ជាក់ស្តែង កាលពីវេលាម៉ោង ០៨ និង ៣០ នាទីព្រឹក ថ្ងៃទី ០៥ ខែឧសភា ឆ្នាំ ២០២៦ នេះ គណៈបញ្ជាការឯកភាពសង្កាត់ផ្សារដើមថ្កូវ ដឹកនាំដោយ លោក ហែម សុផាត ចៅសង្កាត់ផ្សារដើមថ្កូវ និងជាប្រធានគណៈបញ្ជាការឯកភាពសង្កាត់ផ្សារដើមថ្កូវ បានចុះរៀបចំសណ្ដាប់ធ្នាប់ និងណែនាំដល់ម្ចាស់ទីតាំងអាជីកម្មនៅតាមដងផ្លូវលេខ ៤៨៨ រហូតដល់កែងផ្លូវលេខ ១៣៥ ស្ថិតក្នុងភូមិ ២ និងភូមិ ៣ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

លោក ហែម សុផាត ចៅសង្កាត់ផ្សារដើមថ្កូវ បានឲ្យដឹងថា ដោយបន្តអនុវត្តតាមការណែនាំពី លោក កៀង លក្ស័ អភិបាលខណ្ឌចំការមន តែងតែគិតគូរជានិច្ចកាលលើបញ្ហាសណ្តាប់ធ្នាប់សាធារណៈ ដើម្បីធានាដល់របៀបរៀបរយ និងសោភ័ណភាពល្អក្នុងទីក្រុង។

លោកចៅសង្កាត់ បញ្ជាក់ថា ការចុះរៀបចំសណ្តាប់ធ្នាប់នៅលើដងផ្លូវលេខ ៤៨៨ រហូតដល់កែងផ្លូវលេខ ១៣៥ ស្ថិតក្នុងភូមិ ២ និងភូមិ ៣ សង្កាត់ផ្សារដើមថ្កូវ ខាងលើ ដើម្បីឲ្យម្ចាស់លំនៅឋានស្របសងខាងផ្លូវដែលកំពុងប្រកបអាជីវកម្មនានាចូលរួមជាមួយអាជ្ញាធរ ក្នុងគោលដៅរក្សាសណ្តាប់ធ្នាប់ ទុកចំណីផ្លូវសម្រាប់ពលរដ្ឋថ្មើរជើង ជៀសវៀងការបន្តរំលោភចិញ្ចើមផ្លូវ ឬចំណីផ្លូវសាធារណៈនាំឲ្យប៉ះពាល់ធ្ងន់ធ្ងរដល់របៀបរៀបរយសាធារណៈ ពិសេសអាចបង្កការកកស្ទះនានាដោយកត្តាបំពានណាមួយ។

ក្នុងនាមអាជ្ញាធរសង្កាត់ផ្សារដើមថ្កូវ លោក ហែម សុផាត សង្ឃឹមថា ប្រជាពលរដ្ឋទាំងអស់ក្នុងមូលដ្ឋាន នឹងចូលរួមអនុវត្តការណែនាំឲ្យបានល្អទាំងអស់គ្នា ដើម្បីជាការរួមចំណែកកែលម្អ និងរក្សាបានសោភ័ណភាពខ្ពស់ក្នុងទីក្រុង៕
អត្ថបទ ៖ រដ្ឋា

The post រដ្ឋបាលសង្កាត់ផ្សារដើមថ្កូវ បន្តយកចិត្តទុកដាក់រៀបចំសណ្តាប់ធ្នាប់តាមដងផ្លូវ ដើម្បីរក្សារបៀបរៀបរយ appeared first on Kampuchea Thmey Daily.

សកម្មភាពនេះ មានការចូលរួមពីកម្លាំងសណ្តាប់ធ្នាប់រដ្ឋបាលខណ្ឌឫស្សីកែវ សហការជាមួយកម្លាំងសណ្តាប់ធ្នាប់សង្កាត់ កម្លាំងប្រជាការពារភូមិទាំង ៦ ក្រោមការដឹកនាំរបស់លោក ហង្ស បញ្ញា ស្មៀនសង្កាត់ តំណាងលោកចៅសង្កាត់ទួលសង្កែទី ២ ព្រមទាំងមានការចូលរួមពីមន្ត្រីខណ្ឌ និងកម្លាំងពាក់ព័ន្ធផ្សេងៗ ទៀត ផងដែរ។

ក្នុងសកម្មភាពនេះ កម្លាំងចម្រុះ បានចុះរៀបចំសណ្តាប់ធ្នាប់តាមដងផ្លូវសាធារណៈ ដោយធ្វើការដោះស្រាយបញ្ហាការលក់ដូរលើចិញ្ចើមផ្លូវ ការចតយានយន្តមិនមានរបៀបរៀបរយ និងការរំខានដល់ការធ្វើចរាចរណ៍។ ជាមួយគ្នានេះដែរ ក្រុមការងារ ក៏បានចូលរួមសម្អាតបរិស្ថាន ប្រមូលសំរាម និងលើកកម្ពស់ការយល់ដឹងអំពីអនាម័យជូនប្រជាពលរដ្ឋក្នុងមូលដ្ឋានផងដែរ។

លោក ហង្ស បញ្ញា បានបញ្ជាក់ថា សកម្មភាពនេះធ្វើឡើងជាប្រចាំ ដើម្បីធានាឲ្យមានសណ្តាប់ធ្នាប់ល្អនៅតាមដងផ្លូវ និងបង្កើនភាពងាយស្រួលក្នុងការធ្វើដំណើររបស់ប្រជាពលរដ្ឋ ក៏ដូចជាកាត់បន្ថយហានិភ័យ នៃគ្រោះថ្នាក់ចរាចរណ៍។

លោក សុខ រ៉ា ម្ចាស់ហាងលក់ទំនិញ និងជាប្រជាពលរដ្ឋរស់នៅតាមបណ្តោយផ្លូវ ៥៩៨ បានបង្ហាញការគាំទ្រយ៉ាងខ្លាំងចំពោះសកម្មភាពរបស់អាជ្ញាធរ។ លោកថា លោកសប្បាយចិត្តណាស់ ព្រោះពីមុនផ្លូវខាងលើនេះមានការចតឡាន និងលក់ដូរច្របូកច្របល់ ធ្វើឲ្យចរាចរណ៍កកស្ទះជាខ្លាំង។

ដូចគ្នានេះ អ្នកស្រី ចាន់ លីណា ជាប្រជាពលរដ្ឋម្នាក់ផ្សេងទៀត បាននិយាយថា ការសម្អាតបរិស្ថាន និងរៀបចំសណ្តាប់ធ្នាប់បែបនេះ គឺ ល្អណាស់ ធ្វើឲ្យបរិយាកាសរស់នៅស្អាត មានអនាម័យល្អ សម្រាប់សុខភាពកូនចៅ៕
អត្ថបទ ៖ សំណាង

The post អាជ្ញាធរខណ្ឌឫស្សីកែវ បន្តចុះរៀបចំសណ្តាប់ធ្នាប់ ចរាចរណ៍ និងបរិស្ថាន តាមបណ្តោយផ្លូវ ៥៩៨ appeared first on Kampuchea Thmey Daily.

សកម្មភាព​នេះ​ធ្វើ​ឡើង​ក្នុង​គោលបំណង​លើក​កម្ពស់​អនាម័យ​បរិស្ថាន សោភណភាព​ទីក្រុង និង​បង្កើន​ការ​យល់ដឹង​របស់​ប្រជាពលរដ្ឋ​អំពី​សារៈសំខាន់ នៃ​ការ​ថែរក្សា​អនាម័យ​ជុំវិញ​ទីលំនៅ និង​សហគមន៍។ ជាមួយ​គ្នា​នោះ ក្រុម​ការងារ បាន​ចុះ​រៀបចំ​បោស​សម្អាត​តាម​ដង​ផ្លូវ ប្រមូល​សំរាម និង​រៀបចំ​បរិស្ថាន​ឲ្យ​មាន​សណ្ដាប់ធ្នាប់​ល្អ ប្រកប​ដោយ​សោភ័ណភាព។

អាជ្ញាធរ​មូលដ្ឋាន ក៏បាន​អំពាវនាវ​ដល់​ប្រជាពលរដ្ឋ​ទាំងអស់ សូម​ចូលរួម​សហការ​រួមគ្នា ដោយ​ទុក​ដាក់​វេច​ខ្ចប់​សំរាម​ឲ្យ​បាន​ត្រឹមត្រូវ បញ្ចេញ​សំរាម​តាម​ម៉ោង​កំណត់ ដើម្បី​ងាយស្រួល​ដល់​ការ​ប្រមូល​សំរាម និង​ធានា​ឲ្យ​បរិស្ថាន​ក្នុង​សហគមន៍​មាន​ភាព​ស្អាត អនាម័យ​ល្អ និង​រស់នៅ​ដោយ​ផាសុកភាព។

អាជ្ញាធរ​ខណ្ឌ​សែនសុខ បញ្ជាក់​ថា ការ​ចូលរួម​របស់​ប្រជាពលរដ្ឋ​គឺជា​កត្តា​សំខាន់​ក្នុង​ការ​រក្សា​បរិស្ថាន​ឲ្យ​មាន​សោភ័ណភាព និង​បង្កើត​សហគមន៍​រស់នៅ​ប្រកប​ដោយ​អនាម័យ និង​គុណភាព​ជីវិត​ល្អ​ប្រសើរ។ ដូច្នេះ សូម​ប្រជាពលរដ្ឋ​បន្ត​ចូលរួម​ថែរក្សា​អនាម័យ និង​អនុវត្ត​តាម​ការ​ណែនាំ​របស់​អាជ្ញាធរ​មូលដ្ឋាន ដើម្បី​រួមចំណែក​អភិវឌ្ឍន៍​សហគមន៍​ឲ្យ​កាន់តែ​ប្រសើរ​ឡើង៕

អត្ថបទ ៖ សំណាង

The post អាជ្ញាធរខណ្ឌសែនសុខ សម្អាតបរិស្ថានតាមបណ្ដោយផ្លូវលេខ ១០០៧ នៅសង្កាត់ភ្នំពេញថ្មី appeared first on Kampuchea Thmey Daily.

សកម្មភាព​នេះ ដឹកនាំ​ដោយ លោក គន់ សោភា ប្រធាន​ការិយាល័យ​សាធារណការ ដឹក​ជញ្ជូន អនាម័យ បរិស្ថាន និង​សណ្ដាប់ធ្នាប់​សាធារណៈ ដោយ​មាន​ការ​ចូលរួម​ពី​មន្ត្រី​ការិយាល័យ​ពាក់ព័ន្ធ អាជ្ញាធរ​សង្កាត់​ទួល​សង្កែ​ទី ០១ ព្រមទាំង​យុវជន ស ស យ ក សង្កាត់ ជាច្រើន​នាក់ ផង​ដែរ។

ទីតាំង​អនុវត្ត​សកម្មភាព ស្ថិត​នៅ​លើ​ផ្លូវ​លេខ ១០៥ ត្រង់​ចំណុច​មុខ​ផ្សារ​ឫស្សីកែវ​ថ្មី ភូមិ​បាក់​ទូក សង្កាត់​ទួល​សង្កែ​ទី ០១ ខណ្ឌ​ឫស្សីកែវ រាជធានី​ភ្នំពេញ ដែល​ជា​តំបន់​មាន​ចរាចរណ៍​មមាញឹក និង​សកម្មភាព​ពាណិជ្ជកម្ម​ច្រើន ដោយ​តម្រូវ​ឲ្យ​មាន​ការ​ថែរក្សា​អនាម័យ និង​សណ្ដាប់ធ្នាប់​ជាប្រចាំ។

លោក គន់ សោភា បាន​បញ្ជាក់​ថា សកម្មភាព​អនាម័យ និង​រៀប​សណ្ដាប់ធ្នាប់​នេះ គឺជា​ការ​អនុវត្ត​ជាក់ស្ដែង​តាម​ការ​ណែនាំ​របស់​លោក​អភិបាល​ខណ្ឌ​ឫស្សីកែវ ក្នុង​គោលបំណង​បង្កើន​សោភ័ណភាព​ទីក្រុង កាត់បន្ថយ​សំរាម បញ្ហា​បរិស្ថាន និង​ធានា​សណ្ដាប់ធ្នាប់​សាធារណៈ​ឲ្យ​បាន​ល្អ​ប្រសើរ ស្រប​តាម​គោលការណ៍ “​ទីក្រុង​ស្អាត បរិស្ថាន​ល្អ និង​មាន​សុវត្ថិភាព​”។

លោក​ក៏បាន​អំពាវនាវ​ដល់​ប្រជាពលរដ្ឋ អាជីវករ និង​អ្នកប្រើប្រាស់​ផ្លូវ សូម​ចូលរួម​ថែរក្សា​អនាម័យ បរិស្ថាន មិន​បោះ​សំរាម​ផ្ដេសផ្ដាស និង​គោរព​សណ្ដាប់ធ្នាប់​សាធារណៈ ដើម្បី​រួមចំណែក​បង្កើត​មូលដ្ឋាន​ស្អាត​មាន​របៀបរៀបរយ៕

អត្ថបទ ៖ សំណាង

The post រដ្ឋបាលខណ្ឌឫស្សីកែវ បាញ់ទឹកលាងសម្អាតផ្លូវ រៀបចំអនាម័យ បរិស្ថាន និងសុវត្ថិភាពសាធារណៈ នៅមុខផ្សារឫស្សីកែវថ្មី appeared first on Kampuchea Thmey Daily.

លោកស្រី សឿង សេរី ចៅសង្កាត់ បាន​ឲ្យ​ដឹង​ថា ក្រោយពី​ទទួល​ព័ត៌មាន​ថា​មាន​អាជីវករ​មួយ​ចំនួន​បាន​លួច​សាងសង់​រោង​សម្រាប់​លក់ដូរ និង​ជា​កម្មសិទ្ធិ​ផ្ទាល់ខ្លួន​រំលោភ​មក​លើ​ផ្លូវ​សាធារណៈ លោកស្រី បាន​ដឹកនាំ​ក្រុមការងារ ប្រជា​ការពារ ចុះ​ធ្វើការ​ហាមឃាត់ និង​រុះរើ​ចេញ ដោយ​មិន​អនុញ្ញាត​ឲ្យ​មាន​ការ​សាងសង់​ទៀត​ទេ ក្នុង​ករណី​មិន​អនុវត្ត​តាម​នឹង​ចាត់វិធានការ​តាមច្បាប់។

រដ្ឋបាល​សង្កាត់ ក៏បាន​អំពាវនាវ​ដល់​ប្រជាពលរដ្ឋ​ទាំងអស់ សូម​មេត្តា​ជួយ​ថែរក្សា​អនាម័យ និង​សណ្ដាប់ធ្នាប់ ឲ្យ​បាន​ល្អ​ផង​ដែរ៕

អត្ថបទ ៖ សុខា

The post អាជ្ញាធរសង្កាត់ដង្កោ ចុះរុះរើការសង់រោងលក់ដូររំលោភលើផ្លូវសាធារណៈ appeared first on Kampuchea Thmey Daily.

យុទ្ធនាការនេះត្រូវបានដឹកនាំផ្ទាល់ដោយ លោក រស់ វាសនា អភិបាលរងក្រុងស្វាយរៀង ដោយមានការចូលរួមសហការយ៉ាងសកម្មពីសំណាក់ កម្លាំងអធិការដ្ឋាននគរបាលក្រុងស កម្លាំងកងរាជអាវុធហត្ថក្រុង អាជ្ញាធរមូលដ្ឋានសង្កាត់ និងមន្ត្រីពាក់ព័ន្ធជាច្រើនរូបទៀត។

នៅក្នុងសកម្មភាពចុះពង្រឹងសណ្តាប់ធ្នាប់នេះ ក្រុមការងារចម្រុះបានធ្វើការសម្របសម្រួល និងណែនាំដោយផ្ទាល់ដល់អាជីវករ ដែលតាំងលក់ដូរតាមដងផ្លូវ និងលើចិញ្ចើមផ្លូវសាធារណៈ ឱ្យយល់ដឹងអំពីសារៈសំខាន់នៃសណ្តាប់ធ្នាប់។ គោលដៅសំខាន់ៗនៃសកម្មភាពនេះរួមមាន៖ ១.ការតាំងលក់តាមការកំណត់៖ ណែនាំឱ្យអាជីវករទាំងអស់ត្រូវដាក់តាំងលក់ទំនិញ ឱ្យស្របតាមខ្សែបន្ទាត់ដែលរដ្ឋបាលក្រុងបានកំណត់ ជៀសវាងការរំលោភមកលើទ្រូងផ្លូវ ដែលបង្កឱ្យមានការកកស្ទះដល់អ្នកដំណើរ។

២.ការកាត់បន្ថយការកកស្ទះ៖ ការរៀបចំឱ្យមានរបៀបរៀបរយនេះ នឹងជួយសម្រួលដល់ចរាចរណ៍ជុំវិញផ្សារ ដែលកន្លងមកតែងមានភាពស្មុគស្មាញ ជាពិសេសក្នុងម៉ោងមមាញឹក។ ៣.កិច្ចសហការ និងការយោគយល់៖ លោកអភិបាលរង ក៏បានអំពាវនាវដល់អាជីវករ ឱ្យមានការយោគយល់ និងចូលរួមសហការជាមួយអាជ្ញាធរ ដើម្បីប្រែក្លាយតំបន់ផ្សារវាលយន្ត ឱ្យក្លាយជាទីកន្លែងដែលមានផាសុកភាព ស្អាត និងមានសណ្តាប់ធ្នាប់ល្អសម្រាប់ទាំងអស់គ្នា។

តាមរយៈការចុះរៀបចំជាប្រចាំនេះ រដ្ឋបាលក្រុងស្វាយរៀង រំពឹងថានឹងផ្លាស់ប្តូរឥរិយាបថនៃការលក់ដូរឱ្យមានភាពរៀបរយជាងមុន។ អាជ្ញាធរក៏បានបញ្ជាក់ផងដែរថា នឹងបន្តតាមដាន និងអនុវត្តវិធានការនេះជាបន្តបន្ទាប់ ដើម្បីធានាថាគ្មានការរំលោភបំពានចិញ្ចើមផ្លូវសាធារណៈកើតឡើងវិញ ដែលប៉ះពាល់ដល់ផលប្រយោជន៍រួមរបស់ប្រជាពលរដ្ឋក្នុងក្រុង៕

ដោយ៖ភក្ដី

The post កម្លាំងចម្រុះនៃរដ្ឋបាលក្រុងស្វាយរៀង ចុះអប់រំ និងរៀបចំសណ្តាប់ធ្នាប់ នៅតំបន់ជុំវិញផ្សារវាលយន្ត appeared first on Kampuchea Thmey Daily.

ការដ្ឋាន​កំពុង​សាងសង់​ខាង​លើ​នេះ ស្ថិត​នៅ​តាម​បណ្ដោយ​ផ្លូវ​លេខ ៤៥៦ កែង​ផ្លូវ​លេខ ១២៣ សង្កាត់​ទួល​ទំពូង​ទី ២ ខណ្ឌ​ចំការមន។ ការដ្ឋាន​កំពុង​សាងសង់​នេះ បាន​បំពាន​ច្បាប់ នៃ​ការ​សាងសង់ ដែល​អាជ្ញាធរ​បាន​កំណត់ ដោយ​យក​នូវ​កម្ទេច​ថ្ម​សេសសល់​ពី​ការ​សាងសង់​ទៅ​ដាក់​លើ​ដី​ចំណី​ផ្លូវ។

លោក សុខ ធី ជា​ប្រជាពលរដ្ឋ លើក​ឡើង​ថា គាត់​ជា​អ្នក​រស់នៅ​ក្បែរ​នោះ តែង​ឃើញ​មាន​កម្មករ​លើក​កម្ទេច​ថ្ម​ចេញពី​ក្នុង​មក​ដាក់​លើ​ផ្លូវ​តែម្ដង និង​មាន​ដាក់​នៅ​ក្បែរ​មាត់​លូ​ថែមទៀត។ ពេលខ្លះ មាន​ខ្យល់​មក​ម្តងៗ គឺ​ហុយ ពិបាក​រស់នៅ​ខ្លាំង ដោយសារ​តែ​មាន​កម្ទេច​ថ្ម​លាយ​ដី​ដាក់​លើ​ផ្លូវ​នេះ។

ចំណែក លោក រង្សី ជា​ប្រជាពលរដ្ឋ ក៏បាន​លើកឡើង​ដែរ​ថា ការ​យក​កម្ទេច​ថ្ម​មក​ដាក់​លើ​ចំណី​ផ្លូវ​នេះ គឺ​ខុស​ទាំងស្រុង​ហើយ។ ការ​យក​មក​ដាក់​នេះ គឺ​មិន​មាន​កម្ទេច​ថ្ម​នោះ​ទេ មាន​ទាំង​ដី​លាយឡំ​គ្នា​ពេញ​មាត់​លូ​តែម្ដង។ ធ្វើ​បែបនេះ​យូរៗ ទៅ លូ នឹង​ពោរពេញ​ទៅ​ដោយ​ដី និង​កម្ទេច​ថ្ម ហើយ​នឹង​អាច​ងាយ​រាំងស្ទះ​លំហូរ​ទឹក ធ្វើ​ឲ្យ​ជន់​លិច​កើត​ជា​ទឹក​ស្អុយ ដក់​ទឹក​លើ​ផ្លូវ​ជាក់​ជា​ពុំខាន។

ចំពោះ​បញ្ហា​នេះ​ដែរ លោក កៀង ល័ក្ខ អភិបាល​ខណ្ឌ​ចំការមន បាន​បញ្ជាក់​ប្រាប់ កម្ពុជា​ថ្មី ឲ្យ​ដឹង​ថា លោក​នឹង​ចាត់​ក្រុមការងារ​មន្ត្រី​សង្កាត់ ចុះ​ទៅ​ត្រួត​ពិនិត្យមើល​ទីតាំង​ខាង​លើ​នេះ​ជាបន្ទាន់៕

អត្ថបទ ៖ រដ្ឋា

The post ការដ្ឋាន ១ កន្លែង ក្នុងសង្កាត់ទួលទំពូងទី ២ យកកម្ទេចថ្មដាក់លើចំណីផ្លូវ នាំឲ្យផ្លូវកាន់តែតូចចង្អៀត appeared first on Kampuchea Thmey Daily.

លោក ជា ពិសី អភិបាល​ខណ្ឌ​ទួលគោក បាន​ឱ្យ​ដឹង​នៅ​ថ្ងៃ​ទី ២៨ ខែ​វិច្ឆិកា ឆ្នាំ ២០២៤ នេះ​ថា ដោយ​មើល​ឃើញ​ការ​ចត​ម៉ូតូ ឡាន គ្មាន​សណ្ដាប់ធ្នាប់ នៅ​តាម​ផ្លូវ ២៥៧ ក្រោយ​មន្ទីរពេទ្យ​កុមារ​ជាតិ សង្កាត់​ទឹកល្អក់ ១ ទើប កាលពី​ថ្ងៃ​ទី ២៧ វិច្ឆិកា ម្សិលមិញ​នេះ លោក​បាន​ចាត់ លោក ស៊ឹម សុផង់ អភិបាល​រង​ខណ្ឌ ទទួល​បន្ទុក​ការងារ​បរិស្ថាន អនាម័យ និង​សណ្ដាប់ធ្នាប់ ដឹកនាំ​កម្លាំង​គណៈ​បញ្ជាការ​ឯកភាព​ខណ្ឌ​ទួលគោក ចុះ​រៀបចំ​សណ្ដាប់ធ្នាប់ និង​ធ្វើ​កំណត់ហេតុ​ណែនាំ​ដល់​ម្ចាស់​អាជីវកម្ម​លក់​កាហ្វេ និង​អាហារដ្ឋាន ចំនួន ៥ ទីតាំង។

លោក​អភិបាល​ខណ្ឌ​ទួលគោក បាន​ឱ្យ​ដឹង​ទៀត​ថា អាហារដ្ឋាន​ទាំង ៥ នោះ រួមមាន ៖ ទី១.អាហារដ្ឋាន KOI Th´e , ទី២.អាហារដ្ឋាន Anele Hai , ទី៣.អាហារដ្ឋាន G´e G´e Kitchen , ទី៤. អាហារដ្ឋាន Bingo ICE Craem & TEA , និង ទី៥.អាហារដ្ឋាន TUBE COFEE (មិន​ចូលរួម​សហការ​ផ្ដិត​មេដៃ​លើ​កំណត់ហេតុ)។

ពាក់ព័ន្ធ​នឹង​ការ​ចុះ​រៀបចំ​សណ្ដាប់ធ្នាប់​នេះ ក្រុមការងារ​បាន​ណែនាំ​ទៅ​ទីតាំង​អាហារដ្ឋាន​ដែល​បង្ក​ផល​ប៉ះពាល់​សណ្ដាប់ធ្នាប់​សាធារណៈ​ដូច​ខាង​ក្រោម ៖

១.មិន​អនុញ្ញាត​ឱ្យ​ប្រកប​អាជីវកម្ម​លក់ដូរ និង​ចត​យានយន្ត​គ្រប់​ប្រភេទ​នៅ​លើ​ចិញ្ចើម​ផ្លូវ និង​ទ្រូងផ្លូវ​ជាដាច់ខាត។

២.ម្ចាស់​អាជីវកម្ម​គ្រប់​ប្រភេទ ត្រូវ​ប្រកប​អាជីវកម្ម​លក់ដូរ និង​ចត​យានយន្ត​នៅ​ក្នុង​ទីតាំង​កម្មសិទ្ធិ​របស់​ខ្លួន។

៣.ករណី​មិន​អនុវត្ត​តាម​ការ​ណែនាំ អាជ្ញាធរ​នឹង​មាន​វិធានការ​រដ្ឋបាល​ធ្វើការ​ដកហូត​យក​មក​រក្សា​ទុក​ដោយ​មិន​ទទួល​ខុសត្រូវ​លើ​ការ​ខូចខាត និង​បាត់បង់​សម្ភារៈ​ឡើយ៕

អត្ថបទ ៖ សំណាង

The post អាហារដ្ឋាន ១ កន្លែង នៅផ្លូវលេខ ២៥៧ សង្កាត់ទឹកល្អក់ទី ១ មិនអនុវត្តតាមការណែនាំរបស់អាជ្ញាធរ appeared first on Kampuchea Thmey Daily.