លោក យ៉ាន់ ពិសិដ្ឋ អាយុ២៩ឆ្នាំ ម្ចាស់កសិដ្ឋានចិញ្ចឹមបង្កងខេត្តខ្ញុំ  ស្ថិតភូមិក្រញាំ ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ បានប្រាប់ កម្ពុជាថ្មី ថា លោក បានចាប់ផ្ដើមបើកកសិដ្ឋានចិញ្ចឹមបង្កងពូជអូស្ត្រាលី នេះ ចាប់តាំងពីឆ្នាំ២០២០ មកម្ល៉េះ។ 

ពិសិដ្ឋ បន្តថា ដំបូងឡើយការចិញ្ចឹមបង្កងរយៈពេល២ឆ្នាំដំបូង មិនទទួលបានផ្លែផ្កាមិនប៉ុន្មាននោះទេ ពោលគឺខាតតែរហូត នេះបើតាមការបញ្ជាក់របស់ ម្ចាស់កសិដ្ឋាន រូបនេះ។

ពិសិដ្ឋ បានប្រាប់ឱ្យដឹងទៀតថា មូលហេតុដែលលោកសុខចិត្តបោះបង់ប្រាក់ខែ ៣០០០ដុល្លារ នៅប្រទេសកូរ៉េ ពីព្រោះលោកមានក្ដីស្រមៃមួយថា នឹងបង្កើតការងារសម្រាប់ខ្លួនឯងមួយ នៅស្រុកកំណើតនៅពេលត្រឡប់មកពីធ្វើការពីក្រៅប្រទេសវិញ ម្យ៉ាងទៀត ពិសិដ្ឋមិនចង់ចំណាកស្រុកទៅធ្វើការនៅក្រៅប្រទេសតទៅទៀត ទើបលោកគិតបង្កើតកសិដ្ឋានចិញ្ចឹមបង្កងនេះឡើងមក។

បច្ចុប្បន្ននេះ កសិដ្ឋានចិញ្ចឹមបង្កង របស់ពិសិដ្ឋ កំពុងទទួលបានការពេញនិយមខ្លាំង ដោយបង្កងមួយគីឡូ ពិសិដ្ឋអាចលក់ចេញបាន ក្នុងតម្លៃចន្លោះពី ១៨ដុល្លារ ទៅ ២៥ដុល្លារ នេះក៏ដោយសារតែបង្កងអូស្ដ្រាលី មានរសជាតិឆ្ងាញ់ ស្វិតល្អ ជាងពូជបង្កងផ្សេងទៀត។

ទាក់ទងនឹងការចិញ្ចឹមបង្កងអូស្ដ្រាលី ពិសិដ្ឋ បានបញ្ជាក់ថា បង្កងអូស្ដ្រាលី ងាយស្រួលចិញ្ចឹមជាងប្រភេទពូជបង្កងដទៃទៀត ដោយសារតែការចិញ្ចឹមមិនចាំបាច់ប្រើប្រាស់អគ្គិសនី ឬ អុកស៊ីសែន នោះឡើយ។

ពិសិដ្ឋ បន្ថែមថា សម្រាប់ការចិញ្ចឹមបង្កងអូស្ដ្រាលីនេះវិញ លោកគ្រាន់តែចំណាយប្រាក់បន្ដិចបន្ដួចទៅលើចំណីរបស់វា ក្នុងនោះមាន៖ ចំណីបង្កង ទិញពីក្រៅប្រទេស និង ចេកទុំ ស្បែកគោ ដែលទិញនៅក្នុងស្រុកខ្លះ ផងដែរ។

បើគិតពីដើមទុន ក្នុងការបើកដំណើរការកសិដ្ឋានវិញ ពិសិដ្ឋ បានឱ្យដឹងថា លោកបានចំណាយដើមទុនអស់ប្រមាណ ២០០០០ដុល្លារ ដែលលោកបានសន្សំទុក កាលពីធ្វើការនៅប្រទេសកូរ៉េ។

ពិសិដ្ឋ បន្តថា អ្វីដែលធ្វើឱ្យលោកសប្បាយចិត្ត និងបន្តចិញឹមបង្កងមកដល់សព្វថ្ងៃនេះ គឺបង្កងរបស់លោកអាចលក់ចេញទៅកាន់ទីផ្សារក្នុងស្រុក នឹងទទួលបានប្រាក់ចំណូលជាង ១០០០ដុល្លារ ក្នុងមួយខែ។ ចំណែកទីផ្សារលក់ចេញវិញ រួមមាន៖ ខេត្តស្វាយរៀង កោះកុង បន្ទាយមានជ័យ និង​រាជធានី​ភ្នំពេញ ជាដើម។

ម្ចាស់កសិដ្ឋានរូបនេះ បានបន្ថែមទៀតថា សម្រាប់ផែនការទៅថ្ងៃខាងមុខ លោកក៏នឹងត្រៀមបើកសិដ្ឋានបន្ថែមទៀតដើម្បីចិញ្ចឹមបង្កង និងផលិតពូជបង្កងអូស្រ្ដាលីនេះ ​ឱ្យបានច្រើនសម្រាប់ផ្គត់ផ្គង់ទីផ្សារក្នុងប្រទេសកម្ពុជា៕

អត្ថបទ ៖ សួស សិត

The post បុរសម្នាក់ បោះបង់ប្រាក់ខែ ៣ពាន់ដុល្លារ មកចិញ្ចឹមបង្កង appeared first on Kampuchea Thmey Daily.

មន្ត្រីគយតំបន់ Mong Cai ក្នុងខេត្ត Quang Ninh ភាគខាងជើង និយាយថា បង្កងមិនត្រូវបានដឹកជញ្ជូនទៅកាន់ស្តុករបស់ចិនទាន់ពេលវេលាទេ ដូច្នេះហើយទើបវាងាប់។

យ៉ាងណាក្តី គេ​មិន​ច្បាស់​ទេថាតើ ​ហេតុអ្វី​បាន​ជា​ចិន ដាក់បម្រាម​នាំចូល​បង្កង​ភ្លាមៗបែបនេះ។

អ្នកលក់បង្កងងាប់ បានលក់វាទៅឲ្យអ្នកទិញក្នុងស្រុកក្នុងតម្លៃ ៨.២១ ទៅ ១៦.៤២ដុល្លារ ក្នុងមួយគីឡូក្រាម ពោលគឺថោកជាងតម្លៃនាំចេញដល់ទៅ៣ដង។

មុនពេលចិនរឹតត្បិតការនាំចូល រថយន្តប្រហែល១០០គ្រឿង ដែលដឹកគ្រឿងសមុទ្រទាំងស្រស់និងកក បានធ្វើដំណើរដឹកជញ្ជូនជារៀងរាល់ថ្ងៃតាមរយៈស្ពាន Hai Yen នៃតំបន់ Mong Cai ដែលតភ្ជាប់ប្រទេសទាំងពីរ។

ចាប់ពីដើមឆ្នាំរហូតដល់ថ្ងៃទី១៥ខែកញ្ញា ទំនិញចំនួន ៥៣២ ០០០តោនបានឆ្លងកាត់ស្ពាន Hai Yen ពោលគឺកើនឡើង១២៨% បើធៀបនឹងឆ្នាំមុន។ ក្នុងនោះ មានប្រហែល១០% ជាគ្រឿងសមុទ្រស្រស់៕

ប្រែសម្រួល៖ Vann Vann

ប្រភព៖ VN Express

ចុចអាន៖ ក្រៅពីរសជាតិឆ្ងាញ់ បង្កងអាចផ្ដល់អត្ថប្រយោជន៍សុខភាពច្រើនយ៉ាង

The post បង្កងវៀតណាម ៦តោន ងាប់នៅព្រំដែន ដោយសារ ចិន ហាមនាំចូល appeared first on Kampuchea Thmey Daily.

ពពួកប្រូតេអ៊ីន៖ ប្រូតេអ៊ីនជាសារធាតុសំខាន់បំផុតមួយ​ដែល​រាងកាយត្រូវការជំនួយដល់សាច់ដុំ ជំនួយសុខភាពស្បែក សុខភាពឆ្អឹង បេះដូង ខួរក្បាល និយាយរួមពេញមួយដងខ្លួន គឺត្រូវការប្រូតែអ៊ីនជាចាំបាច់។

អ៊ីយ៉ូត៖ នៅក្នុងបង្កងក៏មានផ្ទុកអ៊ីយ៉ូត ជាសារធាតុបំប៉នដែលរាងកាយត្រូវការ ដើម្បីបង្កើតអ័រម៉ូន​ទីរ៉ូអ៊ីត ដែលជាអ័រម៉ូនដើរតួយ៉ាងសំខាន់ជួយគ្រប់គ្រងលើដំណើរការមេតាប៉ូលីសក្នុងរាងកាយ។ លើសពីនេះ សារធាតុអ៊ីយូតក្នុងបង្កង អាចជួយថែរក្សាសុខភាពកោសិការាងកាយផងដែរ។

ស្ពាន់៖ ស្ពាន់​មានតួនាទីសំខាន់ជួយ​ផលិតកោសិការឈាមក្រហម និងឈាមស ព្រម​ទាំង​ជួយ​ជំរុញការបញ្ចេញជាតិដែកដើម្បីបង្កើត អេម៉ូក្លូប៊ីន។ វាមានអត្ថប្រយោជន៍ជួយបង្កើនការលូតលាស់របស់កុមារ ការវិវត្ដផ្នែកខួរក្បាល ប្រព័ន្ធការពាររាងកាយ​ និងជួយ​សុខភាពឆ្អឹងរឹងមាំ។

វីតាមីន B12៖ ជាវីតាមីនសម្រាប់ជំនួយដល់តួនាទីខួរក្បាល ប្រព័ន្ធប្រសាទ និងដំណើការបង្កើតកោសិការគ្រាប់ឈាមក្រហម។

អាស៊ីដខ្លាញ់អូមេហ្គា៣៖ ជាអាស៊ីដខ្លាញ់ដែលបានផ្ដល់គុណប្រយោជន៍ដល់សុខភាពខួរក្បាល និងបេះដូង។ វាអាច​ជួយកាត់បន្ថយហានិភ័យគ្រោះថ្នាក់ដាច់សរសឈាមខួរក្បាល និង ជំងឺគាំងបេះដូង។ អាស៊ីដ​ខ្លាញ់​ប្រភេទ​នេះ ក៏​មានអត្ថប្រយោជន៍ខ្លាំងសម្រាប់មនុស្សចាស់ ជួយ​ការពារពីជំងឺវង្វេង ហើយ​ចុះពោះស្ដ្រីមានផ្ទៃពោះ ជួយឲ្យទារកក្នុងផ្ទៃមានសុខភាពល្អ​។

កាល់ស្យូម៖ កាលស្យូម​មានសារៈសំខាន់ជួយទ្រទ្រង់សុខភាពរាងកាយ និងការលូតលាស់របស់ឆ្អឹង។

ផូស្វ័រ៖ ផូស្វ័រ​ក៏មានតួនាទីជួយពង្រឹងដល់សុខភាពឆ្អឹងដូចគ្នា និងរួមចំណែកដល់ការរំលាយអាហារកាន់តែប្រសើរឡើង ក៏ដូចជាការបង្កើតប្រូតេអ៊ីន តុល្យភាពអ័រម៉ូន ការទាញយកថាមពល ការជួសជុលកោសិកា និងការប្រើប្រាស់សារធាតុចិញ្ចឹមត្រឹមត្រូវក្នុងរាងកាយ។

បង្កង ជារបបអាហារដែលផ្ដល់គុណប្រយោជន៍ច្រើន មិនចាញ់ពពួកអាហារផ្សេងទៀត ដូចជាត្រីសាម៉ុន ធូណានោះឡើយ។ មួយវិញទៀត បង្កង​ក៏ជាប្រភេទអាហារដែលមានកម្រិតកាឡូរីទាប ដែលយើងអាចញ៉ាំបានជារៀងរាល់ថ្ងៃដោយមិនខ្លាចប៉ះពាល់សុខភាពនោះទេ។ យោងតាមការសិក្សាថ្មីៗ បង្ហាញថា បង្កងក៏មានប្រសិទ្ធភាពសម្រាប់អ្នកដែលប្រឈមនឹងជំងឺមហារីក ជាច្រើនប្រភេទ ព្រោះប្រភេទអាស៊ីដខ្លាញ់អូមេហ្គា ៣ នៅក្នុងបង្កងមានផ្ទុកនូវ EPA, DHA, និង Selenium អាចមានឥទ្ធិពលការពារប្រឆាំងនឹងជំងឺមហារីកជាច្រើនប្រភេទ រួមទាំងមហារីកសុដន់ ពោះវៀនធំ ក្រពេញប្រូស្តាត សួត ក្រពះ ថ្លើម និងមហារីកអូវែ។

ប៉ុន្ដែក្នុងករណីខ្លះបង្កងទឹកប្រៃ អាចមានលក្ខណៈខុសប្លែកបន្ដិចពីបង្កងទឹកសាប សម្រាប់អ្នកញ៉ាំ ព្រោះវាបង្កជាបញ្ហាដល់អ្នកដែលមានអាការៈ ប្រតិកម្មអាលែកហ្ស៊ីជាមួយគ្រឿងសមុទ្រ។ វាមិនខុសពីប្រភេទអាហារសមុទ្រផ្សេងនោះទេ ដោយថា បង្កងក៏ជាពពួកពូជអម្បូរខ្យង ក្ដាម បង្គារ អាចធ្វើឲ្យអ្នកញ៉ាំខ្លះជួបអាការៈឡើង កន្ទួលរមាស់ ប្រតិកម្មស្បែក អាលែហ្ស៊ី​បាន​ដែរ​៕

អត្ថបទផ្ដល់ដោយ៖Hello Krupet

ចុចអាន៖សារធាតុចិញ្ចឹមដ៏អស្ចារ្យទាំង ៨ នៅក្នុងស៊ុត ជួយពង្រឹងសុខភាពរាងកាយ

ចុចអាន៖អាហារដែលងាយរកទិញទាំង ៨ ជួយសម្រួលអាការហើមពោះ

The post ក្រៅពីរសជាតិឆ្ងាញ់ បង្កងអាចផ្ដល់អត្ថប្រយោជន៍សុខភាពច្រើនយ៉ាង appeared first on Kampuchea Thmey Daily.

ក្តាម បង្កង និងសត្វសមុទ្រផ្សេងទៀតដែលខ្លះងាប់ ខ្លះរស់ នៅតែបន្តអណ្តែតមកទើរនៅតាមបណ្តោយឆ្នេរ Teeside ចន្លោះភូមិ Marske ដល់ភូមិ Saltburn ហើយអ្នកស្រុកចាត់ទុករឿងនេះថាជា “ទិដ្ឋភាពអាក្រក់បំផុត” ដែលពួកគេមិនធ្លាប់ឃើញទាល់តែសោះ។

ទិដ្ឋភាពនេះ ក៏ត្រូវបានគេមើលឃើញផងដែរនៅតាមឆ្នេរសមុទ្រក្នុងតំបន់ Seaton Carew និងនៅភាគខាងជើង Seaham។

ទីភ្នាក់ងារបរិស្ថានបានបញ្ជាក់កាលពីថ្ងៃចន្ទថា ខ្លួនបានបើកការស៊ើបអង្កេតលើករណីដ៏អាថ៌កំបាំងនេះ ហើយរកមើលថាតើការបំភាយឧស្ម័នខ្ពស់ ត្រូវបានស្តីបន្ទោសឬក៏យ៉ាងណា។

កាលពីជាង២សប្តាហ៍មុន កាសែត TeessideLive បានរាយការណ៍ថា សត្វសមុទ្រងាប់ ត្រូវបានគេប្រទះឃើញនៅតំបន់ Seaton Carew, Redcar និងភាគខាងជើង Seaham។ ទីភ្នាក់ងារបរិស្ថានបានបើកការស៊ើបអង្កេត ហើយមកទល់ពេលនេះមិនទាន់បញ្ចប់នៅឡើយទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មនុស្សរាប់រយនាក់នៅ អង់គ្លេស នាំគ្នាស្រាតននលគកចុះងូតទឹកសមុទ្រ ប្រារព្ធពិធីមួយ

The post ក្តាម បង្កងរាប់ពាន់ក្បាល ងាប់គរដូចភ្នំ យ៉ាងអាថ៌កំបាំងបំផុត លើឆ្នេរសមុទ្រអង់គ្លេស  appeared first on Kampuchea Thmey Daily.