KPT+
មហាសេដ្ឋីយល់ថា ប្រាក់ជាមូលហេតុភាគច្រើននៃការបែកបាក់ស្នេហា
លោក Goldman ជាម្ចាស់ក្រុមហ៊ុនវិនិយោគ និងសេវាកម្មហិរញ្ញវត្ថុអាមេរិក និយាយថា កត្តាហិរញ្ញវត្ថុ ៤ យ៉ាងអាចទាញទម្លាក់ទំនាក់ទំនងរបស់ដៃគូឱ្យខ្ញែកគ្នាបានយ៉ាងងាយស្រួល ៖
១. មិនព្រមចែកគ្នាចំណាយ
លោក Goldman មានប្រសាសន៍ថា ប្រាក់ជាបុព្វហេតុឈានមុខគេមួយនៃភាពមិនចុះសម្រុងគ្នារវាងទំនាក់ទំនងរបស់ដៃគូ។ លោកថា ដៃគូអាចបង្កជម្លោះដោយសារទំនាស់ពាក្យសំដី រឿងតិចតួច ប៉ុន្តែចំណុចពិសេសទាក់ទងនឹងការចំណាយរួមគ្នា ដោយអ្នកម្ខាងរំពឹងម្ខាងទៀតឲ្យចំណាយជំនួសខ្លួនជានិច្ច។
ដំណោះស្រាយគឺត្រូវសសម្របសម្រួល ហើយកុំចេះតែឲ្យដៃគូមិនសប្បាយចិត្តចំពោះការចេញលុយតែម្នាក់ឯង ទាំងដែលយើងក៏ជាអ្នកចាយវាយដែរ។
២. មិនរំលែកទុក្ខលំបាករួមគ្នា
ហេតុអ្វីជុំវិញពិភពលោក តែងតែមានមនុស្សដែលទើបតែរៀបការរួច ហើយលែងលះគ្នាវិញ ឬដៃគូស្នេហាបែកបាក់គ្នា? នេះក៏ដោយសារតែភាពមិនចុះសម្រុង មិនរំលែកទុក្ខលំបាករួមគ្នា ចូលចិត្តយកល្អតែខ្លួនឯង។
លោក Goldman ណែនាំឱ្យនិយាយជាមួយដៃគូពីការចូលរួមជួយគ្នាទៅវិញទៅមក មិនថាជារូបិយវត្ថុ ឬទិញផ្ទះ ឬជួសជុលផ្ទះក៏ដោយ។
៣. មិនដោះស្រាយបំណុលរួមគ្នា
រឿងនេះអាចគ្រប់គ្រងបានដរាបណាអ្នកទាំងពីរពិភាក្សាវាតាំងពីដំបូង មុនពេលចាប់ផ្ដើមកាន់តែធ្ងន់ធ្ងរ។ ដូចគ្នានេះផងដែរ យើងត្រូវនិយាយពីរបៀបចំណាយសម្រាប់គ្រប់រឿងទាំងអស់មិនថា ម្ហូបអាហារ សម្ភារ ឬបង់រំលស់។ល។
ប្រសិនបើដៃគូទាំងពីរមិនយល់ព្រមដោះស្រាយលើបំណុលរួមគ្នាទេ នោះមនោសញ្ចេតនាស្នេហារវាងអ្នកទាំងពីរ អាចនឹងឈានទៅរកបែកបាក់ ព្រោះតែប្រាក់វ័ន្តក។
៤. ចូលចិត្តចំណាយពេលវិនិច្ឆ័យដៃគូ
ចុងក្រោយលោក Goldman បន្ថែមទៀតថា ដៃគូមិនមែននិយាយពីម្នាក់ក្នុងចំណោមអ្នកទាំងពីរថា នរណាជាមនុស្សល្អជាងឬមានតម្លៃជាងនោះទេ។ បញ្ហានេះគឺថា ដៃគូត្រូវស្វែងយល់ពីទស្សនៈរបស់ដៃគូម្នាក់ទៀត និងការយល់ចិត្តគ្នា ។
ជួនកាលអ្នកទាំងពីរអាចមានទម្លាប់ហិរញ្ញវត្ថុខុសគ្នាទាំងស្រុង។ ម្នាក់អាចមានទំនោរចំណាយច្រើន រីឯអ្នកផ្សេងទៀតចូលចិត្តសន្សំ។ ទោះបីពួកគេជាអ្វីក៏ដោយ ចូរដោះស្រាយបញ្ហាដោយគ្មានការវិនិច្ឆ័យគ្នាទៅវិញទៅមក៕
ប្រែសម្រួល៖ សាង ស្រីល័ក្ខ
ចុចអាន៖ សុខភាពផ្លូវចិត្ភរបស់បុរសងាយប៉ះពាល់ខ្លាំង ទោះបីជាមិនសូវបង្ហាញចេញ
ចុចអាន៖ ទស្សនៈអំពី សង្សារនិងអាពាហ៍ពិពាហ៍ ឬការរួមរស់មុនរៀបការ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត