ក្នុងពាក្យបណ្ដឹង លោក ផែង វណ្ណៈ ប្តឹងឈ្មោះ នី ណាក់ ភេទប្រុស អាយុ៤៣ឆ្នាំ ជនជាតិខ្មែរ សញ្ជាតិខ្មែរ មានទីលំនៅបច្ចុប្បន្នផ្ទះ គ្មានលេខ ផ្លូវលេខ8BT ក្រុមទី២ ភូមិសន្សំកុសល១ សង្កាត់បឹងទំពុន១ ខណ្ឌមានជ័យ រាជធានីភ្នំពេញ ពីបទបរិហារកេរ្តិ៍ជាសាធារណៈ និងជេរប្រមាថជាសាធារណៈ ប្រព្រឹត្តនៅរាជធានីភ្នំពេញ កាលពីថ្ងៃទី២៣ ខែមករា ឆ្នាំ២០២៣។

បើតាមពាក្យបណ្ដឹងគោរពជូនព្រះរាជអាជ្ញាអយ្យការអមសាលាដំបូងរាជធានីភ្នំពេញ លោក ផែង វណ្ណៈ បានរៀបរាប់ថា កាលពីថ្ងៃទី២៣ ខែមករា ឆ្នាំ២០២៣ ឈ្មោះ នី ណាក់ បានសរសេរសារនៅក្នុងគណនីហ្វេសប៊ុក (facebook) របស់ខ្លួនឈ្មោះ IMan-KH ដែលមានខ្លឹមសារថា «មិនដឹងថាទៅលុតជង្គង់ សំដែងធ្វើជាសែននៅផ្ទះឧកញ៉ាណាម្នាក់ឡើយ ឬគេហៅទៅស៊ីផឹកពេលសែនក៏ថតយកប៉េ ព្រោះចូលចិត្តការពារគ្នាគេ តាមពិតពីមុនមកមិនដែលឃើញសែន ស្អីទេ។ មនុស្សរស់ដោយសារយកមុខ…»

លោក ផែង វណ្ណៈ យល់ថា សំណេររបស់ឈ្មោះ ឌី ណាក់ ដែលបានសរសេរ និងបង្ហោះជាសាធារណៈ គឺជាការបរិហារកេរ្ដិ៍ជាសាធារណៈ ព្រោះខ្លឹមសារដែលឈ្មោះ នី ណាក់ សរសេរជាការអះអាងបំផ្លើស ដោយអសុទ្ធចិត្តធ្វើឱ្យ​សារធាណៈ​ជនមានការយល់ច្រឡំ បណ្តាលឱ្យប៉ះពាល់ដល់កិត្តិយសរបស់លោកយ៉ាងធ្ងន់ធ្ងរ។ ម្យ៉ាងវិញទៀតសំណេរខាងលើនេះ ក៏បានប្រើពាក្យជេរប្រមាថជាសារធារណៈមកលើលោកផងដែរ “គេហៅទៅស៊ីផឹកពេលសែនក៏ថតយកប៉េ”។

លោក ផែង វណ្ណៈ ចាត់ទុកសកម្មភាពរបស់ឈ្មោះ នី ណាក់ ជាបទល្មើសព្រហ្មទណ្ឌដែលមានចែងក្នុងមាត្រា ៣០៧ នៃក្រមព្រហ្មទណ្ឌ។

ជាមួយគ្នានេះ លោក ផែន វណ្ណៈ ក៏សូមឲ្យតុលាការផ្ដន្ទាទោសបុគ្គលឈ្មោះ នី ណាក់ តាមផ្លូវច្បាប់ និងទាសំណងជំងឺចិត្ត និងការខូចខាតចំនួន៥០លានរៀល។

សូមបញ្ជាក់ថា បន្ទាប់ពីបង្ហោះនៅលើបណ្ដាញសង្គមនូវខ្លឹមសារខាងលើ នៅថ្ងៃទី២៤ ខែមករា នេះ លោក នី ណាក់ ក៏បានបង្ហោះសារសុំទោសលោក ផែង វណ្ណៈ ផងដែរ ដែលលោកមិនដឹងថា ផ្ទះដែលលោក ផែង វណ្ណៈ ថតបង្ហោះនោះ ជាផ្ទះរបស់លោក ផែង វណ្ណៈ។

លោក នី ណាក់ បានសរសេរថា «ខ្ញុំបាទម្ចាស់ផេក សូមសុំទោសផងលោក ផែង វណ្ណៈ ខ្ញុំខុសដែលមិនបានដឹងថា លោកថតសែន គឺជាផ្ទះរបស់លោក។ សូមលោកមេត្តាអធ្យាស្រ័យតាមការគួរ សង្ឃឹមថាលោកនឹងអត់ឱនដល់ខ្ញុំបាទដោយសេចក្តីអនុគ្រោះ។ បើជាផ្ទះរបស់លោក ខ្ញុំក៏សូមំដែងនូវការរីករាយ និងសាទរ ហើយសូមជូនពរលោកមានលាភ មានហេងៗតាមការបួងសួងទៅចុះ»៕

អត្ថបទ៖ សុខុម

The post លោក ផែង វណ្ណៈ ប្ដឹងឈ្មោះ​ នី​ ណាក់ ម្ចាស់​គណនី​ហ្វេសប៊ុក​ IMAN-KH ទារសំណង​៥០​លានរៀល appeared first on Kampuchea Thmey Daily.

​លោក ប្រាក់ ប៉ូ​លី បាន​បញ្ជាក់​ថា ឈ្មោះ ផែង វណ្ណៈ បាន​ផ្សាយ​ព័ត៌មាន​មិន​ពិតជា​ច្រើន និង​បានធ្វើឱ្យ​ប៉ះពាល់​ដល់​កិត្តិយស និង​កេរ្តិ៍ឈ្មោះ​របស់លោក​យ៉ាងធ្ងន់ធ្ងរ​។ លោក​ថា លើក​ទី​១ នៅ​ថ្ងៃទី​២២ ខែកុម្ភៈ ឆ្នាំ​២០២១ ផែង វណ្ណៈ បាន​លើកឡើងថា “​ថ្មីចែស​ពី​ខេត្តបន្ទាយមានជ័យ មន្ត្រីរាជការ និង​ប្រជាពលរដ្ឋ នៅ​ខេត្ត​បន្ទាយ មានជ័យ នាំគ្នា​ហួសចិត្ត នៅពេលដែល​ទទួលដំណឹង​ថា លោក ប្រាក់ ប៉ូ​លី អតីត ប្រធាន​មន្ទីរ​រៀបចំ​ដែនដី នគរូបនីយកម្ម និង​សំណង់ ខេត្តបន្ទាយមានជ័យ និង​ឡើងជា​អភិបាលរង​ខេត្តបន្ទាយមានជ័យ​នៅពេល​ឆាប់ៗ​នេះ​។

ប្រភព​បានបញ្ជាក់ ថា លោក អ៊ុំ រាត្រី អភិបាលខេត្ត បានធ្វើ​សំណើរ​សុំ​តែងតាំង​លោក ប្រាក់ ប៉ូ​លី បច្ចុប្បន្ន​ជាទី​ប្រឹក្សា​ក្រសួង​រៀបចំ​ដែនដី នគរូបនីយកម្ម និង​សំណង់ ជា​អភិបាល រង​ខេត្តបន្ទាយមានជ័យ ជំនួស​លោកស្រី ប៉ុក ណា​ឌី ដែល​ចូលនិវត្តន៍​”​។

​នៅក្នុង​ពាក្យបណ្ដឹង​បាន​រៀបរាប់​ទៀតថា “ការស្នើសុំ​តែងតាំង​នេះ មហាជន​មើលឃើញថា ខេត្ត​ទាំងមូល​ដូច​ខ្វះ​មន្ត្រី​ជាក់ បែ​ជា​យក​មន្ត្រី ដែល​សំបូរ​ទៅដោយ​រឿងអាស្រូវ​ដីធ្លី​ពេញ​ខេត្តបន្ទាយមានជ័យ​អោយ​ឡើង​តំណែង​ទៅវិញ​។

គួរ​បញ្ជាក់​ថា លោក​ប្រាក់ ប៉ូ​លី អតីត​ប្រធាន​មន្ទីរ​រៀបចំ​ដែនដី នគ​រូប​នី យក​ម្ម និង​សំណង់ ត្រូវបាន​ឯកឧ​ត្ត​ម ជា សុផារ៉ា ឧបនាយករដ្ឋមន្ត្រី រដ្ឋ មន្ត្រី ក្រសួង​រៀបចំ​ដែនដី នគ​រូប​នីយក​ម្ម និង​សំណង់ ដក​ចេញពី​ដំណែង​ប្រធាន មន្ទីរ បន្ទាប់ពី​ក្រុមអធិការកិច្ច​ក្រសួង​រក​ឃើញ​កំហុស​ជាច្រើន ដែល​លោក ប្រាក់ ប៉ូ​លី បាន​បង្ករ​ឡើង​។ ប៉ុន្តែ​ដោយមាន​ការអន្តរាគមន៍​ពី​លោកធំ​ម្នាក់ លោក​ប្រាក់ ប៉ូ​លី ក៏ត្រូវ​បាន​ក្រសួង​រៀបចំ​ដែនដី នគ​រូប នីយកម្ម និង​សំណង់ ស្នើសុំ​តែង តាំង​ជាទី​ប្រឹក្សា​ក្រសួង​…”​។

ជាមួយគ្នា​នោះ លោក ប្រាក់ ប៉ូ​លី បានស្នើ​ឲ្យ​ព្រះរាជអាជ្ញា ផ្តន្ទាទោស​ជនល្មើស​តាមច្បាប់​ឱ្យបាន​ធ្ងន់ធ្ងរ​បំផុត និង​ទាមទារ​សំណង​ជំងឺ​ចិត្ត​ចំនួន ១០០.០០០ (​ដប់​ម៉ឺន​ដុល្លារ​អាមេរិក​)៕

ដោយ ៖ កោះ​កែវ

The post មន្ត្រីជាន់ខ្ពស់​ក្រសួង​ដែនដី​មួយ​រូប ប្តឹង​លោក ផែង វណ្ណៈ ៥​បទល្មើស និង​ទាមទារ​សំណង​ជំងឺ​ចិត្ត​ចំនួន​១០ ម៉ឺន​ដុល្លារ appeared first on Kampuchea Thmey Daily.

ក្នុង​លិិខិត​បាន​បញ្ជាក់​ថា កាល​ពី​ថ្ងៃ ១៤ ខែ មីនា ឆ្នាំ​២០២១ ឈ្មោះ ផែង វណ្ណៈបាន​ធ្វើ​ការ​បង្ហោះ​វីដេអូផ្សាយ​ផ្ទាល់លើ​ផេក​មានឈ្មោះ Pheng Vannak News ដោយ​បានជេរ​ប្រមាថ​លើព្រះសង្ឃ និងពោលពាក្យ​គម្រាម​កំហែង​ញុះញង់ និងការ​ប្រមាថ​ដល់អាយុជីវិតរបស់អ្នក​បួស។

ក្នុង​នាម​ក្រសួង​ធម្មការ​ និងសាសនា​សូមថ្កោលទោស និង​ស្នើ​ព្រះរាជអាជ្ញាធ្វើការ​ចោទប្រកាន់លើ​បុគ្គលឈ្មោះ ផែង វណ្ណៈ ដើម្បី​​ផ្តន្ទាទោសតាម​ផ្លូវ​ច្បាប់៕

The post ក្រសួង​​ធម្មការ​ ធ្វើ​លិខិត​ស្នើ​សាលា​ដំបូង​ខេត្តកណ្តាល ចាត់វិធានការ​ផ្លូវ​ច្បាប់​លើ​​លោក ផែង វណ្ណៈ appeared first on Kampuchea Thmey Daily.

​លិខិត​សុំទោសជាសាធារណៈនេះត្រូវបានធ្វើឡើង​ បន្ទាប់ពី​មាន​រិះ​គន់ខ្លាំងៗពីសាធារណៈជន ខណៈនៅរសៀលថ្ងៃ​នេះគណៈសង្ឃខេត្តសៀមរាប ស្នើឱ្យរាជរដ្ឋាភិបាលកម្ពុជាថ្កោលទោសពីបទប្រមាថសមាជិកថេរសភាសង្ឃខេត្ត និងមន្ត្រីរដ្ឋបាលខេត្តសៀមរាប ដោយសារលោក ផែង វណ្ណៈ បានផ្សាយផ្ទាល់តាមផេករបស់លោកថា “បើវាយកូនខ្ញុំបែបនេះ ខ្ញុំអត់ទៅប្ដឹងទេ ខ្ញុំទៅបាញ់ចោលតែម្ដង”។

នៅព្រលប់ថ្ងៃទី​១៨ ខែមីនា​នេះដែរ ក្រសួង​ព័ត៌មា​ន​ក៏បាន​ប្រកាសលុបចោលអាជ្ញាប័ណ្ណ គេហទំព័រឈ្មោះ www.phengvannaknews.com បានជេរប្រមាថចំពោះព្រះសង្ឃ ធ្វើឱ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនាដែលជាសាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួនបានតម្កល់ទុកនៅក្រសួងព័ត៌មាន។

អានពិស្តារៈ

The post លោក ផែង វណ្ណៈ សុំ​​ទោស​ជា​សាធារណៈ ចំពោះ​ព្រះសង្ឃ​ទូទាំង​ប្រទេស appeared first on Kampuchea Thmey Daily.

សេចក្តីសម្រេចរបស់ក្រសួងព័ត៌មានចេញផ្សាយនៅថ្ងៃទី ១៨ ខែមីនានេះ បញ្ជាក់ថា ក្រសួងសម្រេចលុបចោល គេហៈទំព័រឈ្មោះ www.phengvannaknews.com ដោយសារម្ចាស់អាជ្ញាបណ្ណ បានជេរប្រមាថចំពោះព្រះសង្ឃ ធ្វើឱ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនាដែលជាសាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួនបានតម្កល់ទុកនៅក្រសួងព័ត៌មាន។

លោក ផែង វណ្ណៈ ត្រូវបានគណៈសង្ឃខេត្តសៀមរាប ស្នើឱ្យរាជរដ្ឋាភិបាលកម្ពុជាថ្កោលទោសពីបទប្រមាថសមាជិកថេរសភាសង្ឃខេត្ត និងមន្ត្រីរដ្ឋបាលខេត្តសៀមរាប។

សំណើរនេះត្រូវបានធ្វើឡើងបន្ទាប់ពី លោក ផែង វណ្ណៈ បានផ្សាយផ្ទាល់តាមផេករបស់លោកថា “បើវាយកូនខ្ញុំបែបនេះ ខ្ញុំអត់ទៅប្ដឹងទេ ខ្ញុំទៅបាញ់ចោលតែម្ដង”។

The post ក្តៅៗមុននេះ ក្រសួងលុបចោលគេហទំព័រព័ត៌មាន ផែង វណ្ណៈ appeared first on Kampuchea Thmey Daily.