លោកឧត្តមសេនីយ៍ត្រី ប៊ុត សត្យា ស្នងការរងទទួលផែនការងារព្រហ្មទណ្ឌ បានអោយដឹងថា ក្រុមមុខសញ្ញាទាំងនេះត្រូវបានបង្ក្រាបរយៈពេល៣ថ្ងៃ គិតពីថ្ងៃ៦ ដល់ថ្ងៃទី៨ ខែឧសភា ឆ្នាំ២០២៥ ជាលទ្ធផលបង្ក្រាប សរុប ១១ករណី ឃាត់ ២៩នាក់ សារធាតុញៀន ៧នាក់ និងជាមុខសញ្ញាចាស់ ក្នុងនោះមាន (លួច ០៦ករណី ឃាត់ ០៨នាក់, ហិង្សាដោយចេតនាមានស្ថានទម្ងន់ទោស ០៣ករណី ឃាត់ ១២នាក់,ប្លន់ ០១ករណី ឃាត់ ០៣នាក់, អំពីលក់-ដូរមនុស្ស-ចាប់ឃុំឃាំង និងបង្ខាំងមនុស្សដោយខុសច្បាប់ ០១ករណី ឃាត់ខ្លួន ០៧នាក់ ។

លោកស្នងការរងបានបញ្ជាក់ថា ក្នុងប្រតិបត្តិការបង្ក្រាបនេះ មានកម្លាំងការិយាល័យនគរបាលព្រហ្មទណ្ឌកម្រិតស្រាល បង្រ្កាបបាន៣ករណី នគរបាលខណ្ឌពោធិ៍សែនជ័យ ១ករណី នគរបាលខណ្ឌដង្កោ ១ករណី នគរបាលខណ្ឌកំបូល ១ករណី, នគរបាលខណ្ឌមានជ័យ ២ករណី, និងនគរបាលខណ្ឌចំការមន ១ករណី។

បច្ចុប្បន្ន ជនសង្ស័យទាំងអស់ត្រូវបាននគរបាលកសាងសំណុំរឿងបញ្ជូនទៅតុលាការ ដើម្បីចាត់តាមនីតិវិធីច្បាប់ ៕

អត្ថបទ៖ ម៉េង

The post មុខសញ្ញា២៩នាក់ ក្នុងបទល្មើស១១ករណី ត្រូវបានបង្ហាញមុខមុនពេលបញ្ជូនទៅតុលាការ appeared first on Kampuchea Thmey Daily.

ក្រសួងបានបញ្ជាក់ថា សន្និសីទសារព័ត៌មាននេះ អ្នកសារព័ត៌មានគ្រប់រូបនឹងទទួលបានព័ត៌មាន ស្វែងយល់ស៊ីជម្រៅ ពីដំណើរការរៀបចំរបាយការណ៍ និងលទ្ធផលស្ទង់មតិអ្នកសារព័ត៌មានទូទាំងប្រទេសស្តីពីស្ថានភាពសេរីភាពសារព័ត៌មាននៅកម្ពុជា ឆ្នាំ២០២៥នេះ។

សម្រាប់អ្នកសារព័ត៌មានដែលចូលរួមក្នុងសន្និសីទនេះ សូមចុះឈ្មោះតាមរយៈការ Scan QR code ខាងលក្រោមនេះ។

សូមជម្រាបថា នៅថ្ងៃទី៣ ខែឧសភា ឆ្នាំ២០២៥ ខាងមុខនេះ នឹងមានជំនួបលើកទី៧ រវាងនាយករដ្ឋមន្ត្រីកម្ពុជា សម្តេចមហាបវរធិបតី ហ៊ុន ម៉ាណត ជាមួយអ្នកសារព័ត៌មានកម្ពុជា ស្របតាមទិវាសេរីភាពសារព័ត៌មានពិភពលោក ខួបលើកទី៣២ នៅថ្ងៃទី៣ ខែឧសភា នេះតែម្តង៕

The post រសៀលនេះ ក្រសួងព័ត៌មាននឹងធ្វើសន្និសីទសារព័ត៌មាន ពីស្ថានភាពសេរីភាពសារព័ត៌មាននៅកម្ពុជាឆ្នាំ២០២៥ appeared first on Kampuchea Thmey Daily.

ឆ្នាំនេះ MSC គឺជាព្រឹត្តិការណ៍លើកទី៦១ហើយ ខណៈវានឹងបញ្ចប់ទៅវិញនៅថ្ងៃទី១៦ខែកុម្ភៈ ហើយវានៅតែជាវេទិកាពិភពលោកដ៏សំខាន់បំផុតមួយ សម្រាប់កិច្ចពិភាក្សាអំពីគោលនយោបាយសន្តិសុខអន្តរជាតិ។

សន្និសីទឆ្នាំ២០២៥នេះ ធ្វើឡើងស្របពេល ពិភពលោកកំពុងញាំញីដោយព្រឹត្តិការណ៍នយោបាយសំខាន់ៗ ដូចជាការចាប់ផ្តើមនៃរដ្ឋបាលថ្មីរបស់សហរដ្ឋអាមេរិក និងការបោះឆ្នោតសភាអាល្លឺម៉ង់ក្នុងខែកុម្ភៈនេះឯង។

មេដឹកនាំជាន់ខ្ពស់ជាង៥០០នាក់មកពីជាង៧០ប្រទេស នឹងចូលរួមក្នុងសន្និសីទឆ្នាំនេះ ហើយបុគ្គលដែលគេចាប់អារម្មណ៍បំផុតគឺ ប្រធានាធិបតីអ៊ុយក្រែនលោក Volodymyr Zelenskyy, អនុប្រធានាធិបតីអាមេរិក JD Vance និងមេដឹកនាំគណបក្សប្រឆាំងអាល្លឺម៉ង់ និងជាបេក្ខជនអធិការបតីដ៏មានសក្តានុពលគឺលោក Friedrich Merz។

គ្មានអ្វីត្រូវសង្ស័យឡើយ ប្រធានបទសំខាន់ឆ្នាំនេះ នឹងនៅតែជាសង្គ្រាមរុស្ស៊ី-អ៊ុយក្រែនដដែល ខណៈប្រធានបទធំផ្សេងទៀតមានដូចជា ទំនាក់ទំនងអាមេរិក-ចិន, ការគំរាមកំហែងសន្តិសុខទាក់ទងនឹងអាកាសធាតុ, តួនាទីរបស់អង្គការណាតូ និងសម្ព័ន្ធមិត្តផ្សេងទៀតនៅក្នុងពិភពលោកដែលកំពុងស្ថិតក្នុងភាពមិនប្រាកដប្រជា។

ក្រៅពីសន្និសីទធំហើយនោះ ក៏នឹងមានជំនួបខាងក្រៅជាច្រើនផងដែរ ជាពិសេសគឺជំនួបរវាងគណៈប្រតិភូអាមេរិកនិងភាគីអ៊ុយក្រែន ដើម្បីពិភាក្សាគ្នាអំពីដំណោះស្រាយបញ្ចប់សង្គ្រាម ឈានឆ្ពោះទៅរកសន្តិភាព។

តាមសេចក្តីរាយការណ៍ថា អនុប្រធានាធិបតីសហរដ្ឋអាមេរិក JD Vance ក៏មានគម្រោងទៅកន្លែងគោរពវិញ្ញាណក្ខន្ធ Dachau ផងដែរ មុនពេលជួបជាមួយប្រធានាធិបតីអ៊ុយក្រែន Zelenskyy ដើម្បីពិភាក្សាគ្នា ហើយគេរំពឹងថា ព្រឹត្តិការណ៍លើកនេះអាចក្លាយជាការកំណត់ជោគវាសនារបស់អ៊ុយក្រែន ក្នុងសង្គ្រាមជាមួយរុស្ស៊ីតែម្តង៕

អត្ថបទ៖ សុខ សុវណ្ណ

ចុចអាន៖ 

The post សន្និសីទសន្តិសុខទីក្រុង Munich ចាប់ផ្តើម ចំពេលពិភពលោក ញាំញីដោយបញ្ហានយោបាយ appeared first on Kampuchea Thmey Daily.

លោកមាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប បានមានប្រសាសន៍ថា អយ្យការអមសាលាដំបូងខេត្តសៀមរាប មានការចាំបាច់ត្រូវបំភ្លឺករណីបាញ់សម្លាប់អ្នកសារព័ត៌មាននៅស្រុកជីក្រែង ខេត្តសៀមរាប ដោយហេតុថា មានមហាជនបណ្ដាញសង្គមក៏ដូចជាអ្នកនយោបាយមួយចំនួនបានជជែកវែកញែកដើម្បី ជាផលប្រយោជន៍និងគេងចំណេញនយោបាយ។ ដូច្នេះអយ្យការអមសាលាដំបូងខេត្តសៀមរាប ចាំបាច់ត្រូវធ្វើសន្និសីទសារព័ត៌មានដើម្បីឲ្យសាធារណជនបានដឹងច្បាស់ពីការអនុវត្តច្បាប់ទៅលើជនជាប់ចោទឈ្មោះស៊ី លឿយ គឺត្រូវបានចៅក្រមសាលាដំបូងខេត្តសៀមរាប សម្រេចដាក់ពន្ធនាគារ នឹងត្រូវជាប់ពន្ធនាគារពី១០ឆ្នាំទៅ១៥ឆ្នាំ។

លោកបន្តថា ចំពោះការលើកឡើងថាគ្រូពេទ្យព្យាបាលជនរងគ្រោះបណ្ដាលឱ្យស្លាប់ដោយសារទុកយូរពេកនោះ លោកនឹងចាត់ឱ្យព្រះរាជអាជ្ញារងម្នាក់ចុះធ្វើការងារនោះបន្ថែមទៀត ដើម្បីឲ្យមានភាពយុត្តិធម៌ទាំងសងខាង។ ចុងក្រោយលោកព្រះរាជអាជ្ញាអមសាលាដំបូងខេត្តសៀមរាប ថ្លែងអំណរគុណដល់បងប្អូនអ្នកសារព័ត៌មានជាតិនិងអន្តរជាតិ ដែលបានចំណាយពេលដ៏មានតម្លៃ ចុះមកយកព័ត៌មានផ្ទាល់នៅសាលាដំបូងខេត្តដើម្បីយករឿងនេះទៅផ្សព្វផ្សាយព័ត៌មានពិតមិនលំអៀង និងមិនគេងចំណេញនយោបាយ។

គួររំលឹកថា អ្នកសារព័ត៌មានអនឡាញមកពីអង្គភាពសារព័ត៌មានកម្ពុជាអភិវឌ្ឍន៍ ក្នុងខេត្តសៀមរាប លោក ឈឿង ឈឹង ត្រូវបានគេបាញ់ប្រហារឱ្យរងរបួសធ្ងន់កាលពីថ្ងៃទី ៤ ខែធ្នូ ឆ្នាំ ២០២៤ ហើយបានស្លាប់នៅយប់ម៉ោង ២យប់ ឈានចូលថ្ងៃទី ៧ ខែធ្នូ ឆ្នាំ ២០២៤ នៅមន្ទីរពេទ្យបង្អែកខេត្តសៀមរាប។

ក្រុមអ្នកសារព័ត៌មានលើកឡើងថា អ្នកកាសែតដែលចុះផ្សាយការកាប់បំផ្លាញព្រៃឈើខុសច្បាប់នៅកម្ពុជាប្រឈមនឹងអំពើហិង្សាជាញឹកញាប់ ខណៈកំពុងស៊ើបអង្កេតទំនាក់ទំនងរវាងសមត្ថកិច្ចជំនាញ និងអ្នកជួញដូរឈើ។

បន្ទាប់ពីកើតហេតុលើអ្នកសារព័ត៌មាននៅខេត្តសៀមរាប ក្រុមអ្នកសារព័ត៌មាន ស្នើដល់សមត្ថកិច្ចគ្រប់ជាន់ថ្នាក់បន្តការសហការជាមួយអ្នកសារព័ត៌មាន ឱ្យបានរលូននិងផុសផុលថែមទៀត ដើម្បីឱ្យបទល្មើសផ្សេងៗថមថយខ្លះ ហើយគួរចាត់ទុកអ្នកសារព័ត៌មានជាដៃគូដែលមិនអាចខ្វះបាន៕

ដោយ ៖ ជុន កុសល

The post អយ្យការអមសាលាដំបូងខេត្តសៀមរាប ធ្វើសន្និសីទសារព័ត៌មាន ពាក់ព័ន្ធករណីឃាតកម្មលើអ្នកកាសែត appeared first on Kampuchea Thmey Daily.

ក្នុងនោះ​កម្មវិធី​បើក​ត្រូវបាន​ចូលរួម​ក្រោម​អធិបតីភាព​ដ៏​ខ្ពង់ខ្ពស់​ពី​ ឯកឧត្តម​បណ្ឌិត​សភាចា​រ្យ ហង់​ជួន ណា​រ៉ុ​ន ឧបនាយករដ្ឋមន្ត្រី និង​រដ្ឋមន្ត្រីក្រសួង​អប់រំ យុវជន និង​កីឡា ឯកឧត្តម Justin Whyatt ឯកអគ្គរាជទូត​អូស្ត្រាលី​ប្រចាំ​កម្ពុជា លោកស្រី Bridgette L. Walker ភារធារី​សហរដ្ឋ អាមេរិក​ប្រចាំ​កម្ពុជា លោក Marc Thayre អនុប្រធាន​បេសកកម្ម​ចក្រភព​អង់គ្លេស​ប្រចាំ​កម្ពុជា លោក ម៉ៅ ស្រេង នាយក​ប្រចាំ​ប្រទេស​ នៃ​ស្ថាប័ន អាយ ឌី ភី អេ​ឌ្យូ​ខេ​សិន និង​ស្ថាបនិក​សន្និសីទ CamTESOL និង​លោក Ashley Irving នាយក​នៃ​មជ្ឈមណ្ឌល​អូស្ត្រាលី​សម្រាប់​ការបណ្តុះបណ្តាល (​សាលា ACE)។កម្មវិធី​បើក​ នៃ​សន្និសីទ CamTESOL ប្រចាំឆ្នាំ​លើក​ទី ២០ ក៏មាន​រំលេច​នូវ​ផ្ទាំង​ទស្សនីយភាព​ដ៏​អស្ចារ្យ ដែលជា​កិច្ច​ស្វាគមន៍ និង​បង្ហាញ​ពី​វប្បធម៌ និង​សិល្បៈ​ល្អ​ឯក​របស់​កម្ពុជា​ជូនទៅ​កាន់​គណៈ​ប្រតិភូ​ជាតិ និង​អន្តរជាតិ​រាប់ពាន់នាក់​ដែល​មកពី​ជុំវិញ​ពិភពលោក ក្នុងនោះ​រួមមាន​របាំ​អប្សរា និង​ការ​សម្ដែង​តេក្វាន់​ដូ និង​ក្បាច់ល្បុក្កតោ​ជាដើម។

រយៈកាល ២០ ​ឆ្នាំ​ មកនេះ​ សន្និសីទ CamTESOL មាន​អ្នកចូលរួម​សរុប​ប្រមាណ​ជាង ២៥០០០ នាក់ តំណាង​ឲ្យ ៨០ សញ្ជាតិ មកពី ៦​ ទ្វីប​ផ្សេងគ្នា និង បទ​បង្ហាញ​សរុប​ប្រមាណ​ជាង ៨០០០ ប្រធានបទ​ផ្សេងៗ ត្រូវបាន​លើក​យកមក​បង្ហាញ​នៅក្នុង​សន្និសីទ​។ ចំណែកឯ​សន្និសីទ CamTESOL ប្រចាំឆ្នាំ​លើក​ទី ២០ ឆ្នាំនេះ​ដែល​ស្តីពី​ការបង្រៀន​ភាសា​អង់គ្លេស​ប្រព្រឹត្ត ឡើង​នៅឯ​វិទ្យាស្ថាន​បច្ចេកវិទ្យា​កម្ពុជា​ធ្វើឡើង​ក្រោម​មូលបទ ការបង្រៀន​ធ្វើយ៉ាងណា​ពង្រឹងសមត្ថភាព សិស្ស​ឲ្យ​ទទួលបាន​ភាពជោគជ័យ ឬ Preparing Successful Learners: Bringing Real Language into the ELT Classrooms។

គួរបញ្ជាក់​ផងដែរ សន្និសីទ​ដ៏​ធំ​មួយ​នេះ​បាន​រួម​បញ្ចូល​បទ​បង្ហាញ​ប្រមាណ​ជាង ៥០០ ដោយ​ធ្វើឡើង​ពី​វាគ្មិន និង​គណៈប្រតិភូ​ចូលរួម​ប្រមាណ​ជាង ១៧០០ នាក់​ ដែល​មកពី ៤០ ប្រទេស​នៅ​ជុំវិញ​ពិភពលោក។

សន្និសីទ CamTESOL ទទួលបាន​ប្រជាប្រិយភាព​យ៉ាងខ្លាំង​ក្លា និង​បន្ត​ផ្ដល់នូវ​វេទិកា​សម្រាប់​គ្រួ​បង្រៀន ភាសា​អង់គ្លេស និង​គ្រូឧទ្ទេស អ្នកស្រាវជ្រាវ​ក្នុង​វិស័យ​ផ្នែក​បង្រៀន​ភាសា​អង់គ្លេស (ELT) និង​ភាសាវិទ្យា បុគ្គលិក​រដ្ឋបាល​របស់​សាលារៀន​ និង​សាកលវិទ្យាល័យ​ដែល​បណ្ដុះបណ្ដាល​ផ្នែក​ភាសា​អង់គ្លេស ព្រមទាំង​អ្នក​អប់រំ​ដែលមាន​ចំណាប់អារម្មណ៍​ក្នុងការ​អប់រំ​ភាសា​អន្តរជាតិ។

ឯកឧត្តម​បណ្ឌិត​សភាចា​រ្យ ហង់​ជួន ណា​រ៉ុ​ន ឧបនាយករដ្ឋមន្ត្រី និង​រដ្ឋមន្ត្រីក្រសួង​អប់រំ យុវជន និង​កីឡា បាន​ថ្លែង​អបអរសាទរ​ដល់​ស្ថាប័ន​អប់រំ អាយ ឌី ភី អេ​ឌ្យូ​ខេ​សិន ​ក្នុង​ការរៀបចំ​សន្និសីទ CamTESOL ដែលជា​ផ្នែក​ក្នុងការ​អភិវឌ្ឍ​ធនធានមនុស្ស និង​ជំរុញ​លើកកម្ពស់​ការ​អភិវឌ្ឍ​វិស័យ​អប់រំ​នៅ​កម្ពុជា និង​អន្តរជាតិ​។ ក្នុងនោះ​ ឯកឧត្តម​ បាន​បន្តទៀតថា អ្នកចូលរួម​ នឹង​ទទួលបាន​ឱកាស​ក្នុង​ការ​រឹតចំណង និង​បង្កើន​មិត្តភាព​រវាង​គ្នា​ដើម្បី​រៀន​ពីគ្នា និង​បន្ត​ការ​អភិវឌ្ឍ​លើ​វិស័យ​បង្រៀន​ភាសា​អង់គ្លេស​ជា​រួម​។

ឯកឧត្តម Justin Whyatt ឯកអគ្គរាជទូត​អូស្ត្រាលី​ប្រចាំ​កម្ពុជា​ បាន​មានប្រសាសន៍ថា ​៖“​ប្រធានបទ នៃ​សន្និសីទ CamTESOL តែងតែ​ផ្តោត និង​ជំរុញ​លើ​គំនិត​អភិវឌ្ឍ​ថ្មីៗ​ដើម្បី​ធានាបាន​ការបង្រៀន ភាសា​អង់គ្លេស​ប្រកបដោយ​គុណភាព និង​ជា​គុណប្រយោជន៍​សម្រាប់​បណ្តា​សិស្ស និស្សិត​ទាំងឡាយ”។

លោកស្រី Bridgette L. Walker ភារធារី​សហរដ្ឋអាមេរិក​ប្រចាំ​កម្ពុជា​បាន​លើកឡើងថា​៖ “​សន្និសីទ CamTESOL​គឺជា​វេទិកា​ដ៏​ឆ្នើម​សម្រាប់​លោកគ្រូ​អ្នកគ្រូ​បង្រៀន​ភាសា​អង់គ្លេស​ក្នុងការ​ស្វែងយល់​ពី​គំនិត វិធីសាស្ត្រ​បង្រៀន និង​បច្ចេកវិទ្យា​ថ្មីៗ ដើម្បី​ធ្វើយ៉ាងណា​ឲ្យ​សិស្ស​ទទួលបាន​ការអប់រំ​ដ៏​ប្រសើរ​”។

“​ភាសា​អង់គ្លេស​ជា​ភាសា​ដែល​មាន​ការវិវឌ្ឍន៍​ច្រើន ហើយ​វា​ពិតជា​មាន​សារៈសំខាន់​សម្រាប់​សិស្ស និស្សិត​កម្ពុជា​ក្នុងការ​ស្វែងយល់​បន្ថែម​ពី​ភាសា​មួយ​នេះ ជាពិសេស​អំពី​វិធី​ដ៏​សម្បូរ​បែប​ក្នុង​ការ​ប្រើប្រាស់​ដើម្បី​បង្ហាញ​នូវ​គំនិត​របស់ខ្លួន​” ដែល​នេះ​ជាការ​លើកឡើង​របស់លោក Marc Thayre អនុប្រធាន​បេសកកម្ម​ចក្រភព​អង់គ្លេស​ប្រចាំ​កម្ពុជា។

លោក ម៉ៅ ស្រេង នាយក​ប្រចាំ​ប្រទេស​នៃ​ស្ថាប័ន​អប់រំ អាយ ឌី ភី អេ​ឌ្យូ​ខេ​សិន និង​ស្ថាបនិក​សន្និសីទ CamTESOL បាន​លើកឡើងថា សន្និសីទ CamTESOL បាន​ក្លាយជា​សន្និសីទ​ផ្នែក​បង្រៀន​ភាសា អង់គ្លេស​ឈានមុខ គេ​ប្រចាំ​អាស៊ី ហើយ​វេទិកា CamTESOL ឬ​ប្រទេស​កម្ពុជ​ បាន​ក្លាយជា​តំបន់​ក្នុង​ការ​ណាត់​ជួប​ និង​ស្វែងយល់​អំពី​គំនិត​ថ្មីៗ ការស្រាវជ្រាវ​ដ៏​សមស្រប វិធីសាស្ត្រ​បង្រៀន​ដ៏​ល្អឥតខ្ចោះ និង​ព័ត៌មាន​វិវត្ត​នានា ដែល​ពាក់ព័ន្ធ​ និង​ជា​ប្រយោជន៍​ជួយ​ដល់​ការអភិវឌ្ឍលើ​វិស័យ​បង្រៀន​ភាសាអង់គ្លេស​។

តំណាង​ឲ្យ​ស្ថាប័ន អាយ ឌី ភី អេ​ឌ្យូ​ខេ​សិន លោក ម៉ៅ ស្រេង ​ក៏បាន​ថ្លែងអំណរគុណ​យ៉ាង​ជ្រាលជ្រៅ​ដល់ ក្រសួង​អប់រំ យុវជន និង កីឡា ស្ថានទូត​អូស្ត្រាលី សហរដ្ឋអាមេរិក អង់គ្លេស ព្រមទាំង​ស្ថាប័ន​ដៃគូ​នានា ជាច្រើន ព្រមទាំង​អ្នកជំនាញ​នៅក្នុង​ផ្នែក​បង្រៀន​ភាសា​អង់គ្លេស​នៅក្នុង​ប្រទេស​កម្ពុជា តំបន់ អាស៊ីអាគ្នេយ៍ និង​អន្តរជាតិ​ដែល​បន្ត​គាំទ្រ​យ៉ាង​មុតមាំ​ក្នុងការ​រៀបចំ​សន្និសីទ​នេះ​ឡើង និង​ពង្រីក​វិសាលភាព​នៃ​វេទិកា​នេះ​សម្រាប់​ឆ្នាំក្រោយៗ​ទៀត​។​

យើង​ឃើញថា នៅក្នុង​កិច្ចពិភាក្សា​បើក​ពេញអង្គ រួមមាន បណ្ឌិត Bophan Khan សាស្ត្រាចារ្យ​នៅ​សាកល វិទ្យាល័យ​ភូមិន្ទ​ភ្នំពេញ សាស្ត្រាចារ្យ Jack C. Richards មកពី​សាកលវិទ្យាល័យ University of Sydney ប្រទេស​អូស្ត្រាលី ព្រមទាំង​បណ្ឌិត Richmond Stroupe ជានា​យក​គ្រប់គ្រង​កម្មវិធី​អនុបណ្ឌិត​ប្រចាំ Soka University នៃ​ទីក្រុង​តូ​ក្យូ ប្រទេស​ជប៉ុន​។​

សម្រាប់​សន្និសីទ CamTESOL នា​ឆ្នាំក្រោយ​ នឹងធ្វើ​ឡើង​នៅ​ខែកុម្ភៈ ឆ្នាំ ២០២៥ លើ​មូលបទ សំដៅ​យ៉ាងណា​រៀបចំ​អនាគត​ នៃ​វិស័យ​ផ្នែក​បង្រៀន​ភាសា​អង់គ្លេស​ ដោយ​ពឹង​ផ្អែក​លើ​កិច្ចសហការ​រវាង​គ្នា និង​កិច្ច​បង្កើត​ថ្មី ឬ Shaping the Future of ELT: Innovation, Collaboration, & Transformation​។ ដូច្នេះ​អ្នក​ជំនាញ​នៅ​ក្នុង​ផ្នែក​បង្រៀន​ភាសា​អង់គ្លេស ឬ លោកគ្រូ អ្នកគ្រូ អាច​ស្វែងយល់​លម្អិត​ពី​សន្និសីទ និង​ព័ត៌មាន​ក្នុង​ការ​ចូលរួម​បាន​តាមរយៈ​គេហទំព័រ ៖ camtesol.org៕

The post កម្ពុជា ទើបតែប្រារព្ធខួបទី ២០ នៃសន្និសីទ CamTESOL ដែលជាជំនួប​សម្រាប់អ្នកជំនាញក្នុងវិស័យផ្នែកបង្រៀនភាសាអង់គ្លេសដ៏ធំ ប្រចាំអាស៊ីប៉ាស៊ីហ្វិក appeared first on Kampuchea Thmey Daily.

ថ្លែង​ក្នុង​សន្និសីទ​នោះ​ដែរ លោក​សាស្ត្រាចារ្យ ងី ម៉េង នាយក​មន្ទីរពេទ្យ​មិត្តភាព​ខ្មែរ​-​សូវៀត បាន​មាន​ប្រសាសន៍​ថា សន្និសីទ​នេះ រៀបចំ​ឡើង​ក្នុង​គោលបំណង​ដើម្បី​បង្កើន​ចំណេះដឹង ពង្រឹង​សមត្ថភាព​របស់​គ្រូពេទ្យ​ក្នុង​ការ​ថែទាំ​សុខភាព​បេះដូង​របស់​អ្នកជំងឺ និង​បន្ត​អភិវឌ្ឍន៍​ចំណេះដឹង​ជំនាញ​ថ្មីៗ ក្នុង​ការ​ថែទាំ និង​ព្យាបាល​ប្រកប​ដោយ​សុវត្ថិភាព និង​ប្រសិទ្ធភាព​ខ្ពស់​ជូន​ដល់​អ្នកជំងឺ ព្រមទាំង​ការ​ការពារ​ហានិភ័យ​នានា ដែល​អាច​កើតមានឡើង​សម្រាប់​អ្នកជំងឺ​បេះដូង និង​ដើម្បី​ការពារ និង​កាត់បន្ថយ​អត្រា​កើត​ថ្មី នៃ​ជំងឺ​បេះដូង និង​សរសៃឈាម​ចំពោះ​ប្រជាពលរដ្ឋ​ក្នុង​ប្រទេស​កម្ពុជា។

លោក​សាស្ត្រាចារ្យ បាន​បន្ត​ថា លើស​ពី​នេះ​ទៀត សន្និសីទ​នេះ បាន​ប្រមូលផ្ដុំ​ប្រធានបទ​ដ៏​ល្អៗ ពី​វាគ្មិន​ថ្នាក់​ជាតិ អន្តរជាតិ ដែល​មាន​ប្រធានបទ ៨ ប្រធានបទ ក្នុង​នោះ​ដែរ​មាន​វាគ្មិន​ពី​មន្ទីរពេទ្យ​ថ្នាក់​ជាតិ​បេះដូង និង​សរសៃឈាម ហា​រ៉ា​ប៉ាន គី​តា ប្រទេស​ឥណ្ឌូណេស៊ី​ដែល​ផ្តោត​សំខាន់​ទៅលើ​ការ​លើក​កម្ពស់​ការថែទាំ និង​ព្យាបាល​សុខភាព​បេះដូង ដែល​មាន​អ្នកចូលរួម​វេជ្ជបណ្ឌិត​មក​មន្ទីរពេទ្យ​ថ្នាក់​ជាតិ​មាន​អ្នកចូលរួម​ផ្ទាល់​សរុប ១៥០ នាក់។

លោក​វេជ្ជបណ្ឌិត Iwan Dakota Director of National Cardiovascular Center Harapan Kita បាន​បញ្ជាក់​ថា កិច្ចសហការ​របស់​មន្ទីរពេទ្យ​ថ្នាក់​ជាតិ​បេះដូង និង​សរសៃឈាម ហា​រ៉ា​ប៉ាន គី​តា នៃ​ប្រទេស​ឥណ្ឌូណេស៊ី ជាមួយ​មន្ទីរពេទ្យ​មិត្តភាព​ខ្មែរ-សូវៀត នា​ថ្ងៃនេះ ដើម្បី​ជា​ទំនាក់ទំនង​រវាង​ប្រទេស​ក្នុង​តំបន់​អាស៊ាន​ជាមួយគ្នា ហើយ​មន្ទីរពេទ្យ​នេះ ក៏​ជា​មជ្ឈមណ្ឌល​ផ្នែក​ជំងឺ​បេះដូង​ផង​ដែរ៕

អត្ថបទ ៖ សំអឿន

The post កម្ពុជា-ឥណ្ឌូណេស៊ី បើកសន្និសីទវេជ្ជសាស្ត្របេះដូងអន្តរជាតិប្រចាំឆ្នាំ លើកទី ១ appeared first on Kampuchea Thmey Daily.

ពិធីបើកសន្និសីទសាកលលើកទី៣ នាពេលព្រឹកនេះ បានធ្វើឡើងក្រោមវត្តមានរបស់លោក លី ធុជ ទេសរដ្ឋមន្ត្រី និងជាអនុប្រធានទី១ អាជ្ញាធរមីន ដោយមានការចូលរួមពីតំណាងអង្គការសហការប្រជាជាតិស្ដីពីសិទ្ធិមនុស្សប្រចាំនៅកម្ពុជា ព្រះអង្គម្ចាស់ Mired Raad Zeid Al-Hussein ប្រេសិតនៃអនុសញ្ញាហាមប្រាមការប្រើប្រាស់មីនប្រចាំងមនុស្ស ប្រធានកិច្ចប្រជុំរដ្ឋភាគី លើកទី២១ នៃអនុសញ្ញាអូតាវ៉ា ព្រមទាំងគណៈប្រតិភូអន្តរជាតជាច្រើនទៀត។

សន្និសីទសាកលលើកទី៣នេះ ប្រព្រឹត្តទៅដោយផ្អែកលើសន្និសីទចំនួនពីរកន្លងទៅ (កូឡុំប៊ី និងហ្វ្រិកដានី) និងត្រូវរៀបចំឡើងដោយកម្ពុជា តាមរយៈអាជ្ញាធរមីន ក្រោមថវិកាគាំទ្រសាកលដែលផ្តល់ដោយក្រុមប្រឹក្សាសហភាពអឺរ៉ុប។គម្រោងសាកលរបស់សហភាពអឺរ៉ុប គាំទ្រដល់រដ្ឋភាគីនៃអនុសញ្ញាហាមប្រាមការប្រើប្រាស់មីនប្រឆាំងនឹងមនុស្ស ក្នុងការអនុវត្តកាតព្វកិច្ចផ្សេងៗក្នុងអនុសញ្ញា ដែលរួមមានជំនួយជនរងគ្រោះផងដែរ។

គោលបំណងមួយនៃសន្និសីទនេះ គឺផ្តល់ធាតុចូលសម្រាប់ផែនការសកម្មភាពក្រោមអនុសញ្ញា ដោយផ្ដល់ជាវេទិកាកម្រិតសាកលដើម្បីឱ្យសហគមន៍ និងជនដែលទទួលរងគ្រោះ បង្ហាញពីក្តីកង្វល់ និងបញ្ហារបស់ពួកគេ។ ទោះបីជា រៀបចំឡើងដោយកម្ពុជា តែសន្និសីទនេះ នឹងផ្ដោតទៅលើបញ្ហាសាកលដែលបានប្រឈមក្នុងការអនុវត្តជំនួយជនរងគ្រោះ ហើយកម្ពុជាក៏នឹងបង្ហាញពីកិច្ចប្រឹងប្រែងក្នុងសកម្មភាពជំនួយជនរងគ្រោះ ដែលក្នុងនោះរួមមាន ការបញ្ចូលជនពិការទៅក្នុងកម្មវិធីកីឡា និងកម្មវិធីផ្សេងៗទៀត។

សន្និសីទសាកល ក៏ជាការបង្ហាញពីភាពធន់របស់សហគមន៍នៃអនុសញ្ញា ក៏ដូចជាការអំពាវនាវឱ្យមានសកម្មភាព និង ការយកចិត្តទុកដាក់ចំពោះតម្រូវការនៃជនរងគ្រោះ ដែលវាជាកាតព្វកិច្ចបន្ថែមលើការបោសសម្អាតមីនក្នុងក្របខ័ណ្ឌ នៃអនុសញ្ញា។ គួរជម្រាបថា សន្និសីទសាកលនេះ មានការចូលរួមពីជនរងគ្រោះ អ្នកជំនាញក្នុងវិស័យជំនួយជនរងគ្រោះ ពិការភាព សិទ្ធិ មនុស្ស សុខាភិបាល ការងារ អភិវឌ្ឍន៍ និងវិស័យផ្សេងៗទៀត សរុបប្រមាណ ២០០នាក់ មកពីជាង ៤៥ប្រទេស (ទាំងសមាជិក និងមិនមែនសមាជិកអនុសញ្ញា)៕

អត្ថបទ៖ ធឿន វ៉ាន់សុង

The post កម្ពុជា ធ្វើជាម្ចាស់ផ្ទះសន្និសីទសាកលលើកទី៣ ស្ដីពីកិច្ចសង្គ្រោះជនរងគ្រោះថ្នាក់ដោយសារមីន appeared first on Kampuchea Thmey Daily.

• ក្រុមហ៊ុនអាស៊ានហុងដាម៉ូទ័រ ខូអិលធីឌី

Asian Honda Motor Co., Ltd.

• ក្រុមហ៊ុនស្រាវជ្រាវនឹងអភិវឌ្បន៏ផលិតផលហុងដាប្រចាំតំបន់អាស៊ីអាតេ្នយ៏

Honda R&D of Southeast Asia Co., Ltd.

• ក្រុមហ៊ុន អ៊ិន ស៊ី អិច ខូអិលធីឌី

N. C. X. Co., Ltd.

ក្នុងកម្មវិធីនេះក៏មានការបកស្រាយពន្យល់បន្ថែមពីបច្ចេកវិទ្យាដ៏ទំនើបចុងក្រោយ PGM-FI កាន់តែស៊ីជម្រៅ លើសពីនេះក៏មានជាការឆ្លើយនូវសំនួរពីខាងសារព័ត៌មាន ជាមួយនឹងការជិះសាកល្បងផ្ទាល់ដើម្បីឲ្យដឹងពីគុណភាពពិតៗរបស់ហុងដាឌ្រីម។

លោកបេនកៀស្រ៊ីថានាកន ប្រធានក្រុមហ៊ុនអិនស៊ីអិច បានលើកឡើងថា ម៉ូតូហុងដា Dream ត្រូវបានបង្កើតឡើងដោយភាពជឿជាក់ពីមួយជំនាន់ទៅមួយជំនាន់ ហើយការអភិវឌ្ឍនេះបានបំពេញបន្ថែមចំពោះ ក្តីស្រមៃរបស់ប្រជាជនកម្ពុជា ដើម្បីធ្វើអោយជីវិតកាន់តែប្រសើរ។

ភាពលេចធ្លោ តម្លៃ និងថាមពលនៃក្តីស្រមៃ (The Power of Dream) បានក្លាយជានិមិត្តសញ្ញានៃសមិទ្ធិផលជោគជ័យ / ដែលតំណាងឱ្យ តម្លៃ និងមោទកភាពនៃជីវិត ។

ដូចដែលយើងដឹងហើយថា Honda Dream ទទួលបាននូវការជឿជាក់បំផុតជាច្រើនទស្សវត្តន៍ណាស់មកហើយ តែងតែដក់ជាប់ក្នុងក្រអៅ បេះដូងរបស់អ្នកប្រើប្រាស់ក្នុងប្រទេសកម្ពុជា​ គ្រប់ជំនាន់។ ហើយនៅតែឈរក្នុងកំពូលតារាងលេខ១ ក្នុងការលក់ ជាប់គ្នារហូត ជាង ៣០ ឆ្នាំ។ ដែលការលក់សរុបនៃម៉ូដែលនេះមានចំនួនរហូតទៅដល់ ៣,១៦៤,៩៦៧ គ្រឿង បើគិតមកត្រឹមថ្ងៃនេះ។

ក្រុមការងារខាងសិក្សានិងអភិវឌ្ឍផលិតផលរបស់ក្រុមហ៊ុនហុងដាតែងតែផ្តល់អតិភាពក្នុងការទទួលយកមតិយោបល់របស់អតិថិជន ដើម្បីពង្រឹង និងធ្វើឱ្យប្រសើរឡើង ដោយអមមកជាមួយបច្ចេកវិទ្យាចុងក្រោយបំផុត / ដែលមានដូចជាប្រព័ន្ធម៉ាស៊ីន PGM-FI ដែល  ជាបច្ចេកវិទ្យាពី Honda​ Global / ដើម្បីបង្កើតផលិតផលដែលត្រូវតាមតម្រូវការ និងធ្វើអោយក្លាយជាម៉ាកយីហោយាន្តយន្តដែលល្បីបំផុត។

៨៩%   នៃបណ្តាប្រទេសក្នុងអាស៊ានបានផ្លាស់ប្តូរមកប្រើប្រាស់ប្រព័ន្ធបច្ចេកវិទ្យាម៉ាស៊ីន​​​​ ប៊ិចសាំង PGM-FI រួចមកហើយ / ហើយប្រទេសមួយចំនួនដូចជា ប្រទេសថៃ និងឥណ្ឌូនេស៊ី បានប្រើប្រាស់ម៉ាស៊ីន PGM-FI យ៉ាងពេញលេញ១០០%សម្រាប់គ្រប់ម៉ូដែលរបស់ម៉ូតូ Honda ទាំងអស់។ សម្រាប់ប្រទេសកម្ពុជា​ ឥឡូវនេះយើងបានប្រើប្រាស់ ប្រព័ន្ធម៉ាស៊ីន PGM-FI នេះ បានរហូតទៅដល់ ៩២% នៃម៉ូដែលរបស់ម៉ូតូ Honda ទាំងអស់។

ក្រុមហ៊ុន Honda បានប្រើប្រាស់បច្ចេកវិទ្យាម៉ាស៊ីនប៊ិចសាំង PGM-FI នេះ ដើម្បីផ្តល់ជូននូវដំណើរការម៉ាស៊ីនអោយកាន់តែប្រសើរ / ពន្យារភាពធន់របស់ម៉ាស៊ីនអោយប្រើប្រាស់បានកាន់តែយួរ / ធ្វើអោយការប្រើប្រាស់ប្រេងសាំងសន្សំសំចៃជាងមុន / ហើយសំខាន់បំផុតគឺអនុឡោមតាមគោលនយោបាយបរិស្ថានរបស់ប្រទេសកម្ពុជា នៃបទប្បញ្ញត្តិអំពីការបំភាយឧស្ម័ន Euro3  ដែលបានន័យថា ជួយរក្សាកំរិតជាតិពុល/ឬកាត់បន្ថយ ឧស្ម័ន្មកាបូន ក្នុងបរិយាកាស។

ជាពិសេស Honda Dream ស៊េរីថ្មី ដែលបំពាក់ដោយ ម៉ាស៊ីនប៊ិចសាំងនេះ អាចសន្សំសំចៃសាំងបានប្រសើរជាង ម៉ាស៊ីនប៊េនសាំងរហូតដល់ទៅ ១០% ។ សន្សំសំចៃបានច្រើន និងល្អបំផុត សម្រាប់ការប្រើប្រាស់ប្រចាំថ្ងៃ។

ជាមួយនឹងប្រព័ន្ធម៉ាស៊ីនប៊ិចសាំង ដែលបំពាក់នៅលើម៉ូដែលហុងដាឌ្រីមថ្មីនេះ អាចអោយអ្នកបើកបរជិះពីចំនុច 0 ទៅ ២០០ ម៉ែត្រ ក្នុងរយៈពេលត្រឹមតែ ១២.៧ វិនាទីតែប៉ុណ្ណោះ។ ចំនែកឯ ល្បឿនអតិបរមារវិញ អាចបើកបានរហូរដល់ ៩៦ គីឡូក្នុងមួយម៉ោង ។ ទាំងសន្ទុះម៉ាស៊ីន និង ល្បឿនអតិបរមា គឺមានសមត្ថភាព ល្អប្រសើរជាងម៉ាស៊ីនប៊េនសាំង។

សំនួរចម្លើយកំឡុងសន្និសីទសារព័ត៌មាន

ការជិះសាកល្បងផ្ទាល់ហុងដាឌ្រីមបន្ទាប់ពីសិន្និសីទសារព័ត៌មាន សាកល្បងពី អនុភាពម៉ាស៊ីន ​សំទុះ និងភាពងាយស្រួលក្នុងការប្រើប្រាស់របស់ហុងដាឌ្រីម

(អត្ថបទពាណិជ្ជកម្ម)

The post សន្និសីទសារព័ត៌មានស្តីអំពី​ ហុងដាឌ្រីម appeared first on Kampuchea Thmey Daily.