអំពីបទល្មើស កុំឱ្យរឿងតូច ទៅ ជារឿងធំ ប៉ះពាល់ដល់ សតិអារម្មណ៍ប្រជាពលរដ្ឋ មកលើថ្នាក់ដឹកនាំ។

ទី៤. ចំពោះបញ្ហាគ្រឿងញៀន ល្បែងស៊ីសង ចោរកម្ម ក្មេងទំនើង សូមឱ្យអាជ្ញាធរមូលដ្ឋាន និងអង្គភាពពាក់ព័ន្ធ ត្រូវដាក់ចេញនូវយន្តការ និងអនុវត្តឱ្យបានម៉ឺងម៉ាត់ នូវគោលនយោបាយ ភូមិ ឃុំ សង្កាត់ មានសុវត្ថិភាព ក្នុងគោលបំណងរក្សាបាននូវសន្តិសុខ និងសណ្តាប់ធ្នាប់សង្គម។

ទី៥. រាល់សេចក្តីសម្រេចទាំងអស់ សូមឱ្យមានការកែតម្រូវនូវសមភាពថ្មី ជៀសវាងនៅ បន្សល់នៅ សមាសភាពចាស់។

ទី៦. ថ្មីៗនេះប្រមុខរាជរដ្ឋាភិបាលកម្ពុជា បានដាក់ចេញនូវបទបញ្ជា ស្តីពីចាត់វិធានការបង្ក្រាប ការទន្ទ្រានដីរដ្ឋ ក្នុងដែនព្រៃលិចទឹក នៃតំបន់បឹងទន្លេសាប ក្នុងភូមិសាស្ត្រខេត្តពោធិ៍សាត់។ ដូចនេះរដ្ឋបាលខេត្ត សូមដាក់​ចេញលិខិតណែនាំដល់អាជ្ញាធរស្រុក ដែលជាប់នឹងបឹងទន្លេសាប រួមមានស្រុកក្រគរ ស្រុកកណ្តៀង និងស្រុកបាកាន ជម្រុញ និងធ្វើការផ្សព្វផ្សាយឱ្យបានទូលំទូលាយ អំពីវិធានការចំពោះមុខទាំង៧ចំណុច ទៅ ដល់ប្រជាពលរដ្ឋ នៅ ក្នុងដែនសមត្ថកិច្ចរបស់ខ្លួន។ ​

ទី៧. រដ្ឋបាលខេត្តត្រូវធ្វើបច្ចុប្បន្នភាព សមភាពក្នុង Groups Telegram និង Whatsapp អ្នកដែលចាស់ដកចេញ ទុកសមភាពថ្មីធ្វើការបន្ត។

ទី៨. ជុំវិញការប្រឡងមធ្យមសិក្សាទុតិយភូមិ នៅ ថ្ងៃទី២៧ ខែធ្នូខាងមុខ មន្ទីរត្រូវរៀបចំកិច្ចប្រជុំបង្កើតគណៈកម្មការ ដើម្បីឱ្យដំណើរការប្រឡង ប្រព្រឹត្តទៅ ដោយរលូន។

ជាមួយគ្នានោះដែរ លោកអភិបាលខេត្តស្នើឱ្យមន្ទីរបរិស្ថាន​ សាលាក្រុងពោធិ៍សាត់ អង្គភាពពាក់ព័ន្ធ និងក្រុមហ៊ុន ត្រូវយកចិត្តទុកដាក់ក្នុងការប្រមូលសំរាម ដោយមិនត្រូវទុកគំនរសំរាម នៅ លើដងផ្លូវសាធារណៈនោះឡើយ៕

អត្ថបទ៖ សំអឿន

The post អភិបាលខេត្តពោធិ៍សាត់ ដាក់ចេញផែនការ ៨ ចំណុច ដោះស្រាយបញ្ហានានាជូនពលរដ្ឋ appeared first on Kampuchea Thmey Daily.

សូមជម្រាបថា ប្រជាពលរដ្ឋចំនួន ២គ្រួសារ ដែលជាម្ចាស់ប្លង់កម្មសិទ្ធិលើក្បាលដីលេខ ១១៥ និង៣៩៣ (ភាគី-ខ) ស្ថិតក្នុងភូមិលើ ឃុំក្បាលត្រាច ស្រុកក្រគរ ខេត្តពោធិ៍សាត់ បានឯកភាពគ្នាជាមួយ ក្នុងការសម្បទានដីទំហំទទឹងផ្លូវ ០,២ម៉ែត្រ លើប្លង់សុរិយោដី ដែលមានទំហំទទឹងផ្លូវ ២,៥ម៉ែត្រ សរុប ២,៧ម៉ែត្រ សម្រាប់ឲ្យប្រជាពលរដ្ឋជាង ៣០គ្រួសារ (ភាគី-ក) បានប្រើប្រាស់ចេញចូលកាន់តែធំទូលាយជាងមុន តាមការព្រមព្រៀង រវាង(ភាគី-ក) និង(ភាគី-ខ) ចុះថ្ងៃទី ៣ ខែកុម្ភៈ ឆ្នាំ២០២១កន្លងទៅ។

ការឯកភាពរបស់ (ភាគី-ខ) ខាងលើនេះ ត្រូវបានធ្វើឡើងនាថ្ងៃទី ៣ ខែធ្នូ ឆ្នាំ ២០២១ នៅសាលប្រជុំធំសាលាខេត្តពោធិ៍សាត់ ស្របតាមយន្តការឈ្នះ-ឈ្នះ របស់រាជរដ្ឋាភិបាល ដោយបានការចូលរួមពីលោក ចេង ឡៃ អភិបាលរង នៃគណៈអភិបាលខេត្ត លោកនាយករដ្ឋបាលស្តីទី លោកអភិ​បាលស្រុកក្រគរ លោកប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្ត មន្ត្រីជំនាញពាក់ព័ន្ធ ព្រមទាំងម្ចាស់ក្បាលដីទាំង ២ខាងលើ។

ក្រោយពីលោក ជាវ តាយ អភិបាលនៃគណៈអភិបាលខេត្ត និងជាប្រធានគណៈកម្មការសុរិយោដីថ្នាក់ខេត្ត បានដឹកនាំសម្របសម្រួលនោះរួចមក ភាគីម្ចាស់ប្លង់កម្មសិទ្ធិលើក្បាលដីលេខ ១១៥ និង៣៩៣ (ភាគី-ខ)៖

១-បានទទួលយកតាមកំណត់ហេតុ នៃកិច្ចប្រជុំសម្របសម្រួល រវាង (ភាគី-ក) និង (ភាគី-ខ) កាលពីថ្ងៃទី ៣ ខែកុម្ភៈ ឆ្នាំ ២០២១ លើអ័ក្យផ្លូវ ចំនួន ២,៧ម៉ែត្រ គិតតាមប្លង់សុរិយោដី។

២-ភាគីម្ចាស់ប្លង់កម្មសិទ្ធិលើក្បាលដីលេខ ១១៥ (ឈ្មោះ ឆឹម ចរិយា) បានយល់ព្រមរុះរើជញ្ជាំងចាស់ ប្រវែង ៦ម៉ែត្រ និងភាគីម្ចាស់ប្លង់កម្មសិទ្ធិលើក្បាលដីលេខ ៣៩៣ (ឈ្មោះ ប្រាក់ ភារម្យ) បានយល់ព្រមរុះរើរបងឈើ ដើម្បីធ្វើផ្លូវចូលឲ្យបានធំទូលាយ។

៣-លោកអភិបាលខេត្ត ក៏សន្យានឹងធ្វើផ្លូវបេតុងចូលច្រកផ្លូវនេះ ប្រវែង ១០ម៉ែត្រ ដែលមានទទឹង ២,៧ម៉ែត្រ តាមការព្រមព្រៀង។

៤-ភាគីម្ចាស់ប្លង់កម្មសិទ្ធិលើក្បាលដីលេខ ១១៥ និង ៣៩៣ បានស្នើដល់អាជ្ញាធរឲ្យទទួលស្គាល់ដីនេះ ជាលក្ខណៈសម្បទាន មិនមែនជាដីរំលោភបំពាន លើប្រជាពលរដ្ឋជាង ៣០គ្រួសារ (ភាគី-ក)នោះទេ។

លោកអភិបាលខេត្ត បានថ្លែងអំណរគុណ ដល់ម្ចាស់ប្លង់កម្មសិទ្ធិក្បាលដីលេខ ១១៥ និង ៣៩៣ (ភាគី-ខ) ចំពោះការស្រុះស្រួលឯកភាពគ្នា ក្នុងការចូលរួមសម្បទានដីរបស់ខ្លួន ដើម្បីបញ្ចប់ទំនាស់ខាងលើ ជាមួយប្រជាពលរដ្ឋជាង ៣០០គ្រួសារ (ភាគី-ក) និងសូមឲ្យភាគីទាំងអស់បន្តស្រលាញ់រាប់អានគ្នាដូចគ្រួសារតែមួយ មានឈាមជ័រជាខ្មែរតែមួយ សម្រាប់ធ្វើជាគំរូល្អដល់កូនចៅជំនាន់ក្រោយ ជាពិសេសូមឲ្យមានសុខភាពល្អ​ និងជៀសចាកឆ្ងាយពីជំងឺកូវីដ-១៩ទាំងអស់គ្នា។ ជាមួយគ្នានោះ លោកអភិបាលខេត្តបានសន្យាថា នឹងចុះទៅអនុវត្តផ្ទាល់នៅទីតាំងដីនោះ។

តំណាងប្រជាពលរដ្ឋ បានសម្តែងនូវការសប្បាយរីករាយ ព្រមទាំងបានថ្លែងអំណរគុណយ៉ាងជ្រាលជ្រៅ ចំពោះការយកចិត្តទុកដាក់ និងចំណាយពេលវេលាដ៏មានតម្លៃ របស់លោក ជាវ តាយ ក្នុងការសម្របសម្រួល ពង្រីកផ្លូវច្រកចូលខាងលើ ប្រកបដោយប្រសិទ្ធិភាពខ្ពស់។

សូមបញ្ជាក់ថា ក្នុងថ្ងៃដដែលនោះលោកអភិបាលខេត្ត ក៏បានធ្វើការសម្របសម្រួល ដោះស្រាយករណីទំនាស់ដីធ្លីមួយករណីផ្សេងទៀត រវាងម្ចាស់ដីគោកអាដាំ ជាមួយក្រុមហ៊ុនបូរី ភី.ធី.វី បំណក់ អភិវឌ្ឍន៍លំនៅដ្ឋាន និងទីផ្សារ។ ក៏ប៉ុន្តែភាគីទាំងសង្ខាង មិនទាន់ស្រុះស្រួលឯកភាពគ្នានៅឡើយ និងសូមយកទៅពិគ្រោះយោបល់ ធ្វើការសម្របសម្រួល នៅថ្ងៃក្រោយបន្តទៀត៕

អត្ថបទ៖ សំអឿន

The post អភិបាលខេត្តពោធិ៍សាត់ សម្របសម្រួលបញ្ចប់ទំនាស់ផ្លូវចេញចូល របស់ពលរដ្ឋក្នុងស្រុកក្រគរដោយគ្មានអ្នកចាញ់ appeared first on Kampuchea Thmey Daily.

អតីត​អភិបាល​ខេត្ត​កំពត​រូប​នេះ បាន​បង្កើត​ចក្ខុវិស័យលើការរៀបចំ​បំពាក់​ភ្លើងបំភ្លឺ​ឲ្យ​បាន​គ្រប់ផ្លូវទាំងអស់ក្នុងទីប្រជុំជនក្រុងពោធិ៍សាត់។ ក្រៅ​ពីការ​រៀបចំ​បំពាក់​ភ្លើង​បំភ្លឺ​ ការងារអាទិភាព​មួយ​ទៀត​ ការ​ឈានដល់ការធ្វើឱ្យប្រសើរឡើង នូវហេដ្ឋារចនាសម្ព័ន្ធផ្លូវថ្នល់​ទូទាំង​ក្រុង​។

ជាក់ស្តែងគ្រាន់តែ​ឡើង​កាន់តំណែង​បាន​ប៉ុន្មានថ្ងៃ​ លោកបាន​ណែនាំ​ឲ្យ​មន្ទីររ៉ែ និងថាមពល ​រៀបចំតម្លើងប្រព័ន្ធខ្សែបណ្តាញភ្លើងថ្មី និងបំពាក់អំពូលឆ្លាតវៃ LED តាម​ដង​ផ្លូវ​នានា​ទូទាំំង​ក្រុងជាជំហាន​ដំបូង និង​ដំឡើង​គ្រប់​ដង​ផ្លូវនានា​ជា​ជំហានបន្ទាប់​ ធ្វើយ៉ាងណាឱ្យទីប្រជុំជនក្រុងពោធិ៍សាត់មានភាពទាក់ទាញនិងស្រស់បំព្រង ដើម្បីផ្តល់​ភាព​ងាយស្រួលសម្រាប់បងប្អូនធ្វើដំណើរនាពេលយប់ ជាពិសេសបង្កើនការទាក់ទាញផ្នែកទេសចរណ៍ទៀតផង។

ដោយឡែកជុំវិញបញ្ហាហេដ្ឋារចនាសម្ព័ន្ធ​ផ្លូវថ្នល់​ ក៏ជា​ការងារអាទិភាព​ដែល​អភិបាល​ខេត្ត​ពោធិ៍សាត់​ថ្មីឯកឧត្តម​ជាវ តាយ​ ដាក់​ផែនការ​ក្នុង​អណ្ណត្តិ​ការងារ​របស់លោក។

ក្នុងនាម​ជា​អភិបាលនៃគណៈអភិបាលខេត្តផង​នោះ លោក​បានចុះត្រួតពិនិត្យដោយផ្ទាល់នូវហេដ្ឋារចនាសម្ព័ន្ធ តាមបណ្តាផ្លូវនានា ក្នុងទីប្រជុំជនក្រុងពោធិ៍សាត់។ លោកបញ្ជា​ឲ្យ​​ស្ថាបន​ផ្លូវ​ក្រាលកៅស៊ូ DBST និងចាក់ប៉េតុងនៅជុំវិញតំបន់ប្រជុំជន និង​ផ្សារ បន្ទាប់ពីរៀបចំប្រព័ន្ធលូរំដោះទឹកកខ្វក់នោះរួចរាល់នៅដើមរដូវប្រាំងខាងមុខ។

ក្រៅពី​នេះ​លោក​បាន​ជំរុញ​គម្រោង​ស្ថាបនា​ផ្លូវជាតិ​លេខ ៥ នៅ​ភូមិសាស្រ្តខេត្ត​ពោធិ៍សាត់​ដែល​ជា​គម្រោង​របស់​ជប៉ុន ឲ្យ​បាន​លឿន​ដើម្បី​បង្ក​លក្ខណៈងាយស្រួល​សម្រាប់​ពលរដ្ឋធ្វើ​ដំណើរ។

ឯកឧត្តម​ជាវ តាយ អតីត​អភិបាល​ខេត្ត​កំពត​ បាន​ផ្លាស់​មក​ដឹកនាំ​ក្នុង​តួនាទី​ជា​អភិបាល​ខេត្ត​ពោធិ៍សាត់​ជំនួស​ឯកឧត្ដម ម៉ៅ ធនិន ដែល​ត្រូវ​ផ្លាស់​ទៅ​ដឹកនាំ​ខេត្ត​កំពត​វិញ។

សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​បានបញ្ជាក់​ពី​មូលហេតុ​​នៃ​ការ​ផ្ទេរ​តំណែង​ឯកឧត្តម ម៉ៅ ធនិន ពី​ខេត្តពោធិ៍សាត់ ​មកកាន់ខេត្តកំពត និងផ្ទេរ​ឯកឧត្តម​ ជាវ តា​យ ពី​ខេត្តកំពត​ទៅកាន់​ខេត្តពោធិ៍សាត់ គឺដោយសារតែ​ការ​អស់​អាណត្តិ​នៃ​ការដឹកនាំ​ខេត្ត​ មិនមែន​មូលហេតុ​អ្វី​ផ្សេង​ដោយសារ​ការ​ធ្លាក់ដៃការងារ​នោះទេ​៕

អត្ថបទ៖ ប៊ុណ្ណារ៉ា

The post ផ្លាស់ប្តូរ​មុខមាត់​ក្រុងពោធិ៍សាត់ អភិបាល​ខេត្ត​​​ថ្មី ដាក់​ការងារអាទិភាព​ពីរ appeared first on Kampuchea Thmey Daily.