រឿងមួយពិភពលោកភ័យខ្លាចបំផុត បើកើតឡើងនៅឆ្នាំ២០២២ ដូចក្នុងទំនាយមែន

តាមការទស្សន៍ទាយរបស់ហោរាជនជាតិបារាំងនៅសតវត្សរ៍ទី១៦ឈ្មោះ Nostradamus បានឲ្យដឹងថា ឆ្នាំ២០២២ខាងមុខ ពិភពលោកនឹងរងគ្រោះដោយទឹកជំនន់ និងគ្រោះរាំងស្ងួត យ៉ាងធ្ងន់ធ្ងរ ក៏ដូចជាភាពអត់ឃ្លានដ៏ធំនាពេលអនាគតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ នៅមានរឿងរ៉ាវជាច្រើនទៀត ដែលគាត់បានទស្សន៍ទាយថា នឹងកើតឡើងក្នុងឆ្នាំ២០២២ ហើយមានរឿងមួយធ្វើឲ្យពិភពលោកភ័យខ្លាចខ្លាំងបំផុត បើសិនជាកើតឡើងមែន។

គាត់បានធ្វើការទស្សន៍ទាយ នៅក្នុងសៀវភៅ “Les Propheties” ដ៏ល្បីល្បាញរបស់គាត់ ដែលបោះពុម្ពនៅឆ្នាំ១៥៥៥។

រឿងដ៏គួរឲ្យភ័យខ្លាចដែលមនុស្សបន់ស្រន់កុំឲ្យកើតឡើងដូចការទស្សន៍ទាយគឺ អាចម៍ផ្កាយវាយប្រហារផែនដី បណ្តាលឲ្យមានមនុស្សស្លាប់យ៉ាងច្រើន។

នៅឆ្នាំ១៥៥៥ លោក Nostradamus បានព្យាករណ៍ថា ផែនដីនឹងរងការវាយប្រហារដោយអាចម៍ផ្កាយ ដែលបណ្តាលឲ្យមនុស្សស្លាប់រង្គាល ទ្រង់ទ្រាយធំ។ លោកបានសរសេរក្នុងសៀវភៅនោះថា “ភ្លើងដ៏អស្ចារ្យ” នឹងធ្លាក់ពីលើមេឃ។

ក្រៅពីរឿងនេះ លោក Nostradamus ក៏បានទស្សន៍ទាយអំពីហេតុការណ៍ផ្សេងទៀតផងដែរ ដូចជា អន្តោប្រវេសន៍​នឹង​កើន​ឡើង​ដោយសារ​តែ​សង្គ្រាម, សង្គ្រាម​អាកាសធាតុ​នឹង​កើតឡើង, ការដួលរលំនៃសហភាពអឺរ៉ុប, ទីក្រុង​ប៉ារីស​ស្ថិតនៅ​ក្រោម​ការ​ឡោមព័ទ្ធ, ការ​ស្លាប់​របស់​លោកគីម​ជុងអ៊ុន និងការរញ្ជួយដីដ៏ធំមួយ នៅក្នុងប្រទេសជប៉ុន។

ទោះបីជាយ៉ាងណាក៏ដោយ នេះគ្រាន់តែជាការទស្សន៍ទាយប៉ុណ្ណោះ ហើយពិភពលោកនឹងរង់ចាំមើលថាតើមានហេតុការណ៍អ្វីកើតឡើងខ្លះ នៅឆ្នាំខាងមុខ?

ប្រែសម្រួល៖ Vann Vann

ប្រភព៖ Wionews

ចុចអាន៖ ក្នុងទំនាយរបស់លោកយាយ Baba Vanga តើពិភពលោក នឹងត្រូវរលាយពេលណា?