គិតត្រឹមថ្ងៃទី ១៣ ខែ​មករា ឆ្នាំ ២០២១ ទ្រព្យសម្បត្តិ​សុទ្ធ​របស់ Jack Ma មានចំនួន ៥១.១ ពាន់​លាន​ដុល្លារ និង​ជា​មហាសេដ្ឋី​ទី ២៥ នៅ​លើ​ពិភពលោក នេះ​បើ​យោងតាម ​​Bloomberg ។

១ ការវិនិយោគបែបប៊ូហ្វេ

ជារឿយៗ លោកត្រូវបានគេប្រដូចទៅនឹង Warren Buffett នៃក្រុមហ៊ុន Berkshire Hathaway Inc. ។ Ma គឺជាអ្នកវិនិយោគដ៏ឆ្នើមម្នាក់ ដែលមិនខ្មាស់អៀន ​ក្នុងការ​ផ្តល់​ហិរញ្ញប្បទាន​គ្រប់​ដំណាក់កាល​នៃ​ការ​បណ្ដាក់ទុន ចាប់​ពី​ការ​ផ្ដល់​មូលនិធិ​ដល់​ក្រុមហ៊ុន ​ដែលបានបង្កើតឡើង។ ការវិនិយោគរបស់គាត់​ភាគច្រើន ​ត្រូវបានធ្វើឡើងតាមរយៈ Yunfeng Capital ឬក្រុមហ៊ុន​សែល​ផ្សេងៗ។ លោក​បាន​បង្កើត​ក្រុមហ៊ុន​បណ្ដាក់ទុន​វិនិយោគ Yunfeng Capital ជាមួយនឹងសហការីចំនួន ៤នាក់ ក្នុងឆ្នាំ ២០១០ ។ Yunfeng វិនិយោគនៅក្នុងក្រុមហ៊ុនដំណាក់កាលដំបូង ​នៅទូទាំង​ឧស្សាហកម្ម​មួយចំនួន។ វិស័យវិនិយោគ Yunfeng រួមមាន៖ ការថែទាំសុខភាព ,ការធានារ៉ាប់រង ,ប្រព័ន្ធផ្សព្វផ្សាយដ៏ធំ ថាមពលស្អាត ,ទំនិញប្រើប្រាស់ ហិរញ្ញវត្ថុ,បច្ចេកវិទ្យា ,ផលិតផល និង សេវាកម្មអ៊ីនធឺណិត ។

២ ការវិនិយោគឯកជន

មិនមែនមូលនិធិទាំងអស់របស់លោក ត្រូវបានវិនិយោគ​នៅក្នុងក្រុមហ៊ុនសាធារណៈទេ។ មួយ​ផ្នែក​ធំ​នៃ​ទ្រព្យសម្បត្តិ​របស់​គាត់​ ត្រូវ​បានវិនិយោគជាឯកជន តាមរយៈការតភ្ជាប់ និងក្រុមហ៊ុន​កាន់កាប់​ផ្សេងៗ។ មូលនិធិសមធម៌​ឯកជន​មួយ ​គឺ Star Capital ដែល​វិនិយោគ​ក្នុង​វិស័យ​អាជីវកម្ម​ជា​ច្រើន រួម​ទាំង​អចលនទ្រព្យ​នៅ​ក្នុង​ប្រទេស​ចិន និងនៅទូទាំងទ្វីបអឺរ៉ុប។ ផ្នែក​សំខាន់​នៃ​អាជីវកម្ម​សេវាកម្ម​ហិរញ្ញវត្ថុ​របស់ Alibaba រួមទាំង Alipay ត្រូវ​បាន​គ្រប់គ្រង​ដោយ​ក្រុមហ៊ុន​កាន់កាប់​មួយ​ផ្សេង​ទៀត​ ដែល​ត្រូវ​បាន​គ្រប់គ្រង​ដោយលោក និងអ្នក​វិនិយោគ​ផ្សេង​ទៀត។

ក្នុងឆ្នាំ ២០១៤ Jack Ma និងអ្នកវិនិយោគមួយចំនួនទៀត បានដាក់ទឹកប្រាក់ចំនួន ១ ពាន់លានដុល្លារ​ ដើម្បីទិញភាគហ៊ុន ២០% នៅក្នុង Wasu Media។ សហគ្រាសដៃគូវិនិយោគ Hangzhou Yunxi ដែលបង្កើតការវិនិយោគក្នុងនាមដៃគូទាំងបីរបស់ខ្លួន រួមទាំង Ma ត្រូវបានគ្រប់គ្រងដោយអង្គភាពចំនួនបី ដាច់ដោយឡែកពីគ្នា។ មួយក្នុងចំនោមនោះ Hangzhou Yun Huang Investment Management គឺ ៩៩% គ្រប់គ្រងដោយ Ma និង ១% ទៀតគ្រប់គ្រងដោយ Simon Xie ។ ប្រាក់កម្ចីចំនួន ១ ពាន់លានដុល្លារត្រូវបានធ្វើឡើងទៅ Xie ពី Alibaba ហើយបន្ទាប់មកបានវិនិយោគទៅក្នុងភាពជាដៃគូ Yunxi សម្រាប់ការទិញភាគហ៊ុន Wasu ។ ឆ្លៀត​ក្នុង​ផ្លូវ​ដ៏​ច្របូកច្របល់ លោក Ma បាន​វិនិយោគ​ផ្ទាល់​ខ្លួន​នៅ Wasu និង​ចំណង់​ចំណូល​ចិត្ត​ប្រព័ន្ធ​ផ្សព្វផ្សាយថែមទៀត។

៣ ប្រព័ន្ធផ្សព្វផ្សាយ កីឡា និងការកម្សាន្ត

ក្រុមហ៊ុនកម្សាន្ត Huayi Brothers បង្កើតឡើងដំបូងក្នុងឆ្នាំ ១៩៩៤ ។ Yunfeng ក្រុមហ៊ុនអ៊ីនធឺណិតយក្ស​របស់ចិន Tencent Holdings Limited និង Huayi បានទិញផលប្រយោជន៍គ្រប់គ្រង នៅក្នុងវា​តាមរយៈសាជីវកម្មសែលទទេមួយ ដែលមានឈ្មោះថា China Jiuhao Health Industry Corporation Limited ។

នៅខែមករា ឆ្នាំ ២០១៩ ក្រុមហ៊ុន Pictures Group របស់ Alibaba (ជាក្រុមហ៊ុនបុត្រសម្ព័ន្ធរបស់ Alibaba) បានពង្រីកប្រាក់កម្ចី ១ លានដុល្លារដល់ Huayi Brothers ។ ជាថ្នូរនឹងការត្រលប់មកវិញ Huayi បានសន្យាថានឹងផលិតខ្សែភាពយន្តចំនួន ១០ ក្នុងរយៈពេល ៥ ឆ្នាំខាងមុខ ដោយផ្តល់អាទិភាពដល់ Alibaba Pictures ក្នុងនាមជាអ្នកវិនិយោគ អ្នកចែកចាយ និងអ្នកជំនួញដ៏មានសក្តានុពល។

ក្នុងឆ្នាំ ២០១៥ Yunfeng បានចូលរួមក្នុងការផ្តល់មូលនិធិដំបូងចំនួន ១២៩ លានដុល្លារសម្រាប់ Le TV Sports ដែលជាក្រុមហ៊ុនសិទ្ធិកីឡា និងការផ្សាយបន្តបន្ទាប់ដែលបន្តទទួលបាន ១.២ ពាន់លានដុល្លារនៅក្នុងការផ្តល់មូលនិធិស៊េរី B ក្នុងឆ្នាំ ២០១៦ ៕

ប្រែសម្រួល៖ សាង ស្រីល័ក្ខ

ចុចអាន៖សេដ្ឋី​ជេកម៉ា​ថា ចង់​មានបាន ចូរ​កាត់​ចោល​ចំណុច​ទំាង​នេះ​បន្ទាន់

ចុចអាន៖៣ ម៉ាត់របស់ Jack Ma ជំរុញសហគ្រិននានាទទួលផលល្អក្នុងអាជីវកម្ម

The post Jack Ma មានជំនួញអ្វីខ្លះក្នុងដៃ ហេតុអ្វីគេចាត់ទុកលោក ជាបុគ្គលមានឥទ្ធិពលខ្លាំង ? appeared first on Kampuchea Thmey Daily.

ស្ថាបនិកក្រុមហ៊ុន Alibaba រូបនេះត្រូវបានគេកំណត់គោលដៅ បន្ទាប់ពីគាត់ហ៊ានរិះគន់និយតករហិរញ្ញវត្ថុរបស់ប្រទេសចិន ហើយពេលនេះ គាត់មានទឹកប្រាក់ ៣៩.៦ពាន់លានដុល្លារ។

មហាសេដ្ឋី Zhong Shanshan ដែលជាអតីតអ្នកសារព័ត៌មាន ពេលនេះក្លាយជាអ្នកមានទ្រព្យសម្បត្តិច្រើនជាងគេនៅក្នុងប្រទេសចិន ដែលមានទឹកប្រាក់ប្រមាណ ៦០.៥ ពាន់លានដុល្លារ។ នេះបើយោងតាមការចេញផ្សាយនាពេលថ្មីៗដោយទស្សនាវដ្តី ​​Hurun Rich List។

លោក Ma បានព្យាយាមគេចវេះពីក្រសែភ្នែកសាធារណជន ក្នុងរយៈពេលប៉ុន្មានខែថ្មីៗនេះ ចាប់តាំងពីគាត់បានរិះគន់ជាសាធារណៈ លើប្រព័ន្ធបទប្បញ្ញត្តិរបស់ប្រទេសចិន នៅក្នុងសុន្ទរកថាមួយកាលពីឆ្នាំមុន ប៉ុន្តែកាលពីសប្តាហ៍មុន គាត់បានធ្វើដំណើរទៅក្រៅប្រទេសជាលើកដំបូងចាប់តាំងពីរឿងអាស្រូវបានផ្ទុះឡើង។

បន្ទាប់ពីការអត្ថាធិប្បាយនោះ មុខជំនួញរបស់គាត់បានស្ថិតក្រោមការត្រួតពិនិត្យយ៉ាងតឹងរ៉ឹងពីនិយតករ ដល់ថ្នាក់ឈានទៅដល់ការព្យួរ IPO របស់ក្រុមហ៊ុន Ant Group ដែលមានតម្លៃ៣៧ ពាន់លានដុល្លារ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អតីតកម្មករសំណង់ ផ្តួល Jack Ma ក្លាយជាអ្នកមានបំផុតរបស់ ចិន

The post ចិនលេងមួយក្បាច់ Jack Ma ធ្លាក់ច្រើនលេខ លែងឈរទីកំពូល ក្នុងបញ្ជីអ្នកមានបំផុត appeared first on Kampuchea Thmey Daily.

ជម្រើស​របស់សេដ្ឋីអាលីបាបាគឺសាមញ្ញណាស់ លោកថាខំច្រើនយ៉ាងណាក៏ដោយ បើមិនឆ្លាតវៃ​ មិនច្នៃស្ថានការណ៍ មិនយកចិត្ត​ទុកដាក់ មិនមានវិន័យ​គឺអសារបង់។

សកម្មភាព​ខ្លីៗខាងក្រោមនេះ ​​បើនៅបន្ត​អនុវត្តគ្រប់គ្នានឹងមិនអាចក្លាយជាអ្នកមាន​បានឡើយ។ មានអ្វីខ្លះ?

ទីមួយ មិនប្រើគណិតវិទ្យាមូលដ្ឋានក្នុងការ​រស់នៅ

ការរកលុយគឺជាដំណើរការគណិតវិទ្យា។ ចំនួនទឹកប្រាក់ដែលគ្រប់គ្នា រកបានក្នុងមួយម៉ោងៗ នឹងត្រូវ​ចំណាយមួយចំណែកទៅការ​ហូបចុក ជ្រកកោន បង់ពន្ធហើយ បន្ទាប់ទុកខ្លះវិនិយោគរកប្រាក់ចំណេញបង្កើតជាចំណូល។ អ្នកដែលមិនធ្វើវិធីនេះ គឺជាអ្នកក្រ។​ ពួកគេ​ចាយអស់ៗនូវចំណូល បានន័យថាគ្មានចំណូល។

ទីពីរ សុខចិត្ត​សន្សំទុកក៏មិនយកទៅបង្កើន​ប្រាក់ចំណូល

នេះគឺជាភាពខុសគ្នាដ៏សំខាន់មួយ​រវាងមនុស្សដែលកំពុងធ្វើការសកម្ម ដើម្បីក្លាយជាអ្នកមាន និងអ្នកដែលព្យាយាមឲ្យខ្លួនឯង«មិនក្រ»។

ការ​សន្សំលុយជាផ្លូវរបស់វណ្ណៈកណ្តាលដែល​អាចនឹងក្រភា្លមៗពេលណាគាត់មានបញ្ហា​ ឧទាហរណ៍​គ្រោះថ្នាក់ឬុជម្ងឺ ប៉ុន្តែហើយ​ទោះគ្មានអ្វី​កើតឡើង​ក៏គ្មានថ្ងៃ​ក្លាយជាមហាសេដ្ឋីបានដែរ។

មធ្យោបាយតែមួយគត់ដើម្បីក្លាយជាអ្នកមានគឺត្រូវរកប្រាក់បាន ហើយវិនិយោគវាបន្ត។ វាជាដំណើរការសាមញ្ញមួយបានន័យ​ថា គ្រប់គ្នា​ត្រូវ​ធ្វើការ​ដើម្បី​រកលុយ បន្ទាប់មក​យកលុយនោះខ្លះ ទៅ​វិនិយោគ​ក្នុងគំរោងផ្សេងទៀតដែលអាចបង្កើតលុយឡើងមកបន្ថែម។ គេធ្វើបែ​បនេះម្តងហើយ​ម្តងទៀតទើប​អាចក្លាយជាអ្នក​មាន​ទ្រព្យធនធានា​សម្រាប់ជីវិត​បាន។

ទីបី ការ​ចំណាយ​ដែល​ច្រើន​ជាង​ចំណូល

ប្រសិនបើចំណាយច្រើនជាងលុយដែល​រកបានមក នោះ​មិនត្រឹមតែនក្លាយជាអ្នកមានទេ ទំនងជានឹងកាន់តែក្រឡើងៗ។ សម្រាប់ហេតុផលខ្លះ មនុស្ស​បច្ចុប្បន្ន យកចិត្តទុកដាក់​ចំពោះ​ការ​បង្ហាញសម្ភារៈ សម្រាប់ទទួលបានការសរសើរ។ ពួកគេ​បានព្យាយាម​ចាយវាយ​លើសពីអ្វី​ដែល​ខ្លួន​រកបាន​ដើម្បី​បង្អួត​អ្នកដទៃ ឬ​ផ្គាប់ចិត្ត​របស់​ខ្លួនឯង។ការ​ខ្ចី​ប្រាក់​ដើម្បីទិញរបស់របរ​ដែល​តាមពិត​មិន​ចាំបាច់ គឺ​ជា​សកម្មភាពអ្នកក្រ។

ទីបួន  ការ​ខ្វះវិន័យ

ការកសាងអ្វីៗគ្រប់យ៉ាង​ត្រូវការពេលវេលា ការតាំង​ចិត្ត និងវិន័យ។ភាព​ជោគជ័យ​គឺជាផលបូកនៃសកម្មភាពតូចតាច ដែល​ធ្វើ​ឡើង​វិញ​ជា​រៀងរាល់ថ្ងៃ​ក្នុងរយៈពេលយូរ មនុស្ស​គ្មាន​វិន័យ មិនដែលតស៊ូបានទេ។មនុស្ស​ដែល​មាន​វិន័យ គេ​អាច​ធ្វើអ្វីៗ​គ្រប់យ៉ាងទោះបី​ពួកគេ​មាន​អារម្មណ៍​យ៉ាងណាក៏ដោយពួកគេបង្ខំខ្លួនឯង​ឲ្យបញ្ចប់វា។ ប្រសិនបើជាយើង​មិន​អាចធ្វើជាម្ចាស់​នៃ​សកម្មភាព​ខ្លួនឯង​បាន យើង​ចង់​ឲ្យ​​គេ​បង់ប្រាក់ហើយ​គ្រប់គ្រង​ជីវិត​យើង? អញ្ចឹង​យើងនឹងជោគជ័យ ឬ​ក្លាយ​ជា​អ្នកមាន​ដោយ​វិធី​ណា?

ទី៥ រង់ចាំ​សំណាង

បើយើងស្ថិតក្នុងចំណោមមនុស្ស​ណា​ដែលគិតថា អ្នកផ្សេងៗ​ជោគជ័យ​ព្រោះ​តែពួកគេ​មានសំណាង យើង​នឹង​គ្មានថ្ងៃទៅណារួច​ក្រៅ​ពីស្ថានភាព​ដដែលនេះទេ។ សំណាងគឺជាជំនឿ តែវាមិនមែនជាការសម្រេចចិត្តទេ។ អ្នកកំពុងមាន​សំណាងរួចហើយដែលអានប៉ះអត្ថបទនេះ ។ ចង់និយាយថា​អ្នកណាដែលដឹងខ្លួនទាន់់ពេលឡើងវិញ​ចាប់ផ្ដើម វិនិយោគ និង​មានវិន័យ​ចំពោះការ​ចាយវាយ​អ្នកនោះនឹងមានបាន។

ទី៦ ចូលចិត្ត​ឲ្យ​អ្នកដទៃ​ជួល​ប្រើ

អ្នកក្រខ្លះ អាចលោតចូលវណ្ណៈកណ្តាលបាន ប្រសិនបើពួកគេមានឆន្ទៈ មានទេពកោសល្យ មានពិសោធន៍ និងទទួលបានប្រាក់ខែខ្ពស់។

វណ្ណៈ​កណ្តាល អាចមាន​ស្ថានការណ៍រស់នៅប្រសើរឡើង អាស្រ័យ​លើ​ជំនាញដែលពួកគេ​មាននិងឱកាស​​ទទួលបានប្រាក់ខែច្រើន  ប៉ុន្តែ​ចូរចាំ​ថា គ្មានអ្នកណា​ចាយលុយ​ច្រើនៗមកជួលយើង ឲ្យ​ធ្វើការងារ​ស្រួលៗនោះទេ។អ្នកដែលទទួលបានប្រាក់ខែខ្ពស់ៗ គឺត្រូវ​បាន​គេ​ជួលមក​ដើម្បី​ដោះស្រាយ​បញ្ហាធំ ៗ ឬដោះស្រាយ​បញ្ហា​បុគ្គលិកផ្សេងរាប់រយនាក់​ជំនួស​គេ ឬ​ចូលមករកលុយ​ឲ្យ​គេ។ នេះគឺជាច្បាប់មួយក្នុងចំនោមច្បាប់នៃហ្គេមក្នុងពាណិជ្ជកម្ម ហើយត្រូវចាំថា យើង​ឆ្លាតប៉ុណ្ណាក៏ដោយ យើងមានតែ មានតែ ២៤ ម៉ោងក្នុងមួយថ្ងៃប៉ុណ្ណោះ ហើយ​យើង​លក់​អស់៨ម៉ោង​ដែលជាម៉ោងសកម្មបំផុត​នោះ​ឲ្យ​ទៅគេទៅហើយ ​បើលុយដែលយើងរកមកនោះ មិន​បាន​វិនិយោគបន្ថែមទេ​នៅពេលដែលយើង​ឈឺឬចាស់ យើង​នឹង​ប្រឈម​មុខ​ការលំបាកវិញ។ ចំណែក​ការក្លាយជាអ្នកមាន​គឺគ្មាន​ផ្លូវទេ៕

ប្រែសម្រួល៖ ចម្រើន​តារា

ចុចអាន៖តើ Jack Ma កំពុងនៅឯណា? ពេលនេះ ក្រុមហ៊ុន Alibaba ចេញមុខបញ្ជាក់

ចុចអាន៖៣ ម៉ាត់របស់ Jack Ma ជំរុញសហគ្រិននានាទទួលផលល្អក្នុងអាជីវកម្ម

The post សេដ្ឋី​ជេកម៉ា​ថា ចង់​មានបាន ចូរ​កាត់​ចោល​ចំណុច​ទំាង​នេះ​បន្ទាន់ appeared first on Kampuchea Thmey Daily.

សេដ្ឋកិច្ចរបស់ចិន ត្រូវបានគេមើលឃើញថា មានការរីកលូតលាស់ស្របពេលហិរញ្ញវត្ថុរបស់ប្រទេសផ្សេងទៀតនៅលើពិភពលោក កំពុងរងផលប៉ះពាល់ដោយសារជំងឺរាតត្បាតកូវីដ១៩។

កំណើននេះជួយឲ្យប្រទេសចិនបង្កើតបានមហាសេដ្ឋីថ្មីៗ ដោយលោក Zhong Shanshan នៃក្រុមហ៊ុនទឹកបរិសុទ្ធ Nongfu ក្លាយជាអ្នកមានបំផុតរបស់ប្រទេសចិនបន្ទាប់ពីយកឈ្នះលោក Jack Ma ដែលមានបញ្ហាជាមួយថ្នាក់ដឹកនាំចិន ក្នុងរយៈពេល១២ខែចុងក្រោយ។

លោក Zhong មានទ្រពសម្បត្តិប្រមាណ៨៥ពាន់លានដុល្លារ បន្ទាប់ពីម៉ាកភេសជ្ជៈរបស់គាត់ដែលមានលក់តែ កាហ្វេនិងទឹកផ្លែឈើក៏ដូចជាដបទឹកសុទ្ធ ត្រូវបានផ្សព្វផ្សាយជាសាធារណៈ។

ក្នុងនាមជាអតីតកម្មករសំណង់ លោក Zhong រកលុយបានតាមរយៈការលក់ភាគហ៊ុនជាសាធារណៈលើកដំបូងចំនួន១.១ពាន់លានដុល្លារ នៅក្នុងទីក្រុងហុងកុងកាលពីឆ្នាំមុន។

បញ្ជីអ្នកមានសកលលោករបស់ក្រុមហ៊ុន Hurun បានបង្ហាញថា ជនជាតិចិនចំនួន២៥៩នាក់ បានក្លាយខ្លួនជាមហាសេដ្ឋីមានទឹកប្រាក់រាប់ពាន់លានដុល្លារនៅក្នុងឆ្នាំ២០២០ ច្រើនជាងប្រទេសដទៃទៀតនៅលើពិភពលោក ហើយនាំឲ្យប្រទេសនេះមានមហាសេដ្ឋីសរុបចំនួន១,០៥៨នាក់៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ មហាសេដ្ឋីយល់ថា ប្រាក់ជាមូលហេតុភាគច្រើននៃការបែកបាក់ស្នេហា

ចុចអាន៖ សិក្សាពី​មហាសេដ្ឋីជប៉ុនដែលជោគជ័យព្រោះបង្កើតក្រុមហ៊ុនផ្តល់ប្រឹក្សា

The post អតីតកម្មករសំណង់ ផ្តួល Jack Ma ក្លាយជាអ្នកមានបំផុតរបស់ ចិន appeared first on Kampuchea Thmey Daily.