លោក Nostradamus Archives - Kampuchea Thmey Daily

ហេតុការណ៍រញ្ជួយពិភពលោកមួយ ប្រហែលជាកើតឡើងដូចទំនាយរបស់ហោរា Nostradamus មែនហើយ ក្នុងឆ្នាំនេះ

Sok Sovann — Thu, 24 Feb 2022 01:46:27 +0000

តាមទំនាយដ៏រន្ធត់មួយ ហោរាជនជាតិបារាំងនៅសតវត្សរ៍ទី១៦ដ៏ល្បីល្បាញឈ្មោះ Nostradamus បានទស្សន៍ទាយថា នឹងមានសង្រ្គាមនៅអឺរ៉ុបក្នុងឆ្នាំ២០២២ ហើយរឿងនេះប្រហែលជាកើតឡើងមែន។

លោកបានទស្សន៍ទាយអំពីដុំភ្លើងដ៏ធំនៅទីក្រុងឡុងដ៍, ការមកដល់របស់ Adolf Hitler, ការធ្វើឃាតលោក John F Kennedy ហើយខណៈដែលរុស្ស៊ីកំពុងបង្កព្យុះភ្លៀងនៅភាគខាងលិច គេកត់សម្គាល់ថា ហោរារូបនេះក៏បានទស្សន៍ទាយអំពីសង្រ្គាមដែលនឹងមកដល់នៅពេលណាមួយក្នុងឆ្នាំនេះផងដែរ។

Michel de Nostradame បានបោះពុម្ពសៀវភៅដ៏ល្បីល្បាញ Les Propheties នៅឆ្នាំ១៥៥៥ ដែលក្នុងនោះ មានការព្យាករណ៍ចំនួន ៩៤២។

ថ្វីបើវាមានភាពលំបាកក្នុងការកំណត់កាលបរិច្ឆេទពិតប្រាកដជាមួយនឹងការទស្សន៍ទាយរបស់ Nostradamus ព្រោះគាត់មិនផ្អែកលើប្រតិទិនក៏ដោយ ប៉ុន្តែការទស្សន៍ទាយអំពីសង្រ្គាមដែលឈានដល់ទ្វីបអឺរ៉ុប គឺជារឿងមួយដែលគេគណនាថា ប្រហែលជាកើតក្នុងឆ្នាំ២០២២នេះ។

ការលើកឡើងរបស់គាត់ចំពោះការគំរាមកំហែងពីភាគខាងកើត គឺសមនឹងស្ថានភាពបច្ចុប្បន្នជុំវិញរុស្ស៊ី ដែលមើលទៅទំនងជាវាយប្រហារប្រទេសអ៊ុយក្រែន។

ក្រៅពីនេះ លោក Nostradamus ក៏បានទស្សន៍ទាយអំពីហេតុការណ៍ផ្សេងទៀតផងដែរ ដូចជាអាចម៍ផ្កាយវាយប្រហារផែនដីបណ្តាលឲ្យមានមនុស្សស្លាប់យ៉ាងច្រើន, អន្តោប្រវេសន៍នឹងកើនឡើងដោយសារតែសង្គ្រាម, សង្គ្រាមអាកាសធាតុនឹងកើតឡើង, ការដួលរលំនៃសហភាពអឺរ៉ុប, ទីក្រុងប៉ារីសស្ថិតនៅក្រោមការឡោមព័ទ្ធ, ការស្លាប់របស់លោកគីមជុងអ៊ុន និងការរញ្ជួយដីដ៏ធំមួយ នៅក្នុងប្រទេសជប៉ុន។

ទោះបីជាយ៉ាងណាក៏ដោយ នេះគ្រាន់តែជាការទស្សន៍ទាយប៉ុណ្ណោះ ហើយពិភពលោកនឹងរង់ចាំមើលថាតើមានហេតុការណ៍អ្វីខ្លះកើតឡើង៕

ប្រែបម្រួល៖ Vann Vann

ប្រភព៖ Daily Star

ចុចអាន៖ រឿងមួយពិភពលោកភ័យខ្លាចបំផុត បើកើតឡើងនៅឆ្នាំ២០២២ ដូចក្នុងទំនាយមែន

The post ហេតុការណ៍រញ្ជួយពិភពលោកមួយ ប្រហែលជាកើតឡើងដូចទំនាយរបស់ហោរា Nostradamus មែនហើយ ក្នុងឆ្នាំនេះ appeared first on Kampuchea Thmey Daily.

រឿងមួយពិភពលោកភ័យខ្លាចបំផុត បើកើតឡើងនៅឆ្នាំ២០២២ ដូចក្នុងទំនាយមែន

Sok Sovann — Tue, 28 Dec 2021 07:07:39 +0000

តាមការទស្សន៍ទាយរបស់ហោរាជនជាតិបារាំងនៅសតវត្សរ៍ទី១៦ឈ្មោះ Nostradamus បានឲ្យដឹងថា ឆ្នាំ២០២២ខាងមុខ ពិភពលោកនឹងរងគ្រោះដោយទឹកជំនន់ និងគ្រោះរាំងស្ងួត យ៉ាងធ្ងន់ធ្ងរ ក៏ដូចជាភាពអត់ឃ្លានដ៏ធំនាពេលអនាគតផងដែរ។

ហោរាជនជាតិបារាំងឈ្មោះ Nostradamus

លើសពីនេះ នៅមានរឿងរ៉ាវជាច្រើនទៀត ដែលគាត់បានទស្សន៍ទាយថា នឹងកើតឡើងក្នុងឆ្នាំ២០២២ ហើយមានរឿងមួយធ្វើឲ្យពិភពលោកភ័យខ្លាចខ្លាំងបំផុត បើសិនជាកើតឡើងមែន។

គាត់បានធ្វើការទស្សន៍ទាយ នៅក្នុងសៀវភៅ “Les Propheties” ដ៏ល្បីល្បាញរបស់គាត់ ដែលបោះពុម្ពនៅឆ្នាំ១៥៥៥។

សៀវភៅ “Les Propheties”

រឿងដ៏គួរឲ្យភ័យខ្លាចដែលមនុស្សបន់ស្រន់កុំឲ្យកើតឡើងដូចការទស្សន៍ទាយគឺ អាចម៍ផ្កាយវាយប្រហារផែនដី បណ្តាលឲ្យមានមនុស្សស្លាប់យ៉ាងច្រើន។

នៅឆ្នាំ១៥៥៥ លោក Nostradamus បានព្យាករណ៍ថា ផែនដីនឹងរងការវាយប្រហារដោយអាចម៍ផ្កាយ ដែលបណ្តាលឲ្យមនុស្សស្លាប់រង្គាល ទ្រង់ទ្រាយធំ។ លោកបានសរសេរក្នុងសៀវភៅនោះថា “ភ្លើងដ៏អស្ចារ្យ” នឹងធ្លាក់ពីលើមេឃ។

ក្រៅពីរឿងនេះ លោក Nostradamus ក៏បានទស្សន៍ទាយអំពីហេតុការណ៍ផ្សេងទៀតផងដែរ ដូចជា អន្តោប្រវេសន៍នឹងកើនឡើងដោយសារតែសង្គ្រាម, សង្គ្រាមអាកាសធាតុនឹងកើតឡើង, ការដួលរលំនៃសហភាពអឺរ៉ុប, ទីក្រុងប៉ារីសស្ថិតនៅក្រោមការឡោមព័ទ្ធ, ការស្លាប់របស់លោកគីមជុងអ៊ុន និងការរញ្ជួយដីដ៏ធំមួយ នៅក្នុងប្រទេសជប៉ុន។

ទោះបីជាយ៉ាងណាក៏ដោយ នេះគ្រាន់តែជាការទស្សន៍ទាយប៉ុណ្ណោះ ហើយពិភពលោកនឹងរង់ចាំមើលថាតើមានហេតុការណ៍អ្វីកើតឡើងខ្លះ នៅឆ្នាំខាងមុខ?

ប្រែសម្រួល៖ Vann Vann

ប្រភព៖ Wionews

ចុចអាន៖ ក្នុងទំនាយរបស់លោកយាយ Baba Vanga តើពិភពលោក នឹងត្រូវរលាយពេលណា?

The post រឿងមួយពិភពលោកភ័យខ្លាចបំផុត បើកើតឡើងនៅឆ្នាំ២០២២ ដូចក្នុងទំនាយមែន appeared first on Kampuchea Thmey Daily.

អ្នកទស្សន៍ទាយល្បីឈ្មោះម្នាក់ទៀត ប្រាប់ព្រឹត្តិការណ៍កើតឡើងក្នុងឆ្នាំ ២០២២ ខាងមុខ

សាង ស្រីល័ក្ខ — Thu, 23 Dec 2021 00:50:00 +0000

ការព្យាករណ៍របស់លោក Nostradamus នៅឆ្នាំ ២០២២ ដូចដែលបានលើកឡើងដោយគេហទំព័រ GentSide Nostradamus ពីព្រឹត្តិការណ៍គួរឲ្យខ្លាចជាច្រើន សឹងមិនគួរឲ្យជឿ ។

១ អន្តោប្រវេសន៍នឹងកើនឡើងដោយសារតែសង្គ្រាម

លោកបានទស្សន៍ទាយថា សង្គ្រាមនៃឈាមត្រជាក់ គ្រោះមហន្តរាយបានចាប់ផ្ដើម ជាពិសេសគឺភាពអត់ឃ្លាន។ ការព្យាករណ៍នេះបង្ហាញថា នៅឆ្នាំ ២០២២ ភាពអត់ឃ្លានលើពិភពលោកនឹងកើនឡើង ដោយសារតែជម្លោះប្រដាប់អាវុធកើនឡើង។ ជាលទ្ធផល នឹងមានចលនាប្រជាជនកាន់តែច្រើន មានជនចំណាកស្រុកមួយចំនួន បោកបក់នៅលើឆ្នេររបស់អឺរ៉ុប។

២ សង្គ្រាមអាកាសធាតុនឹងកើតឡើងនៅឆ្នាំ ២០២២

ហោរាសាស្ត្រដ៏ល្បីល្បាញរូបនេះ បានប្រកាសថា សង្គ្រាមអាកាសធាតុនឹងចាប់ផ្ដើមក្នុងកំឡុងឆ្នាំ ២០២២។ ជម្លោះបែបនេះអាចកើតឡើងដោយសារតែ កង្វះខាតធនធាននៅក្នុងប្រទេសមួយ ដែលបន្ទាប់មកនឹងវាយប្រហារប្រទេសជិតខាងដើម្បីទទួលបានមធ្យោបាយចិញ្ចឹមជីវិត។

៣ ការដួលរលំនៃសហភាពអឺរ៉ុប

ដំណឹងអាក្រក់នេះ ត្រូវបានប្រកាស នេះក៏ដោយសារសន្ធិសញ្ញាទីក្រុងរ៉ូម ដែលបានផ្តល់សច្ចាប័ននៅឆ្នាំ ១៩៥៧ គឺជាប្រភពដើមនៃការសាងសង់អឺរ៉ុប។ យោងតាមលោក Nostradamus Brexit គ្រាន់តែជាការចាប់ផ្ដើមប៉ុណ្ណោះ ហើយសហភាពអឺរ៉ុបទាំងមូល នឹងមានវាសនាដួលរលំនៅឆ្នាំ ២០២២ ។

៤ ទីក្រុងប៉ារីសស្ថិតនៅក្រោមការឡោមព័ទ្ធ

ការព្យាករណ៍មួយរបស់លោក Nostradamus សម្រាប់ឆ្នាំខាងមុខ ទាក់ទងនឹងទីក្រុងប៉ារីស ដែលនឹងស្ថិតនៅក្រោមការឡោមព័ទ្ធ។ ទីក្រុងដ៏អស្ចារ្យនេះ នឹងមានទាហានឡោមព័ទ្ធតាមវាលស្រែ និងទីក្រុង ។

៥ ការស្លាប់របស់លោក Kim-Jong Un

លោកបានព្យាករណ៍ ពីការស្លាប់របស់មេដឹកនាំកូរ៉េខាងជើង នេះបើយោងតាមហោរាសាស្រ្ត ដែលបានវិភាគការស្លាប់ភ្លាមៗ។ ដូច្នេះ គីម ជុងអ៊ុន នឹងក្លាយជាជនរងគ្រោះ នៃឧបទ្ទវហេតុដែលមិននឹកស្មានដល់។ ទោះជាយ៉ាងណាក៏ដោយ ការស្នងតំណែងរបស់លោក ត្រូវបានធានារួចហើយ ដោយសារសមាជិកនៃគ្រួសាររបស់លោក នឹងទទួលបន្ទុករបស់ប្រទេស។

៦ ការរញ្ជួយដីដ៏ធំមួយ នៅក្នុងប្រទេសជប៉ុន

ការរញ្ជួយដីទីបី ដ៏ធំបំផុតនៅលើទឹកដីនេះ នឹងកើតឡើងក្នុងកំឡុងឆ្នាំ ២០២២ ដែលឆ្ពោះទៅរកភាពធ្ងន់ធ្ងរខ្លាំងរបស់ជនជាតិអាស៊ី ។ ដូច្នេះ ការរញ្ជួយដីនឹងកើតឡើងនៅពាក់កណ្តាលថ្ងៃ។ មានមនុស្សស្លាប់តិចតួច ប៉ុន្តែនៅតែបណ្តាលឲ្យខូចខាតសម្ភារៈដ៏គួរឲ្យភ័យខ្លាច។

យ៉ាងណាមិញ នេះគ្រាន់តែជាការទស្សន៍ទាយរបស់លោក Nostradamus ដែលស្រដៀងទំនាយរបស់លោកយាយពិការភ្នែក Baba Vanga តែប៉ុណ្ណោះ។ នៅឆ្នាំ ២០២២ មកដល់ យើងនឹងបានដឹងច្បាស់ ជាក់ជាមិនខានទេ៕

ប្រែសម្រួល៖ សាង ស្រីល័ក្ខ

ចុចអាន៖ក្នុងទំនាយរបស់លោកយាយ Baba Vanga តើពិភពលោក នឹងត្រូវរលាយពេលណា?

ចុចអាន៖ទំនាយរបស់លោកយាយពិការភ្នែក Baba Vanga សម្រាប់ឆ្នាំ២០២២ ពិតជាគួរឲ្យខ្លាច

The post អ្នកទស្សន៍ទាយល្បីឈ្មោះម្នាក់ទៀត ប្រាប់ព្រឹត្តិការណ៍កើតឡើងក្នុងឆ្នាំ ២០២២ ខាងមុខ appeared first on Kampuchea Thmey Daily.