លោក ហេង ប៊ុនលាភ Archives - Kampuchea Thmey Daily

ហេង ប៊ុនលាភ ស្នើមហាជនជួយគាំទ្រ ក្រោយផ្តល់ឱកាសចាប់ដៃច្រៀងជាមួយ ប៊ុត សីហា

Chan Sotheavy — Wed, 09 Apr 2025 09:09:19 +0000

សិល្បករផ្នែកចម្រៀង និងជាតារាប្រុសរៀមច្បងលោក ហេង ប៊ុនលាភ បានឱ្យដឹងថាឆាប់ៗខាងមុខនេះ លោកនឹងត្រៀមចេញបទចម្រៀងរួមគ្នាជាមួយតារាចម្រៀងលោក ប៊ុត សីហា ដើម្បីផ្តល់ឱកាសឱ្យតារាប្រុសវ័យក្មេងរូបនេះ អាចស្ដារប្រជាប្រិយភាពមកវិញ។

ស្របពេលជាមួយគ្នានៃការប្រកាសត្រៀមចាប់ដៃគូគ្នាច្រៀងជាមួយសិស្សប្អូនលោក ប៊ុត សីហា នេះដែរតារាចម្រៀងលោក ហេង ប៊ុនលាភបានស្នើដល់មហាជន និងមិត្តៗយុវវ័យចាប់អារម្មណ៍គាំទ្រនូវស្នាដៃដំបូ ងដែលច្រៀងរួមគ្នារវាងលោកនិងលោកប៊ុត សីហា ផ ងខណ:លោកចាត់ទុកថានេះជាការផ្តល់ឱកាសថ្មីសម្រាប់ សីហា ទៀតផង។

តារាចម្រៀងជើងចាស់ល្បីឈ្មោះលោកហេង ប៊ុនលា ភ បានលើកឡើងដោយខ្លីថាសង្ឃឹមថាបងប្អូននៅមា នការជួយគាំទ្រលើកទឹកចិត្តពីព្រោះពួកយើងចង់ល្បីដែរ ។ ប្រាកដណាស់ជំនួបនៃការចាប់ដៃគ្នាច្រៀងរប ស់លោក ហេង ប៊ុនលាភ និងលោក ប៊ុត សីហា គឺផ្តើ មឡើងពីលោក ឃុន ធារិទិ្ធ ហៅ RITH Omega ដែ លជាអ្នកនិពន្ធនិងដឹកនាំសម្តែងវ័យក្មេង។

លោក RITH Omega បានឲ្យដឹងដែរថាលោកពិជា
អរគុណរៀមច្បងលោក ហេង ប៊ុនលាភ ដែលផ្តល់កិត្តយសព្រមទទួលProject បទចម្រៀងFtជាមួយ នឹ ង ប៊ុត សីហា ក្នុងAlbumដំបូងរបស់ សីហា ។លោកថាខ្លួនធានាថាប្លែកសំរាប់Fanរបស់លោក ហេង ប៊ុន លាភ នឹង ប៊ុត សីហា។

សូមជម្រាបថា មុននេះបន្តិចលោក ឃុន ធារិទិ្ធ ហៅ RITH Omegaដែលជាអ្នកនិពន្ធបទចម្រៀងឱ្យ ប៊ុត សីហាបានចេញមុខបង្ហោះសារប៉ុន្មានឃ្លារក្រោយឃើ ញមានអ្នកCommentផ្លែផ្កាដាក់កូនក្រុមរបស់ខ្លួន។
លោកនិយាយថា..លោកមិនចេះប្រព្រឹត្តិគ្រឿងញៀនទេហើយលោកក៏កំពុងតែលើកទឹកចិត្តបង្រៀនការងា រល្អៗដឹកនាំធ្វើការហ្វឹកហាត់ច្រៀងហ្វឹកហាត់សំឡេងទៅកាន់ ប៊ុត សីហា ផងដែរ។

លោក RITH Omega បញ្ជាប់បន្ថែមថា ប៊ុត សីហា ពេលនេះកុំពុងតាំងចិត្តរស់នៅក្នុងសង្គមមួយថ្មីចាប់ ផ្តើមឡើងវិញ ហើបានផ្តាច់ការប្រើប្រាស់គ្រឿងញៀនយូរហើយតាំងពីជាប់ពន្ធធនាគារមកម្លេះ៕ អត្ថបទ៖ ចាន់រ៉ា

The post ហេង ប៊ុនលាភ ស្នើមហាជនជួយគាំទ្រ ក្រោយផ្តល់ឱកាសចាប់ដៃច្រៀងជាមួយ ប៊ុត សីហា appeared first on Kampuchea Thmey Daily.

មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង

Chan Sotheavy — Tue, 03 Dec 2024 08:22:29 +0000

ក្រោយវិលចូលវិស័យសិល្បៈវិញ តារាប្រុសចាស់វស្សាតែរូបឆោមសង្ហាលោក ហេង ប៊ុនលាភ នៅតែមានប្រជាប្រិយភាពនិងទទួលបានការគាំទ្រគួរកត់សម្គាល់ ក៏ព្រោះតែតារាប្រុសរូបនេះ មានទេពកោសល្យនិងសមត្ថភាព មិនថាការសម្តែង ក៏ដូចជាការចម្រៀងនោះទេ។

បើនិយាយភាពប្រជាប្រិយភាពរបស់តារាសម្តែងប្រុសរូបនេះ ក្រោយពីបានវិលចូលវិថីសិល្បៈវិញ គឺមានការងារច្រើនគួរកត់សម្គាល់ មិនថាការសម្តែង ឬថតពាណិជ្ជកម្មសម្រាប់ផលិតផលក្រុមហ៊ុនមួយចំនួននោះទេ លោកក៏បានធ្វើឱ្យមហាជន បានស្គាល់លោកនូវរូបភាពថ្មីមួយថែមទៀត គឺការច្រៀងក្នុងវង់ភ្លេងការជាមួយនឹងក្រុមគ្រួសារត្រកូលខាត់។

តាមរយៈវីដេអូ រួមនិងរូបភាពជាច្រើនសន្លឹក លោក ហេង ប៊ុនលាភ បានបង្ហើរសំនៀងដ៏ពិរោះក្នុងវង់ភ្លេងការ ធ្វើឱ្យសាធារណជន ពិសេសអ្នកគាំទ្រ បង្ហាញការភ្ញាក់ផ្អើលនិងលើកសរសើរនូវទេពកោសល្យ របស់តារាជើងចាស់រូបនេះ ដែលអាចធ្វើការងារសិល្បៈបានច្រើន ដោយចាត់ទុកថា ជាធនធានអ្នកសិល្បៈមួយរូប មិនគួរមើលរំលងឡើយ។

គួររំលឹកថា លោក ហេង ប៊ុនលាភ ជាតារាសម្តែងជើងចាស់មួយរូប ដែលធ្លាប់បានចូលរួមសម្តែងភាពយន្តភាគ រឿងខ្នាតខ្លី និង MV ចម្រៀងជាច្រើន ហើយទទួលបានកេរ្តិ៍ឈ្មោះល្បីល្បាញផងដែរ តែក្រោយមក លោកបានបាត់មុខពីវិថីសិល្បៈ ដោយផ្តោតលើមុខជំនួញរបស់លោកវិញ។

អវត្តមានរបស់លោកក្នុងវិថីសិល្បៈ អស់មួយរយៈពេលធំ លោកក៏បានសម្រេចចិត្តវិលប្រឡូកចូលសង្គមសិល្បៈវិញជាថ្មីម្តងទៀត និងបានចូលរួមសម្តែងភាពយន្តមួយចំនួន ក្នុងនោះមានរឿង “ហ្លូងព្រះស្ដេចកង”, រឿង” វិថីនារី”, រឿង”ទឹកចិត្តប្រពន្ធ” និង រឿង”បំណុលស្នេហ៍” ជាដើម។ល។ ខណៈក្នុងឱកាសនៃការវិលចូលសិល្បៈវិញនេះ លោកក៏ទទួលបានកិច្ចការងារជាបន្តបន្ទាប់ រហូតចូលរូមច្រៀងតាមវង់ភ្លេងការ ជាមួយនឹងក្រុមភ្លេងបុរាណគ្រួសារត្រកូលខាត់ អ្នកនាង ខាត់ សុឃីម ទៀតផង៕ អត្ថបទ៖ សុធាវី

The post មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង appeared first on Kampuchea Thmey Daily.

ម្ចាស់បទ «ទឹកភ្នែកស្វាមីស្រីឡង់សេ» បង្ហាញវត្តមានវិលរកអាជីពសិល្បៈជាថ្មី

Din Thary — Thu, 02 May 2024 09:12:20 +0000

ទស្សនិកជន និងអ្នកគាំទ្រនៅចាំបានថា អតីតតារាចម្រៀងដែលស្រូបបានភាពល្បីល្បាញតាមរយៈបទ «ទឹកភ្នែកស្វាមីស្រីឡង់សេ» គឺលោក ហេង ប៊ុនលាភ បន្ទាប់ពីសាងកេរ្តិ៍ឈ្មោះ ល្បីល្បាញលើទីផ្សារសិល្បៈនោះលោកក៏បានបាត់វត្តមានទៅវិញនៅលើវិស័យនេះជាយូរឆ្នាំមកហើយ។

អំឡុងពេលនោះមហាជនបានដឹងថា ក្រោយបាត់វត្តមានចេញពីសិល្បៈនោះលោក ហេង ប៊ុនលាភ គឺបានសម្រេចចិត្តដើរចេញពីវិថីសិល្បៈដោយងាកទៅប្រើជីវិតយ៉ាងសាមញ្ញនៅឯជនបទស្រុកស្រែចម្ការជាមួយក្រុមគ្រួសារយ៉ាងមានសេចក្តីខ្លាំងហាក់មិនអាល័យអាជីពចាស់ឡើយ។

ដោយឡែកកាលពីថ្មីៗកន្លងទៅស្រាប់តែតារាចម្រៀងទឹកដមមនោសញ្ចេតនាលោក ហេង ប៊ុនលាភ បានបង្ហាញតម្រុញហាក់ចង់វិលចូលវិថីសិល្បៈតាមគន្លងអតីតកាលវិញធ្វើឲ្យអ្នកគាំទ្រចាប់អារម្មណ៍គ្រប់គ្នា។ ប៉ុន្តែកាលនោះគេក៏មិនទាន់ដឹងថាការពិត ឬបែបណាទេខណៈលោក ហេង ប៊ុនលាភ បានសរសេរសំណេរខ្លីភ្ជាប់នឹងចេតនាចង់វិលមកច្រៀងដូច្នេះថា«ចង់ក្លាយជាអ្នកចម្រៀងដូចមុន»។

យ៉ាងណាមិញបន្ទាប់ពីបង្ហាញតម្រុយនេះមិនទាន់បានប៉ុន្មានផងមុននេះមានដំណឹងដែរថាលោក ហេង ប៊ុនលាភ បានប្រកាសពីការវិលមកកាន់អាជីពជាអ្នកសិល្បៈរបស់លោកជាថ្មីឡើងវិញ បន្ទាប់ពីលោកបានអាក់ខានមួយរយៈធំ។ តួយ៉ាងនៅលើទំព័រហ្វេសប៊ុក វីជេ អាឡាស្កូ បានបញ្ជាក់ថា «ស្វាគមន៍ម្ចាស់បទ “ទឹកភ្នែកប្តីស្រីឡង់សេ” លោក ហេង ប៊ុនលាភ ត្រឡប់មកចូលប្រឡូកពិភពសិល្បៈ»។

ចំណែកប្រភពព័ត៌មានខ្លះក៏បានលើកឡើងថា ចំពោះមូលហេតុដែលនាំឲ្យតារាប្រុសរូបនេះសម្រេចចិត្តវិលរកសិល្បៈជាថ្មីឡើងវិញដោយសារតែលោកគិតថាសិ ល្ប:ជាផ្នែកមួយយ៉ាងសំខាន់ដែលបាន ធ្វើឲ្យលោកមានថ្ងៃនេះ និងភាពសប្បាយរីករាយ។

គួររម្លឹកដែរថា កន្លងទៅលោក ហេង ប៊ុនលាភ ធ្លាប់ប្រកាសថា ចាប់ពីពេលនេះទៅ គឺលោកសម្រេចទទួលការងារសិល្បៈជាថ្មីឡើងវិញហើយទាំងការងារថត និងចេញច្រៀង។ លោកបន្ថែមថា មួយរយៈដែលលោកបានអាក់ខានពីការងារសិល្បៈនោះគឺដោយសារលោកជាប់រវល់ការងាររកស៊ីផ្ទាល់ខ្លួន និងការងាររដ្ឋ។ ហេតុនេះហើយទើបលោកមានការរយាលសិល្ប:រហូតមកទល់នាពេលនេះ៕

អត្ថបទ៖ ចាន់រ៉ា

The post ម្ចាស់បទ «ទឹកភ្នែកស្វាមីស្រីឡង់សេ» បង្ហាញវត្តមានវិលរកអាជីពសិល្បៈជាថ្មី appeared first on Kampuchea Thmey Daily.

ហេង ប៊ុនលាភ ចេញមកលើកទឹកចិត្ត សឿ សុធារ៉ា ឲ្យរឹងមាំ

អ៊ិន ពិសី — Wed, 01 Mar 2023 23:00:00 +0000

កត់សម្គាល់អំឡុងមួយរយៈចុងក្រោយនេះ អ្នកគាំទ្រសង្កេតឃើញស្ថានភាពផ្លូវចិត្តរបស់តារាសម្ដែងអ្នកនាង សឿ សុធារ៉ា បានជួបរឿងរ៉ាវចាក់ស្រេះជាច្រើន រហូតធ្វើឲ្យកើតវិបត្តិផ្លូវចិត្តធ្ងន់ធ្ងរ ពោលគឺចាប់តាំងពីធ្លាយដំណឹងជំពាក់បំណុលរឿងលេងតុងទីន និងក្រោយមកទៀត ដំណឹងបែកបាក់ស្វាមី ខណៈថ្មីៗនេះអ្នកម្ដាយក៏បានចែកឋានទៅចោល។

បន្ទាប់ពីធ្លាក់ខ្លួនកម្សត់បែបនេះ តារាស្រី សឿ សុធារ៉ា កន្លងមកនាងតែងបង្ហាញអារម្មណ៍សោកសៅមិនសប្បាយចិត្តរហូតដល់ថ្នាក់ធ្លាក់ខ្លួនឈឺត្រូវចូលសង្គ្រោះនៅមន្ទីរពេទ្យទាំងយប់កាលពីប៉ុន្មានខែមុននេះ។ យ៉ាងណាមិញ ក្រោយអាការជាសះស្បើយជំងឺមួយរយៈខ្លីនេះដែរ សឿ សុធារ៉ា ក៏ចាប់ផ្ដើមសាងជីវិតថ្មីដើម្បីរស់នៅផ្ដល់ក្ដីសង្ឃឹមចំពោះកូនៗទាំងពីរ។

អ្វីដែលអ្នកគាំទ្រកាន់តែចាប់អារម្មណ៍ថែមទៀត ស្រាប់តែអ្នកនាង សឿ សុធារ៉ា ទម្លាយរឿងអស់សង្ឃឹមជុំវិញបញ្ហាជីវិត។ អ្នកនាង សឿ សុធារ៉ា បានពោលពាក្យហាក់អស់សង្ឃឹមថា “បេះដូងខ្ញុំឆ្លើយថា ចង់មានកូនប្រាំនាក់ តែឥឡូវទើបបានកូនពីរនាក់សោះ ក៏មានឈ្មោះថាជានារីមានជីវិតស្នេហាបែកបាក់ទៅហើយ ហើយធ្លាក់ខ្លួនក្រទៀត តើបុរសណាគេព្រមមកសាងវាសនាជាមួយនោះ?។

ក្រោយឃើញការលើកឡើងរបស់អ្នកនាង សឿ សុធារ៉ា ដូចខាងលើ តារាចម្រៀងលោក ហេង ប៊ុនលាភ បានចេញមកផ្ដល់កម្លាំងចិត្តថា កុំគិតច្រើនអី ជូតទឹកភ្នែកលាងចិត្តបន្តដំណើរទៅមុខ។ គេក៏មានរឿងដូចយើង យើងក៏មានបញ្ហាដូចគេ ជីវិតគឺអញ្ចឹង។

សូមរម្លឹកថា តារាសម្ដែងអ្នកនាង សឿ សុធារ៉ា បានសម្រេចដឹកដៃអតីតស្វាមីគឺលោក សាពូន មីដាដា រៀបការបញ្ចប់ភាពនៅលីវ កាលពីថ្ងៃទី ០៩ ខែកញ្ញា ឆ្នាំ ២០០៩ ដោយគិតរហូតមកដល់ពេលនេះមានរយៈពេលជាង ១០ ឆ្នាំហើយ។ ប៉ុន្តែក្រោយមកចំណងស្នេហារបស់អ្នកទាំងពីរ ក៏បានប្រកាសដំណឹង នៃការបែកបាក់គ្នា ដោយបន្សល់ទុកនូវកូនប្រុស-ស្រីចំនួន ២ នាក់, ទី១.ឈ្មោះ សាពូន ដារ៉ាភិមាន និងកូនទី២.ឈ្មោះ សាពូន ដារ៉ាបុរស៕

អត្ថបទ ៖ ចាន់រ៉ា

The post ហេង ប៊ុនលាភ ចេញមកលើកទឹកចិត្ត សឿ សុធារ៉ា ឲ្យរឹងមាំ appeared first on Kampuchea Thmey Daily.

ហេង ប៊ុនលាភ ប្រកាសវិលរកអាជីពសិល្បៈជាថ្មី ក្រោយឃ្លាតឆ្ងាយយូរឆ្នាំ

deth leng — Wed, 04 May 2022 05:09:17 +0000

គេនៅចាំបានថាអតីតតារាចម្រៀងល្បីល្បាញតាមរយៈបទ «ទឹកភ្នែកស្វាមីស្រីឡង់សេ» គឺលោក ហេង ប៊ុនលាភ បន្ទាប់ពីសាងកេរ្តិ៍ឈ្មោះល្បីល្បាញលើទីផ្សាសិល្បៈនោះលោកក៏បាត់វត្តមានទៅវិញយូរឆ្នាំមកហើយ។

កាលនោះមហាជនបានដឹងថា ក្រោយបាត់វត្តមានពីសិល្បៈនោះលោក ហេង ប៊ុនលាភ ក៏ត្រូវបានសម្រេចចិត្តដើរចេញពីវិថីសិល្បៈដោយងាកទៅប្រើជីវិតយ៉ាងសាមញ្ញនៅឯជនបទស្រុកស្រែចម្ការជាមួយក្រុមគ្រួសារយ៉ាងមានសេចក្តីខ្លាំងហាក់មិនអាល័យអាជីពចាស់ឡើយ។

ដោយឡែកកាលពីថ្មីៗកន្លងទៅស្រាប់តារាចម្រៀងទឹកដមមនោសញ្ចេតនាលោក ហេង ប៊ុនលាភ បានបង្ហាញតម្រុញហាក់ចង់វិលចូលវិថីសិល្បៈតាមគន្លងអតីតកាលវិញធ្វើឲ្យអ្នកគាំទ្រចាប់អារម្មណ៍គ្រប់គ្នា។ ប៉ុន្តែកាលនោះគេក៏មិនទាន់ដឹងថាការពិតឬបែបណាទេ ខណៈលោក ហេង ប៊ុនលាភ បានសរសេរសំណេរខ្លីភ្ជាប់នឹងចេតនាចង់វិលមកច្រៀងដូច្នេះថា«ចង់ក្លាយជាអ្នកចំរៀងដូចមុន»។

ប៉ុន្តែយ៉ាងណាមិញបន្ទាប់ពីបង្ហាញតម្រុយនេះមិនទាន់បានប៉ុន្មានផងមុននេះមានដំណឹងដែរថា លោក ហេង ប៊ុនលាភបានប្រកាសពីការវិលមកកាន់អាជីពសិល្បៈរបស់លោកជាថ្មីឡើងវិញបន្ទាប់ពីលោកបានអាក់ខានមួយរយៈធំ។

ប្រភពព័ត៌មានបានលើកឡើងថា ចំពោះមូលហេតុដែលនាំឲ្យតារាប្រុសរូបនេះសម្រេចចិត្តវិលរកសិល្បៈជាថ្មីឡើងវិញនោះគឺដោយសារលោកគិតថាសិល្បៈជាផ្នែកមួយយ៉ាងសំខាន់ដែលបានធ្វើឲ្យលោកមានថ្ងៃនេះនិងភាពសប្បាយរីករាយ។

លោក ហេង ប៊ុនលាភបញ្ជាក់ថា ចាប់ពីពេលនេះទៅ គឺលោកសម្រេចទទួលការងារសិល្បៈជាថ្មីឡើងវិញហើយទាំងការងារថតនិងចេញច្រៀង។

លោកបន្ថែមថា មួយរយៈដែលលោកបានអាក់ខានពីការងារសិល្បៈនោះគឺដោយសារលោកជាប់រវល់ការងាររកស៊ីផ្ទាល់ខ្លួននិងការងាររដ្ឋ។ហេតុនេះហើយទើបលោកមានការរយាលសិល្បៈរហូតមកទល់នាពេលនេះ៕

អត្ថបទ៖ ចាន់រ៉ា

The post ហេង ប៊ុនលាភ ប្រកាសវិលរកអាជីពសិល្បៈជាថ្មី ក្រោយឃ្លាតឆ្ងាយយូរឆ្នាំ appeared first on Kampuchea Thmey Daily.

លោក ហេង ប៊ុនលាភ ធ្លាក់ខ្លួនឈឺ តម្រូវឱ្យព្យាបាលប្រញាប់ នៅប្រទេសថៃ

deth leng — Fri, 03 Dec 2021 08:40:34 +0000

តារាចម្រៀងលោក ហេង ប៊ុនលាភ បានធ្វើឱ្យមហាជន និងគាំទ្រមានការភ្ញាក់ផ្អើលហើយបង្ហាញការព្រួយបារម្ភ ខណៈសុខៗស្រាប់តែឃើញលោកចូលសង្គ្រោះនៅមន្ទីពេទ្យក្នុងទឹកដីថៃ។

យោងតាមការបង្ហោះនៅលើគណនីហ្វេសប៊ុកដែលមានឈ្មោះ Hok Veasna បានរៀបរាប់ថា កុំរួមតែសុខទោះទុក្ខក៏រួមដែរមកថែជំងឺបង Heng Bunleap សូមឱ្យបងចៀសផុតពីជំងឺកាចសាហាវទាំងអស់។

ម្ចាស់គណនីហ្វេសប៊ុកដដែលនេះក៏បានឆ្លើយតបចំពោះការសួរនាំរបស់មហាជនដែរថាបងប្រុសរប ស់ខ្លួនគឺលោក ហេង ប៊ុនលាភ ចូលពេទ្យព្រោះកើតជំងឺតម្រងនោមធ្ងន់ធ្ងរដែលតម្រូវឲ្យមានការព្យាបាលប្រញ៉ាប់។ ដោយឡែកលោក ហេង ប៊ុនលាភក៏បានធ្វើការអំពាវនាវឲ្យមហាជនថែរក្សាសុខភាពផងដែរ។

លោក ហេង ប៊ុនលាភ បានលើកឡើងដោយខ្លីថាជីវិត និងជំងឺអ្វីៗបាត់បង់បណ្តើរៗ។ចូរបងប្អូនថែរ ក្សាសុខភាពជីវិតដើម្បីពិភពលោកដ៏ស្រស់បំព្រង៕

អត្ថបទ៖ចាន់រ៉ា

The post លោក ហេង ប៊ុនលាភ ធ្លាក់ខ្លួនឈឺ តម្រូវឱ្យព្យាបាលប្រញាប់ នៅប្រទេសថៃ appeared first on Kampuchea Thmey Daily.

ទើបបង្ហាញតម្រុយវិលចូលសិល្បៈឥឡូវ ហេង ប៊ុនលាភ ទទួលបានការងារនេះ

Kang Tola — Tue, 14 Sep 2021 11:32:00 +0000

ភ្នំពេញ ៖ មហាជនដឹងហើយថា អតីតតារាចម្រៀងដែលស្រូបបានភាពល្បី ល្បាញតាមរយៈបទ«ទឹក ភ្នែកស្វាមីស្រីឡង់សេ» គឺលោកហេង ប៊ុនលាភ បន្ទាប់ពីសាងកេរ្តិ៍ឈ្មោះលើទីផ្សារសិល្បៈនោះលោកក៏បាត់វត្តមានទៅវិញយូរឆ្នាំមកហើយ។

កាលនោះគេចាំបានថា ក្រោយបាត់វត្តមានពីសិល្បៈ នោះលោកហេង ប៊ុនលាភ ក៏ត្រូវបានគេដឹងថាលោកសម្រេចដើរចេញពីវិថីសិល្បៈដោយងាកទៅប្រើជីវិតយ៉ាងសាមញ្ញនៅឯជនបទស្រុកស្រែចម្ការជាមួយក្រុមគ្រួសារយ៉ាងមានសេចក្តីសុខខ្លាំងហាក់មិនអាល័យអាជីពចាស់ឡើយ។

ដោយឡែកស្រាប់តែថ្មីៗនេះ តារាចម្រៀងទឹកដមមនោសញ្ចេតនាលោក ហេង ប៊ុនលាភ បានបង្ហាញតម្រុយហាក់ចង់វិលចូលវិថីសិល្បៈតាមគន្លងអតីតកាលវិញធ្វើឲ្យអ្នកគាំទ្រចាប់អារម្មណ៍គ្រប់គ្នា។ ប៉ុន្តែគេមិនដឹងថា ការពិតឬបែបណាទេ។ លោក ហេង ប៊ុនលាភ បានសរសេរសំណេរខ្លីភ្ជាប់នឹងចេតនាចង់វិលមកច្រៀងដូច្នេះថា «ចង់ក្លាយជាអ្នកចម្រៀងដូចមុន»។

ប៉ុន្តែយ៉ាងណាមិញ បន្ទាប់ពីបង្ហាញតម្រុយនេះមិនទាន់បានប៉ុន្មានផងមុននេះគេក៏ឃើញលោក ហេង ប៊ុនលាភ បានបង្ហោះរូបភាពជាច្រើនសន្លឹកដែលថតជុំគ្នារួមមិត្តភក្តិរួមអាជីពសិល្បៈល្បីៗជាច្រើនដួងខណៈក៏មានវត្តមានលោក ទេព រិន្ទដារ៉ូ ផងដែរ។

ខ្លឹមសារដែលលោក ហេង ប៊ុនលាភ លើកឡើងនៅ ក្នុងសំណេរនោះបាននិយាយខ្លីថាលក់ដីមិនដាច់ លក់ខ្លួនម្តង។ តាមរយៈសំណេរនេះដែរភ្លាមៗ លោកទេព រិន្ទដារ៉ូ បានចូលផ្ញើសារឆ្លើយតបដែរថា Nice បានធ្វើការរួមគ្នាម្តងទៀត។ ដោយសារសកម្មភាពនេះទើបអ្នកគាំទ្រយល់ថាលោក ហេង ប៊ុនលាភ កំពុងទទួលបានការងារសិល្បៈឡើងវិញ៕

ដោយ ៖ ចាន់រ៉ា

The post ទើបបង្ហាញតម្រុយវិលចូលសិល្បៈឥឡូវ ហេង ប៊ុនលាភ ទទួលបានការងារនេះ appeared first on Kampuchea Thmey Daily.