បើតាមលោក ហេង សំហេង គោលបំណងនៃជំនួបនេះ គឺដើម្បីទទួលបាននូវធាតុចូល និងអនុសាសន៍នានាពាក់ព័ន្ធបន្ថែមនឹងវិស័យព័ត៌មានពីក្រសួងព័ត៌មានទៅដល់ក្រុមយុវជនសង្គមស៊ីវិល ជាពិសេសលើកិច្ចការសង្គម និងព័ត៌មានដែលក្រុមយុវជនសង្គមស៊ីវិល កំពុងធ្វើសកម្មភាពនេះឱ្យកាន់តែមានប្រសិទ្ធភាព ស្របតាមច្បាប់ជាធរមាន ដោយធ្វើយ៉ាងណាឱ្យសង្គមកម្ពុជាមានការរីកចម្រើន និងរក្សាបានសណ្តាប់ធ្នាប់ល្អលើវិស័យព័ត៌មាន។

ក្នុងជំនួបនេះ លោក ផុស សុវណ្ណ បានសម្តែងនូវការស្វាគមន៍ចំពោះក្រុមយុវជនដែលចូលរួមជួយការងារសង្គមផ្សេងៗ ជាពិសេសលើវិស័យព័ត៌មាន ស្របទៅនឹងគោលការណ៍ និងច្បាប់របស់រាជរដ្ឋាភិបាលកម្ពុជា។ ជាមួយគ្នានេះ លោក ផុស សុវណ្ណ បានគូសបញ្ជាក់ថា ដើម្បីប្រទេសជាតិមានការរីកចម្រើន យុវជនគ្រប់រូបត្រូវធើ្វជាគំរូល្អដល់យុវជនជំនាន់ក្រោយ។

ស្ថិតក្នុងឱកាសនោះ លោក ផុស សុវណ្ណ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានព័ត៌មាន និង សោតទស្សន៍ ក៏បានផ្ដល់អនុសាសន៍មួយចំនួនដល់ក្រុមយុវជនសង្គមស៊ីវិលផងដែរ ដោយបានជំរុញនូវការផ្សព្វផ្សាយលើវិស័យអប់រំ បញ្ហាគ្រោះថ្នាក់ចរាចណ៍ បញ្ហាគ្រឿងញៀន ដែលជាផ្នែកមួយសំខាន់ក្នុងការចូលរួមធ្វើឱ្យសង្គមជាតិមានការរីកច្រើន។

លោក ផុស សុវណ្ណ បានជំរុញឱ្យក្រុមយុវជនចូលរួមលុបបំបាត់នូវរាល់ព័ត៌មានក្លែងក្លាយ ឬក្លាយជាឧបករណ៍នយោបាយក្នុងន័យអវិជ្ជមាន ហើយចូលរួមផ្សព្វផ្សាយសមិទ្ធផលជាតិ ពិសេសយន្តការអភិវឌ្ឍន៍ ស្របតាមគោលនយោបាយរបស់រាជរដ្ឋាភិបាល និងយុទ្ធសាស្រ្តបញ្ចកោណដំណាក់កាលទី១ ដែលដឹកនាំដោយសម្តេចធិបតី ហ៊ុន ម៉ាណែត ជាដើម។

ជាការឆ្លើយតបលោក ហេង សំណាង ប្រធានក្រុមយុវជនសង្គមស៊ីវិល បានជម្រាបជូនលោកប្រតិភូរាជរដ្ឋាភិបាល ថា បណ្ដុំអង្គការសង្គមស៊ីវិល នឹងបើកវគ្គបណ្តុះបណ្តាលស្ដីពីវិជ្ជាជីវៈសារព័ត៌មាន និងផ្សព្វផ្សាយព័ត៌មានប្រកបដោយវិជ្ជាជីវៈ ក្រមសីលធម៌ ដល់សមាជិកសមាជិកការនៃក្រុមយុវជនចំនួន៣០០នាក់ នាពេលខាងមុខ និងបន្តបណ្តុះបណ្តាលដល់បណ្តាផែនក្រុមសេដ្ឋកិច្ចក្រៅប្រព័ន្ធ ដែលភាគច្រើនជាអ្នកប្រកបរបរដឹកជញ្ចូន ម្ចាស់អាជីវករលក់ដូរឱ្យមានជំនាញមួយទៀត គឺវិស័យអ្នកសារព៌ត៌មាននេះផងដែរ។

ជាចុងក្រោយលោក ហេង សំណាង ប្រធានក្រុមយុវជនសង្គមស៊ីវិល និងក្រុមសេដ្ឋកិច្ចក្រៅប្រព័ន្ធ​ ក៏បានអំពាវនាវដល់សាធារណៈជនចូលរួមឆ្លើយតបដល់ការផ្សព្វផ្សាយព័ត៌មានក្លែងក្លាយ និងពិនិត្យឱ្យបានគ្រប់ជ្រុងជ្រោយការផ្សព្វផ្សាយព័ត៌មាននានានៅលើបណ្ដាញសង្គម៕

The post យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន appeared first on Kampuchea Thmey Daily.

លោក Tao Guozhong អគ្គនាយកក្រុមហ៊ុនផលិតសំបកកង ជេនេរ៉ល ថាយអឺរ ថេកណឡជី (ខេមបូឌា) ឯ.ក បាន​ឲ្យ​ដឹងថា ក្រុមហ៊ុនកំពុងផលិតសំបកកង់រថយន្តចំនួន ២ ប្រភេទ ទី១.រថយន្តធុនធំ ២.រថយន្តធុនតូច ដោយ​ក្នុងមួយឆ្នាំ​អាចផលិតសំបកកង់បានប្រហែល ៥ លាន ៩០ ម៉ឺនសំបក។

បច្ចុប្បន្ននេះក្នុងមួយថ្ងៃ ក្រុមហ៊ុនអាចផលិតសំបកកង់បានចំនួនពី ៦ ០០០ ទៅ ៧ ០០០ សំបក ហើយនៅខែកក្កដា ២០២៤ ខាងមុខ ក្រុមហ៊ុននឹងពង្រីកចង្វាក់ផលិតរបស់ខ្លូនរហូត ១៧ ០០០ សំបកកង់ក្នុងមួយថ្ងៃ។

ឱកាសនោះលោក​ ផុស សូវណ្ណ អគ្គនាយកនៃអគ្គនាយកដ្ឋានពត៌មាន និងសោទស្សន៌ នៃក្រសួងព័ត៌មាន បានថ្លែងអំណរគុណលអគ្គនាយករោងចក្រផលិតសំបក កង់រថយន្ត ដែលជួយសម្របសម្រួល​ឲ្យ​អ្នកសារពត៌មានជាតិនិងអន្តរជាតិមកពីអនុតំបន់ទន្លេមេគង្គ-ឡានឆាង បានធ្វើទស្សនកិច្ចនិងថ្លែងអំណរគុណប្រធានមន្ទីរពត៌មានខេត្តព្រះសីហនុ ក៏ដូចជាប្រធានមន្ទីរពត៌មាននៃបណ្តាខេត្តជាប់ព្រំដែនបានចូលរួមនិងសម្របសម្រួលផ្តល់ឱកាស​ឲ្យ​អ្នកសារពត៌មានជាតិ អន្តរជាតិបានចូលទស្សនា ឬបានឃើញជាក់ស្តែង ហើយ​ចូលរួម​ផ្សព្វផ្សាយបន្តជូនសាធារណជនបានដឹង។

លោក អគ្គនាយកនៃអគ្គនាយកដ្ឋានពត៌មាន និងសោទស្សន៌ក្រសួងពត៌មានបានបញ្ជាក់ថា មានខេត្តចំនួន ៣ បានចូលរួមសម្របសម្រួលក្នុងគម្រោងក្នុងនោះមានដូចជា ខេត្តកំពត ខេត្តបាត់ដំបង និងខេត្តព្រះសីហនុ។

លោក​សង្ឃឹមថា ឱកាសក្រោយនឹងមានរាជធានីខេត្តទាំង ២៥ នឹង​លើកយកស្មាដៃដែលខេត្តរបស់ខ្លួនមាន​យកមកបង្ហាញ ដើម្បីធ្វើការដឹកនាំអ្នកសារពត៌មានជាតិអន្តរជាតិទៅទស្សនា៕

អត្ថបទ៖ ស៊ុយ ចាន់ធា

The post ក្រុម​អ្នកសារព័ត៌មានជាតិ​អន្តរជាតិ ធ្វើទស្សនកិច្ចរោងចក្រផលិតសំបកកង់រថយន្ត​នៅ​ខេត្តព្រះសីហនុ appeared first on Kampuchea Thmey Daily.

ក្នុងសិក្ខាសាលានេះ លោក ផុស សុវណ្ណ ប្រតិភូរាជរដ្ឋាភិបាល ទទួលជាបន្ទុកអគ្គនាយកដ្ឋានព័ត៌មាន និងសោតទស្សន៍នៃ​​​ក្រសួងព័ត៌មាន លើកឡើងថា ស្របពេលដែលសេរីភាពនៃការផលិតមាតិកាផ្សព្វផ្សាយ មានភាពសំបូរបែប និងការទទួលបាននូវមាតិកាទាំងនោះដោយមិនមានរបាំង ការកេងប្រវ័ញ្ច ក៏បានកើតមានក្នុងទម្រង់ផ្សេងៗគ្នា មានដូចជាអំពើឆបោក ការគំរាមកំហែង ការកេងប្រវ័ញ្ចផ្លូវភេទ បញ្ហាកម្មសិទ្ធិបញ្ញា និងព័ត៌មាន​មិនពិតជាដើម។

លោកថា ផលវិបាកនៃដំណឹងក្លែងក្លាយ បានជះឥទ្ធិពលអវិជ្ជមានជាខ្លាំងមកលើសង្គមជាតិ និងប្រទេសជាតិទាំងមូល។ វាអាចធ្វើឲ្យសហគមន៍ និងសង្គមជាតិមានភាពច្របូកច្របល់ តាមរយៈការបង្កឲ្យមានការរើស​អើង អរិភាពរវាងជាតិសាសន៍ ការបាត់បង់ទំនុកចិត្តមកលើស្ថាប័នសាធារណៈ ការលួចទិន្នន័យផ្ទាល់ខ្លួនរបស់ប្រជាពលរដ្ឋ និងធ្វើឲ្យប៉ះពាល់ដល់សន្តិសុខសណ្តាប់ធ្នាប់សាធារណៈ ជាដើម។

លោក ផុស សុវណ្ណ បានបញ្ជាក់ថា «ចំណុចទាំងនេះ​​បានធ្វើ​ឲ្យ​ក្រុមការងារបំផុសនូវ​គំនិតផ្តួចផ្តើម​ ស្វែង​រក​វិធីសាស្រ្តក្នុង​ការលុបបំបាត់នូវព័ត៌មាន​មិនពិត​ ដែលជាកិច្ចការងារចាំបាច់ទាមទារឲ្យមានការចូលរួមពីបណ្តាដៃគូពាក់ព័ន្ធទាំងអស់គ្នា។ យើងចាំបាច់ត្រូវមានរបាំង ដើម្បីទប់ស្កាត់នូវដំណឹងក្លែងក្លាយទាំងនោះ។ របាំងនេះ អាចជាក្រមសីលធម៌វិជ្ជាជីវៈសារព័ត៌មាន ឧបករណ៍ ឬបច្ចេកទេសនៃការផ្ទៀងផ្ទាត់ព័ត៌មាន វិធានការបទដ្ឋានគតិយុត្តិ ក្នុងការគ្រប់គ្រងបរិស្ថាននៃប្រព័ន្ធផ្សព្វផ្សាយ និងការចូលរួមចំណែកក្នុងការផ្សព្វផ្សាយនូវព័ត៌មានពិតជាដើម»។

ដោយមាន​ការជម្រុញ​លើកទឹកចិត្តពី​ថ្នាក់ដឹកនាំក្រសួង​ព័ត៌មាន​ និង​កិច្ចសហការពីក្រសួង​ការបរទេស​ និង​សហប្រតិបត្តិការអន្តរជាតិ​ ក្នុង​ការ​សម្របសម្រួល​ឲ្យ​ក្រសួង​ព័ត៌មាន ​អាច​បញ្ចូល​គម្រោង​ក្នុង​មូលនិធិពិសេស នៃកិច្ចសហប្រតិបត្តិការមេគង្គ-ឡានឆាងរបស់​ប្រទេសចិន​។ ចាប់ពីឆ្នាំ ២០១៨ ដល់ឆ្នាំ ២០២២ ក្រសួងព័ត៌មាន ​ទទួលបាន​គម្រោង​សរុប​ចំនួន ៥ ដែល​ស្ថិត​ក្រោម​ការអនុវត្ត​របស់​អគ្គនាយកដ្ឋាន​ព័ត៌មាន​ និងសោតទស្សន៍​ចំនួន​ ៣ គម្រោង​ ដែលសុទ្ធសឹងតែពាក់ព័ន្ធ​នឹង​ការ​ចូលរួម​របស់​អ្នកសារព័ត៌មាន ​ក្នុង​ការ​ពង្រឹង​វិជ្ជាជីវៈ និង​ប្រយុទ្ធនឹង​ព័ត៌មាន​មិនពិត។ ចំណែកអគ្គនាយកដ្ឋាន​ទូរទស្សន៍ជាតិ​កម្ពុជា ១ គម្រោង​ និងនាយកដ្ឋាន​កិច្ចសហប្រតិបត្តិអន្តរជាតិ នៃ​អគ្គនាយកដ្ឋាន​រដ្ឋបាល​ និងហិរញ្ញវត្ថុ​ ១ គម្រោង​។​

បើតាមលោក ផុស សុវណ្ណ តាម​រយៈការ​អនុវត្ត​គម្រោង​នេះ​ បាន​ចូលរួម​យ៉ាង​ច្រើន​ក្នុង​ការ​ពង្រឹងសមត្ថភាព​អ្នកសារព័ត៌មាន​ និង​ការ​ផ្លាស់​ប្តូរ​ឥរិយាបទ ​នៃ​ការ​ផលិត​ព័ត៌មាន​តាមបែប​ប្រពៃណី ​មក​ជាការ​ផលិត​ព័ត៌មាន​​បែបឌីជីថល សំបូរបែប​ក្នុង​បរិបទឌីជីថល​ និង​បាន​វិវឌ្ឍន៍​ខ្លួន​ឲ្យ​កាន់​តែ​ប្រសើរ​ឡើង​ក្នុង​ការ​ចូលរួម​ព្រឹត្តិ​ការណ៍​ធំៗ ដែល​កម្ពុជាជាម្ចាស់​ផ្ទះ​ដូចជា៖ កិច្ចប្រជុំអាស៊ី-អឺរ៉ុបលើកទី ១៣ កិច្ចប្រជុំកំពូលអាស៊ានលើកទី ៤០ និង ៤១ និងកិច្ចប្រជុំកំពូលពាក់ព័ន្ធ ការប្រកួត​កីឡាអាស៊ីអាគ្នេយ៍លើកទី ៣២ និងការប្រកួត​កីឡាអាស៊ានប៉ារាហ្គេមលើកទី ១២ ក្នុងឆ្នាំ ២០២៣ នេះជាដើម៕  

The post លោក ផុស សុវណ្ណ លើកឡើងពីរបាំងដើម្បីទប់ស្កាត់ដំណឹងក្លែងក្លាយ appeared first on Kampuchea Thmey Daily.

លោក ផុស​ សុវណ្ណ ក្នុង​កិច្ច​សម្ភាស​ជា​មួយ​សារព័ត៌មាន​ «កម្ពុជា​ថ្មី» បាន​លើក​ឡើង​ឱ្យ​ដឹង​ថា នៅ​ក្នុង​ព្រឹត្តិការណ៍​បោះឆ្នោត​ជាតិនីតិកាល​ទី​ ៧ ដែលនឹងឈានចូលមកដល់នាខែកក្តដាខាង​មុខ​ ពិត​ជា​ត្រូវ​ការ​រួម​ចំណែក និង​ការ​​សហការ​យ៉ាង​សំខាន់​ពី​អ្នក​សារព័ត៌មាន​ចូលរួម​​ផ្សព្វ​ផ្សាយ។ អ្នក​សារព័ត៌មាន​ជា​អ្នក​ចូល​រួម​សង្កេត និង​ជា​សាក្សី​មួយ​ដែល​អាច​គូស​បញ្ជាក់​នៅ​រាល់​ព្រឹត្តិការណ៍​អំឡុង​ពេល​បោះឆ្នោត​អំពី​លក្ខណៈ​ពិត​ប្រាកដ​ណា​មួយ។

តែ​ទោះ​ជា​បែប​នេះ​ក្តី ​ត្បិត​ថា​វត្តមាន​អ្នក​​សារព័ត៌មាន​ ជា​ចំណែក​មួយ​យ៉ាង​សំខាន់​សម្រាប់​ការ​បោះឆ្នោត​ពិត​មែន ប៉ុន្តែ​ នៅ​ក្នុង​ពេល​បោះឆ្នោត ​ក៏​អាច​លេច​ចេញ​នូវ​ភាព​មួយ​ចំនួន​ ដែល​អាច​ជះ​ឥទ្ធិពល​អាក្រក់ ឬបង្កើតជាការយល់ច្រឡំដល់មហាជនទូទៅផងដែរ។

ត្រង់​ចំណុច​នេះ លោក​ចង់​បញ្ជាក់​ថា «អ្នក​សារព័ត៌មាន​មួយ​ចំនួន ​អាច​ប្រើប្រាស់​មុំ​ ឬ​ជ្រុង​នៃ​ការ​ផ្សព្វផ្សាយ​ព័ត៌មាន ឬ​បញ្ចេញ​​រូប​ភាព​ទៅ​ខាង​ក្រៅ ហាក់​បី​ដូច​ជា​រាជ​រដ្ឋាភិបាល​បាន​បំពាន​លើ​ភាព​ពិត​នានា​ផ្សេងៗកំឡុង​ពេល​បោះឆ្នោត​។ ទៀត​សោត អ្នក​សារព័ត៌មាន​មួយ​ចំនួន​តូច​ ក៏​អាច​វែក​ញែកនូវ​រឿង​រ៉ាវ​​ដែល​កន្លង​ហួសមួយចំនួនដែលបានដោះស្រាយរួច មក​ផ្សាយ​ចេញ​ជា​រូប​ភាព​បំភាន់​ភ្នែក​មហាជន​ជាតិ និង​អន្តរជាតិ​ជាដើម​»។

យ៉ាងណាមិញ ​លោក ​ផុស​ សុវណ្ណ បាន​បន្ត​ដែរ​ថា កំឡុង​ពេល​បោះឆ្នោត ក៏​មាន​គោលការណ៍​រួម​ធំៗ​មួយ​ចំនួន ដោយ​អ្នក​សារព័ត៌មាន ឬ​ស្ថាប័ន​ ក៏​មាន​ចំណុច​ខ្លះ​អាច​ផ្សព្វផ្សាយ​បាន និង​មិន​អាច​ផ្សព្វផ្សាយ​បាន ឬ​ផ្សាយចេញទៅហួស​ហេតុ​ និង​ហួស​ពី​គោលការណ៍ ដោយ​ផ្អែក​លើ​ច្បាស់​ស្តី​ពី​គណបក្ស​នយោបាយ និង​ច្បាប់​ស្តី​ពី​ការ​រៀប​ចំ​ប្រព្រឹត្តិ​ទៅ​នៃ​ការ​បោះឆ្នោត​នោះ​ទេ។

ជាក់ស្ដែង កំឡុង​ពេល​បោះ​ឆ្នោត​ខាង​មុខ ដើម្បី​អាច​កំណត់​និង​​ធានា​បាន​ព័ត៌មាន​ពិត ​លោក ផុស សុវណ្ណ ក៏​បាន​អំពាវនាវ​ដល់​ប្រជាពលរដ្ឋ និង​អ្នក​លែង​បណ្ដាញ​សង្គម គួរ​ស្វែង​យល់ ​ត្រួតពិនិត្យ​ឱ្យ​បាន​ច្បាស់លាស់​ទៅ​លើ​ប្រភព​ព័ត៌មាន​ដែល​បាន​ចេញ​ផ្សាយ​ តាមរយៈ​ផេក​ក្រសួង​ ឬ​ថ្នាក់​ដឹក​នាំ​ណា​ម្នាក់។ ​ហើយ​ត្រូវ​ពិនិត្យ​រាល់​កាលបរិច្ឆេទ​ព័ត៌មាន​​ឱ្យ​បាន​ច្បាស់​លាស់ ជៀស​វៀង​មាន​ការ​យល់​ច្រឡំ​លើ​ព័ត៌មាន​ចាស់ ដែល​បាន​ដោះ​ស្រាយ​រួចរាល់​មក​បង្ក​ជា​បញ្ហា​ថ្មី។

​គួរ​ជម្រាប​ផង​ថា ការ​បោះឆ្នោត​ជ្រើសតាំង​ដំណាង​រាស្រ្ត​នីតិកាល​ទី​៧ នឹង​ឈាន​មក​ដល់​នៅ​ថ្ងៃ​ទី​២៣ ខែ​កក្តដា ឆ្នាំ​២០២៣ ខាង​មុខ​។ ហើយ​បើ​យោង​តាម គណៈកម្មាធិការ​ជាតិ​រៀប​ចំ​ការ​បោះឆ្នោត ​(គ.ជ.ប) ​គណបក្ស​ដែល​ឈរ​ឈ្មោះ​បោះឆ្នោត​មាន​ប្រមាណ​ជា ១៨​ គណបក្ស​នយោបាយផង​ដែរ៕

សូមទស្សនាវីដេអូ ដូចខាងក្រោម៖

The post លោក ផុស​ សុវណ្ណ៖ អ្នក​សារព័ត៌មាន ជា​សាក្សី​មួយ​សំខាន់​បង្ហាញ​ពី​ភាព​សុក្រឹត​ ក្នុង​​ពេល​បោះឆ្នោត (មានវីដេអូ) appeared first on Kampuchea Thmey Daily.

លោក ផុស សុវណ្ណ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានព័ត៌មាន និងសោតទស្សន៍ ក្រសួងព័ត៌មាន ​មានប្រសាសន៍ប្រាប់អ្នកសារព័ត៌មានកម្ពុជាថ្មីថា សម្រាប់អំឡុងពេលបោះឆ្នោតខាងមុខនេះ​ ក្រុមការងាររបស់លោក នឹងតាមដានត្រួតពិនិត្យទៅលើព័ត៌មានក្លែងក្លាយ។ លោកថា ប្រសិនបើមានព័ត៌មានមិនពិត ព័ត៌មានគ្មានប្រភពច្បាស់លាស់ ក្រុមការងារនឹងត្រូវណែនាំឲ្យកែតម្រូវ ឬលុបចេញឡើងវិញ។

លោក ផុស សុវណ្ណ មានប្រសាសន៍បែបនេះថា «អញ្ចឹងយើងមានក្រុមការងារតាមដាន ក្រុមស្ដាប់តាមវិទ្យុ ក្រុមមើលតាមទូរទស្សន៍ ពីដើមយើងមានសារព័ត៌មានបោះពុម្ព ប៉ុន្តែឥឡូវសារព័ត៌មានបោះពុម្ពវាថយ ប៉ុន្តែយើងមានសារព័ត៌មានអនឡាញច្រើន ចឹងគោលការណ៍ដែលយើងមានអនឡាញហ្នឹងថា ប្រសិនថា គាត់ផ្សាយខុសយើងឲ្យគាត់កែតម្រូវ ឬក៏គាត់ Remove ចេញឥឡូវនេះ បើពីដើមក្នុងកាសែតយើងសុំឲ្យកែតម្រូវលេខបន្ទាប់ ប៉ុន្តែឥឡូវនៅក្នុងអនឡាញយើងសុំឲ្យគាត់ Remove តែម្ដងបើព័ត៌មានវាខុស កុំឲ្យលោតដដែលៗមានការយល់ច្រំឡំ»។

អគ្គនាយក នៃអគ្គនាយកដ្ឋានព័ត៌មាន និងសោតទស្សន៍ បានឲ្យដឹងបន្តថា ក្រុមការងាររបស់លោក នឹងតាមដានត្រួតពិនិត្យព័ត៌មានក្លែងក្លាយ ចាប់តាំងពីយុទ្ធនាការឃោសនាបោះឆ្នោត រហូតដល់ការប្រកាសលទ្ធផលបោះឆ្នោត។ ពាក់ព័ន្ធនឹងអ្នកសារព័ត៌មានវិញ លោក ផុស សុវណ្ណ បានលើកឡើងថា ត្រូវចេះស្វែងរកប្រភពឲ្យបានច្បាស់លាស់ជាមុនសិន ​មុននឹងចេញផ្សាយអត្ថបទ សំឡេង ឬវីដេអូព័ត៌មានរបស់ខ្លួន ចៀសវាងការផ្សាយព័ត៌មានមិនពិត ឬព័ត៌មានមិនគ្រប់ជ្រុងជ្រោយ។  

សូមជម្រាបថា ការបោះឆ្នោតជ្រើសតាំង តំណាងរាស្រ្ដ នីតិកាលទី ៧ នឹងប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០២៣។ ការបោះឆ្នោតនេះ នឹងមានគណបក្សនយោបាយចំនួន ១៨ គណបក្ស ចូលរួមប្រកួតប្រជែង៕

អត្ថបទ៖ សួស សិត

The post លោក ផុស សុវណ្ណ ៖ ក្រុមការងារក្រសួងព័ត៌មាន នឹងតាមដានត្រួតពិនិត្យព័ត៌មានក្លែងក្លាយអំឡុងពេលបោះឆ្នោត appeared first on Kampuchea Thmey Daily.

លោក ផុស សុវណ្ណ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានព័ត៌មាន និងសោតទស្សន៍ មានប្រសាសន៍ប្រាប់កម្ពុជាថ្មីថា ការរៀបចំព្រឹត្តិការណ៍ប្រកួតកីឡាស៊ីហ្គេមជាលើកដំបូងរបស់កម្ពុជា ទទួលបានលទ្ធផលជោគជ័យគួរជាទីមោទនៈ ដោយបណ្ដាញផ្សព្វផ្សាយទាំងនៅក្នុងស្រុក និងនៅក្រៅប្រទេស បានផ្សាយអំពីភាពវិជ្ជមាន និងភាពដែលអាចធ្វើបានរបស់កម្ពុជាយ៉ាងច្រើន។

នៅក្នុងព្រឹត្តិការណ៍ស៊ីហ្គេមលើកទី ៣២ ដែលកម្ពុជាបានធ្វើជាម្ចាស់ផ្ទះរៀបចំជាលើកដំបូងនេះ មានអ្នកសារព័ត៌មានជាតិ-អន្តរជាតិ បានចុះឈ្មោះចូលរួមយកព័ត៌មានប្រមាណជាង ២ពាន់នាក់។ ក្នុងនោះ អ្នកសារព័ត៌មានជាតិជាង ១ពាន់នាក់ ​និងអ្នកសារព័ត៌មានអន្តរជាតិជាង ១ពាន់នាក់។

លោក ផុស សុវណ្ណ ថា «តាមដែលខ្ញុំបានកត់សម្គាល់ គឺមកមិនមែនតែជាអ្នកសារព័ត៌មានសុទ្ធនោះទេ ដោយមកជាអ្នកផលិតករទូរទស្សន៍ ជាអ្នកសរសេរព័ត៌មាន ជាអ្នកថត ជាអ្នកបច្ចេកទេសសរុបទាំងអស់ ទាំងជាតិ-អន្តរជាតិ ដែលបានចុះឈ្មោះចូលរួមយកព័ត៌មាន ក្នុងព្រឹត្តការណ៍កីឡាស៊ីហ្គេមកន្លងទៅនេះ មានប្រមាណជាង ២ពាន់នាក់»។

អគ្គនាយកដ្ឋានព័ត៌មាន និងសោតទស្សន៍ បានឲ្យដឹងបន្តថា ក្រុមការងាររបស់លោក បានតាមដានអំពីការចុះផ្សាយរបស់សារព័ត៌មានអន្តរជាតិ ពាក់ព័ន្ធនឹងការរៀបចំព្រឹត្តិការណ៍ស៊ីហ្គេមនៅកម្ពុជានេះ ថាតើការផ្សាយនោះមានភាពវិជ្ជមាន ឬអវិជ្ជមាន បែបណាខ្លះ? លោកថា ជាទូទៅបណ្ដាញផ្សព្វផ្សាយអន្តរជាតិធំៗ បានផ្សព្វផ្សាយអំពីភាពវិជ្ជមានច្រើនពីការរៀបចំរបស់កម្ពុជា។

លោក ផុស សុវណ្ណ បានឲ្យដឹងបែបនេះថា «យើងគ្រាន់តែបានតាមដានមើលថា តើការផ្សព្វផ្សាយនេះវាមានភាពវិជ្ជមាន ភាពអវិជ្ជមានយ៉ាងម៉េច? ពីកម្ពុជា ប៉ុន្តែជាទូទៅយើងអត់ទាន់បានកត់ថា អូរបានផ្សព្វផ្សាយប៉ុន្មានមាតិកា ឬប៉ុន្មានស្ថាប័នអីទេ ប៉ុន្តែយើងឃើញស្ថាប័នធំៗភាគច្រើន គាត់បានផ្សព្វ​ផ្សាយយើងឃើញថា មានភាពវិជ្ជមានច្រើនពីកម្ពុជា»។

នៅក្នុងពិធីបិទព្រឹត្តិការណ៍ស៊ីហ្គេមលើកទី ៣២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា ក្នុងនាមម្ចាស់ផ្ទះ កម្ពុជាបានខិតខំប្រឹងអស់លទ្ធភាពក្នុងការបម្រើសេវា ការស្នាក់នៅ ការហូបចុក និងដំណើរការប្រកួតប្រព្រឹត្តទៅបានដោយរលូន ដោយសម្ដេចបានបញ្ជាក់ថា តាំងពីចាប់ផ្តើមរហូតដល់បញ្ចប់ពេលនេះ យើងធ្វើបានសម្រេចជោគជ័យហើយ៕  

The post លោក ផុស សុវណ្ណ ៖ បណ្ដាញផ្សព្វផ្សាយអន្តរជាតិធំៗ បានផ្សាយពីភាពវិជ្ជមានច្រើនចំពោះស៊ីហ្គេមនៅកម្ពុជា appeared first on Kampuchea Thmey Daily.

លោក ផុស សុវណ្ណ បានលើកឡើងថា បច្ចុប្បន្ននេះអ្នកសារព័ត៌មាន មានតួនាទីសំខាន់ក្នុងការបំផុសបង្ហាញពីទិដ្ឋភាពអត្តសញ្ញាណរបស់តំបន់ឬសង្គមមួយ។ ដូច្នេះអ្នកសារព័ត៌មានត្រូវគិតថ្លឹងថ្លៃដល់ប្រយោជន៍ និងកីឡានុភាពជាតិ និងប្រទេសនៅក្នុងតំបន់ផងបើយើងមុននឹងសរសេរផ្សាយ ជាពិសេសនោះត្រូវចូលរួមលុបបំបាត់ព័ត៌មានក្លែងក្លាយ។

លោកបានលើកឡើងបញ្ជាក់ថា អ្នកសារព័ត៌មានមិនត្រឹមតែអាចថែរក្សាប្រយោជន៍ និងកិត្យានុភាពមូលដ្ឋានភូមិ-ឃុំ ស្រុក-ក្រុង ខេត្ត ឬប្រទេសរបស់ខ្លួនប៉ុណ្ណោះទេ អ្នកសារព័ត៌មានថែមទាំងអាចចូលរួមគិតគូរដល់ប្រយោជន៍មនុស្សជាតិទូទៅ និងប្រទេសនៅក្នុងតំបន់ផងដែរ តាមរយៈការផ្សព្វផ្សាយរឿង និងព័ត៌មានដែលត្រឹមត្រូវ។

សូមបញ្ជាក់ថា វគ្គបណ្តុះបណ្ដាល និងទស្សនកិច្ចសិក្សាជូនអ្នកសារព័ត៌មានក្នុងស្រុកមកពីខេត្តជាប់ព្រំដែនវៀតណាម មកកាន់ខេត្តកំពត ត្រូវបានរៀបចំឡើងក្រោមគម្រោងរបស់មូលនិធិពិសេស នៃកិច្ចសហប្រតិបត្តិការមេគង្គ-ឡានឆាង ក្នុងគោលបំណងពង្រឹងសមត្ថភាពអ្នកសារព័ត៌មានបន្ថែម ដើម្បីចូលរួមចំណែកក្នុងការអភិវឌ្ឍន៍ប្រទេសជាមួយរាជរដ្ឋាភិបាល៕

អត្ថបទ៖ សឹង រ៉ាត់

The post លោក ផុស សុវណ្ណ៖ អ្នកសារព័ត៌មានត្រូវចូលរួមរក្សាប្រយោជន៍ និងកិត្យានុភាពជាតិ និងប្រទេសនៅក្នុងតំបន់ appeared first on Kampuchea Thmey Daily.