ព័ត៌មានជាតិ
អភិបាលខេត្តពោធិ៍សាត់ ឱ្យអាជ្ញាធរទប់ស្កាត់សំណង់អនាធិបតេយ្យ លើដីចំណីផ្លូវរដ្ឋឱ្យបាន
លោក ជាវ តាយ អភិបាលនៃគណៈអភិបាលខេត្តពោធិ៍សាត់ បានណែនាំដល់អភិបាលក្រុង ស្រុក និងមន្ទីរអង្គភាពជំនាញទាំងអស់ ត្រូវយកចិត្តទុកដាក់ ទប់ស្កាត់ឱ្យខាងតែបាន ការសាងសង់សំណង់អនាធិបតេយ្យ ឬសំណង់ដែលធ្វើនៅលើដីចំណីផ្លូវរបស់រដ្ឋ។ លោកបានមានប្រសាសន៍ថា ក្នុងករណីទប់ស្កាត់មិនបាន ត្រូវធ្វើរបាយការណ៍មកខេត្ត ហើយរដ្ឋបាលខេត្តនឹងកោះអញ្ជើញបុគ្គលនោះ មកសម្របសម្រួលដោះស្រាយដោយផ្ទាល់។
លោកអភិបាលខេត្តបានស្នើបែបនេះ ក្នុងកិច្ចប្រជុំគណៈអភិបាលខេត្ត ប្រចាំខែកុម្ភៈ និងលើកទិសដៅអនុវត្តបន្តនៅខែមីនា ឆ្នាំ២០២២ នៅថ្ងៃទី០៤ ខែមីនា ឆ្នាំ២០២២។
លោកអភិបាលខេត្តបានបានបន្តថា ពាក់ព័ន្ធនឹងការធ្វើសំណង់អនាធិបតេយ្យ ឬសំណង់ដែលធ្វើនៅលើដីចំណីផ្លូវរបស់រដ្ឋ សូមឱ្យក្រុង ស្រុក មន្ទីរជំនាញទាំងអស់ ត្រូវយកចិត្តទុកដាក់ និងធ្វើរបាយការណ៍មកខេត្ត ក្នុងករណីទប់ស្កាត់មិនបាន ហើយយើងនឹងកោះអញ្ជើញបុគ្គលនោះមកសម្របសម្រួលដោះស្រាយដោយផ្ទាល់ ទាំងការចាក់ដីបិទផ្លូវទឹក និងការសាងសង់សំណង់អនាធិបតេយ្យ ដែលគ្មានច្បាប់អនុញ្ញាត ទាំងអស់នេះ គឺជាចំណុចប្រឈម ដែលទាមទារឱ្យមានការទប់ស្កាត់ជាបន្ទាន់។
លោកអភិបាលខេត្តបានបន្ថែមថា ពាក់ព័ន្ធនឹងសំណង់អនាធិបតេយ្យជុំវិញស្នងការដ្ឋាននគរបាលខេត្ត អាជ្ញាធរក្រុង ត្រូវចុះធ្វើបច្ចុប្បន្នភាព និងយករបាយការណ៍ ដើម្បីធ្វើការដោះស្រាយគោលនយោបាយដីជូនពួកគាត់។ ចំពោះដីសាធារណៈរបស់រដ្ឋ ដែលត្រូវដោះស្រាយនោះ ថ្នាក់ដឹកនាំមន្ទីរជំនាញ រួមទាំងអាជ្ញាធរដែនដី ត្រូវធ្វើអនុបយោគទៅប្រមុខរាជរដ្ឋាភិបាល ដើម្បីឱ្យពួកគាត់មានសិទ្ធិកាន់កាប់ដីស្របច្បាប់។
លោកអភិបាលខេត្តបានណែនាំឱ្យក្រុង ស្រុក មន្ទីរអង្គភាព ចូលរួមរៀបចំសោភណ្ឌភាព នៅតាមបណ្តាទីតាំងអង្គភាពរបស់ខ្លួន និងធ្វើការផ្សព្វផ្សាយឱ្យប្រជាពលរដ្ឋចូលរួមធ្វើអនាម័យ បរិស្ថាន និងរាល់នូវការរៀបចំអ្វីដែលមិនសមរម្យនៅមុខផ្ទះ ដើម្បីឱ្យភ្ញៀវទេសចរមានការគាំទ្រ ចូលមកខេត្តកាន់តែច្រើនឡើង។
លោកអភិបាលខេត្តបានបញ្ជាក់ថា សម្រាប់ក្រុមហ៊ុនដីឡូតិ៍ ស្រុកភ្នំក្រវាញ ដែលមានស្នាក់ការលក់នៅផ្សារភួពុយ ហើយគ្មានលិខិតអនុញ្ញាតនោះ រដ្ឋបាលខេត្តត្រូវធ្វើលិខិតទៅក្រុមហ៊ុន ដើម្បីផ្អាកការលក់បន្ត រងចាំការស្នើសុំសិទ្ធិស្របច្បាប់ ជុំវិញទីតាំងដីដែលជាកម្មសិទ្ធស្របច្បាប់របស់ក្រុមហ៊ុន៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore