លោក ផែង វណ្ណៈ សុំ​​ទោស​ជា​សាធារណៈ ចំពោះ​ព្រះសង្ឃ​ទូទាំង​ប្រទេស

លោក ផែន​ វណ្ណៈ ចាងហ្វាងការ​ផ្សាយរបស់គេហទំព័រ Pheng Vannak News បាន​ធ្វើ​ការសុំទោសជាសាធារណៈ​ចំពោះព្រះសង្ឃ​​គ្រប់ព្រះអង្គ​នៅទូទាំង​ព្រះរាជាណាចក្រកម្ពុជា ខណៈលោក​បាន​លើ​កឡើង​ថា ការអត្ថាអធិប្បាយ​របស់​លោក​កា​លពីថ្ងៃទី​១៤ និង ១៥ ខែមីនា កន្លងមក​នេះ មិនមាន​​ចេតនាប្រមាថព្រះសង្ឃគ្រប់ព្រះអង្គនៅទូទាំង​ប្រទេស ឬ ធ្វើ​ឱ្យ​ប៉ះពាល់​ដល់​ព្រះពុទ្ធសាសនា​ទេ ដោយ​​គ្រាន់តែចង​់បាន​យុត្តិធម៌ សម្រាប់​ជនរងគ្រោះតែប៉ុណ្ណោះ។

​លិខិត​សុំទោសជាសាធារណៈនេះត្រូវបានធ្វើឡើង​ បន្ទាប់ពី​មាន​រិះ​គន់ខ្លាំងៗពីសាធារណៈជន ខណៈនៅរសៀលថ្ងៃ​នេះគណៈសង្ឃខេត្តសៀមរាប ស្នើឱ្យរាជរដ្ឋាភិបាលកម្ពុជាថ្កោលទោសពីបទប្រមាថសមាជិកថេរសភាសង្ឃខេត្ត និងមន្ត្រីរដ្ឋបាលខេត្តសៀមរាប ដោយសារលោក ផែង វណ្ណៈ បានផ្សាយផ្ទាល់តាមផេករបស់លោកថា “បើវាយកូនខ្ញុំបែបនេះ ខ្ញុំអត់ទៅប្ដឹងទេ ខ្ញុំទៅបាញ់ចោលតែម្ដង”។

នៅព្រលប់ថ្ងៃទី​១៨ ខែមីនា​នេះដែរ ក្រសួង​ព័ត៌មា​ន​ក៏បាន​ប្រកាសលុបចោលអាជ្ញាប័ណ្ណ គេហទំព័រឈ្មោះ www.phengvannaknews.com បានជេរប្រមាថចំពោះព្រះសង្ឃ ធ្វើឱ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនាដែលជាសាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួនបានតម្កល់ទុកនៅក្រសួងព័ត៌មាន។

អានពិស្តារៈ