សន្តិសុខសង្គម
អាហារដ្ឋាន ១ កន្លែង នៅផ្លូវលេខ ២៥៧ សង្កាត់ទឹកល្អក់ទី ១ មិនអនុវត្តតាមការណែនាំរបស់អាជ្ញាធរ
កម្លាំងគណៈបញ្ជាការឯកភាពខណ្ឌទួលគោក ចុះរៀបចំសណ្ដាប់ធ្នាប់ និងធ្វើកំណត់ហេតុណែនាំដល់ម្ចាស់អាជីវកម្មលក់កាហ្វេ អាហារដ្ឋាន នៅផ្លូវលេខ ២៥៧ សង្កាត់ទឹកល្អក់ទី ១ បានចំនួន ៥ ទីតាំង ក្នុងនោះ ១ ទីតាំង មិនសហការចូលរួមផ្ដិតមេដៃ(អាហារដ្ឋាន TUBE COFEE)។
លោក ជា ពិសី អភិបាលខណ្ឌទួលគោក បានឱ្យដឹងនៅថ្ងៃទី ២៨ ខែវិច្ឆិកា ឆ្នាំ ២០២៤ នេះថា ដោយមើលឃើញការចតម៉ូតូ ឡាន គ្មានសណ្ដាប់ធ្នាប់ នៅតាមផ្លូវ ២៥៧ ក្រោយមន្ទីរពេទ្យកុមារជាតិ សង្កាត់ទឹកល្អក់ ១ ទើប កាលពីថ្ងៃទី ២៧ វិច្ឆិកា ម្សិលមិញនេះ លោកបានចាត់ លោក ស៊ឹម សុផង់ អភិបាលរងខណ្ឌ ទទួលបន្ទុកការងារបរិស្ថាន អនាម័យ និងសណ្ដាប់ធ្នាប់ ដឹកនាំកម្លាំងគណៈបញ្ជាការឯកភាពខណ្ឌទួលគោក ចុះរៀបចំសណ្ដាប់ធ្នាប់ និងធ្វើកំណត់ហេតុណែនាំដល់ម្ចាស់អាជីវកម្មលក់កាហ្វេ និងអាហារដ្ឋាន ចំនួន ៥ ទីតាំង។
លោកអភិបាលខណ្ឌទួលគោក បានឱ្យដឹងទៀតថា អាហារដ្ឋានទាំង ៥ នោះ រួមមាន ៖ ទី១.អាហារដ្ឋាន KOI Th´e , ទី២.អាហារដ្ឋាន Anele Hai , ទី៣.អាហារដ្ឋាន G´e G´e Kitchen , ទី៤. អាហារដ្ឋាន Bingo ICE Craem & TEA , និង ទី៥.អាហារដ្ឋាន TUBE COFEE (មិនចូលរួមសហការផ្ដិតមេដៃលើកំណត់ហេតុ)។
ពាក់ព័ន្ធនឹងការចុះរៀបចំសណ្ដាប់ធ្នាប់នេះ ក្រុមការងារបានណែនាំទៅទីតាំងអាហារដ្ឋានដែលបង្កផលប៉ះពាល់សណ្ដាប់ធ្នាប់សាធារណៈដូចខាងក្រោម ៖
១.មិនអនុញ្ញាតឱ្យប្រកបអាជីវកម្មលក់ដូរ និងចតយានយន្តគ្រប់ប្រភេទនៅលើចិញ្ចើមផ្លូវ និងទ្រូងផ្លូវជាដាច់ខាត។
២.ម្ចាស់អាជីវកម្មគ្រប់ប្រភេទ ត្រូវប្រកបអាជីវកម្មលក់ដូរ និងចតយានយន្តនៅក្នុងទីតាំងកម្មសិទ្ធិរបស់ខ្លួន។
៣.ករណីមិនអនុវត្តតាមការណែនាំ អាជ្ញាធរនឹងមានវិធានការរដ្ឋបាលធ្វើការដកហូតយកមករក្សាទុកដោយមិនទទួលខុសត្រូវលើការខូចខាត និងបាត់បង់សម្ភារៈឡើយ៕
អត្ថបទ ៖ សំណាង
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស