បទបញ្ជារបស់លោក ស សុខា កើតមានឡើង បន្ទាប់ពីអ្នកប្រើប្រាស់បណ្ដាញសង្គមសម្តែងការព្រួយបារម្ភថាជនដែលបើកបររថយន្តម៉ាក MERCEDES BENZ ពាក់ផ្លាកលេខកម្ពុជា C.S.6168 ដែលមានឳពុកជាស្នងការរងអាចរួចខ្លួន មិនទទួលទោសតាមច្បាប់ ក្នុងករណីគ្រោះថ្នាក់ចរាចរណ៍បណ្ដាលឱ្យមនុស្ស៦នាក់រួមទាំងទារកក្នុងផ្ទៃម្ដាយបាត់បង់ជីវិត។

បើតាមអ្នកនាំពាក្យ នៅថ្ងៃទី៣១ ខែមីនា នេះ លោក ស សុខា រដ្ឋមន្ត្រីមហាផ្ទៃ ក៏បានណែនាំជាថ្មីទៀតឱ្យអគ្គស្នងការនគរបាលជាតិ និងស្នងការដ្ឋាននគរបាលខេត្តបាត់ដំបង អនុវត្តការងារនេះឱ្យបានលឿន ដើម្បីឈានទៅឃាត់ខ្លួនជនបង្ក។  លោក ស សុខា  ជឿច្បាស់ថាលោកស្នងការរង ក្នុងនាមជាឪពុក ប្រាកដជាដឹងថាកូនកំពុងលាក់ខ្លួននៅទីណា។

គួររម្លឹកថា របាយការណ៍របស់សមត្ថកិច្ចឱ្យដឹងថា នៅវេលាម៉ោង១០៖៤០នាទីយប់ថ្ងៃទី២៧ ខែមីនា ត្រង់ចំណុចភូមិកកោះ ឃុំកកោះ ស្រុកមោងឫស្សី ខេត្តបាត់ដំបង មានករណីគ្រោះថ្នាក់ចរាចរណ៍មួយកើតឡើង បណ្ដាលឱ្យមនុស្សចំនួន៦នាក់រួមទាំងទារកក្នុងផ្ទៃម្ដាយបានបាត់បង់ជីវិត និងរបួសកុមារាម្នាក់។ ហេតុការណ៍នោះបង្កឡើងដោយអ្នកបើកបររថយន្តម៉ាក MERCEDES BENZ AMG GT53 ពាក់ផ្លាកលេខកម្ពុជា C.S.6168  ទិសដៅពី ភ្នំពេញឆ្ពោះទៅបាត់ដំបង លុះដល់ចំណុចកើតហេតុខាងលើក៏ទៅបុកម៉ូតូចំនួន២គ្រឿង ដែលបើកបរនៅលើគន្លងម៉ូតូ។

ក្រោយកើតហេតុបណ្ដាលឱ្យមនុស្សស្លាប់ ជនបើករថយន្ត បានរត់គេចខ្លួន ប៉ុន្តែនៅថ្ងៃទី៣០ ខែមីនា សមត្ថកិច្ចបានប្រកាសពីការកំណត់អត្តសញ្ញាណអ្នកបើកបរបាន និងកោះហៅឈ្មោះ ស៊ីវ ជ័យសិដ្ឋ​ ដែលគេស្គាល់ថាជាកូនប្រុសរបស់ឈ្មោះ ស៊ីវ សុជាតិ ស្នងការរងនគរបាលខេត្តបន្ទាយមានជ័យ ឱ្យចូលខ្លួនទៅបំភ្លឺនៅថ្ងៃទី១ ខែមេសា នៅស្នងការខេត្តបាត់ដំបង។

ជុំវិញករណីនេះ ជុំវិញករណីនេះ ប្រមុខរាជរដ្ឋាភិបាលកម្ពុជា សម្ដេច ហ៊ុន ម៉ាណែត នៅព្រឹកថ្ងៃទី៣១ ខែមីនា បានអះអាងពីការ ចេញបទបញ្ជាឱ្យរដ្ឋមន្ត្រីក្រសួងយុត្តិធម៌ និងអគ្គស្នងការនគរបាលជាតិ ត្រូវស្រាវជ្រាវឱ្យបានហ្មត់ចត់បំផុត និងរកឱ្យឃេីញអ្នកដែលបេីកបររថយន្តពិតប្រាកដ ដែលបុក មនុស្សស្លាប់ទាំង៦នាក់នេះ ហើយអនុវត្តច្បាប់ឱ្យបានម៉ឺងម៉ាត់ ដើម្បីផ្ដល់ភាពយុត្តិធម៌ដល់ជនរងគ្រោះ។

សម្ដេច ហ៊ុន ម៉ាណែត ក៏បានបញ្ជាក់កាលពីព្រឹកថ្ងៃទី៣១ ខែមីនា ថា ការបេីកបរដោយមិនគោរពច្បាប់ជាពិសេសការបេីកបរដោយស្ថិតក្រោមស្ថានភាពស្រវឹង ដែលបានបង្កឱ្យមានគ្រោះថ្នាក់ ដល់អាយុជីវិតអ្នកដទៃ និងត្រូវទទួលខុសត្រូវតាមច្បាប់យ៉ាងតឹងរឹងបំផុត ដោយគ្មានការលេីកលែង ដូចបានអនុវត្តនៅពេលកន្លងមក៕

ដោយ៖ ង៉ិល ណារ៉ាត់

The post រដ្ឋមន្ត្រីមហាផ្ទៃបញ្ជាស្នងការរងបន្ទាយមានជ័យនាំកូនប្រុស ស៊ីវ ជ័យសិដ្ឋមកទទួលទោស ខណៈអង្គភាពជំនាញដាក់ឈ្មោះក្នុងបញ្ជីខ្មៅមិនឱ្យចេញពីកម្ពុជា appeared first on Kampuchea Thmey Daily.

តាមរយៈទំព័រហ្វេសប៊ុកផ្លូវការ នាថ្ងៃទី២៩ ខែសីហា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា គូសបញ្ជាក់ដូច្នេះ៖«យើងមានក្ដីស្រមៃ ហើយយើងបានគូសវាស និងអនុវត្តយ៉ាងសកម្ម ដើម្បីខិតខំសម្រេចឱ្យបានភាពជាប្រទេស មានប្រាក់ចំណូលខ្ពស់កម្រិតមធ្យមនៅឆ្នាំ២០៣០ និងប្រាក់ចំណូលខ្ពស់នៅឆ្នាំ២០៥០។ សន្តិភាព ជាបុរេលក្ខខណ្ឌដ៏ចាំបាច់បំផុតសម្រាប់ដំណើរទៅមុខឥតឈប់ឈរនៃជាតិយើង។ ប៉ុន្តែជាងមួយខែមកនេះ ថៃដែលជាប្រទេសក្បែរខាង បានព្យាយាមបំផ្លាញ ដើម្បីសម្រេចមហិច្ឆតាឈ្លានពានទឹកដី ផ្ទុយពីកិច្ចព្រមព្រៀងទ្វេភាគី និងច្បាប់អន្តរជាតិ។»។

លោក ស សុខា អះអាងទៀតថា ការថែរក្សាសន្តិភាព និងការពារបូរណភាពទឹកដី អធិបតេយ្យភាពជាតិ បានក្លាយជាបន្ទុកទទួលខុសត្រូវអាទិភាពបំផុតរបស់សម្ដេចធិបតី ហ៊ុន ម៉ាណែត និងក៏ជាបន្ទុកដ៏ធំធេងបំផុតរបស់គណបក្សប្រជាជនកម្ពុជា ក្រោមការដឹកនាំរបស់សម្ដេចតេជោ ហ៊ុន សែន ដែលជាប្រធានគណបក្ស ទទួលបានសំឡេងបោះឆ្នោតគាំទ្រច្រើនលើសលប់ពីប្រជាពលរដ្ឋច្រើនជាងបក្សណាទាំងអស់ក្នុងប្រវត្តិសាស្រ្តជាតិ។

ឆ្លងកាត់សង្គ្រាមរយៈពេល៥ថ្ងៃ កាលពីចុងខែកក្កដា និងជម្លោះព្រំដែនកម្ពុជាថៃដ៏ចម្រូងចម្រាសអូសបន្លាយអស់រយៈពេលជាច្រើនខែមកនេះ​ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មើលឃើញថា ពលរដ្ឋមានភាពកក់ក្ដៅ និងទំនុកចិត្តលើសម្ដេចធិបតី ហ៊ុន ម៉ាណែត និងថ្នាក់ដឹកនាំគណបក្សប្រជាជនកម្ពុជា ក៏ព្រោះតែបានឆ្លើយតបប្រកបដោយភាពអង់អាច និងមុតស្រួចចំពោះទង្វើឈ្លានពានរបស់ថៃ ទាំងតាមមធ្យោបាយយោធា និងការទូត ជាពិសេសការបង្រួបបង្រួមស្មារតីប្រជាជន ដើម្បីស្វែងរកដំណោះស្រាយប្រកបដោយសន្តិភាព ឈរលើសកម្មភាពប្រកបដោយភាពថ្លៃថ្នូរ និងកិត្តិយសលើឆាកអន្តរជាតិ ហើយជាសច្ចធម៌ ការដឹកនាំរបស់រាជរដ្ឋាភិបាល និងឥរិយាបថដ៏ល្អរបស់ប្រជាជនកម្ពុជា ក្នុងកាលៈទេសៈនេះ បានធ្វើឱ្យមជ្ឈដ្ឋានអន្តរជាតិ ទទួលស្គាល់ពីភាពចាស់ទុំនៃរាជរដ្ឋាភិបាលបន្តវេន និងឥរិយាបថប្រកបដោយសន្តិភាពរបស់ប្រជាជនកម្ពុជា។

គូរគូសបញ្ជាក់ថា ភាពតានតឹងនៅតាមបណ្ដោយព្រំដែនរវាងកម្ពុជានិងថៃ បានកកើតឡើងព្រោះតែសកម្មភាពរបស់ភាគីថៃ តាមរយៈការបង្កបញ្ហានៅតំបន់ប្រាសាទតាមាន់កាលពីដើមឆ្នាំ២០២៥ ហើយបន្ទាប់មកនៅថ្ងៃទី២៨ ខែឧសភា ថៃ បានលួចបាញ់សម្លាប់កងទ័ពកម្ពុជាម្នាក់ឱ្យស្លាប់បាត់បង់ជីវិតទាំងព្រឹកព្រលឹមក្នុងទឹកដីកម្ពុជា ដែលជាហេតុនាំឱ្យមានការចល័តសព្វាវុធទៅកាន់ព្រំដែន និងបន្ទាប់មកកងទ័ពថៃបានឈ្លានពានចូលទឹកដី និងបើកការវាយប្រហារទាំងកម្រោល រំលោភច្បាប់អន្តរជាតិនៅព្រឹកថ្ងៃទី២៤ ខែកក្កដា ដល់ថ្ងៃទី២៨ ខែកក្កដា។

ក្នុងពេលបើកការវាយប្រហារមកលើកម្ពុជា ថៃបានប្រើប្រាស់ ​​យន្តហោះ​ចម្បាំង ​Gripen C/D ​​ដែល​ពួក​គេ​បាន​ទិញ​ពី​ស៊ុយអែត​​កាលឆ្នាំ​២០១១ រួមជាមួយយន្តហោះចម្បាំងF-16ទិញពីសហរដ្ឋអាមេរិក  បំពាក់គ្រាប់បែកចង្កោម គ្រាប់បែកទម្ងន់ធ្ងន់ដូចជាMK-82 MK-84 ប្រើប្រាស់ដ្រូនអត្តឃាត  និងផ្សែងគីមីពុល កម្ទេចប្រាសាទព្រះវិហារសម្បត្តិបេតិកភណ្ឌពិភពលោក សម្លាប់ពលរដ្ឋស្លូតត្រង់ជាច្រើន៕​

ដោយ៖ ង៉ិល ណារ៉ាត់

The post លោក ស សុខា៖ កម្ពុ​ជា ចង់បានតែសន្តិភាពដើម្បីអភិវឌ្ឍន៍ប្រទេស ប៉ុន្តែថៃព្យាយាមបំផ្លាញ ឈ្លានពានទឹកដីកម្ពុជា បំពានច្បាប់អន្តរជាតិ appeared first on Kampuchea Thmey Daily.

លោក រ៉េន រតនៈ ប្រាប់អ្នកសារព័ត៌មានដូច្នេះ៖«ភ្ជាប់នឹងការជម្រាបជូនដោយសង្ខេប អំពីលទ្ធផលនៃជំនួបទ្វេភាគី និងកិច្ចប្រជុំពេញអង្គលោកអភិសន្តិបណ្ឌិត បានស្នើសុំឯកឧត្តម នាយករដ្ឋមន្ត្រីឡាវ ផ្តល់ការគាំទ្រ និងជួយជ្រោមជ្រែង ការអនុវត្តកិច្ចសហប្រតិបត្តិការឆ្នាំ ២០២៥ រវាងក្រសួងមហាផ្ទៃកម្ពុជា និងក្រសួងសន្តិសុខសាធារណៈឡាវ ឱ្យសម្រេចបានជោគជ័យ ផងដែរ»។

ជាការឆ្លើយតប នាយករដ្ឋមន្ត្រីឡាវ ក៏បានវាយតម្លៃជាវិជ្ជមានចំពោះលទ្ធផលនៃកិច្ចសហប្រតិបត្តិការរវាងក្រសួងមហាផ្ទៃកម្ពុជា និងក្រសួងសន្តិសុខសាធារណៈឡាវ ក្នុងឆ្នាំ២០២៤ និងបង្ហាញការ ជឿជាក់ថាស្ថាប័នទាំងពីរនឹងខិតខំពង្រឹងកិច្ចសហប្រតិបត្តិការដូចមានក្នុងកំណត់ហេតុឆ្នាំ២០២៥ ឱ្យសម្រេចបានជោគជ័យ។

នាយករដ្ឋមន្ត្រីឡាវ សន សៃស៊ីផាន់ដន លើកទឹកចិត្តឱ្យរដ្ឋបាលខេត្តជាប់ព្រំដែន រួមទាំងអាជ្ញាធរមូលដ្ឋានគ្រប់កម្រិត ខិតខំពង្រឹងកិច្ចសហការជាមួយគ្នាឱ្យ បានជិតស្និទ្ធ លើការងារថែរក្សាសន្តិសុខតាមខ្សែបន្ទាប់ព្រំដែន ជាពិសេសការទប់ស្កាត់បទល្មើស និងខិតខំបង្កលក្ខណៈឱ្យ បានកាន់តែប្រសើរឡើងថែមទៀតលើការជំរុញសកម្មភាពសេដ្ឋកិច្ច ពាណិជ្ជកម្ម និងការផ្លាស់ប្តូររវាងប្រជាជន និងប្រជាជន និងគាំទ្រចំពោះគំនិតផ្តួចផ្តើមសិក្សាបង្កើតច្រកទ្វារព្រំដែនជាមួយខេត្តរតនគិរី។

លោកសន សៃស៊ីផាន់ដន នាយករដ្ឋមន្ត្រីឡាវ ក៏បានកោតសរសើរប្រកបដោយការលើកទឹកចិត្ត ចំពោះ លោក ស សុខា ឧបនាយករដ្ឋមន្ត្រី រដ្ឋម​ន្ត្រីក្រសួងមហាផ្ទៃកម្ពុជា  ដែលបានដឹកនាំក្រសួងមហាផ្ទៃយ៉ាងសកម្ម និងប្រកបដោយប្រសិទ្ធភាព រួមចំណែកធ្វើឱ្យរាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនារបស់ សម្តេចធិបតី សម្រេចបានមសិទ្ធផលជាច្រើនជូនជាតិ និងប្រជាជនកម្ពុជា៕

The post លោក ស សុខា ស្នើនាយករដ្ឋមន្ត្រីឡាវជួយជ្រោមជ្រែងការបង្ក្រាបបទល្មើសឆ្លងដែន appeared first on Kampuchea Thmey Daily.

នេះបើតាម លោក រ៉េន រតនៈអ្នកនាំពាក្យឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ, ប្រាប់ក្រុមអ្នកសារព័ត៌មាននៅអាកាសយានដ្ឋានអន្តរជាតិភ្នំពេញ ក្រោយបញ្ចប់ដំណើរទស្សនកិច្ចនៅប្រទេសឡាវ នាថ្ងៃទី២៦ ខែមីនា។

លោក រ៉េន រតនៈ បញ្ជាក់ពីលទ្ធផលនៃកិច្ចប្រជុំបែបនេះ៖« ជាមួយនឹងការបង្ហាញឆន្ទៈ និងការប្តេជ្ញាចិត្តខ្ពស់ ឯកឧត្ដមអភិសន្តិបណ្ឌិត និង ឯកឧត្ដម​នាយឧត្តមសេនីយ៍ បានចុះ ហត្ថលេខាលើកំណត់ហេតុកិច្ចសហប្រតិបត្តិការឆ្នាំ២០២៥ រួមមាន កិច្ចសហប្រតិបត្តិការការពារសន្តិសុខ និងរក្សាសណ្តាប់ធ្នាប់ សុវត្ថិភាពសង្គម ការត្រួតពិនិត្យគ្រឿងញៀន ការប្រឆាំងការជួញដូរមនុស្ស ការការពារសន្តិសុខសណ្តាប់ធ្នាប់តំបន់ព្រំដែន និងការចេញ-ចូលឆ្លងកាត់ព្រំដែន ការបង្ការ ទប់ស្កាត់ និងបង្ក្រាបអំពើឆបោកតាមប្រព័ន្ធទូរគមនាគមន៍ និងបទល្មើសបច្ចេកវិទ្យា ព័ត៌មាន ការផ្ទេរទណ្ឌិត ការផ្លាស់ប្តូរគណៈប្រតិភូជាន់ខ្ពស់បំពេញទស្សនកិច្ច និងកិច្ចសហប្រតិបត្តិការក្នុងវិស័យបណ្តុះបណ្តាល »។

អ្នកនាំពាក្យឱ្យដឹងថា នៅក្នុងកិច្ចប្រជុំពេញអង្គ, លោក ស សុខា និងលោក វិល័យឡា ខាំហ្វង រដ្ឋមន្ត្រីក្រសួងសន្តិសុខសាធារណៈឡាវ វាយតម្លៃថា  កាលពី២០២៤ កន្លង អាជ្ញាធរពាក់ព័ន្ធគ្រប់កម្រិត ជាពិសេសរដ្ឋបាលខេត្តជាប់ព្រំដែនដែលបានសហការគ្នាថែរក្សាសន្តិសុខ សណ្តាប់ធ្នាប់ និងរួមគ្នាដោះស្រាយបាតុភាពផ្សេងៗប្រកបដោយស្មារតីយោគយល់ រួមចំណែកពង្រឹងទំនាក់ទំនងក្នុងនាមជាប្រទេសភូមិផងឱ្យ កាន់តែប្រសើរជាលំដាប់។

យ៉ាងណាក៏ដោយ ភាគីទាំងពីរ ក៏កត់សម្គាល់ឃើញថាក្នុងឆ្នាំកន្លងទៅ ចំណុចព្រមព្រៀងមួយចំនួនអាជ្ញាធរប្រទេសទាំងពីរពុំទាន់បានអនុវត្តពេញលេញឡើយ ក្នុង ដូចជាការផ្លាស់ប្តូរទស្សនកិច្ចដកស្រង់បទពិសោធរបស់បណ្តាអង្គភាពជំនាញ របស់រដ្ឋបាលខេត្តជាប់ព្រំដែន ការផ្លាស់ប្តូរព័ត៌មាន និងការបណ្តុះបណ្តាលធនធានមនុស្ស ជាដើម។

អ្នកនាំពាក្យឱ្យដឹងថា នៅចុងបញ្ចប់នៃកិច្ចប្រជុំ លោក ស សុខា ក៏បានអញ្ជើញ លោក នាយឧត្តមសេនីយ៍ វិល័យ ឡាខាំហ្វង បំពេញទស្សនកិច្ចចូលរួមកិច្ចប្រជុំដូចគ្នានៅព្រះរាជាណាចក្រកម្ពុជា ក្នុងពេលវេលាសមស្របនា ឆ្នាំ២០២៦ ផងដែរ៕

ដោយ៖ ង៉ិល ណារ៉ាត់

The post កម្ពុជា-ឡាវ ឯកភាពបង្កើនល្បឿនបង្ក្រាបគ្រឿងញៀន ការជួញដូរមនុស្ស បទល្មើសអនឡាញឆ្លងដែន និងការផ្ទេរទណ្ឌិត appeared first on Kampuchea Thmey Daily.

លោក ស សុខា ណែនាំបណ្ដុះស្មារតីយុវជនដែលកំពុងសិក្សានៅកម្រិតឧត្ដមសិក្សាបែបនេះ៖« ការបំផុសស្មារតី ត្រូវមានសន្តិភាពនិយមក្នុងចិត្ត លើអ្វីដែលពិភពលោកកំពុងកើតឡើង ប៉ុន្តែក្នុងន័យហ្នឹងទៀតសោត ក៏ត្រូវបំផុសយុវជនឱ្យមានស្មារតីស្នេហាជាតិ បើមានការឈ្លានពានកម្រិតណាមួយ »។

អនុប្រធាន ស.ស.យ.ក. និងជាប្រធាន ក.យ.គ. លោក ស សុខា​  ផ្តល់តម្លៃខ្ពស់ចំពោះស្មារតីស្រលាញ់ស្នេហាជាតិរបស់យុវជនជំនាន់មុន ដែលតម្រូវឱ្យយុវជនជំនាន់បន្តវេនត្រូវតែបន្តបំផុសស្មារតីជាតិនិយមនេះឱ្យខានតែបាន។

ពីពិធីដដែល លោក ស សុខា ចាត់ទុកសកម្មភាពចូលរួមរបស់ថ្នាក់ដឹកនាំគ្រឹះស្ថានឧត្តមសិក្សា និងគ្រឹះស្ថានសិក្សាវិជ្ជាជីវៈទាំងរដ្ឋ និងឯកជនទាំងអស់ ពេលនេះ គឺជាសក្ខីភាពបង្ហាញអំពីសាមគ្គីភាពដ៏រឹងមាំ និងការចូលរួមយ៉ាងសកម្មក្នុងសកម្មភាព នៃមហាគ្រួសារ ស.ស.យ.ក. ព្រមទាំងបានបង្ហាញអំពីការផ្ដល់តម្លៃ ការលើកកម្ពស់កិត្យានុភាព ឧត្ដមភាព និងការប្ដេជ្ញាចិត្តខ្ពស់ក្នុងការបំពេញបេសកកម្មរបស់ ស.ស.យ.ក. ឱ្យឈានទៅសម្រេចបានជោគជ័យថ្មីៗបន្ថែមទៀត ស្របតាមគោលបំណង និងចក្ខុវិស័យដែលបានកំណត់។

ក្នុងស្មារតីនេះ អនុប្រធានស.ស.យ​.ក លោក ស សុខា បញ្ជាក់ថា ក្រោមការដឹកនាំប្រកបដោយទស្សនវិស័យវែងឆ្ងាយរបស់ប្រធានសហភាពសហព័ន្ធយុវជនកម្ពុជា  ហ៊ុន ម៉ានី បាន និងកំពុងបំពេញបេសកកម្មស្នូល ដោយទទួលបានជោគជ័យ និងសម្រេចបានសមិទ្ធផលថ្មីៗជាបន្តបន្ទាប់ក្នុងការប្រមូលផ្ដុំយុវជននៅទូទាំងប្រទេស ដើម្បីចូលរួមក្នុងឆន្ទៈតែមួយ បេះដូងលោតក្នុងចង្វាក់តែមួយ ក្នុងការអភិវឌ្ឍប្រទេសជាតិ និងកសាងអនាគតដ៏រុងរឿងនៃព្រះរាជាណាចក្រកម្ពុជាប្រកបដោយចីរភាព។

ដើម្បីប្រែក្លាយកម្លាំងយុវជនឱ្យទៅជាកម្លាំងចលករប្រកបដោយសក្ដានុពលជាឆ្អឹងខ្នង និងជាសសរទ្រូងដ៏រឹងមាំរបស់ប្រទេសជាតិ ឯកឧត្ដមអភិសន្តិបណ្ឌិត ជំរុញឱ្យថ្នាក់ដឹកនាំសមាជិក សមាជិកា ក.យ.គ.ទាំងអស់ បន្តពង្រឹងកិច្ចសហការល្អជាមួយគណៈដឹកនាំចលនាយុវជនស្ម័គ្រចិត្ត និងក្រុមការងារយុវជន ស.ស.យ.ក ប្រចាំគ្រឹះស្ថានឧត្តមសិក្សារដ្ឋ និងឯកជន ដើម្បីអនុវត្តផែនការសកម្មភាព ពង្រឹងសមត្ថភាពយុវជន ការរៀបចំព្រឹត្តិការណ៍សង្គមផ្សេងៗ កម្មវិធីកីឡាការកៀរគរយុវជន ឱ្យចូលរួមសកម្មភាពនានា របស់ ស.ស.យ.ក៕

ដោយ៖ ង៉ិល ណារ៉ាត់

The post លោក ស សុខា ឱ្យបណ្ដុះទឹកចិត្តយុវជនឱ្យហ៊ានចេញការពារជាតិ ទឹកដី បើថ្ងៃណាមួយសត្រូវឈ្លានពានកម្ពុជា appeared first on Kampuchea Thmey Daily.

ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា នៅថ្ងៃទី​១៩ ខែកញ្ញានេះ បានបញ្ជាសម្រេចផ្អាកសកម្មភាពស្រាវជ្រាវ ស៊ើបអង្កេត និងបង្ក្រាបផលិតផលក្លែងក្លាយ ដែលស្ថិតក្រោមសមត្ថកិច្ចរបស់ក្រសួងមហាផ្ទៃ។  

ជាមួយគ្នានេះ លោក ស សុខា បានប្រគល់ភារកិច្ចជូនអគ្គាធិការដ្ឋានក្រសួងមហាផ្ទៃ ឱ្យធ្វើការស៊ើបអង្កេតស្រាវជ្រាវតាមពាក្យបណ្ដឹងរបស់ ប្រជាពលរដ្ឋ ពាក់ព័ន្ធនឹងប្រតិបត្តិការរបស់មន្ត្រីនគរបាលជាតិក្នុងការប្រយុទ្ធប្រឆាំងផលិតផលក្លែងក្លាយដែលបង្ក គ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម។

បន្ថែមពីនេះ លោក ស សុខា ក៏បានប្រគល់ភារកិច្ចជូនអគ្គស្នងការដ្ឋាននគរបាលជាតិ ចាត់វិធានការតាមផ្លូវច្បាប់ និងបទបញ្ជាផ្ទៃក្នុងរបស់កងកម្លាំងនគរបាលជាតិ ក្នុងករណីបុគ្គល ឬអង្គភាពដែលពាក់ព័ន្ធខាងលើនៅតែបន្តសកម្មភាពផ្ទុយពីការសម្រេចរបស់លោក ដែលឱ្យផ្អាកសកម្មភាពស្រាវជ្រាវ ស៊ើបអង្កេត និងបង្ក្រាបផលិតផលក្លែងក្លាយ ដែលស្ថិតក្រោមសមត្ថកិច្ចរបស់ក្រសួងមហាផ្ទៃ៕

The post លោក ស សុខា បញ្ជាឱ្យផ្អាកសកម្មភាព​ ស្រាវជ្រាវ ស៊ើបអង្កេត និងបង្ក្រាបផលិតផលក្លែងក្លាយ appeared first on Kampuchea Thmey Daily.

The post ក្រសួងមហាផ្ទៃ បង្កើតគណៈកម្មការសិក្សា និងកំណត់ចំនួនស្នងការរងនគរបាលរាជធានី-ខេត្ត appeared first on Kampuchea Thmey Daily.

នៅ​ព្រឹក​ថ្ងៃ​ទី​៨ ខែ​កញ្ញា ក្នុង​ពិធីជួប​សំណេះ​សំណាល់ ប្រគល់លិខិត​សរសើរ និង​​ប្រាក់​ឧបត្ថម្ភ​ដល់ប្រតិភូ និង​អត្តពលិក​ដែល​បាន​ចូល​រួម​ប្រកួត​កីឡា​នគរ​បាល និង​កង​ពន្លត់​អគ្គិភ័យ​ពិភព​លោក លើក​ទី​២០ ឆ្នាំ​២០២៣ លោក​អភិសន្តិបណ្ឌិត ស សុខា ​មាន​ប្រសាសន៍​ថា ៖«សូម​កោត​សរសើរ និង​វាយ​តម្លៃ​ខ្ពស់ មិន​មែន​តែ​ពេល​នេះ​ទេ កន្លង​ទៅ​យើង​បាន​ចូល​រួម​ប្រកួត​កីឡា​ជាតិ​លើក​ទី១ លើក​ទី​២ ស៊ីហ្គេម និង​អាស៊ាន​ប៉ារ៉ាហ្គេម។ ក្នុង​នោះ បើ​យើង​មើល​ទៅ​លើ​ចំណាត់​ថ្នាក់​តាម​បណ្តា​ក្រសួង ស្ថាប័ន​ដែល​បាន​ចូល​រួម​ប្រកួត​កីឡា​ជាតិ លើក​ទី១ លើក​ទី​២ យើង​ឃើញ​ថា ក្រសួង​មហា​ផ្ទៃរបស់​យើង​តែង​តែឈរ​នៅ​លេខ​១​រហូត»។

«ក្នុង​នោះ​ក៏​យើង​បាន​ចូល​រួម​ចំណែកយ៉ាង​ធំធេង​ជា​មួយកីឡា​ស៊ីហ្គេម លើក​ទី​៣២ កន្លង​ទៅ​នេះ។ បើ​ខ្ញុំ​មិន​ខុស​ទេ អ្នក​ដែល​បាន​មេដាយជូន​ជាតិ​នេះ បាន​បង្ហាញ​ថា កីឡាករ កីឡាការិនីមក​ពី​ក្រសួង​មហា​ផ្ទៃ​មាន​ប្រមាណ​៤៨​%​បាន​ដណ្តើម​មេដាយជូន​ជាតិ។ ខ្ញុំ​មិន​ដឹង​ច្បាស់​លំអិត​ពី​ចំនួន​មាស ប្រាក់​ប៉ុន្មាន​ទេ តែ​ជា​រួម​​គឺ​៤៨​%​នៃ​មេដាយ​ដែល​ស៊ីហ្គេម​ទទួល​បាន​នេះ​គឺកើត​ចេញ​ពី​កីឡាករ កីឡាការិនី​មក​ពី​ក្រសួង​មហា​ផ្ទៃ។ អីចឹង​នេះ​ជា​មោទនភាព​​មួយ​សម្រាប់​អង្គភាព​កីឡា​ក្រសួង​មហា​ផ្ទៃ​យើង ជា​ពិសេសកីឡាករ កីឡាការិនី​លើក​មុខ​មាត់​ក្រសួង​មហា​ផ្ទៃ​តាម​រយៈ​វិស័យ​កីឡា​នេះ»។ លោក ស សុខា បាន​សង្កត់​ធ្ងន់។

នៅចាំបាន​ថា កម្ពុជា​ក្នុង​នាម​ជា​ម្ចាស់​ផ្ទះ​រៀបចំ​ការ​ប្រកួត​កីឡា​ស៊ីហ្គេម លើក​ទី៣២ ឆ្នាំ​២០២៣ ទទួល​បាន​មេដាយ​ចំនួន​២៨២​គ្រឿង​គឺ​មាស​៨១ ប្រាក់​៧៤ និង​សំរិទ្ធ​១២៧ ដែល​មេដាយ​ទាំង​អស់​នេះ​រក​បាន​ដោយ​កីឡាករ កីឡាការិនី​ជម្រើស​ជាតិ​កម្ពុជា​មក​ពី​សហព័ន្ធ​កីឡា​ជាតិ ​អង្គភាព និង​មក​ពី​ក្រៅ​ប្រទេស​ផង​ដែរ។

តាម​របាយការណ៍​របស់លោក សរ សិទ្ធិ រដ្ឋ​លេខាធិការ​ទទួល​​ការងារ​អគ្គលេខាធិការដ្ឋាន​នៃ​ក្រុម​ប្រឹក្សា​កីឡា​ក្រសួង​មហា​ផ្ទៃ​បាន​បង្ហាញ​ថា កម្ពុជា​បាន​ចូល​រួម​ប្រកួត​កីឡានគរ​បាល និង​កង​ពន្លត់​អគ្គិភ័យ​ពិភព​លោក​បាន​៣​ដង​ហើយ។ លើក​ទី១ ឆ្នាំ​២០១៩ នៅ​ប្រទេសចិន​ដែល​ពេល​នោះ ក្រុម​កីឡាក្រសួង​មហា​ផ្ទៃ​ទទួល​បាន​មេដាយ​៤៦​គ្រឿង​គឺ​មាស​១៨ ប្រាក់​១៧ និង​សំរិទ្ធ​១១។

លើក​ទី២ ឆ្នាំ​២០២២ នៅ​ប្រទេស​ហុល្លង់​​ ​កម្ពុជា​ទទួល​បាន​មេដាយ​៣៣​គ្រឿង​គឺ​មាស​១៥ ប្រាក់​៨ និង​សំរិទ្ធ​១០។ សម្រាប់​ការ​ចូល​រួម​​​លើក​​ទី​៣ ឆ្នាំ​២០២៣ ​នៅ​ប្រទេស​កាណាដា ​កម្ពុជា​បាន​បញ្ជូន​អត្តពលិក​ចំនួន​៤៨​នាក់​ចូល​រួម​ប្រកួត​លើ​១២​ប្រភេទ​កីឡា​ដែល​ជា​លទ្ធផល​កម្ពុជា​ទទួល​បាន​មេដាយ​៧១​គ្រឿង​គឺ​មាស​៣៣ ប្រាក់​២៩ និង​សំរិទ្ធ​៩៕

អត្ថបទ៖ វីរបុត្រ

The post លោក​អភិសន្តិបណ្ឌិត ស សុខា សរសើរកីឡាក្រសួង​មហាផ្ទៃ​​បាន​រួមចំណែកឈ្នះ​មេដាយស៊ីហ្គេមជូនជាតិច្រើន appeared first on Kampuchea Thmey Daily.