កិច្ចប្រជុំថ្ងៃនេះមានការចូលរួមពីប្រធានគណៈប្រតិភូ និងតំណាងសមាគមអតីតយុទ្ធជននៃបណ្តាប្រទេសជាសមាជិកទាំង១០ប្រទេស ព្រមទាំងឯកឧត្តម លោកជំទាវ លោក លោកស្រី នៃលេខាធិការដ្ឋាន VECONAC-CAMBODIA 2026 នៅសាលប្រជុំនៃទីស្នាក់ការកណ្តាលសមាគមអតីតយុទ្ធជន និងនិវត្តជនកម្ពុជា ស្ថិតនៅភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល។

នាយឧត្តមសេនីយ៍ មាស សាវ៉ន ប្រធាននៃអង្គប្រជុំបានអញ្ជើញថ្លែងសុន្ទរកថាបើកនៃកិច្ចប្រជុំ ក្នុងនាម នាយឧត្តមសេនីយ៍ គន់ គីម ជាប្រធាន VECONAC 2026 មានកិត្តិយសសូមសម្តែងនូវការគោរព និងស្វាគមន៍យ៉ាងកក់ក្តៅចំពោះវត្តមានរបស់គណៈប្រតិភូបណ្តាប្រទេសជាសមាជិក VECONAC ទាំងអស់ ដែលចូលរួមក្នុងកិច្ចប្រជុំគណៈកម្មាធិការការងារលើកទី៧ តាមប្រព័ន្ធនិម្មិតនាពេលនេះ។ នាយឧត្តមសេនីយ៍ មាស សាវ៉ន ថ្លែងបន្តថា បើទោះបីជាមិនមានការជួបជុំដោយផ្ទាល់ក៏ដោយ កិច្ចប្រជុំតាមប្រព័ន្ធនិម្មិតនេះនឹងផ្តល់ឱ្យយើងនូវមធ្យោបាយទាន់ពេលវេលា និងមានប្រសិទ្ធភាពដើម្បីជំរុញការរៀបចំរួមគ្នាសម្រាប់កិច្ចប្រជុំក្រុមប្រឹក្សាប្រតិបត្តិលើកទី៣៨ និងមហាសន្និបាតលើកទី២៥។

ឯកឧត្តមអគ្គលេខាធិការ មានប្រសាសន៍យ៉ាងមុតមាំថា ការចូលរួមក្នុងកិច្ចប្រជុំនាពេលនេះ គឺជាការលើកទឹកចិត្ត ការឯកភាពគ្នា និងការធានាបាននូវលទ្ធផលជោគជ័យនៃកិច្ចប្រជុំក្រុមប្រឹក្សាប្រតិបត្តិលើកទី៣៨ និងមហាសន្និបាតលើកទី២៥ នាពេលខាងមុខដែលកម្ពុជាធ្វើជាម្ចាស់ផ្ទះ។ ឯកឧត្តមជឿជាក់ថា ការខិតខំប្រឹងប្រែងរួមគ្នារបស់យើងនាពេលនេះ កិច្ចប្រជុំគណៈកម្មាការការងារលើកទី៧ នឹងទទួលបាននូវលទ្ធផលប្រកបដោយផលិតភាព និងប្រសិទ្ធភាពខ្ពស់។

លោក គីម សុផារុន ប្រធានគណៈកម្មាធិការការបរទេស នៃសមាគមអតីតយុទ្ធជន និងនិវត្តជនកម្ពុជា និងជាអគ្គលេខាធិការ VECONAC 2026 បានលើកឡើងក្នុងអង្គប្រជុំថា កិច្ចប្រជុំនៅថ្ងៃនេះត្រូវបានធ្វើឡើងប្រកបដោយការស្ថាបនា ការប្រមូលធាតុចូល និងអនុសាសន៍ដ៏មានតម្លៃស្របតាមរបៀបវារៈ ដែលជាលទ្ធផលនៃអង្គប្រជុំបានអនុម័តលើសេចក្តីព្រាង និងរបៀបវារៈសំខាន់ៗ មានដូចជា៖ កម្មវិធី និងរបៀបវារៈនៃកិច្ចប្រជុំក្រុមប្រឹក្សាភិបាលលើកទី៣៨, កម្មវិធី និងរបៀបវារៈបណ្តោះអាសន្ននៃកិច្ចប្រជុំគណៈកម្មការការងារលើកទី៣៨ និងមហាសន្និបាតលើកទី២៥, កម្មវិធីសម្រាប់ស្វាមី-ភរិយារបស់គណៈប្រតិភូ, កម្មវិធីបណ្តោះសាសន្ននៃវេទិកាធុរកិច្ចលើកទី៣។

មានប្រសាសន៍ក្នុងពិធីបិទកិច្ចប្រជុំ នាយឧត្តមសេនីយ៍ មាស សាវ៉ន បានថ្លែងអំណរគុណ និងកោតសរសើរដោយស្មោះចំពោះការប្តេជ្ញាចិត្តដ៏មុតមាំសម្រាប់ការចូលរួមចំណែក និងការចំណាយពេលវេលាដ៏មានតម្លៃចំពោះកិច្ចប្រជុំនេះ។

ជាការគួរកត់សម្គាល់ កិច្ចប្រជុំគណៈកម្មការការងារលើកទី៧ នាពេលនេះ បានប្រព្រឹត្តទៅដោយរលូន មានភាពរីករាយ គោរពគ្នាទៅវិញទៅមក ក្នុងស្មារតីភាពរឹងមាំជាភារតភាព ដែលបានឆ្លុះបញ្ចាំងយ៉ាងពិតប្រាកដនូវស្មារតីយូរអង្វែងរបស់ VECONAC ដោយទទួលបានមោទនភាព និងលទ្ធផលល្អប្រសើរដែលជាមូលដ្ឋានដ៏រឹងមាំសម្រាប់ការបង្កើនប្រសិទ្ធិភាព និងភាពជោគជ័យបន្ថែមទៀតនៃកិច្ចប្រជុំគណៈក្រុមប្រឹក្សាប្រតិបត្តិលើកទី៣៨ និងមហាសន្និបាតលើកទី៣៥ ដែលប្រព្រឹត្តទៅក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានៅក្នុងពិធីបើកដែលគ្រោងធ្វើឡើងនៅ ខែតុលា ឆ្នាំ២០២៦ ខាងមុខឆាប់ៗនេះ៕

The post កម្ពុជា ត្រៀមធ្វើម្ចាស់ផ្ទះមហាសន្និបាត VECONAC លើកទី២៥ ខណៈប្រទេសអាស៊ានរួមគ្នាពិនិត្យផែនការ appeared first on Kampuchea Thmey Daily.

ពិធីដ៏មានអត្ថន័យនេះ ត្រូវបានប្រារព្ធធ្វើឡើងនៅទីតាំងដីទល់មុខមន្ទីរអប់រំ យុវជន និងកីឡាខេត្ត ស្ថិតក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ ដោយមានការចូលរួមពីថ្នាក់ដឹកនាំមន្ទីរ-អង្គភាពជុំវិញខេត្ត តំណាងកងកម្លាំងប្រដាប់អាវុធទាំងបីប្រភេទ ព្រមទាំងសមាជិក សមាជិកា សមាគមអតីតយុទ្ធជន និងនិវត្តជនកម្ពុជាយ៉ាងច្រើនកុះករ។

ការសាងសង់អគារសមាគមថ្មីនេះ ត្រូវបានចាត់ទុកជាសមិទ្ធផលថ្មីមួយដ៏សំខាន់សម្រាប់ខេត្តតាកែវ ដែលឆ្លុះបញ្ចាំងពីការយកចិត្តទុកដាក់ និងការដឹងគុណយ៉ាងជ្រាលជ្រៅរបស់រាជរដ្ឋាភិបាល និងថ្នាក់ដឹកនាំគ្រប់លំដាប់ថ្នាក់ ចំពោះអតីតយុទ្ធជន និងនិវត្តជន ដែលបានលះបង់កម្លាំងកាយចិត្ត សាច់ស្រស់ឈាមស្រស់ ក្នុងបុព្វហេតុការពារជាតិមាតុភូមិ និងការរក្សាសន្តិភាពជូនប្រទេសជាតិ។
ថ្នាក់ដឹកនាំបានលើកឡើងថា អគារសមាគមអតីតយុទ្ធជន និងនិវត្តជនកម្ពុជា ប្រចាំខេត្តតាកែវ ដែលនឹងលេចរូបរាងឡើងនាពេលខាងមុខនេះ មិនត្រឹមតែជាទីស្នាក់ការបំពេញការងារប៉ុណ្ណោះទេ ប៉ុន្តែនឹងក្លាយជាមជ្ឈមណ្ឌលសម្រាប់ជួបជុំ ពិភាក្សា និងសម្របសម្រួលកិច្ចការងារនានា ដើម្បីគាំទ្រ និងលើកកម្ពស់ជីវភាពរស់នៅរបស់អតីតយុទ្ធជន និងនិវត្តជនក្នុងខេត្តឱ្យកាន់តែមានភាពប្រសើរឡើង។

ការបញ្ចុះបឋមសិលាសាងសង់អគារនេះ ក៏ជាការបន្តអនុវត្តគោលនយោបាយយកចិត្តទុកដាក់លើសុខុមាលភាព និងសិទ្ធិប្រយោជន៍របស់អតីតយុទ្ធជន ដែលជាវីរជនបានចូលរួមចំណែកយ៉ាងធំធេងក្នុងការកសាង ការពារ និងអភិវឌ្ឍប្រទេសជាតិ រហូតសម្រេចបាននូវសុខសន្តិភាព និងការអភិវឌ្ឍដូចសព្វថ្ងៃ៕

អត្ថបទ៖ វីរៈ

The post រដ្ឋបាលខេត្តតាកែវ ចាប់ផ្ដើមសាងសង់អគារសមាគមអតីតយុទ្ធជន និងនិវត្តជនដើម្បីគាំទ្រ និងលើកកម្ពស់ជីវភាពរស់នៅរបស់អតីតយុទ្ធជន និងនិវត្ត appeared first on Kampuchea Thmey Daily.

ពិធីនេះមានការអញ្ជើញចូលរួមពីថ្នាក់ដឹកនាំ អ.ន.ក., លោក វ៉ា ថន អភិបាលខេត្ត និងជាប្រធាន អ.ន.ក.ខេត្ត, ថ្នាក់ដឹកនាំគណៈកម្មាធិការសមាគមខេត្ត, ប្រធានមន្ទីរ-អង្គភាពជុំវិញខេត្ត, កងកម្លាំងប្រដាប់អាវុធ, អាជ្ញាធរមូលដ្ឋាន និងអតីតយុទ្ធជន និងនិវត្តជន សរុបចំនួន ៧០០នាក់។

លោក វ៉ា ថន អភិបាលខេត្ត និងជាប្រធាន អ.ន.ក.ខេត្ត បានថ្លែងអំណរគុណដល់សម្តេចតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ដែលបានផ្តល់អគារទីស្នាក់សម្រាប់មន្រ្តីបម្រើ និងផ្តល់សេវាជូនសមាជិកដែលមានតម្រូវការ ឬបញ្ហាប្រឈម។ ទីស្នាក់ការសមាគមខេត្តនេះ នឹងក្លាយជាទីកន្លែងមួយបង្កលក្ខណៈងាយស្រួលសម្រាប់ទទួលការដោះស្រាយរាល់សំណើ និងសំណូមពររបស់សមាជិក។

លោកទេសរដ្ឋមន្ត្រី គន់ គីម មានប្រសាសន៍ថា យោងតាមអនុសាសន៍ដឹកនាំដ៏ខ្ពង់ខ្ពស់ពីសម្តេចតេជោ ហ៊ុន សែន ប្រធានសមាគម បានដាក់ចេញគោលការណ៍ក្នុងការកែសម្រួលសមាសភាពគណៈកម្មាធិការសមាគមអតីតយុទ្ធជន និងនិវត្តជនកម្ពុជា តាមបណ្តារាជធានី-ខេត្ត, ក្រុង-ស្រុក និងសាខាសមាគមឃុំ-សង្កាត់ កាលពីកន្លងទៅ គឺដើម្បីផ្តល់លទ្ធភាពដល់ការអនុវត្តគោលការណ៍ និងការយកចិត្តទុកដាក់ជូនអតីតយុទ្ធជន និងនិវត្តជនទាំងអស់ដែលបានមកជ្រកក្រោមឆ័ត្រមួយរបស់សមាគម។

លោកទេសរដ្ឋមន្ត្រីបញ្ជាក់ថា អតីតយុទ្ធជន និងនិវត្តជនទាំងអស់ដែលបានមកជ្រកក្រោមឆ័ត្រមួយរបស់សមាគម គណៈអចិន្រ្តៃយ៍គណៈកម្មាធិការកណ្តាលសមាគម បានសម្រេចរៀបចំប្រព័ន្ធគ្រប់គ្រងទិន្ន័យអតីតយុទ្ធជន និងនិវត្តជនដែលនឹងត្រូវដាក់ពាក្យចូលជាសមាជិក ឬសំណើផ្សេងៗដែលនឹងសម្រួលការងារបម្រើជូនសមាជិកទាំងអស់របស់សមាគម។ ប្រព័ន្ធគ្រប់គ្រងទិន្នន័យសមាជិកនេះ មានអត្ថប្រយោជន៍ក្នុងការអនុវត្តផែនការសកម្មភាពការងារ ដូចជា ការកំណត់អត្តសញ្ញាណសមាជិក និងក្រុមគ្រួសារក្នុងបន្ទុក កំណត់បែងចែងចំពោះសមាជិកដែលជួបការលំបាកដើម្បីទទួលបានផ្ទះ និងដីសម្បទានសង្គមកិច្ច កំណត់សមាជិកដែលទទួលបានប័ណ្ណសមធម៌ និងបន្តផ្តល់ប័ណ្ណសមធម៌ដល់សមាជិក​ដែលពុំទាន់ទទួលបាន ព្រមទាំងកំណត់ពីចំនួនសមាជិកមរណភាពដែលទទួលបានប្រាក់បេឡាមរណសង្គ្រោះ។

លោកទេសរដ្ឋមន្ត្រី គន់ គីម បន្តថា ការរៀបចំប្រព័ន្ធគ្រប់គ្រងទិន្នន័យនេះ គឺជាផ្នែកមួយស្របតាមយុទ្ធសាស្រ្ត បញ្ចកោណដំណាក់កាលទី១ ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាអនុប្រធានទី​១សមាគម ដោយកំណត់អាទិភាពលើ មនុស្ស ផ្លូវ ទឹក ភ្លើង និងបច្ចេកវិទ្យា។

លោកទេសរដ្ឋមន្ត្រី ក៏បាននាំយកការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី, សម្តេចបវរធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ ចន្ទមុន្នី ជូនអតីតយុទ្ធជន និងនិវត្តជនទាំងអស់ សូមរក្សាសុខភាពឱ្យបានល្អ ដើម្បីបន្តទទួលបានការយកចិត្តទុកដាក់ និងអត្ថប្រយោជន៍បន្ថែមទៀតពីរាជរដ្ឋាភិបាល៕

The post ទេសរដ្ឋមន្ត្រី គន់ គីម អញ្ជើញសម្ពោធដាក់ឲ្យប្រើប្រាស់ទីស្នាក់ការសមាគម អ.ន.ក.ខេត្តក្រចេះ appeared first on Kampuchea Thmey Daily.

ពិធីនេះមានការអញ្ជើញចូលរួមពីលោក គីម រិទ្ធី អភិបាលនៃគណៈអភិបាលខេត្ត និងជាប្រធាន អ.ន.ក.ខេត្ត, ថ្នាក់ដឹកនាំគណៈកម្មាធិការសមាគមខេត្ត, ប្រធានមន្ទីរ-អង្គភាពជុំវិញខេត្ត, កងកម្លាំងប្រដាប់អាវុធ និងបងប្អូនអតីតយុទ្ធជន និងនិវត្តជនសរុបចំនួន ៣៥០នាក់ ។

ក្នុងរបាយការណ៍ស្វាគមន៍របស់លោក គីម រិទ្ធី អភិបាលខេត្ត និងជាប្រធាន អ.ន.ក.ខេត្ត បានឲ្យដឹងថា ក្នុងនាមប្រធាន អ.ន.ក.ខេត្ត នឹងរៀបចំឲ្យមានការក្រុមការងារប្រចាំការ ដើម្បីបែងចែកតួនាទី និងភារកិច្ចរបស់មន្រ្តី ក្នុងការបម្រើសេវាលើតម្រូវការជូនសមាជិកទាំងអស់ជាអតីតយុទ្ធជន និងនិវត្តជន។

នាឱកាសនេះ លោកទេសរដ្ឋមន្ត្រី គន់ គីម ថ្លែងថា ការសាងសង់ទីស្នាក់ការសមាគមធ្វើឡើងក្នុងគោលបំណងជួយសម្របសម្រួល និងផ្តល់សេវា ព្រមទាំងដោះស្រាយបញ្ហាប្រឈមទាំងឡាយជាប្រយោជន៍ជូនអតីតយុទ្ធជន និងនិវត្តជនឱ្យបានទាន់ពេលវេលា។

លោកទេសរដ្ឋមន្ត្រី ថ្លែងទៀតថា សម្តេចតេជោ ហ៊ុន សែន ប្រធានសមាគម និងសម្តេចធិបតី ហ៊ុន ម៉ាណែត អនុប្រធានទី១ សមាគម តែងតែណែនាំដល់ថ្នាក់ដឹកនាំសមាគមតាមបណ្តារាជធានី-ខេត្តទាំងអស់ ត្រូវចុះពិនិត្យឲ្យបានជាប់ជាប្រចាំជាមួយអតីតយុទ្ធជន និងនិវត្តជនក្នុងមូលដ្ឋានរស់នៅរបស់ខ្លួន ដើម្បីធានាពីជីវភាពរស់នៅប្រចាំថ្ងៃ ក៏ដូចជាសុខុមាលភាព សំដៅជួយលើកស្ទួយជីវភាពពួកគាត់ឲ្យទទួលបាននូវអត្ថប្រយោជន៍ជាច្រើន និងជីវភាពរស់នៅកាន់តែល្អប្រសើរឡើង៕

The post ទីស្នាក់ការសមាគមអតីតយុទ្ធជន និងនិវត្តជនខេត្តព្រះវិហារ ត្រូវបានសម្ពោធជាផ្លូវការ appeared first on Kampuchea Thmey Daily.

ក្នុងពេលចុះពិនិត្យវឌ្ឍនភាពដំណាំ និងការប្រមូលផលម្ទេស ការចិញ្ចឹមជ្រូកកណ្តុររបស់អតីតយុទ្ធជន និងនិវត្តជន លោក អ្នកឧកញ៉ា ម៉ម វណ្ណឌី មានប្រសាសន៍កោតសរសើរចំពោះគ្រួសារអតីតយុទ្ធជន និងនិវត្តជន ទាំងអស់ ដែលបានខិតខំប្រឹងប្រែងដាំម្ទេស និងចិញ្ចឹមថែទាំជ្រូកកណ្តុរ បើទោះជារដូវនេះជារដូវប្រាំងមានអាកាសធាតុក្តៅយ៉ាងណាក្តី តែបងប្អូននៅតែអាចថែទាំដំណាំម្ទេសបានល្អទទួលបានទិន្នផលច្រើន និងជ្រូកមានការរីកធំធាត់គួរឱ្យកត់សម្គាល់។

លោក អ្នកឧកញ៉ា ម៉ម វណ្ណឌី បានជំរុញ និងលើកទឹកចិត្តទៅអតីតយុទ្ធជន និងនិវត្តជន ដែលកំពុងដាំ និងប្រមូលផលម្ទេស ចិញ្ចឹមជ្រូកកណ្តុរ ត្រូវតែខិតខំបន្តក្នុងការថែទាំដំណាំ សត្វចិញ្ចឹមឱ្យកាន់តែល្អប្រសើរ និងជាពិសេសត្រូវតាមដានឱ្យជាប់នៃការវិវត្តនានានៃបញ្ហាដែលរំខាន និងប៉ះពាល់ដល់ដំណាំម្ទេស និងជ្រូកដែលខ្លួនចិញ្ចឹម ហើយត្រូវសហការ និងឆាប់រាយការណ៍ពីបញ្ហានានាដែលជួបប្រទះទៅមេភូមិ មន្ត្រីកសិកម្មប្រចាំភូមិ និងប្រធានសហគមន៍ដើម្បីដោះស្រាយឱ្យទាន់ពេលវេលា៕

The post អ្នកឧកញ៉ា ម៉ម វណ្ណឌី ជំរុញអតីតយុទ្ធជនបង្កើនផលិតកម្មកសិកម្ម ទោះជានៅរដូវប្រាំង appeared first on Kampuchea Thmey Daily.

លោកទេសរដ្ឋមន្រ្តី មានប្រសាសន៍ថា ការសាងសង់ទីស្នាក់ការសមាគមខេត្តព្រះសីហនុ គឺជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជនកម្ពុជា និវត្តជនកម្ពុជា។ គិតមកទល់ពេលនេះ ការសាងសង់ទីស្នាក់ការសមាគមខេត្តព្រះសីហនុ សម្រេចលទ្ធភាពប្រមាណជាង ៨០ភាគរយ និងគ្រោងបញ្ចប់ការសាងសង់នា ខែឧសភា ខាងមុខ ខណៈនៅតាមបណ្តា រាជធានី-ខេត្ត នៅទូទាំងប្រទេសមានទីស្នាក់សមាគមចំនួន ១៦ បានសាងសង់រួចរាល់។

លោកទេសរដ្ឋមន្រ្តី បញ្ជាក់ថា ការសាងសង់ទីស្នាក់ការសមាគម ធ្វើឡើងក្នុងគោលបំណងជួយសម្រួល និងបម្រើរាល់តម្រូវការការងារជូនថ្នាក់ដឹកនាំ និងសមាជិករបស់គណៈកម្មាធិការសមាគមអតីតយុទ្ធជន និងនិវត្តជនខេត្តឱ្យមានប្រសិទ្ធភាព និងទាន់ពេលវេលា។

សូមជម្រាបថា សម្តេចតេជោ ហ៊ុន សែន ប្រធានសមាគម និងសម្តេចធិបតី ហ៊ុន ម៉ាណែត អនុប្រធានទី១ សមាគម តែងតែណែនាំដល់ថ្នាក់ដឹកនាំសមាគមតាមបណ្តា រាជធានី-ខេត្ត ទាំងអស់ ត្រូវចុះពិនិត្យឱ្យបានជាប់ជាប្រចាំជាមួយអតីតយុទ្ធជន និងនិវត្តជនក្នុងមូលដ្ឋានរស់នៅរបស់ខ្លួន ដើម្បីធានាពីជីវភាពរស់នៅប្រចាំថ្ងៃ ក៏ដូចជាសុខុមាលភាព សំដៅជួយលើកស្ទួយជីវភាពពួកគាត់ទទួលបាននូវអត្ថប្រយោជន៍ និងជីវភាពរស់នៅកាន់តែល្អប្រសើរឡើង៕

The post ទីស្នាក់ការសមាគមអតីតយុទ្ធជន និងនិវត្តជន ខេត្តព្រះសីហនុ សម្រេចការសាងសង់បានជាង ៨០% appeared first on Kampuchea Thmey Daily.

ក្នុងមហាសន្និបាតលើកទី៣នេះ ក៏បានសម្រេចជ្រើសតាំងសម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា ធ្វើជាប្រធានសមាគមនេះអស់មួយជីវិតផងដែរ។

អញ្ជើញជាអធិបតីភាពនៅក្នុងមហាសន្និបាតនេះ សម្តេចតេជោ ហ៊ុន សែន ប្រមុខរដ្ឋស្តីទី និងជាប្រធានសមាគមអតីតយុទ្ធជន និងនិវត្តជនកម្ពុជា បានថ្លែងអំណរគុណចំពោះអតីតយុទ្ធជនទាំងអស់ ដែលបានផ្តល់សេចក្តីទុកចិត្តឱ្យសម្តេចធ្វើជាប្រធានសមាគមនេះ ជារៀងរហូត។ សម្ដេច ថា នេះគឺជាការជំរុញទឹកចិត្តដល់សម្តេចឱ្យកាន់តែមានថាមពល ឆន្ទៈខ្ពស់ ក្នុងការចូលរួមលើកស្ទួយ ជីវភាពអតីតយុទ្ធជន អតីតមន្ត្រីរាជការស៊ីវិល ដែលជានិវត្តជន និងគ្រួសារ ទាំងស្មារតី និងសម្ភារៈ ក៏ដូចជាការការពារភាពសុខដុមរមនាក្នុងសង្គមកម្ពុជាប្រកបដោយភាពជឿជាក់ និងប្រាកដនិយម។

ប៉ុន្តែយ៉ាងណាមិញ ពីវេទិកានៃមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស សម្តេចតេជោ បានគូសបញ្ជាក់ជាមុនថា នៅពេលដែលសម្ដេចពុំអាចបន្តការងារជាប្រធានសមាគមអតីយុទ្ធជន និងនិវត្តជនកម្ពុជាបាន ពេលនោះអនុប្រធានទី១ នឹងក្លាយជាប្រធានសមាគមនេះបន្តតែម្តង។

សមាគមអតីតយុទ្ធជន និងនិវត្តជនកម្ពុជា មានសម្ដេចតេជោ ហ៊ុន សែន ជាប្រធាន និងសម្ដេចធិបតី ហ៊ុន ម៉ាណែត ជាអនុប្រធានទី១ នៃសមាគម។

សមាគមអតីតយុទ្ធជនកម្ពុជា ដែលទើបប្ដូរឈ្មោះមកជាសមាគមអតីតយុទ្ធជន និងនិវត្តជនកម្ពុជា នាពេលនេះ ត្រូវបានផ្ដួចផ្ដើមបង្កើតឡើងដោយសម្ដេចតេជោ នាយឧត្តមសេនីយ៍ផុតលេខផ្កាយមាស៥ ហ៊ុន សែន កាលពីឆ្នាំ២០០៧។ ការបង្កើតសមាគមនេះឡើង គឺដើម្បីបំផុសស្មារតីជួយគ្នាទៅវិញទៅមក ជាពិសេស ដើម្បីលើកកម្ពស់ជីវភាពអតីតយុទ្ធជន អតីតមន្ត្រីរាជការស៊ីវិល និងក្រុមគ្រួសារពួកគាត់ តាមរយៈការសាងសង់ផ្ទះ ការផ្ដល់ដីសម្បទានសង្គមកិច្ច និងការទទួលបាននូវប្រាក់ឧបត្ថម្ភពីរដ្ឋាភិបាល ជាដើម។

ការសាងសង់ផ្ទះ និងការផ្ដល់ដីសម្បទានសង្គមកិច្ចដល់អតីតយុទ្ធជន និងអតីតមន្ត្រីរាជការស៊ីវិល គឺជាផ្នែកមួយនៃការដោះស្រាយគោលនយោបាយដ៏ចាំបាច់របស់រាជរដ្ឋាភិបាល តាំងពីអាណត្តិរដ្ឋាភិបាល ដឹកនាំដោយសម្ដេចតេជោ ហ៊ុន សែន និងបន្តដោយរដ្ឋាភិបាលដឹកនាំដោយសម្ដេចធិបតី ហ៊ុន ម៉ាណែតពេលនេះ ធ្វើយ៉ាងណាជួយលើកកម្ពស់ជីវភាពរស់នៅរបស់​អតីតយុទ្ធជន អតីតមន្ត្រីរាជការ ដែលបានបម្រើជាតិមាតុភូមិស្ទើរពេញមួយជីវិតរបស់ពូកគាត់៕

The post សមាគមអតីតយុទ្ធជន ត្រូវបានប្តូរឈ្មោះទៅជាសមាគមអតីតយុទ្ធជន និងនិវត្តជន ដោយសម្ដេចតេជោជាប្រធានអស់មួយជីវិត appeared first on Kampuchea Thmey Daily.

មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ដែលរៀបចំឡើងក្រោមអធិបតីសម្ដេចតេជោ ហ៊ុន សែន នាព្រឹកនេះ ធ្វើឡើងក្រោយមហាសន្និសីទនេះ ត្រូវបានលើកពេលកាលពីកន្លងទៅ ដែលគ្រោងធ្វើនាថ្ងៃទី២៦ ខែកក្កដា ឆ្នាំ២០២៥។ ប៉ុន្តែដោយកម្ពុជាមានបញ្ហាព្រំដែនជាមួយប្រទេសជិតខាង ការគ្រោងរៀបចំមហាសន្និសីទ ក៏ត្រូវបានផ្អាកបណ្ដោះអាសន្ន។

ថ្លែងបើកមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេសជាលើកទី៣នេះ សម្ដេចតេជោ ហ៊ុន​ សែន បានប្រកាសផ្លាស់ប្តូរសមាគមអតីតយុទ្ធជនកម្ពុជា ទៅជាសមាគមអតីតយុទ្ធជន និងនិវត្តជនកម្ពុជាវិញ។ ការផ្លាស់ប្ដូរឈ្មោះសមាគមនេះ សម្ដេចតេជោ បានបញ្ជាក់ថា គឺដើម្បីឱ្យទាំងអតីតយុទ្ធជន និងមន្ត្រីរាជការស៊ីវិលដែលចូលនិវត្តន៍ ស្ថិតក្រោមដំបូលតែមួយរបស់សមាគម ហើយនេះជាបង្ហាញអំពីការផ្សារភ្ជាប់កាន់តែកៀកជាមួយមន្ត្រីរាជការស៊ីវិលដែលចូលនិវត្តន៍ និងអតីតយុទ្ធជន។

បើតាមសម្ដេចតេជោ ក្នុងមហាសន្និបាតនេះ ក៏នឹងដាក់ឆ្លងអង្គមហាសន្និបាតសម្រេចនូវការធ្វើវិសោធនកម្មលក្ខន្តិកៈ ដើម្បីបញ្ជូលនិវត្តជនឱ្យមកជ្រកក្រោមឆ័ត្រតែមួយរបស់សមាគម និងសេចក្ដីព្រាងរបាយការណ៍លទ្ធផលការងាររយៈពេល១០ឆ្នាំរបស់សមាគម ផងដែរ។

គួរជម្រាបថា សមាគមអតីតយុទ្ធជនកម្ពុជា ត្រូវបានផ្ដួចផ្ដើមបង្កើតឡើងដោយសម្ដេចតេជោ នាយឧត្តមសេនីយ៍ផុតលេខផ្កាយមាស៥ ហ៊ុន សែន និងបានបើកមហាសន្និបាតតំណាងសមាគមអតីតយុទ្ធជនកម្ពុជាទូទាំងប្រទេស លើកទី១ នៅថ្ងៃទី២១ ខែមិថុនា ឆ្នាំ២០០៧។ខណៈមហាសន្និបាតតំណាងសមាគមអតីតយុទ្ធជនកម្ពុជាទូទាំងប្រទេសលើកទី២ បានប្រព្រឹត្តទៅនាថ្ងៃទី០១-០២ ខែកញ្ញា ឆ្នាំ២០១៥ នៅរាជធានីភ្នំពេញ ដើម្បីកែសម្រួលលក្ខន្តិកៈ និងរចនាសម្ព័ន្ធដឹកនាំឱ្យស្របទៅ នឹងសភាពការថ្មី៕

The post មហាសន្និបាតសមាគមអតីតយុទ្ធជន​បានចាប់ផ្ដើមបើកនៅថ្ងៃនេះ ក្រោមការដឹកនាំរបស់សម្ដេចតេជោ appeared first on Kampuchea Thmey Daily.